Paramadaniy 📣

«Ga ga goy»: Aysha Baktigulning shaxsiy ko‘rgazmasi Ochilish: 3 aprel, 18:00 O‘zining 50 yilligi munosabati bilan «Ilhom» teatri qozog‘istonlik rassom Aysha Baktigulning shaxsiy ko‘rgazmasini taqdim etadi Aysha — Daun sindromiga ega bo‘lgan abstraksiya janrida ijod qiluvchi yosh qozog‘istonlik rassom. Ayshaning ishlari Olmaotadagi ko‘rgazmada va Astanadagi Qozog‘iston Milliy muzeyida namoyish etilgan. Hozirda u Qozoq Milliy San’at Akademiyasida ta‘lim olmoqda «Ga ga goy» — bu til mantig‘idan tashqaridagi tovushlar to‘plami, aql ishga tushishidan oldin paydo bo‘ladigan sof reaksiya. Ayshaning abstrakt ishlari izoh va tahlilni talab qilmaydi, aksincha tomoshabin bilan intuitsiya, ritm va rang orqali aloqa qiladi. Bu ko‘rgazmani ham aynan shunday — avval his qilib, keyin anglash kerak Ko‘rgazma 26 aprelgacha davom etadi

Loud373 - Uyg‘onish Ohang loyihasi doirasida birinchi kollaboratsiya 🔥 Sibizg‘a va doira sozlari elektron musiqa talqinida. Bahor yaqin! 🌸 Barcha an’anaviy kuylar yig‘ilgan saytning ishga tushishiga ham oz qoldi! _____________________ Loud373 - Uyg‘onish Первая коллаборация проекта Ohang 🔥 Сибизга и доира через призму электронной музыки. Весна близко! 🌸 Сайт с каталогом традиционной узбекской музыки тоже!

Biz We Digital jamoasi Uztelecom ko‘magida OHANG nomli ajoyib loyihani boshladik 🔥 An’anaviy ozbek musiqasini professional studiyada yozib olib, barchasini bitta saytga jamlaymiz. U yerdan har kim treklarni bepul yuklab olib, ularni o‘z loyihalarida qonuniy tarzda ishlatishi mumkin bo‘ladi Biz allaqachon loyihaning birinchi bosqichini Toshkent shahri va viloyatida yakunladik. Juda kuchli musiqa ustalarini topdik, ularni professional studiyada jamlab, yuzlab ohanglarni yozib oldik. Hozir esa qulay sayt ustida ishlayapmiz. Yaqin vaqt ichida uni ishga tushiramiz. Hozircha esa loyihaning Instagram sahifasiga obuna bo‘lib, yangiliklarni kuzatishingiz mumkin: instagram.com/ohang.loyiha 👈 Loyihamiz juda muhim. Biz nafaqat dj, rejissyor va brogerlar uchun qulay sayt taqdim etyapmiz, balki madaniy merosimizni saqlab qolib, an’anaviy musiqani yana ommalashtirishga hissamizni qo‘shmoqchimiz @paramadaniy

🇺🇿 Marketingda o‘zbek tili: imkoniyatlar va muammolar Marketing va reklama olamida o‘zbek tili hali ham o‘z “kreativ ovozini” izlayapti. Ko‘plab brendlar ikki tilli muloqotdan foydalanadi, ammo o‘zbekcha ifoda uslubi, ohang va so‘z boyligini to‘liq ochib bera oladigan kontent hanuz kam. Оchiq suhbatda mutaxassislar o‘z tajribalari, kuzatuvlari va brendlar bilan ishlash jarayonida duch kelgan misollari bilan bo‘lishishadi. Suhbat davomida biz quyidagi savollarga javob izlaymiz: — O‘zbek tilini marketing tili sifatida shakllantirish uchun nimalar zarur? — Ikkitillik: imkoniyatmi yoki to‘siq? — O‘zbekcha “zamonaviy” kopirayting qanday bo‘lishi kerak? — Qanday qilib brendlar o‘zbek tilida tabiiy va ishonchli eshitilishi mumkin? — Hududlar, shevalar va madaniy farqlarni inobatga olish kerakmi? 🎙 Spikerlar: • Madina Nurman – Daryo.uz muxbiri, fotojurnalist • Otabek Sharapov – 605 agentligi va Marketing Bo‘limi asoschisi • Mirzayor Erkinov – Korzinka supermarketlar tarmog‘i kopirayteri, mustaqil PR va kreativ mutaxassisi Moderator: • Sardor Babaev – We Digital agentligi PR va kreativ bo‘yicha direktori 🗓 21-oktabr, 19:00 📍 ALPHA biznes-markazi, 3-qavat Qatnashish bepul! Joylar soni cheklangan, havola orqali oldindan ro‘yxatdan o‘tishni unutmang!

Kanalni ham tashlab qo‘ydim 😅 Sababi asosiy ishimda — We Digital marketing agentligida, juda ko‘p loyihalar ustida ishlayapmiz, madaniy hordiqqa va post yozishga vaqt umuman qolmayapti. Shunday loyihalarimizdan biri — marketing soxasidagi eng yetuk mutaxassislar bilan panel munozaralardir. Agar marketing va kreativ sohalarda ishlayotgan bo‘lsangiz, siz uchun aniq foydali bo‘ladi 👇