өшпес із

Адамды жай ғана жақсы көру жеткіліксіз. Үнсіз дос болу, үнсіз сүю, құрбыңды, анаңды, жақыныңды, отбасыңды үнсіз ғана жақсы көру жеткіліксіз… Жұмыстану керек қарым-қатынаспен, кеш болмай тұрғанда. Ол адам сенің сезімдеріңді білуі, естуі қажет, қамқорлығың мен махаббатыңа шомылуы керек. Сенің сөзіңнен, әрекетіңнен, эмоцияңнан махаббатты көруі керек… Сағындың ба? Білдір. Жақсы көресің бе? Айт. Көргің келе ме? Шақыр. Бәрі оңай. Сен ойлағандай қиын емес…Жай ғана қадамды жақындарыңа бірінші жасап үйрен…

«Адамдардың жүрегі де тас сияқты, тіпті тастан да қаттырақ. Бұл қаттылықты қорқу және шүкіршілік келтірумен жылап жұмсартуға болады»

https://youtu.be/yuKf8Eju0do?si=mVWO19dWtS6W7EUJ Күйеуге шықпаған қыздар болса, мына подкастты көруге кеңес беремін. Хитба және неке тұрғысында маңызды мәселелер жайында айтып өткен. Білсек те, амал ету жағынан кей істерде әлсіз екенбіз…

Жанымда бірге тұратын қыз: — сіздің көзіңіз алыстан көрмей ма? — көреді — жақыннан ше? — көреді, не болды? — жаңа менің бетіме қарап өтіп кеттіңіз ғой Бұл да ойдың шашыраңқы болуынан шығар…

Бүгін social media detox жасау керек деген шешімге келдім. Әзірге қанша уақытқа дейін шыдамым жететінін білмеймін, бірақ бір айға ниеттеніп отырмын. Ми қоқысқа толып, өзімнің шынайы қалауларымды жоғалтып алған секілді сезімдер әсер етті. Телеграмды өшіруге қимай тұрмын, дегенмен бұл жақ та айтарлықтай уақытың мен назарыңды алып қоятыны бар)

Үммет үшін, адамзат үшін ееең ауыр сынақ ол — Дәджалдың шығуы. Қазіргі болып жатқан сынақтар оның қасында ойнамай қалады. Дәджалдың фитнасынан аман қалатын адамдар Кахф сүресін көрген кезде оқыған адамдар. Екінші аман қалатын кісілер ол шықты деген кезде елден безіп (қашып) кететін кісілер. Үшінші әр намаздың соңында Дәджалдың фитнасынан сақта деп дұға қылатындар. Төртінші өмірін барынша Алламен байланыстырған адамдар. — уағыздан үзінді.

Әрбір істің бастамасы Алланы разы қылмаса, ол істің соңы сені разы қылмайды. — подкасттан

Шайтанның уәсуәсына түсіп қала беретін екі адам бар: — Бос уақыты көп адам — Жалғыз қалған адам

Құрбым кез келген идеяны, проблеманы жазып шешуді ұсынып еді. Идея келсе, жазып ойланыңыз. Бір ой мазаласа, жазыңыз. Барлық нәрсенің жауабы — ішімізде. Оны сырттан іздеудің қажеті жоқ. Енді практика жасап жүрген жайым бар.

«Аллаһым, егер тілім дұғамда не қалайтынын білмей тұрса, Сен менің жүрегімдегіні естіші»