ҮӨҺЭЭ БҮЛҮҮ ЭДЭР ЫЧЧАТА

Бүгүҥҥү "Забег Единства" үөрүүлээх тэрээһиммит үрдүк таһымҥа ааһарыгар күүс-көмө буолбут, араас оонньуулары тэрийэн, оҕо-аймах саҥатын-күлүүтүн үксэппит дьоммутугар улахан махталбытын тиэрдэбит! Эһиги көхтөөх кыттыыгыт, эппиэтинэстээх сыһыаҥҥыт түмүгэр бүгүҥҥү бырааһынньыкпыт өссө киэркэйдэ, олохтоохторго үөрүүнү-көтүүнү бэлэхтээтэ. Дириҥ махталбытын тиэрдэбит: • Өрүү күүс - көмө буолар улуустааҕы дьахталлар Сэбиэттэригэр: Ольга Ивановна Тумусоваҕа, Нина Васильевна Семеноваҕа, Вера Алексеевна Хобусароваҕа. • Спорт управлениетыгар: Егор Алексеевич Николаевка, Тамерлан Альбертович Махаровка, Айаал Леонтьевич Николаевка уонна Лаврентий Владимирович Карадчиҥҥа. • Үөрэх управлениетыгар: Элина Эрнстовна Христофороваҕа уонна Туйаара Степановна Егороваҕа Инникитин даҕаны бииргэ үлэлээн, элбэх үтүө тэрээһиннэри ыытыахпыт диэн эрэнэбит. Өссө төгүл барҕа махтал! 👏👏👏 Улуус дьаһалтатын дьиэ кэргэн уонна эдэр ыччат политикатын отдела #Россиякүнэ #ЗабегЕдинства

Бүгүн, дойдубут улуу бырааһынньыгар – Россия күнүгэр – Саха сирин үрдүнэн ыытыллыбыт «Сомоҕолоһуу сүүрүүтэ» («Забег Единства») өрөспүүбүлүкэтээҕи полумарафоҥҥа кыттыыны ыллым. Бу сүүрүү биһиги дойдубут күүһүн, норуоппут сомоҕолоһуутун кэрэһилиир, биир санаанан салайтаран инникигэ эрэллээхтик хардыылыырбыт бэлиэтэ. Киэн тутта бэлиэтиибин, «Сомоҕолоһуу сүүрүүтүгэр» биһиги улууспутуттан 260-тан тахса киһи кыттыыны ылла. Эдэриттэн кырдьаҕаһыгар тиийэ бары бииргэ сүүрбүппүт – чөл олоххо, спортка тардыһыыбыт күүстээҕин көрдөрөр! Бары кыттааччыларга, тэрийээччилэргэ уонна тэрээһини өйөөбүт спонсордарга барҕа махтал! #ЗабегЕдинства #ДеньРоссии T.me/ValeriNikolaev

Бүгүн, бэс ыйын 12 күнүгэр, биһиги дойдубут улуу бырааһынньыгын – Россия күнүн – киэҥ далааһыннаахтык бэлиэтээтибит. Бу дьоро тэрээһиҥҥэ мустубут улуус олохтоохторун уонна ыалдьыттарын эҕэрдэлээн туран 14 саастарын туолбут оҕолорбутугар Россия Федерациятын гражданинын пааспардарын үөрүүлээх быһыыга-майгыга туттардым. Бу – кинилэр олохторугар саҥа, эппиэтинэстээх кэм саҕаланыытын, улуу дойдубут толору бырааптаах гражданина буолууларын бэлиэтэ. Быйыл Дойдубут Президенэ Владимир Владимирович Путин Ыйааҕынан Россия үрдүнэн Норуоттар сомоҕолоһууларын сыла биллэриллибитэ. Россия күүһэ – норуот сомоҕолоһуута! Биһиги күүспүт – биир ньыгыл буоларбытыгар, араас омуктар эйэлээхтик бииргэ олорорбутугар, кэлэр кэскилбитин бииргэ түстүүрбүтүгэр. Барыгытыгар өссө төгүл Россия күнүнэн итиитик-истиҥник эҕэрдэлиибин! Чэгиэн буолуҥ, биир сомоҕо буолуҥ! #ДеньРоссии T.me/ValeriNikolaev

«Забег Единства» сүүрүүгэ полумарафон кыайыылаахтарын наҕараадалааһын өрөгөйдөөх чааһа Түгэхтэй алааһыгар эбиэт кэннэ ыытылынна.  Санатан эттэххэ, бүгүн бу улахан суолталаах түһүлгэҕэ оҕолор 0,5 уонна 1 км, онтон улахан дьон 2,5, 5 уонна 10 км сүүрдүлэр. Дьарыктанар дьон 3 км скандинавтыы хаамтылар, оттон коляскалаах ийэлэр 1 км дистанцияны хааман кэллилэр.   Түмүк маннык буолла: коляскалаах ийэлэргэ: 1 м. Туяра Семенова, 2 м. Зоя Васильева 6-лыы ыйдаах уонна 3 м. Сахаайа Алексеева 9 ыйдаах кырачааннарын кытта хааман кэлэн ыллылар. Скандинавтыы хаамыыга: 1 м. Николай Николаев, 2 м. Сардаана Захарова уонна 3 м. Марианна Слюгрова ылыахтарын ыллылар.   Оҕолорго 500 м. 1 м. Алексей Филиппов, 2 м. Эрчим Бугулов, онтон 3 м. Динасий Яковлев, 1 км. 1 м. – Артемий Семенов, 2 м. – Чаҕыл Чаҕылысов уонна 3 м. – Александр Семенов буоллулар.   “Саамай аҕа саастаах кыттааччы” номинация 76 саастаах кыттааччы Лидия Анисимоваҕа иҥэрилиннэ.   Улахан дьоҥҥо 2,5 км. Гаврил Илларионов - 1-кы, Егор Махаров - 2-с, Александр Данилов - 3-с миэстэлэр хаһаайыннарынан буоллулар. 5 км. сүүрүүгэ Егор Рожин бастаата, Олег Иннокентьев иккис, Эдуард Гаврильев үһүс миэстэлэргэ тахсан, үөрүү үлүскэнин биллилэр. Онтон саамай уһун – 10 км. дистанцияҕа - пьедестал бастакы үктэлигэр Николай Бускаров, иккискэ Антон Степанов, үһүскэ Андрей Петров үктэннилэр.   Үһүс миэстэ хаһаайыттарыгар “Мааппа” маҕаһыынтан 5000 солк. суумалаах сертификаттары, 2-с миэстэни ылбыт спортсменнарга “Уют” маҕаһыынтан трансформер остуоллары, онтон бочуоттаах бастакы миэстэлээх сүүрүүктэргэ 7000 солк. уу харчынан ытыс дохсун тыаһыгар доҕуһуоллатан туттардылар. Бүгүн “Забег Единства” маассабай сүүрүү түһүлгэтин бары кыттыылаахтарын ситиһиилэринэн истиҥник эҕэрдэлиибит уонна өссө төгүл Улуу Россия үөрүүлээх бырааһынньыгынан истиҥник эҕэрдэлииибит! #ЗабегЕдинства #Россиякүнэ #Спорт

Бүгүн, модун Россия күнүгэр, Түгэхтэй алааһыгар “Забег Единства" бүтүн өрөспүүбүлүкэтээҕи аахсыйанан тэриллэр сүүрүү үөрүүлээх арыллыыта буолла. Үөрүүлээх арыллыыга араас норуоттар таҥастарын кэппит түмсүүлэр, лааҕыр оҕолоро параадтаан киирдилэр. Улуус баһылыга Валерий Николаев бырааһынньыгынан эҕэрдэлээн туран, Россия гражданиннарынан буолбут Нарияна Семеноваҕа, Айсена Тарасоваҕа пааспардарын туттарда. Итиэннэ Жуков Георгий мэтээлинэн СВО кыттыылааҕа Александр Сагайдак бэлиэтэннэ. Хомойуох иһин, хорсун саллаат биһиги кэккэбитигэр суох. Кини наҕараадатын бииргэ төрөөбүт быраатын огдообото Валентина Васильева тутта. Россия дьахталларын сойуустарын ааттарыттан бочуотунай грамотанан "Дойдум тыына" сыах салайааччыта Васма Алексеева наҕараадаланна. Улахан дьон 5, 10, 2,5 км, онтон оҕолор 0,5, 1 км сүүрүөхтэрэ. Дьарыктанар дьон 3 км скандинавтыы хаамыахтара, коляскалаах ийэлэр 1 км эмиэ хаамыахтарын сөп. Үс күн устата спорт управлениетын коллектива сүүрүүктэр нобуордарын түҥэттилэр, нүөмэрдэрин биэрдилэр. Финишка кэлбит сүүрүүктэргэ мэтээллэри туттарыахтара. Россия күнүнэн ылбаҕай ырыатын Наталия Ильина, эрчимнээх үҥкүүлэрин "Сааскылаана" ансаамбыл бэлэхтээтилэр. @uoheebuluu