✍️… حسين حمدان الدلفي

من السبي الكربله.. ردينه ردينه رحنه ورجعنه بهزل.. متغيرة أسامينه ماضل دمع ينبچي،،،، وماضل حچي الينحچي ردينه دمعه وصبر... لگبور أهالينه ردينه كاتلنه التعب.... شمعه ودوى بيها أللهب نتمايل بحسرة وهضم.. ميلة غريبات ثكلى أعله ثكلى تنتچي.. أبيض جفنه من البچي لاظل دلال ولا علم.. وچنه الأميرات ما تانينه الحادي أينوخ ويصفهن ناگه بصف ناگه فد طيحه من ظهور الهزل طحنه أعله الحدبنه أفراگه يم گبرة ألتمينه ونلطم لطمة مثكوله ومشتاگه ........... يوم أربعينه أرجعت.. عدله أنه معقوله وگفت غريبه أوگفت.. يم گبره مذهوله مهظومه من اليسر... رحت ورجعت أم خدر مو تدري ياابوعلي.. المكفوله مكفوله متعوبه ذابحني الصبر.. ماأحچي يمك عالقصر وشسوت عيون الغرب.. والشام شمات مچتوفه واني اعله الهزل.. أمسح دمعتي بالحبل ومجرحه أعيوني وأدي.. أحبالي خشنات لو تدري شصار وي أضعونك ميت وأدري الغيره اتعورك يم راسك من ماتت بنتك شهگت لمن شافت نحرك بلكت تطلع روحي هنانه وتموت أختك بس يم گبرك ....... ماعندي چلمة عتب... تدريني تدريني جينه ونسينه التعب.. ذاك الخذه أسنيني عگبك ترى أتعذبت... ياخويه وتغربت الهظمتني خويه بهزل.. الشامي يسبيني نوم الترايب مو ألي.. وحشه الخرايب ياهلي وليل الغرب ماينجرع.. ويتعب العيون مو گدري لديوان أطب.. ووگف عبايه بنص غرب چنت أمشي وعثر مستحه..أگبال اليشمتون شحچيلك عن ضيم الشفته وقصر الشام البي طبينه عام وخاص الشام ألتمو ويشتمنه الما سامع بينه مدري شلون ورهمت هايه راسك بالگاع أمخلينه ........ راح أمشي عنك جرح.. يبن أمي مجبوره لأرض المدينه أرد... متغيره مكسوره مهيوبه منها أطلعت... وبلا كفيلي أرجعت وكل المنازل غدت.. عگب اهلي مهجورة يمحمد أختك هالمره... بهل جم شهر متغيره لوما عرفت اختك تره... حگك يخوها ماتدري دولبها الوكت.. مكسورة تمشي وتلتفت علويه عالهزله وسف... وغربه السبوها تدري شصار بزينب بالطف أختك يمحمد هظموها المحد شايف ضلها أنشافت وعالنوگ الهزل ركبوها يمحمد حتى أسمي أتغير أوياي الماصارت سووها حسين حمدان الدلفي

https://youtu.be/goK3qfK5jlw?si=XA93fshsAyiqsSLG

رديت من الشام..رديت من الشام.. متحيرة ومهظومه خلصت أيام سبينه ورجعت الكربله بلا دلالي رجعتي فجيده وثاكلة بحبل مچتوفه أجيت وتجرني سنسله وانه عطشانه يهلي وغريبه وناحله يوم أربعين حسين.. يوم أربعين حسين.. صار النعي بالحومه انه تدرون مشيت بدرب ماينحمل راجعه شلون لاخوتي على النوگ الهزل من كثر ما مسحت المدامع بالحبل ملح صارت حبالي وتحز جرحي اليصل بجروحي ملح أدموع.. بجروحي ملح أدموع.. من الحبل ملچومه وينه اليواسي زينب والبگلبه جمر اليسبي روحه بمشيته والدموعه حمر يالتزورون أذكرو شمس ذاك الظهر شدو الچفوف بالاحبال مواسا للخدر هنا يامن تزورون.. هنا يامن تزورون.. واسو المشت محرومه هسه الڤياي تشوفه عله طول الدرب الظعن بالحر يمشو بزجرهم والضرب هسه راحه ودلال ولا أكو شي صعب بالسبي أسياط يضربو الطلب ماي الشرب بالسبي حسرة الماي.. بالسبي حسرة الماي.. وعالحرم حسره النومه شدهت البال جبيرة ترى شما وصفت لحد يگول تعبنه التعب ذاك الوكت عالجمر لو مشيتك ولا كلشي شفت شما تمر بمتاعب ولاكن ماحرت الحيره بس أم عون.. الحيره بس أم عون.. بالدرب ما مخدومه حسين حمدان الدلفي

https://youtu.be/Cnvdbqeh5a0?si=eL6tySBGfoVNbx6w

صاحت عليك أم الخدر... ياڤي علمنه عـبـاس يا سـتـر الستر... حرگو خيمنه ألحگ علينه ياشهم،،،،،، عن الخيم رد الزلم يا صبر يبقه يا صبر ... وذبحوا زلمنه يامعصبي وسور الضعن يارايتي وملح البخت ياخويه ياستري الخيم بنيران مشعلهم دوت وحسيني كسرتله ضهر رايتك أول ما هوّت وطاحت يخويه خيمتك والدنيا بعيوني فهت ياستري ويا عمود أخيامي من بعدك خويه ماظل حامي مو تدري چم گلب عطشانك عن جودك ضامي يسأل ضامي مات الأمان وي الأهل.... وصرنه سبايا وعالمشرعه طاح الأمل... وأحنه ضمايا صار الحكم بيد الغرب،،، عطشانه بس مو للشرب عطشانه لعيون الكفل... ردته حمايا نار المخيم تنطفي وشيطفي نيران الگلب محد لمح طولي گبل هسه أمشي مابين الغرب ومحد سمع بسمي لچن هسه أنعرف والله صعب تاليهه من دون أخوتي فوگ الهزل أگطع درب مهظومه والحبل بچفوفي والحادي الشامي مدري الكوفي مو راية هاشمي االتحديني مستحيه وما أشيلن شوفي جابوهه بس مو ناگتي.. عرجه وهزيله مهيوبه چنت وي أخوتي ..وانا العقيله مجبوره أركب عالهزل،،، مچتوفه وعيوني تهل محد رحمني بغربتي... وما بيدي حيله جابوهن النوگ الهزل والظعن مو ذاك الظعن واليحدي بيهن أجنبي وي أل النبي جار الزمن وسفه وأميرات الستر لو من خدرهن ينسبن ياخويه مو هينه وعلي لو ويه ذباحك مشن أنا أختك والهزل موگدري بحبالي أمسحت دمع اليجري مهيوبه من چنت بحماكم وبحالي هسه كونك تدري مجبوره راح أگطع درب.. شام المصيبه مو زينب أسمي وي الغرب.. صار الغريبه ودرب المشيته مو سهل.. عالهزله مچتوفه بحبل وللكوفه مسبيه أطب... هاي العجيبه محد سمع بسمي گبل بس هسه ياخويه أنعرف الماشايف أخيالي بحلم من شافه ما غض الطرف من الهوان أمشي بسبي ويه عديمين الشرف مو هينه أذا گالو ترى بديوان خدر الله وگف مجبوره أمشي وي چتالك لظعونك حارسه ولعيالك وعيونك عالرمح تنضرلي يضربوني وآنه أبچي لحالك ✍️ حسين حمدان الدلفي

(وحينما استقرَّتِ الرّماحُ في حشاشةِ الحسين وداستِ الخيولُ كلَّ نقطةٍ في جسدِ الحسين واستلبتْ وقسَّمتْ ملابسَ الحسين رأيتُ كلَّ حجرٍ يحنو على الحسين رأيتُ كلَّ زهرةٍ تنامُ عند كتفِ الحسين رأيتُ كلَّ نهرٍ يسيرُ في جنازةِ الحسين) قصيدة مرآة الشاهد للشاعر أدونيس

https://youtu.be/8euv3voJbuc?si=FzTU97n9-rYcvtNB

https://youtu.be/ysSAtciKXkE?si=T_kUrnQy7DRk4HkW

https://youtu.be/bOjN3esVUks?si=obMtlNsrlUDVDIBT

https://youtu.be/YK9DGz1Q7Ik?si=b8DnkzzmH1kYF1Ez

الشام هاي.. هذا حد الغربه لو بعد ألهه راي الشام هاي.. هنانه اذا مجروحه مادور دواي هنانه اليگول انه عطشان أيتشتم وماي حار اعليه ينصب كلمن يسمعونه يحچي بطاري ماي الشام هاي.. هنانه كلمن ثار عنده يريد ياخذ ثاره مني كل سياط الشام طلعت كلها كون تزور متني هنانه مو علويه چني هنانه صاحو خارجيه هنانه صاحولي السبيه الشام ماتنعد جراحه الشام بي ماتت رقيه وبسبينه الشام صبح عنده عيد بسوگه من طبينه نمشي حالنه حال العبيد ناس ركضت راحت تبشر يزيد وين حادينه يريد مدري وين يريد بينه ناس تتفرج علينه وناس فرحانه بسبينه واحنه بس أحبال خشنه غيرها ماصح بدينه ويا غدرهم.. خطوة خطوة الحادي يمشي وهمه ماصدو نظرهم النوگ عرگت من حچيهم ماكو أحقر من بشرهم ومن وصلنه البابه شفته اللحد أوسع من قصرهم ومن دخلنه اتعثرينه بمستحانه وصنته چانت كلها منتظرتنه وآنه خيمه مهيوبه دخلته ونجمد كلشي بمكانه وكلشي طوع امري صفه. حتى الحديد وحتى الأنفاس الخبيثه غصباً اعليها تهيد كيد كيدك وسعى سعيك يايزيد أحنه وادم نعشگ الله وننطي لله شما يريد للسيوف أنطينه منحر انطينه عريس الخيام. انطينه الأكبر وللسهام انطيت گلب حسين أخوي أنطينه عبدالله وبعد. عين الكفيل هذا كله؟ ومارأيت ألا جميل أنطينه بالطف كل زلمنه النار من فكت حلگها سكتيناها بخيمنا أتغربينه... شگد تعبنه. شگد صبرنه. شگد بچينه ألسان لو عدها الخرابه چا حچت عالصار بينه الشام أشد من كل مصيبه الشام من ياطينه ناسه أتجاسرو حتى على الله شرعو عمداً سبينه وأخيراً.. ياحزن كف عني مغيب كافي سموني الغريبه والله المسميني زينب اللهم عجل لوليك المنتقم الفرج 💔 حسين حمدان الدلفي

#شهادة مولانا زين العابدين صلوات الله عليه جرحك بيك يسافر وين وتنزل حمره دموع العين فكرك يم الخيمه يروح لو يم المذبوح حسين ويلي شافت عينك  كل جروح العاشر وشفت صدر حسينك عثر بي چم حافر بغربه عشت أسنينك  وأنته باقي تكابر صعبه أتهيد... يالسجاد... حسراتك وأهاتك شفت شلون.. نار الگوم.. تتلاهب بخيماتك والنسوان.... بين الخيل... خواتك وعماتك ما همتك علة البدن،،، أصعب جرح جرح الظعن وأربات الخدور أنسبن وا ويلاه ................... ظهر العاشر موقف چان تشيب من عنده الرضعان خدر الله وطلعن ياحيف غربه تصد ركضة نسوان دوت نار الخيمه   وركض طلعن كلهن أطشرن بالهيمه  ،،   حامي ماظل ألهن العاشر ويا ظيمه جروحه من يحملهن أگبال أجناب.. تهظم حيل.. من تركض العلويه بيكم عال ... چم خيال.... بالسوط طگ أبنيه مسبي تروح.. تمشي وياك ..عمتك هم مسبيه مسبي الضعن والله زمن،،،، الما طلعن ابيوم أطلعن وأربات الخدور أنسبن وا ويلاه .................. بحبال أمچتف وأصفاد بـيـن الـيـدفـع والجلاد حيره تخلي أچفوفك وين فوگ العله وحيلك باد السبي بيك شخله وأنته وشل حيلك تزيد بيك العله ،، لـو طفل يوميلك جمر طافي برجله وماگدر يشكيلك أطفال هواي.. لكل حفاي.. وشچم جدم محترگه متون ازغار ... شيحملن...  والطگه فوگ الطگه بلا حماي ...والمرعوب ... يركض وعمته أتشبگه وعيونهم لا ما غفن،،، ياويلي عطشان الضعن وأربات الخدور أنسبن وا ويلاه .................... ذاكرتك متروسه أآلام وحلامك ماهنه أحلام الكلمه الجرحت گلبك حيل أشفت وگايل( أخ الشام) الشام طلع روحك،،  وگلت آخ بيومه تموت وأنته جروحك تنزف ومالومه تموت وانته بنوحك بالغرب وهمومه شسوه الشام ..خاطر هيچ.. صاير سبب وناتك تخفي أسرار ..كلها جروح.. آ ياعظم شوغاتك بغربه تموت.. تالي وياك ..هم تندفن لچماتك وبـ ليت أمي شگد محن،،، كلفات صعبه ينحچن واربات الخدور أنسبن وا ويلاه ....... ✍️حسين حمدان الدلفي

https://youtu.be/ZgxsgYy89cs?si=6h7JEd5Gw_jrTFgA

وين اليواسوني أنه أمه تدروني.. أحضر عزائه أتعنه بجروحي وأنعه أعله مذبوحي.. الضامي بدمائه أنه أمه،، حيل ألطمو اويايه أنه أمه،، أجي بكل اقرايه أنه أمه،، لاطمه ونعايه آنه الوالده والكلب لهفان ودور عزة وليدي وين ماچان آنه أم الذبيح المات عطشان لعبت على صدرة الخيل عالعاشر أقرولي أبچوله وبچولي... يهل العزيه مكسورة تدروني يالخدم عينوني... بهاي الرزيه مهظومه.. وكسر گلبي العاشر مهظومه.. شسوة ببني الحافر مهظومه.. من ضلوعه شكاسر اصيح أحاه يبني بصوت مبحوح اجيب أدواك ينبي لون مجروح بس اشلون اداوي النحره مذبوح مايكفي عليك اللطم النوح من حرگو اخيامه عينه على ايتامه... ونزلت دمعته بالهيمه طش خدره گام وعلى صدره... صارت وگعته بعيونه.. شاف ركض ايتامه بعيونه.. اخته هم گدامه بعيونه.. طلعت من اخيامه خدر الجان ستر اعياله حرگو بطلعت زينب من الخيم هظمو صوت الجان ما ينسمع سمعو وطول الجان مامشيوف شافو يا ليلة العاشر ياكسرة الخاطر.... ونار المصيبه أهآتي وشجاني والزينب احزاني... الصارت غريبه أنه امها.. وماتهون اعليه أنه امها.. بنيتي والعلويه انه امها.. وصارت المسبيه زينب سر أسمها شلون ينگال تصيح اعليها وسفه أشباه الارجال ياحال اليظل اليوم يا حال اشلون بنيتي تتچتف بالحبال حسين حمدان الدلفي

https://youtu.be/rdyKLGa7DlA?si=eM7jczOUA55pbQq_

https://youtu.be/908AIQm2lCo?si=lifjlTdiDHcPMDgD

#فزاعيات يخويه أخلافكم لا راي لا رايه ضلينه ظعن بس عورزه حمايه هلي عدوانكم من سحگو الثايه فزعت الجثث مافزعت اويايه (مو خوش تالي... أخلافكم يهل الراي) شـدينـه العبي وفـريـنه بالهيمه بمشاعل نارهم هدو على الخيمه عگب أهل الشيم مامش بعد شيمه ياركض الظهر والعاشر وضيمه (طشينه سبحه... وضاع منهة الشاهود) شحچيلك بـعـد يـابلوة البلوه نطلع مـن جمر بالرمل نتچوه حـفـاي وركضنه صـار بالگوه ياعـازه گمرنه وعـازة الخوه (بالگوه نسحگ..... حافيات أعله النار ) بـيـن الخـيل والنيران شيلمهم من شردو أعيالك بالي ضل يمهم خاف تضيع طفله لو طفل منهم وكل ساعه نذل بالسوط يهظمهم (متن الزغيره... شلون يتحمل سوط) ليل بلايا أخوتي شلون أنامنه وبس خيمه بقت محترگه شتلمنه چنت بصاية أهلي أمشي ومأمنه رايتنه هوت وحترگت أخيمنه (وأخلاف أخوتي.. ماطبگ جفني بليل) راح الحيل مني بصعدة التله ويردوني الفجر اصعد على الهزله شيحمله السبي ياهلي شيحمله ترفه چفوفنه والحادي أجه بحبله (يچتفنه رايد..... وين خلفة عدنان) ✍️حسين حمدان الدلفي

#ليلة مولاي القاسم صلوات الله عليه شجاعه هد نجل الحسن ;;لمن هلهلن ;; بالخيم عماته شاب ومن برز;; بالحومه أرتجز;; ياهلا بصولاته هلا بالشيم عمامه هلا بتربات النشامه يرتجز كله شهامه،، ومرجله هلا بالخورس زلمهم ردمة الحمزه ردمهم غضب گامت ماتلمهم،، كربله هوس اعله خشومها والرايه يرف بيها يا هلا بجيدومها وضرغامها وراعيها الحومه ضمت رأسها وفراسها بواديها ------------------------- رفت رايته;; وشگره مهرته;; والغضب بعيونه لابس خوذته ;;وأمه حييته ;;هاشمي يعرفونه هلا بنوماس الهواشم صارمه مبچي الصوارم دخل سواها ملاحم،،، هالفحل الوالده زوده وعمه عالشوارب داس جدمه مايصير گباله زلمه،، لو زعل الزلم بالطف ساگها وخناگاها يسمونه الخضره شدها أعصابه شمحلاها اعله عيونه أتريس اعله القاده والساده أيحييونه ------------------------------ زلم المرجله;; طبو كربله ;;بالفخر والرايه منهم ونعم ;;عد هاشم زلم;; سحگو الغزايه طبو وخضره العمايم حيهم الساده الهواشم مايدورون الغنايم،،، بالحرب على الحربيه زلمها هوست ويفور دمها هاشم ويامحله اسمها،،، من تطب هاشم وناموسهم ما واحد يدناله العركه عدهم گهوه والقاسم هنياله بيد شايل سيف طبها وبيد شال أدلاله ----------------------------- عريس الحرب;; للحومه يطب;; چنه طب ديوانه أبنك يالحسن;; گظاي المحن;; من يكف ردانه شاب بالخضره تلثم من فقاره ياهو يسلم وصل الدم للمخيم ،،من هجم يفرض برايه عليهم منين ماشردو يجيهم سيفه گد ماذبح بيهم ،،شبع دم بشسعه ساحگ روسهم والقاده ذلاهم الكلف عاگر خيلهم بالملگه وبچاهم زلمه يردم زلمه بالحومه خلاهم ---------------------------- صمصام الفحل;; يرعد لو زعل;; والعزم برسومه جدامه تفر;;; قادات الكفر;;; أله ولهله الحومه الكلف والقادات صيده والحرب محبس بأيده چفه سطراته عنيده ،،لو سطر بكيفه طشرها ويلمها كبر ونكس علمها وسحگ بشوارب زلمها،،بكل فخر صوت من اخيامه بالعركه أيحييله أمه صاحت حيهم والقاسم شد حيله زلمه ماظن عدهم ويخلونه أجبيله _ ✍️حسين حمدان الدلفي

https://youtu.be/6MOfGSLFK4I?si=Ipn1fSgD-XBqguKu

سيد الشهامه.. والوسامه.. بحاجبه الأيسر ماكو من صفاته.. ومنجزاته.. بالوصف حيدر غيرته وحميته.. وهاشميته.. الگادر مگدر شحچي عنّه،، وهوه چنّه،، حيدر بوگفته ياهو مثله،، هوايه يحله،، لولبس خوذته بگصته كوثر،، كلشي يحتر،، من تطگ غيرته صيده الزلم;; ماينهزم;; غيره وعزم;; عباس حيله جوي;; ماينلوي;; يدوي دوي;; عباس *** مرجع البساله... وبقتاله... الهاشمي ألأول شفرته وفقاره.. بي قراره.. كل حرب ينسل مرعب أنتقامه.. والقيامه.. تبدي لو يزعل براسه شاره،، تدوي ناره،، وبيمينه الوعد بعينه خزره،، چنها شفره،، من البواتر أحد بيده رايه،،، چنها أيه،،، بالحرايب مدد سد گنطره;; بي مفخره;; من حيدره;; عباس وكت الزعل;; لمن حمل;; بالقاده ذل;; عباس * تشهد الگناطر.. والمخاطر ..سيفه گاظيها العركه أذا ثجيله.. والحصيله.. هوا شاريها بيرغ الهواشم.. والملاحم.. هوس أعليها دومه واگف،، بالكلايف،، وبحسامه النصر زلمه مغضب،، طوله يرعب،، عزمه ماينكسر من يزمجر،، ما يحذر ،،،چنه صور الحشر من شاربه;; ومن حاجبه;; يبدي الأبا;; عباس شيخ الوفه;; والمعرفه;; والراجفه ;;عباس **** الساقي والمحامي.. والأسامي.. تركع الأسمه نافذ البصيره ...والسريره ...تشهد العلمه الأخو المؤازر ...والمناصر... ياهلا بعزمه خشن عظمه،، وشيم أمه،، أخو ونعم الأخو بگصته زمزم ،،،والمخيم ،،،منه شابع دفو الموت الاحمر ،،سيفه كبر،، چفه ذل العدو الواديها طب;; يحصد رگب;; يمطر غضب;; عباس رف اللوه  ;;ضاگ الهوى ;; بيهم چوه  ;;عباس * ✍️حسين حمدان الدلفي