سجاد حيدر العكيلي

شهادة مولانا المحسن صلوات الله وسلامه عليه ‏يا فاطمة ‏لعن الله ضالميك ‏—— ‏بعد شنطر بعد ‏نذبح يمي الولد ‏ ‏اوليدي مذبوح.. عل عتبة مطروح ‏ولا نام ابمهد ‏بعد شنطر بعد ‏ ‏انه اليتيمة الما رعوهة ‏المن طاح ابوهة هاجموهة ‏وثالث ولدهة الي تتاني ‏يمهة وگع من اعصروهة ‏ ‏بضلعي المالوم. ‏وگلبي المهضوم ‏من العتبة ‏توسلتة يگوم ‏——— ‏ذبحولي حلم ‏من حگي الچم ‏ ‏يكبر اتاني... وانه اصد ليَة ‏وبنحرة اشم ‏ذبحولي حلم ‏ ‏يا كسرة التفگد ابنهة ‏الما مرة شايلتة بحضنهة ‏أعصاب تتعصبلة حگهة ‏يبچي الثكالة يصير ونهة ‏ ‏احلامي هواي ‏و اولهن جاي ‏وباجر يكبر ‏ويشيل اللواي ‏—— شحسب طيحتك تموت بجيتك يالجيتك موت .. وكاروكه تابوت حسره شوفتك شحسب طيحتك مذبوحه بلساني الدللول چا غير يمي وليدي مچتول بعده الولد ما ماشي عالكاع وبعده عليه ما داير الحول وگلبي المكسور عالـ 9 اشهور الما كملهن طايح منحور —— شعمل بيه الدهر اخذ لب النضر التنتضره خوان .. طاح اعله تربان انكسر اول ضهر شعمل بيه الدهر يبچون اخوته گبالي يبچون من البچي عميانة الاعيون ينضرونه من خالي المهد صار وصار ابمهد خالي يهزون واخته من اتنوح بچلمة مذبوح بكل ونه اعليه اطلعهه الروح سجاد حيدر العكيلي

رجوع الضعن للمدينة يا موسى ابن جعفر مدد --- أهنا يهاشم يا اهلنة محد رجع لمن رجعنة كون السلف ينشاع ونه طاحو ضماية اهل المحنة أهنا يهاشم يا تچوتي عل عشتة هين صار موتي يا بلوة التعادل بلوتي وانه العفت بل صحرة اخوتي انكون ما معروفة اكلكم يل سادة زينب انه بتكم حگكم لون تجزوني حگكم متغيَرة ما جني منكم احچيلكم ودليلي فاير ابهيمة وتشوف النواضر حاير چبير السادة حاير وحيَد وتحيطة البواتر أهنا يهاشم جان الوداع من الهزل و اخواني عل كاع ضاع الدلال بدونهم ضاع واسم العقيلة بل غرب شاع أهنا يسادة اعلة القبايل وحيدة غديت وحملي مايل انكون ليَكم طاري واصل گوة الضعن لشام شايل من الدلال وهيبة اخيام مچتوفة رحت بهزلة للشام ثاري الوكت لچمات الي ضام بطبول يتلكون الايتام أهنا يهاشم يا اطايب چتال ليلي بل خرايب مو النة تنگال الغرايب طفل الضعن رديتة شايب ثكلة ونخيت الساسة صافي من الغرب خلصوني كافي شوفو الضعن خضر الچفافي الشام ما بيهة اليوافي بغيرتكم احلف ها يسادة ما سادة عيوني بوسادة جفي الحبل بل غربة گادة عليَة الدهر يهلي التمادة أتنگبو ونصبو الفواتح مو واحد من ازلامي رايح ل ١٨ ما يكفي نايح طايح توسد يمة طايح اذكر لمن منكم مشينة رايت كمرنة اترف علينة رد الضعن شايع ونينة من السبي ليكم اجينة

https://youtu.be/FYi2cmIt18w?si=7fyEbTeS1oHzAipw

https://youtu.be/Sxi9XpIC-hU?si=YL0mSFLqzX3DpVwB

شهادة مولانا رسول الله صلى الله عليه وآله وسلم ‏يا موسى ابن جعفر ‏ ‏كأني بمولاتي فاطمة صلوات الله وسلامه عليهة تروي لقبر ابيهة رسول الله صلى الله عليه والة وسلم ضلمهة وحزنها بعد رحيلة ‏-———— ‏اجيتك بوية انوح ‏وتحديني الجروح ‏وحگك من رحت ‏ما ضل بية روح ‏ ‏جيتك يبوية وضلعي معيوب ‏ثگلة ويتيمة وحگي مسلوب ‏نفسة العليك يكول (يهجر) ‏بوية ( وان) رد كالي انوب ‏ ‏ ‏اشكيلك حالي.... وشنهي أيذيني ‏بس لا تسئلني... أشصار بعيني ‏صوابك وضلوعي..وفگدك يچويني ‏ ‏بعدك تمادة... بوية العبد... بعدك تمادة ‏مو النة عادة.. حگ ننغصب.. مو النة عادة ‏ ‏ ‏——— ‏قبل لا تندفن ‏وألك يغمض جفن ‏انغصب حگي شفت ‏گبل چلمة (وأن) ‏ ‏بوية بمنيتك والحمل مال ‏غصبو فدگ من عندي الانذال ‏كونك عدل وتشوف بنتك ‏يا حال بعدك بوية يا حال ‏ ‏من غمضت عينك .. وهليت دموعي ‏وردة وبخلافك   ..  كصوها فروعي ‏من حركو داري  ..  وكسروها ضلوعي ‏ ‏بوية الثچيلة .. خدي انسطر.. بوية الثچيلة ‏بتك عليلة... من روحتك.. بتك عليلة ‏ ‏———— ‏من يمتة الغرب ‏غصب بيتي تطب ‏اندفع بابي ووكع ‏محسن عالترب ‏ ‏انه الوحيده العد ابوها ‏وانه العزيزه الما رعوها ‏أبطيحتك دفعو علي باب ‏الموصي بيهه عذبوها ‏ ‏ ‏المحسن بـ اصيارة  ..  مذبوح اوليدي ‏ويلي وما لحگ  .. يغفة ابين ايدي ‏والنوح اخلافة.. صاير تعويدي ‏ ‏بصيارة مذبوح... محسن وكع.. بصيارة مذبوح ‏عالعتبة مطروح... طاح وبقة ...عالعتبة مطروح ‏——— ‏من يمتة التحن ‏يمنعوهة تون ‏وحگ امصيبتك ‏ماينشف جفن ‏ ‏ابچي الك صبح ومسيه ‏حگ البچي هاي الرزية ‏ومنعوني يابوية انوحك ‏و(أذيْتِنا) كالوهة الية ‏ ‏ ‏مهضومة وحگي .. يابوية اشكيلك ‏كسروهة ضلوعي.. وحرموني ابچيلك ‏بيا هضمة اخلافك.. بتك تحجيلك ‏ ‏ ‏ايدي اعلة ضلعي.. بعدك عشت.. ايدي اعلة ضلعي ‏وماگطعة دمعي.. لحد اللحد.. ماگطعة دمعي ‏ سجاد حيدر العكيلي

https://youtu.be/cXPwXlFNK4o?si=yuVUilkAPVW_Qd6k

قصيدة الاربعين يا فاطمة كأني بمولاتي الثُكلى الغريبة وهيَ عائدة الى جرحها واخيها ولكن كان الشوق في طريق عودتها هو الحادي الذي جدَ السير بها ليلاً ونهارا وهي تقول ( ياناقتي اسرعي ولا تبركي فلم يبقى تجلدً ولا صبراً على فراق اخي) __ من الهضم من الشام.. من الي غيرو اسمي يا ناكة اسرعي بممشاج.. وصليني يم ابن امي مهضومة انه وشفت الضيم.. وبس يمة اشكي بهمي .. يا ناگتي يا ناگتي .. هونج فلا گول گلبي على الضامي گضة .. يناكة معلول وصليني تعبني الدرب.. خليني اگلة من طيحتك وانه بهزل.. يبن امي بچول .. يل ما الك غسل وجفن من طيحتك همي الضعن اللهن يلوگ اسم الخدر فوگ الهزايل مشن .. حسبهن احساب الليالي..لگبرك اوصل حلمي صار هفتت اخيامك لچنهة.. فرگتك بعيوني نار ____ يا ناگة راح الحداي..اللف اعلة جفي احبالة بحال المشي الجان ويا..وزيدي اعلة ذيج الحالة وصليني يم المذبوح..الطاح ويهم بعيالة .. المنعوني اشيلة وابچي الة.. لمن خذوني بحبالي عل ناكة رحت.. انه وضعوني الدللني ضل اعلة الترب.. وانه سبية تالي دلالة ودعت... حسين بعيوني .. ما نوخت ذيج الهزل وما رحمت دموعي التهل ما لوحت لمن رحت جي ملتف بجفي الحبل .. يا وداع بناكة صاير.. وسكتة سكتة عليَة انوح ذاك اخوي الحادي اكلة..شلون اعوفة ومنة اروح __ يا كربلة وهم رديت.. وتذكرتهة خيامي شوف الدهر من يدور.. خلة الهزيلة اولامي ومحتارة وسئل وين.. يا عمة گبر الضامي .. گلب اختة مثل امة يحن.. ومثلي تنطرة تمشي الهزل وانه خفت.. ترجع تعبرة هاي الكبل منة جزت.. وما نزلتي عن لا ترد وتعبَرة.. طحت اعلة كبرة .. يل منحرم ماي الشرب حگ خوة طحت اعلة الترب نعايتك خوية اجت من السبي وهضم الغرب اتلث ليالي يمك ابقة.. ويرجع يمرني الوداع منكتب مرتين اودعك..ميت ومرمي اعلة گاع ___ معلولة يا خوية تشوف.. شحجي بهضيمة حالي كل ليلة الي موتة عليك.. هيج اليفارگ غالي منكوبة اجيتك يحسين..وبجفي اثر لحبالي .. حس گلبي يل جوة الترب.. بل ضيعتهة بتك رقية اتعذبت.. يل دللتهة ماتت على راسك تون.. الجانت تنطرك بنفس الخرابة بل سبي.. خوية ادفنتهة مر الدرب ياخوية مر وجم طفلة ماتت بل يسر الهضمن اربات الخدر الوكفة اعلة بيبان القصر غربة والحادي وضعوني.. وانه وحدي وكلهة هاي العدهة اخو اعلة رماح خوية. . بل غرب مالهة راي سجاد حيدر العكيلي

رجوع الضعن الى كربلاء ‏يا موسى ابن جعفر ‏——— ‏رديت يا شيخ الچبيلة ‏رديتلك ثگلة ونحيلة ‏يل راچب الخيل الاصيلة ‏من نومتك فز للعقيلة ‏ ‏فز ليَة خوية وشوف حالي .... ‏لا هيبتي ولا ضل دلالي ‏الما طالعة بعزك يغالي ‏لشام ودوني بحبالي ‏ ‏بحبالي ودوني اشتكيلك ‏يا حيَد يمفحط چبيلك ‏لهموم اخيتك فك شليلك ‏بينه صبَح حاير عليلك ‏ ‏عليَلك تجرع مر الادروب ‏البيهة الشماتة مرافگة البوب ‏من الدفن رد ليه متعوب ‏ويمي بهضمته يلوع ويلوب ‏ ‏يلوع وعقيلتكم يسادة ‏ما غمضت ليلة بوسادة ‏خوية السبي مو النة عادة ‏وحادي الابل خوية تمادة .. ‏ ‏اتمادة من نوخ ابلنة ‏ابديرة غرب مو يم اهلنة ‏وملگة الشماتة اهنا چتلنة ‏بحبالة ويشاگف ضعنة ‏ ‏يشاكف حجر ونوب حيرة ‏مكشوفة ناكتهة الاسيرة ‏يطلابتي هنانة جبيرة ‏الشام مو گدر الاميرة ‏ ‏من يمتة مگداري الخرابة ‏والشام احملنة ابعذابة ‏چبيَر الضعن يذبح نگابة ‏ومالاگة اليعينة بمصابة ‏ ‏يل ما رحم ابنك زمانك ‏چي محد يترسة مچانك ‏يل جنك الزهرة بحنانك ‏ينوح الضعن فاگد امانك ‏ ‏كل فاچدة تنوح البنهة ‏ليل الخرابة يهد حزنهة ‏هاي الغدة فارق حضنهة ‏وذيج اللك ما هاد ونهة ‏ ‏شاچي الگلبي ياخوية شاچي ‏المحد بسمهة وياك حاچي ‏مغيرتهة ياخوية البواچي ‏ومطرور كلبي اعلة التراجي ‏ ‏ ‏بهاي الهضيمة دليلي مطرور ‏حيف الزمن بسرارك يدور ‏خوية الجرة بربات الخدور ‏بحبالنة وطبينة القصور ‏ سجاد حيدر العكيلي

https://youtu.be/14-8I61l06s?si=-3ZafFxDBFoxy4Ll

‏يا موسى ابن جعفر مدد (انه العقيلة) ‏-—— ‏يبن امي.. من بعدك.. حالي تغير ‏مو ليَة .. تدريهة.. الهزلة والبر ‏عل ناگة .. واشكيلك.. ضعني تتطشر ‏ ‏من حركو اخيامي ‏فرينة يا ضامي .. والهيمة ما ترحم خدر ‏ ‏يا طلعتي الصعبة ‏من كل كتر غربة... ياهضمتي ابتالي العمر ‏ ‏راح الدال وهيبتة .. من چابو النوگ ‏ام الخدر فوك الهزل.. لا هاية متلوگ ‏لمن طحت ها يا نفل.. سكف الخيم طاح ‏ومثل الخيم گلبي الك.. يبن امي محروك ‏—————————————— ‏بضعوني .. محتارة.. فوك الهزيلة ‏ومن يمك.. اخذوهة..خوية العقيلة ‏حرموني .. امن اوداعك .. وهاي الثچيلة ‏ ‏بعيوني ودعاتك ‏وجروحي ما شلتك.. مسبية رحت اعلة الهزل ‏ ‏خوية صعب حالي ‏عل ناكة بحبالي.. و دموعي بفراگك تهل ‏ ‏منك جزيت اعلة الهزل.. متغيَرة الحال ‏عن لا تصد بيدي الحبل ..ضميت الحبال ‏خوية الهضمني بروحتي.. مطروح اعوفك ‏الدللني ضل اعلة الترب.. ميصحلة شيال ‏ ‏—————— ‏ ‏بل كوفة.. وعيوني.. لجيتك تناطر ‏مو گدري .. بل غربة.. دلالي حاير ‏بحبالي .. مجتوفة.. ومكسورة خاطر ‏ ‏البضعني مجتوفة ‏ما طرت الكوفة... فزعو اهلهن بل درب ‏ ‏الا انه مسبية ‏ومحد فزع لية ..وضليت مابين الغرب ‏ ‏العدهم غريبة بالسبي.. خوان اجوها ‏ومن النظر بين الغرب .. خوية الاحگوها ‏الا انه اشوفك عالرمح .. وتهل دمعتي ‏شحال البقت تتنطر و .. مذبوح اخوها ‏ ‏——————————— ‏مشوني .. بل هيمة.. ايام و ليالي ‏هاي اول.. مرة اطلع... بدونك يغالي ‏مذبوحه ..مَن افراگك .. وعگدت حبالي ‏ ‏والتذكر الخوه ‏يبن امي تتلوه .. وتبچي اعالبچي ناگتي ‏ ‏وبعد الخرابة الأم ‏طبينه خوية الشام .. انه وجروحي ودمعتي ‏ ‏الطبه هاي الهونت .. نيران الاخيام ‏چي ما شفت اقسه بعد .. من حرگت الشام ‏الما يمها كافل لا اخو .. خوية بحبلها ‏تتدخل قصرهم والهظم .. كفالت ايتام سجاد حيدر العكيلي

https://youtu.be/jNoH51PVUYo?si=pFOjrKcNT0cGwAIk

https://youtu.be/wZ-MqTWHqM4?si=-GdIvG0uq0zyVzRm

شهادة مولانا الحسن صلوات الله وسلامة علية يا موسى ابن جعفر مدد -- عندما بقية مولانا الحسين صلوات الله وسلامه عليه وحيد في كربلاء اتجهة الى المدينة وقال __ حسن خوية اخوك بنص غرب حاير ريتك يمي بل عاشر تدري الما تضلة اخوان وكفتة تكسر الخاطر اشكيلك الحال والصعبة تنگال، وحدي بقيت ابنص صحاري والمالة خوان وميضلة عوان ، يستوحدونة الگوم ثاري بل هيمة يا خوية صحت وردلي الصدى وانه طحت ما ضل اخو ويفزع الي يبن امي وحدي تعلعلت -- حسن خوية تضيگ الوسعة بعيوني شما صدان على ضعوني ضماية بهيمة من تالي وانه بحيرة يدروني لو امشي للماي ميضلي حماي ، وبي تحتمي اخيام الغريبة ولو ابقة ياويل تتگرب الخيل ، اعلة الخيم خوية المصيبة والبل الخيام امدللة وما تندل بهاي الفلة ولو امشي ما ارجع بعد وتطلع عيالي ابگربلة __ حسن خوية رچبت اعلة المهر ودري تشب اخيام البضهري فز والحكهن اخيامي غربة شمتت بكسري و الدللتهة خوية اسمعتهة ،من مهرك انزل خوية يحسين افتحلي صدرك وگربلي نحرك ، وصتني امي وهاذة هم دين كالتلي لو ضل بغرب وحسرة عليَة صار الشرب قبليلي صدرة بغربتة وهوني عليَة يمة الصعب -- حسن خوية اندبك عل ترب طايح اخوك وبل خيم نايح وضعن ام الخدر خوية عل هزلة لغرب رايح ويامن گبل صار عل تربة محتار ، مابيه يفزع يحمي الضعون گبالة الضعن راح وروس اهلة بروماح ، وبهل مصيبة يسد العيون ما صارت بميت قبل كبالة خذو اهلة بهزل خوية وبقيت اعلة الفلة وضعن الخدر لمة الحبل سجاد حيدر العكيلي

شهادة مولاتي رقية يا حسين __ بوية وينك ..مو رقية الرابية بحضنك يغالي الدللتهة ....بهيمة عطشانة وغريبة بلا دلالي لو لكيتك....شلون احضنك وانه بجفوفي حبالي .. اطلعت ما ضلي راي وطاحت اخيام بكفاي زغيرة انه وهيمة هاي.. بوية اركض وعيني عليك التغفة جانت بين اديك شلون اگلك من اجيك ..بوية .. انه رقية ويحالي حال ما جن ربيت بذاك الدال لمن طحت يابوية شوف.. مديتة جفي لذيچ للحبال ___ منك امشي.. ومو بنوگك بوية ذيج البيهة اجينة ويا كسرتك.. ضامي عل تربة طريح اتصد علينة عل هزيلة.. والهضمني بيك مرت من مشينة .. بلا وداع اعلة الهزل نمشي ودموعك تهل من شفت بيدي حبل.. بوية وداعك بعيني عذاب امشي ونتة اعلة الترب مالي طاقة لهل مصاب.. بوية .. منك سبية مجتوفة اروح ولا شلتك ولا خلوني انوح من الناكة درت عيوني عليك تحديني بعدك بوية الجروح __ الطاح ابوهة.. تمشي بل هيمة سبية اعلة الهزيلة هاذة حالي... جفي يابوية وحگك ما اشيلة طفلة انة...زغير جفي والحبال اعليَة ثكيلة هنا يمن عطشان طاح بل اسامي الحادي صاح وبوية ونتة اعلة الرماح.. بوية عالي يا ضهر الهزيل وبية يابوية تميل ورمحك بعيني يعيل.. بوية انه بهزيلة ويمك اجيت وحيَدة وغريبة لرمحك شكيت شسوة غيابك بية تشوف أزغيرة لاچن بوية انحنيت ___ بل خرابة...تنام المدللهة جفك من عفتهة بدونك امشي هيه هاي انه يبويه الما ردتهه ونوگ هزله .. تمشي ببنيتك رقية وعذبتها من طلعت من الخيام كلشي صار بعيني شام بل خرايب يعني انام.. بوية بوية فزيت واصيح لحضني اجة راس الذبيح حگي لو فوگاة اطيح .. بوية .. راسه شبگته اليشبگني چان الجنت بجفوفه اشبع حنان ما دامي شفتك خليني اموت بطشتك اليه سوي مچان سجاد حيدر العكيلي

https://youtu.be/9El6ZnRPIKo?si=-VVva2L7ujIjv3Ti

شهادة مولاتي رقية صلوات الله وسلامه عليهة يا موسى ابن جعفر مدد -- تانيتك امتانة النواطير ولو چل غروب بنيتك تحير سرك چنت ونشاع عل نوگ وصاحو اسامي الجانن ابير لو ادري تاليهة انتلاكة اوصل زحف موش اعلة ناگة ادري الخرابة مو گدرنة ساگ الضعن چتال ساگة اتمنة طولك بوية حاضر مشتاگة تدريهة النواضر من كربلة لهاي الخرابة ارقيتك مكسورة خاطر من الدمع دوس الچدم طين وبونيني بچيت الحياطين ما جني طفلة اعلة العشتهن برسومي تحجيلك نياشين الهضمة بيام المسيرة بحبال مجتوفة الزغيرة وبل غربة يا بوية اعرفتهة ياحيرة المالة عشيرة يستوحدونة الگوم ثاري المالة ولي وسط البراري تخنگني روحي واشتكيلك ورمحك يشب بدليلي ناري موش الطريچ البي اجينة ودوني وي عمتي الحنينة اثنين صعدونة اعلة هزلة وحبالهم گادت ادينة بديرة غرب وتگول عمتي يخواني يلبيكم فزعتي ام الخدر وامشي بهزيلة لحكولي مو شافو دمعتي ضجن اعليَك العلاوي خاوي يبچي لراس خاوي وعمتي طاحت بل خرابة من گابلتهن بل نعاوي امنيت السبية اتنام لحضة بهيدة الجفن بوية تغمضة ولمن نمت يابوية شفتك وياريت لو نتلاگة يقضة يا طيب ومعروف ساسك وبچالك أمامنهة ناسك فزيت من حلمي واريدك وبوية بطشت جابوه راسك وي راسك النومة الاخيرة يا محلة موتتهة الأسيرة لاچنهة يابوية الهضيمة يدفنوني بل مو خوش ديرة سجاد حيدر العكيلي

يا قمر بني هاشم شهادة مولاتنا رقية صلوات الله وسلامة عليها ____ يا ام البنين ... امشي سبية ..تالي دلالي بوية رقية.. انه يغالي عمري تعرفة.. زغيرة وريدك شعرف ادية.. بهاية حبالي يابوية رقية الجانت وياك االهمك كلة بيهة صعدت عل هزيلة زغيرة تنعاك ومجتوفات اديهة الزغيرة البل سبي من الناگة تنخاك تفز تلحك عليهة بحبالي وصعدت الناگة بدمع مشتاكة ييوية المثلك هضيمة فراگة بحبالي ودموعي اوميلك بهضمتي اشكيلك اذة يسبونة منو الي يشيلك .......... نار بخيمنة.. تجوي لهيبة ومنهة طلعنة.. بهيمة غريبة تهون الهزيلة.. الصعبة اكلك عرفو اسمنة..وهاية مصيبة عرفوهن اسامي الجانن ابير الضمتهن عباتك الصيح يا رقية لبتك يشير ياحيرة بناتك اول ميت انتة بموتتة يحير لحال امدللاتك أبجيلك ذبيح وضامي وتصيح اخيامي لمن حركوهن اركضو ايتامي ابجيلك يضامي حالة ويهم بعيالة وتعبرك بوية عشر خيالة __ بوية الهزيلة.. تميل بمشيهة وبتك عليلة.. وصعدت عليهة دورك عيوني.. هلبت تجيني بتك تريدك.. تفتح اديهة على جفوفي طبع بوية حبلهم تدري ترفة ادية بية تميل من تمشي هزلهم واموت بكل مسية يعذبوني وانه بدموعي اكلهم يغربة انه رقية مايرحم مشي الچتالة على هل حالة اموتن بوية وبعدهة احبالة مايرحم ويگيد طفلة وخذني ابهزلة الصعب ممشاهم المنية السهلة _ شام وعذابة.. بي من دخلنة اصرخ يبابة.. الحك ضعنة الغربة بوية.. اعلية تئشر تالي الخرابة.. صارت نزلنة متعودة اعلة صدرك بتك اتنام مو نومي بخرابة لاچن بوية اه الشام يل شام ذابحني عذابة نمت بنض غرب من طاحت اخيام ونتة اعلة الترابة أبنومي اشوف الصعبة تذبحك غربة وتعوفك عاري وتجوي التربة ابنومي اصيح ادخيلك وفز وشكيلك اجوني ابراسك ومتت ابجيلك سجاد حيدر العكيلي

https://youtu.be/biTwbQ848bo?si=F3DKiUI4n-xSfZUT

https://youtu.be/XMg92evrw4Q?si=OFLSEUoE5VcS1sJe

https://youtu.be/wiYAZz3W3B8?si=3qiMEvopqcKBBDmU