ƒαн∂ мαн∂ι ♩

عزتي لي من جروحٍ سبايبها الطبيب كيف يقوى يقترفها وهو دكتورها الطعون اللي بـ لبنان كيف لها تطيب ما تطيب وبرقها لاح من بيروتها ما وددت انزح ولكن هوى حبّك سليب للكرامه والكرامه انا من دونها كنت روحٍ للشعر لكن الشّي الغريب غبت والافراح بعدك تلوح بروقها يا حبيبٍ شمس حبّك تهادت للمغيب شمعةٍ احييتها وانت سبّة موتها

لا تجرح الطيب وله قدرٍ وشان من طيبه يجبّر كسورٍ تجرمه يسعى لحق الغير لو عشره ثمان ولاحتاج ، ما عيّن مثيله يكرِمه ما للردى عنده زمان ولا مكان الله وهبْه النور في وسط عْتمه والله لو ان جروحه بوجهه تبان سادت على وجهه ليالٍ مظلمة لو قال في وجهي ترا وجهه ضمان لان البعض يوم الوعود مسيلمه

وش حيلتي لا هز الاحداق زلزال ينهب مرابعها ويغزر مطرها عمرت صدري لك مداهيل واجلال شيّدتها لكن رحيلك هدمها فداوي لدربك وبالحال والمال وافنيت لك حب البسيطه واهلها ياكيف تلقي بالغلا حد الاهمال وترمي بكلمة ما حسبت لثمنها تخطي على اللي فرّقك بين الازوال وغلطتك يدفع بالقصايد ثمنها قفّى وكن حول النحر عقدة حبال يذكر (يا كيف انساك) واللي نطقها ويحاضي الماضي من الحاضر الظال بشاعة الحاضر خطيرٍ ضررها

ادري بخطوط الوصل تلقى الملاوي يجوز حتى ان العواقب وخيمۿ لكن هواوي وش يرد الهواوي لعيون خلّه يرتكب له جريمـ‎ۿ تايه بوسط الناس كنّي خلاوي بالي بعيد وحالتي مستديمۿ سبايب اللي كنّه الصبح ضاوي اللي بـ قلبي له مكانه عظيمۿ لا طل توّي كنْه نجمٍ سماوي اتوق لشوفه ولعذوبــــ ـة نسيمۿ في غيبته عايش حياتي شقاوي فرقا عيونه إنكسار وهزيمۿ اكذب عليه ان قلت فالبعد قاوي الا العمر دونه عذاب وظلييييمۿ

اشعل شموع المواصل يا مهمّلني يا من عشقته وظلمه لي تولّاني اشعل شموع المواصل لا تهمّلني ياللي لحزني وللضيقات يحداني حبٍّ على مواجه الشرهات يلحقني ليته قبل ما يهمّلني تحفّاني هجرك من العام لين اليوم مرهقني رهين في سطوة ابياتي وقيفاني دايم وطيفك على الطرقه يواغلني ما كنّي اللي سرى الطرقات وحداني اترجم اوجاعي وغيري يشاركني ولا لي الا القصيد يترجم احزاني تمرّني كسرة الخاطر على جفني على مداراة دمع الموق غرقاني من الله احبّك وحبّك تملّكني ولا اعلم ان غلطة الشاطر تمثناني ملقوف يعرف غلاك ومنك ينشدني من نشدته هزّ لأرجائي لشرياني طرت علي ذكرياتٍ فيك تجمعني الزينه شوي والا الباقي شياني لوني تفاديت حبّك قبل تجرحني ما كان حزني على وجهي تبنّاني انت الوحيد اللي اسلوبه مزعلني حرمتني من وداعك قبل هجراني متأني وخايف العجله تندّمني لكن تأنيت ثم عودّت ندماني

انت الوحيد اللي اسلوبه مزعلني حرمتني من وداعك قبل هجراني متأني وخايف العجله تندّمني لكن تأنيت ثم عودّت ندماني.

لي خاطرٍ ضيّق ليا منّه اشتاق شلت القلم أكتب بليّا تكاليف اعبّر بشوقٍ ما تحمله أوراق يحزن مواليفٍ ويسعد مواليف قصيد من يقراه يبكي ويشتاق يظلم وينصر به قلوب المواليف

" والله ما اخبر اني مناصر للحيا‎ۿ لـــكــن تعرّض لي وصرت احبّها "