مدواخ شعر

‏دنيا تبي صّبر ومجاهد حياة وحياء ‏ وانا عليها صبور و كارب محزمي

‏لو ننشغل فـ الضعوف اللي تحاربنـا ‏ضاعت شيمنا ؛ قبل ضيعة هقاوينا ‏

‏بس يا نفسي من التفكير توبي ‏شي ما سخّره ربي ما يسخَّر ‏يالله اقبل توبتي واغفر ذنوبي ‏ما تقدم منّها وما تأخّر

‏خلّنا نمشي مع ركب الحياة العابر ‏والله إن اللي مضى منّا، ما عاد يعود

‏وش الغلا لو مابـه . . اقفاي واقبـال ‏ ومكابرٍ ينسف مع اول مواجه

‏حاول تخلي جلستك عند العرب ركعة وتر ‏" خفيفةٍ تقضي لزومك . . كل ما صليتها "

‏يارب في خاطري حاجة و ممتنّك ‏أنا الذي دورة الأيام .. تـومي به ‏فإن كان ذنبي يعوق اللي أبي منّك ‏اغفر ذنوبي و حقّق لي ما ودّي به

‏عليك بالتقوا وبر الوالدين ‏حافظ عليها والله الله بالصلاه ‏انكان تبغي باقي امورك تزين ‏ترى صلاة الفجر مفتاح الغناه .

‏جرتك فـي جرهد الـبـال يالظبي اللعـوب ‏مثل نبت الورد الابيض على وجه الخضار

‏الجناب الدمث ، والوجه الحياوي ‏والكلام الذرب ، والنفس النقيه ‏والعقل ، والدين ، والكف الرهاوي ‏سبع تفرض لك حضور وقابليه .

‏والله أني كل ماشفت فالدنيا حزين ‏أستحي من ضحكتي لاتمر وتجرحه

‏حطيتني في موقفٍ ماهو بسيط ‏وتقول سامحني واسامح وأغفـر ‏الله يحطك في نحر خبلٍ نشيط ‏فاضي ماعنده شغل واخلاقه صفر

‏ما هو ضَروري كل حاقِد أعاديه ‏ولا ضروري كِل طّيب رفيقي ‏علم الردي والطيب يِبقى لراعيه ‏وانا على دَربي وعارف طريقي .

‏ياصاحبي لا تشكي ظروف دنياك ‏ترى ظروف الناس تشبه ظروفك ‏. ‏لكن ليا حدك زمانك على أقصاك ‏أسجد بنص الليل وأرفع كفوفك

‏معادن الناس في وقت الشدايد تبين ‏احدن كلامه فعل واحدن فعوله كلام

‏فاقدٍ لي شخص مدري فاقدٍ نصف العزيمه ‏واحدٍ لو ترجع الدنيا ورى ماهوب راجع

‏"تجيبك في ربوع الذاكره ياصفوة الخطار ‏مقاديرٍ رمت بك في طريقي وأنت ماتدري"

‏الحاجة اللي بين منّه وتخمين ‏ان جات ... ولا ماعليها حسوفه

‏إن قصروا فيك .. سدينا ولا يهمك ‏وإن جو على هقوتك حنا انتعداها .

‏الحلم لا ضاع — والفرصه ليّا قفّت ‏ ثنتين لو هونوها الناس .. ما هانت