Muslim Axloqi

#rabiul_avval هٰذا شَهْرُ الأنوارِ فأكثِروا فيهِ مِنَ الصلاةِ على النبي ﷺ المختارِ، فإنَّ كلَّ عملٍ بينَ القبولِ والردِّ إلّا الصلاةَ على سيِّدِ الخلقِ... Бу ой (Рабиъул аввал) - нур ва барака зиёда бўладиган ойдир. Бас, бу ойда Набийул мухтор соллаллоҳу алайҳи васалламга салавот айтишни кўпайтиринг. Чунки инсоннинг ҳар бир амали қабул қилиниш ва рад этилиш ўртасидадир. Аммо халқларнинг саййиди(Расулуллоҳ соллаллоҳу алайҳи васаллам)га йўлланган салавот бундан мустаснодир (яъни, албатта қабул бўлажак)...🍃 Доктор Али Жума اللهم صل على نبينا محمد.

Ruhning sihati oz gunoh qilishda, badanning sihati oz yeyishda…

Дунё учун ғам ема. Унинг боши йиғи, ўртаси машаққат, охири йўқликдир! Сен охиратинг учун амал қилиб қол! Унинг боши учрашув, ўртаси ҳадя, охири эса абадиятдир…🍃 @muslimaxloqi

Нафсингни суннатда собит тут. Қавм (саҳобалар ва солиҳ салафлар) тўхтаган жойда тўхта, улар айтган нарсани айт ва улар тийилган нарсадан тийил. Солиҳ салафларнинг сулуки, йўлидан юр. Уларга кифоя қилган нарса сенга ҳам кифоя қилади. Имом Авзоий раҳимаҳуллоҳ

Савоб иш қалбга нур ва баданга қувват бўлур. Гуноҳ иш қалбга зулмат ва баданга беҳоллик бўлур. Ҳасан Басрий

Imom Abu Hanifaning o'g'li Hammod aytadi: "Otam vafot qilganlarida Hasan ibn Amoradan otamni g‘usl qilishlarini so‘radik. U g‘assollik qildi. U yuvib bo‘lgach, otamning jasadlariga qarab: "Alloh senga rahm qilsin va mag‘firat qilsin. O‘ttiz yildan beri nonushta qilmagansan, qirq yildan beri yonboshing tunlari suyanchiq, yostiq ko‘rmadi. O‘zingdan keyingilarni qiyin ahvolda qoldiryapsan...", dedi. (Ibn Hajar Asqaloniy, "Tahzibut tahzib" asaridan)

Ne sharaf, zulmga zulm deyolsang, Boshingda har kuni sinsada to'qmoq. Shaytondan qo'rqmaslik naqadar go'zal, Ne go'zal yagona Allohdan qo'rqmoq…!🍃 @muslimaxloqi

Суфёни Саврий раҳимаҳуллоҳ ёнларида доим бир қоғозчани олиб юрар ва унга тез-тез қараб турар эдилар. Ўша қоғоз бир куни қўлларидан тушиб кетган эди, атрофдагилар унда шундай ёзув борлигини кўришди: «Эй Суфён, Аллоҳнинг ҳузурида қоим бўладиган (хисоб-китоб) кунингни унутма!» ["Ҳилятул Авлиё".7/4]

Жавоҳир турганда пул нимага ярайди, Раббини билмаган қул нимага ярайди. Ҳамма ўзи топган йўлидан кетаркан, Аллоҳга бормаган йўл нимага ярайди! Мавлоно Румий (қ.с.) @muslimaxloqi

#тақдир Сенга аталгани – сенга етгуси, Дунёда энг ночор, заиф бўлсанг ҳам, Ва ле, етиб келмас сенга аталмагани, Энг кучли, паҳлавон, шариф бўлсанг ҳам. -Шу боис, кўнгилни кенг қил ва йўйма, Бу ҳолни омаднинг кулмаганига, Етиб келганига шукр айла, ва Қайғурмагил етиб келмаганига. Хайрулла Ҳамидов

#Моҳият 📜"Дунё ҳаёти ўйин-кулги ва кўнгилхушликдан бошқа нарса эмас. Албатта, охират диёри тақво қиладиганлар учун яхшироқдир. Ақл юритмайсизларми?", Анъом сураси, 32 - оят.

Сенинг режанг - خطتك Аллоҳнинг хоҳиш-иродаси - مشيئة الله - 📜"Ва тезда Роббинг сенга ато қилур ва рози бўлурсан", Зуҳо сураси, 5 - оят.

Руҳимиз Аллоҳга, танамиз тупроққа, амалимиз ҳисоб китобларга аталган…)

Инсонлар сиз ҳақингизда яхши гумонда бўлишлари нақадар гўзал! Дўстингиз оғир аҳволга тушганида сизни танлаб, қайтармаслигингизга ишониб, бошдан оёқ умидга кўмилиб эшигингизни қоқиши, сизнинг эса унинг умидлари миқдорида бўлишингиз нақадар ажойиб! Ота-онангиз зеҳнида қобил фарзанд сифатида суратингиз бўлиши, уларни бирор лаҳзага ташлаб қўймаслигингиз ва бу суратни тўлиқ намоён қилишингиз нақадар гўзал! Хиёнатлар кўпайган, эрлар хотинини эътиборсиз ташлаб қўйган даврда умр йўлдошингиз сизга ишониши, сизни сўзларингиз миқдорида содиқ деб ўйлаши, туйғуларини сизга ишониб оча олиши нақадар гўзал! Ишончли қўшни, суяйдиган ака, аёлингиз учун қўрғон, қоядек ҳимоячи ота бўлишингиз нақадар ажойиб! Доимо кишилар сизни кўрганда омонликни ҳис қилиши қандаям гўзал!🍃 ©️IkromSharif

Ey Mavlono! Qancha til bilishing muhim emas. Insonni qadrli qilgan, ko'ngil tilini bilishligidir...!🍃 Shams Tabriziy

Barcha parishonxotirlik va g'amlarning asosida boshqalardan kutilgan xayoldagi umidlar yotadi. Kutilmalar roʻyobga chiqmagach, inson g'amga tushib qoladi. Bandadan umid qilmaslik degan buyuk maqom faqatgina Alloh taoloning doʻstlariga nasib qiladi. - "Majolis hakim ul umma" kitobidan.

Orif ul dunyo demas, uqbo demas, Unga ul mahbubi Mavlo bo'lsa bas…🍃 Fariduddin Attor

ўзингга кўп ҳам ортиқча баҳо беравермагин... сен паст назар билан қараган инсон сендан кўра ибодатлироқ, Роббисига яқинроқ бўлиши мумкин... ундан кўра амалингни холис Ўзи учун қилгин, шу сенга кифоя...

Шайх Муҳаммад Аввома устоз ва талабаларга ҳар намоздан кейин ушбу дуони қилишни насихат қиладилар: اللَّهُمَّ إِنِّي أَسْأَلُكَ عِلْمًا نَافِعًا،وَرِزْقًا طَيِّبًا، و عَمَلًا مُتَقَبَّلًا "Аллоҳумма инни асъалука илман нафиъан ва ризқон тоййибан ва аъмалан мутақоббалан" Маъноси: "Аллоҳим Сендан манфаатли илм, пок ризқ ва мақбул амал сўрайман"

📜Бомдодга тура олмаяпсизми? ▫️Саодатинг ва Аллоҳнинг сенга муҳаббатининг аломатларидан бири шулки, ухлаб ётган ва мудраётган миллионлаб бандалари ичидан сени бомдод намозида Унинг ҳузурида қоим бўлишинг учун танлаб олганидир. ▫️Расулуллоҳ соллаллоҳу алайҳи васаллам: «Ким бомдод намозини ўқиса, Аллоҳнинг кафиллигидадир», дедилар. Имом Муслим ривояти. ▫️Бомдод намозини ўз вақтида адо этиш жаннатда Аллоҳ азза ва жаллани кўришга сабаб бўлади. Расулуллоҳ соллаллоҳу алайҳи васаллам: “Ким бомдод ва аср намозларини адо этса, жаннатга киради”, дедилар. Бошқа бир ҳадисда эса, Расулуллоҳ соллаллоҳу алайҳи васаллам: “Бомдоднинг икки ракати дунё ва ундаги нарсалардан яхшидир”, дедилар. ▫️Ўқиган бир нарсамдан сўнг бомдод намозини ўз вақтида адо этишга киришдим. У: “Ризқ топиш (тирикчилик) учун уйқунгдан турасан-у, ўша ризқни ато этувчи Розиқинг учун (буюрган фарзини адо этишга) турмайсанми?” деган сўзлар эди... ▫️Умар: “Бомдод намози жамоатида ҳозир бўлишим тунда (нафл намозда) қоим бўлишдан кўра менга суюклироқдир”, деди. Имом Молик ривояти. ▫️ Ундан қўрққанидан, Унинг ҳузуридаги нарса(афв, мағфират ва жаннат)дан умид қилганидан ва Аллоҳга муҳаббати сабаб бомдод намозини ўқиш учун кўрпасидан турган бандани Аллоҳ раҳм қилсин! У бандани уйқу лаззати ҳам, кўрпанинг юмшоқлиги ҳам (намозни адо этишдан) тўса олмайди. Эй жаннатга рағбат қилувчилар, бомдодга эътиборли бўлинглар! ▫️Маъсиятлар сабаб етадиган уқубатлар Аллоҳ таоло сени тавфиқдан маҳрум қилса, унинг кўринишлари қуйидагича бўлади: 1. Бефойда ишлар билан машғул ҳолда тунлари бедор бўласан. 2. Гуноҳ ишларни амалга оширган ҳолда уйқуга ётасан. 3. Бомдод намозини ўқимасдан ўтказиб юборасан. 4. Уйқудан кеч уйғонасан. Сўнгра сени, тушкун ва муммоларга тўла кун қаршилайди. Гуноҳ-маъсиятлар буйиндаги кишанлар кабидир. ▫️Ундан аҳволини сўрадим. У: «Хотиржамман, кўнглим тўқ ва кунимда барака бор», деди. Мен унга: «Нима учун бундай?» дедим. У: «Ҳар куни бомдод намозини мунтазам, канда қилмай ўқийман, уни ҳеч қачон тарк қилмайман (сусткашлик қилмайман)», деб жавоб берди. Ҳақиқатан, ким барака, саодат ва қалб хотиржамлигини хоҳласа, бомдод намозини доим ўқисин ва уни асло зое қилмасин. Уни тарк қилган кимса (кўп яхшиликлардан) маҳрумдир ва маҳзулдир, хордир. ▫️Ҳотам Асом роҳимаҳуллоҳ айтдилар: "Бомдод намозини(ўқимасдан) ўтказиб юбориш аза тутиш ва бир-бирига ҳамдардлик билдиришга арзигулик улкан ҳодиса(мусибат)дир". «Солаҳул умма» китобидан.