قناه الشاعر علاء المياحي

يبقى اول جرح بگلوبنه الزهره من گبل الخلق عشناه وعالفطره صرنه والجرح زاد طفو نورچ اوغاد ...................................... بدوچ البشر يا ماي واهمه ابعازة الگطره* ذبّل كل ورد بالگاع من استخبر السطره* ذولاك البشر عميان ما شافو ضوه الزهره* مكتوبه اعله كل قرآن بس وينه اليجي ويقره* كوكب دري وايطش نور يالكوثر يم العرش ربنه اختارچ الحيدر وصاغچ للنبي امراد طفو نورچ اوغاد ................................... يا اول ستر بالكون غطى الناس المفرعه* باعو كل شرفهم يوم جابو نار بالفزعه* چنتي الكل شرف جوعان يركض سترچ ايشبعه* ايحبون الظلام اهواي وانتي ابينهم شمعه* خلف الباب چنتي ونارهم تحچي زينب من وراچ امن الهضم تبچي وانتي بنت الاجواد طفو نورچ اوغاد ................................... يالبابچ رزق يا خير مو ياهو اليجي وزاره* نزّل ربنه هذا الباب للما عنده اي چاره* ابيتچ خظّر القرآن ربنه امنزل اسراره* آيس من حنان الله اليمه ويشعل ابناره* خل يتحظر الما آمن ابگلبه وابسفل جهنم ربك ايصلبه بيده تچوي الاصفاد طفو نورچ اوغاد .................................... كل چف عالورد هادود خل يگطع شكو ضنه* گطنه امن اذنه خل يشيل ما يسمع اسم جنه* الدايس نعمة الله اهناك دربه السقر يتعنه* الشاعل حطب يم الباب بسمه ابليس يتغنه* تُرحبّ بيه جهنم طابعه ابگصته هوه وربعه كلهه وزائدآ بنته كلهم حتى الاحفاد طفو نورج اوغاد ...................................... جرحچ يحرگ العشاگ يبقى اشما عتگ اخظر* يچوينه الدمع وانريد شباچ وعليه نفتر* يا ملجئ حزنه الشوگ بينه بكل وكت يكبر* چا يمته الفرج وانشوف حظره ورايه للكوثر* وانصلي ابحظرتچ وابنچ ايأمنه وايفز من گلبنه لو يجي دمنه وننفظ عنّه الارماد طفو نورج اوغاد علاء المياحي الفاتحه لروح والدي

يغفى نوحي والگه روحي بعالم ثاني ويمي اخواني .............................. مرت ليالي وانتظر* واحد من اخواني يمر* وايفز خيالي بالهلا* وانسى ولو لحظه الاسر* بنعمة امان اهلي احس* وانسى الخرابه والشمس* وليلي يضويه الگمر* ونلتم مثل لمة امس* واغزل من اخيوط الحلم جوري وياس* وفوگ الخرابه اكتب هلا بالعباس* واتفزله كل ذرة حنان الملگاه* وابجيته زلمه اليحچي من ذیچ الناس* چنت اتاني وهسه اجاني بعالم ثاني ويمي اخواني ........................... افرش اعيوني اعله الدرب* خواني اجوني بالغرب* وهنا الما عندي عرف* شمات تچويله الگلب* انه ادري كلشي يختلف* لوني ودمعتي الماتجف* متغيره لو سألو ارد* خويه الخرابه بلا سگف* خويه الخرايب خذت كلشي وياللون* مثل السياط الكلت من عندي امتون* تسالوني حگكم والدرب باگ الحيل* اي انه اختكم زينب اي انه ام عون* انه هيه السبيه بعالم ثاني ويمي اخواني ........................... حتى الحلم هم بيه جرح* بخاصرته يتلوه الرمح* يستكبر اعليّه التقي* بهلي ويگلي ما يصح* مكتوبه اضل ابغربتي* انه وسبحتي وتربتي* واتذكر اوجوه الاهل* لو يمهم ارجع طلبتي* مشتاگه اشوف حسين واگعد وياه* واميه اجيب وياي ابلله اضماه* چا ياهي ترضى ايضل اخوها ابلا ماي* ليليه ضامي حسين بحلامي الگاه* يم امانه اغفى انه بعالم ثاني ويمي اخواني .......................... افتح اچفوفي بالحلم* بطيوفهم ابقى الم* وايفزز اعيوني الصبح* والگاه حلم بيه انلچم* شمحلاها لو بالطف متت* چا هسه وياهم صرت* چا هيچي كلنه ننجمع* اشمحلا الاخو ويه الاخت* شمحلا السوالف من يسولفهه حسين* ويمنه رقيه اتگله چا عمي وين* ويحضنهه وايدللهه اخوي العباس* وايگلهه فدوه اچفوفي الچ ويه العين* يا حياتي ابگلبي باتي بعالم ثاني ويمي اخواني .............................. ليليه احلم ننجمع* واعيوني يحرگها الدمع* ابعيده حتى الامنيه* صار البچي عندي طبع* تمشي الليالي وانه اضل* احسب يجي اعليه الاجل* للموت يوميه استعد* ياخذني ليهم بالعجل* عجل يموتي انه مو حمل افراگ* لخواني واهلي اشكثر تدريني اشتاگ* اول وتاليهه البشر كلهه اتموت* لحسين والعباس گلبي اشگد طاگ* يم اخوتي خذني موتي بعالم ثاني ويمي اخواني علاء المياحي الفاتحه لروح والدي

يا رسول الله الحزن ما ينتهي .................................. اول نبي گلبه انلچم* ما ميت وشابع الم* الگالو اله اصحاب وربع* رجعو يعبدون الصنم* چان الغدر عدهم طبع* گالو نريده ينوجع* واهوه عدل گالو نسه* وهنا بده اصواب الضلع* ما ننصب عزاء* انطالب بالدماء* ما ننطي الولاء* الا الطاغي بس* بني هاشم محال* ننطيهم مجال* حتى لو خيال* نگطع بيه نفس* يا رسول الله الحزن ما ينتهي ................................ رسمو خريطه لو رحل* ما يبقى عند اهله امل* لازم يرد النه الامر* نطلب دمه ياهو انكتل* هذا الاخوه بچه العرب* وبرگابهم ياما ضرب* يوجعنه ضل اسمه علي* خيبرنه شاله من غضب* ابن عمه وحيد* وهذا الي نريد* ونرجع من جديد* يصير النه الامر* عدنه الامنيات* علي لو هوه مات* ترد النه الحياة* وادنان الخمر* يا رسول الله الحزن ما ينتهي ............................... خنگو شكو ضي للفجر* بچلمة (هجرّ) صار الكفر* انولدت حياة ابلا صبح* وحظّرو للعتبه جمر* أخر نفس عند النبي* ابأذنه حچو چلمة سبي* بعيونه ضل يجري الدمع* عايلتي گلهم مطلبي* هذا اكبر مصاب* لو صار الغياب* اهلي والكتاب* بس هذا الطلب* فاكهة الجنان* زهراء الحنان* تبقى بلا امان* محظرين الحطب* يا رسول الله الحزن ما ينتهي ................................ النازل عله الدنيه نده* بعده عدل جرحه ابتده* بشفافه خنگو كل حچي* يا امة چانت جاحده* بگلبه شكو حب انجرح* بعيونه كل خير انذبح* بجروحه حس المرتضى* كل جرح باحساسه انفتح* حس روحه قتيل* لو صار الرحيل* يضل حمله ثجيل* ما بين العدو* ابو گلب الچبير* بابن عمه يحير* محتار الامير* وابظهره منو* يا رسول الله الحزن ما ينتهي ................................. راحل حبيب الله بحزن* وريحانة الجنه تون* ساعه ويجي اعليهه السره* وتخنگهه يا چلمة (وأن)* بهل الله يفتر الوكت* واعليهم ايحوم (الجُبت)* وتبدي مراسيم الحرگ* وباب الله يتحول خفت* لا ماكو سلام* منا للخيام* دنيه امن الظلام* واجروح وحرگ* ترجمة الدموع* اسهام وضلوع* سفره بلا رجوع* واحزان وطبگ* يا رسول الله الحزن ما ينتهي علاء المياحي الفاتحه لروح والدي

قلب السيدة الرباب عليها السلام ابعبدالله شيصير اهناك احچيلي لو همسه* يشرب لو يضل عطشان خايف گلبي من هسه* .............. رضيعي اترف من الهيل وانته من الولد اترف* احلم شفته مدري شبيه شلته ابأيدك ورفرف* واحلم ياهوى العذري سايل دمه فوگ الچف* أفز من نومي وانظر ليه* وحيدي وتدري اخاف اعليه* اجسه وأشتهي امناغيه* أهز مهد الولد وارتاح وادعي امن امك اتحرسه ............. تبوس اوﻻدك من الروس وابني اتبوسه من نحره* سميته اشكثر مولاي چنك محسن الزهره* حضنته وسولفت وياه وشفتك تخنگ العبره* ترى عبدالله بعده ازغير* گلي عله الولد شيصير* گلب أم وتعرفه ايحير* تفتش عيني بين احلام يكبر وانظر العرسه ............ وداعك يختلف موﻻي واحنه ابعازة اللمه* اشو كلهه تبوس بيه وكلهه اتحضنه واتشمه* حتى انظر رقيه اتريد يمهه اتگعده  واتنيمه* تلولي يالولد عطشان* غدت عن عمرك الغربان* اعرفك يا عبد نعسان* ابدلي اللول وتنوح اعليه نحرك محد ايمسه ................ باچر يا ترف عاشور افدي اعيونك  ابعمري* عبدالله يروح وياك لو يغفى ابدفو صدري* وداعك چنه مال افراگ ابني فدوه الك تدري* الطفل ما يدري معنى الآه* يروح وما اضن نلگاه* أخذني عالاقل وياه* أداريه لو تطيح حسين طفل ما يحمل الرفسه ............. خاف ابچي ويطش الصوت والطف سيدي هيمه* يبو اعيالي علي اتعود تفييلي مثل غيمه* يبو اﻻكبر بعيده الشام واسمع بيه شني وضيمه* ترد لوما ترد يحسين* باچر اركض اليا وين* تصوبني سهام البين* علويه واخاف الناس وعاشر تلتهب شمسه علاء المياحي الفاتحه لروح والدي

القاسم عليه السلام شعرك عالمتن لو ليل..من الحاسد اسملله** خاف ايحسده حافر خيل.. وعله النبي ما صلى** راح .راح بخده سالت الگمره راح.راح يتبختر عله الشگره .............. تغار العيون..واليحسدون.. من جماله* محله الزلوف..يعشگه الشوف.. يا دلاله* الهوه الهاب..بوجنته ذاب.. واشتكاله* هاي قوسين..تحرس العين.. لو هلاله* يوسف هذا لو جسام..لو نور الله بالحومه** نظرات العيون اسهام.. تغازل طوله وارسومه** شال..شال روعه وهيبة الزهره راح..راح يتبختر عله الشگره ................. غبشة احساس..چنه عباس.. خيط نوره* بدهَ اﻻحلام..بين الخيام.. صوره صوره* بسملة شوگ..بفرض معشوگ.. تانه دوره* ماخذ اگلوب..خلگ متعوب.. لليزوره* ترهدن لاحگ عله الموت.. يا ظامي وترف خلگك** اترس عينه وانته اتفوت.. ذايب گلبه من عشگك** شوگ.شوگ بسمك هايم ويقرا راح.راح يتبختر عله الشگره ................. صدرك امظيف..والزوافيف.. طعن الرماح* غصن لو مال..تسنده انبال.. يا بدر ﻻح* كلته غيوم..تشوبش انجوم.. الجدمه من راح* حنته افياي..زاعل الماي.. والعمر طاح* يا نشعة عرس مذبوح.. ﻻبش بدلتك دمك** تاركلك گلب مجروح..يالماخذ حلم أمك** وين.وين يمخظر ورد حسره راح.راح يتبختر عله الشگره .................. ناثر ادموع..طفن اشموع.. ابوداعك* عنك ايزيح..راكب الريح.. ابشراعك* امسبل اجروح..مذبل الروح.. مو طباعك* أخر اوداع..يا حلم ضاع.. ابضياعك* عمرك يخلص ابلحظات.. يالشايل بخت جدك** تسجد يمك الكلفات.. واليصعب سهل عندك** صار.صار بستانك أرض خظره راح .راح يتبختر عله الشگره ................. رايح اهناك..ماخذ اوياك.. احلى السنين* تارك الشيب..هﻻلك ايغيب.. فدوه لحسين* طش الورود..حلمك اتعود.. تكحل العين* شوفتك عيد..أمك اتريد.. توفي الدين* طش اسنينك عله الگاع.. يا اجمل حلم وردي** عمرك يالولد ينباع.. العمك هالعمر تهدي** روح.روح عندك موعد وسفره راح.راح يتبختر عله الشگره علاء المياحي الفاتحه لروح والدي

ما عدهم صدگ مولاي چا المن عليهم جاي امحظريلك ضمه واجروح ايحرمونك رذاذ الماي ......................... امحظريلك جرح يحسين وانته امحظر اضعونك* غيمك جايبلهم خير واهمه ابعطش يرمونك* نثرو عالدرب عاگول خاطر ضعنك ايدوسه* والطف هذا يهوى الموت بيه باچر يلچمونك* ما يسوون كسرت خاطر الاطفال* بسهام العطش تنتظرك الانذال* حيلك من يطيح اعلیه يدچ خيال* هاي الوادم ايتانون اهلك كلهم ايعطشون من يوم السقيفة ابنار للطف سيدي ايشعلون ........................... عبد الله يضل عطشان محد يقبل ايشربه* واعله ابنك يشح الماي حدّ ما ينفطر گلبه* ست وردات محسوبات عمر اوليدك الضامي* اطول منه سهم الموت بيمن حرمله ايطلبه* يا حيرة رباب اليرجع اتانيه* ما تدري السهم من رگبته امچويه* ساكت ما يناغي الطفل ترجع بيه* تشبع لو تروح اجروح شايل ابنك ابلا روح بعبدالله تضل محتار زغير وبالسهم مذبوح ................................ صبخه وبيهه کلشي ايموت يالجايب ورد ليهم* اهمه ابريجك ايعطشون وانته اتزخ نده اعليهم* حظر للرمح عريس واسهام التشوبشله* بس اجروحك ابعاشور يا ابو اليمه ترضيهم* وابمصباح عاشورك تهد الخيل* والفرهود بخيامك يضيع الحيل* والحيره الچبيره اتصير وكت الليل* من يوگع چبير الگوم اجبنهم يضل ايحوم يا حيرتهن النسوان ويا عين اليجيهه النوم ............................ صبي عينك تشوفه اهناك فوگ الرمل يتبده* الاكبر حرح فوگ الگاع باچر ينچوي خده* كلهم صدگ ايتانون يمه اشلون تمدد* شمات اشكثر يحسين وانته اتحاول اتگعده* وابيا حيل گلي اتشيل ماي العين* وتسمع ضحكة الشمات شوفو حسين* محني ولا اخو يفزع عليه وايعين* وانته ابكربلاء اوحيد حزنك عدهم اكبر عيد واتفر عينك اعله الناس ولچماتك تضل اتزيد ............................... تدري ابكربله النيران لخيامك تچويهه* واطفالك تطش مولاي محد يلحگ اعليهه* بالطف كلشي يصبح نار حتى اسوالف الوادم* ولا هادود الك مولاي حتى ايهد يطفيهه* للفرهود تدري امحظرين الناس* وانته ابعيد عنهم والگمر عباس* يا وسفه اعله وجهك توگع وتنداس* تدري ابهذا كله ايصير جسمك ينجمع بحصير تحچي وانته فوگ الگاع شكرآ ربي انه ابخير علاء المياحي الفاتحه لروح والدي

ام البنين ع گوم الهه وانثر بيرغك.. وكل شارب بيهم دوس خرخاشه حطها ابرايتك.. من تگطع كون الروس عباس لمّ كل الماي اگلال بس انته اهواي لو هيج لو ماكو ارباي ................... سيفك عطش شربه دمه* بس عالرگاب امعلمه* كل ونسته. تكض قبضته.. وتتخيل اعله الشگره** يا زلمه بالحومه يضل* خيرهم ايشب عالنخل* والما شرد...حيله رگد..يحتار هوه ابعمره** وابكيفك استنگي الخشن يالزامطت بيك الهوه* وافتل شواربهم فتل وابرايتك لف نينوى* واکشخ حبيبي ابجربتك.. بزنودك هيه تلوگ يالكاسر اعيون الزلم.. بسيفك خيطت احلوگ يالبيك تايه كل راي بالجيش بعت وشراي لو هيچ لو ماكو ارباي ............................ بالعركه سيفك يفتره* ذواق ابد ما يشتبه* الحل والعگد.. لمن تهد..يستورح اعله الهامه** اذا الوحوش حُشرت* اذا البحار سُجرت* يعني ازعلت..نار وفرت..وچن قامت القيامه** يا زلمة حسين ونزل وامسرفن الهه اردانه* فك ريج حيلك بالدمه وزلمه اليضل بمچانه* بس يمك ايصير الحچي.. شيخ انته وابن اشيوخ فورهم ابنص گمگمك.. بفنونك خلهه اتدوخ بالروس اطحن بهداي باللامه اكشخ مشاي لو هيچ لو ماكو ارباي ............................. فنيان سويهه الحرب* هزهزهه واشربهه شرب* گهوة بدو.. بس للكفو.. تلوگ الزعامه الصيتك** ماكو فصل لليعتدي* ولا عطوه تنطي لليجي* ماكو صلح.. موت وذبح.. واتلثم ابچفيتك** حتى النهر لمن يجي اعله اخدوده كون اتكفخه* هم سامع ابواحد گبل يشتل ورد بالصبخه* اگطع نسلهم يا گمر.. واشتل بالكوفه الخوف عرگ الهواشم خل يطگ.. والعالم كله ايشوف الموت بچفوفك جاي مخلوق عباس الهاي لو هيچ لو ماكو ارباي ............................... اتخوصر انته اعله الجرف* مو حيره بس خله ايعرف* كلشي الك.. گاع وفلك.. مخلوق هوه الجودك** لو شاف هيبة جربتك* ايگول كلشي ابخدمتك* طابو النهر.. بس للگمر.. موجاته طوع ازنودك** من گصتك اينبع نهر شنهي العطش يبني اهناك* زمزم وجودك والخيم تنگع اذا مرّ طرواك* يا ماي وابهيئة بشر.. يجري اعله اخيام حسين تچفيله روحك لو طلب..ولا ترفع يمه العين واهناك گرهن عيناي امن اتروح يا لب احشاي لو هيچ لو ماكو ارباي ............................. اچفوفك انشرهن عبي* بحماك يبني ال النبي* البت فاطمه.. انته الحمه.. خدام احنه الامهه** وابعينك اتعزب السهم* ولا زينب اتحس ابألم* يا ضنوتي.. وكل هيبتي.. حدر الضلوع اتضمهه** گمريه ابزغ لو رحت يا اولي وتالي الربه* والسهم لو يمك وصل بعيونك انته اتعزبه* طبع البداوه وحيدره.. جامعهن كلهن بيك يالشمرتك تشبه علي.. عشگ حسين امغذيك للدوم اسمك وفاي لحسين حقق رجواي لو هيچ لو ماكو ارباي علاء المياحي الفاتحة لروح والدي

تمشيت من صار الليل* شمسويه بحسين الخيل* دلتني بمچانه ادماه* واوصلته بس بيا حيل* متغير اشبيه ملگاه* ولا چني ربيانه وياه* متعوده اشوفنه ايگوم* ويتبسم اهوه اشمحلاه* چا هيچی تاليتك يبعد أهلي اتنام* محيرني جسمك خويه شو كله اسهام* جيت انه اگلك راح اروح اعله الشام* يا خويه يحسين..... يا خويه يحسين ................... انه ادري كلش عطشان* واسهامك ابكل امچان* بس انه اجيتك يحسين* وياك احس عندي امان* فرهود صار امن امشيت* ابسدك الوذن هالجيت* شابع لگيتك بالموت* واشگد بچيت اونيت* ولا خيّر البيهم يرد ذاك الجيش* ولا واحد ايگلهم تضربوهن ليش* مطلوبه نسوان الوحي بالله ابيش* يا خويه يحسين..... يا خويه يحسين ........................ انه ادري ميت الگاك* مو هيچ حافر اذاك* الميت اتعوفه الناس* مو جسمه بالخيل انراك* يترحمون اعله المات* مو هيچ يشبع لچمات* واعله الجروح ايهوسون* شوغات تلحگ شوغات* واعليك شفت اخيولهه اترد واتروح* واتچمل اجروحك يبعد اهلي اجروح* ياهو السمع بالخيل تسحگ مذبوح* يا خويه يحسين..... يا خويه يحسين .......................... بالطف يحيرنه الصار* الخيمات حرگوها ابنار* چا شنهي مطلوبه وليش* وابدهري خلوني احتار* طشرولي بالصحرى اطفال* يطرد وراهم خيال* يحسين حيروني هناك* المو زلمه چا وينك گال* والسالفه التقهرني گابلني وصاح* زينب اخوچ الكافلچ عالشط طاح* شيخ الهواشم شبعت ابجسمه ارماح* يا خويه يحسين..... يا خويه يحسين .......................... جيت انه اودعك يحسين* عالنوگ گالو تمشين* بچفوفچ انحط احبال* للشام يا ماي العين* اثمانين ورده اليمشون* جمار بالحرّ يرحون* سامحني راح امشي ابعيد* وشمات بيه ايشمتون* ايضحكون كلما شربو اگبالي الماي* بس الله يدري ابقهري يا لب احشاي* للموت همهن راح احملنه وياي* يا خويه يحسين...... يا خويه يحسين علاء المياحي الفاتحه لروح والدي

العليله عليها السلام گال گومن وانه وياهن گمت والتفتلي ودمع بجفونه شفت انه بعيونه قريت يعني ما اروح وبچيت يا غربتي... يا غربتي .......................... انطوت كل المسافه ابين عيني وعينه* واعرفت من الملامح يا درب ماشينه* كلهن اينظرن عليه وچان تبچي اسكينه* گمت احس نشفت لهاتي وچلبت بيمينه* من سمعته گلبي للناگه ركض يا فشلته الما يصيحوله ونهض ابچلمة الضلي انچويت يعني ما اروح وبچيت يا غربتي ........................ ادري بيهم مو طبعهم انترك زعلانه* حتى عبدالله اشوف ايعدلن بمچانه* واگفه وياربي ادعي يگلي امشي ويانه* اگباله اتمشى شگلك انه مو مرضانه* يا حسرته الاهله ناوين السفر من حرگته ايعض اصابيعه قهر ساكت وگتله اشحچيت يعني ما اروح وبچيت يا غربتي...... يا غربتي .............................. مدري ياهو الصاح ضامي واركضت بالطاسه* وابو فاضل بچت عينه وشفته دنگ راسه* عني چان ابعيد واسمع بيهه ونه انفاسه* ابلون وجهه اقريت كلشي وافهمت احساسه* چان گاعد من سمع ضامي وگف فرك چفه ولون وجناته اختلف انه من شفته انحنيت يعني ما اروح وبچيت يا غربتي..... يا غربتي .............................. شلون من تمشي رقيه العمري كله وياها* امدنگه الكلش حنينه واعرف اشبچاها* هيه اخر مره هاي وما اضن الگاها* الاگضي يومي وياها احچي اشلوني ابفرگاها' هاي اول سفره الهه وما ترد وينهه اوين المشي الچنهه ورد چني منهم ايسيت يعني ما اروح وبچيت يا غربتي... يا غربتي ................................. راح كلشي اگبال عيني وبعد یاهو ايعيده* الاهله راحو عنه بس الموت يبقى ايريده* كربله يوجعني اسمهه وادري عني ابعيده* اعليه مكتوبه اضل ابغربتي واوحيده* عيوني راحن والله من كثر البچي مشو كلهم عني شيفيد الحچي لسه منهم ما رويت يعني ما اروح وبچيت يا غربتي.... يا غربتي علاء المياحي الفاتحه لروح والدي

بگد حنيتك حاير گلبي انشد عنك وانته ابگربي مدري اشبيّه اتخيل رايح ومبهم بعدك يصبح دربي وابعيد تاخذني.. واتردني.. دنيانه چا وين عايفني.. تعذبني.. دنيانه ....................... شمحلا الدنيه وانته اگبالي افرشلك عصريه وگاعد* كل وحده اتحس عالم ثاني لو تگعد ساعه ويالوالد* يالگلبك يگطر حنيه حيدر انته ومو اي واحد* تسوه الدنيه وكلشي البيهه بس كونك يمي ومتواجد* هيه الدنيه شتسوه اخلافك هنيال اليمك والشافك الدنيه ابصفحه وانته بصفحه هموم ايتام امهدله اچتافك احتار بفكاري.. وابناري.. تحرگني چا وين عايفني.. تعذنبي.. دنيانه .............................. برمضان العالم تتهنه وانه اتخيل عني امسافر* ألمح دمعات اعله اعيونك واتمنى اعرف بيمن حاير* تتبسم يميّ وانه اعرف گلبك بيه تنور وفاير* مرات اسمع اسم الزهره واسمع چلمة باچر باچر* واعرفت اشيلچم دلالك فراگ الزهره الغير حالك مهموم وعايش بالغربه چنك تدري ايغيب اهلالك والروح مجروحه.. ومذبوحه.. لفراگك چا وين عايفني.. تعذبني.. دنيانه ................................ چا بيمن مطلوبين احنه وهيچ الناس اتعذب بينه* اصعب شي عالزلمه انشوفه امدنگ والدمعات ابعينه* تخنگني العبرات واركض والزم حيدر من چفينه* اخر ايام اشعر يمك والدنيه اشراح تراوینه* هذا اخر رمضان اتوقع تقرا القرآن اهنا اسمع بعدك شجرة همي اتخظر تلچمني الدنيه وما تشبع اجروح ما تخلص.. واتنغص.. بايامي چا وين عايفني.. تعذبني.. دنيانه ................................ امن اجروح الزهره اعله اجروحك تاخذني الدنيه الخوانه* متعوبين امن افراگ امي الكل ساعه ايفزّ وچوانه* تعزيتي امن اسمع بس صوتك من تگعد تفطر ويانه* تاليتي ابلا والد وامي وابحر بين الهم  واحزانه* چنك راحل عن الدنيه وتارك نار اتوجر بيهّ من ترحل چا شيضل عندي بس ابچي واصفگ بيديه بدموع ابچيهه.. وارويهه.. حسراتي چا وين عايفني.. تعذبني.. دنيانه ................................. موعوده ابكل لحظه ابعمري اگضيهه ادموع وحسراتي* وادفن بين اسنيني احزاني وما نشفت عيني ودمعاتي* مكتوبه انظر كل احبابي تودعني واخنگ آهاتي* ام الاحزان ايسموني حگهم معروفه ابلوعاتي* كون اشهد اهلي ايودعوني كلهم احبابي ايعوفوني زينب معروفه ابأحزاني وابنار الفرگة يچووني تدرون اهواكم.. وياكم.. اخذوني چا وين عايفني.. تعذبني.. دنيانه علاء المياحي الفاتحه لروح والدي

عالم ثاني حبه** وكل الدنيه غربه** ملك بينه المشاعر* لگيناه احلا ثائر* وكل الدنيه غربه ......................... دخلنه ابعالمه وشفنه الطمأنينه* ضوه الشيب العله الحيته يدلينه* شغلنه الحب عن اجروح التأذينه* رغم ذاك العطش عشگه اليروينه* العبد والحر يشبگه** يربي شمحلا عشگه** ترس بينه النواظر* لگيناه احلا ثائر* وكل الدنيه غربه ........................ بريق الحب خذانه القبلة اخيامه* طواف العاشقين اسعينه لجدامه* العشگ محلاته اذا تتزاحم ألامه* يكشخ بينه كلمن كثرت اسهامه* ألطف صدگ صحرى** ودنيه حسين خظره** تنافس بالمناحر* لگيناه احلا ثائر* وكل الدنيه غربه .......................... التعب چان اشحلاته والضمه سلوه* نطيح ومن عذب صوته نرد نگوه* مملوح العطش واجروحنه الحلوه* نشرب كوثر الزهره اذا نهوه* حسين وتعبه راحه** الظماير مستراحه** انولدنه ابيوم عاشر* لگيناه احلا ثائر* وكل الدنيه غربه ........................ استحينه امن الرماح الچانت اتحبنه* لان بس موته وحده چانت العدنه* عشر موتات كون الخاطره ردنه* الحياة ابلا وجوده هايه مو النه* مُلكه احنه وحلاله** الخيامه والجماله** صعب كسر الخواطر* لگيناه احلا ثائر* وكل الدنيه غربه ....................... بظلام الدنيه شفناه يبزغ ابلونه* ولگينه العالم السحري ابضوه عيونه* خير حسين ما گدرو يفهمونه* عاقل كلمن ايحس روحه مجنونه* يكبر عنده عقله** اليموت ويحيى لجله** الامانه من يسافر* لگيناه احلا ثائر* وكل الدنيه غربه علاء المياحي الفاتحه لروح والدي

امتد على اجروفك عطش بللني يالمايك عشگ* يمفّصل اجروحك غطى وثوبك سليب ومنسحگ* جرحك يحب الحامي* ولخيامك ايضل ضامي* يالما قنعت ابس عطش* كاشخ ابمنحر دامي* يالحبك يستاهل كل سهر* سودنت الوادم يالبس نحر* الما شافك تأويل الحب كفر* عشگك فزعه الما يلحگ خسر* .................... يالما شبع منك سهم والحافر الشابگ ضلع* يالما طردت الباگك وچملته عالمحبس صبع* فلّ روحي بين اجروحك* لذه اليعاشر نوحك* وارزقني جمره امن الخيم* عيشني حيرة روحك* گود ادموعي ودليهه الخيم* احرگني ابنار التانن علم* ما يحلا الحب لو ما بيه ألم* گام اصبي عيني یهوی السهم* ......................... من ريجك الحدّ النهر چم حسره طاحت عالترب* امن اخيامك الحدّ منحرك چم شيلة عثرت بالدرب* علويه عثرت مستحى* وابخويه جت امفرفحه* گمت ويرد حيلك رمح* وخلگك شماته اتجرحه* وابصدرك يتعبد چم رمح* واتلَملم من ليل الطف صبح* نحرك ما لايگ يمهّ الذبح* دم واتراب ابشعرك مو سرح* ........................... وابعينك اشمحلا الغزل لوما ترس عينك دمه* شما اقرا لعيونك احس تشهگ ييمه فاطمه* انته اشكبر الطافك* متفطرات اشفافك* واتنادي يا ربي اخذ* وذاري الرمال الحافك* بالهاك اتلگيت الفرهدو* ومشغول ابربك لمّن اجو* بغير اتراچي ابنيتك ما رضو* بچفيتك يالطايح هوّسو* .......................... شكرآ الك يالضامي يمعيشني حسرات الخدر* شيكفي لجروحك عشگ وانته اترست كل العمر* يا عاري وامغطيني* عطشان بس ترويني* من كل جرح تنزف هلا* والگيت بيك اسنيني* اقراك ابترتيل اهل الهوى* واشهگ من اتصور نينوى* ظلمه وشفتك بس انته الضوه* وادموعي الاحزاني بس دوه* علاء المياحي الفاتحه لروح والدي

كل عام وانته ابخير يا اغلا حسين* كل عام وانه اكشخلك ابدمع العين* العيد كون اسمع شربت انته الماي* وعبدالله يمك يكبر وصاير زين* ........................... بالعيد كون ايبوس الاكبر يمناك* بمصباحه ويه اوليدك انته شمحلاك* ويم ليلى ويه الاكبر انتم  تمشون* والماي كون ايفيض بالطف هناك* ............................. بنتك رقيه ابحضنك وماكو اخيام* وتلبس تراچيهه وتبوسك واتنام* وامن الصبح تكشخلك ابحلا اهدوم* ونمسح امن القاموس كون اسم الشام* ............................. العيد يم زينب يرد بيك الروح* وام عون يمك كون ما بيهه اجروح* كل ساع خويه تگول خو ما عطشان* وحچي الاخت ويه الاخو شگد مملوح* ............................ بالخوه تفرح من يعيدون الناس* كون اسمع اتشابگتو انته وعباس* وايبوس نحرك وانته تلزم الاچفوف* اخظر ابأخظر لابس وعطره الياس* .......................... يا عيد وانته امطشرينك يا هيل* واعليك چانت تردح اهناك الخيل* احلام بأحلام اشكثر عندي اوياك* تتبده كلهن من يجي طاري الليل* علاء المياحي الفاتحه لروح والدي

ليليه تحچي ويه المهد لمن ينامون تتصوره ينام الولد وتهل بالعيون ليله بأثر ليله.. تگعد تناغيله.. ألزهره تحچيله لمن ينامون ....................... تگله يبني.. نام وتهز المهد والمهد خالي تگله يبني.. شويه ويصير الصبح يبني يغالي تگله يبني.. انه يمك نام واشبع من دﻻلي تگله يبني.. راحو الهدو عله امك ﻻ تبالي يوليدي راح وما يجي وماكو بعد نار يالمحسن شمحله السهر لعيون الزغار يمه وتلوليه.. تتصور اتشيله.. ألزهره تحچيله لمن ينامون .......................... يا حبيبي.. نام هاذ الباب سديته وقفلته يا حبيبي.. ماكو دخان وجمر ضل بعتبته يا حبيبي.. چان بيه بسمار بس هسه انه شلته يا حبيبي.. ما أريدن زينب تشوف الي شفته ما اريدن تشوف الألم ما تگدر تگوم مچان الجرح وسط الصدر كل ساعه ملچوم جرحه شتسويله.. ياهو الي تشكيله.. ألزهره تحچيله لمن ينامون ............................ تحچي قصه.. للمهد وبهيده بس قصه مريره تحچي قصه.. تگله چان هنا تعيش أمك أميره تحچي قصه.. تگله مقتنعه برغيف وبس حصيره تحچي قصه.. عن حلمهه يصير أخو البتهه الزغيره عن عيشه حلوه سولفت عن ضحكه وشموع عن لمه وسوالف دفو ما بيهن ادموع ألمهد ترويله.. والمدمع تسیله .. ألزهره تحچيله لمن ينامون ............................ بالليالي.. لمة احباب ونسولف يبني چنه بالليالي.. حتى مهدك چان يسهر همه يمنه بالليالي.. زينب تگلي ييمه سولفي النه بالليالي.. عن أخوي المحسن وتحچي بمحنه أتگلي لو محسن يجي بحضيني خينام مشتاگه اشمن ريحته شيخلص الأيام يايمه شهديله.. گليلي شأنطيله .. ألزهره تحچيله لمن بنامون .............................. الحزينه.. تسولف بلهفه وألم وتمد أيديهه الحزينه.. تحچي مره ومره شو يسكت حجيهه الحزينه.. دمعه دمعه تذوب ويألم بچيهه الحزينه.. گوه گامت تمشي متعوره بمشيهه ياذيهه ياناس الجرح من دفعت الباب خلص عمرها بس ألم من فگد الأحباب بالگوه تمشيله.. مجروحه وعليله.. ألزهره تحچيله لمن ينامون ............................ بأبتسامه.. نامت وطبعت أثر بوسه عله مهده بأبتسامه.. لزمت گماط الولد گامت تشده بأبتسامه.. عمري خلص گالت ولهنانه حده بأبتسامه.. هناك يم رب السمه ونتلاگه عنده نتلاگه ياحلم العمر يم ربنه وأنروح وأضلوعي يمك تنجبر وتطيب الجروح عمري خلص حيله.. خنودع العيله.. ألزهره تحچیله لمن ينامون علاء المياحي الفاتحه لروح والدي

https://youtu.be/IdTZEMNVImM?si=LHMoifi0PyOuSBb8

اهي رحله وگلتلي اتهون بالچ عاليتامه ام عون ................................... تذكر من گعدنه ابراگ الخيام* وتذكر من سألتك خويه عالشام* واعيونك شفتهه تغورگ ادموع* ما گتلي اسافر بس بالايتام* يحسين السوالف چانت اهواي* يغص چان الحچي من نذكر الماي* المخلوق اعله مودك ينمنع ليش* بس چان الامان وانته وياي* چنت اتمنى يبقى الليل خوفي اتهد علينه الخيل ................................. يحسين الحچي حسيته مخنوگ* ما گتلي اشوفك خويه مسحوگ* مملوحه السوالف كلهه وياك* بس ما گتلي بعدك ندخل السوگ* اتسد اعيونك اشما اجيبه طرواك* ما تحچي اشيصير اهناكه وياك* تتحسر احس من اسأل اشلون* يحسين امشي لو انه ابقى وياك* اذكر بس تسد العين چن اتگلي اي تمشين ................................. وابسرعه الصبح يالضامي شو صار* وشفتك طايح وچان الرمل حار* مدري اركض عليك ابفزعة الخيل* مدري ارجع والم يا خويه الزغار* انه اركض واشوفنهم يضحكون* وفزعو عالخيم كلهم يسلبون* خيمه خيمه وجن خويه بالنار* واسمع عاليتامه لحگي يم عون* كلهه اتنادي عمه اهناك وانظر عالشمر من جاك ................................ خلصت خويه وامشينه بهالدروب* وانته اعله الرمل خليتك اتذوب* كل سوگ الندخله نجرع الموت* ومن حچي الشماته اتذوب الگلوب* كل ديره النطبهه اتدگ بالطبول* واعلينه الخوارج وادم اتگول* يحسين اليتامه چانو اهواي* وحداية ضعنه اعليهم اتجول* شي تشمر علينه احجار وشيّ اترشنه ماي الحار ................................ يمك هالرجعنه خويه يحسين* ولا تسألني عن بنتك بقت وين* ردينه ضعن بس فاگد احباب* گوم اتلگه ضعنك وانته الحنين* هاك اخذ الامانه وخلي ارتاح* ورد ليّه الخدر تدري الخدر راح* راسك انه اجيت وجبته وياي* ورجعلي الامان المن طحت طاح* ابنياتك جبتهه وجيت مكسوره الظهر رديت علاء المياحي الفاتحه لروح والدي

اسمعت ابضعن جاي.. بس ما ادري بيه من يا عشيره گلت اخذ الماي.. بلكت تشتريه مني اسيره ما ادري ابضعنهم كلهم ازغار وروس اعله الرماح وچنهم اقمار اسمعت ابضعن جاي ........................... سمعت وانه اطب للسوگ منا يعبر الموكب* گلت هذا الركب عطشان وامن الماي راح اكسب* شگد اطلب ثمن للماي هيچ ابالي گمت احسب* اكيد اشما ردت ينطون والعطشان گلبه ايشب* اجانب ذوله يمكن روحي گمت اسال* خطيه امصعديهم نوگ بس هزّل* وقار امبين وهيبه اعله كل طفله* وچبير القافله يشبه نبي مرسل* شفت اشكثر ناس.. كلمن حظر احجار ويتاني وبيهم فرد راس.. عينه اعله النسه واشعر چواني واعله القافله كل ساعه يندار وروس اعله الرماح وچنهم اقمار اسمعت ابضعن جاي ............................ ولا واحد يريد الماي واليمشي ابشمس يضمه* صحت بارد منو شراي ولا واحد رضى ايلزمه* گلت ياهو الشراه بثواب هذا الراس المدّمه* كلهم رفضو ايشربون وكلمن يحچي لليمه* كل واحد اشوف اتغورگ اعيونه* ايگول النه طفل ضامي يشيلونه* يا ماي النشربه ومات عبدالله* الرباب الهسه تانت بس ينزلونه* النه اخو ازغير.. مات امن الضمه وما شرب گطره رفرف مثل طير.. بس شوف الرمح يا عمي اشكبره وابطول الدرب بيه امه تحتار وروس اعله الرماح وچنهم اقمار اسمعت ابضعن جاي ............................ واحد گلي روح اهناك مايك عالرمح شمره* بلل راسه خل يرتاح عطشان ويبس نحره* صار اشگد وابونه حسين طاح وما شرب گطره* علامه بالحجر مصيوب وراس اشفافه متفطره* احمل مايك وبلل ولو رمحه* بهداوة ليل رشه وبالك اتجرحه* ابونه امن العطش يبست شرايينه* يعمي العطش چا عينه اشكثر وكحه* من گالو حسين.. فزّ بيهّ الدمع يا فشلة الفشلة انطي الوجه وين.. وانه الماي ابيعه اشلون يم اهله وذوله ايتامه شو مچويه بالنار وروس اعله الرماح وچنهم اقمار واسمعت ابضعن جاي ............................ وذبو عالدرب عاگول وانه ابروحي گمت احرگ* وادم فرحو وهوسات شي تضحك وشي تصفگ* واحد گال اريد الشوك يجرح كل طفل يمرگ* واتلگو بنات حسين بطبول الشماته اتدگ* حفاي اليتامه والرمل يچوي* وفگره اعله الوجه من يعثر ويهوي* وانه ابلا شعور اركض عله اليعثر* وچان السوط بمچان العذب يروي* هيچ الدرب چان.. معقوله السياط اليعثر اتضربه واليمشي عطشان.. اسياط الشمر كلما مشى اتشربه يمشي اشلَون حافي والدرب حار وروس اعله الرماح وچنهم اقمار واسمعت ابضعن جاي ............................ ابچي اشما اشوف ازغار وافرح لو صرت ضامي* راحو عني بس ضليت احسب تخلص ايامي* اوزع ما ابيع الماي بثواب الوگع دامي* غريب انه وتركت الدار وامشي وحافيه اجدامي* صح فوگ الرمح بس هوه اسرني* من راح الضعن اعوام كبّرني* واهجرت الديار وصرت مجنونه* محبوبي مشى والليل سهرني* من راحو ابعيد.. مجنونه صرت وايريد محبوبه غيره انه ما اريد.. نادم انه منهم اطلب التوبه راحو بس عطاشه واهمه جمار ورورس اعله الرماح وچنهم اقمار واسمعت ابضعن جاي علاء المياحي الفاتحه لروح والدي

حسين انته المعشوگ جرحك ليّه ايلوگ لضعونك تسوه الآه لمن طبوهن سوگ يضامي ويجريلي نهر نخيته وفازعلي نحر مغطيني ابعباته وبالهيمه بناته بجروحك كشخنه..وترتيل المدامع حزنك نكهه للروح..ياهو المنّه شابع عطشته ويتبده هلا وجودي من عنده واله افزع يم امانك يحسين وحنانك .................... بيك التذّ وارتاح يالماشي اعله ارماح يا نسمة كل مخنوگ للطايح صرت اجناح حبيبي يچويني برد خلقني لخيامه عبد رافگته ابخيالي تاخرت واجالي مو شرط الا اشوفه..عشگه بيهّ احسه هوه الما يحس بيك..انسانيته ينسه اعيشه بكل نسمه تهب جماله بعروگي يشب يحسين وحياتك عاش اليهوى ذاتك ..................... ملگه الحب مالح حضنك ليّه فاتح بكلشي اعيوني تلگاك بظاهر والجوارح بيقضتي واحلامي خيم خساره الحب ما بيه الم عشگ ابلا مراره اعتبره خساره وانته بكل عطش ذاك..تغرف للضمه ماي ويم ليل اليحبوك..تبزغ رايح وجاي لگيتك من الله مَلك صحيفت كل عمري الك يطويني لهيبي وافزعلك حبيبي ......................... عشگك جازي الهواي شيكّفيله مشاي وانته بكل درب ليك تكسر يمنه بفياي َاجينه وانجدي وطن لگينه امتانينه ضعن رغم اهوايه نازف جرحك بيه مظايف ويم شباچك انريد..تنشف من نجي الروح ويوگف كل نفس كون..جمره الجرحك انروح شحلاته اليم عشگه شهگ بجنونه معبوده لحگ يلگه هناك عابس للحب فك مدارس ......................... اقبل كلشي بينه ممشانه وبچينه حتى وانته مذبوح روحيتك حنينه يتامه واجروحك ابو بردنه بس انته دفو الوهجك تربي العيون فاز الاسمه مجنون يدلينه الدمع ليك..شيلگه العنك ايتيه كلمن يعطش ايضوگ...حب صافي انته ترويه انخلقنه يالضامي دمع اليموت امن اللوعه سبع وابلهفة مجانين ندخل جنتك حسين علاء المياحي الفاتحه لروح والدي

هم يرجع المذبوح | السيد منصور البعاج | الشاعر علاء المياحي https://youtube.com/watch?v=iAlrjRStidk&feature=shared

من وصلنه النينوى بينت.. كسرتي.. ودمعتي.. ابعيني* واختلف حتى الهوى بيه أشم.. دمائه..وردائه .. حسيني* كون..أخونه نلگاه جاي..كفيلي وياه ........................... رجعنه أمن الغرب نسوان.. ولا واحد تلگانه* چثير الماي بس يحسين.. اختكم لسه عطشانه* بعّدني خويه گوه عنك ترى السفر* ايامي وانه ابعيده منكم گضت سهر* چم مره انه اموت واعدل من القهر* گبل چنت امدللة ابجالك.. واميره .. أسيره..تالي* من اجيت الكربله شو صرت.. سليبه..غريبه.. حالي* راح..حلمنه ننساه جاي..كفيلي وياه ........................ گعدنه وكلشي بيه لچمه..مكانك هذا حافظته* وگفتك وانته متبسم..كلامك لسه سامعته* عبدلله چان ابحضني يغفى مثل حلم* واهنا گعدنه وكلنه نلتم وابنحره اشم* رغم العطش لمتنه حلوه مثل نجم* چان للگعده طعم والخيم..تلمنه.. وحلمنه.. يكبر* ما حسبنه ننهضم بالعطش.. جماله ..ودلاله.. اتغير* يگول..نتمنى أماه جاي..كفيلي وياه ........................... ذكرت اهنا تجي سكنه..ورقيه ام ضحكة الحلوه* ومكان وخيمة القاسم..وجماله البالخيم ضوّه* ورمله وحچيهه عن حلمهه وعن العرس* تالي ابنهه وكل املهه بقى ابشمس* وگمت ابخيالي كلشي اعيده جرح امس* حنه معجونه ابمدامع والام.. ذبحني.. ولچمني ..جرحه* كل رمح شايل حلمنه بالدرب.. يلچمه.. ويألمه.. صبحه* شال..متحني بدماه جاي..كفيلي وياه ........................... لگينه كربله وحشه..ولا چلمة هلا بيكم* عله التربان احط خدي..وابچي بلكي ارويكم* بعده العطش يچوي دليلي نسه الشرب* سهم الضمه لمن عطشتو صاب الگلب* شيروي نحركم وانتم رحتو حدر ترب* حتى لو ارشن گبركم الترب.. يعطشه.. امن ارشه..وينشف* يحترگ گلبي مثلكم والضمه.. يرويه..ويچويه .. لو رف* الموت..وياكم ارجاه جاي..كفيلي وياه ............................ وداعآ يا ضوه الدنيه..غريبه وامشي للغربه* يبعد العین اخذتو الروح.. اليودع ينلچم گلبه* خويه بعدكم كلهه غربه واشگد متت* انه السبيه ابلا اخوها لمن رحت* عمري خلص لچمه اعله لچمه واتعذبت* لازم ارجع يم رقيه وابقى يم .. گبرها.. عمرها..ازغيره* وتنختم چلمة سبيه وتنتهي.. ابمماتي.. حياتي.. وحيره* صوت..يبقى حسيناه جاي..كفيلي وياه علاء المياحي الفاتحه لروح والدي