لطميات كتابة | لطميات محرم للرواديد

‏"السَّلَامُ عَليْكَ يَا سَمِيَّ أَمِيرِ المُؤمِنينَ، . ياعليِّ بن مُوسىٰ أيها الرِّضا .. #الامام_الرضا

#قصائد_منبريه #محرم_١٤٤٤ #ليلة_الخدامه لكل خادم صك من حيدره لكل خادم دنيه وآخره بسبب ونه تره الجنه لكل خادم لكل خادم ............ يعيش ابكل زمن سلطان بحساسه وعلى انفاسه ميشم الهوه الما بي ابو اليمه ويه عباسه اله بالدنيه صيت وجاه اخذ من هاذي مقياسه يسلمه حيدره من النار صك ويرتفع راسه ولا نادم عمره بخدمته ولا نادم حقق طلبته وخبر منه تره الجنه لكل خادم لكل خادم ............ الك يامن تحب حسين هاي ابشاره من عنده الك يوم الحشر مولاك يجي ايقدملك الورده ويعبرك سراط الخوف تمشي باقصر المده توصل للجنان اهناك حتماً كَلبك اتبرده بلا وادم خدمت المذهب بلا وادم جنه ما تنطب لهالمعنه تره الجنه لكل خادم لكل خادم ............ كل ليلة خدامه احساس عند الخادم الزهره تحظر تكتب الاسماء كلمن همته وقدره حسب كلمن خدمته اتشوف نار الخادم اموجره جهنم تنطفي بهالنار هاي المعجزه الكبره تظل سالم ما تمس جسمك تضل سالم خدمتك رسمك الك تدنه تره الجنه لكل خادم لكل خادم ............ عقيده ومبدأ واصرار عند المخلص بطبعه يعيش لهالمصيبه احساس لو قاري صعد ينعه تلكَه ابعينه جن مفجوع تنزل بالدم الدمعه ومن كثر اللطم لحسين زين ومايطك ضلعه حزن فاهم بالجره اعليهم حزن فاهم دمه يبجيهم وتعلمنه تره الجنه لكل خادم لكل خادم الشاعر ياسر العارضي

أمن الصواوين اطلعت مذهوله الچانت ابإسم الگمر مكفوله يا نهار العاشر وحر الظُهر خيم حرگوهن بنيران الغدر والفواطم حيف سحگن عالجمُر من عسه ايد الكفر مشلوله آه ياحال العقيله اشحالها احتارت بذاك الظعن وأطفالها وعالثره طايح وسف كفّالها بالدهر هالعمله مامعموله تصرخ الأطفال والموقف صعُب من بعد حرگ الخيم سلب ورعُب ياگلب يحمل هضمها يا گلب هاي شده وما اظن محلوله احتارت ام الخدر لاوين المفر وين تنطي الوجه من عگب الگمر وعالوطيّه حسين محزوز النحر رحمة الله انذبح ما معقوله وكفت وصاحت يبو اليمه عدل الخيل حاطت وآنه حيلي منهدل صوت ناداها أخيچ منچتل تمنت بصفه غدت مچتوله حسين راح وراح عباس الچفيل والدمع منهه على الوجنه يسيل امن الهواشم مابقه بس العليل حيل ماعنده وغده إيتّچوله للعقيله حنّت املاك السمه وين عن زينب الزهره فاطمه وين راح بيومهه حامي الحمه للسبي تمشي فلا مقبوله بعد كل هذا السده واللي جره وسفه ابو السجاد گطعو منحره جسوم فوگ الگاع كلها اموذره وعين زينب بالدمع مهموله وتنظر الحره ودمع تهمل العين عالرمح شالوا وسف راس الحسين تحزمت لمصابهه أم گلب الحنين هالمصايب بالگلب مشتوله هالنوايب شيبت حته الطفل ميسره تالي مشت فوگ الهزل شلون حادي ظعونهه شمر النذل آه من درب السبايا شطوله حيدر بشار الدراجي

ليلة العباس س الرئيسيه . واَنشق الــقـمر .. انكـسر الظــهر عباس الحنــين .. طــايح عالنهر ابأخر انـفاسه الگيـته بنحره الينزف شميته وانكسر الظهر ***   بين الخميه والشاطي / يابـو الغيــره مــن نـاديت من ماگــالي ها خــوي / چــني جــربــه وتــبـديت متحزمه الشماته احزام / وذني من الحجي سديت وصلت الشاطي بالياويل / وصلته وميــت اتمنيت   الگيته اعله الثره .. ضلوعه امكسره وايات الــجــمال .. نبـــلـه بمنـــحره بحضـني وي مالميته بنحره الينزف شميته وانكسر الظهر   ***   گتله اليوجعك وينه / عليــك ام عــون دليني بهالحاله وابوفاضــل / يخـجـــل ينظـر بعيـني خيمة بگلبي محروگه / وبـس چفــك يطفيني بَرد گلــبي بحچــايه / ساكــت ليش حاچيني   ياصوب الالــم .. يمــكنه السـهم ماحاچاني شي .. وباوع عالخيم ايهم بزيــنب حســيته بنحره الينزف شمـيته وانكسر الظهر   ***   طحت سالوفه يم اذنه / سمعها وجانت اتعذبه گــتله بطيحتك عبـاس / طلعــت عــين للغربه الخـيم تتــنطر اخــيالك / گــوم وطالبـك طلبه اذا وَيـــاّي مــــارديــت / بيــتي الـوادم تسـلبه   قلــت حيـــلتي .. ونزلت دمعتي عگبك يااخوي .. غـربــه غربتي حاچيته ومن حاچـيته بنحره الينزف شميته وانكسر الظهر   ***   ثوبه الچان يشــبه لون / گــلبه من منگلب احمر الوجهه تگول شمس الله / من گــد النزف مصفر گـــتله بعـطش عبـــدالله / گـوم اوياي اذا تگــدر الشماته من وراي تصيـح / ضل وحده ابو الاكبر   بهذي مــن ســمــع .. امن الغيره فزع وچي ماعنده حيل .. گـــام ورد وگـع بحضني راسه خليته بنحره الينزف شميته وانكسر الظهر   ***   طاحت دمعة اعيونه / مو من ماي طاحت دم گـــال مقــصر بزيــنب / گــتله ارجوك لاتهــتم زينـــب والبــالمخيـــم / گــلها تــگـــولك تسلم ولو ياخويه من عگبك / موحـش حيل المخيم   يااكــبر جرح .. وجهك من يشح انته لو غفيت .. عــگــبك انـذبح المقتل يم جسمه اقريته بنحره اليــنزف شميته وانكسر الظهر * حيدر تركي الكربلائي

شايل لوائه ومنتضر ولشيبه تضوي جن بدر المضاهر بيده رايات انتصاره مستعد للموت ووبرَهَن الاشاره -------------------------------- مثل كوكب نوره ساطع شيبة الطف واضِحَه جَمّع الانصار يمه وصار يقره الفاتِحه ناده يحسين احنه قله لجن احنه الراجحه وليفكر يوصللكم گبل لا ينوي اذبحه وينادي متروس بزعل حي على خير العمل زلزلاهه الگاع بگلوب الغياره مستعد للموت ووبرهن الاشاره -------------------------------------------- خطب بالانصار خطبه هزهز اركان الزمن الموت دون حسين جنه ونار يم اهل الفتن ساعه وحده هيه گلهم تنتهي هاي المحن انميل ويميلون همه انعانق الحور ابعدن شايل عقيده ابمهجته الموت هوه راحته وللشهاده صبره مل من انتضاره مستعد للموت ووبرهن الاشاره -------------------------------------------- ناده يليوث الصحاري يلي همتو ابهل عشگ مثل الاشموع اعله حبه اتذوب لمن تحترگ لايهمكم جمع اميه عنه لا ما نفترگ همه سبعين الضلاله وحنه سبعين الصدگ احزام للطف جلمته وبجفه رفت رايته وهذه وبركان العشگ من تسري ناره مستعد للموت ووبرهن الاشاره ----------------------------------------------- ياعقيده اليحچي بيهه بيابصيره ابياگلب ايهلي للموت ويمرحب من دخل ذيج الحرب الحياة حسين ناده وعگبه اضلم كل درب وليشيل حسين گلبه ابوجهه مايوگف صعب هاي العقيده المحتمه ترجمهه شيخ الموزمه شيخ الانصار ودخل ذيج المعاره مستعد للموت ووبرهن الاشاره --------------------------------------------------- لبس اسم حسين درعه ولنفِس متأهبه عمره بالتسعين لاجن ترك بيهم نايبه روحه فاضت عن بصيره ولحقيقه المحجبه فهم معنى حسين شنهو ونال هاي المرتبه واخر كلام ابمحضره افديك يابن حيدره يلهج ابأسم السبط وكت احتضاره مستعد للموت ووبرهن الاشاره --------------------------------------------- علي سليم الحسناوي

بين ضلوعي عالم بس للدموع اصابع چفي اصابع عالگه شموع غواش الدنيا اريد بدون ماشوف و يم لمعة ضريحك عندي موضوع حُسين..كون اصدن..بس حضرتك..و انسه كلشي ايحول بيني و بينك حُسين..انت بيدك..الزم ايدي..و ما اريدن عين تشبخ عينك حُسين..جيس گلبي..گله إفهم..محد بحالك خلاف حسينك و اطبگ باب دلالي..و يحلالي..بچي الغربه بچي الغربه و اعيش بعالم دموعي..و موضوعي..رضا گلبه رضا گلبه . . . و اطرد كل نفس من ريتي مخنوگ الخنگه إتذكر اختك خنگة السوگ ركبني هزل بالحلم ياريت و اصحه من الحلم و جدامي محروگ حُسين..انت ادره..بفايدتنه..انت سيرني خياري مو صحيح حُسين..كون رايي..بيدي يبقه..استبعدتها اعشگ امرمل ذبيح حُسين..عيش بيه..بكل حواسي..كون اصيح وياك بالطف من تصيح و اتعايش مثل ضلّك..و اوصلّك..على عيوني على عيوني ناسي موش شرايّه..هوّايه..يبعدوني يبعدوني . . . خلافك هالگلب مهجور يحسين كلها تبيع بيه و تشتري بدين لو ما چف خلاصك و العطف ذاك چا ماادري گلبي يروح ليوين حُسين..بروح امك..اشتريني..دمعه طاحت من جوادك فوگ نحرك حُسين..اني ادري..رغم سحگه..يكفي چم ديره اويه ديره وَسِع صدرك حُسين..انت انت..و ياهو آنه..عبدك و مخلوق حتى يطيع امرك دليني بدرب روحك..بجروحك..اشد روحي اشد روحي و اصيح بصوت دلالي..بي غالي..يمذبوحي يمذبوحي . . . حارزلك عيون إتاني ملگاك و عندي دموع بيهن يرتوي اضماك ريت بيوم عاشر اسمي موجود و وي گبر الصحابه گبري وياك حُسين..ارد انصرك..عندي غايه..ارد اعلم الناس تتعلم غرام حُسين..آنه گلبي..لكَ وحدك..الينوي يعشگ خل يشب وي الخيام حُسين..شيسوه گلبي..بلايه جودك..بلايه ذكرك گلبي ما ينبض حرام علمني العشگ لوعه..و موضوعه..سبي و هزله سبي و هزله سهله تعوفها الوادم..بس خادم..مو سهله مو سهله . . . آخر طلبه من اعماق الاحساس سويني تراب برجل عباس ناذرلك بگلبي شكو من آه خل تلوم بيه الما اظن ناس حُسين..آنه شلي..بحچي العالم..آنه اليهمني رضا الزهره البتول حُسين..كون ترضه..عليه امك..بعتقادي هذا اعظم ما انول حُسين..الراد يحظه..برضا الزهره..وياي خل يحچي و يصد ليه و يگول (حسين و ضلعچ ما عفنا) ميعوف الگلب نبضه..و يا حظه..النبض بسمك نبض بسمك بروح ارقيه التحبها..اطلبها..رضا امك رضا امك . . . . . حسين الحمّامي

في هذا العالم هناك نوعان فقط من السّحر مُنحا للبشر: أحدهما الحُبّ، والآخر الدُّعاء.♥️ ليلة هنية ♥️🦋

ليالي السبي مرت أيام بسبينه وهذا حالي بالخرابه إجويعده بنص الليالي حالي يشغلك لوشفتني مكسوره الخاطر عفتني هذا حالي.    هذا حالي ========== يابوفاضل.   دمعي سائل خويه من دم يجري دمعي عالهزيله.     اشكد نحيله وينك انت شوف وضعي ماتجيني     ياحنيني من الألم اه انكسر ظلعي عيني مشبوحه لدربكم يالغوالي اجساد ظلت والرؤس اعل العوالي انظر يخويه هذا متني مكسورة الخاطر عفتني هذا حالي ========== جم خرابه.    اعل الترابه نايمه اشلون إبلا حراسه العسكر أجناب  شوف المصاب الينجرح كون تنزف انفاسه ينزف آلام.    عينه متنام تغمض شلون بلايا ناسه التغمض عيونه هله ياخويه يمه موش ناس بلا خجل لاعدها رحمه هاي المصايب من لوتني مكسورة الخاطر عفتني هذا حالي ========== ايچلچل الليل.   يخلص الحيل تبدي الهموم كلها بخيالي جانت ايام.      كعدة اخيام جان أخويه اعليه والي هسه هيمه.     بلايا خيمه خويه عباس محد اجالي لاخبر منكم اجاني وحدي ظليت ميته وياكم يخويه اشكد تمنيت من طحت خويه اهضمتني مكسورة الخاطر عفتني هذا حالي ========== الفگد چتال.     ايشيب الحال من ايدي كلكم ضيعتكم بيوم واحد.    الله شاهد عالترب حيف من عفتكم گلبي نيران.   بفگد الإخوان طفت عيني وماشفتكم أتذكرت كعدتنا سوه بكل مسيه يكعد حسين وتجي بصفه رقيه و يمك يخويه گعدتني مكسورة الخاطر عفتني ========== شحچي آلام.     خويه الأيتام لسه عالماي شابح نظرها ماي يردون.   خويه يبچون شح الأطفال كل صبرها من يجوني.    يألموني رادت الموت شلها بعمرها اتمنت اطفالي المنيه يابوفاضل والفگد نيران بيه تدري شاعل هاي اليتامه الألمتني مكسورة الخاطر عفتني هذا حالي ========== تمت ولله الحمد المقصر مع الحسين           ✍   علي النائلي

قصيدة للقاسم ع. يمه كتبي الوصيه. والحبر دم المنيه عرسي بالغاضريه. رايح ومو بديه .......... ابد ماظنهه تتعوض يفرصة موتي هايه من ابو فاضل خبر عاجل دعانه وبيده رايه على كل هاشمي يحضر اريد يدكله ثايه افرحي يصيح يازينب ندوس اعله المنايه صحنه احنه الغيارى. صيحه وحده حيدريه بخدمتك يابو فاضل. والتحيه عسكريه .......... ييمه الهاشمي طبعه يسولف بس مواقف من سوالف علي حيدر اشبعهم سوالف اثلم السيف تدريني بركبهم ماني خايف وللموت أنه افتْحِلهم وحك عينچ مضايف ابن ابوي تعرفني. انه حرب الغاضريه باچر تكلي شكراً. بالحشر امي الزچيه ........ رحت للاكبر وكتله سويه خل نقاتل بصف العلكمي نفتح نهر بدماهه سايل نزلنه وصحنه عالعسكر الا هل من منازل عفيه ويه كل ضربه يصيحلنه ابو فاضل ناده عباس ارجعو. ابقو يم الهاشميه ارد اجيب الشريعه. والنهر عطشت رقيه .......... ردت ارجع ولكن كلبي ماينطيني يمه اطيّح راسي بچفوفي كلت من عمي زحمه حني چفوفي من نحري اذا ظل يجري دمه وأكتبي بدمي عالخيمه شهيد الله يرحمه وخلي يمه اعله نحري. دمعتچ تنزل جريه بلكي ترويني ضامي. انه سويت العليه ......... انه تمنيتهه هوايه ييمه ومنتظرهه اظن لجيّتي اتاني واظن خلص صبرهه جميله كلش بعيني عظيمه وشكبرهه الشهاده الهه زفيني اريد اكطع مهرهه بخيمتچ خل يصلي. عمي ويكبّر عليه وكولي يالقاسم انته. للحسين ازغر هديه ....... يأم القاسم ويبقه الاسم هذا علامه لكل ام الهه يستشهد ابن حد القيامه ويه كل زفه اذكريني والشموع العلامه واذا سألوج بس كولي مشه براي لعمامه وبثوابي انتي وزعي. حنه وشموع انه ليه تنكضي وملتقانه. يم علي حامي الحميه ........ نسألكم الدعاء حسين صادق العقابي

#قصائد_منبريه #رقية_بنت_الحسين_ع اساسيه منهه أطلبهه التراجي              هيه من نسل الكرام لا تجي اتسلبهه تجرح             يا لعدو كَلب الامام خايفه وتسحكَ جمر شارده ابحر الظهر لا تجي اتسلبهه تجرح             يا لعدو كَلب الامام ........................................ هذي حيدر جان جدهه            والد الكل اليتامه والحسن عمهه ابمظيفه         بِنَت عِش حته الحمامه حسين ابوهه الماكو سائل         رده خالي ابلا كرامه تنطي بالطلبه التراجي           هذي من نسل الامامه ليش ترعب كَلب طفله             ** **              شارده من الحركَ اتشوف الاطفال البقيه            **  **             بالخيول وتنسحكَ حايره بذاك الامر شارده ابحر الظهر لا تجي اتسلبهه تجرح             يا لعدو كَلب الامام ........................................ طلعت   ومجويه اديهه          من جمر نار المخيم ويه  كل باقي اليتامه                وي جمع كله تيتم ماكو نار الكَاع تجوي            وما جدم من عدهه يسلم شلون اذا بس نار بيهه             وانتَ عالطفله تحزم حايره ابجويات اديهه         ** **            تركض ابرجيلهه نار تجي اتسلبهه اليتيمه        **   **        ما تجي تطفي الشرار اعيونهه تبجي وحمر شارده ابحر الظهر لا تجي اتسلبهه تجرح             يا لعدو كَلب الامام ......................................... طالعه ادور اعله ابوهه               شارده من الاعادي ياحسين اتصيح ساعه               وساعه للكافل تنادي تعثر  ابتله ابدربه                 ومره لا بتراب وادي تشكي رادت يم اهلهه            عالجره واعليهه سادي اجدامهه المحروكَه بيهه         ** **            شوك سعدان الارض اشما بعد تركض جدمهه         ** **               باللحم أكثر يمض وجانت ابعازة صبر شارده ابحر الظهر لا تجي اتسلبهه تجرح             يا لعدو كَلب الامام ......................................... اتفاجأت  بيك اليتيمه          من جفوفك زاد ونهه ناسيه   من المصايب         عدهه ترجيه بأذنهه طاحت اعله الكَاع تبجي        من العطش ناحل بدنهه اتجرأت أيدك عليهه                تاخذ الترجيه منهه ألمصيبه ألأكبر انت         ** **             تجر وياهن إذن انجرحت الطفله اعله أيدك       ** **            طاح دمهه اعله المتن ابد ما لَك اي عذر شارده ابحر الظهر لا تجي اتسلبهه تجرح             يا لعدو كَلب الامام ...................................... وي كل هذا الجره الهه            اتيسرت وي الضعينه طفله مجروحه وزغيره           من الجره بالطف حزينه من البواجي شويه نامت           شافت حسين بأدينه جانت ابحضنه وشبكَهه             شلونج ايكَلهه الحنينه فزت ورادت ابوهه         ** **            راس جبتلهه ابطشت جنك ابروح الزغيره       ** **                تسحب تريد وتعت هذي بت فارس بدر شارده ابحر الظهر لا تجي اتسلبهه تجرح             يا لعدو كَلب الامام الشاعر ياسر العارضي

يُمّه عينك غافيه وخذو مني العافيه وينك اوين السهم گماطك احمر كله دم آه يالولد آه آه يالولد آه ____ يبني يا عمر الورد ردتك الحضني ترد عبد الله يبني _ عبد الله يبني إيدي مشتاگه الك وحشه بعدك هل فلك وضعك ذهلني _ وضعك ذهلني گلبي ما يحمل إفراگك يالولد روحي هاجت والگلب عنّك نِشد صدري دَر امتانيه ترجع بعد ردتك الجرحي يعبد الله ضُمد يمه سهم الصابك كونه بيه وعافك گلبي نصين انجسم گماطك احمر كله دم آه يالولد آه آه يالولد آه ____ راسمه بعيني مهد بغيبتك گلبي إنمرد متنطره جيتك _ متنطره جيتك يفز ياساعه الگلب نايم ودمه يصب ذبّحتني ونتك _ ذبّحتني ونتك اشما اگوم اوگعد انته اگبالي ارويحتي راحت ييمّه الغالي لون ما ترجع تعذّب حالي بغيبتك يُمّه انمرد دلالي تدري اموت اخلافك بروحي ذيچ اوصافك وصفك بعيني انرسم گماطك احمر كله دم آه يالولد آه آه يالولد آه ____ عيوني ذبلهه السهر دمعي بركان انفجر مانمت انه الليل _ مانمت انه الليل صدگ ما ترجع الي نوحي لجلك يعتلي هد مني الحيل _ هد مني الحيل يمه رد ليه احلفك بالربه لا تخليني عليله معذبه روحي من بعدك حزينه وذايبه بسهم هجرك يبني روحي امصوبه اوليدي وينه اوليدي خل ينام اعله ايدي ابگلبي يا ريت الألم گماطك احمر كله دم آه يالولد آه آه يالولد آه خلص صبري وأيّست ما ترد ليه گلت عبد الله ويلاه _ عبد الله ويلاه حته ما صارت سنه عمرك شهور أو انه يا يوم انساه _يا يوم انساه ياهو ليوصف حنيني وشوگه يمه كاروكك ترسته علوگه چفي رادك يمه تلعب فوگه روحي بغيابك تره مخنوگه شلي بعدك بالعمر يوجع اگليبي الهجر حيل ماظل وانهدم گماطك احمر كله دم آه يالولد آه آه يالولد آه _ حته ما صحلك چفن اوليدي مذبوح اندفن يالوعة حسين _ يالوعة حسين وسفه سابح بالدمه يبّس حشاك الضمه مصيوب سهمين _ مصيوب سهمين رفرفت روحك وعينك هامله موّتك يُمه العطش لو حرمله راح اهيمن بالبراري والفله روحي شاطت من نوايب كربله طافي نور عيوني خايبات ظنوني گلبي چم نوبه انلچم گماطك احمر كله دم آه يالولد آه _آه يالولد آه __ #حيدر بشار الدراجي *

جلجل الليل بظلامه        واحنه ياحيدر يتامه مذبحه ناسي وهلي         والله حيره يا علي والوكت بين ظلامه          واحنه ياحيدر يتامه ############# دخيلك ياعلي الليله بلايه خيام بلا كافل عل غبره اشلون انام شردت مرعوبه كل الحرم وايتام انهضلي يبونه انخاك  يا ضرغام مابقه حارس للخيم        بلا كفيلي والعلم مذبحه كل النشامه        واحنه ياحيدر يتامه ############# شحجيلك يبويه من ياهي ابدي ياوالي بس معلول ضل عندي حادي الموت بخواني ضل يحدي شيطفي النار يابويه وانه وحدي انظر يبويه حالتي      ابقه وحيده بغربتي كسرو جناح الحمامه       واحنه ياحيدر يتامه ############## جفوف الكمر عباس كطعوه والهامه بعمد يابويه  ظربوه بسهم عين الكمر ياوالي طفوه والرايه بحوافر خيل سحكوهه ضلت عيوني علنهر       والله مشتاكه للكمر عل ثره ينحب حسامه    واحنه ياحيدر يتامه ############### جم لوعه شاف حسين ياحيدر من عباس والقاسم والاكبر والافجع على كلبه  والاكثر دم طفله على صدره مطشر والسهم صاب الطفل     بعمر الورد وينجتل والطفل خالي منامه     واحنه ياحيدر يتامه ################ مصاب حسين ياحيدر شلون مصاب عطشان ويناديني يداحي الباب عمت عيني وبضهره شفت نشاب شضمدنه وبجسمه الف صواب من توجه ليه الشمر       بعد شصبر ياصبر يناجي ربه  بكلامه     واحنه ياحيدر يتامه ################ طبروه بوريده حسين جدامي ابن امي بقه مرمي جسم دامي بخيول وحوافر سحكت الظامي ظلينه بس عيله وبلا يه حامي مذبحه شفت اخوتي        هليله ليله حيرتي زينب اليله بلاسلامه        واحنه ياحيدر يتامه ################ يبويه الليل من جلجل اخذ كلبي حادي الشوم باجر بياديره يحدي عفتهم بكربله كل خواني واعمري على فراك اخوتي كل حيل ماعندي من الجره شاب الكلب      مذبحه خوتي علترب شالو روس بلاعمامه    واحنه ياحيدر يتامه ••••••••••••••••••••••••••••••••••••••••••••••••      كلمات خادم الحسين           حسن الجحيشي #تم_بعون_الله_محرم_2022

السيده زينب ع تخاطب الامام الحسين ع اشكثر ناديت اخيي مايلانه وذا عطشان اصيرن مايلانه تره فراكك حناني  ومايلانه مثل قوس اصبحت وكثر اشويه الشاعر سعيد العكيلي 2022929 يوم الخميس جواب الامام الحسين ع👇👇👇 السماء السبعه زينب كلمني وهذا  غيار  وجهي كلمني تره  الناي  بونينج  كلمني وبلال الله وكبر صاح بيه رد السيده زينب ع 👇👇👇 مثل فيل ابرهأ صاير شمرهم وخولي يكلي مريهم شمرهم نسو عباس يوم  لي  شمرهم على شط الغاضريه وزاد ميه الشاعر سعيد العكيلي 2022101 يوم السبت

قصيدة ( وا ويلاه ) ••••••••••••••••••• وآ  ويلاه تدري شبيهه وآ  ويلاه  يا حاميـهه »»»»»»»»»»»»»»»»»»»» ع الزهره الدمع يچويك من ينزل وانه بنتك من اخيالي كمت اچفل يبو الحمله عجيبه شلون ما تحمل وآ  ويلاه شگد ماذيهه »»»»»»»»»»»»»»»»»»»» الدخل دارك سمعهه لكلمة اتحمل من حلگ النبي طلعت ولا يخجل عرف عهدك بده بصحبانه يتمرجل وآ ويلاه هم تدريهه »»»»»»»»»»»»»»»»»»»» انه يمهه وشفتهم من يعصروهه شفتهه النار من گامو يشعلوهه شفتهم بويه واسمعهم يشتموهه وآ  ويلاه اشسوو  بيهه »»»»»»»»»»»»»»»»»»»» اجه قنفذ سطرهه وانطعن خدهه بقت تشگف بديهه وحيل ماعدهه شفت محسن وگع والباب شاهدهه وآ ويلاه يا واليهه »»»»»»»»»»»»»»»»»»»» سمعت اضلوع امي شلون تتكسر شفت بسمار يتفايض دمه احمر شفتهه تهـوم تريد اتگوم تتعثـر وآ ويلاه من يشفيهه »»»»»»»»»»»»»»»»»»»»       ( حيدر العمار الخزعلي) (ليلة ٨/ربيع الآخر /١٤٤٤هج الخميس 311 2022 استشهاد مولاتي السيده فاطمة الزهراء عليها السلام

فاجعة سقوط المحسن عليه السلام .. يوليدي تانيت ...تكبر تمنيت وتعوض سنين التعب يا ماي عيني يالمحسن الليله إلك يشتد حنيني **** آنه أمك يبعد أمك يروح الروح أبد ما حسبت من بين إديه تروح گلبي بغيبتك من كل كتر مجروح ولون بالنوح ترجع ما أبطل نوح يا شوف العيون ...من ترحل شلون أبقه أنتظر يا سلوتي منك تجيني يالمحسن الليله إلك يشتد حنيني **** ابنار الشبت بداري بدت الأسباب والباب وعصرهه وضلعي من ينعاب صارت طيحتك يا يمه عالأعتاب ولو مو من خشب ناحت عليك الباب روحي تطلبك ...شنهوه ذنبك رحت من إديه وما تجي هذا يقيني يالمحسن الليله إلك يشتد حنيني **** چنت متأمله تكبر يضي العين توگف للحسن لو عكس طبع البين ويوم الطف بعد توگف لأخوك حسين رايح  وين ؟ يالرحت بأجل لي وين   يا ضوه دربي ...گطعت گلبي الصار يوليدي جرح بينك وبيني يالمحسن الليله إلك يشتد حنيني **** أشوف الليله أبوك المرتضه الكرار يساعدني بمصابي والدمع مدرار لحظه وحلمي ضاع وصار كل الصار علينه هالزمن يبني عكس يندار مكثرهه الالام ...من جور الأيام يالضعت مني بضيعتك ضاعت سنيني يالمحسن الليله إلك يشتد حنيني **** يبني إوداعت الله وهذا أظن حدك ولابد نلتقي يوليدي يم جدك بقيت أسأل عليك وما حصل ردك شلّك  بالزمان الغادر شعندك يالما تهنيت ...لكل حيلي بديت ما يخلص بروحي الحزن اسمع ونيني يالمحسن الليله إلك يشتد حنيني **** عمار هليل الواسطي

❂.. ‏🕊 ‏↓˓❁⸀ء الكثير من الأشخاص مصاب بحالة تسمى "ميزوفونيا" تجعلهم يشعرون بغضب شديد جداً لأتفه الأسباب مثل صوت تنفس أو صوت مضغ طعام لشخص ما. 🍰🎈 - 💛♩❋ ء ✿.قـــــطــــرهہ.سحــــاآبـــــــهہ.cc.✿

#نزله لـ #العباس محرم 1444 ✅✅✅ كاصـــد نهرها السكاي والجربه فوك متونه ــــــــــــــــــــــــــــــــــــــــــــــــــــــــــــــــ صاح واليوم العطاشه ارويها اليوم فرسان الاعادي الويها والله عل شاطي ولا خليها والفواطــم شيمتي اترويها لحسين جاب اهوه الماي واليوم يروي اضعونه كاصـــد نهرهــا السكــاي والجربه فـــوك متونه ــــــــــــــــــــــــــــــــــــــــــــــــــــــــــــــــ برز عباس ونزل ميدانه وفرت خيول وزلم فحطانه الشافه ضل ميت جسم بمجانه تنخه بخته وبجه كل عدوانه خــدر العقيله بحماه وخلاها وسط اعيونه كاصد نهرها السكاي والجربه فــوك متونه ــــــــــــــــــــــــــــــــــــــــــــــــــــــــــــــــ فوك نهر العلكمي رف رايه والماي عالجربه كصد مشايه قائد العدوان كال حجايه طاح حظنه وسوه بينه سوايه خلاها طشار الروس يشبه علي وطاعونه كاصد نهرها السكـاي والجربه فوك متونه ــــــــــــــــــــــــــــــــــــــــــــــــــــــــــــــــ صــار قباض المنايــه ايمينه وصاح بالطف وينه الندك بينه انه ابو فاضل وعــم اسكينه بسيفه يذبح ويه خزرة عينه حط بيها خوفه العدوان والشرد يا خيعونــه كاصـــد نهرها السكــــاي والجربه فوك متونه ــــــــــــــــــــــــــــــــــــــــــــــــــــــــــــــــ اسد بالطف والزعل يحلاله وزئر بيها وجندل الخياله الوكف كدامه عثر بخياله زلمه حيد اقواله نفس افعاله طف كربله شاهد هاي من شارته ايسمونه كاصـــد نهرها السكاي والجربه فوك متونه ــــــــــــــــــــــــــــــــــــــــــــــــــــــــــــــــ الشاعـر : سيد محمد الموسوي الشاعـر : فيصل عاشــور

على مصيبــــة علي السجاد       دمعك من دمه سيله الكضه مسمـــــوم بيد أوغاد      أوّدع دنيتــــــه الليله ** شكثر ضيم ومصايب شاف        علي السجــــــاد بعيونه ون إعليها كـــــــــــل عمره        ودمعه جـــــرّح جفونه وأصعب موقــــــف المر بي       وي عمّاتـــــــه يسبونه من طف كربلـــــــــــه للشام       واليحدي الضعن ظلاّم مصيبه فجعـــــــــــــــت الإسلام سبي النســــــــوان للطاغي       راعي المكـــر والحيله ** جروح الصابــــــــــت الكلبه       منها الحجـــــــــر يتفسّر مـــــــــــــا تنحصي ولا تنعد      ومنها نحـــــــــــل وتغيّر حملها بـــــــــــــــــآه وبلوعه      وبقت وسط الحشه تسعر دموع العيــــــــــــــن سجّابه      على حسين وعلى مصابه وعلى الغاليــــــــــــــــــــن أحبابه ودّعهم فـــــــــــــــرد ساعه        وعليهم منهـــــــدم حيله *** الباع الذمتـــــــــــــه بالدينار      وتبع أهل الكفر والشر أبد مـــــــــــــــا عاف والينه      وأحقاده غــــــدت تكبر تالــــــــــــــــي سممّه الغادر      وجبده أتهشّــــــم أتوذر بسم وغــــــــــــدر هالملعون    أصفر صار منّــــه اللون وجسمه أتغيّـــــــــــر ومطعون ودّع دنيــــــــــته بهل حال      وأرض وسمــــه تبجيله ** ويــــــــــــــــن اليتبع السجّاد        وحاسـب نفسه بأحبابه خل ينوح هــــــــــــــــذا اليوم       ويجـري الدمعه سجّابه وخل أيصيــــــــــــــح واويلاه      على السجّــــاد بمصابه يــــــــــا محله البجي والنوح       على أبن الكضه مذبوح ودمعي ودمعــــــــــــــك المسفوح أكيـــــــــــــــده جمعته الزهره      من كل واحــــــد أيسيله ** بهذا المأتـــــــــــــم المنصوب       أكيده حاضره الزهره وتشــــــــوف الحضر والجاي       يلطم بالعـــــزه ويقره وكل اللي إجـــــــــــــه أيعزي       منها ياخـــــــذ الأجره هنــــــــــــــاك بوكفت المحشر     عنّـــــــــــــك لا متتأخّر تحضر عنــــــــــــــــــــدك وتنسر هيه هنــــــــــــــــاك لتجازيك       وكــــــل هم عنّك أتشيله يــــــــــــا رب أبعلي السجّاد        أسأل أني مـــن هل باب وأنت القـــــــــــــــادر القاهر       وأنت مسبــــب الأسباب عجّـــــــــــــل طلعت الغايب       وأنهيله أمـــــــــر الغياب يـــــــــــا رب عيده خل يثور      ضد أهــــل الظلم والجور ويطلب ثــــــــــــــــار كل مغدور ويصلح  حــــــــال كل الناس      ومنهـــــــــم همهم أيزيله الشاعر قاسم حتروش البلداوي خادمكم أسألكم الدعاء 🤲🤲🤲🤲🤲🤲 غير مبري الذمه كل من يقرأها بطور الغناء