Jᴜsᴛ_ғᴏʀ_ʏᴏᴜ

ခေါင်းစဉ်မရှိလေသော် မောနင်းအချစ်ဆိုတာက စလို့ စတင်နိုးထခြင်းကနေ နေ့တစ်ခုလုံးရှင်သန်ရ‌ခြင်းတွေမှာ သူရှိနေတာ်ဆိုတဲ့ အသိနဲ့ နွေးရခြင်းတွေဟာ တစ်ဘဝလုံးစာ သူ့ကိုငေးဖို့ လုံလောက်တယ်။ ဒါဟာတစ်ဖက်သတ်မဟုတ်ဘူး သူ့ဘက်က တုံ့ပြန်မှုနှေးကွေးနေတဲ့ ခံစားချက်တစ်ခုအတွက် စောင့်ဆိုင်းခြင်းသပ်သပ်ပဲ။ တစ်ဖက်သတ်မို့ တစ်သက်သေသတဲ့... ဟင့်အင်း...ကျွန်တော်ဒီစကားကိုလက်မခံဘူး တစ်ဖက်သက်ဆိုတာ သိပ်လှတာ သူ့မှာစောင့်ဆိုင်းခြင်း၊ငေးမောခြင်း၊လွတ်လပ်စွာမျှော်လင့်ခြင်းဆိုတဲ့အလှတရားတွေအပြည့်ရှိပြီး ရသအမြောက်ဆုံး ခံစားချက်တစ်ခုလို့ဆိုနိုင်တယ်။ ကြယ်တွေကို သဘောကျတဲ့သူတစ်ယောက်ဟာ ကြယ်တွေကိုမပိုင်ဆိုင်ရလို့ ရူးသွပ်တယ်ဆိုတာ ကြားဖူးသလားကိုယ့်လူ... သူ့မှာ ငေးမောရုံနဲ့တင် ကျေနပ်ခွင့်ရှိတယ်၊ပျော်ရွှင်ခွင့်ရှိတယ်...အေးချမ်းခွင့်ရှိတယ်။ စောင့်ဆိုင်းခြင်းမှာ အသက်ပါတယ်တဲ့ သူကလည်းစောင့်ပါလို့ မပြောခဲ့တဲ့ စောင့်ဆိုင်းခြင်းတွေမှာ သေဆုံးရကြေးဆို ကျွန်တော်သေတာ ခုနှစ်သက်ရှိရောပေါ့...။ ကဲ ဘယ်လိုလဲ ကိုယ့်လူ ကျွန်တော်ရဲ့ အချစ်ဒဿနတွေဟာ သိပ်များဆန်းကြယ်နေသလား။ ရူးဖို့မလိုဘူး၊မူးဖို့မလိုဘူး ကိုယ့်လူ ချစ်နေဖို့ပဲလိုတယ်။ ဘယ်၍ဘယ်မျှစောင့်ဆိုင်းရခြင်းတွေမလိုဘူး... ငေးခွင့်ရခြင်းတွေပဲလိုတယ်။ မပိုင်ဆိုင်ရလို့ ပျက်ပြားသွားရခြင်းမေတ္တာတွေမလိုဘူး... တစ်မိုးအောက်မှာအတူရှိနေရ၍ နွေးရခြင်းတွေပဲလိုတယ်။ ကဲ ဘယ်လိုလဲကိုယ့်လူ... တစ်ဖက်သက်မို့ တစ်သက်သေရောလား... ဒီလိုသာဆို ကျွန်တော်ဆိုတာ ဖြစ်တည်မှုတောင် ကျန်မှာမဟုတ်ဘူး...။ ။ ဟေသရ #𝑭𝒊𝒐𝒏𝒂

မမေ့နိုင်ခြင်းကစတဲ့ ဒီခံစားချက်က ရယ်ရင်မောရင်းပြုံးရင်ရွှင်ရင်း ရင်ဘတ်တစ်နေရာက ရုတ်တရက် အောင့်တက်သွားတာမျိုးပေါ့။ #ownernono

ဒီညအဖို့ဆုတောင်းကတော့ ရှေ့ညတွေမှာ တောင်းခဲ့တဲ့ဆုတောင်းလိုပါပဲ။ အိပ်ပျော်ခြင်းနဲ့ အသားကျနေတဲ့လူတစ်ယောက်လို ခေါင်းချတာနဲ့ အားလုံးကိုမေ့ပစ်ချင်တယ်။ #ownernono

လူတွေဟာ သိပ်ထူးဆန်းတယ်။ တစ်ချိန်တုန်းက အတူရှိဖို့ အားသွန်ခွန်စိုက် ကြိုးစားခဲ့ကြပေမယ့် အချိန်တစ်ခုကိုရောက်တော့ ပြေးထွက်ခဲ့တာ ဒီဘဝအ‌ဖို့တော့ အတော်ဝေးသွားပြီဆိုတာ သိရက်နဲ့တောင် ဆက်ပြေးနေကြတုန်း။  #ownernono

မင်းလက်မခံနိုင်မှတော့ စွန့်လွှတ်ရတော့မှာပေါ့ ငါ့ကိုယ်ငါရော မင်းကိုရော..။ #ownernono

လိုက်ရှာမလားဆိုပြီး ပုန်းနေမိတဲ့အရပ်မှာ ငြိမ်ငြိမ်လေး စောင့်နေမိတဲ့ အမှားက ကိုယ့်ကိုကိုယ်ပါရှာလို့ မတွေ့နိုင်တဲ့အထိ ပျောက်ချင်းမလှ ပျောက်ဆုံးသွားခဲ့ပါတယ်။ #ownernono

ကောင်းကင်ကြီးက အုံ့မှိုင်းနေတာပဲ။ ထိန်းမနိုင်ပဲ ရွာချနေတာ ဘယ်လောက်တောင်ပဲ ပင်ပန်းနေလို့ပါလိမ့်။ #ownernono @noyahsu

မင်းနဲ့ ကိုယ်က ဘယ်လောက်ဝေးသွားလဲ ကိုယ်မသိဘူး သေချာတာတစ်ခုကတော့ မင်းကို ကိုယ် ထပ်မတွေ့ချင်တော့တဲ့အထိ ‌မင်းနေတဲ့မြို့လေးက ကျယ်လွန်းနေလောက်အောင်ကို ဝေးသွားပြီ။    ။ #𝑭𝒊𝒐𝒏𝒂

အင်း...ထွေထွေထူးထူး ဘာဖြစ်လဲလေ ဒီလိုပဲပေါ့ သံသရာဟာလည်နေသ၍ ဝင်လာလိုက် ထွက်သွားလိုက်... နောက်ပြီး ကျွန်တော့်ရဲ့ အချိုးအကွေ့တစ်ခုစီမှာ မျှော်လင့်လိုက် ပျက်စီးလိုက်ပါပဲ...။    ။ #𝑭𝒊𝒐𝒏𝒂 #‌Based_on_true_story

အချစ်စာမျက်နှာလေးတစ်ခုနဲ့ပတ်သတ်ပြီး ပုံပြင်လေးတစ်ပုဒ်ပြောပြမယ် ဟိုးရှေးရှေးတုန်းက ပစ္စည်းဟောင်းတွေ ပြုပြင်ထိန်းသိမ်းစောင့်ရှောက်ရတဲ့ ကောင်မလေးတစ်ယောက်ရှိသတဲ့ အဲ့ကောင်မလေးက တစ်နေ့တော့ သူ လမ်းသွားရင်းနဲ့ စွန့်ပစ်ခံထားရတဲ့ အရုပ်လေးတစ်ရုပ်ကို ကောက်ရသတဲ့။ အဲ့အရုပ်ကလေးက ဒဏ်ရာတွေ ဗလပွနဲ့ပဲတဲ့ အဲ့အရုပ်ကလေးက စိတ်ပိုင်းဆိုင်ရာရော ရုပ်ပိုင်းဆိုင်ရာရော အများကြီးလိုအပ်ထိခိုက်မှုတွေရှိနေခဲ့တာတဲ့ အဲ့လို ဒဏ်ရာတွေနဲ့ အရုပ်ကလေးကို ကောင်မလေးက ရင်ဘက်ကြီးတစ်ခုလုံးပွေ့ပြီး ဂရုစိုက် ကုစားပေးခဲ့ရတာ အချိန်တစ်ခုကြာသွားတယ်တဲ့။ တစ်ရက်လဲကျရော အဲ့အရုပ်ကလေးရဲ့ ပိုင်ရှင်အမှန်က ပြန်ရောက်လာပါရောတဲ့ အဲ့လိုနဲ့ အရုပ်ကလေးကို ကောင်မလေးက ပြန်အပ်ရတာပေါ့ ကောင်မလေးက ဒီအရုပ်ကလေးကို ဘယ်လို ဂရုစိုက်ပေးနော် ဘယ်လိုမျိုးလေး တယုတယထားရတယ်နော်ဆိုပြီး အမှာစကားတသီကြီးကို ရင်နဲ့ရင်းပြီး ထည့်ပေးလိုက်သတဲ့။ အဲ့ပိုင်ရှင်အမှန်က အရုပ်ကလေးကို ပွေ့ပြီး တံခါးကနေထွက်သွားကာနီး အရုပ်ကလေးက လှမ်းမေးသတဲ့ " သူ့ကို ဘာလို့ ဒီလို လွယ်လွယ်ပေးပြစ်နိုင်ရသလဲ" တဲ့ ကောင်မလေးက ပြန်ပြောတာပေါ့ "ငါ့လက်ထဲမှာ အချိန်တစ်ခုလောက်ပဲ ကြာပြီး ငါရင်နဲ့ရင်းပြီး ထွေးပွေ့ခဲ့ရတဲ့ အရုပ်ကလေးကို ငါက မချစ်ဘဲနေမလား မမြတ်နိုး၊တန်ဖိုးမထားဘဲနေမလား ငါ သိပ်ချစ် သိပ်မြတ်နိုးတာပေါ့ ငါတောင်ဒီလောက် ချစ်မြတ်နိုးတာ နင့်ကို နှစ်အတော်ကြာ နင်နဲ့အချိန်အတူကုန်ဆုံးခဲ့တဲ့ နင့်ပိုင်ရှင်အမှန်က ငါ့ထက်ပိုမှာ‌ပေါ့ ဒီတော့ ငါကိုယ်တိုင်ကသာ အပြစ်ပါ မတပ်မက်မိသင့်တဲ့အရာကိုမှ တပ်မက်ပြီးသံယောဇဉ်တွယ်ခဲ့မိတဲ့ ငါ့အပြစ်ပါ" လို့ ကောင်မလေးက ပြောပြီး နှုတ်ဆက်လိုက်သတဲ့။ပုံပြင်လေးကတော့ ဒီလိုလေးနဲ့ ဇာတ်သိမ်းသွားပါတယ်ရှင်။ #𝑭𝒊𝒐𝒏𝒂 #Based_on_true_story

ခံစားချက် တစ်ခုကို ချပြကြည့်တယ် အရေးမပါ အရာမရောက်ခဲ့ဘူး တစ်ခါတစ်ခါကျရင် ကိုယ်ချစ်သလို သူပြန်မချစ်တဲ့အခါ ချစ်ခြင်းတွေဟာ သိမ်ငယ်စိတ်ဝင်ရတယ်...။   ။ #𝑭𝒊𝒐𝒏𝒂 #Based_on_a_true_story

မင်းရဲ့ ကိုယ်သင်းရနံ့လေးများ ပြန်ရမလားလို့. မားဗီးယပ်စ်တွေ တစ်လိပ်ပြီးတစ်လိပ်သောက်မိတယ်... မင်းက ကိုယ့်ဆီက လွတ်မြောက်သွားတယ်ဆိုပေမယ့် အခုချိန်ထိ မကျွတ်လွတ်သေးတဲ့ ကိုယ်ယောင်ကိုယ်ပွားလေးဟာ ကိုယ်ကိုယ်တိုင်ပါပဲ...။    ။ #𝑭𝒊𝒐𝒏𝒂 #Rewriting

ကျွန်မ ချစ်တတ်သွားတယ်ထင်ပါရဲ့ ကိုကိုကလေဆိုတဲ့ ခေါင်းစဉ်နဲ့အစချီပြီး ပြောစရာတွေက ကမ္ဘာပေါ်က ပင်လယ်တွေ ခမ်းသွားရင်တောင် ဖတ်လို့မကုန်တော့မယ့် ကဗျာတစ်ပုဒ်လို စာအုပ်တစ်အုပ်လိုပေါ့...။   ချစ်လိုက်ရတာ ကိုကိုရယ်...။     ။ #𝑭𝒊𝒐𝒏𝒂

ခင်ဗျားကို ကျွန်တော် မုန်းချင်တယ် ဒါပေမယ့် မုန်းလို့မရဘူး ချစ်ချင်တယ် ထုတ်ပြလို့မရဘူး မွေးဖွားခြင်းနဲ့သေဆုံးခြင်း အလွှာပါးပါးလေးကြားမှာ ခင်ဗျားကိုချစ်ခွင့်ရလိုက်တာအတွက် နောင်တမရဘူး...။    ။ #𝑭𝒊𝒐𝒏𝒂 #Based_on_a_true_story

အသည်းကွဲတယ်ဆိုတာ ခေတ်ပေါ် ရောဂါပဲထင်ပါရဲ့...    တစ်ယောက်တည်း ထူးပြီးတော့ မနာကျင်နေတော့ပါဘူးလေ...       ချောင်တစ်ချောင်မှာတော့... ကျနော်ကိုယ်တိုင်အတွက် နေရာတစ်နေရာရှိမှာပဲ...        မင်းပြောတဲ့ ဘလက်ခ်ကော်ဖီတွေ ခါးတယ်ဆိုတာ...    လောကဓံကို မမှီသေးပါဘူး အချစ်ရယ်...။       ။ #𝑭𝒊𝒐𝒏𝒂 #Based_on_a_true_story #Rewriting

ခံစားချက်တွေကို အပြုံးတွေနောက်မှာ ကွယ်ဝှက်ထားတဲ့သူမို့ အဆင်မပြေနေတာတွေနဲ့ လိုအပ်ချက်တွေဟာ ပေါ်လွင်နေမှာမဟုတ်တာ သေချာပါတယ်...။ တစ်ခါတစ်လေကျတော့လည်း အရာမထင်တဲ့ ဒဏ်ရာသေးသေးလေးတွေက ပိုနာကျင်ရကြောင်း ဘယ်သူ့ကိုမှပြောမပြတာက အသက်သာဆုံးကုသမှုပါ။   ။ #𝑭𝒊𝒐𝒏𝒂 #Based_on_a_true_story

နောက်တစ်ခါ ဆေးလိပ်သောက်ရင် စကားမပြောတော့ဘူးနော်လို့ပြောခဲ့တဲ့ ကျွန်တော်က... အခုတော့လည်း မားဗီးယက်စ်လေး ဖွာလိုက်... ကဗျာလေးရေးလိုက် စာလေးဖတ်လိုက်... ခင်ဗျားကိုလွမ်းလိုက်နဲ့ပေါ့ ဘဝက ယူတတ်ရင် ပညာတွေချည်းပါပဲ အချစ်ရာ...။     ။ #𝑭𝒊𝒐𝒏𝒂 #Rewriting

ကျန်ရစ်ခဲ့ရပြီးနောက်... အမှတ်တရဆိုတာ ဒိုင်ယာရီ စာအုပ်ကြားက ရုပ်ရှင်လက်မှတ်လေးတွေမှာပါ ဒါမှမဟုတ်လဲ Lest seen long time ago ဆိုတဲ့ အကောင့်လေးထဲက အမှတ်တရ Conversation လေးတွေမှာပေါ့ ...။   ။ #𝑭𝒊𝒐𝒏𝒂 #Rewriting

အရင်က နှစ်ယောက်အတူ လျှောက်ဖူးတဲ့ လမ်းတစ်ချို့ကို... အတူတူလျှောက်တဲ့ ခင်ဗျားမရှိတော့တာက လွဲရင် တစ်ယောက်တည်းလည်း ကျွမ်းကျွမ်းကျင်ကျင်ပါပဲ...။    ။ #𝑭𝒊𝒐𝒏𝒂 #Rewriting

အတိတ်ဆီက ပျော်ရွှင်မှုတွေကသာ ပစ္စုပ္ပန်မှာ နာကျင်ရမယ်ဆိုတာ သိခဲ့ရင်... ဘယ်သူ့ဘယ်သူကိုမှ သံယောဇဉ်တွယ်ခဲ့မိမယ်မထင်ဘူး။    ။ #𝑭𝒊𝒐𝒏𝒂 #Based_on_a_true_story