Kurdzag

پیرۆزبایی جەژنی ڕەمەزان و جەژنی نەتەوەیی نەورۆز. جەژنی ڕەمەزانی پیرۆز لە تەواوی کوردستانیان و هاوبیرانی نەتەوەیی و موسڵمانانی جیهان پیرۆز بێت. هیواخوازین ئەم یادە پیرۆزە مژدەی خێر و خۆشی و تێپەڕاندنی هەموو ناخۆشییەک بێت بۆ نەتەوەی کوردی خۆڕاگر. ــــــــــــــــــــــــــــــــــــــــــــــــــــــ بەبۆنەی هاتنەوەی جەژنی نەتەوەیی نەورۆز و سەری ساڵی کوردی ٢٧٢٦، گەرمترین و پڕ بەپێستترین پیرۆزبایی ئاراستەی تەواوی کوردستانیانی دڵسۆز و هاوبیرانی نەتەوەیی دەکەین. نەورۆز ئەو جەژنە نەتەوەییە پڕ لە شکۆیەیە کە لە بنەڕەتدا لە قووڵایی مێژووی کورد و کولتووری کوردەوە سەرچاوەی گرتووە ئەم یادە پیرۆزە پێش ئەوەی بگاتە هەر گەل و نەتەوەیەک هێمای ڕاپەڕین و ئازادی و سەربەخۆیی نەتەوەی کورد بووە بەرامبەر ستەم.

پاراستنی قەوارەی نەتەوەیی هەرێمی کوردستان یەکسانە بە پاراستنی ماڵی هەموو کوردێک. ئەم بابەتە لای خۆتان بڵاو بکەنەوە زۆر گرنکە.

چالاکی نەتەوەیی سلێمانی. شێرە کوڕانی ئاڵای ڕەشی نەتەوەیی سلێمانی/کوردزاگ، هەستان بە ئەنجامدانی چالاکیێکی نەتەوەیی لەپێناو شکۆی زمانی کوردیدا. تابلۆیێک لەسەرچنار زمانی ئینگلیزی و عەرەبی زۆر بەگەورەیی لەسەر نوسرابوو بەڵام زمانی کوردی زۆر بە بچووکی لەژێریەوە نوسرابوو، بۆیە شێرە کوڕان وەکو ئەرکێکی نەتەوەیی هەستان بە ڕەشکردنەوەی نووسینە ئینگلیزیەکەو عەرەبیەکە.

کوردایەتی لە زمانەوە، چەکەرە دەکات و دەڕوێ بە کوردستان دەبێتە قەڵا و هەرگیز لە گڕ تێناچوێ ​زمان ڕیشەی ئەم دارەیە و شکۆ و شەڕەفیش گەڵا و بەری ئەم فکرەیە بێ‌کۆتاییە تا هەبێ کورد و زمانی ​نە مێژوو دەتوانێ بیسڕێ، نە دوژمن دەستی پێ دەگا کوردایەتی وەک زمانمان، نەوە بۆ نەوە هەر دەگا!

ئەگەر هەموومان بەم شێوەیە ڕووبەڕووی دوژمن ببینەوە، بەرامبەر یەک دڵەکانمان پاک بکەینەوە، پەرتەوازەیی نامێنێ، دوژمنیش ناتوانێ دەست بخاتە ناو خاکمان. #کوردزاگ_دەڵێ #kurdzagquotes

مانگی ڕەمەزانتان پیرۆز، مانگی ڕوحانیەت و نزیکبوونەوە لە خوای گەورە، لە نەتەوەی کورد و سەرجەم موسڵمانانی جیهان پیرۆز بێت. بەبۆنەی ئەم مانگە پیرۆزەوە، دەمانەوێت جەخت لەسەر ئەوە بکەینەوە کە ناوەڕۆکی پۆستەکان زیاتر بەرەو زانیاری مێژوویی و زانیاری گشتی دەربارەی کورد بێت. ​هەروەها بە تەواوی دوورکەونەوە لە بەکارهێنانی توندوتیژی و زمانی زبر. ئێمە باوەڕمان وایە کە کەسانی نەتەوەیی دەبێ ڕەوشتێکی بەرزیان هەبێ کە ببنە نموونە بۆ کەسانی تر، بۆیە لەم مانگەدا تەنها بە زمانێکی شیرین و ئەخلاقی بەرزەوە مامەڵە بکەن. ​خوای گەورە ڕۆژوو و عیبادەتەکانتان قبوڵ بکات.

ئایا ڕۆژئاوا کۆتایی هات یان گۆڕا بۆ قۆناغێکی نوێ؟ ​دوای ١٤ ساڵ لە حوکمڕانیی سەربەخۆ، ڕووداوەکانی کانوونی دووەمی ٢٠٢٦ هەموو هاوکێشەکانیان گۆڕی. لەم ڕاپۆرتە ۲٥ لاپەڕەییەدا، بە وردی و قووڵی باسمان لە چۆنیەتی داڕمانی سەربازی، ناوەڕۆکی ڕێککەوتنی ٣٠ی کانوونی یەکەم و ئەو هەڵە ستراتیژییانە کردووە کە بوونە هۆی ئەم دۆخە. ​لەم ڕاپۆرتەدا دەخوێنیتەوە: 🔻 بۆچی هێڵەکانی بەرگری بەو خێراییە داڕمان؟ 🔻 کێشە فیکرییەکانی کۆنفیدڕاڵیزمی دیموکرات چی بوون؟ 🔻 چارەنووسی کورد لە دەستووری نوێی سوریادا بەرەو کوێ دەچێت؟ ​👇 بۆ خوێندنەوەی تەواوی ڕاپۆرتەکە:

کوردزاگ پڕۆژە ڕاستەقینەکەی لایە، لەدەرەوەی حیزب و پڕۆژەی دەرەکییە، هەڵقوڵاوی کۆمەڵگەی کوردییە تاوەکو فراوانتر بێ خاکی کوردستان پاکتر دەبێ، سێ خاڵی گرنگ دەربارەی کوردزاگ: ۱ـ سەر بەهیچ لایەنێکی سیاسی و پڕۆژەیێکی کاتی نییە کە بۆ قازانج و بەرژەوەندی کار بکا، بەڵکو پڕۆژەیێکی ستراتیژی قوڵی نەتەوەییە ئامانجی سەربەخۆیی کوردستانە. ۲ـ کوردزاگ هاوردە نییە بە پارە و بیر و فکری دەرەکی دروست نەکراوە، بەڵکو هەڵقوڵاوی ئازار و پێویستییەکانی ناوخۆی کوردستانە. ۳ـ باوەڕی بە ئاشتی ناوخۆیی و یەکگرتن هەیە، ئێمە بەچەک بەرگری ناکەین بەڵکو بە هۆشیاریی نەتەوەیی بەرگری لەخاکی کوردستان دەکەین. بۆیە دەڵێینەوە هەرچەندە کوردزاگ فراوانتر بێت، مانای وایە خاکی کوردستان پاکتر دەبێت لە دوژمن!

کاتێک خۆپیشاندان بە مۆدێل و نمایشی سەر شەقام دەڕازێنرێتەوە، ئەوا ڕوحیەتی داواکاری و نەتەوەیی دە*مرێت، لەجیاتی هاواری مافی نەتەوە و پاراستنی شکۆ، تەنها دەنگی چەپڵە و سێڵفی و میوزیک دێت کە دۆزێکی پیرۆز دەکرێ بە فیستیڤاڵێکی بێمانا و کورتخایەن. #کوردزاگ_دەڵێ #kurdzagquotes

پەیامەکەمان ڕوونە: نە ڕێگە دەدەین کەس لەژێر ناوی نەتەوەییدا سوکایەتی بە ئیسلام و موسڵمانان بکات، نە قبوڵیش دەکەین تیرۆریستان هێرش بکەنە سەر بیروباوەڕی نەتەوەیی و بنەماکانی لەژێر ناوی ئیسلامدا. پەیامی ئێمە ئاشتیی و یەکگرتن و بەیەکەوە بوونی کوردانی سەر بە هەر بیر و باوەڕێکی ئایینی و ئایدۆلۆژیە. #کوردزاگ_دەڵێ #kurdzagquotes

شێرە کوڕانی نەتەوەیی هەولێر هەڵمەتێکیان بۆ گەڕانەوەی شکۆی نەتەوەیی کردووە بۆ سەر چێشتخانە عەرەبیەکان، بۆ دانانی ئاڵای کوردستان و زمانی کوردی. ئەمە تەنیا ئاگاداریە جێبەجێ نەکردنی مەرجەکانی کوردزاگ مەترسیدار دەبێ بۆتان. #the_kurdish_black_and_white_hats/#KURDzag

نەتەوەییبوون بە مانای کۆکردنەوەی هەموو کوردێکە، نەوەک دروستکردنی دووبەرەکی. با لەیەکتری تێبگەین: نەتەوە بە لەیەکتری تێگەشتن و یەکگرتن و یەکڕیزی بەهێز دەبێ. ئاڵوگۆڕکردنی فکرەکان: لەجیاتی ڕەخنەگرتن لەفکرە جیاوازەکان، دەبێ کوێ لەیەکدی بگرین. خۆمان پڕ بکەین لەزانست: چونکە تەنها گەنجی زانا دەتوانێ کەلێنەکان پڕکاتەوە. واز لەشەڕی لاوەکی بهێنن: لەجیاتی وزە بەفیڕۆدان لەکۆمێنت، کتێبێک بخوێنەرەوە. با پێکەوە کار بکەین بۆ درووستکردنی نەتەوەیێک کە بە فکر و عەقڵ بەرگری لەنەتەوەکەی بکات.