الشاعر الحسيني سعد العبودي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

اوصيتك بعدك ترى حرفوها ودار بنتك فاطمه حرگوها // حين عينك غمضت كلشي اختلف والمصالح بدت تحكم للأسف باب دارك جمعو اعليها السعف بنارهم ياالمصطفى شبوها // ناس ماعدها مبادئ لا بخت ركبو اجمال الخيانه ونوخت ركض ياالهادي السقيفه تأسست بلا دفن وجنازتك خلوها // انت من يوم الرحت عن دنيتك على اعقاب انقلب أكثر أمتك ضربو بعرض الجدار اوصيتك اشكثر بعدك عترتك ضلموها // چن جلد حرباء هم تقلبوا بكيفهم جابو فلان ونصبوا على عزل المرتضى كلهم صفوا مسألة وتفقو وحلوها // اشگد سوالف يارسول الله جرت ناس بسم الدين بعدك تاجرت ضلوع بنتك تدري ليش  اتكسرت بغظآ بحيدر علي صابوها // الدين بعدك راسه باالسيف انضرب ومنبر الشيطان عاالگاع انصب عاالخيانه معلمه بعض العرب مسرحية والربع جادوها // المصايب من سقيفتهم بدت نفس الوجوه القديمه عاودت ويه اليهود اليوم ضدنه تحالفت والقضية بلا ثمن باعوها // سعد العبودي

ياكسرت الكسره.     من مات أبو الزهره حيدر صبح ضهره.    من فرگته اهلال // باالسمه وي الارض طش خبر عاجل صاحب الخلق العظيم اليله راحل اليله من اجله علي ضل دمعه سايل ونحنه اعله اجنازته مثل السنابل يبچي اعله ابن عمه....واولاده اجو يمه كلمن جبل همه...     دمع الحزن سال // اختاره الله بقدرته وحكمة جلاله حگه حيدر عالي صوته لو بچاله هو اليفارگ محمد شنهو حاله خيم اعليه الحزن بيت الرساله صار النهار اضلم....عليه الحزن خيم لجله انصب مأتم...وتغير الحال // فاطمة يفوق التصور ياحزنها لن محمد چان ابوها وچان ابنها!!! بضعه منه وهو ينعد بضعه منها توصل السابع سمه الونه التونها الله يساعدها...تبچي اعله والدها حيدر يشاهدها...ودموعه تنهال // ليلة اوداعه صفت ليله فريده العالم بأسره اعله نعشه رافع ايده وكلها تصرخ يابو الأخلاق الحميدة يانبينه افراگ وجهك مانريده يارحمة الخالق...ياالهادي والصادق صوت الحق الناطق...ياشمس الاجيال // وسده حيدر علي بحزنه وكسرته و عاالگبر ضل يمه خانگته عبرته مثل ضله چان ما يحمل فرگته نبي الرحمه ماكو اجمل من عشرته عاشو قصص كثره...عاالحلوه ومره من وسده بگبره....حيدر علي اشگال سعدالعبودي

زينب اجت ليكم يهاليها.  شوفها شنهو البيها ما بيها فوگ الگبور ادور.   حرمه وگلب مكسور // اجت متروسه ضيم واه. وگلبها معطب من الهم الحمام الما يعرف ينوح..يجي من عدها يتعلم كل رمله سحگها حسين..عد زينب عطر تنشم ودها تلم تراب الطف.........لچن اهوايه ما يلم فوگ الگبر فرشت مأسيها. .رادت اخو منكم يحاچيها عافتكم بعاشور....حرمة وگلب مكسور // طاحت فوگ گبر حسين...تنگع اترابه دمعتها گلبها يفيض حنية......اخت مشتاگه لخوتها خلت عاالگبر چفها....وبدت تحچيله قصتها غريبه وراجعه من الشام...وتشيب الراس غربتها شتحچي العقيله اجروحها اهوايه كسرت گلبها طيحت الرايه ضل الها بس گبور.    حرمة وگلب مكسور // اجتكم.حيل مهظومه ..  وأتريد اليهودها شبعانه يسر وفراگ.    يهلها الله يساعدها يخواني انه زينب.        ها الچلمه ترددها تريد اليسأل عليها.       وتريد اليناشدها من الغرب ردت يولياهه. .لكن رقيه ماجت اوياهه منها الدمع منثور....حرمة وگلب مكسور // صارت چن حمامه ادور...فوگ اكبوركم هيه لو عدلين يخوتها..      ..ماودوها مسبيه وگفت يم گبر.عباس.   چنها هلال محنيه تنشد عاالعلم وينه.    أوين اچفوف راعيه يم الگبر تسمع بواچيها عباس وينك ما تحاچيها عيلتها چنها اطيور...حرمة وگلب مكسور // چم ذكرى الها برض الطف..ضلت عايشه وياهه لمن عاينت  للتل...مدري وين وداهه ذكرت ساعه العاشر.  وحيرتها بيتاماهه اهلها والخيم والنار....هاي شلون تنساهه وكفتها عاالتل صعبه هاالذكره مذبوح اخوها وهيه تنتظره من القفى منحور.....حرمة وگلب مكسور سعد العبودي

كربلائي سبعه صفر...كسرت ضهر...اليوم الإمام المنتظر يبچي اعله جده المسموم...وفاتحته گاعد بيها ناصب عزه بهذا الوكت مهدينه بهذا المصاب اليله الله يعينه هذا الحزن وياه عاش اسنينه چفنه الما واحد حظر تچفينه والغسله...محد اله..ضل دامي جسمه بكربله والجثه ضلت ايام.. فوگ الثرى مخليها // سبعة صفر بيها جروح هوايه تستاهل ادموع ولطم وقرايه وسبعة محرم ليلة الوفايه امخصصه العباس راعي الرايه مو بس وفه...لوعاطفه...سابع محرم معرفه عاالنهر صورت ايثار...ليهسه ما ناسيها // يوم الحسن كلش ثگيله اهمومه يوم الكأبه والحزن يايومه اليبچي لجله عبرته مرحومه مظلوم ابن مظلوم ابن مظلومه سبط النبي ..وابن الوصي..هذا الإمام الهاشمي لو تضمه كل النهران...جوده الذي يسگيها // هذا الكريم الما يرد وفاده الله يعظم اليله اجر الساده ساعه حزينة ساعة استشهاده العنده طلب منه يحصل امراداه يجلي الكرب.. سيد العرب.. حتى المثل بيه انظرب ومعسرات الايام...هو الذي يگضيها // بسمه المجالس كل وكت معقوده جود ابو فاضل ماخذه من جوده بغرت القاسم صورته موجوده چف بحر محد يعرف احدوده هذا الحسن..طول الزمن...هو الامام المأتمن هاي المجالس كل عام..بعون الله هم نحيها سعد العبودي

https://t.me/samer_1928/6665

ايام العمر يحسين خلصانه وشماطولينه القبر مأوانه ### ايام العمر يحسين معدودات ولازم ننحسب فديوم عاالاموات الف هنياله كون اليعمل الطيبات وهنياله اليخلي حسين ربانه ### باجر لاعشيره ولااهل تنفع وي ذاك المكان وشدت المطلع هذاك الموقف الي يشيب اليرضع حاشاك بهذيج الشده تنسانه ### متيقنين ماتنسانه متيقنين وكظينه عمرنه بخدمتك يحسين يبو كلب العطوف منين نلكه منين غيرك باالشدايد يوكف ويانه ### غيور انته وكريم وابن ناس اكرام وعابس من تجنن بيك مايلام خدمتك باالحشر يحسين احله اوسام نودك وبخدمتك دوم تلكانه ### عن دربك ابد محد يغيرنه وخله يكفر الرايد يكفرنه بسمك كل وكت تهتف منابرنه حسين انته املنه وانته رجوانه ### وحك عباس اخوك وكطع جفينه احنه على العهد وياك ضلينه انذبحنه وابد عنك ماتخلينه وانته ابن التسمه بحامي جيرانه ### سعد العبودي

عالي الرمح مالوحك. واگعد واضمد جروحك متعلگه روحي بروحك. يابويه يحسين جنح ماعندي واطير، ، والرمح ميت ضمير،، مانزلي صار تسبيحي الونين،، وقبلتي راس الحنين، من اصلي شافني بچفي الحبال،، راس ابوي برمحه مال،، ماوصلي شفته يهمس من بعيد، والدي مدري شيريد وشنهو گلي بشفافه يهمس ليه. ودمعاته تجري عليه انزلي گتله شويه، يابويه يحسين ** بحر شوگي بلاحدود،، ومگبرة دمعي الخدود هذاحالي الابو روحي وهواي،، و اغلاشي باالدنيا هاي، ،والله غالي حايره وانظر عليه،، ماكوصدره وماكو اديه وشبقالي عاالابو وفراگه اه،، الموت من عندي خذاه ماصفالي رغم الحجر شمسوي. راسه اعله رمحه ويضوي وبكل فريضه الينوي. يابو يحسين والدي ومن عندي راح،، بعدمااشوف استراح گلبي ذايب انه اميره وبت امير،، بيتي عرش الله يصير،، مو خرايب لو وگفنه نستراح،، نگعد بفي الرماح مانعاتب حتى بنفاسي عناء، ،بروحي منصوب العزاء للحبايب صعب الخرابه هوايه،مايمنه راعي الرايه مات الفرات ومايه. يابويه يحسين ،اليسرشو دربه طال، وچفي من شد الحبال .يجري دمه التعب ماخله حيل، ،صدري احس دايسته خيل من يلمه گمت اردد هاالكلام ،،انطيني حظنچ خل انام،، عمه عمه الگلب همه ثگيل، ،وبثگل قيد العليل،، ثگله همه ابچي وتصب دمعاتي. من انظر العماتي صارن همس كلماتي. يابويه يحسين ** امس عمري زغيره چان،، اليوم شيبني الزمان محني ضهري واليشاهدني يگول،، هذا عمرچ مايطول وانه ادري تخلص انفاسي انتحاب ،،لو شفت حضن الرباب شنهوصبري خالي اشوفن مهد اخوي، ،ماكو عمي وماكو ابوي اه يدهري الدنيا ابد ماترحم،، لاابو ضلي ولاعم چفيني يتجارن دم. يابويه يحسين سعدالعبودي

مانسيتك يغالي.   أنت دوم اعله بالي بويه انه رقيه      تدري عنك سؤالي وأنت مرفوع برمح عيني عله عينك شما يضربوني اگولن بويه وينك ارد احظنك وينه صدرك وين ادينك الموت ليش يصير ما بيني لبينك والله مشتاگه اشمك.  بويه چاوينه جسمك ارد اقبل جبينك.      والرمح تدري عالي صارلي شچم ليله اتحسر ونوحن ترضه مسبيه يبو اليمه اروحن عاالرمح لكن دمه جروحك يفوحن شما امد ايدي ارد اضمدك ماالوحن بويه موطگ دليلي   والرمح مايجيلي ضلمه صارت حياتي.  من غبت ياهلالي كلمن التفگد ابو بدموعي اگلها لو تموت وتندفن يمه احسن الها والدي ومصيبته مامر مثلها الخيل تسحگ باالصدر نزلت رجلها انه من شفته ينداس. گتله وينك يعباس عمي لحگ علينه.   والگمر ما اجالي صار چم ليله المضت ماهو أنت يمي لا اجيت ولا اجه ومر بيه عمي تدري من قيدالحبل يتجاره دمي من رقيه للسبيه تغير اسمي!!!!! بويه ماعدنه خيمات.  باالخرابه تره نبات شامتي عيونه تضحگ.  وانه دمعي يلالي والله مشتاگه العطورك والحنانك يارقيه اشگد احبها من لسانك يل رحت ماواحد يعوض مكانك خايفه ياوالدي ومحتاجه امانك أنت خيمه لبناتك.يمي چنت اشحلاتك انه ذيچ العزيزه.  مادريت شجرالي بويه شو ساكت رقيه انه الحنينه ابچي واليفگد أبوه الله يعينه الگطع راسك عسه نشلت يمينه يعني ايس هاي هيه وما تجينه يعني ماترجع انوب.  سلبو منك الثوب ماچنت انه اضنن.   هيچي افگد دلالي ** سعد العبودي اهدي ثوابها إلى روح والدتي

خلصت حياتي،، دمعه دمعه،، دمعه دمعه،، عاالاهل كل عذاب دنيتي ذكريات عمتي من اذكر العقيله،،، فروهه عاالهزيله مچتوفه اديها باالحبل وتصد اليه وجهي بحزن اديره،، كلش علي چبيره ساده احنه ماعدنه مره تطلع سبيه هاي ريحانة علي واخت الغيور تالي باالبلدان مسبيه وتدور وانه رافگتها،، خطوه خطوه،، خطوه  خطوه،،صبري سل كلها هاي ونتي،،، ذكريات عمتي فارگنه كل اهنه،،، والبيهم المحنه مثل الاضاحي بكربله ضلو ورانه ردينه بس سبايه،، ماكو بضعنه رايه ضل يم جرف ذاك النهر طايح لوانه لا تلوموني اعله كل هاي الجراح عايله نص باالسبي ونص عاالرماح تالي باالخرابه،، من سكنه،، من سكنه،، بلايه ضل عاالتراب عيلتي،، ذكريات عمتي والشام ياقهرها،،، عمتي انكسر ضهرها بذيچ الخرابه الموحشه دفنت رقيه واختنگت بحزنها،، وتحچيلي عن متنها اسود تگلي وزيدت حزني عليه اختي طفله والدفن اصبح بعيد حالها ياعالم يذوب الحديد غادي ودعتها،، باالخرابه، باالخرابه،، دمعي هل چنه يوم دفنتي،، ذكريات عمتي انه الجبت حياتي،، توجعني ذكرياتي انه وخواتي اعله الهزل اصبح قدرنه ماعدنه لا حبايب،، لا اخوه لاگرايب نمشي ويه كتال الاهل هذا القهرنه هاالمشاهد والله ابدن ما تروح ننرمي بحجار من فوگ السطوح غربه تالي صرنه،، ماكو رحمه،، ماكو رحمه،، وماكو حل كل دموع غربتي،،، ذكريات عمتي كل عمري ساهريته،، وصار ما نسيته ياناس ابد ماتنسي ذيچ المشاهد لي هسه گلبي ذايب، من اذكر الحبايب فوگ الرماح اواحد يصد اعله واحد روسهم تنزف محنه بكل صباح فُيَ يصيرله وكت ما نستراح لحظه مانسونه،، يضللنه،، يضللنه،، فُيَ جبل تجري دوم دمعتي،،، ذكريات عمتي سعد العبودي

ما اعوف حسيني. لا تتعب وياي اعلامك. وسهامك. والله ما تنفع لا والله. بس لله. الغيرة ما اركع ثابت اجبال العقيدة بروحي مبنيه انا خريج الزيارة الاربعينه لا تحاول كل سهامك ماتمظ بيه لو رميته احجارة. ما يهتم الماي // تتحير .ماتگدر . تاخذ امرادك لا تتعب. هم قبلك. تعبو اسيادك حيل اتعبك لا تحاول ابتعد عنه هذا يامجنون گلي. يترك الجنه هو شباچه وجمالة..ينشبع منه ? ترى بهاي الحظه....انساهه دنياي // حبيته. وحسيته...هو الي كلشي من طلعت..زوارة. تعلمت امشي هو كل روحي وحياتي وعقلي وجنوني خل يسموني مغالي خل يسموني وافتخر انا اعله حبه من يكفروني هذا رأيي وثابت. مابدل الراي // انفاسي...ونبضاتي...بسمه موقوفه وعيوني..وكل روحي.. فدوة لحروفه لربعينه انا هسه محضر الراية وي ملاين التگصده امشي مشايه عاهديته واليعاهد يوفي الحچايه طبعي ما يتبدل. خل تفهم اعداي // من امشيله...انا اشعر...احله ساعاتي انا ادري ..يحسبهن...هو خطواتي التراب الي ادوسه امنية عمري كون المنه بديه وينحط بگبري مااضل بحيرة غادي وحاير بأمري تراب من زوارة. تكفيني بس هاي // سعد العبودي

العمرباالخدمة خل نخلص اسنينه ترى باچر الدنيا بساع تفنينه // درب الخدمه هذا ولا تضل حاير ترى باچر نروح وننفني باچر هم نصير من ليس لهم ذاكر مثل الي سبقنا هيچ تالينه // ترى الايام تركض ما نحس بيها خلي بخدمت المظلوم نگضيها وكون ارواحنا لحسين ننطيها باچر باالحشر هو اليحامينه // مكسبنا الوحيد بهاي دنيتنا مجالسنه وعزانه وهاي خدمتنا ترى الزهراء تفرح بيها لمتنا وشرف خدام ابنها من تسمينه // لا نهتم بحچي الحاقد وراية ترى الوادم التكره كلش هوايه والاعلام رافع ضدنه الف راية القصد عن الحسين يريد يلهينه // قسم نقسم ولا يگدر يغيرنا ولبو السجاد نفديها منا حرنا احنه الصحنا يحسين بضمايرنا يضل حاضرنه هذا وهذا ما ضينه // احنه شيعته والدنيا عرفتنا وبس من منبره ناخذ ثقافتنا باالعالي ترف للموت رايتنا نخلقنه لخدمته من فاضل الطينه سعد العبودي

هاي المجالس عامره ان شاء الله والزهره بيها حاضره ان شاء الله *** تحظر الزهراء تسجل الاسماء كل فرد حاظر تعد انفاسه تسبيح ام حسن وحسين تجري دمع العين تبجي وي الناعي لمن ينعه ويصيح اليبجي تتعناه ودمعه تتلكاه بجفها تتلكه دمعته الرايده اتطيح وتحظره دنيه واخره ان شاء الله الزهره بيها حاضره ان شاء الله *** باالمجالس هاي واليوزع ماي عدها جن باالعاشر مشرب رقيه ولي يلطم غاد هيه تنطي مراد ومن بعيد اتخبره اجرك عليه الينوي من ابعيد للعزاء اريد ابلايه شك الطاهره تحسبها جيه حته البعيد اتناضره ان شاء الله الزهره بيها حاضره ان شاء الله *** بكل عزاء اتروح عاالحسين اتنوح تبجي لمن تسمع اصوات المنابر بكل عزاء اتدور وتسمع بعاشور والعليله اتكل لبوها لاتسافر تكله اخذني وياك بدمعتي اترجاك عدها اشد من الظلع كسر الخواطر باجر اهلها مسافره ان شاء الله والزهره بيها حاظره ان شاء الله *** تحسب الموجود تسمع الرادود وتبقه تبجي ام الحسن وي القصيده هيه وي كل بيت نادته ياريت البيه اسم زينب غريبه هوايه عيده هم تظل تنحب تكلها يازينب تنادي انه عنج ابدن موبعيده يمج انه يلصابره ان شاء الله والزهره بيها حاضره ان شاء الله *** هيه تشفع غاد ساعة الميعاد الف هنياله الي حفظتله علامه اهناك ابد ميحير وبحماها يصير والخلايق تنحني الها باالقيامه فاطمه تنجيه والله بارك بيه الكظه عمره باالمجالس والخدامه واعله الصراط اتعبره ان شاء الله والزهره بيها حاضره ان شاء الله سعدالعبودي

عبدالله الوداع وياك ......توجع گلبي سالفته وانشد روحي ماادري ...انه الميته مدري انته ربيتك تعبت عليك.   وانه بروحي داريتك ما خليتك بكاروك.. وسط عيوني خليتك چانت دنيتي خنگه..وانت النسمه حسيتك ماهزك چنت لكن.   ميت وانه هزيتك بلكت لو الي تگعد..وروحك ياالعزيز ترد ولحال الغريبه اتصد. لكن ركزت باالشوف              مگطوع النحر شفته ** مو تونه ابتدينه الشوگ.  متوازي اعله هجرانك بعدك كلمة اليمه.              ما حاچيها باالسانك چنت اشما اناغيلك.            تفتح ليه ذرعانك چن شمعه بضلام اليل.        تلتم يمك اخوانك ياالچنك گمر تضوي...اضمه وشوفتك تروي فراگك باالگلب يچوي...وانه من اصيارك الهيليوم                   وجهك ما مفارگته ** عمرك بعده ست ضحكات..بيش تطلبك النبله يبني وغيرت لونك. ..وانت من الشمس احله اتمناهه كون تصير.         نحري بنحرك تبدله يا عبدالله انت اتموت.    چانه المن اضل عدله بعدك ضلتي المن..لو وياك أموت أحسن ترى الايام مايسون.  اذا ما ينگضي وياك               عمري شنهو فايدته ** گابلت المهد وانعاك.......حسره ودمعه وحچايه مو تدري الطفل باالبيت...زينه وينحب هوايه شتأثر لون انطوك..........    من العلگمي ومايه ماذبحوك لو موجود....... عمك صاحب الرايه لكن شائت الأقدار...گطعو يمنته ويسار يا عبدالله هذا الصار...من طاح الگمر عباس                  طاح اگباله گلب اخته ** راح أمشي بدروب الاه..  وارجع وانت ماترجع من ابعيد الولي عليك.....    ..بلكت يلولد تسمع گلبي يساعده الله....          لو مرو على المصرع شلون بحالي لو شوفن.     راسك عاالرمح يطلع عطشان وتصدليه...عيونك يبچن اعليه يمي وما الك جيه...المثلك مستحيل تطيح                    حد الموت فاتحته سعد العبودي