قصائد حسينية مكتوبة

عدنه جريمة قتل...ناتجها أم و طفل و الجاني رد يعترف...و احنه فتحنه السجل فتحنه سجلهم رؤوس الجريمة...أخذنه اعترافات خطيرة و أليمة يشرحون تفاصيل جناية عظيمة...عليمن هجمتوا اعله حرمة و يتيمة كلمن روه قصته...عن هجمته و غايته فعل و فعل يختلف...و احنه فتحنه السجل شخص قال أنا اللي اشعلت نار عله الباب...حرقته و دخلنه و لا جان بالحساب لقيت الزجية وره الباب بلا احجاب...تنادي يبوية ولونه هالأعراب قال آنا شفت العجب...وجه البتول انضرب جف الصفعها صلف...و احنه فتحنه السجل شخص قال وره الباب تلاوذ شفتها...تره الباب ثقيلة و عليها ادفعتها اعصرتها لحد ما تون اسمعتها...تقلي عليمن و أنا اتجاهلتها آنا اعصرتها بقهر...أسمع ضلعها انكسر آنا الوله و ما يعف...و احنه فتحنه السجل يقول اصفعتها و شفت دم بيدية...أثاري الدمه من جفنها الزجية أسبها و كأنها غريبة و سبية...تقلي حجابي و أقلها اشعلية سبّيت أبوها و بجت...و اتحسرت ما حجت خفت الأرض تنخسف...و احنه فتحنه السجل شخص قال شفتها و شفت غم حزنها...زحف تمشي و اتقوم تدور اعله بنها إجه قنفذ بسوط رغم دم جفنها...ولاها و ضربها و غِده أزرق متنها واحد دفعها ابرمح...يسطرها فوق الجرح احنه نكرنه العرف...و احنه فتحنه السجل شخص قال شفتها توزع نظرها...لحيدر لفضه لبنها و كسرها اختلط دم جفنها مع دم صدرها...الصدر صابه مسمار لمن ذاك عصرها عالحايط أنظر دمه...كسروا ظهر فاطمه أنظرها راحت زحف...و احنه فتحنه السجل شخص قال أنا ثاني اثنين إجوها...وديعة رسول الله لا ترحموها إذا صاحت آني الزجية اضربوها...تقيدون بعلها و تشتمون أبوها عندي قلب ناصبي...أكسر ضلوع النبي خل الحقد ينكشف...و احنه فتحنه السجل أكو واحد ايصيح ابشري يزهره...قيدنه أبو حسين و لا من ينصره ابجي عله حسين و انظري اعله نحره...باجر نذبحه و ندوس اعله صدره زينب يجيها الشمر...وشكم ظهر ينكسر قصتها ما تنوصف...و احنه فتحنه السجل

آنـه أم الـبـنين ودهري ذبني.. حگي لو صحت يحسين يبني فگد الأربــعـه يـهـون.. وحـسـيـن الـسـبـانـي إتـعـبـت وسـهـرت الـلـيـالي وعلگت شمعة وجودي حـتـى ربـيـت الـبـنـيـن الأربـعـه البيهم سعودي نـعـاهـده وگصـدي بـربـاهـم أوفـي الزهره عهودي بـدمـهـم تـرانـي تـبرعت.... للزهره وبعهدي صدگت وظـنـيـت بـحـسـيـن اسـلمت...وبحياة حسين زودي فگد الأربـعـه مـا هـدم بـيـتي...لو بحسين ملزومه ثنيتي وشـلـون أصـبـر شـلـون...وحـسـيـن الـسـباني صـدگ سـاهـرت الـلـيـالـي ومـردت روحي برباهم وصـدگ صـاروا بـالـفـراسـه سـباع ما واحد لواهم وصـدگ خـيـّـم عـالـحـرايـب بيد ابو فاضل لواهم وذخـرت بـالـدنـيـا ذخرت .. عيناج صاحوا لو صحت ضـحـيـتـهـم وتـأمـلـت.... أشتري حسين بدماهم فگد الأربعه نشـّـف دموعي.. وعلى حسين متكسره ضلوعي وصـدر حـسـيـن مـسـحـون.. وحـسـيـن السباني شـلـون صـفـوة مـجـد مـن المرتضى الباري إصطفاهم ونـزّه مـن الـدنـس حـجـري وكـفل من حيدر ولاهم وطـهـّـر الـبـاري حـلـيـبي وامزجت روحي بغذاهم وغـرسـت بـيـهـم غـانـمـه.. وصاروا سباع الملحمه ولـحـسـيـن مـهـجـة فـاطمه...گلبي ولساني هداهم وعـن الأربـعـه لا تـنشدوني.. وبيهم يا خلگ لا تفجعوني فــازوا خـل يـفـوزون.. وحـسـيـن الـسـبـانـي يـابـشـر مـن تـصـد عـيـنـي لـبـو السجاد وجماله چانـك تـشـاهـد مـحـمـد يـزهـر بـلـون الرساله وآنـه وصّـيـت الـتـوزم بـالـعـلـم يـكـفل عياله والـكـفـل سـبع الگنطره.... والضعن لارض الطف سرى ومـا ادري بـحـسـيـن شـجـرى...وبـالتعهد بالكفاله بـس يـسـلـم حسين من المنايا...خلها تروح شباني ضحايا وعـنـهـم لا تـنـشـدون... وحـسـيـن الـسـباني آه يـا غـربـة عـلـيـل حـسـيـن مـن رد لـلمدينه وبـشـربـن حـذلـم يـنـادي بـنـايـبات الطف عمينه وسـمـع صـوت أم الـبـنـيـن تـصيح وين حسين وينه يـا بـشـر وضـح لـي الـخـبر....وخبرني بحسين إشصدر مـن بـاهـى شـبـلـج عـالـنهر.. گطعوا يساره ويمينه صـاحـت فدوه لحسين او وجوده .. لو عباس تتگطع زنوده والچفـيـن لـتـكـون ..... وحـسـيـن الـسـبـاني يـا بـشـر گلـلـي شـعـلـينه ديون وش شافت الكوفه يـا بـشـر صـدنـي عـلـى متني ولعد حال الطفل شوفه هـذا بـن عـيـلـة بـنـيـن وعـالـنهر گطعوا چفوفه لـو چان ابـو الـيـمـه عـدل .. يـا دهـر يتم هالطفل يـمـكـن عـزيـزي مـنچتـل....وگلبي جان عليه خوفه ولـحـال الـطـفل ممرود حالي....مسهر وانه ساهرت الليالي ومـا تـغـمـض لـي عـيـون... وحـسـيـن الـسباني يـا بـشـر مـاتـنـام عـيـنـي وشـابـحه للطف تراها تـفـتـش بـمـصـرع حـسـين ومصرع حسين الدهاها وتـصـد نـوبـه عـلـى الـشريعه تريد سهم اللي عماها وهـذا الـطـفـل حـس بـهـله ... برض الطفوف إمجتله ودم الـحـسـيـن بـكـربـلا... فـاض وتـطـيب ثرايا طـابـت كـربلا بدم الشهاده.. وانه حسين خلف لي السعاده أصـبـر والـصـبـر عـون... وحـسـيـن الـسـباني -----///----- الرادود : المرحوم حمزة الصغير الشاعر : المرحوم كاظم منظور الكربلائي

ابوذيات بحق السيدة زينب عليها السلام أنا زينب وصبري هاجمني أنا ونار المصايب هاجمني ثلاثة من ثلاثة هاجمني زماني وكربلاء وقومي عليا ======================= تقول وحقك ما شفت راحم وناصح وشمر بالسوط يضربني وناصح لو ان حاضر ياخو زينب وناصح ان جان ما جسر واحد علي ====================== من يامر وينهي على آل النبــــــــي خوان الشمر ويزيد من نفس الظـــــــــهر خوان ومن سلك نفس الدرب في هالوكت خوان تحذر يفتـــنوك اهـــــــل الاذيــــــــــــــــه ======================= ضعت وتحيرت ياحسين بعدك الف ياحيف مني الدهر بعدك أنا ماردت العمر ياحسين بعدك عمت عيني من أشوفك على الوطية ======================= زينب والوكت عالهم شمرهه ويافركتك يبن امي شمرهه وحين الي اعتله الصدرك شمرهه جن وياك كص نحري سويه ==================== جن وياك كص نحري وحزني وعكبك مابطل نوحي وحزني اخذني الدهر من عندك وحزني ومشيت ميسره غصبا عليه ======================= الدهر شتت شملنه بالظعينه ودليلي سيوف اميه بالظعينه وسافه الشمر يحدي بالظعينه وابو فاضل على الغبره رميه ======================= ياعباس استمع عتب ولا ماي غريبه وزادت ابفكَدك ولا ماي مهجنه بالعطش تلهب ولا ماي يخمد جمر لوعتنا السريه ======================= انه زينب يكلبي انحب والي جود والي اعله الصبر ملكيه والي جود والي على المشرعه رايه والي جود تمزك وانهدم بيتي عليه ======================= من مثلي تعذبت من صباها ودم يجري دمعها من صباها يبو فاضل العينك من صباها انهدم سوري وعدوك شمت بيه ======================= الــگــلب بـــالعزم صبــرته ومنته وفرشته اعله الترب يـــمك ومنته منته الكـافــــــل ظعـــوني ومنـــته الجبتني وياك ليـــش اگــطعت بيه ======================= اهمومي هموم فوگ الگلب منتل وســــبّاح الـــدلـــيل إعــليك منــتل گـــوم ارجــعــنه يـــا عباس منـتل جبــتــــنه ويــاك لـرض الغاضرية ======================= الـــدهر شتـــت شـــملنه بالظعينه ودلـــيــلي سيـــوف اميه بالظعينه وســافه الــشــمر يحدي بالضعينه وابـــو فــاضـل عــلى الغبره رميه ====================== يعــــباس اســتــمع عـتب ولا ماي غـــريــبه وزادت ابفگدك ولا ماي مهــجــنه بالعـطش تلهب ولا ماي يخـــمد جـــمر لــوعتــــنه السريه ====================== أَوفيتِ آوْ طِحِتْ هَآلْيومْ وَعْدَكْ وَآدّيتِ وزِدِتْ وَآنْجَزِتْ وَعْدَكْ نايِمْ بِآلشَّريعَه آو وَيْن وَعْدَكْ مَعَ سِكْنَه يَبو نَفْسِ الأبِيَّه ====================== انه زينب يكلبي انحب والي جود والي اعله الصبر ملكية والي جود والي اعله المشرعه رايه والي جود تمزك وانهدم بيتي عليه ======================= زيـنـب بـت علي زينة أباها و مـن بـحـر الإبه يجري إباها حـقـي بـيها لو أمدح و أباها مـواقـف سـجلت بالغاضريه ====================== جـفـني ادموع بالفرحه يسلها و روحـي افراق أحبتها يسلها قـلـبـي رايـد الزينب يسلها مـتـى انزورج يبن حامي الحميه ======================= زيـنـب عـالـمه شايع علمها ورفـعـت بالفخر و العز علمها بـت حـيـدر طـلعت علمها ورثـت هـالـفصاحة الفاطمية ======================= حـادي الشرف و العفه حدالها بـحـر زاخر و لا يوجد حد الها زيـنـب و الدهر سيفه حد الها انـحـور انـطت و لا ذلت أبية ==================== زيـنب كل جبل راسخ رسلها جـدهـا المصطفه خاتم رسلها رسـالـة شـوق دلالي رسلها لـخـت عـباس سبع الغاضرية ======================= زيـنب و السجايه أجمع وعدها احـسـين بيومه خبرها وعدها صـبر من فاطمه الزهره وعدها الـشـجاعة و البلاغة الحيدرية

خلي عيونج بعيني باسم الكربلائي: لو بعده الزمان بخير خلي عيونج ابعيني يا زينب تراني اليوم مو مرتاحه طمنيني لو بعده الزمان بخير خلي عيونج بعيني مو گلتي السفر يومين شو ما رجعوا البتهم ما گالوا رقيه تموت لو طولت غيبتهم ما متعوده عالهجران متعوده اعله شوفتهم رفرف گلبي جنح الطير خايف لا كلامج غير لو واصل خبر لا ضير لكن لا خبر جاني ولا يمهم خذيتيني يبنيتي المسافه ابعيده تفرق سفره عن سفره مليانه الدروب سيوف والغايب معاه عذره احجيلي بوداعه وياج موقف باقي للذكرى وين ويمته ودعتيه واخر مره كلمتيه وهم بنحره قبلتيه هم نفس الحوار الدار بين الوالد وبيني يا عمه وبنات حسين ما يتحملن اغيابه لو فارگنه بعد منين نسمع كلمة اليابه صرنه انفكر امن يروح نلزم طارف اثيابه ردنه نحاول نأخره بس من جابني الصدره رأسا راحت الفكره عشت ابروحه اثلث سنين مو معقوله ناسيني لو جانت الدنيا بخير ما غايب ضوه عيوني لا مشوني فوگ النار ذوله الما يعرفوني المثلي يلبسن اسوارات واني احبال لبسوني يجويني الرمل وامشي ودمعاتي بطرف رمشي گلبي يگلي صاير شي من گد ما يدگ ابخوف كل اضلاعي تجويني شالوني اعله ظهر النوگ ما راعوا صغر سني شما يحجن خواتي وياي بعدوهن غصب عني والدم من اذاني يسيل ما ادري اشخذوا مني ينزف جرحي دم واتراب نفس القصه والاسباب جني الزهره خلف الباب هسه اعرفت ليش الناس يا فاطمة اتناديني اگعد بالخرابه شلون واني الدنيا ملك اهلي غير ابيوت اهلنه بيوم ما اذكر وطت رجلي معقوله الأمل موجود واني بهالوضع شكلي كافي الوالدي اشتاقيت هسه من الحلم فزيت من كل خاطري ناديت جيبولي ابويه بساع خلوه بس يحاجيني من جابولي راس حسين وارفعت الغطه وشفته من گد ما بعينه جروح يمكن ما عرف بنته لاكن نحره بعده يشوف يعرف اني قبلته يالله مشينه ابويه نروح شلنه بدنيه كلها اجروح روح انته وخذوها الروح المن باقيه ودنياي ما بيها إنت يحسيني

ماذا أعددنا لنصرته ؟! كيف سننصر امام زماننا ؟

قال أبو عبد الله (عليه السلام): ليعد[ن] أحدكم لخروج القائم ولو سهماً، فإن الله إذا علم ذلك من نيته رجوت لأن ينسىءَ في عمره حتى يدركه، ويكون من أعوانه وأنصاره.

•{رسائل إشتياق}• رسائل إشتياق بلا نهاية إلى من ساكن بكل الخلاية يالتجري بشراييني تره الفرگة تأذيني ١/ ألا يا أيها المحجوب ترى الفرگة تعور اگلوب و حيلي امن السهر متعوب وراك سنيني شمعة تذوب و لا أملك صبر أيوب دخيلك رِد عليْ مكتوب طغه شوگي و ما أتحمل هذا الحال متى ساعي بريدك يرجعلي بمرسال كل ليله عيوني تسولف بالدمعات ترى دنيا بلا وجهك بلا راحة بال و كالعادة إلك مكتوبي يبدي شنو تسوى الحياة بلايه مهدي بدونك موحشة سنيني تره الفرگة تأذيني ٢/ إذا ما شائت الأقدار أشوفك و اكحل الأنظار فإن الموت أهون صار يمهدي وداعتك محتار منو العنك يجيب أخبار و لا هُدهُد يمر عالدار منو أسأل و يگلي المهدي بيا صوب منو يلحگ روحي بطارش لو مكتوب أنا متعلعل من جمعه لجمعه عليك و صفه مولاي اغروب يذبني اعلى غروب برضوى أم طوى يالمهدي ساكن أدورك رايد بكل الأماكن مكانك ما تدليني تره الفرگة تأذيني ٣/ رسائل تنكتب كل يوم من ملچوم إلى ملچوم تكتل فرگة المعصوم لون يتسولف المضموم لبچيها الليالي دموم أبد ما جاي أشوف النوم أنا ذاك الباقي بدونك صم اتراب على ساعه و ياخذ عمري الريح الهاب أنا صاير ندبة و أقرى الندبة عليك عسى چفك يالمهدي يدگ اعلى الباب أتانيك بملامح مو ملامح غصن يابس بدونك يا بو صالح ذبل عودي و رياحيني تره الفرگة تأذيني ٤/ أحبك و اعترف مولاي ملذات الحياة اهواي و خاف أتعثر بممشاي أهم كل الرسائل هاي أريدك سيدي وياي دخيلك لا تهد يمناي إذا كثرت زلات ابن آدم والله منو غيرك يحتضنه و يوگف وياه أنا وحدي بهاي الدنيا أخاف اهواي و ترى والله يضيع العبد بلا مولاه أخاف الدنيا تغريني بشكلها و عوفك يا بو صالح و اخضع الها وحدي لا تخليني تره الفرگة تأذيني ٥/ أنا الناجي بدمع ذكراك أنا المذنب إذا أنساك أنا الراجي أموت وياك آنا المفتقر بجفاك أنا العارف ألم فرگاك أنا الخائف و لا ألگاك أنا رايد بالحب أجتاز المعقول تره هذا الحب العاقل مو مقبول مثلا على باب البيت أكتب يا ناس منو يعرف عن المهدي اخبار يگول وصل بيّه الجنون أبعد مراحل صعب يترجم بكل الرسايل يمهدي و بينك و بيني تره الفرگة تأذيني ٦/ بعد بيه بعد بيه رسائل كلها حنيه ترى هذا الحچي شويه أجي و ارد اكتب شبيّه و تضل تتراجف إيديه عبد يحچي وي راعيّه و لا أعرف أعبر يمك لو حرفين أنا شاطر بس بالدمعة و چلمة وين يبو صالح و انته الأعلم بالمضموم بلا ما أحچيلك تقره شتحچي العين الرسائل تنتهي إلا من أشوفك تجي و بالسهلة تستقبل ضيوفك متى بعينك أحط عيني تره الفرگة تأذيني

لوبيدي يحسين چنت أظل يمك... واتوسد وياك واسبح بدمك يـابـن  أمـي يـالـحـال الأجـل بـيـنـك وبـيني بـصـوت الـمـصـيـبـه.... تـنـادي الـغـريـبه يـالچنـت عـايـش بگربـي ويـالچنـت عايشه بگربك هـاك إخـذ يـحـسـيـن گلـبي خويه يالمصيوب گلبك هـاك إخـذ يـحـسـيـن عيني يابن ابويه وشوف دربك گوم إنـهـض إنـظـر حـالـتي... ياضوه عيوني وسلوتي يـابـن  أمـي  حـرگوا خـيمتي... من الخطر فريت يمك خــويـه  إگعـد  وشـوف .....حـال الـفـواطـم مــتـحـيـره تـصـيـح ......ويـن الـهـواشـم مـتـصـل ونـهـا بـونـتـي.... دسـمـع ونـيـني بــصـوت الـمـصـيـبـه تـنـادي الـغـريـبـه مـن  مـشـيـت اودعـتـنـي ومـن بعد دمع الموادع ظـلـت عـيـونـي على دربك وچنت أظن يحسين ترجع وسـاعـه لـن مـهـرك يـخـويـه يصهل وگلبي تگطع فـريـت إلـه بـالـعـاطـفه.... وروحي لصبرها موالفه وبـهـالـهـمـوم مـكـلـفـه.... وسباح دلالي تگطع هــاك إخـذ گلـبـي .....وانـطـيـنـي گلـبـك وانــه ابگه بــعــداك.... يــرعــانـي ربـك ويـاريـت  يـابـن أمـي الـحـجـر.... صكني بجبيني بــصـوت الـمـصـيـبـه تـنـادي الـغـريـبـه فـر دلـيـلـي عـلـى الـمـعاره والجدم يسبگ خيالي وگبـل گلـبـي الـروح فـرت هـايـمـه تدور الوالي وسـمـعـت صـوت الـمـصـيبه من النحر يصرخ تعالي شـوفـي يـزيـنـب حـالتي.... راسي إنفصل عن جثتي وتـكـفـلـي  إنـتـي بعيلتي..... وصارعي جور الليالي خــل  دهــري وعـداي ... وجـور الـلـيـالـي ومــن عگب عــيــنـاي.... بـاري اطـفـالـي أصـبـر يـخـويـه والـصـبـر.... حـسـبي ومعيني بــصـوت الـمـصـيـبـه تـنـادي الـغـريـبـه تـكـفـلـت يـحـسـيـن مـنـك والمصيبه تكفلتني صـوبـك سـهـم الـمـنـيـه والـشـمـاته صوبتني ريـت  تـنـظـر يـابـن ابـويـه لـلمصيبه الدوهنتني وتـشـوف  بـعـيـون  الأثـر... مالومه من جور الدهر مـابـيـن عـدوان وخـطـر... والـمـصـايب المتني مـن طـحـت يـحـسـيـن.... سـلـبـنـي دهري وبـس دمـع عـيـنـاي.... مـن عـيـنـي يـجري يـابـن أمـي اتـسـتـر گمت... بچفـوف إديـنـي بــصـوت الـمـصـيـبـه تـنـادي الـغـريـبـه بـعـيـنـي أبـاريـلـك عـيالك يابن أبويه وعنها ادافع بـيـن فگدك والـمـصـيـبـه يـا عـزيز الروح انازع بـالـصـبـر  طـفـيـت الـبـلگلـب مـو بالمدامع وسـلـيـت حـزنـي بـدمعتي..... وداويت علتي بغربتي واسـرار سـبـيـي بـمـهـجتني.... وبهضيمتهن اطالع صــوبــك يـحـسـيـن ....سـهـم الـمـنـيـه ومــاظــل ولــي ويــاي.... بـالـغـاضـريـه سـهـم الـشـمـاتـه بـالگلـب....... هـيج حنيني بـصـوت الـمـصـيـبـه.... تـنـادي الـغـريـبه راح ارد يـحـسـيـن عـنـك لـلـشـماته بدمع عيني مـسـيـت  مـن بـعـدك غـريـبه بلا خدر ومسلبيني بـالـيـمـيـن  الـزم دلـيـلـي وباليسار أستر جبيني مـابـيـن عـيـلـه مـسـلبه..... واطفال تبچي معذبه وبـيـن الـخـيـام الـلاهـبـه.... زاد يابن أمي ونيني مــاظــلـت  خـيـام....  مـن عگب عـيـنـك حــرگوهــا يـحـسـيـن.. وفـرت بـنـيـنـك حـاربـت  صـبـري وبـالـصـبـر.... ثـابت يقيني بـصـوت الـمـصـيـبـه .... تـنـادي الـغـريـبه نـام وتـهـنـى بـمـنـامـك وانـه الـعـيال إكفلتها وانـه بچفـوف الـمـصـيـبـه بـالـمـحـامل ركبتها بـالـعـمـى  يـاريـت عـيـني وريت جثتك ما شفتها بـجـمـر الـمـصـيبه ترعرعت... چم نايبه بالطف شفت چم  نـار آنـه شـاهـدت..... دمـعـة عـيوني طفتها مــن  دمــعـي  ارويـك... وأخـضـب بـدمـك واتــسـلـى يـحـسـيـن.... مـن احـن يـمـك وعـلـى الـيـتـامـه الـسـاهـره.... خل تظل عيني بـصـوت الـمـصـيـبـه..... تـنـادي الـغـريـبه

ألله يا حامي الشريعه أتقرّ وهي كذا مَروعه بك تستغيثُ وقلبها لك عن جوى يشكو صدوعه تدعو وجُرد الخيل مُصغية لدعوتها سميعه وتكاد ألسنة السيوف تجيبُ دعوتها سريعه فصدورها ضاقت بسرّ الموت فأذن أن تُذيعه ضرباً رداءُ الحرب يبدو منه مُحمرَّ الوشيعه لا تشتفي أو تنزعنَّ غروبها من كلّ شيعه أين الذريعةُ لا قرارَ على العِدى أين الذريعه لا ينجعُ الإِمهال بالعا تي فقم وأرق نجيعه للصنع ما أبقى التحمّل موضعاً فدع الصنيعه طعناً كما دفقت أفاويقَ الحيا مُزنٌ سريعه يا بن الترائك والبواتك من ضُبا البيض الصنيعه وعميدَ كلّ مغامرٍ يَقظ الحفيظة في الوقيعه تنميه للعلياء هاشمُ أهلُ ذروتها الرفيعه وذووا السوابق والسوابغ والمثقفةِ اللموعه من كلّ عبلِ الساعدين تراهُ أو ضخمِ الدسيعه أن يلتمس غرضاً فحدّ ال سيفِ يجعله شفيعه ومقارع تحتَ القنا يلقى الردى منه قريعه لم يسرِ في ملمومةٍ إلاَّ وكانَ لها طليعه ومُضاجع ذا رونقٍ ألهاهُ عن ضمِّ الضجيعه نسي الهجوع ومن تيقظَ عزمهُ ينسى هُجوعه مات التصبّر بانتظا رك أيُّها المحيي الشريعه فانهض فما أبقى التحمّلُ غيرَ أحشاءٍ جَزوعه قد مزَّقت ثوبَ الأسى وشكت لِواصلِها القطيعه فالسيف إنَّ به شفاء قُلوبِ شيعتك الوجيعه فسواهُ منهم ليس يُنعِشُ هذه النفسَ الصريعه طالت حبال عواتقٍ فمتى تعود به قطيعه كم ذا القعودُ ودينكم هُدمت قواعده الرفيعه تنعى الفروعُ أُصولَه وأُصولهُ تنعى فُروعه فيه تحكَّم مَن أباحَ ال يوم حرمَته المنيعه مَن لَو بِقيمة قدره غاليتُ ما ساوى رجيعه فاشحذ شبا عضب له الأ رواحُ مُذعنةٌ مُطيعه إن يدعُها خفَّت لدع وَتِه وإن ثقلت سريعه واطلب به بدم القتيل بكربلا في خير شيعه ماذا يُهيجك إن صبرت لوقعة الطفّ الفضيعه أترى تجيء فجيعةٌ بأمضَّ من تلك الفجيعه حيثُ الحسينُ على الثرى خيلُ العِدى طحنت ضُلوعه قتلته آل أُميَّةٍ ظلمٍ إلى جنب الشريعه ورضيعهُ بدمِ الوريد مخضَّبٌ فاطلب رضيعه يا غيرةَ الله اهتفي بحميَّة الدين المنيعه وضُبا انتقامكِ جرِّدي لطلا ذوي البغي التليعه ودعي جنودَ الله تملأُ هذه الأرضَ الوسيعه واستأصلي حتَّى الرضيعَ لآل حربٍ والرضيعه ما ذنبُ أهل البيت ح تَّى منهم أخلوا ربوعه تركوهم شتَّى مصارعهم وأجمعها فضيعه فمغيبُ كالبدر ترتقبُ الورَى شوقاً طلوعه ومكابدٌ للسمّ قد سُقيت حُشاشته نقيعه ومضرَّجٌ بالسيفِ آثر عزَّه وأبى خضوعه ألفى بمشرعة الردى فخراً على ظمأٍ شُروعه فقضى كما اشتهت الحميَّةُ تشكرُ الهيجا صنيعه ومصفَّدٌ للهِ سلَّم أمرّ ما قاسى جميعه فلقسره لم تلق لولا الله كفًّا مستطيعه وسبيَّة باتت بأفعى الهمّ مهجتُها لسيعه سُلِبت وما سُلبت محا مد عزّها الغرّ البديعه فلتغد أخبية الخدور تطيح أعمدُها الرفيعه ولتبد حاسرةً عن الو جه الشريفةُ كالوضيعه فأرى كريمةَ من يواري الخدرَ آمنةً منيعه وكرائمَ التنزيل بين أُميَّةٍ برزت مروعه تدعو ومن تدعو وتلك كُفاة دعوتها صريعه واهاً عرانينَ العُلى عادت أُنوفكم جديعه ما هزَّ أضلعَكم حداءُ القوم بالعيس الضليعه حَملت ودائعُكم إلى مَن ليسَ يعرفُ ما الوديعه يا ضلَّ سعيُكِ أُمة لم تشكر الهادي صنيعه أأضعتِ حافظَ دينه وحفظتِ جاهلةً مُضيعه آلَ الرسالة لم تزل كبدي لرِزؤكُم صديعه ولكم حَلوبةُ فِكرتي دَرُّ الثنا تمري ضروعه وبكم أروضُ من القوا في كلَّ فاركةِ شموعه تحكي مخائلُها بروقَ الغيث معطيةً منوعه فلديَّ وكَفّها وعنه سواي خُلّبها لموعه فتقبَّلوها إنَّني لغدٍ أُقدمها ذريعه أرجو بها في الحشر راحةَ هذه النفسِ الهلوعه وعليكم الصلواتُ ما حنَّت مطوَّقةٌ سَجوعه

ام الوجود ...الرادود يحيى عفارة يالزجيه .. هاي اديه تلطملج ونوحي يعله تقبّليني .. بهايه عيني صلى الدمع وانتي قبله عمري خدمه .. راح اختمه واليخدمج ماكو مثله يالعظيمه .. اشكد كريمه اليبجيلج عيونه تحله اخذي بإيدي يم الحسين ضايع جيت وحزنج وطن طالب حنانيكِ يزهراء من كل خوف بهذا الزمن انتي أم لكل الوجود انتي مو بس ام الحسن نعم يا أمي .. عزاكِ همّي ..رضاكِ حلمي اماه يا زهراء ...... ما اجامل  .. بل اقاتل وببابج الگه العقيده المايدافع  .. يعني دافع وبعصرتج خله ايده الگلبه شاعر .. يعني شاعر والما يحس ما نريده هذا حبنه .. ولو تعبنه نداوي الجروح بقصيده حاشى نجامل دافع الباب ذاك الطفه بعينج ضوه الخله دموعج تجري بالليل وما فاد اويه ضلوعج دوه يحكى انكِ يزهراء تتأذين بشهگ الهوه رأيتِ الصفعا .. لمستِ الضلعا .. سكبتِ الدمعا اماه يا زهراء ........ الخدمه فرضي .. اعليَّ فأرضي حتى الله يرضى عليه خلي بيدي .. ولا تزيدي حتى ابقه امدلج اديه برزقي قطري .. انه ادري كثرة دلالي اذيه رسمي دربي .. ظمي گلبي لا ياخذوه يالزجيه الحب شوگ ودمعه بالليل والما يبجي حبه جذب والما باجي لكسر الضلوع كل عمره ما يعرف يحب لأجلج تگضي ايامي بالآه و خدمه وشوگ ودمعه وندب لكِ يا فاطم .. بدمعي قادم .. واسمي خادم اماه يا زهراء

واسي الضعن ... الرادود محمد باقر الخاقاني ضعن الهواشم .. الليلة بغربته واسي الظعن باتك دير لحبيبك .. وٱبچي لخيامه لا تلتفت للفاتك هم لغربتك .. وحسرة عياله خليها ٱشد حسراتك لايبعدك كلشي عن حزن الخيام لچمه عيش ٱيامك و غربه و ونين اتبره من گلبك اذا هوّن عليك لو سمع بالغربه واعية الحسين حسيني باچر وحيد ينده بكربلاء لخدره ناصر يريد ونصرته بالبكاء وبغربتك واسي اليظل ظامي بغربته فوگ الترب ويصد على خدره بحسرته من يمّه تمشي اعله اليسر يا وسفه أخته على الغريب اويلاه ... اويلاه ... اويلاه سكّت لسانك .. خل يحچي قلبك لو ذكروا ٱسم الخيمه خلي انكسارك .. يطغه اعله حيلك ويكبر دليلك ضيمه عـالطلعوهن .. من فيّ خدرهن لشمس الظهر والهيمه انكسر واجب عليك الانكسار للخيم واهل الخيم ولكلشي راح وخلها بضلوعك تعيش الچلمه هاي عمه فرّن بالبراري الحامي طاح كل جرح بالطفوف عيشه آه وعويل من النهر والچفوف للعطش والهزيل ابچي لخدر فارگ علم عزّه ودلاله ابچي لظعن بالهيمه ضل بلا كفاله بين العطش والحيره راحت نص عياله على الغريب اويلاه ... اويلاه ...اويلاه كون لعزائك .. تكبر لهفتك لهفة يتامه لجربه حاذر يفوتك .. موعد بكائك عالضامي ريجه وگلبه غاية وجودك .. تبچي لحبيبك واعله الظعن والغربه ارسم التل بضميرك والضياع وحيرت الحرمه الــ عله التل وتصيح إن كنت حياً  فـ ادرك اختك ياحسين بلايه حيل من الضمه تگوم وتطيح بحيرتك دمعه ضيع حته تندل هواك وگله يابو الرضيع قُربه هاي لضماك ضيع عله كل حسره خذت گلب العقيلة من طاح ٱخوها وما لگت لِخيمها حيله من خيمه للتل شابت وصارت نحيله على الغريب اويلاه ... اويلاه ... اويلاه

اماه يا زهراء... للرادود عمار الكناني والرادود محمد الجنامي اماه يازهراء اماه يازهراء سلام الله على ضلعج يأمنه الكلها حنيه يخيمه وحزنج يلمنه بمجالسنه الحسينيه واليخدمج صدك عنده بخت تدعيله يوميه كريمه واليدك بابج اكيد الحاجة مكضيه نور من العلياء اماه يازهراء اماه يازهراء اماه يازهراء ................... اذا عافتني كل الناس اعرفج ما تعوفيني اذا مره يمرني العوز فضل خيرج يغطيني اذا مر المرض بيه يمولاتي تشافيني اذا عيني غفت مهموم يجي طيفج يواسيني ذكرٌ له الاء ... اماه يازهراء اماه يازهراء اماه يازهراء اماه يازهراء اماه يازهراء بعدني بأول اسنيني وكفت بابج مجدي كضيت سنيني بس الطم على ضلعج دمعتي بخدي سواج بدنيتي خيمه وحگج كلشي ما عندي على عتابج يمولاتي حياتي تنتهي وتبدي اني لكي بكاء اماه يازهراء اماه يازهراء اماه يازهراء ................... اذا صار العصر امي بجفنها تبين العبره اكلها شبيج وتكلي ييمه عصروا الزهره اريد تعلم اوليدك على فاطم يدك صدره ضلعها المنكسر بالباب ابد ما ينجبر كسره كسر له اصداء اماه يازهراء اماه يازهراء اماه يازهراء ................... اضمن حزني وتسولف دمعتي بيني وبينج انكسر ضلعج عصر بالباب حوافر سحكت حسينج مثيلج زينب انسطرت وصفت حمره مثل عينج تصيح بيوم عاشوراء ييمه بعازتج وينج حزني لعاشوراء اماه يازهراء اماه يازهراء اماه يازهراء

انشر كل شيء يخص فاطمة الزهراء بنت رسول الله محمد صلى الله عليه وآله وسلم وحياتها 🤍🤍🤍 https://t.me/yamahdy_fatim

شال الشهيد حسين ...للرادود مسلم الوائلي شال الشهيد حسين بخوته وشبانه وخلا المدينه تموج من حمل اضعانه ..... ضلمه منازلهم والترب سافيها غراب المنيه ينوح بعد الاهل بيها عكب السبط ملزوم تخرب مبانيها وبيت الكرم والجود تتهدم اركانه .... طوح الحادي وشال بضعون اهاليها وضلت منازلهم بس الدمع بيها سفره ومسيرت نوك وحسين راعيها وعيون ابو السجاد بدموعه ذبلانه ..... ابن الحنيفه يحوم بدموع مذروفه يدور بنواحي الدار ويكلب اجفوفه يصيح العزيز حسين عيني عسى تشوفه سافر وخلاني من جملت اخوانه ..... مشرعب اجفوفه وصاح ياخويه وياكم ما تستجن وتهيد روحي بلياكم شيصبره يالمجفين كلبي اعله غركاكم محمد عليكم ضال بدموعه واحزانه .... ولن المنادي ايصيح بحر الكرم وينه وفاد ابو السجاد لزيارته جينه سبط النبي في وين اهله وشياهينه محمد جذب ونه وازدادت احزانه ..... الينشد محمد وين خوانك الليله ايهبط الراس وصاح شالو فرد شيله غرب حسين وراح بضعونه والعيله وفارغ مجانه الجان مايفرغ مجانه ..... شيخ العشيره حسين شال وغلق داره ما خلف الا وحيد مشغول بافكاره لو ضايعه وتنوح بالدار محتاره وبنته اوجعت كلبي تنعاه وجعانه ..... مسرع مشه ولا دار عينه اعله دياره وخله الدليل ايلوب من فركته ابناره راح الكبل وياي ما يكطع اخباره واخ الهجر للحين تچويني نيرانه

يوليدي يا علي .... للرادود حسين الجابري يال انت روحي ومن تروح .. ياعلي يوليدي ياعلي يبقى الحسين بلايه روح .. ياعلي يوليدي ياعلي يبني من ايدي رايح بيه كلشي الك نايح يذبح .. بعدك طايح يوليدي طايح بدمك يوليدي سايح يذبح .. بعدك رايح حبيبي مني وخيل التبعدك عني ياطولك كاسر طولي وفراكه خلف وني فراكك والعطش ذباح كلشي بالخيم اخضر كلشي اتحمل واكدر بس فراك ما اكدر يوردي الكل حياتي ارعاك بس بكربله صوفر وذبل ضن بس عطر يبني يوليدي علي الاكبر يبني علي .. يبني علي ياضامي للمي وانت ماي .. ياعلي يوليدي ياعلي كون اكدر اخذ ياضناي .. ياعلي يوليدي ياعلي ضماك اخلي وي ضماي .. ياعلي يوليدي ياعلي واعطش بدالك يارباي .. ياعلي يوليدي ياعلي ضامي حبيبي جبدك والطف يوليدي هدك ياروح .. روحي اتبده عالغبره دمك وعمري راح ويه عمرك ياروح .. روحي كربله احذت روحي وخلتني ويه جروحي عايش وضايك موتي فراك الولد هد نوحي شكد صعبه لمن تشوف وادم تذبح بتعبك تعبك هذا مال سنين بلحضه ينوخذ منك بيا وكت السيوف تصير ابدى منك بتعبك وتشم بمنحره وتاخذ وروح الساكن بكلبك يبني علي .. يبني علي مغصوب اودعك للقتال .. ياعلي يوليدي ياعلي بس روحي تندبلك تعال .. ياعلي يوليدي ياعلي وداعك جربه وكربك وصال .. ياعلي يوليدي ياعلي بدونك اعيش من المحال .. ياعلي يوليدي ياعلي عمري انت وسنيني روحي بمهجت حسينك يبني .. يأكبر كلبي ضل بونينه ينادي حبيبي وينه مو هينه ابقه الوحدي غيرك حبيبي شعندي تمنيت اموت بموتك وياك اروح بلحدي وياك اروح بودي اعله حيدر جيشهم حاقد وعليك انته الحقد صبه ولان انته وطن يبني الوطن ذباحته الغربه تهون الصعبه بس فركاك ماهانتلي الصعبه ياكلبي ورحت وشلون يعيش الي انذبح كلبه

ما يحاجيها ...للرادود حيدر البياتي تخطت جم جسد عالغبرة مطروح واجت عنده الزجية بصوت مبحوح ونعت يمه نواعي اطلع الروح تكله امك انه دكعد يمذبوح وماَيحاجيَها   حجت وي نحر ابنها ~ اجيتك والهة ودمعاتي بالعين ادورك يالولد بين المطاعين انه جان البيك تحجي احجي يحسين احجي وكلي وين اليوجعك وين مو الك هايه   النومه اعله الترايب ~ يهالفوك التراب امسبل ايديك اكعد خل اشوف جم جرح بيك حته بروحي يوليدي اداويك واكطر ماي بشفافك وارويك من دمع عين   اكعد خل اشربك ~ تعنيتك حزينه بعثرت اجدام اريد افرش عباتي حدرك ونام يمن كلب الزجية اعليك محتام اشبكك جيف وانت مترس اسهام وكتي خلاني   احير اشلون اشبكه ~ يهالمسلوب وامغطيك التراب وكلبك عالخيم والبلخيم ذاب تريد اليفزع ويحميها الاطناب فزعوا بس فزعهم جان سلاب تريد حاميها   فزعوا والخيام

عـلـى  عـيـونـج يـزينب حلم مذبوح كل عينج دمع بس ما بجيتي بچيـتـي جـروح طـهرتـي الـمـسافات كل خطوة يسر منبر بنيتي يـا  هـيـبـة عـلـي دخـلـت على يزيد خورستي الزلم و اتسيديتي نـظـرات الـزعـل بـعـيـونج سيوف ذو الفقار صوتج من حجيتي سـفـيـنـة  هـم سـريتي ببحر الدموع على ساحل مصايبهن رسيتي اسـمـحـيـلـي يـزيـنـب اسـأل الـيوم انتي هواي من اتحمليتي لأن مـجـبـور اسـألچ عــالـيـأذيچ و ادري بـيـا مكان اتألميتي اسـألچ  يـالـغـريـبـة و چلچل الـليل و حارس للحرم انتي إلبقيتي اشـوفچ  چان بـيـدچ مـعـصـب يـلوح احلفچ بالضلع إلمن نخيتي نـخـيـت إلـكـافـلچ مقطـوع الزنود معذورة لأن وحدچ صفيتي مـشـيـتـي  بـغـير طولچ خاف ينشاف ضم روحه النهر لمن مشيتي كـل جـرة نـفـس ويـاهـا عـبـاس لاچن من وصلتي له اشلگيتي غـمـضـهـا الـسـهـم وحدة من العيون بس الثانية اتشوفچ اجيتي صـفـت انـتـي وكـفـيـلچ مـحد وياچ مسموح العتب لو عاتبيتي شـقـلـتـي له يزيـــنب گوم ويـاي وياه جلمة عتب بيها ابتديتي اشـگـلـتـي لـه يزينب وين الوعـود مو انت إلگلت گومي بحميتي عـمـود الـبـيـت انت الشايل البيــت تدري من يطيح يصيح بيتي شـگلـتـي  لـه يـزيـنـب گـوم وياي من شفتي الزنود اتعذريتي صـحـتـي بـشـاربـك آنـه يعبــاس ما رف شاربه من حشميتي راويـتـي يـزنـب زرگـة الـمـتـون لـو لا بـسـهم عينه التهيتي لـو مـديـتـي ايـدج تـلـزم الايـد مـن شـفتي الزنود اتعذريتي گـلـتيله  الخدر  يا ابــــا الفضـل راح حرقوا خيمتي و طبوا ثنيتي قـلـتـي لـه صـحـت وينك يعبـاس يضحك شامتج و اتسلبيتـي كـل  هـذا الـحچي مـا يـنـهض ويـاچ گمتي بيا جرح من أيسيتي عـلـى طـولـج جـرح لـمـن تـگومين مثل حسين من گمتي انحنيتي رجـعتي  إلمن  رجعتي بس الايتـــــــام يسألونج يعمة شو بطيتي اعـرفـج  بت علي قد هاي الاحــــزان مثل عباس يا زينب وفيتي نعم فوق الهزل و الرووس ويــــــاج نعم عقب الخدر ذاك انسبيتي بـس الـكـل تـشـوفـج اسـد مجـروح كلها اتميل عنج لو مشيتي اعـذريـنـي يـزيـنـب لا تـزعـلـيـن و آنه بدمعتي اتبين هويتي

ها  يـَ  زينب  وحّدج  و  الدنيا  ليل  ..  يا  غريبة  و شايلة بدمعج نهر امنين  أجيبن  لج  يـَ  بت  حيدر  كفيل  و بهالظلام امنين ادور لج قمر المسافة  بين  عينج  و  الفرات  ,  غيمة  عطشانة  و  تدور  ابلا مطر ها  يـَ  زينب  طالعة  بهذا  الظلام ، اسم الله صاح الليل لو جدمج عثر خطوة  أجدامج  مثل  طير  الغريب ، بين ألف صايود و جناحه انكسر عاصفة  حزنج  تطخ  إلها  الجبال  ،  و انتي راسج عالي يتحدى الخطر الليل يا زينب يطول اعلى الـْ يخاف .. و انتي من كثر العتب ليلج قصر شوفة  خيالج  قبل  بالمستحيل  ،  هسة  ياهو  الـْ  جان من حقه النظر النوم   سلطان  و  يسيطر  ع  الجفون  ،  إلا  انتي  نايمة  بعينج  سهر يا   بحر   من   الألم   موجاته  آه  ،  يا  وكت  صار  النهر  يقهر  بحر ليلة  العاشر  عن  ألف  عام  و  تزود ، بين دمعة و دمعة نمشيها بشهر كفّي  دمعج  خلي  للشامت  دموع  ..  لمّي صبرج باجر وداع و سفر لو  ركبتِ  الناقة  من  يلزم  ايديج  ،  مدي جفج يمكن الكافل حضر من  تعبرين  الصحارى  اعلى  الهزيل  ،  ع الرمال دموعج تخضر شجر حزنج  اهْواية  لجن  عمرج  قصير  ، و آنا كل عمري لجل عينج صفر ويّ طولج بيه قصر جرح الطفوف ، عذر ابو الغيرة وي طولج جف كبر ها  يا  زينب  لا  تمرين  اعلى اخوج .. يموت صبرج من تشوفين النحر سِحْقِتَه  الخيل  و  توزع  ع  التراب  ،  خنصر  المقطوع  ينطيج  الخبر مثل  ابوج  امشي  و  انظري  للأمام  ،  حيدر بصدرين يمشي بلا ظهر يـَ  الـْ  قصدتِ  اعلى  النهر كلج عتاب ، هـَ الله هالله بكافلج من اعتذر جفوفه  ذبلن  مستحى  طلبن سماح ، لـْ خاطر القادر اعذري الـْ ما قدر ها  يـَ  زينب  وحّدج  و  الله  المعين  .. انتي دمعة و الخصم قلبه حجر