سجاد الكريزي

لمولانا المحسن الشهيد صلوات الله عليه المستهل :- طالع امن الدار حيدر بيده حاضن ورايح لـدفن اوليده ماخذ بأيده الولد ... للگبر مو للمهد ____________________ ليل وابيوت المدينه نايمه ابلا مستحه وعايفه بيت ابو الزهره للحزن والنايحه والّعِصر بنت الرسول ومنها سبطه طيّحه ابّـيته متهني يـ وسفه ماكو زلم التذبحه ؟! و( علي ) متوصي الصبر تكليفه وتچوي من الغيض قبضة سيفه وراح من عنده وتَد ... للگبر مو للمهد ____________________ طفه من الحرگ بيته وطلع محروگ الگلب وللدفن ماخذ اوليده وفوگه دمعاته تصب من ابو طالب ارسومه المنولد ويلي غصب للمهد مانزل جسمه نزل لـ احضان الترب منـذبح ثـالث سبـط للهـادي المحسن البعده بعمر مابادي وبالعصر من انولد ... للگبر مو للمهد ____________________ عله فراش الوجع والهَم وسِدو ام الحسن اوي ابوها اوي ابنها دوه كسرتها انـدفـن تسكت اتوصي بولدها عن علي ضمو الجرن كسر ضلعي وسطر خدي لا تچملونه مِحن لحد ماموتن يولدي اوصيتي ابضلعي لتخبرون راعي بيتي يلي اخو ألكم بَعَد ... للگبر مو للمهد ____________________ رجع من الدفن حيدر آه يصبره وهضمته اويّه ماطب بيته لنها طفله تبچي اتلگته طاحت بحضنه تناشغ عله الشافت وگعته وهذا أول أخو لزينب من زغرها وفگدته ابتدت من موت النبي احزانها وباچر اتندبه اعله اخير اخوانها الأخذ أبنه ولمن رَد ... للگبر مو للمهد ____________________ وآه ياحـال الثكـالـه ابيت حماي الحمه فاطمه اتصبر بـ (عليها ) وعلي ايصبر بفاطمه وعله الباب وعله الحايط يابسه آثار الدمه وتنحب اعليهم ولدهم والهم تنوح السمه ودمعه دمعه فاطمه المظلومه تـذبـل وگـرب أجـلهـا يـومه وتلحگ الهَلّ وانفگد ... للگبر مو للمهد ____________________ سجاد الگريزي

طر يگلبي وصيح ويلاه واردف الويل بـ وا نبياه والد الزهره غمض عيناه سيد الكون الرسول راح العزيز الما إله اشباه اظلم الكون بغيبة اضواه والحجر لمن مات بچاه ويّه حيدر والبتول اتيتمت ام الحسن بغيابه وناصبه ابيته عزاء مصابه ونـار فرگـاه بگلبها تلهب والاصحاب اهجمت حرگت بابه إنجمعو لمن غمّض عينه وماحضرو غسلته وتچفينه اولا چنه نبي الأمه الميت واليمّه بس علي بونينه يا ابا الزهراء ... يارسول الله _____________________ كلشي تغيّر حين ما راح واهله امتلو هضمات واجراح ذباح غدر الأمه ذباح وانولت ام الحسين انعصرت وعطر السبط فاح واعله الأرض طيحة نجم طاح واعليه كل البلـسمه ناح واعتله صوت الونين ونشغه من بيت النبوه تنادي انولد مستشهد الجده الهادي وطاحت اعله المحسن امه وتنعه هـذا أول منحر امن اولادي المهضومه عالأبو هضموها ومحسنها طاح من عصروها اوّ والدها بعده فوگ اترابها شمسويه بنته ويظلموها يا ابا الزهراء ... يارسول الله _____________________ طه وعلي چانو فرد روح ومن راح خّله بحيدره جروح ماإلها طِب وتشفه وتروح وتنزف لحدما يموت خوه انگضت بالسم والّـِعويل وحدّب ظهر حـمّـاي الدخيل والأمـه بالمتوصّـي اتعيل وتدري تكليفه السكوت واره وحده المصطفى بترابه وعالخلافه اتخاصمت اصحابه ابدال حيدر نصبت ارذالها وحرفت نهج السمه وكتابه القران انزهد حگ راعيه وداسوها عتبته القدسيه ياهضمةّ گلب قالع خيبر عالزهره الطاهره الأنسيه يا ابا الزهراء ... يارسول الله _____________________ بنت النبي عاشت لمن مات ابيت الاحزان بضيم وآهات وناحله من گد العذابات وتشهد اعليها الأراك وزينب اوي امها بهالمعانات وياها تنعه وتهل دمعات بره المدينه وچن غريبات والهن تنوح الافلاك تموت گامت فاطمه المظلومه نشغه نشغه بعد طه ويومه لحدما جاها الأجل واويلاه وحيدر الكرار سود اهدومه عالخاتم بعده مافك حزنه والزهره غفل راحت منه من راحو راح عمره وياهم وبس بيره ايعرف الضهدنه يا ابا الزهراء ... يارسول الله _____________________ سجاد الگريزي

يامولانا يارسول الله الما باچي لرسول الله ولجروحه شني عذره مثل ما باچيه اعله حسين بچتله فاطمة الزهره يالي تريد تسعدها لابوها نوّح بعبره عِله صوت المنادي وصاح ... رسول الله يوادم راح يتيمه امّ الحسن صارت ... والسور العليها طاح بيت الوحي اليزهي امس بعيونه بيت الحزن ويلاه صبح من دونه وبااحضانها حسين وحسن ينعونه ________________________ بچتله بگلب ام مثكول دمع منه الاحجار يفت وشدت راسها الزهراء وبچتله ادموع مالت بت هذا حسين جد حسين ؟ بطيبه بكربله الميت ؟ اغتالو نبي وهل أنباء .. فتحت باب عاشوراء يالعايش جروح حسين .. عيش جروح ابو الزهراء عاشر ابيت حسين قبل العاشر حنية علي الكرار تحچي الصاير ماتت الرسول برسم عينه الغاير ____________________ ابوي وحگي يا شيعة اريد وياي عوانه منو بفيي داره يدعيني وانعه الوالدي احزانه الاراكة الابچي جواها گطعها فلان وفلانه بفيي راية ابني المذبوح .. لجده اريد ابدي النوح وين اليجي اويه الزهراء .. ودمعه اعلخده مفضوح ثاري الابو خيمه على ابنياته انعاه ابو وانعه لمقامه وذاته خنگو صدر بي الله حط اياته ____________________ بكل مأتم لبو الزهره تحضره الزهره بچايه ومن يگضي نعي الناعي هيه تصير نعايه يبويه تصيح مكسوره بموتك عبرو الثايه بعدني بمأتم امصابك ... وحطو حطب يم بابك خلفه اوگفت مجبوره ... وعَلي دفعوه اصحابك وثـالـث سبـط مـن الـعصـر طيحته وكسرولي ضلعي الـ عن ( علي ) گبعته صاحب ال ( يهجر ) بويه يضحك شفته ____________________ گلت للجايني بأسمك وگالوا و( إن ) يا زهره گتلهم رسول الله روحه وگلبه البصدره بته أنا و عطر بيته وگالوا يحترگ عطره بيت الوحي والقرأن .. الباب التطرقه استأذان رفسوا رفس ما طرقوا .. وتلفح بوجهي النيران ايـ عظم الله اجره البچه اعلمصابك بعده علي امن الدفن بيده اترابك اغتالوا صبر من طاح ابنه ابابك ____________________ مصطفى صادق اللامي سجاد الگريزي

لمولانا رسول الله صلوات الله عليه وعلى آله ابو الزهره الزچيه ... تـِرِجَـل للمنيه غمض وآخر نظرتين اعله حيدر وام الحسين ___________________ بيت النبي امودع النبي ... المات بحضن حامي الحمه وآخـر دمـع منـه همل ... لـ حيدر اوّلـده وفـاطمه دنيه وابلا صوته صفت ... وحشه او حزينه ومظلمه فجعه يـ موت المصطفى ... خله الِـگـلوب امثلمه انكسر گلب الوديعه ... عظم هاي الفجيعه ونِعه بيته اعله حالين اعله حيدر وام الحسين ___________________ المنّ أمّـته مامثله نبي ... عانه وحِمِل سيد المله امن اصياره رادو ذبحته ... وچـف ابو طالب كافله ومن راح شال امن الوطن ... وصار بغرب هو وهله اويـاه بـس حيـدر بـقـه ... وغيره نصير اولا إله ولَحَد آخر حياته ... علي وياه لـ وفاته وسِند من گوطر الدين اعله حيدر وام الحسين ___________________ الرادو ذبحته وشـاركو ... نيةّ اليهود اعله الغدر اعليهم ( حُذيفه ) ناشِدو ... عنده الأسامي بهالأمر المن راد لوصيته قلم ... صاحو هجر ذبحو الحبر وحكام صارو عالشرع ... وكلف علي بموته الصبر وسف نكرو غديره ... وين الماله غيره انقلـبو غِـل عـلـه اثنين اعله حيدر وام الحسين ___________________ بعده اعله دچة المغتسل ... وبنته تنوح لغيبته وحيدر بتجهيزه انشغل ... والأمه وحده عـافته وهجمت على بيت الوحي ... وشعلت النار بعتبته والباب عالزهره اندفع ... وكسّر اضلوع بدفعته اوگع من اليتيمه ... سبط ميت هضيمه ودم دمعه مـنِ العين اعله حيدر وام الحسين ___________________ اتشيع رسول الله بعدد ... محسوب چاوين امته ودفناه علي محني الظهر ... من كثر ثكل امصيبته وهاي المصيبة الأنتجت .. مـنهـا مصايب عترته ابنته بدت ويلي بـكسر ... وانصفع خدها بروحته الصفع خدها خليفه ... صبح باامر السقيفه اولا فـزعـت مسلمين اعله حيدر وام الحسين ___________________ سجاد الگريزي

اللهم عجل لوليك الفرج رديتلك يلـ منك اخذاني غصب چتالك رديتلك وياي راسك والبگه امن اعيالك ضعنك رجع متعوب ... بيه كل گلب مصيوب امن العاشر لهلـ يوم ... ينزف هضم ويلوب خويه من الشام اجينه ... لگبرك اندور الأمان وهاي وياي الضعينه ... رايده بصدرك مچان للملگه ضعنك جاي ... يبن امي گوم وياي ~~~~~~~~~~~~~~~~~~~~~~~ غاليتك مشتاگه اجتك والدمع حاديها غاليتك نحلانه چنها امها الحزن حانيها هاي انه اختك گوم ... اتلگاني كلّي اهموم من الحرگ للشام ... جيت بگلب مضيوم گوم يحسين اعله اختك ... هواي تعبها الغياب وانفض التربان بيدك ... عن وجه سكنه ورباب وهاي العلاوي هاي ... يبن امي گوم وياي ~~~ ادنيتلك ويم تلي طحت بهضمتي امن الناگه ادنيتلك ويبن امي اجيتك فازعه ومشتاگه ومامش زلم لا خيل ... اولا اتاني جيت الليل صارت ركضتي اعليك ... وعن مصرعك ما ميل بذيچ جيتي اعداك منعت ... الطم وانعه اعله جثتك وهسه اجيت بـ اربعينك ... والترب ضيّـع شبگتك طحت اعله گبرك ماي ... يبن امي گوم وياي ~ الّـتـمينه مدمع بناتك فاض فوك ترابك الّـتـمينه هلبت يبرد خويه نار صوابك ريت التراب ايلين ... وياخذ ادموع العين يروي طفل عطشان ... غافي اعله صدر حسين وعالكبر حطينه ادينه ... ونحس بترابه سؤال چفوف لـ ابنيات ماكو ... امعلمات اعله الدلال وناح العليل احذاي ... يبن امي گوم وياي ~~~~ من گبرك صاحتنه خوّه انكسر ظهرك ليها من گبرك رحنه عطاشه وركضت لساگيها صحنه يكافل هاك ... ويانه جبنه الواك وتستقبله بيـا أبد ... وحصة الوفه يمناك الفرگه من لاحت چفوفك ... ترست الدنيه حبال والسهم من صاب عينك ... ذرّت اعلينه الرمال وماضل بعد كل راي ... يبن امي گوم وياي ~~~ سيد عباس الفاضلي سجاد الگريزي

اللهم عجل لوليك الفرج عباس يا راية هلي ... يانخوتي ويا كافلي ردن عزيزاتك إلك ... امن الشام ياغيرة علي ولا تنشد شـبيهـا الحرم ... محنيه من طاح العلم مامستضله امن الشمس .. خويه امنهد حرگ الخيم وين طولك يابو فاضل ... يعدِل المالن وراك رفـرف الـرايـه عليهن ... خلهن يشمن هواك دارت الـدنيه شماته ... وضاعن بدورة گفاك يلطـايح اعلـه العلگمي ... جينه بدمع العفاف الفاطمي ... جينه بظِـلّ العليـل الهاشمي ... جينه ________________________ يلماحضرنه بدفنتك ... خويه بعدها سِكنتك يرويها چفك تنتظر ... وهاي اعله گبرك جربتك يمبچي امنه فاطمه ... مايروه من بعدك ضمه تستاهل اگضيلك عمر ... نعايه خويه ولاطمه گضه درب السبي خويه ... وزايره لگبرك إجيت هـا يلـ مدللني تـدري ... اشكثر بفراگك بچيت يلچنت بچفوفك امشي ... طحت وبگيدي مشيت ماضـلي شـي لمـن رحـت ... خويه وي كل نفس بااسمك نحت ... خويه بحچي الشماته اتجـرحت ... خويه ________________________ يلدافن اوياك النهر ... يلحـاني لحسينك ظهر ياسورنه لمن طحت ... تدري شعمل بينه الدهر گيّدنه بااحبال الغرب ... ومشانه من يمكم غصب وماأنسه بالكوفه اشسده .. وبيها اختك انكسرت گلب فـزعت اعلينه العشاير ... شاهره بغيض السيوف وراحت الجتها أهلها ... واحنه اهـلنـه بالطفوف وضلت بحيره خواتك ... والحبال اعله الچفوف صحتك گبل طبت القصر ... وينك خـاطـر خـواتـك منكسر ... وينك اتـلاحگنـه تعّـبنـه الزجر ... وينك ________________________ مسلوبه اساميها الأمس ... بصدرك العالي تنحرس ومكفولتك ياابا الفضل ... بسجن الخرايب تنحبس وچم طفله ماتت ثاكله ... كتلتها هضمة كربله يلروسكم فوگ الرمح ... وحادينه شمر وحرمله خويه باب الشام فكته ... فك عله جروحي جروح وخـله مدلولك منـامه ... يـفـز مـن عـنده ينوح وضيمه موتـلي رقيـه ... الراحت ومهضومه روح ساعه انفجع ساعه انجرح ... بعدك صعبه انسبي سهله انذبح ... بعدك وكـافل واخو لا مـا يصح ... بعدك ________________________ سجاد الگريزي

ابلا سلسله ... اولا حرمله ضعن الغريب امن الشام ... ما مسبي رد لكربله _____________________ ضعن المشه امن الطف بگيد وهِزّل رد لـهلـه ابـلا حـرمله ولا بَجدل والهوه امن اگبور الهواشم شَمّل ضعن الأهل ... للطف وصل ومنّ الأهل راد ايشوف ... رفة علم تستقبله _____________________ جايب الروس وياه عليل المذبوح وتنزف جروحه ويّه دمعه المسفوح مجروح گايدله ضعن كله جروح ردو عگب ... سبي الغرب ومتغيره الوجوه هواي ... من المصايب والبَله _____________________ طاحن ودايع فاطمه امن الناگه مشتاگه مـلّـتچـه على مشتاگه يم گبر الحسين الچبير افراگه وضل ينّثر ... اتراب الگبر بنعي العقيله اعله الروس ... وفوگه المدامع هامله _____________________ ونـةِ الثِـكالى بكربله مسموعه الچانت عليهن باليسر ممنوعه وحَلّ وكت نوح الفاجده المفجوعه راح الزجر ... ويّه اليسر وحان العَزه لذبح حسين ... ابلا منع من القاتله _____________________ لحدما هدل متن النعي من عدهن گـامـن وطشن عالذبحهم هَدّهن والهم غدن يحچن عله الضاهدن يم كل لِحد ... نشغة بُعد وكربله انترست شوغات ... واهات منّ العايله _____________________ يم گبر الاكبر تونّ ليله وتنحب وگلب الرباب اعله الجمر يتگلب يم جاسم البدره بدماه اتخضب وهناك أم ... تنعه بهضم عالما عبر ست اشهور .... وبنبله اصبح مقتله _____________________ وردن التمن والعقيله اوياهن واتوجهن للعلگمي بمبچاهن يم ابو فاضل گعدن بشكواهن گعدة حزن ... ونسوه توّن يم الكفلهن والروح ... متمرمره ومتعلعله _____________________ چم طفله ما بالقافله بهالجيه خوله وصفيه وعاتكه وارقيه ونشغة شريفه الماتت ومسبيه ابنات النبي ... بخيل وسبي ماتن وچم طفل الضاع ... بالفله ومارد لهله _____________________ حان الرحيل وللمدينه المسره هناك ام البنين بحزن متنطره اوياها العليله بگلب اصبح جمره لجية الضعن ... يتنطرن ومن الهجر معلولات ... وبحسين تشفه العله _____________________ سجاد الگريزي

رجوع الضعن الى كربلاء في الاربعين زينب والهجر يحسين ... غيّر كل معانيها اجت يم گبرك امن الشام ... تلگّاها يواليها خويه ... خويه ... حسين خويه تنادي وتشم تربتك فوگ گبرك دمعه دمعه ... طاحت المعتازتك من بعد سبي وهضيمه ... ردت الما عافتك اختك تره ... متغيره ... مـن المصايب واليسر جتّك كسر ... رايد جبر ... ياطب جروح ام الخدر بزينب شسوه اليسر وجروحه مشت عنك عالهزل مذبوحه امن المخيم للخرايب ويلي وحزنك امذبّل اخيتك نوحه ~~~~~~~~~~~~~~~~~~~ ردت زينب اوي الروس ... وضعنك راجع وياها لاچن بيه نقص اطفال ... ضيم الشام أخذاها ويلي ... ويلي ... اطفال ويلي ماتت بدرب السبي بين عاشورك يخويه ... وبين حبل الاجنبي من شريفه لحد رقيه ... انفگدت بضعنك عبي ردلك ضعن ... شابع محن ... واطفالك اخذاها الدرب مـاتـو قهر ... خيل ونظر ... ونـار وخرايب يـم غرب يـلـغريب وجـرحـك بدلالك بكل درب نيشان ضل لاطفالك انكسرت اگلوب الحجر والهزّل عـالدلال الـراح مـن اعيالك ~~~~~~~~~~~~~~~~~~~ يم گبرك يبو السجاد ... عليلك علّته الهضمه من گيد الحرم للشام ... صبر مامر على زلمه عينه ... عينه ... تشوف عينه چم هضيمه وچم صَدع ايصعّد بعلّته العلاوي ... عله النوگ بهالوضع والصبر تكليفه حته ... يسلم ويبقه الشرع منّ غربتك .. منّ ذبحتك ... ومنّ الحصيره بدفنتك شاف شكثر ... مرّ اعله مرّ ... ابنك عليل بفرگتك يشتم اترابك وتهمل عينه عالّيـ شافه ويلي الله يعينه الشام شامت بالّي جرحه افراگك والهضم مايبره طول سنينه ~~~~~~~~~~~~~~~~~~~ خواتك ياحصن مامون ... وبناتك يلچنت فيّهن اجنك والجروح اهواي ... الخوارج صار اساميهن غربه ... غربه ... حسين غربه كل بناتك والحرم بعد ذبحك يبو اسكينه ... وبعد ماطاح العلم لا هوادج ضلت الهن ... ولا كفاله ولا خيم منّ الحزن ... ردت تون ... كل حرمه الك متعلعله متغربه ... ومتعذبه ... الچانت عزيزه امدلله الصار بيهن بالنسه ماصاير ردن بكسرة اگلوب وخاطر نعن يمك والنعي يحسينهن أبد مايگضي اعله يوم العاشر ~~~~~~~~~~~~~~~~~~~ من يمك مشت يحسين ... زينب للـمسنـايه مشتاگه لگمرها الغاب ... راعي الجود والرايه يمه ... يمه ... اتنوح يمه وضيمها بسده انفرش الچانت بجود الكفاله ... تنروي بوكت العطش طاح وي الرايه املها ... والضياع امسه النعش بسد الگمر ... تنعه بقهر ... ياابا الفضل تندب اله بدمع ايغلي ... يابن علي ... شسوت يخويه كربله اتفرگن عباس خويه أيِدينّه وانذبحنه اعله الشريعه اثنينه چنت مدلوله بخيام اعيونك انحطت اگيود الشماته ابّينّه ~~~~~~~~~~~~~~~~~~~ سجاد الگريزي

لمولانا الحسن المجتبى صلوات الله عليه بليل المخاوف گلبي التجه لگلب الكريم وباب الرجه يم الحسن افكاري تصيح خل نمشي يمه نلگه النجه مشيت وگلبي سابگني اولا لاحه وهنّ وصلنه لكربله وگـلي هنا نلگه الحسن المهدوم گبره اوي الثره وما ينزار چي جده طه اوالده حامي الجار يم الحسين بكل وكت حاضر روح ويكرم وينثر رحمته اعله الزوار _____________________ عاده العزيز وغالي هله يوميه صوبه تگصد اله كل الأيمه لگبر الحسين تتوافد بدمعه لكربله حبيب الله واهل بيته محزوز الوتين كلها بحضرته تنعه وتندب ياحسين ملتقى ادموع الّيمِّه ( الأئمة ) گبر العطشان الصار لعلي والزهره بيت الأحزان ويلي المچان البيه غريب الزهراء يمه الحسن ينعه اعله فگد الخوان _____________________ گطع نياطه گلبي وهتف يبن الصميده وتاج الشرف صيرني شوغه وخادم الك ادخيل اعله عبدك لتغض طرف لذت يابن علي ابّختك أمّـن خوفتي تريد الدنيه من عيني تنزع دمعتي رادتني اعيش بلا بچي ولا عزيات وجيتك دخيل امن النفس والزلات ياخو العقيله وبيدك الحل والراي حرّزني من زلة القدم والشدات _____________________ جاباني لطفك من العدم بدونك اعيشن عيشة ندم للموت اريد اوياك الحياة وچتفي تدوسه اجدام الخدم لولاك بدرب مظلم اضيع وانتهي امروتك عمري اريدنه بيكم ملتهي بخدمة حسين ومجلسه خلني دوم وانعه اعله مكسور الضلوع بكل يوم واعله المشن فوگ الهزل مچتوفات الطم على وجهي واعيشن مهضوم _____________________ سجاد الگريزي

لمولاتنا عزيزة الحسين رقية ( صلوات الله عليها ) المستهل :- بويه هاي آنه رقيه ... الحاني طولي اغيابك أستحي أومي بأديه ... خاف ازيد اصوابك امدنگه من ثگل الحبال ... بويه لبنيتك تعال أستحي أومي بأديه ... خاف ازيد اصوابك ________________________ معتازتك شـبگـة فـرج ... مـن السـبي واگيـوده وطولي العله گد حَضنتك ... حانـي غيابك عوده بمتن الگمر مشيوله امس ... وراحتي شم اجعوده وشـالتني من غبتو الهِزل ... والدنيه صارت سوده واندبك يابويه وينك ... الحگ اعله الحايره وعالرمح لن شفت عينك ... من ذبحتك غايره يمن بجروحك رمال ... بويه لبنيتك تعال أستحي أومي بأديه ... خاف ازيد اصوابك ____________________ مدلوله بعيونك چنت ... وعن الشمس مستوره بـس طـلعتني ذبحتك ... مـن خيمتك مذعوره وكت العصر فوگ الجمر ... اسحگ صرت مجبوره خيل العده طشت ضعن ... عالنهر طايح سوره بويه ترچيتي خذوها ... وكل هدايا اچفوفك والـتحبهـا يسروها ... وراحت امن اطفوفك عالهزل راح الدلال .... بويه لبنيتك تعال أستحي أومي بأديه ... خاف ازيد اصوابك ____________________ يلـ منذبح حَدر الشمس ... ومتعوبه طلعت روحك رمحك عِلِه وچفنه گصر ... واشلون بويه انلوحك اتريد المناحه امصيبتك ... ومنعونه نبچي اجروحك وطول السبي بنعي الگلب ... ابلا صوت صرنه انّوحك يـا غـريب الغـاضـريه ... بسكته وَنّ علويتك وصار اسمها الخارجيه ... وإلها ترجع ريتك جيتك اتغيرلها حـال .... بويه لبنيتك تعال أستحي أومي بأديه ... خاف ازيد اصوابك ____________________ امن الكوفه للشام انتظر ... تفك حبلي من چفيني مرّ العذب بعدك صبح ... وبس شوفتك ترويني كل قصر كبرني هضم ... وآنه الثلاثه اسنيني وحد الصبر لهنا بعد ... وغمّض بجيتك عيني كافي هجران ارتجيتك ... خذني يمبچيني وادري ماتقبل حميتك ... عايشه اتخليني آه يضامي حملي مال .... بويه لبنيتك تعال أستحي أومي بأديه ... خاف ازيد اصوابك ____________________ بويه اوي جربةّ كـافـلي ... اتبدن اعليك ارسومي بحضنك چنت اغفه وصفه ... بگاع الخرايب نومي طيفك جِزه وصوتك بقه ... بـ اذني يگلي گـومي وراسك اجه وفكيت ادي ... وشبگتك صارت يومي خضبت وجهي بخضابك ... حته يكمل موتي شوگي موتني ومصـابك ... وسكن حِزني وصوتي الـ ( يمته ) ماتت والسؤال .... و ( بويه لبنيتك تعال ) أستحي أومي بأديه ... خاف ازيد اصوابك ____________________ سجاد الگريزي

لمولاتنا عزيزة الحسين رقية ( صلوات الله عليها ) المستهل :- بين الطشـت والرمـح ... طعم النفس منذبح وكل نظره تنزف جرح ... شوگ ومعاناة _______________________________ ارقيه آنه يلمالك صدر ...  عگبك متت چم موته من كربله لجية الطشت ... بنعت السبي منعوته والّـي يودعونه هـلـه ...  يصـيـر البچـي تابوته يفزّعمن وزجر العده ... يجاوب امناشغ صوته اعيونك لَمَن غَمّضن ... احبال وهزايل أجن چتفن وشالن ضعن ... من مصرعك فات _______________________ يلرحت بااحضان الرمح ... ومفتوح باب چفوفي عايفني انتظرك تجي ... اتهوّد اجروحي وخوفي عگبك صرت ورده بجمر ... والعطش ناره بجوفي ودرب السبي يابو علي ... ذبّـل اعيوني وشوفي عشت بوداعك قهر ... ما مار بويه ابّشر ‏ گلب التحبها انكسر ... وفيّك جزه ومات _______________________ بليل وطحت من ناگتي ... وحبل اليسر بيديه وماعدي صوت وينسمع ... ويدلي زينب بيه حاولت الحگ بالضعن ... بس عاندن رجليه عالجمر من گد مامشن ... عالگومه ابد مابيه بمچانه رمحك ثبت ... لجلي وتدور إجت زينب تردني اعتنعت ... لضعن الغريبات _______________________ لاحت الشام اعله النظر ... وضعنك دليله اتفطّر والهـزّل اعلينه بـچـن ... والصخر گلبه اتكسر ابنات النبي والمرتضى ... طبن الشام الأگشر يضمن وجهن مستحه ... وبچه العرش هالمنظر الچانن بخدر وستر ... ضاگن مرار اليسر وطبن يبويه بـ قصر ... متروس شمات _______________________ آخر خرابه امن التعب ... مجبوره غمضت عيني وبلكت أشوفك بالحلم ... مو منذبح تلفيني وشفتك ودلالي ابتشر ... اهلاً يلي امبچيني خذني بعد ماضل صبر ... بالدنيه لتخليني خذني تعب فرگتك ... وارقيه مشتاگتك وعمر وبلا شبگتك ... ماعيشه هيهات _______________________ سجاد الكريزي

يامولاتنا ياعقيلة بني هاشم مثل چف طفلك المحروگ گلبي اعليك يبن امي اتغير كلشي من بعدك حالي ومشيتي وأسمي وحيده ابلا أخو ضليت وبس اعليل ضل يمي يبن امي خذونه من يمك غصب واطفالك سبايه وتزجرها الغرب وتبچيك اعله هزله مكسورة گلب ضعنك خويه ضاع بضيعة خاتمك ومگطوعه الدروب وطاح امخيمك وصار ابلايه صوت امناشغ مأتمك _________________________ شيفك حبلي من چفي وچفك ضل عله الغبره وشيرد هودجي وعباس ذاك اعله الرمح نحره وياطعم اليضل بالماي وعطشكم بالگلب جمره يلچنتو علينه اخيام امن الستر ومن طحتو طلعنه نركض عالجمر واطفال الحوافر اخذتلي اشكثر وبيرغ فوگي يخفگ ويفييلي امس ولني اعله الهزيله وفوگاي الشمس ابلا هودج كفيل امن العين احترس _________________________ بدروب السبي وعيني مشبوحه عله اعيونك ويهتز من وجع گلبي يخويه من يهزونك شسوت فرگتك بيه احبال بأيدي من دونك وبالكوفه ندبتك ياغيرة علي كل حرمه امن اهلها اخذاها وِلي وبس انه اعاين مفگوده هلي ضل الـ بس ابوها حيدر باليسر ودخلت ياوسافه بعدك للقصر اتغير كلشي بينه من ذاك الظهر _________________________ من الكوفه حد الشام تعذب ضعنك بـ يسره لـيـل انهـار مشـونه بهضم وبزجره وبـعثره ولگينه الوادم امعيده بذبحك والنه متحضره كلشي بچف يخويه والشام اعله چف ينادونه الخوارج واحنه اهل الشرف وكلها اعيون شماته وماغضت طرف النظرات العلينه اسهام امسممه الشامي چي ابونه حماي الحمه يمدح خـويه قـاتـل امنه فاطمه _________________________ يبن امي بخرابه وليل غفت من الهضم بنتك وفزت من بعد لحظات تصيح اعليك رايدتك وجابو بالطشت راسك وصاحت ياهلا بجيتك مجتوفات اديها وتنحب لاگتك وغمضت من تعبها لمن شبگتك ارتاحت من اجيت اتعب فرگتك وماگامت اشوف اتحرك بالجِفن وصاحالي عليلك شيليها ويون ماتت فوگ ابوها ارقيه امن الحزن _________________________ سجاد الگريزي

لمولانا زين العابدين السجاد صلوات الله عليه واويلي مات العاش عمره امعلعل لذبح الحسين وزينب الصعدت تِل _____________________ ويلي اعله ابو الباقر حليف السجده بسم ناصبي انطر وتفتت چـبـده غمّض اعيـونـه والدمـوع ابخده عالشام والكوفه وجروح المقتل _____________________ دور الهواشم نايحه اعله مصابه والباقر ابنـه حيله هَـدّه اغيابه وبگلب سِكنه اخته چبير اصوابه وبصوت تنعه مو بـ نعي الهِزّل _____________________ تنعه اخته نعي الثاكله المفجوعه عالمات واعله حسين تجري دموعه وآثـار بيـده ورگـبتـه مطـبـوعه امن الجامعه ايلچمنه من يتغسل _____________________ عمره گضه وماناسي للطف لحظه شينسه علي الأكبر النوره اتشضه لو جاسم الّـ بالدم توضّـه لفرضه عاف العرس لحسين فدوه اتجندل _____________________ شينسه الكفيل الچان يروه بمايه ومن طاح ماضلت لهاشم رايـه لو ينسه عبد الله وسهم رمّايه بچف المنيه اگماطه مِـدّمي انحل _____________________ ماينسه حال حسين ظهر العاشر من ما إله ضل لا أخو اولا ناصـر ولِـ يمينه ويساره يدير النـاظـر متغرب وعطشان سبط المُرسل _____________________ وراح اعله ذبحه بشفته المتفطره وساعه واجت خيل العده من صدره وحِرگت خِيامه وعيلته متحيره طلعت اعله الهيمه بلا راي وحَل _____________________ ماينسه وگفت عَمِته اعله التله تشوف الأخو عالرمح راسه اتعله ولصوبها من يمه اجتها الهزله مشكوفه مافوگاها يستر مَحمل _____________________ وصعد عله الهِزل بأيده النِسوه وروحه اعله هالحال بهضم تتلوه بلوه ومثلها ماجـرت هالبلوه وحرمله شامت بيه وسفه وبَجّـدل _____________________ امن الكوفه للشام الغيور اتمرمر وسجن الخرايب گلبه منّه اتفطر فوگ الترابه يشوف نوم الخِـدّر الْـچّـان بعيـون الـكفيـل امـدلل _____________________ اشما مره ماي ايشوف بيه ارقيه ماتت عله حسين بعطش مسبيه عمره بـده بـ نـوح ولَـحَـد تاليه بـماتم عله الخده بدماه اترمّل _____________________ سجاد الگريزي

اللهم عجل لصاحب الثار الفرج ظهر عاشور الرزيه ... ذبّح انحور الحميه وحيره محتاره العقيله ... مرمرتها الغاضريه الصبح بين الأهل لكن مست من دون اهلها وخيول العده بطف كربله طشت شملها اختلف حته الهوه يمرمر صبح بعد الكفلها محتاره والوكت وي بت محمد مايل محتاره راح الحسين واخوها الكافل محتاره شكد هضم گلب العقيله شايل ~~~~~~~~~~~~~~~~~~ رماد خيمات الرساله ... والضعن ضايع دلاله وعالثره حسين وأخوته ... وعالجمر تركض عياله وحراير فاطمه شوك وجمر اصبح دربها وازغار الضعن خوف وهضم فطّر گلبها وراحلة السبط چف العده ويلاه سلبها مسلوبه آه واويلي الحسين اثيابه مسلوبه اخيامه صارت حصةّ النهابه مسلوبه وگلب المدلل چبير اصوابه ~~~~~~~~~~~~~~~~~~ الچانت امأمنه بخدرها ... امدللـه ومحد يمرها طلعت امن الخيمه للتل ... اعله الأخو يدور نظرها طلعت والخجل والمستحه ايعثّر مشيها علوية علي ادور اصعدت عالتل وليها وعيون العده اتعاين فرح ويلاه عليها محروگه وطرّت بمدمعها درب الحومه محروگه وطاحت اعله المنذبح مهضومه محروگه ويـم اخـوهـا بـت علي مالومه ~~~~~~~~~~~~~~~~~~ ويلي يبن امي تگله ... حالك بنص گلبي علّه ابيش اضمدلك جروحك ... وعدّي بس الدمع اهلّه ولا عـدك بگه سـالم عضـو يـابو رقيه صدرك والشمل بـذر انثر بالغاضريه لو بيدي اضل يمك عمر بس مو بديه مجبوره خويه اودعك ألم راح اعيالك مجبوره يجتف اجفوفي حبل چتالك مجبوره واصعد الهزله برحيل اظلالك ~~~~~~~~~~~~~~~~~~ ليل وجروح وسبايه .. وعالثره مطروحه رايه چـانو مأمنين بيها .. وطاح راعيها اوي مايه عگب فيّ الهِوّه اعله المشرعه اتغيّر وضعها لا والي بگه ولا من خيم تجمع دمعها وآمال الضعن فوگ الجمر ذبحو شمعها مذبوحه عيون چانت عالنهر مشبوحه مذبوحه كل اهلها اعله الثره مطروحه مذبوحه والضعن راح اليداوي جروحه ~~~~~~~~~~~~~~~~~~

يامولانا ياصاحب الزمان يبن الحسن دين اهلك بحيف اكشف الغيبه وجرد السيف يلكاسرك مشي المچاتيف بحبل اليسر فوگ الهزيلات يلمنحجب عـن كشفةّ العين وحاضر بكل شوغه عله حسين ويتحسسك گلب المعزين بجو المجالس تبچي ثارات الله يعينك يبن الاجواد اغيابك كلف يمرد بـ الِفّـاد لجروح اهلك سيفك ضماد يمته الوعد يابو الكلافات بـ ارض الحجاز اگبور الاجداد وكربله وطوس وأرض بغداد وسامره كلهن عله الميعاد يحسبلك وكل حَسبه حسرات يمته غليلك يشفه بالثار وبيتك يجاور حامي الجار مسجد السهله لجيتك بنار شوگ ودمع متروس آهات آهات فگدك تارسه الكون وبالشام عدك ناطره عيون ارقيه وسكينه وعمتك ام عون جيِتَك جبر كسر الغريبات ادخيل الله وادخيلك نناديك اقبـلنه خـدم لآثـار رجليك وعرّفنه يبن العسكري بيك ودگ الگلوب بدربك اثبات لذنه بحماك استرنه مولاي واجّذبنه الك ياصاحب الراي وامسح علينه برايتك هاي طلبتنه يلتگضي الثجيلات

لمولانا قمر بني هاشم صلوات الله عليه مجد حسين من مضامينه رب الكون خـالـق لعينه اعضيد وبيه كلشي يتباها وحط بأسه وقوته بيمينه بطل صارم صنديد و رسل تتمنه اتريد لون صارلها اعضيد ... أبو فاضل درع ويحامي الدين الحديد لسيفه يلين انخلق لعيون حسين ... ابو فاضل سرّ الله وناقله بـ اطهر ارحام لحدما صار بحجر بنت الأكرام بنت حزام انجبت لحسين احزام لـمحبوب الزچيه الحره جابته كشـاف لـكروبه وحامي عيلته من الله كفيل وساقي لزينبه ومن تزعل يفلّ اگماطه بزعلته _______________________ رابي بـ ظِل حيدره عوده وشَبَّ وشَدّ بالرِبه عوِده واستسقى افنونه واعلومه امن القالع خيبره بزوده كبر ولحيدر چان سَند ويصب نيران بحروبه اعله العدوان ... ابو فاضل ألـه تشـهد صفين العدو گسماه نصين لـ ( علي ) گراله العين ... ابو فاضل أبن الشعثاء گبل ينعد بـ الاف هوّ اوّلّده صفو عالگاع انصاف ابّصولاته ( علي ) وبالضربه انشاف مـلـثّـم للحرب طبّاها بهيبته والجيش ارتعد من هيبة سطوته بكل شامي ترك رجفات الرعب وتتبختر عليهم طـگـة يـمـنته _______________________ بيوم الطف عالي صمصامه خلّه الروس تِهوه لـجدامه لِـ جنهم سـفّـر القاده بصولاته نومس اخيامه غضب وبچفه الويل عالعادوه سجيل الفوارس عنّه تميل ... ابو فاضل ببو الحسنين موصوف جَسِر مامره الخوف الشهامه اعليه اطوف ... ابو فاضل صاعقة الحگ بدين الماله اشباه وتشهدله المشرعه شخلف بـ اعداه والجيش العـالنهر عـايب خـلاه ثابت وعله متنه يخفگ بيرغه لجهنم يرحله العن حده بغه واصناف الرجولة كلها بمعدنه والحومه تسميه فتاك الوغه _______________________ باب حسين ظهره واحزامه المتكفل بـ امـر خِـدامه كلنه ادخيل شارب الغيره وبـ زوده عاليه الهامه لون ضكانه الياس ولا نگصد للناس نروح لـقطب الباس ... ابو فاضل ندگ بابه وننخاه ويهلّيني بـيمناه ونطب بخيام احماه ... ابو فاضل ابّحر الدنيه الغرگ يندب عباس يحضرله بـشدته راعي النوماس ويعيش بكل وكت مرفوع الراس ولحسين ومصابه نطلب نظرته نستجدي المدامع من چف غيرته ومنصوبه المآتم بگلوب الخدم وماتبرد لونّ بيهن حط جمرته _______________________ سجاد الگريزي

لمولانا علي الأكبر عليه السلام علي من حان موته ... وصل لحسين صوته وداعاً بويه نـاداه ... وسكت كلشي بسكوته گصد ليه ... ويشهگ جيده ... ايريد وليده گصد ليه ... راد يلحگه ... گبل الفرگه .. گصد ليه بونّه وصلّه اعله ونّه ... ومن مهره طاح اعله أبنه ويشمه گـام بوريده ... ويفحص جروحه السبنّه يدوّر صبح ... باابنه النفس ويكلمه ... اولا چلمه ... ترد حيله حدما تعب ... گلب الأبو وضل ينعه ... ويسمّعه ... ويشكيله آه يلولد ... آه يلولد علي الاكبر علي الاكبر علي الاكبر ________________________ بزر حضنه ودلاله ... اوجه طه وكماله خذت حصتها السيوف ... من بهجة جماله ولا عاف ... سيف الحاقد ... حصه لوالد ولا عاف .. بصدره وظهره .. وطوله ونحره .. ولا عاف شمحلاها چانت مشيته ... وليل العباده بلحيته گـلـب الحسين وكيانه ... وروح النبوه بحميته وفچأه رحل ... وكسره ترك بحسينه ... وونينه ... اعله غيابه شبه النبي ... ضامي انذبح ومكسوره ... المعموره ... لمصابه آه يلولد ... آه يلولد علي الاكبر علي الاكبر علي الاكبر ________________________ يـم ابنه وجروحه ... مكسور وينوحه مَد طوله اوي طوله ... وبمنازعها روحه اعله التراب ... دمعه ودم ... ناصب مأتم اعله التراب .. والد ينحب .. وابنه مخضب .. اعله التراب الرحمه تلوع بـ ألمها ... ويدري الله بس بهضمها أكبرهـا فـوگ الترايب ... امگطع يويلي حلمها جوه الشمس ... صارو سوه تچويهم ... تاذيهم ... وايلاه ضامي الچبد ... گلبه انفطر عالأكبر ... واتكسّر ... مات ارباه آه يلولد ... آه يلولد علي الاكبر علي الاكبر علي الاكبر ________________________ مـات حسين گـربه ... اوگف من حزنه گلبه لچن من طلعت اخته ... وگف لتصدها غربه للخيام ... گام وشاله ... نعش آماله للخيام ... نگلة جدمه ... اتسولف همه ... للخيام بالخيمه مدد حبيبه ... وعالي اعله فگده نحيبه التمّن عليه العلاوي ... ضعن الله طاح بمصيبه وام الولد ... طاحت عليه مضيومه ... ومهمومه ... ومجروحه وزينب تون ... يم جثته لعلومه ... وارسومه ... المذبوحه آه يلولد ... آه يلولد علي الاكبر علي الاكبر علي الاكبر ________________________ مطرور نصين گلب الابو مطرور نصين اعله وليده الحسين ياكسرته اعله وليده الحسين يفرك بالايدين حسره اوّسف يفرك بالايدين وأم الولد هاي تنعه وتحن ام الولد هاي من شربة الماي ابني انحرم من شربة الماي مذبوح يرباي بسيف وعطش مذبوح يرباي ويم جثته عمته هدّت متن يم جثته عمته وارقيه اخته وسكنه تون وارقيه اخته ذبحو ضحكته ويلاه علي ذبحو ضحكته _____________________ سجاد الگريزي

لمولانا القاسم بن الحسن عليهما السلام يبدري ونور عيني ويـربـاي وحنيني يوليدي الحسيني يبن المجتبى اليوم يومك طشّر الگوم وذلّ ارگاب الخصوم لامة والدك هاي طبّ للموت عناي وارفع هامة ارباي ... يجسامي ولونّ أبن الزچيه يرد نحرك عليه أخذ هاي الوصيه ... يجسامي بچفوف الحسن مكتوبه لحسين يأذنلك تطب سوح الميادين اودعه وقبّل اچفوفه والمتون وتيسرّ للحرب ياناصر الدين ____________________ امن الخيمه انظرك يشع بالغيره نحرك شهم يالعالي گدرك حساب اسنين عمرك لچن من هو اليگدرك اولا فـارس يعبرك اريد حسينك يشوف شـمربيـه للطفوف فرّق جمع الصفوف ... يجسامي ومثل جدك بالحروب ترجف خلها الگلوب واقلع بيهم البوب ... يجسامي من طارف الخيمه شفتك بعيد تكرّ اعله الزلم واتجيب التريد وتشد شسعك لأنك تعرف بهاي يـهتم بكشخته الفارس الحيد ____________________ عجاج الحومه صارت وعليك الناس دارت وحيره الروح حارت ادورك يمه وينك انعصر گلبي لحسينك مشه لنبرة حنينك گصدلك مسرع بنار بسيفه ودمعه مدرار وانه اتنطر اشصار ... يجسامي لـنّ بجثتك راد آه ياجرح الاولاد رمح يمرد بالفّاد ... يجسامي الخفت منّه ييمه بطيحتك صار تزيد اجروح گلب الماإله انصار شفت حيله اوي دمعه اتبده فوگاك وحنه طوله عليك ويجري الاعبار ____________________ ينار بروحي تلهب ضوه خدك تسلب ردّ عمك تغرب ولا ناصر بگاله يهدّ الحيل حاله خِله عسكر رجاله ليمينه يصد والشمال خليات امن الرجال وتنوح بظهره العيال ... يجسامي انفرد من راح عباس وعليه امحزمه الناس تتاني لگطعة الراس ... يجسامي وحـان اوداعـه يمه وللـذبـح راح وعرفنه امن احترگنه اعله الترب طاح اوي عمتك جمعت الضعن من تاه ونعاين روسكم شالتها الارماح ____________________ سجاد الگريزي

لـ انصار مولانا الحسين عليهم السلام كلنه بحميتك يبن النبي المختار .. فضلك صنعنه وصار لاجلك صبحنه انصار .. قبلتنه عينك شيعه ونطيعك يابن علي وللموت .. يضل بينه عالي الصوت لحدّك منو اليّ يفوت ... واحنه بيمينك لا تطلب وآمر كلنه خدام نتنومس لوّن طحنه لـ وجودك ياهو اليوصلك ويمسّ الخيام واحنه دروع الضعون وجنودك أبابيلك وباچر شطرة الهام نخلي الجيش مشطور اعله مودك يلمقامك عالي واحنه ... نفتخر لمّن نخدمك لَمن ترضه يرضه جدك ... ويرضه ابوك وترضه أمك انخلقنه لطاعة امرك ... حرب حربك سلم سلمك تحت طاعة چفوفك ... اختبار الله بطفوفك ________________________ حجنه بركابك عام الله هذا العام ... البسنه الدروع احرام للحگ صبحنه احزام ... وانته شراعه اعوانك احنه اسيوفك نِهد ونبيد ... عدنه الحرايب عيد يجرالك الّي اتريد ... سمعاً وطاعه لحج رب السمه حجينه وياك ولبّينه نداء الله بـ نداءك بحميتك جينه يامولانا بحماك ويرخص دمنه ويطيح لدماءك شيفيد العمر يحسين لولاك فضل منك حضرنه بـ كربلاءك عذبّتنه بچلمة امشو ... والعده يردون نحرك الذله منّ نعيش بعدك ... العار لمّن ما ننصرك العزّه من نموت لجلك ... والشرف منّ نفدي عمرك وحقك ما نعوفك ... اختبار الله بطفوفك ________________________ لا مانعوفك مثلك نحصل وين ... لو ننذبح كل حين ونصبح وصل يحسين ... نبقه اعله دربك والموته وحده نختمها وي عيناك ... بروح ونفس نفداك دنيه وحشر وياك ... امشيّمنه حبك بيض وجوهنا خليتها اتصير من راويتنه بطفك وضعنه گبل لا غربتك تلفيك وتحير يطيح بعاشرك دمنه ودمعنه گبل لا عالترب لخيامك ادير عينك عالترب ذبحو شمعنه لوما غدر اعداك والله ... ولا نخليك بغربتك ولا خيامك ليها توصل ... نار واعله التله اختك ولا مداليلك ركضها ... عالجمر ادّور شبگتك وحوافرهم تطوفك ... اختبار الله بطفوفك ________________________ ظلمو مقامك ودمك جره واعيال ... ضلت بلا كفال ودمع الخلايق سال ... وربك بچالك وفيّنه عهدك ؟ يلمنذبح عطشان ... واعله الترب عريان وبـ اخيامك النيران ... تچوي بـ دلالك بقيت اتعاين اعله شمال ويمين گبل لا سيف ذباك يلوحك ودمنه ايفور من تندبنه يحسين واحنه ارواحنه الصعدت تنوحك طحت واعله المخيم داير العين تگوم وعثّرت حيلك جروحك تنظر السلابه نهبت ... اخيامك وكشفو سترها يلغمضت العين واختك ... حيره محتاره بأمرها ضعنك تلمّه بـ هضمها ... وحان عالهزّل سفرها وعلى رمحك تشوفك ... اختبار الله بطفوفك ________________________ سجاد الگريزي

لمولاتنا ام البنين عليها السلام المستهل :- من تاج الخدامه ... لربات الشهامه وصية ام البنين تطلب منكم امكم ... خل يصبح أسمكم خدام الحسين ~~~~~~~~~~~~~~~~~~~~~ لابد منها هايه ... وصيه وبيها غايه يولادي وطلبتي بيها مرضاة الزچيه ويْ حسين بسفركم ... ماريدن نظركم يغفه عن حبيبي امن المدينه للمنيه يرباتي وإلي حگ الربه ومنكم أريده طيحوله نحر حته افتخر يم الصميده .. و فاطمه لو ناده عليكم ... بس ( تامر ) حچيكم يليوث العرين يرخص لجله دمكم ... خل يصبح أسمكم خدام الحسين ~~~~~~~~~~~~~~~~~~~~~ يـلحيدر أبوكم ... لَتسمون أخوكم بااسمه ياعزوتي ... وسيدي بس بلسنكم هذا ابن النبوّه ... صيرو لتعبه تچوه طلگو الراحه لجله ... ولا يغيب بلحظه عنكم هذا ابن النبي وابن الوصي وثالث خليفه سيوفه وقوته بيكم تره بوجه السقيفه ... يارباي يـسيوف الأمامه ... أمّـنوله خيامه من غدر السنين ولضعونه وحرمكم ... خل يصبح أسمكم خدام الحسين ~~~~~~~~~~~~~~~~~~~~~ يبني ياابو فاضل ... يامن لـ اخته كافل ظللها بحميتك ... وانته ابن حامي الحميه يابدر الهواشم ... بـ احماك الفواطم محروسه بعيونك ... وبـ أديـك الحيدريه يلّما تنـلـوي وچفـك گوي ... أهلك بـ امانك لو لاح العطش گلب الضعن .. اسگي بحنانك .. بالضعون الهودج عدله بيدك ... احزام حسين اريدك گرلي بهاي عين وعالّـكل فيّ علمكم ... خل يصبح أسمكم خدام الحسين ~~~~~~~~~~~~~~~~~~~~~ بيكم يمه أفخر ... عثمان ويجعفر ياعبدالله گلبي ... منكم يريد البشاره بالطف خلو اثركم ... ولحسين بمنحركم قربانه وفداءه ... انذبحو يولادي الغياره ماريدن نحر لا چف يضل ... لا هامه تسلم ماريد العدو يوصل الى ... حد المخيم ... والحسين يم أهل المعالي ... خلو راسي عالي طيحو مذبحين وينزف غيره دمكم ... خل يصبح أسمكم خدام الحسين ~~~~~~~~~~~~~~~~~~~~~ سجاد الگريزي