الشاعر احمد رزاق الأعرجي

https://youtu.be/iUVmpFxEPwg?si=AQ1cU0RRF4y75AiR

https://youtu.be/MoLLgEZNYrU?si=KG8mTGgV35xEGpgM

لمولاي عبد الله الرضيع «عليه السلام» لسان حال الرباب «ع» ••••••••••••••••••••••••••••••••••••••• ضليت أهز بالمهد ثاري المهد خــالـــي عـود ارد أنـيّم الـولـد موجود حسبالي ** ** لمن أجاني حـسـين وشـفافـه متـفطره شاف الـولـد تـعبـان طـاح وحِـنه ظـهره صـار العـطش ينشاف بعيـونه ياحـسره ودمـوعـي تـنــزف ألــم وانـهـدمـت آمـالــي عــود أرد انــيـم الــولــد مـــوجــود حسـبالي ____1______ شـاله بـچفوفه حسين والدمعه بعيونـه گــال آخــذه ويـّـــاي بـمـيـّـه يـسـگـونـه فــت العـطـش گـلــبـه هـلبـت يــروّونـه شــفـت النـحـر بـي دمــه گــام أيــتـراوالــي عــود أرد انــيـم الــولــد مـــوجــود حسـبالي ____2______ شوغات احس بالگلُب ودموعي تچويني وعـيونـي عـالــكـاروك نظـراتــه تـآذيــني صـار الـمـهـد خـالي وشـيّب رمـش عيني لـعــيـونـي صــار الـدمـع بـفـراگــه يـحـلالي عــود أرد انــيـم الــولــد مـــوجــود حسـبالي ____3______ طبع الـطفل لو نـام يـغـفه على الچلـمه لــمــن تـلـولـيـلـه وتـحـضــنـه وتـشـمـه مـايـغـفه بـالـكـاروك يغفه بحضن أمــه وحــضـني بـلايـه حـضن مـشــتاگـه لـلـغالي عــود أرد انــيـم الــولــد مـــوجــود حسـبالي _____4_____ مـثل الـورد يـا نـاس مـتبـدي كـل عـطـره عبدالله بالطف عاش غافي بحضن طبره والسـهـم كـلــش حـار و يـگــطّع بـنـحـره ضـاگــت عــلــيّ والـحـزن خـيّـم عـلى بـالي عــود أرد انــيـم الــولــد مـــوجــود حسـبالي ____5______ شحچي بعد ياناس والدمعه مذبوحه وعيني على وليـدي ماتغفـه مشـبوحه كلـمـن جـمـع ولـده ونـيّــمــهم بـروحه بــس آنــه ابنـي ابتـعد غـافـي بـرمـح عـالي عــود أرد انــيـم الــولــد مـــوجــود حسـبالي _____6_____ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448هـ لمولاي علي الأكبر ( عليه السلام ) أبني راح... والعطش تارسها عينه أبني راح... اگبالي ابني مگـطّعينه يُمّه يالزهرة تعاي... طايح الاكبر رباي مگطّعينه يُمّه يالزهرة الحزينة... اتعني من ارض المدينة وشوفي حالي من الخيم صوته سمعته... صاح ادركني ودركته اوليدي غالي المسافة امــــــــــن المخيم حد وگعته شگد طويلة وحيلي ذابل وابچي سكته يُــمّه شحچيلج الأكـــــــبر مــن وصلته وصل صاير وبحــــــصيرة وگـــوه شلته أبني ذاك... الأكبر اشچم قطعة صاير أبني ذاك... هــــــيل واتطشه البواتِر شلون شدّة يُمّه هاي... طايح الاكبر رباي مگطّعينه ــــــــــــــــــــــــــــــــــــــ1ـــــــــــــــــــــــــــــــــــــــــ شما اريد احمل اوليدي... تطيح قطعة يُمّه بيدي وامشي واعثر والشماته تحيط بيه... صوتهم أسمع اليه هذا الاكبر يضحكون وابـني بــــــچفوفي يـَيُـمّـه شلون اوصل للخيم عن اختي اضمّه اوليدي لو هالحالة شافت ويلي امّه قبل لا تـــوگع اظنـــها ليلى تعــــمه خطوة خطوة... امشي وامگطّع حلمنه خطوة خطوة... خـاف لا اوصل خيمنه انخلط دمه بدماي... طايح الاكبر رباي مگطّعينه ــــــــــــــــــــــــــــــــــــــ2ـــــــــــــــــــــــــــــــــــــــــ اتراب والدم بجبينه... والحجاره أمأذيه عينه يامصيبة اليشبه الجدي محمد... وصل صاير الله يشهد يالحبيبة ابني بـــچفوفي حمــلته ودمّـه سايل يمّه شوفيني تــعــــــالي طولي مـايل شما تصدله عيني اصرخ يا ابو فاضل امگــــطّعين ابني مثل ذيـچ الرسايل يُمّه وينچ... حالتي صعبة ورهيبة يُمّه وينچ... شيبتي بدمّه خضيبة شايل بحضني ضواي... طايح الاكبر رباي مگطّعينه ــــــــــــــــــــــــــــــــــــــ3ـــــــــــــــــــــــــــــــــــــــــ شلون امسح يُمّه دمّه... خاف امسحنّه وألچمه جروحه كثرة ورمل غافي وسط عينه... گلبي ياهوّه اليعينه شال جمرة يُمّه يـــــــالزهرة احس حيلي تهدّم من صرت كلش قريب اعله المخيّم طــــولي دم وشايل ابـني سابح ابدم مابقــــى بــــي كتر سالم حتى ينشم بأنتظاري... خيمة خيمة بأنتظاري بأنتظاري... شلون اخفي انكساري رحت وبيا حالة جاي ... طايح الاكبر رباي مگطّعينه ــــــــــــــــــــــــــــــــــــــ4ـــــــــــــــــــــــــــــــــــــــــ زينب بيها حال اجيها... ومنهظم انظر عليها وطولي مايل وامّه لو لاگتني ليله... شلون دمعي ما اسيله وحيلي ذابل شـــايل أبأحضاني أحزاني الچبيرة أبني الاكبر جبته للخــيمة بحصيرة صحت وينك خوية يا بدر العشيرة حسين گلبه شايله بهاي المسيرة يُمّه يُمّه... صحت عالي الصوت يمّه يُمّه يُمّه... شصار شــوفي بأبو اليمّه حيل خانگني هواي... طايح الاكبر رباي مگطّعينه ــــــــــــــــــــــــــــــــــــــ5ـــــــــــــــــــــــــــــــــــــــــ اخيامي لمّن أوصلتها... والحرم دارن شفتها وصدمة صارت دخّلت ابني الخيمنه... وأُُمّه صاحت ياحلمنه وهيه طاحت تگلّه يــبني مغيرات شگد ارسومك ليش يوليدي الدمه صابغ اهدومك ياعــــــلي أتمنيت يومي قبل يومك ولا أشـــوفن حالتك يبني واعلومك حسرة حسرة... أم الأكبر تبچي من دم حسرة حسرة... وأطــلعت من المُخيّم يمّه تصرخ ياضناي... طايح الاكبر رباي مگطّعينه ــــــــــــــــــــــــــــــــــــــ6ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448هـ لمولاي القاسم بن الحسن ( عليه السلام ) نزلة جسّام جسّام ... الغيــرة عنوانه جسّام جسّام ... داخل الميدانه عالحومة طوفان ودخـــل من يكدر يردّه سيفه بچفوفه ابن الحسن برگابهم حدّه كشخة سمه ياهيبته ما واحــد ايحــــدّه عالروس نازل كالــمطر من يكدر ايعــدّه ضرغام ضرغام ... ماتطـفي نيرانه جسّام جـــسّام ... داخل الميدانه ــــــــــــــــــــــــــــــــــــــ1ـــــــــــــــــــــــــــــــــــــــــ شاهين بالصيدة كلف والحومة بي تحله بين الكتايب چن علي عيّـــــشهم الــذلّة سبعين الف گدامه لكــــن شافهــم قـلّه كشاخ حتى بالحــرب رتّب شِـــــسع نعله مقدام مقدام ... والـــخيم قرآنه جسّام جـسّام ... داخل الميدانه ــــــــــــــــــــــــــــــــــــــ2ـــــــــــــــــــــــــــــــــــــــــ طشّ الجماجم والزلم گدامه تـــــترادم بثيابهم سيف ينظفه ويرد طــــــالب دم صرخات فرسان العدو وصلت للمْخيّم الجيش يرجع ليـــــورا وجسّام يـــتقدم صمصام صمصام ... مايخطي نيشانه جــــسّام جـــسام ... داخـل الميدانه ــــــــــــــــــــــــــــــــــــــ3ـــــــــــــــــــــــــــــــــــــــــ اذا الســــــــماءُ انكــــــدرت ســيفه يرتّلها عشرة اعله عشرة اتشاردو وارواحهم تلها سواهـــــــا جـــــسّام وگلب عاليها سافلها چـــــنه علي فرسان جاسـم سيفه جندلها رسّام رسّـــام ... ونـحـــور الوانه جسّام جسّام ... داخل الميدانه ــــــــــــــــــــــــــــــــــــــ4ـــــــــــــــــــــــــــــــــــــــــ زلزل الطف بهيبته ابن الحسن جاســم سيفه نزل آذان چن عن الرگب صـــايم تتسآل بخوف العدا هذا منو الـــــقادم جسّام هذا لو ابو فاضل كمر هــــاشم هـمّام هـمّام ... والموت بالحانه جسام جسام ... داخل الميدانه ــــــــــــــــــــــــــــــــــــــ5ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448هـ لمولاي القاسم بن الحسن ( عليه السلام ) يالقاسم تروح... للمــــــنيـة هذا همّك بلسم الروح... وترجع امخضّب ابدمّك گد ماعزيز اعليّه... انطيتك الوصيّة يبني يبني ياعـــــــزيز امّك يـــجاسم خل اشوفك وخل اشم صدرك وخليني اطـــــــوفك اوصيّة خلّالي الحسن توصل اچفوفك هذا يومك والحرب تطـــلب وقـــوفك أحسب أيام... الساعة الشدة العصيبة واحمل آلام... هـــالوصيّة شگد رهيبة من الحسن اليّه ... انطيتك الوصيّة يبني يبني ــــــــــــــــــــــــــــــــــــــ1ـــــــــــــــــــــــــــــــــــــــــ ألحسن كاتب وصـــــيته في زمانه وقدِّماها يبني جاسم بيـــدي آنــــه وگال أحرصي عليها يارمله بلسانه والحـــمد لِلّه وصـــــلت هالأمـانه لامّتك هاي... الحومة تنتــظرك يــــجاسم حسين مولاي... گلّه جندي احسبني خادم روحك اله هدية... انطيتك الوصية يبني يبني ــــــــــــــــــــــــــــــــــــــ2ـــــــــــــــــــــــــــــــــــــــــ لو يِرَجْعك عــمّك أتوسل العمّك گلّه أموت اتگــول لو ردّاك لأمّك كون ترجع يبني متخضّب ابـدمّك حتى دنيا وآخره اتنومس بأسمك يبني جسّام... أتـــــوكّل اعله ونـــــبــيّه شد الأحزام... وطيح طيحة حـــــيدرية واستقبل المنية... انطيتك الوصية يبني يبني ــــــــــــــــــــــــــــــــــــــ3ـــــــــــــــــــــــــــــــــــــــــ يسوى صوت الدنيا ياجسّام همسك ياعزيز أمّــــك والأحسين المدرسك حنّتك من دم وريـــدك تدري نفسك الشــــهادة راغب الها چــنها عرسك طيـــح عالگاع... وأرســـم بدمك قصيدة ارباي ماضـــاع... أبني عرّيـــــس العقيدة من الحسن بقيّة... انطيتك الوصية يبني يبني ــــــــــــــــــــــــــــــــــــــ4ـــــــــــــــــــــــــــــــــــــــــ كـــــون يوليدي تــــرد وجهك امعفر وللـــخيم طولك يـــــرد لكن أمــوذّر حسين كون يجيبك النه وثوبة أحمر مثـــــــل ماشايل اوليده علي الاكبر يومك وحـــان... الـبس الروح اعله درعك ادري عطشان... وحيل ماظل حتى اودعك والنار تسري بيه... انطيتك الوصية يبني يبني ــــــــــــــــــــــــــــــــــــــ5ـــــــــــــــــــــــــــــــــــــــــ أسمع اتگلّي ييُمُه الموت محلاه رايح أستشهد واطيح بدمي الله يمه اعذريني اذا ما صــحت يـمّاه آخر حچاية اصيحاً ياحـــــــسيناه عفية أبني... وآنه اصيح وياك وأصرخ عفية أبني... الــــــراسه للذلة ولا طخ دمك ألي هويّة... انطيتك الوصيّة يبني يبني ــــــــــــــــــــــــــــــــــــــ6ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاي أبا الفضل العباس ( عليه السلام ) بعيونه الــــخُلود .. من يتعب يزود جود ابمتنه جود .. عـــباس الكمر هد مثل الضوه ابسوحه روحه اتـــــباهت ابروحه راسم احــلى اطــــروحه بعيونه الخلود يم اخيامه.. شاطي وبسمه.. يامحلى اسمه عباس الراية بزوده.. فوك ازنوده.. وافــي اوعوده عباس الحومة سيد اعليها .. بســـم حسين يبديها الزلم گدامه يطويها .. ايرجعها ترب حار وحيّر الشافه .. شذر عرش الله بچتافة تشبه علي اوصافه .. قــــتّال العرب ((سجيل اعله العسكر سيفه)) عباس الكفيل.. آية امن الجليل للــــخوّة دليل.. عــــباس الكمر بالـــطف يتـــلوا آيـاتـه ساقي وحامي خيماته تگطر غــــــيرة نظراته بعيونه الخلود ــــــــــــــــــــــــــــــــــــــ1ـــــــــــــــــــــــــــــــــــــــــ طب عالشاطي.. ناره بســيفه.. ياخـذ حيفه عباس رف الـــــراية.. وانــطه حجايه.. دگ الثـــاية عباس الفكّر يوگــف اكباله .. يطيّح گلبه واعگاله زعل والزعل يحلاله .. قـــــــرآن الخيم روس الگاع فارشها.. تبغتر والزلم طـشها من الركض عطّشها.. ومن خوف وألم ((واحد عباس ابلا ثاني)) شــــــيّال اللواء .. زلـــزل كربلاء يفــعل ما يشـاء .. عباس الكـمر أبأذن الله ابو فاضــل بيده يعدل الـــــمايل غاضب بالحرب عاقل بعيونه الخلود ــــــــــــــــــــــــــــــــــــــ2ـــــــــــــــــــــــــــــــــــــــــ حلوه اعلومة.. شيخ الحومة.. ذل اخصومه عباس طر الــــبيده.. والكل صـيده.. عاشـت ايده عباس مطر ما واحد ايعده ... ضوه بسرداب بالهده اليسطره ينمحي خده ... چفه صارمه جماجم يسحگ عليها .. وللبــــــرزخ يــــودّيها عذاب الطف نزل بيها.. وناره مضرمة ((شد الثامه عباس وهد)) ينادي بكل ثبـات.. أخي سر الحياة ما هــــم للفرات.. عبـــاس الكــمر ضامي ومرتوي بفـعله ومـــــن ايطيح عالعلّه امام الحب عليه صلى بعيونه الخلود ــــــــــــــــــــــــــــــــــــــ3ـــــــــــــــــــــــــــــــــــــــــ عم السادة .. راعي الغيره .. سيفه ايديره عباس اليشرد لاحه.. خزرت عينة.. تچوي الشافه عباس عباس الحرب عيده.. صياد ولــگه الصيده يسوي بكيفه ليريـده.. منو يمنعه منو؟ رف الراية واتبغتر.. بمشيته مشية اغضنفر صاح انه ابن حـــيدر.. يـــــتفاخر كفو ((حلوه اعلومة عم اسكينه)) ثائر عــالطــغاة.. ميهاب الممات خط اعله الفرات.. عباس الكمر بسم الله خطـــــاها والفرســـــان لاگاها موت الفجأه راواها بعيونه الخلود ــــــــــــــــــــــــــــــــــــــ4ـــــــــــــــــــــــــــــــــــــــــ الجيش اگباله.. حار بروحه.. منهو ايلوحه عباس عالي ويسطر.. نوره ويبهُر.. روس ايطشّر عباس الكتايب سيفه دمّرها.. دم ماكو بمناحرها الصفوف بصولته طرها.. عباس الشهم امرادم خيل بالحومة.. والخــيّاله مهزومة من الواضحه اعلومة.. منّه والـــــــنعم ((طر الشاطي مثل العسكر)) كاتب عالسـنين.. فليحيا الحسين اربـات ام البنين.. عـــــباس الكمر عذب بس يگطر مــلوحه كاتب من دمـــه اجروحه ابو اليمه اغلى من روحه بعيونه الخلود ــــــــــــــــــــــــــــــــــــــ5ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاي أبا الفضل العباس ( عليه السلام ) (( گــــــعـــــدة )) قادم... عازم... للشاطي العباس طشّر روس القاده قادم عـــمّ السادة للشاطي العباس واحد امن جيوش اميه نـــــاده والخوف بجبينه برق من خيمة حســـــين انظر ومتـــوجّه علينه بيده لا مـو سيف اشوفه الصاعقة شالـت يمينة خزراته تسبگ كل ضوه بمــتونه جــــوده واللوه شما گرّب ايضيگ الهوه گلوبنه ترجــــــف وادينه جمرة... اموجره... نظراته اعله الجيش سيفه يريد مراده قادم عــمّ السادة للشاطي العباس ــــــــــــــــــــــــــــــــــــــ1ـــــــــــــــــــــــــ جيش اميـة عشـب يابس وابو فاضل نار كبره دخل ما بين العساكر واليسـطرة يطيح نحره درع ما لابس الكافل گلبه خلاه فوگ صــدره شق الصفوف بكل عزم واتبدّت اگـــــباله الزلم شجـــــعان مـــنّه تنهزم وچفه يلهب مثل جمرة قائد... واحد... طيّح روس هواي فارس مثل اجداده قادم عـــــمّ السادة للشاطي العباس ــــــــــــــــــــــــــــــــــــــ2ـــــــــــــــــــــــــــــــــــــــــ الجيــــش كله يريد مهرب من ابو فاضل اجاهم حصد روس القاده سيفه ومثل حنطة طشراهم همّه ليل وابو فاضل شــــمس ظـهـــرية اعتناهم محد كــدر ينظر الـــه جيدوم زلـزل كــــربله والسيف بچفوفه حله مــوت احمر هاللفاهم قاهر... كاسر... محد يدنه احذاه موت وحل ميعاده قادم عمّ الســــادة للشاطي العباس ــــــــــــــــــــــــــــــــــــــ3ـــــــــــــــــــــــــــــــــــــــــ وصل للشاطي برهاوه وملى جوده شبل حيدر والكتايب كلها صاحــت هذا هو الموت الاحمر وگف عالشاطي وتبــــغتر والعــــــدو لـونه تغيّر خله الزلم كلـــــها اتعثر حي الله چفين الكـــمر حط جوده وانشق النهر والعدو گبـــــاله تبـــعثر كافل... شايل... عــزريل بيـمناه موت اعله اليتماده قادم عــــمّ السادة للشاطي العباس ــــــــــــــــــــــــــــــــــــــ4ـــــــــــــــــــــــــــــــــــــــــ هذا تربات الــــصميدة والحسن عــاش بوريده المجتبى مغدي شجاعة والبطولة من الصميده والحسين بدمه يـــسري والحرايب هاي عيـده كافل الحره بهـــيـبته خله الشريعه بجربـته لعين الخيام التــانـته بگلبه أيمان وعــقيدة اجروحه... بروحه... بس ما دنگ راس الهيبة الهم عاده قادم عـمّ السادة للشاطي العباس ــــــــــــــــــــــــــــــــــــــ5ـــــــــــــــــــــــــــــــــــــــــ بيت المصيبة : عالنهر طاح ابو فاضل والســــــهم صوّبــله عينه وطاح جودة وجيش أمية بكل جهاته امحاوطينه شلون يحمل جودة بيدة وعالترب مگطوعه ادينه راسه بعمد ويلي انهشم تفكيره ضل يم الخيـــــم بس ما صرخ مــن الألــم صاح بـــس يابو سُكيـــنة ــــــــــــــــــــــــــــــــــــــ6ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

لأنصار الحسين ( رضوان الله عليهم ) '' بوصلة الحب '' بوْصَـلَةْ الـحُب ... لأصـحـاب العــشگ گلبـك يحـسين ... ايدلّي اعله الصدگ الْحُر دلّيـتـه ابنظـره يابوصلة الله الكبره لأصـحـاب الـعـشـگ يمـدلـلّـنه ... وامـدلّيـنـه أحـنــه انـصـارك وخِـدّامـك إشْـهـد ياقبلتنه ... وياراحـتنـه الما يمـشـي بـطريقـك گلبـه أسـود ألْحُر ضايع .. ومن دليته يـم گـلــبك حِـمـل گــلــبـه وتــودّْد باب الرحمة ... عيونك نعمة وهـاي النعـمة بـالــعالـم مــتـنــعـد تنطينه الماي ... وبشفتك عطش حبك بالروح ... يـالـغـالـي نِـقـش الحب بس لابن الزهره يـابوصـلة الله الـكـبـره لأصـحـاب الـعـشـگ ــــــــــــــــــــــــــــــــــــــ1ـــــــــــــــــــــــــــــــــــــــــ تنظـر ليـنه ... وتحـضـن بـينه حــنّـيـتـك مـثـلـهـا تـحـصـل مـنـيـن شيبك لاحك ... لأجل الصحبه لا تـهـمـل دمــــع نـــهـمـلّــك الــعـيـن آمــر وانـظر ... شـوف بعـيـنك هالسبعين ألـف نـسـحـگـها يحـسـين وكت الـشدّه ... الحـيل انـشدّه ونــفـديـلـك مـــنـاحـر والـوعـد ديـن حـد الخـيـمات ... مايوصل بشر انـصـارك سُـور ... يـحـزام الظهر واحدنه ايقدّم نحره يابوصلة الله الكـبره لأصـحـاب الـعـشـگ ــــــــــــــــــــــــــــــــــــــ2ـــــــــــــــــــــــــــــــــــــــــ وجهك مصحف ... يا ابو اليمّه وآيــات الـوفــة بــعــيـنـك قـريـنــه شوذب يمّك ... روحه ارتاحت وأسْـلـم بـالـگـلـب فـايـض حـنـيـنـة ونافع ناده ... وعينه بـعيـنـك دنـــيـانـه بــحـر وانـتـه الـسـفـــينـه العالم هيمة ... وچفّك خيـمة ومـو دم بيـنـه حـبـك يـسري بـيـنـه نفدي الأرواح ... يانبض الگلـب سيف بيمـناك ... أحـنه بالحرب ورايات الحق للثورة يابوصلة الله الكبـره لأصـحـاب الـعـشـگ ــــــــــــــــــــــــــــــــــــــ3ـــــــــــــــــــــــــــــــــــــــــ يــانـور الـله ... وكهف الصحبه يـالمـنطـيـنـه بــالحـب أحـلـى واهـس حبك جـنـّه ... العـابـس جـنّــه ومـو بـس وحـده صـرنـالك عـوابـس وابْنَ مُظاهر ... روحه بروحـك شـيـبـــه وصـارت بـجـنـح الـنــوارس وابـن القـيـنِ ... ينـظـر وجـهك يـســتــشــهــد يـريــد وگـلـبــه لابـس ودموعه تطيح ... لعيـونك تـره ايـگــلّـك ويّــاك ... دنيـا وآخـره جرح العاشگ مايبـره يابوصلـة الله الكبـره لأصـحـاب الـعـشـگ ــــــــــــــــــــــــــــــــــــــ4ـــــــــــــــــــــــــــــــــــــــــ يدعي الربّـه ... وهـب اتشـوفه عــازم عـالـشــهـاده أمّْـن يُـجِــيــبـه تـارك عرسه ... وفـرفـح گـلــبه مـحـبـوب وحِـجـز گلـبـه الـحـبـيـبة حسين بروحه ... ويسري بدمّه وحــسـيـن بـرگـبـتـه مــو صـلــيــبه الحـب حـچـاية ... وگلّـك بيـها اليـسـتـشـهـد الـك طـاهـــر حلـيبــه آمِر يـحـسـين ... ناده جون الك سيـد عـالكون ... ربّـك جـاعِـلك الينصركم يكبر قدره يابـوصلة الله الكبره لأصـحـاب الـعـشـگ ــــــــــــــــــــــــــــــــــــــ5ـــــــــــــــــــــــــــــــــــــــــ تعـْلم بينه ... ياصاحبنه تـشـبه شـيبــتك عدنـه الـضــمـايـر يـمـعـلّـينه ... ومــعلّـمـنه لــوجـه الله قـلـيـلـه هـــالـمـنـاحِــر بس ارخصـْنه ... للحومة انطب وگــدّامـك نِـدوس اعلـه الـعـسـاكِـر خـل نـذّبـح ... خـل نـتــوذّر ويــسـلم گلبـك انـت من الـحـوافِـر لعيـونـك مـاي ... نـصـبح للـخـيم ونتمنى هواي ... ميجرحك سهم كل واحد حازم امره يابوصلة الله الـكبره لأصـحـاب الـعـشـگ ــــــــــــــــــــــــــــــــــــــ6ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لساداتي أنصار الحسين ( عليهم السلام ) حبك عقيدة... واجمل قصيدة... مُنزله انصارك احنه... انــت رِبِـحـــنه... بكربله ياشاغل كل عقل الدنيا ومابيها لعيونك يحسين الروح انبدّيها بكربله عــــقيدتنه نــتـبــعــك دوم مو وكت النفاها وياك أجه وگت الـــشدد يحسين وبالشدات عد عيناك هاي الصحبة بيها الخير الصحبتك رايده الأملائك وگـــــــــت الموت ثـق بالله نطيح اگبالك ونفداك غـــــير انت جنه... وگــــلّك محنّة... يالضوه أنت الحــــــقيقة... والــحق طريقه... بـنينوه والله اصحابك توگع گبلك تلگيها لــــعيونك يحسين الروح انبدّيها ــــــــــــــــــــــــــــــــــــــ1ـــــــــــــــــــــــــــــــــــــــــ بس آمـــــر ينور العــــــــين نهد عالموت مانهتم يمعلمنه نفدي الـــــروح حــتى الـــــدين مايُهدم طــــــريق الله يــريد اخلاص ومنـّك احنه نــتعلم يـــبن الزهــــــــرة صلى الله علـيك وآلك وسلّم بــــــــيك الــبداية... وأجــمل نهاية... تبتدي شــــــــاغل فكرنه... وملهم صُبرنه... سيدي صحبانك الله الهاليوم امسوّيها لعيونك يحسين الروح انـبدّيها ــــــــــــــــــــــــــــــــــــــ2ـــــــــــــــــــــــــــــــــــــــــ الحج هاي السنة مبرور وسعي مشكور مولانه لبسنه احرامنه وطفناك يـبـيـت الله ويـبـيــبانه شفنه حتى جـــــــــبرائــــــيل نازل مُحرِم ويـانه الصفا والمروة خـــيماتك وسعينا وبعنه دنيانه المصحف قــرينه... وبيك ابتدينه... بكل ثـقة نـــوگــع ضحــايه... رحـلتنـه هايه... شــــائقة محله الموت وياك أولها وتــــاليـها لـــعـيونك يحـسين الروح انــبدّيها ــــــــــــــــــــــــــــــــــــــ3ـــــــــــــــــــــــــــــــــــــــــ الگلب فوگ الدرع مشدود خطوتنه اعله خطواتك شيبة شيبة كلنه نـــــطيح قبـل لـــتطيح خـيماتك ضوانه الله من ســـــوّاه أنـــــخلق من نور شيباتك لا صحــــــــبة كأصحابي گلـــــتها وصـــــرنه آياتك صاحب قــــــيادة... اوياك الشهادة... كالعسل نمشي اعله دربك... والله نـــــحبك... ابلا ملل رووس العادوك أحنه اندوس اعليها لعــــــيونك يـــحسين الروح انبدّيها ــــــــــــــــــــــــــــــــــــــ4ـــــــــــــــــــــــــــــــــــــــــ دربك ندري بي اخــــــــطار واتحــــــزّمنـه للأخطار علّمنه الحسن نكرم مــــثـل مانــــكرم الــــخُـطّار هلا بالموت يا محلاه دفاعاً عن أبــــــــــــو الاحرار أنصارك يبو السجاد وغيرك والله مــــــــــــا نختار ياحُـــــبـنه الاول... بغـيرك منقْبل... يالمُهم أشهـد عـلـــــينه... أنـــت ولــينــه... يالشّهم ماهمنه الموت بكل حُب نحـچيها لـــعيونك يـــحسين الروح انبدّيها ــــــــــــــــــــــــــــــــــــــ5ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لساداتي أولاد مسلم بن عقيل ( عليهم السلام ) قصّة احزان... لثنين اخوان من أرويــها ... اتأمّـــل بيها أتوضه بدمعك من احچيها ارويلكم قصة حـزن عـليها الــتعــب متناثر لثنين أخوه من العطش جف الدمع بالناظر اولاد مــسلم يا خلگ الــدم علــيهم دايــــر شافو حسين بكربله يرفس ابصدره الحـافر اشگد مجروحين ... شگد مهظومين بعــــــــمر الورده ... عاشـــــــو شِدّه الـــواحــــــــد بـــــيـــهـم دم بـــخـدّه ــــــــــــــــــــــــــــــــــــــ1ـــــــــــــــــــــــــــــــــــــــــ هجّو بصحره امن الخيم نيران حاطت بيها وزينب اتطفّي والجمـــــر يـــتلاهب برجليها اچبيرة هاي ام الـخدر والتعب بــــان عليها من بيــن خيّاله وضرب ايركضون رادو ليها بركضـات الخيل ... مهدود الحيل وبيهم جمـــــرة ... شالو حـــسرة صـــــــاح الـــذبـاح صــــرتم اسرة ــــــــــــــــــــــــــــــــــــــ2ـــــــــــــــــــــــــــــــــــــــــ بقصتهم اصـوات الألم في كل زمن مسموعه حرمة أجتهم ناشِدت وكلمن حچه موضوعه واستقبــــلتهم بالدمع شــاهِدت بـيهم لوعة انعاد الزمن بـــــيهم مثل مسلم وقصّة طوعه مسلم بالـــدار ... چـــان الخطار القصّة انعادت ... الولده اندارت هـــــــواي الــــدنيا عليهم جارت ــــــــــــــــــــــــــــــــــــــ3ـــــــــــــــــــــــــــــــــــــــــ صلّو ركعتـين الذبح والماي چـــان الشـاهد واتشابگو واتوادعو والحيل منـــــــهم بايـــد الذباح ماعـــنده خجل ازغار وعليـــهم حاقد والصوت من عدهم صدح اذبحني اول واحد سيف الذبــــاح ... لا مـــــايرتـاح الا بــــــــدمهم ... ويــــــعـذبهم القصر أبــن ازيــــــــاد ايقدمهـم ــــــــــــــــــــــــــــــــــــــ4ـــــــــــــــــــــــــــــــــــــــــ قصتهم اتــــشابه ابو الاكبر وگطـــعت نحره احسين اخيه اعله النهر طاح وكسرله ظهره واولاد مسلم بالذبح نفس الذبح مــن نـقره چان الفرق سهم النظر وچفوف فوگ الغبرة هم حدر الــماي ... دم سال هواي من مـنحرهــــم ... والــينـــحرهم ابـــلا رحــمــة وراي مـــــا قـدّرهم ــــــــــــــــــــــــــــــــــــــ5ـــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاي مسلم بن عقيل ( عليه السلام ) (((((((گعدة)))))) إيثار... مـــــسلم يا حـلات عيونـه إيثار... والـــــــراية ترف بمتـــونـه بالكوفــة اول ثـــورة قادم بالراية الخضرة إيثار... طب مثل الضوه ايشوفونه دخل عالكوفة ابو طاهر چن ضوه بسرداب شعشع ورايته اترفرف شجاعة وسيفه بين چــفوفه يــلـــمع الكوفة عرشه وهو سيد وعالعرش مــسلم تــــربّـــع جايب كتب لاهل الكتب يدليــهم يــــــريد الدرب واتآلفوا ضــــــدّه بحرب وصوت ذلهم گام يسمع الدينار... غيّر هالنـفوس بـــــسرعة الدينار... معقوله اشتراها السمعة للكاتَب والدگ صدره قادم بالراية الخــضره إيثـــار... طب مثل الضوء يشوفونه ــــــــــــــــــــــــــــــــــــــ1ـــــــــــــــــــــــــــــــــــــــــ هالمدينة من دخلها شاف وآدمها مصالح صافح الشيطان چفها للحقيقه مـا تصافح خيرة الــكوفـة زلمها للظلم لا ماتــــمـالح ارجــــــال راحت بالفــله التحقت الــــــطف كربله والصوت من عدهم عله المشه بدرب حسين رابح احرار... ساعتهم اجتهم حـــانت احرار... والغيره بگصصهم بانت الواحد بچفوفه الجمرة قادم بالراية الخـــــضره إيثار... طب مثل الضوه ايشوفونه ــــــــــــــــــــــــــــــــــــــ2ـــــــــــــــــــــــــــــــــــــــــ بعد استقبال طوعه لمسلم بذيچ الـمسية وصلت اخباريه عنّه القصر ذاك ابن الدعيه ارسل جيوش وعساكر حيل مهتم بالقضية من دار طوعه من طلـــع الجيش من عنده فــــزع وگلوب من عندهم شلع بسيفه موسومه المنيـــة كرار... كــر والجيش يظل يتراجف كرار... صال ودم منــاحرهم جــف واحدهـم تيّــه نحره قادم بالراية الخضره إيثار... طب مثل الضوه يشـوفونه ــــــــــــــــــــــــــــــــــــــ3ـــــــــــــــــــــــــــــــــــــــــ الجيش كله گبال مسلم صار بين چفوفه خرزه واليسطره على وجـهه خــــدّه عن وجهه يفرزه عاد صولات ابو الحمله وعادها سطرة الحمزة طشّر الخيل اعله الزلم مسلم ضــــوه ما ينلّزم ومــــــا ينحني ولا ينهزم والحسين بگلبه حـــرزه افكار... شــــــــايل عـقله للحــرية افكار... راســـــمها بــــصفاء النية مرسول العِبرة وعَبرة قادم بالراية الخــضره إيثار... طب مثل الضوه يشوفونه ــــــــــــــــــــــــــــــــــــــ4ـــــــــــــــــــــــــــــــــــــــــ زلم تردم زلم گامت والخـــــيـول ابلايه فارس بالحــــــرب سيــفه ايتــقــدم مايــرد ومايعاكس تشهد السبعه اوي سبعه هذا سبعه ابلا منافس خله الچثث مـــطشّره والجيش يرجف منحره عالموت لزمــــهم سره الشـــجاعة الها فهارس * معشار ... من قوة علي راواهـم معشار ... مرضه بالذبح داواهم والبعض طاح بخزره قادم بالراية الخضرة إيثار ... طب مثل الضوه يشوفونه ـــــــــــــــــــــــــــــــــــ5 بدرابين الكوفة مسلم والضمه بـعيونه صـــــاير العطش هدّاله حيله بحمل سيفه اعله العساكر چتفوه بحبال شرهم وناس بــــــاعوها الضماير لمّن دخل ذاك القَــــصُر قد تــــم اصــــــدار الأَمُر من السطح شمرو شَمُر وطاح عالغبرة رميـة ودمّــه فـــاز اعله البواتر ــــــــــــــــــــــــــــــــــــــ6ـــــــــــــــــــــــــــــــــــــــــ *فهارس: عناوين الشجاعة #رزقهم_سلام_الله_عليهم #احمد_رزاق_الاعرجي

اليعشگ صدگ ... گلبـه يـدگ بــأســم الـحـسـين ويـحـتـرگ ويگـضـي العـمر كـون أبـدمـع ويـعـيش بـحـسيـنيه ام البنين أول رسـاله أنـكـتبــت أول عشگ لحسين لمن ضحّت بأربـع ولـدهـا وبـرباهـم تـــعـبت يـا هـالخـدم ... عـدها الأهـم يكون الـحـسـيـن أبـلايـه هـم مــن گـد عـشـگـهـا لـحـسيــن تـبـچـي وتـون لـيلـيه ___1_____ چان الحُسين بـگد حنينه يـجلـها تشبه علي وكل شده هيـه تحلها نعمه الخدامه وهـيه صـارت الها كـهـف الـخـدم ... هيـبـة عـلم لــمــّـن يــرف فــوق الـــقــمم من جيل توصـل كـل جـيل مـحـلـه الـدمـع يـومـيـه ___2_____ مصدر فخر والخدمه چانـت گدها خدمة حسين الفرحه چانت عدها سبحة الزهـرا والـحـسن شـاهدها سورة شمس ... أنطت درس لـلــيـوم ولـــــبـاجــر وامـــس صـــارت مـــدارس خــدام وهـــيـه الـــفـخـر تــالـيـــه ___3_____ يالخادم اسـمع واقره عن سيرتها كلشي انخمد بس لاهبـه جمرتها وتبـقى على طـول الــعـمر ونـتها أجمل وطن ... چنها الحسن أمضـيف الـخـدامـه والمحـن وبيـها الجـروح اتـواردت مـن بـت علـي الـمـسبــيه ___4_____ شـد الـعـزم يــالـخادم بـكل مـجلـس وأخدم صدگ وبكل فخر راح اتحس اعظـم شرف بـاب الحسـينيه أكنـس الخدمه دوه ... وماي وهوه واتــعـب لـجـل راعـي اللـوه وبـكل عـزاء اطلـب وأخـذ كـل حـاجتـك مگضـيـه ___5_____ بالـدنـيا والـمـحشـر تـفـوز الداريـن بهذا اللطم والنوح والـ ون لحسين الخدمة ابد ماتحب واحد وجـهيـن وجه العشگ ... اليخدم صدگ ولآل الــنـبــي گـلـــــبــه يــدگ وللـمـنـذبـح يـفـدي الـعـمـر واعـمـالـه الـه عـوچـيـه ___6_____ #رزقهم_سلام_الله_عليهم #احمد_رزاق_الاعرجي

لمولاتي السيدة أم البنين " عليها السلام " گمت مـن گـد الـسهـر أتـخـيّـل زينب انـظرها غريبـه اعله الـتـل وبـخـيالـي سـافـرت العاشر بعيني شفت من سـهـر ليلــي وحنــيـني سـافـر بـروحـي الـخـيال وأدخَــلِـت عالـم أحـزانـي وشـفـت دم فـوگ الـرمـال وگـمــت أتــبــع هــالــدمـه ... بـي عـطـر مـن فـاطـمـة خـاف ابـن حامـي الحـمـه ... صابه جرح اسم الله كون امن الخطر ... وكـون هـالــدم لـلـكـمـر وكـون الاحـسـيـن الـنــهـر ... ما مـنـذبح روحي توجعني ودمـع بعـيونـي والــدمـه شـفـتـه وتـغـيّـر لـونـي أمشي واعثر وألتفت العاشر بعـيني شفـت __1__ زيـنـب اعلـه الـتـل غـريـبـة وبـيـهـــا تـل الأنــتـــظــار وكـل نـظـرهـا اعـلـه الـشـريـعـه جبل يرفـض انكـسـار وردة مـــنـتــظـره الـنـده ... شـامـِـخــه ابـيـن الــعِـده مــا مْــبـــيـنـــه فـــاگِــده ... أخوه وأهل حـيـلــهـا أتـلـمّــه ابــألـــم ... نـهــر مــآذيــهـا وخــيـم تــنـــتـظـر راعـي الـعـلــم ... عـدها امل وشــفـت كـل اخـيامـهـا محـروگـه وبالدُخـان الـسـمـه چـن مخنـوگـه أوصل الزينـب ردت العاشر بعينـي شفت __2__ آنـه أم عـبـاس حـيـلـي طــاح مـن شــفـت الـدُخــان شـفـت خـيـمـات الـعــقـيلـه تـحـتـرگ من كـل مـكـان شفـت ســلّابــه اعـتِــنــو ... خـيـمة خـيـمـة فـرهـدو والـــــرقــيـّـه ســـــلِّــبـــو ... قـرط الأذن وشـفـت زيـنـب والـقـهــر ... عـيـنهـا الـصـوب النـهـر وبــــالـدمـع گـــام أتْـعـثـر ... عثرة حزن رحت صوب المشرعه بدمعاتي وشفت عون وجعـفر اوليـداتي وين ابو فاضل صحت العـاشـر بعيـني شـفت __3__ شـفـت عـبـد الله اعـلـه طـولـه جـروحه تنزف ذكريات وانخـمش گـلبـي وتگـطّـع خـوفـي لا ابو سكـينـه مات اســـمـع اونــيــن الأبــن ... الصـوت مـن شاطي الحزن وخطوِتي صارت سجن ... وخوفي كُبر مـن وصـلـت المـشـرعه ... شـــفــت چــثّــة امــوزّعــه والــچـفـوف امگــطــعه ... يـم الـــنـهـر گتله سهله جـروحـك وچـفيـنك يـبـني يـالعـباس ويـن حسـينك ومن سكوتـه اتمرمرت الـعاشـر بعـيني شفـت __4__ بالـدرب أمشـي وهـوا الله حـســين عـطـره ليه جـاب شـفـته بـعيـونـي حبـيـبـي جـروحـه غاطـيها الـتـراب والـمـــثـلـث بــالــصـدر ... ويـلـي شـفــتــه مـنـكـسـر امشـي واعـثر وانهـطر ... فـوگ الارض شـفـت راسـه مـنگـطـع ... ومـنــگــطـع مـــنّـه صـبــع وصدرة ماضل بي ظلع ... حـافر يرض يـاحــوافـر كـافــي لتسـحـگــينـه تعـب حيـله حـسين متـشوفـيـنه كون يم طوله مـتت العاشر بعيني شـفت __5__ گـمــت أدوّر خـنـصـر ايــده وبـالــحـوافـر شـفـتـه راح ودوّرت راس الأحــسـين وشـفـت مـآخــذتــه الـرِمـاح وجــســمـه مــتــوذر وِذر ... وفـوگ كـــل هـذا الـقـهـر راسـه مـهـشــوم بـحـجـر ... والله صعب عــاري ضــل وسـط الفله ... اثــيــاب مـــاضــلت ألــه ســـلّـبــوهــا بــكــربـــلــه ... ودام غـرب صاح واحد مـات اسلــبو عيـلِتـه واعله رمحه لأخته زينب نـظرِته وبنـظـرتـه اتحيـرت العاشر بعيني شفت __6__ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاتي العظيمة أم البنين ( عليها السلام ) يـــاناعي الاحزان... آني ام الابـــــنين سولفلي عالصار... بوليدي الاحسـين گلبي اشتعل نار... ودم تهمل العــين ياناعي الاحزان گلبي حسيته لچمني تغير بصوتك وضــعنه يبن حذلم تعّبتني الغالي وينه؟ وينه ضعنه سولفلي عن حسين وعن اخبــاره من راح بضعنه وحشه صارت داره منتظره وگلبي لا ما تخـــمد نـــاره حـــگه اليفگد لو منه تعمه انظاره من البچي العين... ما تگدر تشوف بس ي الاحسين... ما لاحت سيوف خل گلبي يــرتاح... اسديلي معروف ــــــــــــــــــــــــــــــــ1ـــــــــــــــــــــــــــــــ چن اسمعك خبرتني عن بنيني اربعتهم عظم الله اجرچ تگلّي وانه لحسين انذرتهم سولفلي عن حسين شصار بحاله شخباره وشخبار الحورا وعيــــاله من راحوا للآن عيوني دم هـمّـاله فراگ وليدي ذابح حلمـي وآماله هالظـلمة داري... ومستعره ناري منتظره يـرجع... ويگضي انتظاري ادموعي اعله خدي... ليل ونهاري ــــــــــــــــــــــــــــــــ2ـــــــــــــــــــــــــــــــ اسمع تگلّي المصيبة بكربله صارت چبيرة طاح الاحسين وتوذر من بعد ذبح العشيرة وبصدره الحافر يسحگ فوگ الغـبره مذبوح وثــوبه امسلّب عفته بصـحره وامثلث فوگ جروحه غافي بصـــدره ومحترگه اخيامه وعالتل اخته الحره ويلي مــــــصيبة... چثته سـليبة ومن بعده زينب... صارت غريبة صارت مصايب... بالــطف رهيبة ــــــــــــــــــــــــــــــــ3ـــــــــــــــــــــــــــــــ طحت من اسمعت گتلي حسين بين خيول عشرة وگلـــبي طــاح ابّين اديـــه من سمع مگطوع نحره تگلّي اثيــابه مسلبيـــــها بذيــچ الهيمة ابلايه اعمامه اعله الغبره راعي الشيمه ودم بعيـــــونه ومشبوحه صوب الخيمة عطشان وماصح بالطف فوگاه غــــــيمة وحرگو اخيامه... وبصدره حافر جروحه چبيرة... ودم عالنواظر ودم بــــــلحيته... وبلاية نـــاصر ــــــــــــــــــــــــــــــــ4ـــــــــــــــــــــــــــــــ حسين طايح ياهظيمة والرمل تارس جبينة والخيول بصدره ترفس وبالسيوف امگطّعينه مـتوذر فوگ الغــبرة ودم بـــعــيونه والذبحو رجعو بالخيل ايـــسـحگونه وصلت يم باب اخيامه اعظام امتونه ماكفاهم ذبحوه يم عياله ايشتـمونه يا إبـــــــن حذلم ... گـــــلبي تــگطّع اتمنى مــــــوتي ... ولا هيجي اسمع وروحي الجريحه ... من عندي تطلع ــــــــــــــــــــــــــــــــ5ـــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

لمولاتي فاطمة العليلة (عليها السلام) احچي اويه النـوگ ... بصوتي المخنوگ ترضـــــــنها شـلون ... ايمــوتني الشـوگ ماكو امچان الي بيچن متـــعوبة واحاچيــچن بصوتي المخـنوگ بليل اظــــــلم گبـل فجر الله لا يــطلع اجــــيت ابلايه حيلي وجايـه بالمدمع احاچيـــچن واخـاف حسين لا يـسمع اريد امچـان الــي مــو گــلبي يـتگطّع ما جبت اثـياب ... وعيني اعله الباب خاف ايطـلعون ... اهــلي الاحبــــاب حــالي ما يـبچّيچن متعوبة واحاچيچن بصوتي المخنوگ ـــــــــــــــــــــــــــــــــــــــــــــ1ـــــــــــــــــــــــــــــــ يانـــوگ الاهـل كـــل حيــــل ما ظَلّي مـــن گـــد مـــانحيــله مختـفي ظِلِّي أمــوت ولا يــگــولـــون الأهــل ظَلَّي اذا راحو مــــــنو اليبـــقالي ويـ ظَلّي گلبـي المجــروح ... ايظـــل ابـلا روح ووداعي شلـــون ... بصوتي المبحوح اموت امن انظر عليچن متـــــعوبة واحاچـيچن بصوتي المخنوگ ــــــــــــــــــــــــــــــــــــــــ2ـــــــــــــــــــــــــــــــــــــ باجـــر من يــــــحل باجـر يعوفوني الأهــــل واعزاز گلبي وتظلم عيوني گلبي يطيح گد ما اصــــــيح تانوني اوياكم يا هـلي امــــروّتكم اخذوني باجــر لـــــــو صار ... بيّه اتشب نار ودمعي اعله الباب ... حــنّة وتـذكار بجرحي شلون ادليچن؟ متــــعوبة واحـاچيچن بصوتي المخنوگ ــــــــــــــــــــــــــــــــــــــــ3ــــــــــــــــــــــــــــــــــــ ابــــــوي وكل عمامي لو يحل باجر كلها تــــروح وابقى بـكسرة الخاطر سفرتكـــم طــــويلة والزمـــن غادر الناظــر دون اهلي ينعمي النــــاظر ماتبــقى اعــــيون ... لــــمّـن يرحون احسب ســـــاعات ... يـــمتى يردّون بـأهلي ما اوصيـچن متعوبة واحاچـيچن بصوتي المخنوگ ــــــــــــــــــــــــــــــــــــــــ4ــــــــــــــــــــــــــــــــــــ ضعن راعـــي الضوه بـاجر يطر هيمة وتبقى عيوني غيمة اتســـابگ الغيمة الگلب خيـــمة لـچــن نيران بالخيـمة يا جـرح انتـــظاري وگـلبي او ضيمه اهمومي اثگــــــال ... اتـــــهد اجبال انفاسي جــــــروح ... ابـقى بيا حال اترجعن هم والاگيچن؟ متـــعوبة واحاچيـچن بصوتي المخنوگ ــــــــــــــــــــــــــــــــــــــــ5ــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

لمولاتي فاطمة العليلة (عليها السلام) هـاچ التــــــــراچي يارقية ذكرى من العـليـــلة لو نـــويتــو مـسره من اخيتـــــچ الـبسيهن ذكرياتي احتفظي بيهن ذكرى يـــــارقــية باجر الغيــبة الطـويـلة اتسافرون وابقى بانفاسي الثـگيلة وحيلي كلّه يطيح ماتــبقالي حيله ذكره اخذي هالتراچي من العلـيلة تســــتاهلين عــــــيوني يارقية ارجـــــوچ لتـــــردين هــالهدية من تـصد عـينـچ عليهن ذكرياتي احتفظي بيهن ذكرى ــــــــــــــــــــــــــــــــــــــــ1ــــــــــــــــــــــــــــــــــــ هذا ثوب اجــديد الچ مني هــديّة وهاي شيـلة اخذيها مني يـــارقيّة روحي انطيـها الــچ لو صح بــديّه حتى مانتـــفارك ونــبقى ســـــويّه باجر ســفركم والتعب خذاني ترحون انتــم وآنه اظل اتاني اهدومي من اتطلِّـعيهن ذكرياتي احتفظي بيهن ذكرى ــــــــــــــــــــــــــــــــــــــــ2ــــــــــــــــــــــــــــــــــــ باجر اتروحــون والدمعة اشـــثگلها والــعلـــيلة منــطــرح يبـقى حـملها والــــهجـر بــاجـر ابنــيتــكم يـسلها البنـــية تمــوت اذا عافـــوهـا اهلهـا الـفرگة نــار وتحــرگ بكلـــبها لو مو شمس أظلم يظل دربها جروحي يآذنّچ حچيهن ذكرياتي احتفظي بيهن ذكرى ــــــــــــــــــــــــــــــــــــــــ3ــــــــــــــــــــــــــــــــــــ بـهــــالســفر لـمّـن تنـصـبوهــا خـيمـكم خيمة انصبولي تــراهي روحـي يمـــكم بداري جسمي لچن روحي اگريبة عنكم روحــي تنــــساني لچـنـــها مـــانسـتكم لو صــار الاغروب وبــده عــذابي طلعي التـراچي وطــــلّعي ثيابي دموعي واحزاني عليهن ذكرياتي احتـفظي بيهن ذكرى ــــــــــــــــــــــــــــــــــــــــ4ــــــــــــــــــــــــــــــــــــ شگـــد تمنيت بســــفركم امـــشي آنـــه وايــدچ ٰبـايـدي بــضـعـن راعـي الأمانه حسين رايـــــح بـاجـر ومـآخـذ حـنـانـه والأبـــــــو لـــــو راح شـيسـدّه مــچـانه بـچـلمـة تمنّيت شـكــثـر اذيّــة باجـــــر سفــركـم وآنه للمنيّــة عيوني توگع من بچيهن ذكرياتي احتفظي بيهن ذكرى ــــــــــــــــــــــــــــــــــــــــ5ــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاتي فاطمة العليلة ( عليها السلام ) هايه ايامي الاخيرة شيبت وآنه زغـيرة سافر ابوي گبال عيناي ماگالها "يلا أمشي ويّاي" شيبت وآنه زغيرة الچنت ليلية بدفو حضنه انام سافر وسافر اوياه كل السلام آخ يانظرة عيونه الكلها طيب فارِگتني والدمع مثل الســهام شلون أصبّر روحي بالله وفارغ انـــــــظر للمُصلّى والتچوي گلبي وحزن بلواي ماگالها "يلا أمــــــشي ويّاي" شيبت وآنه زغيرة ــــــــــــــــــــــــــــــــــــ1ـــــــــــــــــــــــــــــــــــــــــ سافر بــضعن الأهل گدامي راح اليفگد المعــصوم لا مايســتراح وآنه ابــــــوي فاريگيته وهم امام وبيت حزني اتشـيّد بجرح النياح النوگ من راحن تبدّه حيلي والحيل اشيردّه الكاسر ظلوعي وحاني مگفاي ماگــــالها "يـــــــلا أمشي ويّاي" شيبت وآنه زغيرة ـــــــــــــــــــــــــــــــــــــــ2ـــــــــــــــــــــــــــــــــــــ خرزة من سبـــحة ابوي آنه وهويت ومن مشه ضعنه مثل ماي انچفيت البـــــــنية ابلا ابــــــــوها ابلايه روح وياك تاخذني يبـــــوية شـگد دعـيت بابا صحته وصد عليه ولـــــــــوّح بأيده اليه والنار كبرت احس جواي ماگالها "يلا أمشي ويّاي" شيبت وآنه زغيرة ــــــــــــــــــــــــــــــــــــــ3ـــــــــــــــــــــــــــــــــــــــ حــسين بــوية النوم لعيوني سراب صرت من بعدك تراب اعله التراب العلـــــــــــــيلة أبنيتك آنه ابلا امان يا أماني الگلب بي نار الــــــمصاب همومي بعدك ياكثرها ابنيتك تموت بـصبرها گلبي تعب من ضيم دنياي ماگالها "يلا أمشــــي ويّاي" شيّبت وآنه زغيرة ـــــــــــــــــــــــــــــــــــــــ4ــــــــــــــــــــــــــــــــــــــ ضعــــــن أحباب الگلب گدامي شال وآنه اباوع والدمع من عيني ســـــــال الهودج بكل خطوة من يخطيها احس چن على گلبي احس تمشي الجـــبال ارماد روحي من يلمّه وراح عـــــني ابو اليمّه گدامي سافر عنـــي مولاي ماگالها " يلا أمــــــشي ويّاي " شيّبت وآنه زغيرة ـــــــــــــــــــــــــــــــــــــــ5ـــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ موشح لمولاي الحسن ( عليه السلام ) حسين هذا اليوم دم باجفانه شــــــــاف يتلوع جبير اخوانه شاف طشت الحسن وگباله نحل گعد يم الحسن والمدمع هــمل شاف اخوه هاليوم لافيه الاجـــل شبت بگــــــلبه بحزن نيـرانه يسولف حسين ودموعه اعله الوجن يگلّه حاچيني يخــــويه او لا تـــــــون صارت الــدنيا مثـــــــــل ليل اليجن بعيني والروح اصـبحت حزنانه يگلّه حاچيني يبــــعد عيــــــوني ذن ريت بيه الوجع ياخوية استــــــــچن ردتك الكربله ويــايــــه يا الحـــسن الالم بــــــعدك فتــــــح بيبانه گوم يا مــــــــولاي يا نــــــور الگلب فراق وجهك تدري لحسينك صعب بين ناسي لچــــــن من بعد غـــرب تعوفني لوحدي وحبيــبك آنه يبو محــمد انــــــظر بعيـــنك دمع چن اسمعك تحچي وتگلّي استمع باجر خيامك توج مثل الـــــــشـمع وزينب الحورا تظل حيــــــرانه الحسن يحـــچي ودمــوعه هــامله حسين باچـــــــر لو وصلت لكربله جســـــــمك اتوذره الحوافر بالفلا وابو فاضــــــل تنگطع ذرعانه هذا چبـــــــدي يـهون ويهون الالم لچن صعبه تحـــترگ كل الــــخيم وجسمك مگطع سهم فوگاه سهم وخيل تسحگ عالصدر واحضانه #رزقهم_سلام_الله_عليهم #احمد_رزاق_الاعرجي

منهاج محرم الحرام لعام 1448 هـ لمولاي الامام الحسن ( عليه السلام ) مشروع الطف من نقراه .. بـــــالتاريخ .. سر وعلن من تأسيسه الهذا اليوم.. بي موجود.. عقل الحسن ​المنذبح رسم عاشوره كربلاءه رسمت صورة عقل الحسن ـــــــــــــــــــــــــــــــــــــــــــــــــــــــــــــــــــــــــــــ ​قرينه شگـــد قرينه وتمـــعّنه ولگـــينـه حفظ سر السفينة... خطط للابعيد حقـــــن دم الديانه وحفظ عـنق الامانة بمكانه وعالي شانه... ميحده تحديد ​رسم كلشي بسكوته بحكمة وبدقة وعناية طريق الطف يمهدله وأله اسـس بــــــداية الحسين وكربلاءه بعقلة چانت احلى غاية الصلح معناته هُدنه او وقع الهدنه بدراية ​مابايع چف الشيطان.. صابر چان.. وبكل ثقه قابض بيده وعقله الدين.. لجل الدين .. إيحققه فَسّر الحقــــيقة بنوره كربلاءه رسمت صورة عقل الحسن ​ــــــــــــــــــــــــــــــــــــــــ1ـــــــــــــــــــــــــــــــــــــــ ​رسم طـــف الاماجد بخياله وعقله ساجد وحي كـــل القصايد ... يستــــجدي منه سماء الحق تنــــظره الحقيقة بجفه شذرة الصبر مفتاحه صبره ... شرد احچي عنه ​كهف سر الحسين وماكشف للطف هوية لذلك صمــــــته مو خوفاً حفاظاً عالقضيه قليله انصاره چانت هالمشه بدرب التقية لان يـــدري اذا ينـــــــهض تضيع الغاضرية ​اهدافه الطف الاصلاح..فكرة وراي.. راعي الهله ايحققها بيوم الـمذبوح.. من يطيـح.. فــي كربله وحمرة تصبح القارورة كربلاءه رسمت صـورة عقل الحسن ـــــــــــــــــــــــــــــــــــــــ2ـــــــــــــــــــــــــــــــــــــــ ​ذِخر جاسم مـحارب لجل دين الغـــوالب يضحي بروحه واجب ... ويّه ابو اليمه ​بمخطط عقله راسم خيم شُبه الطــلاسم النــــــصر بيها ملازم ... خططها بدمّه ​لجل دين الله نسوة تنـــسبي بطيحـة زلمها واميرة هاشم اعله التل وحيدة بكل عزمها ورؤوس اعله القنا من دم مناحرها حلــمها ويتامه بصحرة تتـطشر لـــچن زينب تــلمها ​أسّس كلشي وحاضر چان.. يوم حسين.. لمن وگع زارع فكرة الخير يعيش.. لا ميموت.. مهمها انگطع گطرة جاسم امن بحوره كربلاءه رســـمت صورة عقل الحسن ــــــــــــــــــــــــــــــــــــــــ3ــــــــــــــــــــــــــــــــــــــ ​ ​الحسن ثاني الأئــمه الشجاعة تماشي دمه منـــــو اليگدر يهزمه ... واعداءه تشهد ​الجمل داس اعله راسه وحرگ گلــــب النجاسه الحسن عقل الـسياسه ... ريحانة احمد ​ذبح فتنة شكبرها وذل صنـمهم بأنتـــــكاسـة جيوش اتشاردت من الجمل طـاح اعله راسـه ابو محمد سحگ رووس الفتن راعي القداسة مُقـــــــاتل مصــــــــلح ودارك ولا دوّر رئـــاسه ​حيدر ثاني الحسن نشوف.. بالتاريخ.. وكت الشدد اليوگف گدامه ابلا راي.. راسه يطيح.. قبل الجسد هذا ابن امرهم شورى كربلاءه رسمت صـورة عقل الحسن ــــــــــــــــــــــــــــــــــــــــ4ـــــــــــــــــــــــــــــــــــــــ بـــحر محد يحدّه اليـــجي لا مايردّه كريم وكلشي عنده ... وعنده السياده كريــــم ومن يعبره الكرم يم بابه گطرة الارض جاعلها سُفره ... والليـر ابزاده ​بمحطات الفخر بصماته منقـوشة وتلالي رسم مجده بخلوده الماله اول ماله تالي ابد ماتطفى ناره شاعلـــه بســـود الليالي غيور وكلشي عالي ينحني لراعي الـمعالي ​ ​ابواب الحسن شگد خير.. متفرعات.. في كل زمن من آدمنا الهذا الــيوم.. يكرم ويــن؟.. مثل الحسن بالزيارة حـــــق انزورة كربلاءه رسمت صورة عقل الحسن ــــــــــــــــــــــــــــــــــــــــ5ـــــــــــــــــــــــــــــــــــــــ ​مخطط شيعي راسم بزمن كل العــــــوالم النصر يبــــقى ملازم ... للشيعة حصراً ​رسم درب الــــشعائر عرف كل الســـــرائر الحسن تاريـــخه ثائر ... وحموله صبراً ​عِلِم عنده اليهود ابلا ضـــماير كل جَمِعها قوانين النصر چفه بحــقيقة من وضـــعها اذا خيـــــبر ترد نلگة علـــــي ايرد يقتلعها اووجوه الذلة والباطل بولد حيدر صفعها ​لا ميدوم الباطل يوم.. شي مفـهوم.. عــند البشر وبهاي الايام انشوف.. كل شيطان.. ظهره انكـسر والحقيقة أخذت دوره كربلاه رســمت صورة عقل الحسن ـــــــــــــــــــــــــــــــــــــــ6ــــــــــــــــــــــــــــــــــــــــ #رزقهم_سلام_الله_عليهم #احمد_رزاق_الاعرجي