مــســـلـم بوست

-تابِع لما سبق- ربنا علمنا التدرُّج في كل شيء الخمرة في بداية الإسلام كانت حلال؟ ثم أصبح تركها أفضل ، ثم أصبحت حرام اتحرمت بالتدريج لإن لو اتحرمت مرة واحدة مكنش حد هيسيبها وكانت الناس رفضت الإسلام الصلاة أعظم العبادات بعد الشهادة النبي -ﷺ- علمنا التدريج في تعليمها للأطفال قلك الطفل 7 سنين شجعه وحببه في الصلاة ،كل صلاة قوله يلا يا حبيبي صلي عشان ربنا يحبك وميزعلش منك.. ومن 10 سنين للبلوغ على 13 مثلًا عاقبه عقاب خفيف على كل صلاة يفوتها ال6 سنين فيه 11 ألف صلاة ، يعني الواد لما يبلغ هيكون اتقله 11 ألف مرة قوم صلي!.. هل لما يبلغ هيبقى محتاج تعلمه يحافظ على الصلاة؟ مستحيل ، هتلاقيه حاببها ومحافظ عليها قيس على الكلام ده مسألة الحجاب.. تخيل طفلة مثلًا لما وصلت 6 سنين بدأت تقولها لا مينفعش اللبس القصير زيادة يا حبيبتي عشان ربنا ميزعلش منك ، وعلى 8 مثلًا لبسها طول اكتر وبدأت تلبس الحجاب ولو حتى على سبيل اللعب على 9 بدأت تحبه أكتر وتجرب في شكلها في الحجاب قدام المرايات.. وانت طول الفترة دي بتحببها فيه وتشجعها عليه وتقولها ان الحجاب ربنا بيحبه فلما تلبسيه ربنا يحبك تخيل طفلة تتربى بالشكل ده على حب الله وحب طاعته.. هتلاقيها لما يتفرض عليها الحجاب مُحجبة أصلًا و حابة الستر

متنساش وِرد النهاردة من الكتاب: من ص57 لحد ص69.. ابدأ متكسلش وبكده نبقى خلصنا معاني سورة الأعراف ✅

متنساش وِرد النهاردة من الكتاب: من ص47 لحد ص56.. ابدأ متكسلش وبكده نبقى خلصنا معاني سورة الأنعام ✅

8⃣ ((هلبس بناتي اللي هم عايزينه ولما يبلغوا هبقى ألبسهم حجاب شرعي)). بسبب الفِكر الفاسد ده عدد كبير من البنات كارهين الحجاب والواحدة فيهم بتبقى لابسة الحجاب عشان أهلها مش ربها ، ومستنية أي فرصة عشان تخلعه ومن وجهة نظري الأب والأم هم السبب الرئيسي ليه؟ عشان ممشوش معاها بالتدريج في الحجاب تلاقي بنتهم مثلًا عندها 8 ولا 9 سنين -وده سِن مش صغير في البنات لإن البنات كبَّارة- وتلاقيهم ملبسينهم هوت شورت مثلًا وتفضل البنت تلبس اللي هي عايزاه لحد مثلًا ما تبلغ على 12 سنة.. فجأة يقولوها خلاص بقى المفروض دلوقتي تتغطي من أولك لآخرك! فتدخل البنت في صدمة وترفض الحجاب أو تلبسه مُجبَرة.. لإن المفروض كان أبويها يحببوها فيه ويلبسوه لها بالتدريج -يُتبَع-

متنساش وِرد النهاردة من الكتاب: من ص38 لحد ص46.. ابدأ متكسلش وكده خلصنا معاني سورة المائدة ✅

7⃣ انك ترتبط ارتباط غير شرعي ده حرام بلا شك والأشد حُرمة هو جَهرَك بالذنب وتحكي لصحابك حتى لو بهزار وعامل فيها دُنچوان.. بُليتَ فاستَتِر. ولما واحد يساعد صاحبه أو واحدة تساعد صاحبتها في العلاقات المحرمة دي = فهم شُركاء في الذنب ده بتدلوا الناس على الحرام بدل ما تنهوا عنه؟! والمعلومة اللي اتفاجئت ان كتير ميعرفهاش: ذنوب الارتباط لا تُغفَر بالزواج . كتير فاكر انه لما يرتبط بواحده فالذنوب دي لما هيتجوزها هتتمسح.. وده غير صحيح طبعًا. الذنوب تُغفَر بالتوبة والصالحات.

متنساش وِرد النهاردة من الكتاب هو: من ص27 لحد ص37.. ابدأ متكسلش وكده نكون خلصنا معاني الكلمات الغريبة اللي في سورة البقرة وآل عمران والنساء! بعد ما تخلص وِرد اليوم.. خُد 10د مراجعة سريعة ع اللي فات من معاني عشان يثبتوا

تابِع لما سبق: هتفضل تعاني لحد ما تفهم وتتقبَّل حقيقة الدنيا دار ابتلاء هم.. غم.. حزن.. ألم.. مرض.. فراق.. وهَلُمَّ جَرًّا «ٱلَّذِی خَلَقَ ٱلۡمَوۡتَ وَٱلۡحَیَوٰةَ لِیَبۡلُوَكُم..» انت مخلوق عشان تُبتَلى حقيقة مؤلمة ولكن تقبلها بيخفف من وَطْءِ الابتلاء فسواء مسلم أو كافر ، مؤمن أو فاجر كله في الدنيا هيُبتلى ويُختَبر! فوطِّن نفسك على الصَّبر

متنساش وِرد النهاردة من الكتاب هو: من ص17 لحد ص26.. ابدأ متكسلش

6⃣ هل المؤمن مبيكتئبش؟ واحد قريب من ربنا صلاة وصوم وعبادات حياته لازم تكون وَردي؟ الإجابة: لا الاكتئاب مرض ممكن يصيب أي حد هو اه المؤمن أقل عُرضَة.. ولكن مش معصوم الأصل إن المؤمن ابتلاءاته بتكون شديدة أساسًا سُئِلَ ﷺ : أي الناس أشد بلاءً؟ فقال : « الأنبياء ثم الأمثَل فالأمثَل» ولو متصابش باكتئاب ممكن يحزن عادي مِن الصالحين مَن كان طويلَ الحُزن كلامي مُوجَّه للناس اللي بتدعوا الناس للالتزام عشان ميحزنوش وحياته تبقى وردي في وردي طيب لو التزم وبرضه حياته نكد.. يكفر يعني؟ الدين مش مَصحَّة نفسية لا شك ان الاقتراب من الله -عز وجل- حِصن حصين وجنة في الأرض وبيهون مصائب الدنيا ولكن الدنيا دار ابتلاء ممكن تبقى ملتزم وشقيان والكافر مُستمتع عادي قرَّب من ربك عشان تنال رضاه وجنته ، لو جت معاك الدنيا فالحمد لله ، مجتش يبقى نصيبك ويومين وتلقَى وجه رب كريم

بدايةً من النهاردة إن شاء الله هنكمل في السلسة اللي كنا بدأنا فيها (سلسلة تصحيح مفاهيم) وفي نفس الوقت تذكير بالوِرد اليومي من كتاب معاني غريب القرآن.. تابعوا وأبشروا

الكتاب pdf للي مش عارف يحمله من جوجل

Noor-Book.com السراج في بيان غريب القرآن.pdf

11 بس قرأوا الوِرد؟! الهِمَّة يا شباب بعد فترة قصيرة الناس اللي بتقرأ هتكون خلصت الكتاب وعرفت معنى كل كلمة غريبة في القرآن وهتفضل انت تتحسر اجتهد عشان متندمش الموضوع كله 10 دقايق

وِرد النهاردة من ص7 لحد ص16.. خلص الوِرد وحُط ريأكت هنا عشان نعرف عدد المُشاركين

بسم الله نبدأ وِرد اليوم من معاني القرآن ده لينك الكتاب حملوه عندكم 👇🏻 https://www.noor-book.com/%D9%83%D8%AA%D8%A7%D8%A8-%D8%A7%D9%84%D8%B3%D8%B1%D8%A7%D8%AC-%D9%81%D9%8A-%D8%A8%D9%8A%D8%A7%D9%86-%D8%BA%D8%B1%D9%8A%D8%A8-%D8%A7%D9%84%D9%82%D8%B1%D8%A2%D9%86-pdf-pdf

ثبِّت القناة عندك في التيليجرام وتابع الوِرد اليومي ومتكسلش العشر صفحات هياخدوا معاك 10 دقايق بالظبط مجهود بسيط مُستمر = أثر عظيم.. فمتكسلش

مين حابب يفهم القرآن؟ كتير مننا بيقرأ القرآن ونص الكلام مش فاهمه ، فمن دلوقتي لرمضان هنمشي على خِطة لفهم القرآن إن شاء الله أول خطوة هي فهم معاني المُفردات فهنبدأ بكتاب: السراج في بيان غريب القرآن. كتاب جميل بسيط بيوضحلك معنى كل لَفظَة من بكرة لرمضان هنقرأ كل يوم 10 صفحات بس من الكتاب ، بس هنقرأهم بتركيز وياريت لو حفظ نخلصه واقولكم على الخطوة التانية إن شاء الله اللي هنبدأها مع أول يوم رمضان ✅ #معاني_غريب_القرآن: كتاب السراج

5⃣ الغرب مش ناس نَطمَح إننا نبقى زيهم الغرب عندهم تقدُّم في العلم ماشي ولكن خلي بالك من النقاط التالية: 1) تقدمهم العلمي مش هيدخلهم الجنة الجنة شرط دخولها هو الإسلام 2) الغرب بيسعى في العلوم بلا دين يحكمهم على عكس المسلمين اللي أثناء دراستهم للعلوم عندهم شريعة تقولهم اعملوا كذا ومتعملوش كده لكن الغرب؟ استخدموا العلم لعمل قنابل نووية قتلت عشرات الملايين من البشر وفي تطوير تصوير أفلام الفاحشة وتحويل الرجال لنساء والعكس يعني زي ما استخدموا العلم لنفع الناس برضه استخدموا العلم في قتل الناس ونشر الفواحش! 3) انت باصصلهم من ناحية العلم بس ومنبهر بيهم؟ طب بص ياخي لباقي جوانب الحياة عندهم الزنا عادي.. محدش عارف مين ابن مين عندهم زنا محارم وأطفال وحيوانات وشذوذ! عندهم السُكر والعُري والعربدة مُصرح بيها مجتمعهم أقذر من الحيوانات! 4) الغرب هم سبب الخراب في بلادنا الإسلامية مين اللي عمل داعش غيرهم؟ مين اللي حط اليهود في فلسطين غيرهم؟ مين اللي خرَّب ليبيا والسودان والعراق وسوريا ولبنان واليمن غيرهم؟ مفيش شر ولا دم بيسيل في العالم وبالذات في بلادنا الإسلامية إلا والغرب هم سببه فمتبصش لناحية واحدة وهي تطورهم العلمي وتنبهر بيهم وتسيب قرفهم! .. خليك واعي

تابع لما سبق أرادوا منع المؤمنين من الأمر بالمعروف والنهي عن المنكر فقالوا : دَع الخلقَ للخالِق. و قال مولانا ﷺ: «والَّذي نفسي بيدِه! لَتأمُرُنَّ بالمعروفِ ولتنهَوُنَّ عن المنكرِ أو ليوشِكَنَّ اللهُ أنْ يبعثُ عليكم عِقابًا مِنه ثمَّ تدعونه فلا يستجيبُ لكم» ءأنتُم أصدَقُ أم رسول الله ؟!