᷂وهب

ستُشرِق ..

لا أنطوى يومٍ من العمر في جيب الغروب ‏ما أنقطع طيب الرجاء في الصباح اللي يليه

‏القصيد يغيب لين الليل يرسل لي نذيره ‏وصوتك الباكي نذير الليل يا الظبي المذيّر ‏العرب خلت غراب البّين يفرح في مطيِره ‏ومن يشوف عيونك السود يتغرب ويتطير ‏شاحبه ماكنك أجمل بنت في شبه الجزيرة ‏وانتي اللي في كنفها لذة العمر القصيّر

ياااارب

ودي أضحك ضحكة اللي حققت الايام حلمه ‏و ودي أذرف دمعة التايب على العمر الموّلي

‏حنا نميز كلام " الخبل " و المتزن ..! ‏الهرج واجد وهرج الضيق غير السعه ‏بعض الحكي مثل ظلع النير لو ينوزن ‏وبعض الحكي ما ندقق فيه لو نسمعه ‏ومع احترامي لكل اللي علينا يزن ‏ما نرخص الانفس ولا نلبس الاقنعه ‏من الحيا ما تبعنا كل بارق مزن ‏جعل الحيا ما يزول وجعلنا نتبعه ‏الروس شابت مهوب القافية والوزن ‏انفوسنا طايبة .. وجروحنا موجعة ‏معاد نبغى الحزين اللي يجيب الحزن ‏نبي لنا واحدٍ يضحك ونضحك معه - عناد الشيباني

‏يا شرفة الصبح والنسيان والموعد ‏لمّي بقايا الحنين ورتّبي صبحي — ابن الذيب.

"أشرقت أيام عمري وانتهت قصّة أساي" يالله ياكريّم.

لو يهف في بطن الثرى قلت : حلم و هفّ أنا ماني بعادي .. و الأحلام عاديّه

‏هوّنتها بالفاتحة لين هانت ‏فكّتني من الضيق ( سبع المثاني ) ‏يحلّها اللي حلّها يوم كانت ‏أعوج من رْقبة البعير العماني - موفق السلمي

‏«حتى وأنا في قمة الغيظ مقهور ‏بعض الحكي عيّا يقوله لساني» ‏هذا هو معنى الشيمة ! ‏وفي بيت آخر جميل يقول: «ما ازين من الهرج السديد إن قاله اللي يحتميه/الا سكوت الشيمة اللي فيه نسمو ونعلى» ‏الشيمة عن بعض الحكي فضيلة!

كل فرقا غير فرقا الأهالي و الرفيق الصدوق جعلها مع هفة الريح و طيور القطا

من مقولات البدو قديماً : ‏" برقٍ تعدّاك لا تستخيله ، لو زان لك عشبه ومرعاه " ‏بمعنى / ‏- لا تتعلق بشيٍ ماهو لك -