«قصص خيالية رائعة متنوعه» ♥"

تتفاعلو 🌟

ام جواد: لك بلا هبل امشي خلصيني امسكي الصينية مزبوط وارفعي ظهرك واخرجي احكي السلام عليكم جود: هههههه قلبي معك جنى .. غمضت عيونها ومسكت الصينيه وخرجت ورا امها والقت السلام ...صارت تقدم بالقهوه ووصلت عنده رفع نظره عليها وابتسم ... كتير خجلت ماصدقت تخلص وراحت قعدت بحد امها ... طول وقته بطلع عليها وهي تسرق نظرات كل شوي ...كان شكله كتير حلو وعاجبها صحيت عصوت ابوها بحكيلها تقوم هي واياه يقعدوا يحكوا ويتعرفوا عبعض ...قامت وهو قام وراها فاتوا عغرفة القعده وقعدوا محمد: كيفك؟ جنى: الحمدلله انت محمد: الحمدلله.. رح احكيلك عن حالي ..انا محمد عمري ٣٠ سنة تغربت ٧ سنين وهلا رجعت وبدي افتح مشروعي الخاص هون وازا حابه تسالي اي اشي اسالي جنى : انا جنى عمري ٢٤ سنه ودارسه اداره واعمال وحاليا بشتغل بمركز ... محمد: بتعرفي اني من اول ماشفتك عجبتيني جنى : ههههه انا؟ وين شفتني محمد: يوم عرس اختي يارا كنتي مع اخوك جواد وامك جنى : هههههه ليش انا ماشفتك ؟ محمد: هههههه مابعرف جنى : يعني انت بس شفت

جواد: لا ستي شو نتخانق ... هي تسترجي بسس حنين:هههههه بالله؟ جواد: والله حنين: جواد ...بس نجيب االاغراض ونرجع خدنا شي مكان جواد: الوقت بكون متاخر ... حنين: عادي ام جابر : اي خدها مش غلط .. اكسبوا هالايام قببل الزواج جواد: مابدي حنين: يلااا كرمالي ... مديت راسي من بين الكرسين وقرصته ع خده بخفه ماقدر مايضحك ...كنت عارفه انو زعلان مني عشان هيك حبيت الطف الجو ... ام جابر: خلص خدها حرام ..بتوصلني عالبيت وبتاخدها حنين: لا بتيجي معنا ام جابر: شو بدو يجبني معكم؟ انتو خطاب اطلعوا واتهنوا حبيبتي .... جواد:بس كرمال ستي ... حنين: بالله؟ جواد؛ والله ... وصلنا البيت واخدت كل اغراضي كان جواد بالصالون عم ينطرنا ويدخن ... اخر اشي بس اجينا نخلص وهي ام جابر بتضب معي وقع بايدها بالغلط جاكيت جواد يييي ييي يافضيحتي قدامه هلا شو بدو يحكي علي ام جابر بصوت عالي؛ لكككك جواد هي جاكيتك الي كان ضايع ...وقلبنا الغرفه عليه اجا جواد ركاض عنا وشافه ..صار يضحك وحكالي: جاكيتي شو بعمل عندك ياحراميه؟ ..دفعت حقه كتير حنين: انا؟ لا لاا مش اانا ...انووو يعني ي ام جابر: ههههههه شو عم يعمل عندك؟ جواد: ستي حرام بكون ناطط بالغلط مع اواعيها هاتيه لهون .... حنين:انا سابقتكمم تحت ... تركتهم ونزلت انطرهم باالسياره وجواد وسته فارطين ضحك ..خمس دقايق كانوا مخلصين ونازلين ييييي ياخزوتييييي .... اخدنا الاواعي ورجعنا عالبيت نزلت ام جابر وانا نزلت قعدت من قدام ... حنين: يلااا جواد: لوين؟ حنين: شو لوين؟ جواد: مافي روحه حنين: يلاااا كتيير ماله وزهقانه جواد: باخدك بس بشرط حنين:موافقه جواد: قبل لتعرفي شو هو الشرط؟ حنين: شو مايكون موافقه جواد: ههههه متاكده؟ حنين: اه المهم اطلع ... جواد: تمام ..واشر ع خده وكمل حكي ...اعطيني بوسة حنين؛ بالله ؟ مابدي جواد: حره انتي يلا معك ثواني تقرري والا رح انزل حنين: ماازنخك ..طيب ماشي ... غمضت عيوني وقربت شوي شوي وبسته من خده بسرعه حنين: يلااا جواد؛ هههههه لازم يعني شحده نشحدها منك طنشته ومشي بالسياره ... حنين: جواد ... جواد: نعم؟ حنين: بعرف انك كتير انقهرت مني االيوم بس مش بايدي والله .. حقك علي جواد: ماشي بس هالمره وياريت مايتكرر هاد الاسلوب تاني مره حنين: حاضر .. مسكت ايده وبستها (كتير بحبك) وقف السياره وصفن فيي جواد: شو قلتي؟ حنين: انا بحبك ... جواد: لكككك ريتك قلبييي وشغل السياره وحط اغنية اخيرا قالها قال احبك قالها وانا طول الطريق مبسوطة معه يالله شو حلو يكون عندك حدا سند .... ...................... رن الجواال وردت ام جواد ام جواد: الوو ام يارا: كيفك ام جواد؟ ام جواد: اهلاا ام يارا الحمدلله وانتي ام يارا: الحمدلله بدي افتح معك موضوع ام جواد: خير ان شاءالله ام يارا: بصراحه بدنا ناخد منكم موعد نيجي نشوف بنتك جنى لابننا محمد ام جواد: يامية اهلا وسهلا بتشرفونا باي وقت بتحبوا ام يارا: اهلين فيك ... بدنا نجيب الشب بالمره شو رايك؟ ام جواد: االي بريحكم ... ام يارا: خلص منيح ع اتفاقنا بكره بعد العشا ام جواد؛ اهلا وسهلا بتنوروا سكرت الخط وهي مبتسمه راحت اتجاه غرفة ابو جواد وفاتت ام جواد: ابو جواد اتصلت ام يارا ابو جواد: بعرف شو بدهم ام جواد: بتعرف؟ ابو جواد: اه بعرف بدهم ييجوا يشوفوا جنى لمحمد ام جواد:وليش ماخبرتني ابو جواد: هي الي صار ..روحي خبري جنى عشان يكون عندها علم ام جواد: هيني رايحه... خرجت من الغرفه وفاتتت عند بناتها كانوا عالجوال ام جواد: جنى بكره جاييك خطاب جنى: مين؟ ام جواد: محمد اخو يارا جنى: طيب ام جواد: عشان تجهزيلي حالك بكره بعد لعشا جنى: ان شاءلله ام جواد:الله يجعلك نصيبه يارب جنى: ليش ؟ ام جواد: لانه ابوك كان نفسه يناسبهم بس شفتي جواد ويارا شو عملوا .... جنى :وبالاخر انا بطلع بالوجه ام جواد؛ زي ماحكيتلك عشان يكون عندك علم ماتتاخري بالدوام عشان تلحقي تجهزي حالك جنى: ماشي ... خرجت امهم .... جود: شو جنى مش مبسوطة؟ جنى : مابعرف عادي جود: والله بقولوا انووشخصيه بعد مارجع من السفر جنى : شو بهمني الشخصصيه المهم العقل جود: بكره بتشوفي وبتحكمي جنى : هو هيك .... تاني يوم بعد العشا كانت عم تزبط حالها...لابسه فستان طويل لون ابيض وشال خمري وحطت شوية مكياج ونطرتهم ليجوا .. عشر دقايق كانوا واصلين استقبلوهم اهلها واخوتها كلهم...... كان ابو جواد وابو يارا كتير مبسوطين وبدعوا يارب يصير نصيب ... فاتت تعمل قهوه وهي متوتره وايديها برجفوا وجود بالمطبخ عم تهدي فيها..شوي وفاتت امها تستعجلها جنى : امي مابدي اخرج خلص

......................... طلعت من عند احمد بعد ماشربنا قهوه ورحت شوي عالمركز شفت كم شغله بخصوص الشغل وشفت عمر عمر: شوووو بشوفك طاير؟ جواد: هههههه مافي مبروك؟ عمر: عشو؟ جواد: كتبت الكتاب فتح تمه مصدوم وقام من المكتب اتوجه لعندي عمر: عم تمزح؟ جواد: والله عمر: هي الاخبار الحلوة ... ريته الف مبارك جواد: عقبالك يارب ... عمر: اقعد اقعد قعدت عنده وشغلت سيجاره جواد: والله هاي شكلها رح تجنني يازلمه من اولها نكد عمر:لحقتوا؟ جواد: اه .. عمر:البنات كلهم نكدين لاتخاف اشي طبيعي جواد : خايف يجي يوم وتعصبني وافقد اعصابي واحكي حكي اندم عليه بعدين عمر: وكل الله يازلمه شبك مكتئب ؟ جواد: مش قصة اكتئاب بس هي هلا مسؤوليتي وحاطه كل املها فيي خايف يجيي يوم واخذلها عمر: لااا هيك كتير شبك جواد:مابعرف .... جدد ... مسحت عوجهي وحكيتله يطلب قهوه نشرب وبالفعل جاب قهوه وبلشت اشرب .... عمر؛ وايمتا العرس؟ جواد: تاني اسبوع عمر:اوف بهالسرعه؟ جواد: اه خلص كل اشي جاهز وهلا بتواصل مع قاعه ودي جي وكل اشي بكون جاهز ان االله راد عمر: ههههه كل هاد وبدكيش تخطب جواد: هههههههههه معك حق والله حكينا كتير ع ٧ رحت عالبيت ... كنت متاكد انها عند ستي دقيت الباب وفتت كانت ستي عم تصلي والدنيا هدوء .... نطرتها لتخلص ورحت عندها جواد: الله يتقبل ستي ام جابر : منا ومنك جواد: شو وينها حنين؟ ام جابر: مابعرف كانت بالغرفه ... جواد: انا رايح اشوفها ... مشيت للغرفه دقيت دقتين سمعتها بتحكي حنين: اتفضل... فتحت الباب وفتت كانت واقفه عالشباك لفت وجهها وشافتني رجعت لفت وجهها عالشباك وكانها طنشتني ...مابعرف شو بصير معها ...قربت لعندها من ورا وضميتها وسندت دقني ع كتفها مسكت ايدي وبعدتهم عنها بقوه ...لفيتها لعندي بعصبيه جواد: شبك.؟ حنين: لاتحكي معي جواد ليش شو صاير؟ حنين: ولشي ... جواد؛ حنين لاتستفزيني واحكيلي شبك هاي الحركات بكرهها بعدت عني واجت تمشي ...مسكتها من ايدها بقوه ورجعتها لعندي ... جواد: لما بحكي معك بتجاوبي عم تفهمي ؟ شبك اليوم مش مصليه عالنبي ونازله نكد؟ اطلعت بعيوني وحكت : بدي اسالك سؤال جواد: اسالي حنين:عفش البيت تبعك كلو زوق مين؟ جواد: ليش عم تساالي؟ حنين: لاني اليوم فتت عليه وشفته جواد: شو يعني؟ حنين: يعني انا مابدي اسكن عزوق ضرتي المفروض اني معصب منها ومن اسلوبها بس مابعرف لما حكت هيك فرط فيي الضحكك بصوت عالي دمعوا عيونها وحكت : عم تضحك ؟ جواد؛ بربي انكم بنص عقل انتو البنات حنين: لك لاتغير الموضوع.... جواد : ههههههه غيرانه يعني؟ حنين: انا ؟ لا عشو بدي اغار؟ جواد: اي واضح ... حنين: انا بديش هاد العفش لاني متاكده انه كل ماتشوفه حتتزكرها بكل زاويه وبكل مكان .... جواد: ههههههههههههههههههههه بربي انك خالصه .. العفش مش ذوق يارا بتعرفي ليش؟ حنين: ليش؟ جواد: لانه هاد كله اخترته بدونها .....اخترته خلال ال ٦ شهور الي مرقت وكنت حردانه لحالك ومنعزله ... حسيتها ابتسمت من بين دموعها وحكت حنين: يعني هاد مش زوق يارا ؟ جواد: لا مش زوق يارا اجت تخرج بس مسكتها وحكيت بجديه كبيره وحزم جواد: حنين...هاد الاسلوب اول مره واخر مره بتتعاملي فيه معي عم تفهمي؟ والا ماحيصير خير حسيتها خافت بس معلش خليني من اولها ... هزت راسها وخرجت ... وقتها كتير استفزتني ورفعتلي ضغطي ... كل ساعه بعقل الله يصبرني ... خرجت لعند ستي وكانوا التنتين اعدين بالصالون استاذنت منهم وطلعت عالبيت ...مابعرف ليش مش طايق اقعد معها ...حاسسها نكده اليوم ....فتت عالبيت اتحممت واكلت وبعدها اتمددت ....ماكان الي نفس لشي .... والله فهم البنات صعب ...بتفكر حالك فاهمهم باالاخر بفوتوك بمليون موضوع ...... فركت جبيني بتوتر وقمت ادخن عالبرنده ... شوي وبرن جوالي كانت ستي جواد: اه ستي ام جابر: لك وينك مش ع اساس الليل بدك تاخد حنين عبيتها تجيب اواعيها ؟ جواد: ييي لك وربي نسيت ... خليها لبكره احسن ام جابر: بكره انت مداوم وبعدين مافي كتير وقت للعرس قوم يلا هينا بدنا نلبس جواد: طيب حاضر .. سكرت الخط وجهزت حالي وطلعت .... ................... لبسنا انا وام جابر وجهزنا .... قربت لعندي وباستني ام جابر:لك والله انك بتجنني بالحجاب والعباي ابتسمتلها وضميتها بفوتةة جواد الي اول ماشافني بالحجاب ابتسم ... جواد : يلا جاهزين؟ حنين: اه طلعنا معاه قعدت ام جابر قدام وانا وراه ... حسيته مش طايقني بسبب موقف اليوم بس خليه بستاهل هههههههه ... طول الطريق ساكتين ام جابر: شوو متخانقين؟ حنين: لا ليش ام جابر: مابعرف هيك قلبي حاسسني ...

جواد: انتو ماعليكم ...وبالنسبه للاواعي هدول الي جبناهم اليوم طلعوهم عالشقه فوق ... ام جواد: هلا بس نخلص شرب القهوه بنطلع الاغراض ومنه بفرجي حنين الشقه.... جواد: كتير منيح ...حنين جهزيلي حالك الليل بدي اخدك عشقتك تجيبي اواعيك وتييجي ام جابر: انا رح اجي معكم اساعدها بالضبضبه جواد؛ تمام شرب قهوته وطلع لعند احمد الي كان واعده يجي امبارح ومااجا ... خلصوا شرب قهوه ونزلوا ام جابر وام وائل تحت وقبل لينزلوا ام جواد عزمتهم عالغدا بمناسبة الخطبه ... نزلوا يرتاحوا شوي بينما حنين وام جواد طلعوا عالشقه فوق ومعهم الاغراض اول مافاتوا عالشقة اتفاجأت حنين من جمالها وكبر مساحتها كانت مفروشة جاهزه ع احدث طرز ...بقلبها(اي اكيد هاد كله زوق يارا ..انا مابدي اعيش عزوق حدا بتشوف ياجواد الليل ) فاتوا عغرفة النوم واول ماشافتها حبتها كانت لون ابيض وموديل كتير ناعم حلو اخر موديل ... ابتسمت وبلشت هي وام جواد يحطوا العبايات والفساتين بالخزانه .... بس خلصت قعدت عطرف التخت وهي ساكته .. قربت ام جواد منها وقعدت ام جواد: شبك حنين؟ حنين: ولاشي ام جواد: احكي ماتخجلي ... حنين: انا كتير خايفه من فكرة انو انا وجواد رح نعيش تحت سققف واحد ام جواد: ليش؟ حنين: قبل كل اشي بدي اسالك سؤال وصارحيني ام جواد؛ اسالي حنين: جواد ويارا ليش اتطلقوا؟ ام جواد بابتسامه: لانه خطبتهم كلها كانت غلط بغلط حنين: كيف يعني؟ ام جواد : لا هو كان بدو اياها ولا هي بدها ااياها بس ابوه وابوها خطبوهم تقريبا بالغصب .. حنين: اه ام جواد: ماحكيتيلي شبك وليش خايفه من جواد؟ حنين: بصراحه؟ ابنك جواد كتير اسلوبو مستفز ام جواد: ليش؟ حنين: يعني كلشي عندو اوامر وانا لازم انفذ بدون اعتراض..بدو بس يسيطر ... وحكتلها كل اشي عمله معها اليوم صارت تضحك ام جواد وحطت ايدها فوق ايد حنين وحكت : صدقيني هو من غيرته وحبه عمل هيك ...حنين بدي انصحك نصيحه ام لبنتها مش حماه لكنتها ..الزلام مابيجوا بالعناد بيجوا بالكلمه الحلوة وحاضر ومتل مابدك .. حنين: بس انا مابتحمل هيك ام جواد: حنين الزواج تنازلات منك ومنه ...هاي حياه طويله ومشتركه ..شد ورخي ...صدقيني جواد بحبك وسايريه حتعيشي مرتاحه .. حنين: خايفه والله ....خايفه يجي شي يوم يرجع يدايقني بالحكي او يمد ايده علي زي هديك المره ام جواد: هو يسترجي يعمل هيك وشوفي شو بنعمل فيه ساعتها ... ابتسمت حنين وحست براحه من كلام ام جواد وضمتها ......................... عالساعة٧ المسا انفتح الباب وفات ابو يارا ...اتجه للصالون وقعد شاف محمد قاعد وعم ينطره محمد: مسالخير ابو يارا: مسالنور محمد: ابي من االاخر وبدون مقدماات انا بدي اخطب ابتسم وحكا: كتير منيح في حدا ببالك؟ محمد: هو ماكان في حدا ببالي بس بعرس يارا شفت بنت محجبه وكتير حلوة لفتت انتباهي وعرفت انها اخت جواد ابو يارا:شوو؟؟؟؟ بدك اياني اخطبلك بنته؟ محمد: ليش شو يعني؟ ابو يارا: مابكفي سوادة وجهي منهم بخطبة يارا ...ماالي عين اجي واطلب بنتهم وباالاخر تبطل بدك اياها محمد: شو شايفني ولد صغير انا؟ ابو يارا :والله ولادي مجانين بتوقع منهم كل اشي .. محمد: ابي هيني حكيتلك ...بدك تروح معي ونفوت من الباب ولا احكي مع جواد راس براس؟ ابو يارا:مابعرف اتركني افكر الليل وبكره بردلك جواب محمد: ماشي بس لاتتاخر ... تركه وفات يدخن عالبرنده ... بينما ابو يارا كان عم يفكر وهو من جواته كتير حابب يناسب ابو جواد بس الخوف هالمره مانعه ابتسم من جواته وقرر يسال ابو جواد رغم انه خايف ... (والله لو ناسبته رح اكون مرتاح نسبه كتير حلو وبشرف وصاحب عمري خلص بكره بشوفه وبحكي معه وبشوف رايهه) .... قاعد محمد عالبرنده وعم يفكر (معقول ابي يقبل يناسبهم؟ ياترى حتكون نصيبي ؟ اووف احسن اشي اطلع اغير جو برا عبين مايجي بكره بلاش اضل غارق بافكاري ) راح لبس جاكيته وطلع يتمشى ويدخن ... ...رجعت ام يارا من شغلها متاخره وفاتت عالغرفه لقت ابو يارا متمدد ام يارا: مسالخير ابو يارا: مسا النور منيح اجيت بدي اخد رايك باشي ام يارا: خير شوفي ابو يارا: محمد بدو يخطب ام يارا: كتير حلو ومين بدو يخطب؟ ابو يارا: بدو يخطب جنى بنت ابو جواد ام يارا: طيب ؟ ابو يارا: شو رايك؟ خايف اخد هيك خطوه بعد الفصل الي عملته يارا وجواد ام يارا: مافيها اشي بعدين لاتنسى انو مش بس بنتك كانت بدهاش اياه ..حتى هو كان بدوش ياها وتنساش انو القرارر كان من جواد ويارا .... ابو يارا:يعني شو؟ ام يارا: يعني ابنك مش صغير والقرار برجع اله ماانت شفت يارا شو عملت لما جبرتوها ابو يارا: معك حق ... اقتنع بكلامها وقرر انو يفاتح ابو جواد بكره بالموضوع ..

يارا: بالك يعني؟ قيس: ههههههههه اه مسكت ايده وشبكت ايددها بايده وباستها كانت يوم عن يوم تتعلق بقيس اكتر لانها حست انو بهتم فيها اكتر من اهلها ..لاقت عنده الحب والاحتواء والحنيه وكل اشي حلو انحرمت منه عند اهلها ... كان وجوده عندها كفيل يحسسها بالراحه والهدوء والامان ....... ببيت ابو يارا خرج من غرفته ومالقى اهله ابوه وامه بالشغل مسك جواله ورن ع ابوه ابو يارا: اهلا محمد محمد: ابيي بدي احكي معك موضوع مهم ابو يارا: مش هلا بس ارجع عالبيت كتير مشغول محمد: ايمتا يعني؟ اعطيني وقت محدد ابو يارا: ع ٧ منيح؟ محمد: طيب ماشي لاشوف سكر الخط وصار يضحك باستهزاء (قسمابالله مسخره هالعيله ازا بدي احكي مع حد فيهم لازم اخد موعد قبل بفتره شو هالقرف) ابتسم بس اتزكر منظر جنى وكان كتير متحمس لفكرة الخطبه ...غمض عيونو واتنهد (لازم اتزوج واستقر...بدي احس انوو عندي عيله وحد مهتم فيي وبولادي مارح اكون معهم متل ماكانوا اهلي معي) نزلوا من السياره ومسكوا الظروف والاغراض وفاتوا عالبيت ... دقوا الباب عسته بس مافي حدا برد جواد: شو شكله فش حد هون ...غريبه وين ام وائل حنين: مابعرف جواد: امشي عالبيت فوق مشيوا فوق دق الباب وفات وفاتت هي وراه كانت ام جابر وام جواد وام وائل اعدين ... اول ماشافوهم زلغطواا واتفاجأووا بحجاب حنين قامت ام جواد لعندهم مبسوطة وطايره من الفرحه كرمالهم .. ضمت جواد وبوسته وباركتله ...وقربت عند حنين سلمت عليها وضمتها ام جواد: حبيبتي الله يهدي بالكم ياقلبييييي طالعه بتجنني بالحجاب والله ماعرفتك حنين: حبيبتي خالتو تسلميلي عقبال جنى وجود ام جواد: الله كريم فاتت لعند ام جابر وام وائل ضموها وباركولها وانبسطوا كتير بحجابها ام جابر : لك جواد ليش مش ماخدها وطالعين عمطعم مابكفي ماعملتوا حفلة خطبه جواد: والله بدك تسالي الست حنين هي الي طلبت تيجي عالبيت ام جواد: ليش ؟ متخانقين؟ جواد بابتسامه : لا بس حكتلي حابه تشررب معكم قهوة الصباح ام جواد: هههههه ازا هيك معها حق ...هيني قايمه اعملها حنين: لا خليك انا بعملها ام جواد: لاوالله مابتمدي ايدك ع اشي انت عروس جديده ... ام جابر: اشلحي حجابك مافي حدا .. ام جواد: فوتي عغرفة جنى وجود اشلحي الحجاب جواد:لا شو بغرفة جنى وجود... تعي معي سحبها وضل فايت عغرفته وهي تضرب بايده وهي منحرجه منه ومن تصرفاته فات وسكر الباب حنين: لكك جواد شو هاد ..شو هالتصرف عيبببب ابتسم ومارد عليها ... كانت واقفه عالباب وهوو قدامها قرب خطوه ورجعت عالباب..سند ايديه التنتين عالباب وحاصرها غمضت عيونها والتوتر مليون حنين: ببب ببعد جواد ... ماكن يرد عليها قرب عليها وباس جبينها... دفشته بخفه ونزلت من تحت ايده بسرعه ... حنين: جواد خلص ... جواد: طيب خلص شبك وجهك احمر وحالتك حاله ..انا خارج عالبرنده ادخن سيجاره اشلحي حجابك عشان نطلع نشرب قهوه... طلع عالبرندا واتنهد وهي شلحت العباي والحجاب .... كانت رابطه شعرها نزلت غرتها عوجها وراحت باتجاه البرنده وقفت عنده ابتسم بس شافها وقرب لعندها لفها بايده وكمل تدخين ... حنين: بدي اطلع انا عندهم عيب تاركينهم واعدين بالغرفه طنشها وضل لاففها وهي تحاول تفلت حالها منه بس عالفاضي ... اخر اشي تركها وقامت ... قام وراها وبلحظه صار قدامها ... جواد: بتعرفي شو الااشي الوحيد الي كان نفسي فيه؟ حنين: شو؟ قربها لعندها ومسك شعرها وفك االربطه لاانفرد شعرها ...غطى كل وجهه بشعرها وصار يشم فيه .... توترت كتير مش شوي حنين: جواد بدي اخرج.. ماكان يرد عليها ...كان بعالم تاني ومبسوط بقربه منها .. وهي تدفشه وتحاول تبعد بس هو مطنش شوي واندق الباب كانت امه عم تندهم يشربوا قهوه .. بعدت عنه حنين وربطت شعرها وخرجت بدون ماتحكي معه ...كان حاسس عليها كتير بتنحرج مش شوي وهالشي كان يخليه يضحك بينه وبين حاله اتنهد وخرج ..كانت اعده معهم عم تحكي ومبين عليها التوتر ام جواد: هي قهوتك اتفضل .. جواد: يسلمهم .... ام جواد: شوو هدول الظروف الي جايبينهم معكم؟ جواد وهو بطلع ع حنين وحنين نفس الشي جواد : امي هدول اواعي لحنين ام جابر:وكيف هيك اقتنعت باالحجاب جواد: مابتقدر تحكيلي لا...الحب اعمى ههههه وغمزها .. فتحت عيونها مصدومه حنين: لاتصدقوه هو لبسني غصب عني ... ام جابر: بس طالعه ملكه والله ام وائل: اه والله كتير حلو عليك الحجاب .... جواد: اي امي .. انا قررت انو الاسبوع الجاي العرس ف بدي تنزلوا انت وحنين وتجيبوا جهازها كامل اد ماتلحقوا لحقوا وبعد العرس بتجيبوا الباقي ام جواد: لك انت بدك تجلطني ع ايدك ؟ لك كيف الاسبوع الجاي واحنا مش حاجزين لاقاعه ولا دي جي ولا اشي

الجزء التامن كلهم عزوقي وزوق الصبيه الي بالمحل ..حاسبت وطلعنا من المحل بدون ولا كلمه ماسكين ظروف كتير حطيناهم بالكراسي من ورا ورجعنا قعدنا قدام.... شغلت السياره وطلعنا .... رنيت ع احمد جواد: اه احمد احمد: وين الي امبارح حكاالي برجع بشرب قهوه لهلا بستنا عفكره جواد: هههههه لك بربي نسيت .... احمد: ماعلينا شو بدك؟ جواد: بدي اخد اجازه شهر زمان لحنين احمد: وشو المناسبه؟ اطلعت عليها كانت ضاربه بوز جواد: بمناسبة انو اليوم خطبنا وبعد اسبوع عرسنا احمد: لك ياندل هيك مابتخبرني؟ جواد: بس اشوفك بحكيلك كل اشي احمد: ههههه طيب تتهنى الف مبارك يارب جواد: الله يبارك فيك عقباالك احمد: شوووو بدك اتني عمرتي؟ جواد: ليش لا ههههه احمد: ازا حابب تخسرني بتني جواد: هههههههه ازا هيك لا بلاها حكيت معه شوي وسكرت الخط وطول الطريق وهي ضاربة بوز جواد: مطوله ؟ حنين: ......... جواد؛ بحكي معك حنين: ......... جواد: شوفي حنين انا هاد اسلوب التطنيششش مش عندي تمام؟ جربي طنشي وشوفي شو رح يصير حنين: شو بدك؟ جواد: مطوله وانت هيك ضاربتيلي بوز؟ المفروض احنا مبسوطين انو خطبنا مش نكد من اولها حنين: بدك اياني ماانكد وانت هيك بتقرر كل اشي عني وبتاخدني عالمحل بدون حتى ماتحكيلي وبتحطني تحت الامر الواقع؟ جواد: والله هي الموجود حنين: هلا هيك؟ جواد: حنين وحدي الله ولاتخلينا نبلش خطبتنا وحياتنا بنكد ومشاكل حنين: جواد احنا ليش خطبنا؟ جواد:ندمانه؟ حنين: مش قصة ندمانه بس انا اعده بتخيل حالي اعيش معك كل حياتي بهيك اسلوب ... تقرر كل اشي عني وتفرض سيطرتك علي وانا علي بس انفذ لك ازا كملنا حياتنا هيك رح تمسح شخصيتي.... جواد: واالله انا ماعندي استعداد اترك مرتي تعرض جمالها للرايح والجاي اطلعت فيي بعصببيه وحكت : جوادددد شو هاد الحكي شو اعرض جمالي؟ انت واعي شو عم تحكي؟ لفت وجهها عالشباك اخدت نفس واتنهدت حاولت اد مااقدر ماافقد اعصابي او احكي حكي يدايقها ... لفيت وجهي عليها وحطيت ايدي تحت دقنها ولفيت وجهها لعندي جواد: حنين ياعمري ... افهميني ..انت كتير حلووة وشعرك لحاله قصه وبلفت النظر لككك انا اول مره شفتك فيها لما خرجتي من الغرفه وفارده شعرك ماقدرت اقاوم جمال شعرك ....وقتها غضيت بصر وضليت حاطط عيوني بالجوال ومارفعتهم ... انا مابتحمل حد يجي ويطلع عشعرك وعلبسك ..انا حابب يكون شعرك ولبسك وجمالك خاص فيكي وفيي بدي كل الناس تحسدني عليك صدقييني انت مابتعرفي الشباب ونظرتهم للبنت كيف ... انا شب وبعرف عشان هيك حابب تكوني مستره واهم اشي تكوني انت من جوا مرتاحه بالحجاب ... مابدي تعتبريني فرضته عليك فرض وتاخدي فكره انك لابستيه عشاني لاا انا بدي تكوني لابستيه عشان ترضي ربنا وعن قناعه تامه ...شوفي مااحلا منظرك بالحجاب حنين: جواد انت اسلوبك كان معي غلط لانك حطيتني تحت الامر الواقع ... جواد: حقك عراسي من فوق ... حطيت ايدي التنتين عوجها وقربت عندها وبستها عخدها ... فاتت بالحيط ووجها صار احمر ... ضحكت عليها وكملت سواقه وهي طول لطريق ساكته جواد: وين بتحبي اخدك؟ الساعه لسا ١٠ حنين: خدني عالبيت بدي اشرب قهوه مع خالتو ام جابر وحماتي جواد؛ ههههههه بالله؟ بدك تتركيني وتروحي تقعدي معهم ماحزرتي حنين: والله جاعبالي اشربها معهم زمان ماشربت قهوة الصباح معهم جواد: مع اني على عيوني ومش عاجبني بس تكرم عينك المهم تكوني راضيه اطلعت علي بطرف عينها وابتسمت.... .................... فتحت عيونها شوي شوي مالاقت قيس عندها ...قامت غسلت وجهها ومشطت شعرها وبدلت تيابها (لك وين بدو يروح هاد؟؟) خمس دقايق وشافته فايت بابتسامه ياارا: لك قيس وينك انت ؟ قيس: منيح لقيتك لابسه يلا امشي معي يارا: لوين؟ قيس: بدي اخدك شهر العسل يارا: شوووو؟ قيس: مش عاجبك ؟ بلاها خلص يارا: ههههه لك لا شو مش عاجبني بس اتفاجأت قيس: لاتضيعي وقت مش باقي كتير للطياره سحبها من ايدها وطلعوا من البيت يارا: لكك بس عالاقل اودع اهلي ومحمد .. قيس: مش ضروري يارا:طيب بركي فقدوني قيس: لاتخافي بعرفوا يارا: لكك مجنون والله مافاهمه اشي قيس: امشي هلا وبعدين بحكيلك كانت كتير مبسوطة مش شوي...مالحقت تقعد يومين بالبيت الا وماخدها شهر عسل ... ركبت بالطياره هي وايااه وهي لسا تحت تاثير الصدمه .. سندت راسها عكتفه وابتسمت يارا: مايحرمني منك ومن وجودك عندي كتير بحبك وبحب كيف بتهتم فييي قيس: حبيبتي وروحي وقلبييي .. يارا : جاعبالي اخانقك قيس: بلشنا هرمونات؟ يارا: هههههههه اه زهقت كل الوقت غزل وحكي حلو قيس: ههههههه الطريق باولها بكره بتشبعي طوش استمتعي هلا بالاوقات هاي

ام جابر:مبروك حبايبي جواد:الله يبارك فيكم....اسمحولنا مسك ايدي وسحبنا وصوت ضحك جاد وعمي لعنا حنين:لك شبككك جواد:امشي اطلعي ... طلعنا بالسياره ومشي فيها .. مسك ايدي وكانت اول مره بحياته بلمسني ... رجفت وقلبي دقاته صارت مليون صار يضحك رفع ايدي وباسها جواد:شبك شوي تانيه حتموتي ؟ حنين:جواد خلص جواد:خلص؟ الي زمان متمني تصيري حلالي ضل ماسك اييدي وماقبل يفلتها كنت كتير مبسوطة من فكرة انه معي وصار عندي سند بهالدنيا تركك ايدي وطال علبة الخواتم ..رجع مسك ايدي ولبسني الخاتم ونا برجف... جواد: ههههههه لك اهدي شبك ...يلا خدي لبسيني الخاتم اعطاني الخااتم عشان البسه اياه ...اخدته ومسكت ايده شوي شوي ودقات قلبي مليون قربتها لعندي وحطيت الخاتم بايده بصعوبه من كتر التوتر.... مابعرف وقتها شو صرلي وسحبت ايده وحطيت كف ايده عوجهي وغمضت عيوني ... ح

وصلتهم الزفة لجوا وبعدها خرجوا حتى يبلش العرس خرج احمد معهم برا الزفه ... ووقف برا يسلم ع اي واحد بيجي ولمح جوااد جاي مع عيلته ..شاف بنت لابسه فستان طويل مع حجاب ومبتسمه كانوا لون عيونها عسلي فاتح وبشرتها بيضا وبخدها غمازه ابتسم احمد وعجبها شكله حكا بقلبه اكيد هاي جنى ..قرب عليهم وسلم عالكل وحكا مع ام جواد شوي وفاتوا الصبايا .. احمد:شووو جواد مين الصبيه الي كانت معك؟ خطيبتك؟ جواد:عن مين قصدك؟ احمد:عالبنت الي بلا حجاب جاد:ههههههههههههههههه لك حتى احمد الي اول مره بشوفكم حكى هيك زوروا جواد وسكت جاد:شو مالك؟ شو حكيت احمد:ليش عم تضحك شو في جاد:لاولشي سلامتك بس هاي مش خطيبته هاي قريبتنا احمد بقلبه: لازم افتح مع اهلي الموضوع الليله عجبني شكلها ولبسها المحتشم قضوا العرس عم يرقصوا مع بعض ومبسوطين كانوا بعالم تاني عالمهم الخاص ..... كان كل اشي عاجبهم من تنسيق وتزيين وديجيه وكل امور العرس ..... ........... كتير حبيت العرس واجواءه وحسيت انه ربنا عوض يارا ب هاد الشب بدل جواد اي والله معها حق تطلق منه لانه زنخ ههههههه خلص العرس وخرجنا كان بس ابو جواد عم ينطرنا مشينا لعنده وطلعنا ام جواد:شو وين جاد وجواد؟ ابو جواد: اجوا قدموا الواجب وطلعوا .. ضلينا طول الطريق انا وجنى نحكي واتفقت معي انو هي وجود ينزلوا يناموا عند ستهم ونسهر للصبح منيح الي روح جواد ولا كان بلش يسمعني حكي علبسي حل عني يااه مش ناقصتك... وصلنا البيت عند ام جابر ودقينا الباب ماحد رد واول مافتنا كانت كتير عتمه مش شوي ... وين راحوا ؟ ماوعيت غير عالكهربا اشتغلت وصاروا يغنولي لعيد ميلادي كانوا واقفين ورا الطاوله وحاطين كيك وحلويات واشياء بتشهي.... شهقت وحطيت ايديي عوجهييي ولااراديا نزلوا دموعي .... اول مره بحياتي حد بحتفل بعيدميلادي بحب هالعيله وبحب حنيتهم علي قربت لعندي جنى وضمتني :ريته العمر كله يقلبيييي مدتلي ايدها واعطتني علبه ضحى:افتحيها فتحتها كان سنسال فضة مكتوب عليه اسمي حنين:هيك كتير والله ورجعت ابكي ... ضحى:مش كتير عليك يقلبي .. قربت جود وضمتني جود:كل عام وانت بالف خير يارب وهي هديتي .... حنين:وانت بالف خير يارب مدتلي علبه واعطتني اياها فتحتها كان موجود فيها ساعه واسواره بتجنن حنين:يسلمو ايدك جود قربت ام جواد وام جابر ضمونيي وحكولي كل عام وانت بالف خير يارب واعطوني الهدايا كانت ام جواد جايبتلي مصحف لون زهري كتير حلو ام جواد:هاد الك ...حبيت اهديك اشي غير الفضه حنين:يسلم ايديك حصير اقرأ منه كل يوم ام جابر:وانا هاي هديتي اعطتني علبة عطر مع شال كتير حلو حنين:مايحرمني منك يارب اجا جاد وابو جواد وهنوني واعطوني كل واحد هديه جاد جبلي عطر فرنسي وابوه جبلي خاتم فضه كتير حلو ضل جواد ... قرب عندي بخطواته ومع ابتسامته الكبيره وحكالي:كل عام وانت بألف خير يارب توترت كتير :وانت بالف خير يارب ..انا هديتي حتكون غريبه شوي طال علبه وفتحها كان فيها دبلتين جواد:هديتي الك هي الخطبه.... حابب اخلي هالتاريخ ذكرى حلوة ... ماقدرت ماابكي...مابعرف ليش بكيت هو من الفرحه ولا من تعامل اهله معي ولا شو بالزبط ماعرفت .. جواد:مازهقتي وانت بتعيطي؟ شوووو عجبتك الهديه؟ اطلعت بعيونه ولاول مره بتجرا وبطلع فيه صفنت فيهم وهو نفس الشي.... جواد:شوو قلتي؟ لااراديا وافقت.... صوت التصفيق عبا المكان وانا كتير انحرجت سكر العلبه وحكاالي بابتسامه جواد:بكره بعطيك الهدية الجميع:مبروووووووووك ... احتفلوا فيي وطلعوا ابو جواد وام جواد ..احنا بقينا سهرانين عم نلعب شده... صارت الساعه ١ بالليل وبلشت انعس جواد:حنين فوتي نامي حنين:هيني سهرانه جاد:فوتي دخيلك بلاش هلا يردحلك جواد:ماتدخل انت ..حنين بكره بدنا ننزل عالمحكمه بكير عشان نكتب الكتاب انتفض قلبي وزاد توتري ياحبيبي بكره هاد حيصير يتحكم فيي بس والله بحبه .... جواد:يلا بحكي جنى :شو دخلك فيها؟ جود:عنجد جواد:يلا حنين حبيبتي وخطيبتي قومي كلهم ضحكوا وانا كتير خجلت وقمت حطيت راسي ونمت ... صحيت تاني يوم بكير لبست وجهزت حالي شوي ونزلوا عمو ابو جواد وجواد وجاد وهون توترت اكتر ...كانت ستي معي جهزنا وطلعنا عالمحكمه واول مانزلنا صرنا نفوت من غرفه لغرفه لحد مافتنا عغرفه وكان في واحد موجود .... الشخص:مين وكيلك يابنتي؟ ابو جواد:انا حكون وكيلها الشخص:بس لازم يكون حد من قرايبها موجود ابو جواد:البنت يتيمه وماالهاش حد الشخص:تمام ... بلش يطول الاوراق ويحكيلنا شو نعمل اخر اشي سالني ازا موافقه وحكيتله اه ووقعنا عالاوراق وخرجنا جاد:مبررررووك ابو جواد:مبروك

يارا:خلص هلا ببكي والله قيس:لا لاتبكي هلا بنتزع مكياجك يارا:قيس انا بحبك والله ...انت كل عمري وحياتي قيس:وانا كمان الله يقدرني واكون سندك واسعدك شغل اغنية وتوجهو على فيلا حتى يعملوا جلسة التصوير كامله قبل العرس ... كانت المصوره عم تحكيلهم كيف يعملوا حركات عشان تصورهم كانوا مش مصدقين حالهم ويارا كل شوي تحس حالها بدها تبكي ....... ع ٣ المسا كان باب بيتهم هو واياها ....صف السياره ونزلوا..... فات ودق باب بيت سته وفتحه .. جواد:ستييي... ياستي وينك .. خرجت من المطبخ عصوته ام جابر:جواد؟؟ شوفي؟ جواد:شوفي مين جبتلك .. شهقت وابتسامتها عبت وجهها ام جابر: ياعمرييييي تعييي اضمك قربت عندها وضمتها وبوستها جواد:هالمره ماجبتها زياره جبتها نوم ام جابر:عطول؟ جواد:حاليا لاا مش عطول بس قريبا حتصير عطول بس مش عندكم ام جابر :هههه من تمك لباب السما توترت كتير مش شوي ووجها بالالوان نفسها تقتله .. جواد:ههههههه انا رايح ستي ... انتبهي عليها ..بدي اطلع اتحمم واجهز حالي للعرس حاكم معزومين ام جابر: رح تروح؟ جواد:بقدر مااروح انا ؟ ام جابر:مش زعلان انها تزوجت غيرك؟ جواد:لا وحياتك.... هي انا عن قرييب رح اتزوج غيرها..وغمز حنين ...يلا ستي باي طلع وخبط الباب (لااا هاد مجنون مش طبيعي على شو عم يلمح؟ياربي عالاحراج ... ) ام جابر:هههههه شبك فتي بالحيط ؟ حنين:ولشي ام جابر:فوتي ارتاحي شوي .. فاتت ترتاح شوي بينما جواد طلع يجهز اموره للعرس خبر اهله انها حنين تحت بس ماكان كتير معهم وقت ينزلوا يشوفوها لانه العرس مش ضايلة كتير يادوب ساعتين وبدهم يعملوا مليون شغله ... فاتت جنى عند جود عالغرفه كانت عالجوال جنى:لك يلا قومي البسييي جود:مابدي اروح بزهق من الاعراس جنى:بالله؟ وبدك تخليني اروح لحالي مع امك والله بزهق جود:شو اعملك ؟ هلا بس تروحوا رح انزل عند حنين وستي اصلا جنى:لا وحيااتك ... تركتها جنى ونزلت ركاض عند ستها ... جنى:ستي وين حنين؟ ام جابر:بالمطبخ فااتت ركاض عالمطبخ وبس شافت حنين ركضت سلمت عليها وضمتها جنى:حنين بسرعه فوتي البسي حنين:ليش؟ جنى:بدي اخدك معنا انا وامي على عرس يارا حنين:من وين لوين حتى اروح؟ جنى:لكك يلااا كرمالي مافي كتير وقت وجود مابدها تيجي معنا رح ازهق لحالي سحبتها من ايدها عالغرفه وضلت تترجاها حتى قبلت طلعت ركاض جنى عشان تلبس واول مافااتت شافت جواد قاعد وجاهز جواد:وين كاينه جنى:عند حنين جواد:ليش جنى:بدي اخدها معنا عالعرس جواد:كتير منيح بتغير جو .. قام لعندها ووقف قبالها جواد:اسمعي ...اليوم عيدميلاد حنين جنى:جد؟؟ جواد:اه جد ..اسمعيني منيح اوعك تحكي قدامها انك بتعرفي انو اليوم عيدميلادها جنى:ليش؟ جواد:بدي نعملها مفاجاه ولاتساليني ليش مش هلا بحكيلك .. المهم انا رح ارجع من العرس بكير انا وجاد رح نروح عمحل الكيك ونجيبلها هدايا ونرجع وهي جود هون بتكون مجهزه الطاوله واالاجواء هلا بتفق معها بس اصحكك تحكيلهاااا جنى:هههههه وبدك تقنعني انك مابتحبها قرصته من خده وراحت تلبسس .... جواد:هههههه خلص فش مجال للهرب والله بحبها لانزل اشوفها عبين مايجهزوا امي وجنى نزل واول مافات ريحة عطره عبت المكان كانت بالغرفه عم تحط مكياج خفيف عوجها لما سمعت صوته ..وريحة عطره سابقته... حنين(هاد شو جابه هلا؟ هلا بصير يعلق علبسي وليش لابسه هيك وليش عامله هيك...ههههه والله مارح اغير وبشوف) خلصت وطلعت وهي بطقطق بالكعب ..رفع راسه لما سمع صوت طقة لكعب وانصدم بس شافها...لا انسحررر بالجمال الي قدامه ... كانت لابسه فستان طويل ناعم من فوق شباح عريض وحاطة عليه شال خفيف ولونوا مخايل شوي...كان لون الفستان خمري وعامله شعرها ستريت ورافعه نصه ومنزله الباقي..وعامله غره ... بقلبه(شووو هاد ؟؟؟ لكك يسعددد قلببب البنات لاجلها كل مالها عم تحلى ...بس لبسهااا جد بدو يجلطني ) ام جابر:لك شو هالجماااااال يسعد قلبك نيال الي رح ياخدك شو رح يتهنى حنين:تسلميليي انت ولسانك الحلو ام جابر:تعي هاتي بوسه جواد بقلبه(وانا كمان تعي هاتي بوسه هههه استغفر الله بس ياررررب تصبرني) جواد:شوو ستتتت حنين؟ شووو هاللبس الاوفر؟ ام جابر: مادخلك فيها جواد جواد: ستي المكان الي رايحين عليه بكونوا كل الشباب متجمعين باب الصاله مابتعرفي يعني؟ حنين: شو اعملهم يعني؟ جواد: ماشي ياحنين .. هالمره بسس رح امرقها بس الفتره الجاي هاد اللبس رح تنسيه عطول حنين:شو قصدك؟ جواد: ماقصدي شي .. ضحكت ام جابر وحنين اتوترت منه ومن تلميحاته ... ام جابر بقلبها(عقبال مااشوفكم عرسان يارب) ...................... طلعوا بالسياره وتوجهوا عالقاعه واول مانزلوا استقبلوهم الزفه وبلشوا اجواء العرس ...

(لككك مجنوون شو هاد؟ بس بيجي بعطي اوامر ولازم انفذها ...ممنوع اعترض كل اشي غصب عنده..مش طبيعي واحلى اشي امه بتحكيلي فكري بالخطبه ههه اي ان شاءالله...والله ازا عشت معه لانجلط ..بس والله بحب اهتمامه فيي بحسه هو الوحيد الي ماكل همي..الي زمان مش شايفته واخر اشي اتوقعته انو يجي عندي... شو عرفه اني مش مداومه طيب؟ معقول رايح عالشركه؟ اي شكله هيك... لاقوم اجيب اغراضي وانزل بلاش هلا يعملي فضيحة قدام اهل البنايه..) قامت بسرعه جهزت اغراضها وكل اشي بدها اياه ولبست اشي طويل وطلعت ... نزلت عالشارع وراحت عند سيارته كم عم ينطرها فتحت الباب وطلعت حنين: مرحبا جواد: شاطره عالوقت بالزبط.. ضلت ساكتة وماعلقت كان حاسس عليها مالها اشي طول الطريق سانده راسها عالشباك وصفنانه .. جواد: حنين مالك؟ حنين: ولاشي جواد: لاتكزبي احكيلي مالك لفت وجهها عليه وصفنت فيه وحكت: اليوم عيدميلادي بتعرف شو يعني عيدميلادي؟ يعني يوم الشؤوم ويوم المصايب الي صارت جواد: وانت كل سنه بهاد اليوم بتكوني بهيك حاله؟ حنين: ............. جواد: حلووو ... الك ٢٦ سنه بهالتفكير والحاله؟ حنين: ..... بكرهوو لهاليوم ياريتني متت ياريت جواد:عشان هيك ماداومتي؟ هزت راسها بدون متحكي ....هز راسه وضل ماشي ماكان ناوي ياخدها عالبيت ... قرر ياخدها مكان يغيرلها جو ..... (لازم اخليك تحبي يوم ميلادك بكفي.... لازم اغيرلك الافكار المزروعه براسك .. حسبي الله في كل حد زرع براسك هيك فكرة.... ) وصل عمكان هادي كتير يادوب فيه كم طاوله وكانه منعزل ....كافيه حلو ورايق ...وفي شجر والجو بجنن حنين:لوين جايبني؟ جواد:انزلي .. نزلت ولحقته لحد ماوصل عالطاوله .. حنين:ليش جايبني هون؟ جواد:اما عنجد مااكتر اسالتك شو هاد مابتملي؟ حنين:والله؟ جواد:خلص هشش زورته وغيرت نظرها... ضحك عليها وبعد شوي اجا الجرسون وطلب كاستين قهوه ... سند ايديه تحت دقنه وصفن فيها حنين:ليش هيك عم تطلع ؟ جواد:مادخلك حنين:ماتطلع علي ممكن؟ جواد:كمان مادخلك حنين:يعني انت جايبني هون عشان تطلع علي؟ جواد:كمان مادخلك حنين:طيب ... سندت ايدها عخدها وصفنت بالشجر كانت كتير حابه الكافية والمنظر ..(ليش هيك جواد عم تتصرف؟ معقول تكون بتحبني؟ اول مره بحياتي بشوف حد مهتم بامري وبغيرلي نفسية وبطلعني من اي حاله نفسيه انا فيها لك شو عم يصير معي ؟) خمس دقايق واجت القهوه....مسكها وصار يشرب وهي نفس الشي جواد بابتسامه :حنين ؟ حنين:نعم؟ جواد:اسمعي احتمال باي لحظه امي تفتح معك موضوع الخطبه حنين:خطبة مين ؟ جواد:هههههههه اي غشمي حالك يلااا توترت وصار وجهها احمر حنين:ماعم افهم عليك جواد: ههههههه شبك هيك تلونتي ؟ غطت وجهها بايدها من التوتر والخجل جواد:ماعلينا ...انا بعرف انو امي من فتره طلبت ايدك الي ...وصدقيني ماكان عندي علم انه رح تطلب ايدك حنين ومن غير وعي حكت:يعني انت مابدك؟ رفع حواجبه وضحك :بفهم منك انك موافقه؟ وبتستني جوابي؟ والله يادنيا... البنت صار تنطر جواب الشب وموافقته حنين:لل للا انا ماقصدي بسس انو يعني.... جواد:لك شبك فتي بالحيط هههههههه عم امزح المهم احتمال اليوم امي ترد تفتح معك الموضوع حبيت احكيلك حتى ماتتفاجئي ... حنين:بدي ارجع عبيتنا مابدي انام عند ستك جواد:هههههه لاتخافي مابناكلك ..هلا احكيلي ليش انت رافضة فكرة الزواج كلها ؟ حنين:وانت مين حكالك هالحكي؟ جواد:مش مهم المهم احكيلي ليش رافضه الزواج؟ حنين:بصراحه ؟؟ جواد:اه حنين: لاني مابدي الي صار مع امي ومعي يتكرر معي ومع بنتي وتعيش الي انا عشته ضرب ايديه ببعض وحكا: لاا منه العوض وعليه العوض عهيك تفكير اهبل حنين:هلااا هيكككك ؟ الحق علي حكيتلك جواد:انطمزت ...خلص اشربي قهوتك من تم ساكت لانك حتجيبيلي الجلطه اليوم بتفكيرك ... .......... حطولها اخر اللمسات عوجهها ..شوي وكانت جاهزه وقفت عالمراي وشافت حالها وابتسمت كانت طالعه ملكة ... رنت عقيس ونطرته يجي وهي متوتره كتير مش شوي .....اول م اجا صاروا يزلغطوا الي بالصالون وهالشي زاد توترها اكتر واكتر ... اول مافات شغلوا الجواال وصوروا ردة فعله ... اول ماشافها ماقدر مايبتسم ...دمعوا عيونه وهو شايف حب عمره واقف قباله ... مشي شوي شوي باتجاها ومسك ايديها وعيونه مدمعين قرب لعندها وباس جبينهااا قيس:طالعه ملكه..نيالي بهيك جمال ابتسمت وتوترت مسك ايدها ومشي معها للسياره ..طلعوا بالسياره وشغلها....كانت دقات قلبه مليون وهي نفس الشي كل شوي يطلع عليها ويبتسم وهي تحكيله ينتبه عالطريق ..مسك ايدها وباسها قيس:اديش دعيت ربنا بهاللحظه والحمدلله اعد بعيش دعواتي ...الحمدلله الحمدلله

ام جواد: جوعان؟ جواد: لاا نعسان ام جواد : طيب قبل ماتنام بدي احكي معك موضوع جواد: مابيتاجل ؟ ام جواد: لا حابه احكيه هلااا فتح عيونه وزبط قعدته ... جواد: شوفي امي قلقتيني ام جواد: جواد شو رايك اخطبلك حنين؟ جواد: يعني ع اساس مابعرف انك حاكيه مع حنين وطالبتيها بدون علمي فتحت عيونها مصدومه ام جواد: وانتت شو عرفك؟ جواد :مش مهم بس المهم بدي اعرف كيف بتعملي هيك بدون ماتساليني ام جواد: لاني عارفه لو سالتك رح ترفض جواد: حلووو ومدام عارفه ليش بتساليني ؟ ام جواد؛ جواد لايمتا يعني؟ حتصير ٣٢ الي ادك صار عندهم ولاد وانت لسا اعد جواد: وشو بدك هلا مني؟ ام جواد بابتسامه: بدي اخطبلك حنين جواد: وليش حنين بالزات؟ ام جواد: لاني شايفه الحب بعيونك جواد: هههههههه االله عليكي ياامي شو حب وماحب ؟ ام جواد: بتقدر تكزب ع كل الناس بس ع امك لا ..انا بعرفك من جوا وبعرف بشو بتحس وبتفكر جواد: وشو طلع معك بالاخر؟ ام جواد: طلع معي انكم بتحبوا بعض بس عم تكابروا جواد: طيب؟ ام جواد:خليني اخطبلك اياها وفرحلي قلبي والله ناطف قلبي على مااشوف ولادك قبل مااموت جواد: بعيد االشر عنك امي ..لاتحكي هيك ام جواد:طيب وافق كرمالي جواد:امي صدقيني حتى لو خطبتيلي اياها مارح تقبل ام جواد: انت ماعليك احكيلي موافق ورح اخطبلك اياها جواد: مابعرف اعملي الي بدك اياه امي انا رايح انام لاني كتير تعبان مش شوي ... قام عالغرفه وغير اواعيه وحط راسه بدو ينام بسس طيف حنين عم يمر قدام عيونه ...( معقول بتحبني؟ والله شكله كلام عمر وامي مزبوط ...الكل معترف بحبنا الا انا واياها هههه عم نكابر.... ياترى شو عم تعمل ؟الي من يوم الي اجت عند ستي مش شايفها ولا حتى رايح عندهم عالشركه ..الشغل لفوق راسي وماعم اقدر حك راسي وغير هيك اغلب وقتي بتاخر صاير ... خلص بكره باخد اجازه ساعيه وبطلع عند احمد ... غمض عيونه وراح بسابع نومه ... صحي تاني يوم عصلاة الفجر صلى وضل قاعد ....قام عمل دوش وجهز حاله ولبس عشان يطلع عالدوام حط عطر واخد المفاتيح وبعد شوية اجت امه واعطته كاسة القهوه اخدها وطلع عالشغل... ضل يشتغل للساعه ١١ قام من ورا مكتبه واجا يطلع عمر: شووو لوين طالع ؟ جواد: طالع عند احمد عالشركه ساعة زمن وراجع عمر بضحكه:عند احمد حكيتلي ؟ جواد: هههههههه شو قصدك وله؟ عمر: يعني مش عند حنين؟ جواد: هههههههه امبلا عندها الي من يوم الي اخدتها عند ستي لليوم مش شايفها عمر : لكك حاج تكابر واخطبها.. جواد: ان شاءالله عمر: اسمع خلص لاترجع انا بستلم عنك باقي الشغل اليوم ..اليوم فش كتير ضغط جواد: والله انك كفوو عمر: خدها واطلعوا شي مكان حلو واحكيلها الي بقلبك جواد: اه هلا ولا يهمك عمر: استغفر الله العظيم بس .. خلص اطلع جواد: رايح ... طلع جواد وطول الطريق وهو بفكر بكلام عمر وامه وكتير حابب فكرة انو يخطب حنين بسس بنفس الوقت هوو عارف انه حنين مارح توافق حتى لو بتحبه ..عارف انها بتكابر ... خلص اليوم رح ياخدها عند سته واهله .. الها زمان مش جاي ... ماصدق يوصل وبس وصل نزل من السياره وركاض طلع عالشركة ... كان وقت البريك عشان هيك فات لعند احمد طوالي احمد: جواد جواد: هههه اي جواد شبك؟ احمد: ليش ماخبرتني انك جاي؟ جواد: حبيت اعملك اياها مفاجأه .. احمد:بعد زمان عنك وين هالغيبه؟ جواد:والله ضغط الشغل وغير التاخير والمناوبات اتركها ع الله احمد: الله يعطيك العافيه يارب .. شو جاي عشان تشوفها؟ هز راسه بدون مايحكي احمد: بس حنين اليوم معطله جواد: شووو؟ ليش؟ احمد:والله مابعرف جواد: طيب ماشي اجا يقوم وقفه احمد احمد: لك لوين رايح؟ مابدك تشرب معي قهوه؟ جواد:راجعلك وعد..بس رايح اشوف حنين وراجع احمد: ماشي لاتتاخر بنطرك جواد: تمام سحب حاله وطلع ركاض .. شغل السياره ومشي بااتجاه بيتها ... وقف السياره وطلع عالبنايه وهو متوتر وخايف يكون مالها اشي... دق مره ومرتين وتلاته لاجاه صوتها من ورا الباب حنين: مين؟ جواد: انا ....حنين افتحي .. فتحت الباب شوي شوي واول ماشاف منظرها انصدم .. كانت كانها بكيانه وعيونها حمر ومنفخين ووحالتها حاله انصدم منها... فات لجوا وسكر االباب وسند عليه وهو عم يطلع عليها باستغغراب جواد: حنين؟ شبك ؟ حنين: انت شو جابك هون؟ جواد:جاوبيني مالك؟ في حدا مدايقك؟ هزت راسها بمعنى لا ... جواد:لكن شو مالك؟ لاتقلقيني اكتر حنين:ولشي.. جواد: طيب.... انا سابقك تحت عالسياره معك بس خمس دقايق بتجيبي اواعي معك وبتيجي... حنين: ليش؟ جواد: ستي اشتاقتلك وطلبت مني اجي اخدك عشان تنامي عندها ... حنين: موجاعبالي اروح عند حد جواد: حكيت الي عندي بس خمس دقايق معك... واصحك تتاخري اكتر بلاش اجي اسحبك قدام كل اهل البنايه ..فتح الباب وخرج ...

الجزء السابع متوتره كتير مش شوي بكره رح تكون عروس ... مش عارفه تنام بالمره قامت عملت دوش سريع وفنجان قهوه وفاتت عالغرفه ... الساعه ١٠ باليل والدنيا هدوء وهاد الاشي الي زاد توترها كل ساعه عم تمر عم تحس توترها زاد.... دق باب الغرفه وكان اخوها محمد ابتسمت بس شافته وحكتله يفوت .. قرب لعندها وقعد محمد: شوو عامله قهوه بدوني؟ يارا: يلا هيني قايمه اعملكك محمد:ياريت يلااا هيني بنطرك لاتطولي يارا: من عيوني ... نطت عن التخت راحت عالمطبخ عملت اله والها قهوه حبت تجدد كمان مره ... اخدتهم وراحت عالغرفه وفااتت يارا:هي احلى كاسة قهوه لعيونك محمد:يسلمهم شغل سيجاره وبلش يشرب قهوه وينفخ ... محمد: شووو كيف النفسيه؟ يارا: متوتره كتير مش شوي بس مبسوطة بنفس الوقت بتعرف ليش؟ محمد: ليش؟ يارا:لانك حتكون معي بهاي الفرحه ماتوقعت ترجع من السفر محمد: ههههه وليش ماتوقعتي؟ يارا:لانك الك ٧ سنين مسافر ماعمرك رجعت مره وحده خلالهم محمد: هههههه ليش بدي ارجع؟ وعند مين ؟ امك ولا ابوك بالزبط ؟ م انا سافرت بسببهم وبسبب اهمالهم النا يارا: طيب وانا كيف هان عليك تتركني هيك؟ تركتني لمين الهم؟ تعال شوف اديش بعاني بسببهم ...اهمال مش طبيعي وكل م اجي احكي معهم بحكولي مش فاضيين او بس نرجع بنحكي ... وازا قعدنا قعدتنا مابتتجاوز ال ١٠ دقايق .. لك حتى لما اجيت اخطب خطبوني لجواد وليش ياترى ؟ لمصحلتهم اتخيل.... ضليت سنه كامله مع جواد لا انا ولاهووو بنحب بعض وكل م احكيلهم بديش ياه يحكولي هاد الزواج لازم يتم بس اخر اشي طفح الكيل معي ومع جواد ... كنت ناوية ازا ماقبلوا انزل انا وجواد عالمحكمه ونتطلق بدون علمهم ..بتعرف اني شربت كمية دوا وكنت دنتحر بس لحقوني؟ هههههههه عشان هيك وافقوا اني افسخ شافوني مجنوونه وحموت حالي .... محمد: ااخ بس مابعرف ليش هيك عم يتصرفوا ... انا مااجيت من السفر غير عشانك .... يارا: والله كتير انبسطت انك اجيت مش مستوعبه انك جاي وقاعد هون عندي وعم نحكي ... اول مره بقعد مع حد من العيله وبنحكي ...محمد لاترجع تسافر بعد العرس محمد:ومين قلك رح ارجع؟ يارا: شو يعني؟ محمد: انا اخر فتره بنيت مشروع خاص الي هون بعيد عن شغل ابوك ومصلحته ....بس ماجبت سيره لحد لسا يارا: جدددد؟ يعني مارح ترجعععع حتستقر هووون؟ محمد: اه خلص بدي استقر هون وبدي اتزوج خلص بكفيني ..صرت٣٠ سنه يارا: ومين رح تخطب؟ محمد: مابعرف مافي حدا ببالي.....هالمره بدي انت تنقيلي العروسه عزوقك يارا: جاهززه وحياتك محمد:مين؟ يارا: اخت جواد اسمها جنى محمد: حلوو وكم عمرها؟ يارا" ٢٣ فايته بال ٢٤ محمد: حلوة؟ يارا:اه كتير حلوة وناعمه وغير هيك لبسها محتشم ومربيه ... محمد:وهالموضوع ماحيعمل حساسيه بين العيلتين؟ يارا:هههههههههههه مابعرف بس احتمال اهلك ينجلطوا ويحكولك لا بلاش يطلعوا بسوادة الوجهه قدام بيت ابو جواد ..حاكم انا سودت وجهم اول مره وهلا انت محمد: معنااته خلص انسيكي منها منشوف غيرها يارا: لاااا خلص حطيتها براسي ..اسمع هما معزومين عالعرس بكره واكيد حيجوا... شو رايك تشوفها ازا عجبتك بنفتح الموضوع مع اهلك مااعجبتك خلص منشوف غيرها ابتسم وحكا: مش غلط ليش لا ... يارا: بس مش تلفت نظر وانت بتطلع عليها محمد : لااا ماتاكلي هم ... مسك جواله ورن عقيس محمد: الوو قيس: اهلاااا محمد كيفك محمد: تمام وانت؟ قيس: تمام ؟ محمد: شو عم تعمل؟ قيس: والله هيني بالبيت محمد: طيب قوم البس يلااا بدي امر عليك ونطلع قيس: لوين بدنا نطلع؟ محمد: عازمك ع حسابي يلااا قيس: وويارا حتطلع؟ اطلع عيارا وصار يضحك ويعمل حركات جكاره بوجهه وحكا: لااا يارا بدهاش تشوفك من هون لبكره عشان تشتقلها يارا: بالله ؟ خطفت الجوال من ايده وحكت : هيني بدي البس لاترد عليه .. قيس: ههههههه اي يلاااا اخد الجوال من ايدها وحكا: هيك صارت الطلعه طلعة خطاب ... قيس: انت الي عزمتني وانا بطلعش بدون يارا .... محمد: هههههه ماشي انا بفرجيكم يلاا قوم ... سكر الخط وطلع محمد يجهز حاله ويارا نفس الشي ..محمد عمل هيك حتى يخفف عنهم شوية توتر ويغيرلهم نفسيه قبل بكره ... جهزوا وطلعوا مروا ع قيس وطلع ............................................. ببيت ابو جواد كانت الساعه ١١ بالليل وجواد عليه شغل اضافي ... وامه كانت تنطره حتى تفتح معه موضوع حنين ... جنى جود بغرفتهم كل وحده عجوالها وجاد مش بالبيت مع صحابه ..ابو جواد نايم من زمان ... ع ١١ ونص بالزبط انفتح الباب وكان جواد راحت امه لعنده ام جواد: يعطيك العافيه يارب جواد: الله يعافيكي امي .... ام جواد: اقعد ارتاح ... زت حاله جواد عالكنباي وهو ميت تعب غمض عيونه وعوشك ينام من التعب