قناة الشاعرة ام حسين المسعراوي

قصيده فزاعيه وتصير مربعه الرجوع زينب عليه سلام الى دار ولج يادار وين عزاز كلبي اجيتج ناحله وماشوف دربي .................... ولج يادار عازيني وعازيج ولج يادار وين زهلله ذيج اشوفج مضلمه تربان غاطيج على راوحو يادار اليوم عتبي ............................. يادار لاهل وين لاهل وين جيتج ناحله من ضيم تدرين ولج يادار توجع طكت البين تره راحو سوه اعزاز كلبي ........................... جيتج ودموع اتصب على الباب يادار لاهل جاوين الاحباب صحت بصوت خويه يم لاعتاب عليكم ياهلي ماشفت دربي ........................ هنا يادارنه جاوين لاخوان مشتاكه اجيت وكلبي لهفان خلوانه اشوفج وين لاحنان صحت صبر من عدك ياربي ......................... شصبر ولفراك هواي عذبني انه ضيعت خوان وي ابني يادهري وزماني شلون مرمرني يادينا عليج انه اليوم هم عتبي ........................ بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف https://t.me/omhusseinAlmasarawy

قصيده ثكيله لسان حال مولاتي الزهراء عليه السلام عن ابيها رسول لله عليه صلاه وسلام يالعايش مابين جفوني ...عله فراكك عميانه،عيوني مجانك خالي .....اه ياوالي عله فراكك عميانه عيوني ............................. مااحمل فراكك بويه تدريني ليش تعوفني بمحنه وتخليني تره غيابك ياوالي تدري ياذيني من تروح بويه الكوم توليني اصحابك بويه اذوني ....حركو بابي وهم عصروني مجانك خالي .....اه ياوالي عله فراكك عميانه عيوني ................................... انه خلافك يابويه بكيت مهضومه، من يوم رحت ضليت مهمومه صعب يومك عليه خلاني مالومه تراني عليك بويه ولله مصدومه ارجع يانور البعيوني ....يابويه خلافك هضموني مجانك خالي ....اه ياوالي عله فراكك عميانه عيوني ............................ بيت احزاني يوميه انه انعاك تمنيت بكبر واحد انه وياك ماريد العمر يابويه ابلاياك يالعايش بروحي شلون انه أنساك باكبرك ريت يدفنوني....وجفنك ريت يلفوني مجانك خالي ....اه ياوالي عله فراكك عميانه عيوني ................................ صدك ضلعي يابويه هواي يوجعني بس فركاك اكثر تدري الأمني ماحسيت بويه بيوم تتركني مصابك بلكلب ياحيل يوجعني يمك ابجي ماخلوني ....يابويه وبره طلعوني مجانك خالي ...اه ياوالي عله فراكك عميانه عيوني ........................... لود تدري يابويه شكثر اذوني بين الباب ولبسمار عصروني حركو داري عليه ويضربوني وبره ولايتك يابويه طلعوني، هجمو الدار وروعوني ....من ضلعي اتألم خلوني، مجانك خالي ....اه ياوالي عله فراكك عميانه عيوني ................................... بقلم خادمة المنبر الحسيني المله الشاعره ام حسين المسعراويه من العماره لايجوز حذف لاسم نسالكم الدعاء https://t.me/omhusseinAlmasarawy

قصيده فزاعيه الى نبي الرحمه محمد صل الله عليه وسلم الزهره دكول وين الي يواسيني على بويه الحنين الراح من عيني ......................... زهره دكول وين الي تكابلني انه الفاكده ابوي وهو ابني تره انه ام ابيها وكله تعرفني تعازيه ونون وياها...... نعازيه ونون وياها هليوم هاي ام الحسن التشيل الهموم وياها الطم يحله عله المتون ...نواسيه بدموع العين... زهره تنوح المصابه وتذب حسره وين الي يواسيه ويجر عبره وين اليطم وياها ويدك صدره ...نعازيه وندك وياها... يستاهل ابو زهره تحزنون وي الزهره اسود هم تلبسون قد ونه البو القاسم تونون نون عليه اليسوه الونه.. نون عليه ماطول النفس بينه يازهراء ماننسه نبينه دنيا واخره  هو حمينه(يعني حامينه بلفض ) يحامينه وبيوم المحشر...... بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم https://t.me/omhusseinAlmasarawy

قصيده فزاعيه الى نبي الرحمه محمد صل الله عليه وسلم نصبت فاتحه الزهرة دمشنه نعازيه على فكد لابو كل حيل مابيه ............................. نكابله ونون وياها فد ونه راح الحيد منه اليوم المجنه رحل منه لابو ياراعي المحنه تراهو الضيم كله تلملم عليه ........................... مشنه نروح كلحنه نواسيه عمت عيني عليه شال واليه عميانه عله بوها وحيل مابيه خل تنكابل وياها ونعازيه ................................ اليوم ام الحسن ياحيل مهضومه رحل عنه العزيز وحيل مالومه دكول الجرح كلبي يلابو يومه صاحت صوت شيرجع الولي عليه .......................... جينه اليوم يم الحسن عنايه احنه شيعتج مانسسه وفايه ونقيم العزاء ونرفع الرايه خلي نروح كلحنه نواسيه ............................ نواسيه بدمعنه بروح حزنانه هاي ام الحسن كل وكت ويانه عميانه عليه العين عميانه نحلانه عله ابوها الحيل مابيه ........................ بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الاسم https://t.me/omhusseinAlmasarawy

https://t.me/omhusseinAlmasarawy هوسات رباطات لاربعين زينب هل اجت.... كعدو تلكوها.... زينب هل اجت ................. َََ.................. وتصيح عفتوني..... غريبه ياخوتي... وتصيح عفتوني .................................. مضروبه بمتني.... اجيتك ناحله... مضروبه بمتني ................................ ماردت ويانه.... رقيه يالولي ماردت ويانه ................................... واجيت تعبانه.... من ضيم اليسر.. واجيت تعبانه ................................ لا لا تخليني... ارجع وحدي لا لا تخليني ..................................... من بياريني.... غيرك بابو فاضل... من يباريني .................................. ماتنفض اترابه... اكعد والكبر ماتنفض ترابه ............................... واعميهن عيوني... اليوم انه عليكم... اعمي عيوني ............................... بقلم خادمه المنبر الحسيني الشاعره والمله ام حسين المسعراوي من العماره نسالكم الدعاء

https://t.me/omhusseinAlmasarawy عليه ضيم خويه وجايتكم كعدو وتلكوها اختكم وشلون افتحنه كبركم وبيدي ارد الراس الكم .............................. شيصير بيه يم الكبور مشتاكه ليكم كلبي مفطور خويه الشوفتك اتنطرأ نطور تبجي عيوني بدمع مجمور ... َ............................. ابجي عليكم واجر ونات عونه شافكم يبن امي ساعات اتمنى العدل يواجه المات وحجيله بكلبي الحسرات ................................. اه ياهلي و الفركه صعبه تدرون بيه بدار غربه المفارك يخويه يطول دربه حملي عليمن كلي اذبه ............................... حملي تكلكل من يشيله وبر كبتي يبن امي عيله جيت الكفلني اشتكيله هموم العلا كلبي ثكيله ................................. اكعد يبعد اختك ياغالي مرن عليه صعبه اليالي ماتدري بصار وجرالي اعاين ردتلي عين والي ............................... بقلم خادمه المنبر الحسيني الشاعره والمله ام حسين المسعراوي من العماره نسالكم الدعاء

https://t.me/omhusseinAlmasarawy للخوان مشتاكه لعيون اجيت من اليسر شو مايكعدون ................................... اكعدو ياخوتي هليوم اجيناكم مشتاكه واريد اسامر وياكم ما تدرون بيه سوت اعداكم خويه عله المتن كله يضربون ...................................…

https://t.me/omhusseinAlmasarawy للخوان مشتاكه لعيون اجيت من اليسر شو مايكعدون ................................... اكعدو ياخوتي هليوم اجيناكم مشتاكه واريد اسامر وياكم ما تدرون بيه سوت اعداكم خويه عله المتن كله يضربون ................................... ياعزاز الكلب كومو تلكوني على الي صار بية خويه نشدوني والله فراكم عاميلي اعيوني كومو ياخوتي تلكو هل ضعون .................................. محمله هموم اجيت وحيرتي حيره غريبه خلافكم ومشيت جم ديره خويه بياوكت زينبكم ايسره شدو بل حبل ايدي ويسحبون ..................................... جنت مدلله وراس عالي صرت خلافكم ياحال حالي عكبكم راح ياخويه دلاالي عميانه عليكم والله العيون .................................. وصلت المبكره ونيت ونيت صحت بصوت اشوفك خويه هيهات ماتدرون بينه شبعنه هضمات كون ويانه يحسين وترجعون .................................. ََ بقلم خادمه المنبر الحسيني الشاعره والمله ام حسين المسعراوي من العماره نسالكم الدعاء

https://t.me/omhusseinAlmasarawy اناغيلك.....اناغيالك.....طول ليل اناغيلك احن الريحتك يبني صوابك يمه صوبني       طول ليل اناغيلك ....................................... يعبدلله يايمه ياضوه عيني ماكدر على فركاك تدريني اناغيلك يايمه وماتحاجيني ماتسمع نحبتي يمه وونيني الوليك...الوليك....طول ليل الوليلك ........................................... هد حيلي الولد يمه الولد غالي شلون اصبر وعاين للمهد خالي سباح الگلب يالساكن ابالي بچه يمه الصخر من عاين الحالي اوديلك...اوديلك...حليبك وين اوديلك ........................................... يفتشت عيني يايمه وبعد كلبي ولله من رحت تيهت كل دربي كلساع اندعي صبرني ياربي مدري علدهر لو علزمن عتبي احاجيلك ...احاجيلك ... سهم نحرك احاجيلك ............... وصلت الموت بفراكك وحنن ليك وطول الليل عبد الله انه باريك حتى من الهوى اليمر اخاف عليك هسه ماكو يمي وترب غاطيك خذه حيلك .خذه حيلك . ماخذ السهم حيلك  ................... در صدري ييمه وليك حنيت يالعطشان ترضع يالولد ياريت بهدومك اشمن يالرحت ضليت يبني اعليك اصيح حيل ونيت انعيلك ....انعيلك... ابنوح اوونه انعيلك ...

https://t.me/omhusseinAlmasarawy قصيده المقاله خطبه لامام الحسين عليه السلام تركت الخلق طر في هواكا وأيتمت العيال لكي أراكا ولو قطعتني فلحب أربا فمال الفؤاد ألي سواكا ألا هي ياالاهي ألاهي يألاهي ......................................... مقاله للحسين بخطبه القاها يكل للباري روحي الك افدها اضحي بنفسي الك وعيالي وياها الاهي ياالاهي ألاهي يألاهي ..................................... تركت الخلك كله وجايك مولااي صدك عطشان بس اسمك ألي رواي بنورك يالاهي انسقي من الماي الاهي ياالاهي الاهي ياالاهي ....................................... باجبار يارحمان ياعالي يكطعوني وصل وشتاكلك غالي انه الضحيت الك مولااي بعيالي الاهي ياالاهي الاهي ياالاهي ....................................... السيوف المزكت جسمي الك فدو احمل كل مصاب واحمل البلوه كله الشوفتك يلشوفتك حلوه الاهي يالاهي الاهي يالاهي ................................... بقلم الشاعره ام حسين المسعراوي

قصيده الى مولاي وحبيب قلبي ونور عيني الإمام الحسين عليه السلام .    ............................................ كون مقبوله خدمتي ياحسين مسجله وياك كل هاي السنين انته بل المحشر أمل.....من خدمتكك مأمل كون مقبوله خدمتي ياحسين ........................................... انته أيمامي وحياتي وكل هلي وانه على الفطره خدمتكم ياابن حيدر علي من يمر اسمك عليه عيوني مولاي تهلي ولله ماعندي وسيله غير الحسين الأبي من اجيب اسمك واصيحن ياحسين             كلبي يرجف واحس روحي نستعين انته بل المحشر أمل....من خدمتكك مأمل ..................................................... كون مقبوله خدمتي ومسجل اسمي بدفترك ولعلامه الصح عليه تكلي هايه خدمتك حافيه كله محرم مأمل من مجلسك مايهمني ألي حجو بس يهمني محبتك والله انه من اخدمك ياحسين       مايضيع بوجهك ايام وسنين انته بل المحشر امل......من خدمتك مأمل .................................................... تاركه الدنيا وملاذات الترف الآن هاذي خدمتك هيه الشرف ولله لوتوكف عليه صفوف مولاي والف لااعوفك ياحبيبي لاولا دمعي يجف انته روحي وكل حياتي              وعايش لاجلك وخدمك هل سنين انته بل المحشر أمل....من خدمتكك مأمل ...................................................... ألله وصانه ورسوله من خدمته مانمل وكال هذا حسين يشفع بل الحشر هو الأمل أهل ادلكم عن تجاره ماتبور ولاتذل ماكو مثل حسين الك هو بل المعبر يدل ولي تدمع منه بل المجلس العين               خاله بقاروره مولاي الحسين   انته بل المحشر أمل.....من خدمتكك مأمل ............................................... كون مابجي بدمع من دم عليك وحتى لو تعمي عيوني فدوه ليك وجدمي اكطعه اذا ما تعتنيك ازحف ازحوف الحضرتك واني اجيك كون تقبل هل الخدامه ياحسين          سيدي وعذرنه خاف مقصرين أنته بل المحشر أمل...من خدمتكك مأمل ...................................................... تأليف خادمة زينب عليه السلام ام حسين من العماره لايجوز حذف الاسم نسالكم الدعاء هذه القصيده ألفته طلب من الامام الحسين عليه السلام بعالم الرئويه ياحسسسسسسسين😭🏴🏴🏴 https://t.me/omhusseinAlmasarawy

قصيده فزاعيه تنقريه مربعه بعده اطوار زينب تعاتب ابا الفضل العباس ع ................................ وي الكال خويه عندي اعتاب شلون يعوفني مابين اجناب ............................... ياجلمه لاخو يه لاثرت بيه يحجيه الولي وكت الوداعيه عافاني ومشه مارد بعد اليه وانه مناطره ودمع سجاب .................................. عندي اعتاب للعافاني ذليله يدريني الولي مااحمل العيله حملي ثكيل جاياهو الذي يشيله تدرون المره بلاخو تنهاب .................................. يا عباس خويه وكطعت بيه محمل فركتك من سوده عليه شلون تعوفني خويه بمهضميه اشمن ريحتك وي الهوا الهاب ................................. وي الكال خويه فلت العشره يوم الراح ها ياليله الكشره مااكدر اشوف اجفوفه بكتره عدوك يابوفاضل خويه مهاب ................................ لاتزعل ياخويه لو اعتبنك تره جلمه لاخو اريده منك بيوم اضيج ياعباس اريدنك يم صوب نهر شو ماكو اجواب ................................. بقلم خادمة المنبر الحسيني المله ام حسين المسعراوي من العماره لايجوز حذف الاسم نسألكم https://t.me/omhusseinAlmasarawy

قصيده فزاعيه لرجوع زينب عليه سلام لقبر لامام الحسين عليه السلام اكعد يالولي خليني اشوفنك يبن امي اجيت وكاعده يمك ................... جيتك من بعيد ودمعتي بعيني فك باب الكبر ياخوي حاجيني تره خلافك ذليله حال تدريني فك الباب ياخويه ارد اشبكنك ................... يبن امي اجيتك ولله تعبانه من ضيم اليسر وصار ويانه من ابعيد اجيتك خويه نحلانه اكعد يالولي خليني اشوفنك ......................... كوم انشد على حالي ياخال ابني شوف الصوط خويه حيل الأمني يابن امي عليك ومافتر وني كلي شلون ياخويه اعوفنك .......................... اريد امشي البو فاضل واشوفنه افك كبره واريد بجفه احبنه اكله من رحت راحت المحنه لاتزعل ياخويه لواعتبنك .............................. من ضيم العليه خويه اعتبنك وشكيلك احوالي خاف إلا منك كل صوط الضربني خويه اندبنك كلساع الشمر ينشدني هم عنك .................... بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم الفاتحه الى روح الحجيه والدتي كريمه بنت خاتون والدي كاظم نعيم موسم https://t.me/omhusseinAlmasarawy

قصيده فزاعيه وتصير مربعه بعده اطوار الرجوع زينب عليه سلام بلاربعين من حك لاخو لاخته يباريه مكسوره الخاطر مايخليه ...................... جيتك يالولي مهضومه هليوم وبكلبي جبيره هواي الهموم ماتدري شسده عليه ياجيدوم بديار الغرب اختك تخليه ........................... جيتك للكبر اكعد يابعد اختك اسولفك ياخويه صار وي بتك ماتت بلغرب يحسين رادتك عزيزه رقيه عندك خويه ادريه ........................... بعد شحجيلك الي صار ويانه خويه جسومنه من ضرب نحلانه ياحجي الشماتة حيل اذانه اختك يالولي كل حيل مابيه ...................... فك كبرك ياخويه ارد اشمنك وبصدرك ياوالي نوب احبنك انته عزيز كلبي ومااملنك شلون لاخت تنسه ياواليه ............................... حيلي راح مني يوم عفتوني مااكدر على الفراك تدروني خوي من البجي هل راحن عيوني على فراك ياخويه العين لعميه .......................... بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم https://t.me/omhusseinAlmasarawy

نعي لوصول زينب عليه سلام الى قبر الحسين عليه السلام دلوني الكبر ياناس وين تره بجي الحنين اليعمي العين وانه مفاركه ولله عزيزين ............................ انه مفاركه اعزاز كلبي عليهم بعد ماشفت دربي اخذني وياهم ياربي ...................... اجيتك ياخويه وكلبي مهضوم ويم كبرك كعدنه ونشكي الهموم من بعيد اجيتك يالولي اكوم ........................ شلون لاخو يتفارك شلوني يعزاز كلبي وين تردون عميانه عليهم  ولله العيون ....................... جيت ليهم شو ماتلكوني لا كالو اختنه ونشدوني مايدرون بيه من ولوني .............................. كومو وردوها العيله وياهضمتي ولله ثجيله وخلافكم خويه ذليله ........................ مكسوره الخاطر اجيتك من ديره الديره عتنيتك حسبالي تكعد من شكيتك .......................... انه جاي وعدي شكاوي جارت عليه شكد بلاوي اريدن ولي الجرحي يداوي .......................... جرحي جبير  وضايع ادواه يريد اليطيبه ويكعد وياه بسك  ياجرح ضل بعد لااه ........................... يم الكبر ونيت ونات بلكلي العد ل يواجه المات يكلي كومي بعد هيهات .......................... ايسنه من شفناها الكبور و ارجع ياخويه وكلبي مكسور ومنكم ياهلنه خاليه الدور .............................. بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف https://t.me/omhusseinAlmasarawy

https://t.me/omhusseinAlmasarawy قصيده ثكيله الرجوع السيده زينب عليها السلام إلى قبر اخوتها عنوان القصيده... اشتياق الروح... .............................. مشتاكه الك يالغالي... وشوكك مرد دلاالي يم الكبر خويه اكعدت.... بلكت تفز الحالي خويه كعدنه.... يابو المحنه بلكت تفز الحالي... .................................... جيتك ياخويه من درب تعبني هواي مشتاكه. اشوفك يلولي ماتكعد وياي عطشان بعدك مارويت لاشارب الماي اكعد يابو رقيه العزيزه وسكت ابجاي انته عزيز وغالي..... شوكك مرد دلاالي خويه اكعدنه.... يابو المحنه بلكت تفز الحالي... مشتاكه الك يالغالي .......................................... مو تدري يبن امي عليكم محمل فراك وتدرون ليكم هلكلب كلساع يشتاك جنه بلحلم وسفه الحلم منه يمنه انباك وشلون بلي يحب هله والكلب يشتاك الفركه شلت حالي... شوكك مرد دلاالي خويه كعدنه..... يابو المحنه بلكت تفز الحالي..... مشتاكه الك يالغالي ......................................... افتحلي ياخويه الكبر ارد ارجع الراس وخليني احبك بلصدر البلخيل ينداس محد يكل هذا الخلك سوته الناس، جيب راس ومنكطع وتركبه على الراس الله يساعد حالي..... شوكك مرد دلاالي خويه كعدنه.... يابو المحنه بلكت تفز الحالي.... مشتاكلك يالغالي ..................................... ساعدني يابعد الكلب وروح ولعين ماضل بعد عدي صبر ادفنلي راسين يراس ادفن بلدايه خويه ياحسين للعلكمي وشلون اورح الكه الجفين نضرو ياخويه الحالي... شوكك مرد دلاالي خويه كعدنه.... يابو المحنه بلكت تفز الحالي.... مشتاكه الك يالغالي ..................................... نص كلبي تصدع تره يم كبرك اليوم وشلون لوروحن انه الشجاي الهموم مااحجي لاكله الجره ولازيده دموم للضحه باجفوفه ألي ماكله مالوم نعم لاخو اوالي... شوكك مرد دلاالي خويه كعدنه.... يابو المحنه بلكت تفز الحالي.... مشتاكه الك يلغالي ........................................ بقلم الشاعره والمله ام حسين المسعراوي من العماره هاي القصيده مستركه بيني وبين السيده زينب عليها السلام ارجو عدم سؤ الي عن القصيده لانها معجزه مولاتي زينب عليها السلام وهاي القصيده يستغرقت تاليف عشر دقاق فقط

نعي الرجوع زينب عليه السلام يوم الاربعين جيتك يابعد اهلي ياغالي مرت عليه صعبه اليالي خويه غريبه ومالي والي ..................................... مرت عليه ياحسين عيلاات ونذلن الجانن جليلات كلهم كفر ماكو مروات ................................ كبر الولي دلوني وينه كلوله اجته اخته الحنينه مايدري بينه احنه نولينه ...................................... اكعد ياخويه وشوف المتون بذله خويه شلون ترضون وي الغرب حرمه تخلون .................................... مشتاكه اشوفنك اكعدلي نزل وياي اليوم حملي انته ياخويه تالي اهلي . ................................ ثم نادت عمه سكينه نادي اخواتكي هذا قبر اباكي بكت سكنه قالت عمه اخواتي كلهن ماتن ماذا نقول لأبي اين رقيه اين خوله بكت زينب والسان الحال تكله خويه بناتك ياخويه دفنتهن والبشام يبن امي عفتهن اعذرني تراني ماجبتهن ........................................ ذبيتني وحملي ثجيل والمره تريدله رياجيل على فراكم ماضل بعد حيل .................................... انفض اترابك يالولي وكوم تدريني خويه محمله هموم جيتك وكلبي اليوم مهضوم ........................................... ثم ذهبت الى قبر أخيها وكفيلها ابا الفضل العباس وصلت وجلست بجانب القبر وكأنها سمعت صوت شيكله هله بيج ياخويه هلاوين مشتاكلج يم كلب الحنين يم عون حكج من تعبين ....................................... اعتبي ياخويه وزيدي العتاب ادري انه عفتج بين الجناب عذريني يابت داحي الباب ........................................ جاوبته مولااتي زينب عليه السلام شتكله هله بريحه اخوي الفاركيته من السبي الكبره اجيته اتمنى اشوفنه اعتنيته ................................. يابن والدي ولله عذرتك بس خويه كتلتني فركتك من اوصل للمدينه شكل المك ............................................ بل الخوه اريدن احجي وياك واكلك ياخويه واكض يمناك ماريد عمري اخلاف عيناك ................................ خالي الضعن منكم ياواليان صعبه المره الماعده خوان تجيه العيله منين ماجان .......................................... تأليف خادمة زينب عليه السلام ام حسين المسعراوي من العماره لايجوز حذف الاسم نسالكم الدعاء الفاتحه الى روح الحجيه والدتي كريمه بنت خاتون والدي كاظم نعيم موسم https://t.me/omhusseinAlmasarawy

نعي وحديث الاربعين وصلت الى كربلاء ودموعي هامله اين قبور أحبائي .................................... عندما وصلت زينب الى كربلاء نضرت يمينا وشمالا قالت بابن اخي اين قبر اخي الحسين قال عمه هاهوه امامك فنزلت من على ضهر الناقه ونادت ياحبيبي ياحسين نور عيني ياحسين اخوه الايجيب اخته نعي 😭😭😭😭😭😭 تكله خويه فاركيتك اربعين ليله فاركيتك شوبلحد نايم لكيتك انه الغاليه خويه وجيتك .................................. اكعد ياخويه وشوف حالي حال الغريبه بغير والي خويه هراح من عندي دلاالي ....................................... خويه شنهي المره وتباري العيال وياهو اليشيل الحمل لومال ثاري الدهر يبن امي ميال ..................................... انه عاتبك يلمك امي اكعد وشيل اليوم همي ماعندي والي اليوم يمي .................................. انه مضيعه ودور عين والي والشافني يبجي عله حالي صعبه تره عليه اليالي ................................... ثم توجهت الى نهر العلقمي نادت اخي ياعباس اخي ياكافلي والله اني مشتاقه اليك رمت بنفسها على قبر اخيه ابالفضل تكله .......................................... يبن والدي اكعد اجيتك يم النهر شومالكيتك عطشانه ياخويه عتنيتك شوبلكبر نايم لكيتك .............................. خويه اعاتبك ها ياكفيلي اكعد يبو فاضل احجيلي خويه وعليك اتفطر دليلي .................................. شتاكيتللك يابعد عيني وعليك ماهود ونيني اكطع الضنه لوتجيني .............................. خويه من اذكر الكعده سويه اضل صافنه وعيني جريه شيعود خواتنه سويه ................................. بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم الفاتحه الى روح الحجيه والدتي كريمه بنت خاتون والدي كاظم نعيم موسم https://t.me/omhusseinAlmasarawy

قصيده ثكيله الرجوع زينب عليه السلام لسان حال ودوني يم كبر الولي ودوني            مشتاك اشوف ابن أمي واعمي عيوني بلكت يفز ويسكت ابجاي  ....ويكعد شويه يسولف وياي مشتاكه اشوف ابن أمي واعمي عيوني ......................................... ودوني اكله بكلبي الهموم بفراكه ضل الحيل مهدوم من ابجي تنزل دمعتي دموم جرح الكلب ينزف وملجوم بلكلت يفز ويسكت بجاي ....يكعد شويه يسولف وياي ........................................ فتحولي كبره وخلي اشمه وبكلبي اريدن انه اضمه اروح كله وعقلي يمه عفته يون سابح بدمه بلكت يفز ويسكت ابجاي ...ويكعد شويه يسولف وياي مشتاكه اشوف ابن امي واعمي عيوني ......................................... اكعد يابعد اهلي اجيتك شهرين خويه فاركيتك بالكبر ياابن امي لكيتك مهضومه هاليوم عتنيتك بلكت يفز ويسكت بجاي ...ويكعد شويه يسولف وياي مشتاكه اشوف ابن امي واعمي عيوني ............................................ دربي طويل وتعباني، ومهضومه،ياخويه تراني لاواحد المنكم لفاني ضرب السياط أللاماني بلكت تفز وتسكت ابجاي ..وتكعد شويه يسولف  وياي مشتاكه اشوف ابن امي واعمي عيوني ........................................ شفت الكبر وحيل ونيت كعدت يمه خويه وبجيت وشوفتك يابن امي حنيت المن اجيت وبيش رديت بلكلت تفز وسكت ابجاي ...وتكعد شويه  تسولف وياي مشتاكه اشوف ابن امي واعمي عيوني ..........................   ........... بقلم خادمة المنبر الحسيني الشاعره والمله ام حسين المسعراوي من العمارة نسألكم الدعاء لايجوز حذف الاسم https://t.me/omhusseinAlmasarawy