- س ‏ঌ .

س🪶. الليله النار وسط القلب وهاجه والعين قد السهر مثرنً فيها ياليت الليالي كلها صبر ومواجه ما كان الدموع الحزينه بان خافيها عزيت قلبي يوم كلن اقطب سراجه سلكت برمال الهوى تايهً فيها ياونتي ونة سجينً يرقب افراجه الحكم جاير ولا درا ويش تاليها من صاحبً مامن ورى صدته حاجه اقفى والنار في قلبي يصاليها

س🪶. سقى الله يوم كنت اتحرى مواصيلك قبل يعيفك القلب وتروح دون تبرير العام كنت شفوق ن على مراسيلك واليوم معاد لك في خانة القلب تعبير

س🪶. الا يالله اني طالبك ماغيرك اللي طلبناه تشرح صدرً به الهم مذيني البارحة حرام عيني نومها ماتهناه كن جوف صدري نارً تصاليني من كم حاجتً ودينً ما قضيناه تقسم الراتب على المداييني الا يازمن لاتحد المغربل على اقصاه وتشمت الشامت وتفرح معاديني يالله برزقً مانعله ولا نخفاه يشرح خاطري ومن الهم ينسيني عفا الله من قلبً لاعه الهوى وابكاه وعينً لانامو الخلايق همها مسريني وجودي وجود اللي طاح في قبضت عداه وهو خابرً انه يقسم الصف صفيني على اللي كوا قلبي وانا عاجز ً انساه اقفى وهو عارفً ماحب طرد المقفيني جعل يسقى يوم الهوى على ما ابغاه قبل ماذوق مرّه وخلي يجافيني

س🪶. يازين اللي داخل لصنصير شفناه جادلً على المرايه فلّت شعرها جاني كما ريمً ذاير يجر خطاه والعيون عذاب القلوب وسحرها والخد كما برق ليلً انتحا مسراه ونهوده حارت الوصوف وجهرها ياليت مامرني كيف ياربع بنساه اقفى ولاهب نار كبدي سعرها

س🪶. جعل يسقى زمانً مضا كيف كان يوم قلبي فالهوى مشرّع جوفه زمانً من عقب ذاك الطرب شان ولا عاد مرنا وليفً كنا نشوفه جيت المكان اللي به القمر بان ولا لقيت اللي له النفس ملهوفه والجو خالي من الخلق والخلان حتى الورود اللي به العام مقطوفه الا ياحمام يسجع على لغصان هيضت ما بالضمير وعادت طيوفه جعل لا يسقى نهارً بوجهي شان يوم هليت دمعي على كتوفه فمان الله يا اعز الخلق والعربان ياوجهً فارق بين الخلايق وصوفه

س🪶. انا كل ما جاء العيد شانت علومي ولا عاد للفرح في داخلي جابه اتصنع بالسعاده واقوي عزومي وانا لو يكنشف حالي كلً درا به من عقب فرقا صاحبي زادت همومي ياليت قلبي بالهوى معاد يشقا به مرت سنين كلها طعون وسهومي عسى الله يفرح قلب همّه غدا به

س🪶. العيد جانا والعرب كلً يعايد الا انا وانت ياقلبي حزينين بعايدك لو ما كلامي بفايد من العايدين ياقلبً فاقدً غالين من عقبهم حالي ونفسي نكايد كني يتيمً عايشً دون والين اصبر وتصبر لو شوقك لاهبه زايد ترى الهوى ياما وياما فرّق محبين

س🪶. حتى الزمن عقبك شح بعطاياه ولاعاد همّي غير اني اعيش متعافي مرت سنين تاخذ من العمر ماتبغاه لياليً موحشه وسنينً ,, عجافي سقى الله يوم كان الهوى على مانبغاه قبل تفرّقنا الليالي وتبحث الخافي

س🪶. سلامي على اللي لو نساني مانسيته وليفً ماهقيت تحدنا الليالي لفرقاه البارحه مريت داره ويوم ريته اقفيت وقلبي كنّ واهج النار تصلاه جعل يسقى قبل انتوادع يوم جيته وهلت عيوني دمعها يوم وادعناه ياوليفي نارك بالحشا جمره شبيته من يوم قفيت وحالي على مبناه عامين لو ينفع اليت قلت ياليته ما جرحني جرحً هو سبته ودواه ياوليفي قلي عسى حالي اليوم ريته تشوف به النقص وعيونك تحلاه وقلي عسى حالك على ما بغيته ترا عاد الغلا على ما كنت تبغاه

س🪶. البارحه يوم زل ثلث الليل ونيت ونة سجينً من السجن بايحً سده على اللي ماقويت انساه ولا نسيت ولا زلت راجيه ولا عاد له .. رده

س🪶. البارحه صدفني رقمً داخل الجوال وسريت ليلي وانا اجاذب الحاني وونيت لي ونةً .. سمت الحال تذكرت راعي الرقم يوم جافاني تذكرت منهو قطع دونا المرسال اقفى مادرى عقبه ويش جاني جعل يسقى يوم انا متراح بال قبل اعرف الهوى وجروح خلاني

س🪶. يامرحباً ترحيبة البدو للبرق لا لاح بالي لامن ضحك ضحكه يزيل اوجاعي

س🪶. يلوم المولع واحدً ماعرف بلواه ولا طواه البعد ميل ورى ميلي ولا جفاه من الهوى صاحبً يهواه ولاسهر ليل العنى .. والغرابيلي

س🪶. ونتي ونة سجينً راعه حكم قاضيه رفع قرار الحكم عليه عشرين عامي على اللي قطع وصله ولازلت راجيه اقفى مثل صيدً مخطي عنقه الرامي

س🪶. اما نعيش المحبه مثل ماصار بالمكسيك ولا ,, نستريح ونترك المحبه ,, لهلها عليك الهبا ياحبيبً تقطع صوتها يناديك من كثر حبها لك خلت الدوله تعتقلها قالت هاذي جريمه يوم انها .. تغليك شافت اتصالات ما يحصى عددها

س🪶. ياليتني اسلا من شًي على البال حاديني وادله من كثر الهواجيس .. وارتاح البارحه نامو الخلايق وانا همي مسريني على وليفً تل قلبي من بين الضلوع وراح وجودي على شوفه وصوته لامنه يناديني وجود اللي من الوقت والبعد سده باح ياليت قلبي من الهوى على حالي مخليني لاكن عادته القلب مايسمع عاذله لاناح ربطني غرامك ياوليفي لاكنه لاعبً فيني غرقت في حبك ومجاديف وصلك شحاح

س🪶. حسبي على اللي مرني وانا سالي وداله شحني صوته المبحوح وهيض اشجاني ذكرني بخلً غايب ولا ادري عن احواله يهزني طاريه ولاذكرته جريت الالحاني من اولً يسمعني وعجلً في وصاله واليوم تقطع صوتي لا سمعني ولا جاني

س🪶. من تركنا وقفى مالحقنا .. سرابه ومن هجرنا والله انحن له هاجرين كم واحدً خاب ضني يوم انه هقابه قفى وعارفً متبع دروب المقفين