الشاعر سجاد الدراجي

https://youtu.be/YYpWerEj3n0?si=MsXXYJyZc0PoUDV6

‏طلـــع حلو الشمايل ‏وطفت كل الفصايل ‏وبقت تترادم الناس ‏من اعيون ابوفاضل ‏ ‏ابعيونه شما نضر طاحت كتيبـه ‏وگبل لا يدخل امخلصه الحريبه ‏اي عـــدة حــــــرب ذباها عباس ‏عنـــده اعيــــون التريده تجيبه ‏ ‏عين ام الحسن ‏ها هـــوه قادم ‏يكسر الصوارم ‏متهمـــــه وادم ‏ ‏گضاي المحن ‏من يرفع ايده ‏ايلوح البعيده ‏فحل الصميده ‏ ‏$$$$$$$$$$$$$$ ‏ ‏اذا هـــد عالگناطــر ‏يخلي الجيش حاير ‏واذا ساترهم احجار ‏يشلعها الـــسواتــــر ‏ ‏الثگيله ولامه ما راح لخفيفه ‏ابــــو الايد الاذا طگت عنيفه ‏بالطف يا سبــع ينزل يلاگيــه ‏اعله طوله الكافل يخلي نزيفه ‏ ‏ماترهم سبع ‏ثانـي اويه عباس ‏اليگطعها الانفاس ‏هوه اشجع الناس ‏ ‏طگ ضلع بضلع ‏لمن وصلهــم ‏حيـر عقلهــم ‏وباعو نسلهم ‏ ‏$$$$$$$$$$$$$$ ‏ ‏على الكل هسه تخضع ‏اجـــاهـــم ابن الانــزع ‏فقط بس اسمه عباس ‏يخلــي الــــروح تطلع ‏ ‏عباس اسمه بي كـــل الجلاله ‏الابد ما شافت اعيون بجماله ‏اول ما اجه انطاه حيله ابو حسين ‏وباس ايده وگبل گله الكفاله ‏ ‏كفال الخدر ‏وحـزام الحسين ‏وماي الصواوين ‏وزلمــــة ميادين ‏ ‏من دگ الصدر ‏لجـــل الـــعقيله ‏جيوش الطويله ‏لفها بـشـلـيـلـــه ‏ ‏$$$$$$$$$$$$$$ ‏ ‏هله بزين المراجل ‏صـــاحله العقــائل ‏هله بالدومه گدام ‏مــا گلــوله خاتــل ‏ ‏الغالب ابنه هــــم يتسمه غالب ‏وره عباس ماكو اسم المحارب ‏ونستها الــحرب ابن ام الابنين ‏مـــو بس الحچي يلم الكتايب ‏ ‏صارت ملحمه ‏وضل يقلع الطوس ‏ويشمــر الـــــروس ‏وعليهـــــن ايدوس ‏ ‏واصل للسمه ‏صريخ العرب حيل ‏طــب طبة السيــل ‏راواهم الـــــــــويل ‏ ‏$$$$$$$$$$$$$$ ‏ ‏ضــموها الـــصوارم ‏وذبــوها الـــعمايــم ‏منو يخلصكم اليوم ‏مــــــن زلزال هاشم ‏ ‏اشردو اشما شردتو الموت اجاكم ‏بكل صـــــوب الگمر تلگوه وراكم ‏معـــروف النهــر بــي مجره للماي ‏ونهــــر عباس ســواله بدمـاكــــم ‏ ‏ياهـو بطگته ‏يگــــوم بسلامات ‏لا والله هيهـــــات ‏صار امن الاموات ‏ ‏بس بخزرته ‏كل الجره وصار ‏وخلاهـــا تذكـار ‏يحچيها كـل دار ‏ ‏$$$$$$$$$$$$$$ ‏ ‏سجاد الدراجي ‏

‏عيال الحسين تخاطب مولانا ابو الفضل العباس عليه السلام ‏ ‏ ‏لأيامـــك حنينه ، ابالفضل ‏يــم گبرك ودينه ، ابالفضل ‏مانرضه بماي الگطعو ايدك ‏بـس انته تروينه ، ابالفضل ‏ ‏ياعمنه تــره اليسبـــونه ‏نسحگ عالجمر خلــونه ‏ياهضمتنه ذيچ الساعـه ‏من يم چفك وصعدونه ‏ ‏مابينه السلم ،، ياراعي العلم ‏نص اخوتنه ما طلعت تره بحرگ الخيم ‏ ‏نشرد من حرگ ،، نتلگه السحگ ‏غير الي وگف گلبه وبعـد ضـل مـا يدگ ‏ ‏$$$$$$$$$$$$$$ ‏ ‏وينك يا عم وينك ، ابالفضل ‏يالحيرت حسينك ، ابالفضل ‏رد شايــب بالگــوه ايتمشـه ‏لمن شاف ايمينك ، ابالفضل ‏ ‏وضلينه احنـــه النتچيله ‏وگعدت يمه تبچي العيله ‏هوه يگول اخوي واحنه ‏ياهو الحارس النه الليله ‏ ‏لو ماكو كفيل ،، بينه الكل تعيل ‏يالشايل شنو بضلتنه كون احنه النشيل ‏ ‏اضلم يالصبح ،، وجرحك ياجرح ‏ابــو الطــول اليهابونه بقه راس برمــح ‏ ‏$$$$$$$$$$$$$$ ‏ ‏لــو تسمع مبچانه ، ابالفضل ‏ومحد هسه ويانه ، ابالفضل ‏عمتنه مــن فگدك لهل اليوم ‏متعوبه وعطشانه ، ابالفضل ‏ ‏طاحت من بطيت بجودك ‏عرفتهن گطيعـــه ازنــودك ‏وكضـــت بالـتــرب تشتمه ‏چي لاح الترب بخـــدودك ‏ ‏اذاها البعد ،، وممرود الچبد ‏لردتكم عليها العمه كـــل لحضه تعــد ‏ ‏ها هسه يجون ،، يحمون الضعون ‏هين كلشي بس عباس ابد لا مايهون ‏ ‏$$$$$$$$$$$$$$ ‏ ‏الطاحت لهله الـرايه ، ابالفضل ‏متضل عنده حچايه ، ابالفضل ‏گــومــونه وگعــدونه وتعبنـــه ‏وسـوو بينه اسوايه ، ابالفضل ‏ ‏حــال المـاكو واحد عنده ‏مــو بيت بخـرابه الگعده ‏مـن عدنه اليروح لرمحك ‏الحارس عالرماح ايطرده ‏ ‏بعد العز هذاك ،، ياعمنه وحماك ‏ضل ياهو اليجي يصيح علينه من وراك ‏ ‏همال الدمع ،، صار المو سبع ‏حته الطفـــل الــيشوفه يكســرله ضلــع ‏ ‏$$$$$$$$$$$$$$ ‏ ‏تنهش بينــه الغربه ، ابالفضل ‏وياهو اليندل دربه ، ابالفضل ‏مـــن يمك مــن رحنه بقهرنه ‏وكلمـن علته بگلبه ، ابالفضل ‏ ‏ياهو اليمشي هاي الصحره ‏وهـــوه المختنگ بالعبــــره ‏الــخاطــر يالگمـــر كســرنه ‏مـــن يبچــن بنــات الزهره ‏ ‏وكل هذا القهر ،، ونتذكر گمر ‏راح بجربته ايروينه بــس ضــل عالنهــر ‏ ‏مرمي ابلا ادين ،، ومطفيتله عين ‏وكاسرهن تره ضهورتنه مو بس الحسين ‏ ‏$$$$$$$$$$$$$$ ‏ ‏سجاد الدراجي ‏

https://youtu.be/7A5trWIhCr0?si=JXoPIyv8WqSzLde8

https://youtu.be/3RYLXRwYBdM?si=coc0FrdYGsNSvYvX

https://youtu.be/t7BYkKHYFfg?si=eNTUQFd3UicJmo44

‏نادي علي مضهـــر الــعــجــائـب ‏تجده عوناً لك فـــــــــي النوائب ‏عن عشگي اسولف يهل السوالف ‏وعــشــگــــي علي بن ابي طالب ‏ ‏عشگي اله الخله الگلب يلين ‏وبحضــوره تخبــل الـــسنين ‏البي علي هــذا الگلب شريف ‏وشـــرف المـــكان بالمـكـــين ‏ ‏اطهــر الطاهرين علياٌ ‏سيـــد المسلمين علياٌ ‏ازهـــد الزاهدين علياٌ ‏حبل الله المتين علياٌ ‏صالح المؤمنيـن علياٌ ‏قائــــد المتقيـن علياٌ ‏زين الموحديــن علياٌ ‏اميـــر المؤمنين علياٌ ‏ ‏$$$$$$$$$$$$$$ ‏ ‏ماعدنه راي ونمشي اعله رايه ‏اعله الياعلي اهلا بـيها المنايه ‏كل شيعي تلگاه بأول سطرهن ‏واول سطــرهن هيــــه الولايه ‏ ‏ما تهم اشما تجي الصعـاب ‏الرجعه كلها بأيد ابــو تراب ‏الطينه معجونه بفضل علي ‏ولهــذا الشيعي مــا يهـــاب ‏ ‏قاتــــل الاشقياء علياٌ ‏اشجــــع العلماء علياٌ ‏منجـــي الأنبياء علياٌ ‏اعظــــم النجباء علياٌ ‏اعلـــم الفـقـهـاء علياٌ ‏اشرف الاوصياء علياٌ ‏احكـــم الحكماء علياٌ ‏سـيــــد الاولياء علياٌ ‏ ‏$$$$$$$$$$$$$$ ‏ ‏مـــولى ونعم المـــولى رضيته ‏انــــه الــدخيـــل الاذ بحميتــه ‏عمري الي عشته والراح اعيشه ‏للياعلي الـــحــب كلــه هــديته ‏ ‏موطن الحب اسمه ياعلي ‏من الكذب والافتراء خلي ‏ما يدخله الكاذب ويضــيع ‏موطن انخص لليحب علي ‏ ‏مـوطن الاوفياء علياٌ ‏ابلــــغ البلغــــاء علياٌ ‏اكـــرم الكــرماء علياٌ ‏صاحب الاتقياء علياٌ ‏مرشد الاصفياء علياٌ ‏مغـنيَ الـــفقراء علياٌ ‏اعقـــل العقـلاء علياٌ ‏انبـــل النبـــلاء علياٌ ‏ ‏$$$$$$$$$$$$$$ ‏ ‏لا للــتخــاذل لا للخـيانـــه ‏حبك يحيدر عـدنه الامانه ‏المابي محبتك والمايريدك ‏هم مانريده وعفنــاه ورانه ‏ ‏بـــــس الك تجاذب القلـــوب ‏وعره من دونك علي الدروب ‏گلـــوب الــــتحبك علي زلال ‏طهراها اسمك مــن الــعيوب ‏ ‏نبتدي بالسلام علياٌ ‏وختـام الكلام علياٌ ‏الابُ والامــام علياٌ ‏وغــرام الغرام علياٌ ‏الشجاع الهمام علياٌ ‏سيـــــدٌ للانام علياٌ ‏ذكـره عالدوام علياٌ ‏

https://youtu.be/KH0WUzFbycA?si=wT-I1oZa3XZ52HDj

https://youtu.be/kKABRuzYMNM?si=azRz7wgF77wszDED

https://youtu.be/64NDo-7izpk?si=OExGP6dFXDKZljqJ

https://youtu.be/W0fW2ec77s4?si=2pRfajflsV4XhcTM

‏سيف ذوالفقار الشاهد على ماجرى ‏للسيده فاطمه صلوات الله عليها ‏ ‏ ‏شاف الفقار الــحادثه وهــوه الـشاهد ‏باب العضيمه للــسمه الــحرگ صـاعد ‏وكــل الــجره لبنت النبي بنضــر عينه ‏شاف الچذب على الصدگ هجم حاقد ‏ ‏كلها اعله شـــر متحزمه ‏وياهو اليطفي الضارمه ‏كسر الــضلع لأم الحسن ‏كاسر ضهر حامي الحمه ‏ ‏ومـــن دخل ذاك اللعين ‏اختصـــر كـــل الــسنين ‏كربله هـــنانه ابــــــتدت ‏من ضرب راس الحسين ‏ ‏$$$$$$$$$$$$$$ ‏ ‏من هضمته ومن غيرته انگلب لـونه ‏راعيــه شـــافه بـــسلسله يـگيدونـه ‏وماكو اصعب من الكاتل العرب كلها ‏وتالــيها گـــدام الــــعرب يجـــرونـه ‏ ‏ابيت الطهاره اشگد صعب ‏مـــن تدخل اعليهم غــرب ‏شحال اهله لـــمن شاهـدو ‏يطلــع علي بكســرت گلب ‏ ‏بدمعته ضل ذوالفقار ‏وبالــــوصيه ابلا قرار ‏صعبـه مـن ينضر علي ‏بگيده تــشمْت زغـــار ‏ ‏$$$$$$$$$$$$$$ ‏ ‏شاف اخته لمــن تنضرب نــزع غمده ‏لكـــــن علي مـــــن عاينه رجـــع رده ‏لو صايحه الزهراء فقط اخي ادركني ‏چان الـــسطر خد ام حسن گطع زنده ‏ ‏مــو هينه گــدامه انــدفع ‏باب و وراه محسن وگــع ‏لحرمة علي اتغث ال وان ‏حتى الـــنفس بيها انگطع ‏ ‏ياهــضيمــــه ولله دار ‏اترامت بكوم الــحجار ‏بــيــها دين الله انوجد ‏وهسه بيها التسري نار ‏ ‏$$$$$$$$$$$$$$ ‏ ‏عيــن التشاهد مــو مثــل سمع تسمع ‏شاف الذي مـــن شوفته الجلد يگشع ‏مطروحه بنت اشرف نبي على الغبره ‏وروح الزچيه مــن الالم غــدت تطلع ‏ ‏كــل الــمشاهـد مــؤلمه ‏وضيم الضلع من يفهمه ‏ماگدرت بخطوه المشي ‏فضه الــتـسـنــد فاطمه ‏ ‏و ذوالفقار ابلايا صوت ‏وغيم اگرابه الــسكوت ‏يشكي حزنه الـمـن بعد ‏وفاطمه الليله تمــــوت ‏ ‏$$$$$$$$$$$$$$ ‏ ‏بدياره ضل ساكن علي وبقه بحيره ‏وكلهــن حــــزن لأم الحسن تعابيره ‏ويبچـــي الفقار لحالته لأن شــــافه ‏اليتچه عالــــحايط علي تره چبيره ‏ ‏ساكت لچن يغلي الگلب ‏يمته ويشن نار الـــحرب ‏ثاره الـــــــيريده لفاطمه ‏بچـف قاهر الــمـا ينغلب ‏ ‏الــــــبدارُ الــــــــبدار ‏هذا صوت لذو الفقار ‏قــم يمهدي وطلعتك ‏ينـــوخذ بيها النه ثار ‏ ‏$$$$$$$$$$$$$$ ‏ ‏سجاد الدراجي ‏ ‏ ( توضيح البيت الثالث ) إن رسول اللّه (صلّى اللّه عليه و آله) لما أسري به انتهى إلى شجرة كثيرة التفاح، فأخذ منها تفاحة. و لما أراد أن يتناولها أكل النصف منها و طار نصفها الآخر و اختفى. و خلق اللّه تبارك و تعالى من نصف هذه التفاحة ذا الفقار و من نصفها التي أكلها رسول اللّه (صلّى اللّه عليه و آله) نطفة فاطمة (عليها السلام). و لما واقع خديجة علقت بفاطمة (عليها السلام)، ففاطمة (عليها السلام) أخت ذي الفقار و ذو الفقار أخ لفاطمة (عليها السلام). و لما جاء علي (عليه السلام) البيت سمع مكالمة الزهراء (عليها السلام) فسأل عنها: يا فاطمة، مع من تتكلم؟ فأجابت مع اخي ذي الفقار . كتاب الموسوعه الكبرى عن فاطمة الزهراء عليها السلام ج ٢ ص٣٣

‏بيه اعلـــه فگدچ عـــازه ‏ليش اعله جرحي اتوازه ‏صرت امشي چني جنازه ‏وعود انه حيدر ‏ ‏شسويتي بيه بضلعچ ‏وضليت ابد ما سمعچ ‏وشلون اشوفن دمعچ ‏يم بيتي مگدر ‏ ‏على بابچ جيت ودمعي ‏حچه كلشي وياه ‏من اشتاگ اسمع صوتچ ‏چا ويـــن الگــاه ‏على ذيچ ايامي الحلوه ‏وعلى ضيمچ اه ‏ ‏بحزنها تبقه الـچ دهـــر روحي ‏وچبيره يم حسن تره جروحي ‏بعـــدنه بأول الـــدرب رحتــي ‏وبقيت انه بعذابــي وبنوحــي ‏ ‏$$$$$$$$$$$$$$ ‏ ‏صوت النعي الطر گلبي ‏هنا يا هلــي ويا حبـــي ‏ما گمت اشوفن دربـــي ‏وحيلي تركني ‏ ‏مــــوتچ كســـر دلالـي ‏وحالي شسولف حالي ‏مالي اعله فگدچ مالي ‏فگدچ كتلني ‏ ‏لـــو بس مره تسمعيني ‏وبيه تشوفين ‏مـــن اگعد يـــــم ترابچ ‏وگبالي حسين ‏ونحچيلچ بس هالچلمه ‏ليش تروحين ‏ ‏ثگيله مني مـن تروح زچيه ‏ومصايب السنين اجن عليه ‏يزهره بعــدچ العمــر اعيشه ‏لچــــن اعيشه عيشة المنيه ‏ ‏$$$$$$$$$$$$$$ ‏ ‏ثگلن عليّ چلماتـي ‏يـــافاطمه واهاتـي ‏محد مسح دمعاتي ‏وعزاني موتچ ‏ ‏هذا الــصبر اذانــي ‏وحيل البعد بچاني ‏ليش الگبر خلانــي ‏ماسمعه صوتچ ‏ ‏اجي من گبرچ متعلعل ‏واوصل للبيت ‏وياريت اگبالي اشوفچ ‏اخ الـــياريت ‏چنها بسيف وتذبحني ‏وهـم اتمنيت ‏ ‏يفاطمه وحبيبچ اخبـاره ‏علي تــأذه وانهجـم داره ‏ومثلها نار الاحرگت بابچ ‏علي دليله مــاطفت ناره ‏ ‏$$$$$$$$$$$$$$ ‏ ‏يخنگ وداع الـــــزهره ‏وهجر العشگ شيگدره ‏مـــــن وسدتها الحفره ‏وسدته عمري ‏ ‏يعيوني راحت مني ‏فاطمتي هالعافتنـي ‏وانه الذي هاضمنـي ‏الفاگدها گدري ‏ ‏كلشي ادفن بيه اخلافچ ‏مـــن تندفنين ‏وانتي الــمالچ بالـــدنيه ‏يالزهره اثنين ‏انه وياچ اجمل عشــرة ‏بس متغربين ‏ ‏غريبه وي غريب اجت عاشت ‏وغريبه حتـه بالـــنعش راحت ‏وحق ونينــچ الــشلــع گلبـــي ‏حياتي ضلمه من وراچ صارت ‏ ‏$$$$$$$$$$$$$$ ‏ ‏سجاد الدراجي ‏

https://youtu.be/U1DvRv1JeCs?si=kW5XWp2-orTgIsVf

https://youtu.be/jUOtNa-tZ3A?si=xWSgOO8pEJuwsuaI