Пайдалы ілім

Кәһф сүресін оқитын күн екенғо

Сіздерге бір өтінішпен шығып отыр едім… Қазіргі таңда білім алып жүрген бір бауырымызға жатақхана ақысына демеушілік жасайтын жан іздеп жатырмыз. Оқуымен қатар жағдайын да алып жүруі қиындау болып тұр. Егер арамызда қолдау көрсетіп, осы бауырымыздың жатақхана ақысына жәрдемдескісі келетін бауырымыз болса, жеке хабарлассаңыздар болады @tolibyl_ilim Біреудің білім алуына себепші болу үлкен сауапты іс. Алла жасаған көмектеріңізді қабыл етсін. 🤲

Махаббатта ең көп азап шегетін адам — өзіне қосыла алмайтын, оған қолы жетпейтін жанды сүйген адам…

Біз араб мәдениетін алмаймыз, біз Исламды аламыз Кейде дін мен ұлттың мәдениетін араластырып жіберетіндер бар. Арабша сөйлеу, арабтың киімін кию немесе олардың дәстүрін ұстану мұсылмандықтың өлшемі емес. Мұсылмандықтың өлшемі иман, ғибадат, көркем мінез және Алланың әміріне мойынсұну. Біз Құранды араб тілінде оқимыз, өйткені Құран сол тілде түсті. Пайғамбарымыз ﷺ араб болды, бірақ оның алып келген діні тек арабтарға ғана арналған жоқ. Сондықтан өз ұлтыңды, тіліңді, жақсы дәстүріңді менсінбеу діндарлықтың белгісі емес. Ислам адамды араб қылмайды. Ислам адамды мұсылман етеді. Ұлтың басқа болуы мүмкін, тілің басқа болуы мүмкін, мәдениетің басқа болуы мүмкін. Бірақ жүрегіңдегі иман мен амал Құран мен Сүннетке сай болса сенің мұсылмандығың ұлтпен өлшенбейді…

Сіздерге бір лайфхак айтайын: егер кітап оқуға қиналып жүрсеңіздер, аудиокітап тыңдап көріңіздер. Кейде кітап оқуға уақыт болмайды немесе қолыңа кітап алуға зауқың соқпайды. Ал аудиокітапты жолда келе жатып та, үй шаруасын істеп жүріп те тыңдай бересің. Бастысы кітапты міндет сияқты көрмей, өзіңе ыңғайлы жолмен оқуға тырысу. Аз болса да күн сайын тыңдап жүрсең, біртіндеп әдетке айналады…

Уақыттың ең қорқынышты жері оның өтіп жатқанын байқамай қалатынымыз. Біреудің дүниеден өткеніне «2-3 жыл ғана болды ғой» деп жүресің. Кейін есептеп қарасаң 5 жыл, 7 жыл, тіпті 9 жыл өтіп кетіпті. Ал сенің есіңде бәрі әлі кешегідей Дауысы, түрі, соңғы көрген сәтің… Сонда түсінеміз өмір біз ойлағаннан әлдеқайда қысқа екен Кеше ғана қасыңда болған адамдар бүгін естелікке айналады Ал біз сол естеліктердің арасында өзіміздің де уақыттан қашып құтыла алмай бара жатқанымызды байқамай жүрміз…

Адам не үшін үйленеді, не үшін тұрмысқа шығады? Шариғатта неке жай ғана «өмірлік серік табу» емес. Адам некеге отырып, Алланың разылығын көздейді, ар-намысын қорғайды, харамнан сақтанады, отбасы құрып, ұрпақ тәрбиелейді. Құранда Алла Тағала: «Сендер тыныштық табуларың үшін өздеріңнен жұбайлар жаратып, араларыңа сүйіспеншілік пен мейірім орнатты» — дейді. (Рум сүресі, 21-аят) Сондықтан жар таңдау — тек «маған кім ұнайды?» деген сұрақ емес. «Осы адаммен бірге Алланың разылығына жетуге ұмтыла аламын ба?» деген сұрақ. Өйткені неке екі адамның ғана емес, екі адамның жауапкершілігінің қосылуы.

Нафс любит обиду, потому что обида позволяет чувствовать собственную правоту. И пока человек обижен, он почти всегда видит только чужую ошибку. Обида очень легко превращается в скрытое высокомерие.

Қалауыңыз анық болса жарты жолда жеңіле салу әділетсіздік…

Кім үшін істеп жатқанымызды білмесек, бәрі бос істеу…

Махаббат дегеніміз – екі парасатты, пайымды адамның сана биігінде жолығуы. Ашық әңгіме айта алуы… ©Мұхтар Шаханов

عَنْ أَبِي هُرَيْرَةَ رضي الله عنه، أَنَّ رَسُولَ اللَّهِ ﷺ قَالَ: «ثَلَاثٌ جِدُّهُنَّ جِدٌّ، وَهَزْلُهُنَّ جِدٌّ: النِّكَاحُ، وَالطَّلَاقُ، وَالرَّجْعَةُ» «Үш нәрсенің шыны да – шын, әзілі де – шын: неке, талақ және (талақтан кейін әйелін) қайтару (ружу’).» 📚Дереккөзі: Әбу Дәуіт, №2194 әт-Тирмизи, №1184 Ибн Мәжа, №2039

Күнәм көп деп қайғыға батпа. Раббың — әрдайым Рахман әрі Рахим. Біл, жәннат тәубе еткен күнәһарларға толы…

Кейде ең қауіптісі - жау емес Кеше ғана саған күліп қарап, сөзіңді тыңдап отырған адамның, ертең сенің сырыңды басқа біреуге айтып отырғанын көру Сол үшін әр сөзіңді әркімге айта берме Өйткені бүгін аманат болған сөз, ертең басқа адамның құлағына жетіп жатуы әбден мүмкін…

Ойланшы… Сені жерлегеннен кейін адамдар үйіне қайтады. Әңгімелерін жалғастырады. Өмір өз ағысымен кете береді. Ал сен үшін жаңа өмір енді ғана басталады.

عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ ﷺ قَالَ: «إِنَّ الدِّينَ يُسْرٌ، وَلَنْ يُشَادَّ الدِّينَ أَحَدٌ إِلَّا غَلَبَهُ، فَسَدِّدُوا وَقَارِبُوا، وَأَبْشِرُوا، وَاسْتَعِينُوا بِالْغُدْوَةِ وَالرَّوْحَةِ وَشَيْءٍ مِنَ الدُّلْجَةِ». [رواه البخاري] Әбу Һурайрадан (Алла оған разы болсын) жеткен хадисте Алла Елшісі ﷺ былай деген: «Расында, дін – жеңіл. Ешкім дінді өзіне шамадан тыс ауырлатпайды, әйтпесе дін оны жеңіп кетеді. Сондықтан туралыққа ұмтылыңдар, шамаларың келгенше соған жақындаңдар. Қуаныңдар (Алланың сауабына үміт етіңдер). Сондай-ақ таңертеңгі, кешкі уақыттағы және түннің бір бөлігіндегі құлшылық арқылы Алладан жәрдем тілеңдер.» (Сахих әл-Бұхари, №39)

Бір күні бұл дүниеде бәрі қалады: телефон да, ақша да, атақ та. Бірақ амалдарың ғана сенімен бірге барады…