قصائد حسينه مكتوبه وقصيره

قصيدة تقراء ثكَيل ونزال للنبي امودع الله وياك ياهاديــــــنة خيم الهم من مشيت علينة ---------------------------------------- اظلم الكون وعلى مصابك حزن ويندب القرآن يالهادي ويـون مكَابل المحراب ودموعة جـرن ايتام من بعد النبي ظليـــنة -------------------------------------------- العدل والتوحيد بيك اتصـوبن النبوة والامامة اشـــــــكَد بچن وبسمك الميعاد صاح وكَلبة حن تنوح اصول الدين وتواســينة ------------------------------------------- ذن فروع الدين جنك لاطـمات ينوح اجاك الصوم وتنوح الصــــلاة الخمس يندب واجة الحج والزكاة ياهو بعدك يالنــــــــــبي يحــيينة ------------------------------------------- الامر بالمــــعروف وياه الـجهاد ونهي المنكر رفعوا اعلام الحداد والموالات بحزن لبست سواد والتبري لجلك اتـــــهل عـينة ------------------------------------------- بعدك الاسلام ظل ابلا مــــــــعين يامحمد يندب الدين وحــــــزين تلطم اعلى الراس كل المسلين بعدك الاســلام ﷲ ايعـــينة ------------------------------------------- نزلت الاملاك تذرفلك دمــــع وبالسماوات السبع ون ينسمع والارض صاحت دليلي منفجع فراكَك بسهم الحزن راميــنة ------------------------------------------- اظلم الكون وحزن حتى الهـوة من الكَمر والشمس محجوب الظوة والانس والجن عليه ناحوا سـوة اعلى النبي ثوب الحزن غاطينة ---------------------------------------- انبياء الله حظـــــــــرت بالعـزاء تواسي اهل الارض بالون والبكاء وترفع اصوات العزة لهل السمــاء اه من يومة شكــثر ياذينــــــــــة ----------------------------------------- أسألكم الدعاء رائــــــد الاسدي https://https://t.me/qweeft

من وزن الموشح-------- رحيل الهادي....... شعر --دكتور كاظم جاسب المعقلي ----------------- اليوم ابو القاسم فرغ محرابه..................أمست الدنيا بحزن لغيابه ____ وسفه محرابك فرغ يابو البتول ظلمه ليل فراكك وكلش يطول مكه واست كربله وآل الرسول والمدينه اتيتمت بمصابه __ يبو القاسم يالجنت فصل الخطاب ياجواب الكل سؤال ابلا جواب نزفت بلوعتها آيات الكتاب والسور ثكلى وتون ببابه __ يومك الجن وأنس يوم الحداد والعرش وأهل العرش لبسو سواد والخبر أفجعهن السبع الشداد فجع بيت الله بجميع اقطابه __ سيدي بيومك مجدره الكائنات انت يامعجزة كل المعجزات ياسفينه الترسي يم شاطي النجاة ورافعه اشراع الأمن لأحبابه __ سيدي ادموع الحزن لمن تهيل تكتب اعلى الخد محمد من تسيل بيك اواسي المنتهى وربنا الجليل وتعزيه الوحي الذكر وخطابه ___ سيدي بياحسره أرثي بيادموع فكدك النار السرت تحت الضلوع سيدي القرآن الك يبجي ويلوع حزنت اجزاءه وتواسي أحزابه ___ أمتك مصيوبه في ارض وسماء نصبت الماتم تعزي اهل الكساء سيدي وماتم مصابك والعزاء الوحي امشيده بنشيج اكتابه ___ سيدي ومحراب الك بين الجنان بالصلاة اسمك يعلـّي وبالأذان اسمك الكل البشر رحمه وأمان كبرك الجنه الزهيه اترابه ___ دكتور كاظم جاسب المعقلي https://t.me/qweeft

زينب لكربله ردّاهه الحنين جابت وياهه الحرم بالاربعين نعزّي امهه وطه .. كلنه نمشي وياهه جابت وياهه الحرم بالاربعين * زينب اشتاكت ورجعت من بعد رحلة سفر كصدت لارض المصايب والگلب حيل انكسر اشتاكت تشوف الحبايب بعد ماتحمل شهر ياحـسين تصيح مرّه ومرّه تنده ياكـمر …………… تصيح ها خوتي اجيت لكربله آني متعوده عله جلمة ياهله تذكر الباراهه .. كلنه نمشي وياهه جابت وياهه الحرم بالاربعين * عيالهه وياهه وتناشد ن8عمّه جاوين الاهل وين اهلنه الدللونه والدمع منهه نزل سكنه تنشد وين ابوي بياكتر عمّه انجتل وين ياعمّه كفيلج وينه عباس الفحل ……………… لا تذكروني وتنشدون شجره طاح عالمشرعه سبع الكنطره مظلمه دنياهه  .. كلنه نمشي وياهه جابت وياهه الحرم بالاربعين * لكربله هاليوم رجعت تلتقي بعبّاسهه كوم يابو الغيره اكعد يالجنت نوماسهه امس طلعت وانت حاضر والزلم حرّاسهه اليوم رجعتلك وحيده شوف شنهي احساسهه ……………… خويه ياعباس اجيتك من جديد هاك شوف شسوه بجفوفي الحديد ميت وحاجاهه .. كلنه نمشي وياهه جابت وياهه الحرم بالاربعين * هبّت الشيعه ويه زينب تكصد لذاك الغريب وياهه ننده صوت واحد ياحسينٌ ياحبيب كلبي ما ينطيني اعوفك جرحي بعدك مايطيب شما اغمّض عيني اذكر شيبك بدمك خضيب ……………… اذكر الراس الاشوفه عله الرمح واذكر الشبّان بالطف تنذبح فراكهم اذّاهه .. كلنه نمشي وياهه جابت وياهه الحرم بالاربعين * زينب تناشد يخويه بيش اصبر عيوني لسّه من ضرب السياط الاثر فوك متوني شيعتك ياخويه حلفوا بالنفس يفدوني وياي ردّو باربعينك هـمّه اليـباروني ……………… نمشي وي زينب ونكصد للطفوف احنه غير حسين والله ما نشوف فاطمه ترعاهه .. كلنه نمشي وياهه جابت وياهه الحرم بالاربعين * الشاعر سيد علي المدني https://t.me/qweeft

انشر الرابط بالفيس

شباب القناه ليش ماجايه تصعد

قصائد الاربعينيه فزاعيه زينب ردت من الشام ومحمد تلكاها **** ردت لكن بياحال تبجي والدمع همال أوياها جابت الأطفال رجعت فاكده الامال الكفلها ماأجه وياها تصرخ والدمع بالعين عافاني وحيد حسين لاوالي ألي ومعين الكفلني مكطع الجفين مصاب حسين أذاها شنو الي جره والصار بتك ياعلي الكرار وحيده راجعه للدار ياوسفه الزمن غدار تالي وسفه عاباها يمحمد يبوالغيره اخيتك اجت للديره وطاحت خويه أبحيرة مشكلتي أنه أجبيره محد خويه حلاها مسبيه واجت هاليوم بأهات وحزن وهموم تصرخ خويه يالمضلوم راح الغالي والجيدوم يلي بزغره كفلاها انتهت أيامنه الحلوه وي العنده مروه اليوكف بالشدد تجوه أبوفاضل أبوالنخوه أخته بحيره خلاها *** لخادم اهل البيت (( ع )) عماد محمد الدراجي

Live stream finished (1 minute)

Live stream started

نـــزلـــه للمشایه ... عنوان القصیده ; (نعـــمة الخـــدمه) عالــــرایه انســـجلک عالــــرایه مشــــایه نگصـــدک مشــــایـــه ((حســــیناه حســــیناه 2)) ۞۞۞ ۞۞۞ بـاربعــینک جـــینـه الگبــــرک اتـعــنـینه ازحفـــنه الک تدریـنه رایـه الک رُفـعـــیـنـه امســــمایه بسمک امســــمایه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ کلـــنه هـای انصـارک اکتـــبـنه مــن زوارک جـــــنــــــة الله دارك زِاهـــیـــه ابــانــوارك امغـــطايه ابنـــورك امـغـــطايه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ العـــاشگ و دمعـــاته ابگلـــبه کل حاجـــاته الغـــیره تسـری ابـذاته مِســـرع ابخـــطـواتـه عـــنایـه جـــینه الک عـــنایــه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ کل مُحـب و اشــواگـه وحـســرته الحـــراگـه اویاک صــعـبه افراگـه ابـروضــتک یتــلاگـه الغـــایه مـــا یعـــوفک غـــایه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ مِن خـــِدمتک جـانی نعـــمه الله انطـــانی خـــیـــرک الغـَــطّـانی ذچــرک اعلی السانی وفـــــایـــه للأبـــد وفـــــایـــه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ حســین مجدک عـالی غـــالی و ابن الغــالی اتمَـــلـــّکــت دلالــــی النــوح الک یحــلالی دنیـــایـه طَلَـــگِت دنیـــایـــه مشــــایه نگصـــدک مشــــایه ((حســــیناه حســــیناه 2)) ۞۞۞ ۞۞۞ ارفعـنه کلــنه اعــلامک نمــشــی وی خــدامـک اشــگد حــزینه ایـامک إذکـرنه حَرگ اِخیــامک اهـوایه انحـــبک احــنه اهـوایه مشــــایــه نگصـــدک مشـــایـــه ((حســــیناه حســــیناه 2)) ۞۞۞ ۞۞۞ جیـــنه شـان ازیـارتـــک نمـشی وی مشــایتـــک رافـــعـــین الــرایــتک و ننصب احنه اقـرایتک لقــرایــه نحــیی الک لقـــرایـه مشــــایه نگصـــدک مشــــایــه ((حســــیناه حســــیناه 2)) ۞۞۞ ۞۞۞ تمت بعون الله تعـــالی کلمات خادم الزهـــراء : سیدمحمدالموســـوی (المحـــمره )

عـودت زيـنب لعـد وليانهـا تشكي هظمتها وتبين أحزانها ----------~~ ام الأيتام ارجعت بايتامها للطفوف وروسكم جدامها رجعت من الشام تشتكي الامها من أميه ومن هظم ديوانها ----~----~ ---- رجعت الكم وبحزنها مگبعه دموعها من تلمها تملي المشرعه غاليتكم من دهرها ملوعه فرت الدنيه وكثر بلدانها --------~~ ---- بدون هودج من مشت ذاك الدرب وروسكم جدامها ودمهن يصب اجت وياكم ورجعت وي غرب عگب الصگور أحكمت غربانها -------~------~ يوم عشرين بصفر يلفي الضعن تزوركم وتسولف الكم عالمحن ياعيوني من عسى عيوني نعمن ولا شفت طف كربله اوديانها ~------~--------- ياخواني لاتنشدوني اشفت ريت لا جابتني امي ولاصرت مدلـلــه ومخدره وياكم چنت صارت بغربه تحس بأوطانها ~-----~------  بالحصل بالكوفه ما عدكم علم كلها شافت طولي نسوان وزلم عاينت للناس مابيهم شهم الزلم هم تشبه النسوانها -------~ للشاعر علـي عگـاب العمـري عـودت زيـنب لعـد وليانهـا تشكي هظمتها وتبين أحزانها ----------~~ ام الأيتام ارجعت بايتامها للطفوف وروسكم جدامها رجعت من الشام تشتكي الامها من أميه ومن هظم ديوانها ----~----~ ---- رجعت الكم وبحزنها مگبعه دموعها من تلمها تملي المشرعه غاليتكم من دهرها ملوعه فرت الدنيه وكثر بلدانها --------~~ ---- بدون هودج من مشت ذاك الدرب وروسكم جدامها ودمهن يصب اجت وياكم ورجعت وي غرب عگب الصگور أحكمت غربانها -------~------~ يوم عشرين بصفر يلفي الضعن تزوركم وتسولف الكم عالمحن ياعيوني من عسى عيوني نعمن ولا شفت طف كربله اوديانها ~------~--------- ياخواني لاتنشدوني اشفت ريت لا جابتني امي ولاصرت مدلـلــه ومخدره وياكم چنت صارت بغربه تحس بأوطانها ~-----~------  بالحصل بالكوفه ما عدكم علم كلها شافت طولي نسوان وزلم عاينت للناس مابيهم شهم الزلم هم تشبه النسوانها -------~ للشاعر علـي عگـاب العمـري https://t.me/qweeft

حسينhttps://t.me/qweeftعزبها وچبير الساده التنزل املاك السمه وفّاده .. يالحسن يبن الحمد و البسمله يالمضيفك اصل چلمة يا هله اطباع عندك مالحه ومعدله والكرم عندك سجيه وعاده ... ابابك تنوّخ رچايبها وتحط يطب ديوانك رهط يطلع رهط بينها مساوي مثل سن المشط وتنطي فوگ الرايدينه ازياده ... لسانك من اهلاً وسهلاً ما يچل واعله غيرك بالكرم ما تنتچل يالمضيفك چان مو بس للأچل بخت بي للگصد ينطي  مراده ... زادك يوصفونه للعله دوه وذهب تنطي بوكت ما يحصل نوه يبو دلال الحاره التنطي اگهوه الشبع طير البالسمه من زاده ... من احچي بعزوبيتك شرايد اضيف ورحمة الله الواگفه اباب المضيف حسين بچفوفه يوزعلهم رغيف والعطش عباس يروي افّاده ... بابك بحياهم الله منفرش ليش سمهم لعد چبدك ينتهش وسددو سبعين نبله اعله النعش وخصمك هنا بيّن بأحقاده .. صاحت الماعدها وي جدك وفه لا تدفنونه بجوار المصطفه صاح ابو فاضل عله الدنيه العفه اسد سل السيف من اغماده ... حسين رده وضمه ما بين الچفوف وگله سيفك عازته بيوم الطفوف هناك تاخذ ثارك بطش الصفوف موتك اعله النهر ربك راده ... يالحسن وبكربله تدري شجره حسين ذبحو بعد سبع الگنطره وزينب اخذوها بهزيله ميسره اعليكم هواي الزمان اتماده ... خادم الحسين ( عليه السلام) كرار حسين الكربلائي ( ابو كميل) ... https://t.me/qweeft

الامام الحسن المجتبى عليه السلام خويه ياروح الزجيه مو سهل فگدك عليه عذّبك سم المنيه يا حبيبي.     يا حبيبي ....... آنه اخوك حسين ياهيبة ابونه وتعطف علينه مثل امنه الحنونه يالحسن بصواب چبدك عذبونه ما ابالغ لو گلتلك يتّمونه بالطشت چبدك نظرته وظهري بمصابك كسرته يعينك الله عله الأذيه يا حبيبي.     يا حبيبي ....... الله يلعن (جَعدَه) بالذل والمهانه سمّتك ياخويه بچفوف الخيانه صايم وچبدك تگطّع من مكانه بالطشت طاح وتوذّر يا رجانه آنه ودموع اليتامه نندعيلك بالسلامه يا شبل حامي الحميه يا حبيبي.     يا حبيبي ....... خويه دير الألم لية واخذ راحه كافي تتعذّب يوجه الله وصباحه ما تفيد دموع عيني والمناحه وگلبي من جرحك يألمني بجراحه يالحسن حالك هضمني والجرح چبدك لچمني الله يلعن آل اميه يا حبيبي.     يا حبيبي ....... خويه يحسين آني حالي اهون هواي لا ذبح لا طعنه بية وانت وياي باجر يذبحوك ضامي بجانب الماي بكربله وزينب تشوفك فكّر بهاي يومك اعظم من مصابي قطره من بحرك عذابي تنذبح بالغاضريه يا حبيبي.     يا حبيبي ....... ارد اودعك ياحُسين واجري دمعي ريت مثل ظلوعك يدوسون ضلعي وانتي يازينب اسولفلج اسمعي من يذبحه الشمر لخيامج ارجعي للحرگ لمن يجوكم فرّوا بالبر من عدوكم اختك واختي سبيه يا حبيبي.     يا حبيبي سيد زيد الفحام ___ https://t.me/qweeft

سريعه للامام الحسن المجتبى عليه السلام رايات شدينه            يل حسن نادينه ها يبن عقد الوله الدمع لجلك نهمله    يل حسن نادينه ............................................................ ليك يامسموم اجينه والدمع يتلاله موكب اليتلگه موكب والحزن يبراله ناس تنعه ناس تبچي  واللطم يتعاله هذا ينعه او ذاك موكب طالع او يقراله رادودهم يقره    عل حسن بالعبره للي روحه امعلعه الدمع لجلك نهمله   يل حسن نادينه ............................................................ يل حسن لو ما نطيعك منهو يسوه انطيعه وعلي منعوفه عزائك لو عمرنه اسويعه كل صفر كل يوم سابع نكتب الكم بيعه نعشك اعله الروس نمشي نطلع التشييعه تشييع الك رمزي         للفاجده انعزي والنعش نتعنه اله الدمع لجلك نهمله   يل حسن نادينه ............................................................ چبدك المسموم ابدن ما نبطل منه حيث داير حول نبقه بالحزن والونه يا ابو محمد عزائك منصب بالجنه اشلون چا احنه نعوفه يعني اتجننه كل بيت كل شارع     موكب الك طالع والدمع دم نهمله الدمع لجلك نهمله   يل حسن نادينه ............................................................ الك منصوبه مواكب شالت اسمك رايه يلحسن تستاهل ايضل كل عمرنه اقرايه والله لو تتلف مهجنه والنظر جف مايه ما نوافي احنه المصابك ما نگول اهوايه يا آية الكبرى    يا مهجة الزهره  انت انت او كربله الدمع لجلك نهمله   يل حسن نادينه ............................................................ ياحزن نبقه نورثه امن الابو  لولاده وين يا مضلوم مثلك ياچبير الساده نعشك اعليه اللئيمه بالحقد تتماده او ينضرب سبعين نبله ماجرت بالعاده بسهام يرمونه    حقدن يضربونه آخ من هاذه البله الدمع لجلك نهمله   يل حسن نادينه ............................................................ تندفن وحدك بعيد او حسّبونه انعوفك مادرو انت ابگلبنه كل صباح انطوفك انت وسط العين گاعد يا امامي انشوفك انت منه واحنه منك  يل تكرم اضيوفك ما نفترگ مره    بالدنيه بالاخرى يل امعلمنه الهلا الدمع لجلك نهمله   يل حسن نادينه ............................................................ ابو فاطمة الطائي

Live stream finished (17 seconds)

Live stream started

للحسن ولمأتمه الليله حضرت فاطمه وي علي حامي الحمه علي والزهره اعتنوا كبر الحسن والدموع بأرض سامره جرن بحسره نادوا حين طبو للصحن مارحم يالعسكري بيك الزمن علي سالت دمعته تون امه المحنته تنحب املاك السمه وي علي حامي الحمه رغم آﻵمي ورغم كسر الظلع المأتمك يالعسكري احضر بالطبع جيت لكن مؤلم الگيت الوضع گتله ياحيدر علي گلبي انصدع الحسن تنزف مهجته اﻷمه لمن سمته هذي حاله مؤلمه وي علي حامي الحمه شكثر احمل يبني فوگ امصيبتي ويوم فگدك زاد همي ولوعتي ويم ضريحك لازم اجري دمعتي وهاي يالعسكري صارت حالتي انحب وابچي وأون ﻵيگ عليه الحزن الظلع فگدك يلچمه وي علي حامي الحمه جيتك أسأل يالحسن گلي شجره وانت للاسلام اصله ومصدره ليش تنسم يآ   إبن خير الوره جددت حزن الي گطعوا منحره هيجت بيه الالم اي وحگ راعي العلم وچبده الشابع ضمه وي علي حامي الحمه الحزن خيم على ال الرسول وبمصابك فرح كل شامت عذول يلي علمك بيه تحتار العقول والألم يالعسكري بعدك يطول من علي عندك خصال ركعت حتى الجبال الباغي بيدك تلجمه وي علي حامي الحمه المهدي ابنك هو صاحب هالعزاء إيضيف اليحضر يقدملك ولاء وروحه يم الي انذبح في كربلاء اعليه يبچي من الصبح حتى المساء الگلب لمصابك حزين لچن مو مثل الحسين حسين نبچيله دمه وي علي حامي الحمه الشاعر عباس الخادم

https://t.me/qweeft

يشيعه.  دموع الموادع جرن يشيعه.   راح من عدنه الحسن * دموع حسين ضل يطلع جمر منها هليله الاخيره ويالحسن جنها اجت زينب لخوها ومرتفع ونها ولن صاح الحسن ضم الطشت عنها يشيعه.    جم كلب هليله حن يشيعه.   راح من عدنه الحسن *** الحسن لحسين عاين والكلب حاير وكله اشلون بيك بليلة العاشر اخبرك راح يصعد عالصدر حافر وكل خيمنه بالطف تحترك باجر يشيعه.   صبره وكلشي حزن يشيعه.   راح من عدنه الحسن *** نزل دمع الحسين وشال الجنازه وتدرون الاخو للضيع يحتازه غالي ايصيح خويه وعازتك عازه شيال النعش للمكبره اتوازه يشيعه.   ما رحم بينه الزمن يشيعه راح من عدنه الحسن **** مظلوم الحسن يا ناس تدرونه اشلون ابن النبي جبده يسمونه رفضو يم كبر جده يدفنونه وياحيف النعش بسهام يرمونه يشيعه.  غدرته اصحاب الفتن يشيعه.   راح من عدنه الحسن * الحسن جان الخليفه وصادق بعهده ولجل كرس الحكم كلها اصبحت ضده وبده دور الخيانه وخانته جعده الحسن بالسم تكطع يا خلك جبده يشيعه.   وفصل حسين الجفن يشيعه.   راح من عدنه الحسن * تدرون الحسن ريحانة الزهره اعتب عالبعض وبكلبي الف جمره جا ليش الحسن ما واحد ايذكره حل وكت الرزيه وزادت الحسره يشيعه.  كثرت اليوم المحن يشيعه راح من عدنه الحسن **** تمت تحسين الخفاجي https://t.me/qweeft

الوكت زينب وسفه هم بچاها بالطفوف اوحيده هم خلاها ــــــــــــــــــــــــــــــــــــــــــــــــــــــ وسفه كل دمعات من زينب جرت هيه مو إلها البواچي او هم بچت منهو شاف ايعينه اميره اتعذبت ليش هيچ الوكت هم جازاها الوكت زينب وسفه هم بچاها ــــــــــــــــــــــــــــــــــــــــــــــــــــــ تبچي مو هينه علينه امدلـله مدللت عباس هيه المشكله وخت ابو اليمه امام اعله المله دمع هلت يوم من نادها الوكت زينب وسفه هم بچاها ــــــــــــــــــــــــــــــــــــــــــــــــــــــ شافت حسين اوعلت أهاتها من نزف دمه جرت وناتها غالي دمه او غاليه دمعاتها بچت لاچن يابسات اشفاها الوكت زينب وسفه هم بچاها ــــــــــــــــــــــــــــــــــــــــــــــــــــــ غاليه او نزلت دموع الغاليه والدمع نيران صارت جاريه على جسم حسين صار اباريه وسفه هيچ الوكت هم خلاها الوكت زينب وسفه هم بچاها ــــــــــــــــــــــــــــــــــــــــــــــــــــــ چانت ابوكته منو ايحاچيها شمر صار الزينب ايبچيها ليش مو زين الخلگ يحديها تالي بدروب الغرب مشاها الوكت زينب وسفه هم بچاها ــــــــــــــــــــــــــــــــــــــــــــــــــــــ حسين وصاها ابرقيه شلون بيها عينچ انت لو مشيتي اعليها اشگد عزيزه رقيه مو تدريها ماتت اوزينب بقت تنعاها الوكت زينب وسفه بچاها ــــــــــــــــــــــــــــــــــــــــــــــــــــــ حسام عبد علي جبر القصائد للثواب نسألكم الدعاء