الشاعر ابو منتظر الحريشاوي

شهادة الحسن العسكري ع المهدي يوليدي سلام انت عدنا آخر امام واحنا كلنا با انتظارك وانت ثار الله ثارك يابو صالح يابو صالح ............................ وليدي يالمهدي تعال الليله عندي هواي يوليدي كلام اسمع يمهدي خلصت الليله حياتي وهذا حدي حيره يوليدي من اسولف بيش ابدي بيش ابدي تحيرت مدري چم لوعه شفت ادري اهيج يبني نارك. وانت ثار الله ثارك يابو صالح يابو صالح .......................... انت اخر حجه من ال الرسول وانت يبني التاخذ بثار البتول شما يطول الزمن خل شمايطول دوله الباطل تره بسيفك تزول باجر بسيفك نشوف تاخذ بثار الطفوف باجر يبن نهارك وانت ثار الله ثارك يا ابو صالح يابو صالح .......................... باجر الشيعه يمهدي تنتظر يومك الموعود ياراعي العصر بدربك يتانون كل لحضه بعمر وكَلب اليتاني يضل مثل الجمر شيعتك تبقه عله نار وتچوي نار الانتظار يلمهه باجر يبني دارك. وانت ثار الله ثارك يابو صالح يابو صالح ............................. تنتظر يوليدي باجر شيعتك وتدعي ربهه يعجل بضي طلعتك رأيه العباس عمك رايتك تدري بيهه شكد يغايب تانتك رأيه العم الكفيل باجر چفوفك تشيل سنين ضلت بانتظارك وانت ثار الله ثارك يا بو صالح يابو صالح ............................ اه يمهدي وهاي چلماتي الاخيره اخذ ثار الجمعو جثته بحصيره واخذ ثار اجداك وكل العشيره واطفي النار الي مشت بالطف اسيره لهسه عمتك ماشفّت البطفوف اتأسرت وانت بيدك ذو الفقارك. وانت ثار الله ثارك يابو صالح يابو صالح ........................ ابو منتظر الحريشاوي

( لسان حال النبي ص لمولانا امير المؤمنين ) خـل يـخـلـونـگ اخـيـر    غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... انـت ربـنـا الـنـصـبـاك مـو بـشـر مـخـتـارك الـديـن صـار  وقـوامـاه  يـاعـلـي فـقـارك بالارض سـرك عـجيـب وبـالـسمـاء انـوارك گـبـل ادم بـالـوجـود لـلـيـريـد اخـبـارك  انـت يـا حـيـدر چـبـيـر .... غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... يـنـاوش الـظـلـمـه ضـواك ويـنـجـلـي مـنـهـه الـظـلام  الـلـه مـن ســوانــه هـيـچ  انـا مـرسـل وانـت امـام چــفـك افـراش الـفــقـيـر مـأمـن بـخـيــرك يـنــام  عـلـي غـيـرك مـا يـصـيـر هــذا اخــر هــالـكــلام  وهـذا امـر ربـنـا الـقـدير   غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... الـلـه مـن گـد مـا يـحـبـنـي فـصـلـك حـيـدر الـي  وگـلـي  اسـمـع يـا مـحـمـد عـنـي بـلـغ مـا يـلـي  الـجـنـه گـلـهـم مـا يـطـبـهـه الـحـاقـد ويـكـره عـلـي يـطـول بالـمـحـشـر حـسـابـه الگـال حـيدر مـو ولـي بـساعـة الـمـحـشـر يـحـيـر  غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... خـلـهـم يـگـولـون رابـع انـت ويـن وهـمـه ويـن انـت بـس اسـمـك عـبـادة لـو تـذكـرة الـثـقـلـيـن الـمـاعـرف قـدرك اعـذره وبـاوع لـتـاريـخـه زيـن اعـمـه تـلـگـاه الـبـصـيـره ولاكـو ذمـه ولااكـو ديـن انـتـه الاول والاخـيـر     غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... عـلـي بـالـقـرآن انـتـه بـكـل حـرف ضـاهـر لـگيـتـك والـوحـي لـو مـر عـلـيـه لازم  يـمـر  اعـلـه بـيـتـك تـشـوف هـاي الـدنـيـا كـلـهـه بـاچـر تـلـوذ بـحمــيـتـك  يـاقـسـيـم الـجـنـه انـتـه الـلـه صـدرهـه هـويـتـك  ولا بـشـر غـيـر يـصـيـر    غـصـب عـنـهـم انـت امـيـر      يـا عـلـي  ... يـا عـلـي...  يـا عـلـي....  يـا عـلـي  .................................................................... ✍️. ابـو مـنـتـظـر الـحـريـشـاوي

يـا زهـراء .... من عـيـنـچ خـل تـشـبـع عـيـنـي لا تـبـچـين .... كـل دمـعــه اطــيــح تــأذيـنــي قـصـه بـعـبـره الـيـوم احـچـيـهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. يـا اشـرف بـنـت مـرسـول عـلـى هـاي الارض كـلـهـه ويـاسـيـدة نـسـاء الـكـون ال الله بـكـلشـي فـضـلـهـه تـعـالـي وعـنـدي الـچ قـصـه ادعـي كـون اكـمـلـهـه دفـعـت بـاب كـسـر ضـلـوع هـذه فـاطـمـه اولـهـه حـرگ الـبـاب .... هـذا هـو مــطـلـع لـلـقـصـه مـن الاصـحـاب ....والنـاس المـنـتـظـره الـفـرصـه واسـتـمـعـي الـقـصـه لـتـاليهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. مـن تـهـجـم عـلـيـچ الـگـوم لـدارچ والگـصـد حـيـدر يـدفـعـون عـلى ضـلـعـچ بـاب وبـالـبـسـمـار يـتـكـسـر يـوگـع مـحــسنـچ عـلـى الـگـاع ودمـه اعـلـه الـثـره مطشر وانتـي بـحسـره وتـصـيـحـيـن مـحـمـد بـويـه لـو تـحـضـر شـبـيـهـه الـنـاس ... بـاعـو ديـن الله بـدنـيـاهـم هــــالارجــاس ... شـيـطـان المـنـصـب نـسـاهـم ؟ مـو بـينـه الـهـادي مـوصـيـهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. وبـعـد مـا يـنـغــصـب حـقـچ ويـنـصـبـون الخـلـيـفه بـزور فـاطـم كـلـشي يـتــغــيـر واعـلـيـــچ الـزمـان يـدور مـخـطـط اصـلـه سـفـيـانـي الـحـقد بـيـهـم نـقـش مـحـفـور ومـن ذيـچ الـسـقـيـفـه اسـهـام تـبـدي وتـوصـل لـعـاشـور عـدهـم ثـار ..... يـا بـويـه هـواي يـطـلـبـونـه مـن الـكـرار .... ومـن اهـل البـيـت يـريدونـه بــدر وذاك الــصـايـر بــيـهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. ضـمـي ادمـوعـچ اتـرجـاچ يـفاطم لاتـأذيـنـي عـزيـزه ومـالـي عـيـن تـشـوف دمـعـتـچ يـا بـعد عيني وخـلـيـنـي اسـولـفـلـچ عذابـچ بـعـدنـي خـلـيـنـي يـااول من تـظـلـمـه الـگــوم يـا اول جـمـره تـچـويـنـي يـتـحـزبـون ..... ومـن ارثـچ بـنـتـي يـسلـبـونـچ مـايـرضـون ..... تـبـچـيـن عـلـيـه ايـمـنـعـونـچ جـمـرة حـزنـچ شيّـطـفـيـهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. كــل هـذا ســهـل لـكــن حـايـر بـيـهـه هــاي شـلـون الـمـحنـه الـبـالطـفـوف تصير هاي اكـبر جـرح بـالكـون شحالـچ مـن نـشـوف حـسين العزيـز بمنـحـره يگـطـعـون ومـن بـعـد الـذبـح صـدره بـخـيـل الـعـسـكـر يـسـحگـون عـالـتـربـان .... مـذبــوح وثـوبـه مـسـلـبــيـنـه يـاعـطـشـان .... وبـدمـه الشـيـب مخـضـبــيـنـه واخـتـه علـى الـهـزل سـابـيـهـه بـكـسـرة ضـلـعـچ راح ابـديـهـه اه يـا بنـيـتـي اه يـا بنـيـتـي ............................................. ✍️. ابـو مـنـتـظـر الـحـريـشـاوي

قصائد استشهاد الرسول صلى الله عليه وآله وسلم 👇👇👇

خويه اگعد يا العباس  ......................................... خويه يا راعي المحنه جيتك تلگاني  من اليسر جيت اشتكيلك والسبي الاذاني  همي بس يمك حچيته وما حچيت لثاني  مسلبه ومهضمومه اجيت ومحترگ صيواني               خويه اگعد يا العباس ............................................   خويه هم تدري بمحنتي وهم دريت بحالي  من اطلعت منك سبيه وعاذل اليبرالي  الموت يا عباس ردته الموت خويه اشوالي  ولا يسموني الغريبه ومنذبح كفالي                 خويه اگعد يا العباس .................................................  النوم ما لايگلك اگعد فز يبعد عيوني  وشوفني بيا حال جيت وشوف حال ضعوني  راح كل ذاك الدلال وبالحبل شدوني  وبشماته گبالي وگفو عنك ينشدوني                 خويه اگعد يا العباس ...............................................  بسوگهم فروني خويه چانت الهم غايه  ياهو ما شايفهه زينب طبت الكم هايه  وجهي يا عباس الفه بغيرتك والرايه  اخ يا ضيم الحملته ما توصفه حچايه            خويه اگعد يا العباس ...............................................  ليش يا الدللتو زينب ليش چا عفتوهه  اختك تنام بخرايب خويه ما ترضوهه  طبت الديوان كلفه وزينب تعرفوهه  الما وصل واحد خدرهه ولا گبل شافوهه              خويه اگعد يا العباس .............................................. ✍️. ابو منتظر الحريشاوي

شكرا للحسين ع

https://www.facebook.com/share/v/18LtHonrhg/

بصوت الملا محمد العكيلي

شيعه علي — ياهو يتحداهه اطلابة واجت — يله واتلاكهه ............................................. شجابك ع المراجل _ وانت بكلّه خاتل انه دواك يسعود — شيعي وما اجامل اصبر راح اعلمك _ وافهتم زين احنه ربات الحسين مربع ناخذ الدين هسه وموش بعدين ثاري وما اعوفه محروكة الگلوب _  اليوم عاشور گلبي وتفكتي اتثور دمك عندي مهدور اترس بيك الكبور والطگ حار شوفه هاي العرب — يمي وانه ادواهه شيعه علي — ياهو يتحداهه ~ ~ ~ ~ ~ ~ ~ ~ ~ ~ ثار اليوم عندنه — والطاحو ولدنه شد حزامك وگوم — وافزع ياحشدنه عوفوها السياسه _  وشيلوا السلاح دم اخوتكم الطاح والمسؤول مرتاح يبچي بعين تمساح يتفرج عليكم دكوا العايل _ وعدكم ابابيل غيره وقنبلة تشيل وامطر بيهه سجيل وخل دماهم تسيل يالخشنات أيديكم لبسوهه عار — سعود والولاهه شيعه علي — ياهو يتحداهه ~ ~ ~ ~ ~ ~ ~ ~ ~ ~ انه الغيره كله — وما واحد وصله تقصف ولدي وتتام — سهله وهاي سهله انا الراسه بالغيم — يا راس النعامه متمر بسلامه ثار وعد نشامه الا احرم منامه ملك ذيچ القبيله عليك من التفتت ما أطول هواي چلمه ياعلي وياي بيدي العرگه والراي يا هو الورطه بهاي بهالعركه الثكيله أعمى بحرب — وهايه ما حسباهه شيعه علي — ياهو يتحداهه ~ ~ ~ ~ ~ ~ ~ ~ ~ ~ سعود سلاح عدتهه — امريكا الجهزتهه تزامط والمثل گال — الكرعه برأس اختهه توهم شاف روحه بسمه يطير ضل ياخذ تصاوير لو شيعة علي اتغير عود بمحنتك حير وجيب الي يسدهه بالبعتو شرفكم — واحنه الأشراف اثكال وانتم اخفاف إحنه الشيعة الانضاف الما دنگ ولا خاف والعيله يردهه قاصف غدر — وبيهه ضل يتباهه شيعه علي — ياهو يتحداهه ........................................... ✍️. أبو منتظر الحريشاوي

هالوصل موكب حزنهه...  زينب المو هيه چنهه سجدت لـربهه العقيلة.. ومسحت الدمعة بردنهه                  إنا لله صاحت زينب ............................................................. بله يالحادي على هونك هنا يمن تحدي ضعنهه أوگف واگطع مسيرك ذاك درب الطف اضنه مااريدنهه المدينة مرنه يلحادي على اهلنه خلني اشبع من  أخوتي الگلبي بيهم ماتهنه مرني مشتاگة لعطرهم.. وحتى لو ميتين اشمهم يمهم أرد اقرا الزيارة.. وماي ارشن يم گبرهم                 إنا لله صاحت زينب ............................................................. وصلت ولاگاهه جابر حافي وادموعة اعله عينه ها يزينب گوه حيلچ وين چنتي بهالضعينه وين أخيچ يالعزيزة ووينه راعي الرايه وينـه عمي تنشد عن حبيبك حسين اخـيي مگطعينه عمي ياجابر وولنه.. وخيمه خيمه فرهدونه ولوتناشد عن حبيبك... ميت وعطشان اخونه              إنا لله صاحت زينب .............................................................  نزلت من الهزلة زينب والحزن باين عليهه ونصبت لمأتم لخوهه حره والميت وليهه اتوجهت تقرا الزيارة وللسمه رفعت ايديهه ياالهه الكون اشهد كربله شمدفون بيهه هـذا ريحانة محمد...يااللهي وانت تشهد حتى دينك يبقى قدم... كل بنينه ماتردد              إنا لله صاحت زينب ............................................................. أي صحيح الفرگة توجع كل شخص فارگ خليله شما نوصفهه بحچينه تبقى ياوادم قليله بس أذا يم زينب أوگف لا تأذون العقيله لا توصفوهه بشعركم ردت وچانت ذليله وهيَ مو أي وحدة زينب.. لو كتبتلهه تأدب قدمت قربان اخوهه.. والضعن ذاك التسلب             إنا لله صاحت زينب ............................................................. لكلشي خلت حكمه زينب ومجلس عالحسين سوت وقبل لا تقرا لمصابة بالدمع مولاتي صلت بهذا موقفهه الرسالة النه ياهالشيعه خلت حسين مو بس دمعة يعني كون هاي الفكره وصلت مجلسه لمن تحضره.. منه اخذ يالشيعي عبره بيهه رتب كل حياتك.. حتى عنك هوَ يرضه             إنا لله صاحت زينب ............................................................. ✍️. ابو منتظر الحريشاوي

ضمي الحچي ياروحي لا تحچينه البي يكفي حسيني لا تاذينه وبخير گليله الحال ... ما مر سبي ولا اكو احبال ....................................... ما عايز حسين الوجع ضمي الدمع لا تبچين وتگوَي ياروحي بعد كون لحضرته توصلين نِكثي العبايه من ترب لا يلچم گلب حسين نكثي العبايه وبخير گليله الضعن...... أزمه وكظت بالغالي ما أسرونه بكربله ... ولا شامت البيرالي ولو ما يعرفج گولي زينب إنه مومن سبي من فركتك تعبانه وماكو بشر بختك عال ... ما مر سبي لا اكو احبال ......................................... گليله موجوده الخيم يحسين ما محترگات وماكو خرابه ولاشتم ما سمعن العلويات يحسين أطمنك على الحرم أمْن ولا مسلبات يحسين أطمنك بجروحك حسين التهي ... لا تنشد اعله جروحي اشكيلك أنت بيا وضع ؟ ... خجلانه منك روحي أمن يبعد أهلي وبكَايه سنيني بخير أجيت ومحد مبچيني صح ضعني مابيه كفال مامر سبي لا اكو احبال .................................... ياروحي من سار الضعن گليله مو مو عرجه النُّوگ بهيبه خذونه وبالدرب حادينه ما مرنه بسوگ مو منسلب هدمك تره يحسين رادوه اعلوگ مو منسلب وبالچ تذكرين القصر........ وشلون اله طبّينه بهذا الحچي يم الخدر....... گلبه تره تكسرينه تگوّي بعد ياروحي والله يعينچ وطبت القصر ضميهه بيني وبينچ وگليله لا تشغل بال ... ما مر سبي ولا اكو حبال ............................................... ضلت بعد بس مسأله ياروحي والحَل شلون؟ لو عاين شويه الضعن شنو العذر هايم عون؟ ماكو رقيه وچم طفل وليش الضعن يتباچون؟ ماكو رقيه وبهذا ما أملك عذر ...... ياروح فكريلي بهاي شلون من إگله طفلتك..... بالشام ما إجت وياي؟ ياروحي محنه ويا عذر تنطينه وكلش يُحبهه إبنيته مو تدرينه بيه الحزن صال وجال ... مامر سبي لا اكو حبال ............................................. لو نفترض طاري السبي ماينذكر طاريه ياروحي بس المعضله يفهم حسين شبيه لو صدلي يعرف جيتي من ارض الغرب مسببه لو صد اليه من غير ما اگله حسين ... يفهم أشمر بروحي من مشيتي تبين ذيج ..... ويعرف ثكيله اجروحي ارتاحي يگلي من السفر واحچيلي وشصار خويه بسفرتج گليلي ليش الدمع منچ سال .... ما مر سبي ولا اكو احبال ...................................... ✍️. ابو منتظر الحريشاوي

وصية مولانا الحسن ع للعباس ع  ****** احـملـهـه  عـباس الـيوم ولـكـربـلـه ضـم ثـارك  ......................................................... انـا الحـسـن وارد اوصـيـك   عبـاس واسـمـع مـنـي  ضـم غـيظـك گـبـال الگـوم    يـا بـعـد ذنـي وذنـي   لـو نعـشي يـرمـونـه انـبال  عـبـاس وتـشــوف الـحــال  فـض خـلـگـك وطـول البال      يـا ابـا الفـضل  مـو وگـتـه عبـاس الـيـوم  ضـم سيـفـك گـبـال الـگـوم  مـضـمـوم ثــارك مـضـمـوم      يـا ابـا الفـضـل  يا الـغالي وانـتـه لـحسـيـن الله بـحـكـمـته اخـتارك  احـملـهـه  عـبـاس الـيوم ولـكـربـلـه ضـم ثــارك  ........................................... فـارس واعـرفـك مـتـهـاب وجـيـوش ما يـفنـونـك  سـبع الـگـناطـر عـباس مـن صـغـرك يـسـمونـك  چـنـك ابـونـه الـكـرار  تـلـگـطـهـم كـبـار كـبـار  وسـوالـفـك حـار بـحـار             يـاابـا الـفــضـل  عـنـدك مـهـمـه وي حـسـيـن  مـضـمـومـه الـك هـاي سـنـيـن  مـو هـســه ثـارك بــعــديــن         يـاابا الـفـضـل  مـن تـسـكت سـيـوف النـاس والـيحچـي بس بـتـارك احـمـلـهـه  عـبـاس الـيـوم ولـكــربـلــه ضـم ثـارك  .................................................................. خـله الـنعـش لـو يـنـصـاب يـم جـدي لا ادفـنـونـي  واحـمـلهـه عـبـاس الـيوم صـوب الـبـقيع اخـذوني  مـن عـنـدي اخـذ هـذا الـراي  اصـغـيـره هـالـدنــيـا هـواي  عـبـاس و الـمـوعــد  جــاي     يـاابـا الـفـضل  حـسـابـك اتصـفـيه هـنـاك  وبكـربـلـه تشـوف اعـداك  لـمـن يـرف خويه الـواك       يـاابـا الـفـضل  يا لـغـز لـطـف مضـمـوم ما فـسروهـه اسـرارك  احـملـهـه  عـباس الـيوم ولـكـربـلـه ضـم ثـارك  .............................................................  عـباس بـلـطـف نـحـتـاج  چـفـيـنـك وهـاي الـعـيـن  كفـال للحره نريـد   من تـمـشـي اخـتـنـه وي حسـيـن  ولـلـرايه شـيـال نـريـد  مثـلـك غـيـور وصـنديـد  وهـاليـوم ما ظـنه بعـيد        يـاابـا الـفـضل باچر يگطعون الماي  عباس وانت السگاي  على خيامهم صير فياي    يا ياابا الفضل  لـمـن يصيـحـون المـاي جيـب النـهـر بـكـتـارك احـملـهـه  عـباس الـيوم ولـكـربـلـه ضـم ثـارك  .................................................................  ماكـو اخـو وي حـسين   عـباس بالطـف هـناك  يحزام ظـهـره من تـروح  مكـسـور يبقـه بـليـاك  فـوگ الـنهـر من يـلـگـاك لا يسـرتــك لا يـمـنــاك ينكـسر ظـهره لـفـرگـاك           يـاابـا الـفـضل  يم مصرعك يبـقـه يحـوم  يــوگـع شــمـا راد يـگـوم  ولـوحـده يبقى الـمظـلـوم       يـاابـا الـفـضل ويصيح من ضيـمه حـسيـن ما تطـفه جـمره نـارك  احـملـهـه  عـباس الـيوم ولـكـربـلـه ضـم ثــارك  ............................................ ✍️. ابو منتظر الحريشاوي

الى ترامب ومن لف حوله هيبة القادة لليوم القادة مخوفينه لليوم القادة من طگهم ما غمض عينه لليوم القادة ..................................................... غصب عنك ذوله قادة ازلام كلفه ربات سادة أسد كرمان واخيه لهسه ترجف من ذكرهم تختنگ لو مر اسمهم ذوله اصحاب القضيه وبدماهم حين ضحو قادة المحور تسموو ونعم من هالهويه لا تعيش بوهم طيفك شيعة ما نمشي اعله كيفك عالي صيت المرجعيه والصافحك خلي الك متهني بيه انت وهلك مو منه ولا يندگ بينه --- (تحذير) بالك تجرب صبرنه بيهم ولا تختبرنه خط الاحمر ذوله لهسه ما جفت دمائهم ناكر اصله الي نساهم ومو وفي گولوله لعبة ما عبرت عليه امريكا اصل الداعشية وهل حچي وصلوله فتح عيونك يا نايم بالك بدينك تساوم والله نلعب جوله لصوت العقل هذا استمع امريكا شر لا تنخدع ضل صاحي ولا تنغر بيهه ................................ ( مدرسة علي (ع)) أتادب والزم حدودك ذوله خلاسة جنودك ابو مهدي وقاسم ولحسابك بله راجع قادة سمتهم مراجع احسبهه كونك فاهم الفلشو كل شيء بنيته وجابو الحگ الخذيته وضل حليفك نادم شيعة خلينه على ابالك واصحه من واقع خيالك على الشرف منساوم شوف المضه واقرا الكتب شيعة علي تحب الحرب ما عفنه الحگ لا ذلينه ................................... ( جيش لا ينكسر) لو خسرنه بعرکة قائد جيش يطلع موش واحد شيعة ورباية علي امس بالتشيع شفته العسكر الضنك كسرته صاح يا ثار الولي شما نفس ضل يمشي بينه سلاحنه يضل ابدينه چلمه لا ما تنثني بذنك وخليهه چلمة سلاح محور ما نسلمه بيه ندافع عن هلي نسلمه اذا راعيه حضر بيد الامام المنتظر والراي يضل لمهدينه ................................ ( رسالة وعي) والك يالسامع رسالة لا تصدگ هل حثاله والوعود الكاذبه والغرب ما عدهه چلمه سيف بختك لا تلثمه والعدو لا تصاحبه امريكا لا ما عدها صاحب اخذ حكمه من التجارب واخذ نضره ثاقبه تريد خيرك ما تريدك لا تسلم كل شيء بيدك واليضدك حاربه خلك فطن واحسب عدل بهذا الامر شور العقل ذولة احنا ويشهد ماضينه ......................................... ✍️ **الشاعر: أبو منتظر الحريشاوي

شلون حالي ياالتنشدون ( شلون حالي) كسر الخواطر يعمي العيون ( شلون حالي) إفراگم ياكل بالعظام وچملهه ضيم الكوفه والشام ......................................................... رديت بس ما رديت زينب اختكم تعبانه من ذاك الشام وانا بختكم فزولي عوفوه الموت مشتاگه الكم (يحباب روحي) مشتاگه جيت الكم يا الحنان وعيوني حمره وگلبي دخان يل جيت بيكم ارجع شلون لارض الوطن وبلاي خوان يحباب گلبي لا تگطعون (يحباب گلبي) لارض المدينة طبتي شلون (يحباب گلبي) ما ادري هيچ ادور الايام وچملهه ضيم الكوفه والشام ............................................................ تلگوني رديت بگلب مچوي من الفراك وعيون ذبلهه الدمع سلوتهه تشتاگ بدرب السبي كل خطوه احس نص عمري ينباك (خلصت روحي) كل خطوة زرعت بيه چم اووف امشي وڪفيلي مگطع چفوف ضاع الامان الچنه بحماه مسلب ضعنه ولونه مخطوف صاحو علينه يا الغريبات (صاحو علينه) مذبوحه اهلنه وكلهه شمات (صاحو علينه) لاهمه وادم وادم لا هم اسلام وچملهه ضيم الكوفه والشام .................................................... بالكوفه مدري شحسيت لمن دخلنه عيون الخلگ چنهه اسهام من تنظرلنه بذاك القصر گلت الموت اهون اضنه (واسهل عليه) طبت اسيره بنت ابو تراب تمشي بضعن يبراله سلاب اوف امداهه الدنيا يحسين اختك واسولف بين الاجناب انا العقيلة ادخل دواوين (انا العقيلة) طبت القصر مو سهلة يحسين (انا العقيلة) امشي وتلوذ بكتري الايتام وچملهه ضيم الكوفه والشام ........................................................... اصعب جرح جرح الشام ما تطفه ناره من الكوفه جابونه بگيد لقصر الاماره طبينه لأن عدهم عيد وكتبو عباره (جبنه الخوارج) طبينه وانتم فوگ الرماح ويفترح رمحكم لو طفل صاح يرامون بينه بذاك الحجار من يا مرار عيوني ترتاح تندار عيني شما يرامون (تندار عيني) فوگ الرمح احميكم شلون (تندار عيني) افترت عكس وياي الايام وچملهه ضيم الكوفه والشام ...................................... ✍️. أبو منتظر الحريشاوي

https://www.facebook.com/share/v/1D21JCMe7M/

مشاي اجي وخطواتي     تغسل يا ناس ذنوبي  لو غمضوها عيوني          اندل درب محبوبي  حي الله زوار حسين حي الله زوار حسين  ............................ وسط الگلب ضميته    هالموعد الحبيته  عايش اله وتانيته     واحسب واعد بايامه  ناذرله كل شيء بروحي   دمعي وغرام ونوحي  حسين اليطيب جروحي  جمر اليشب بخيامه   محضر له من عام المضه دمعات اله والرايه  وادع الله ينطيني العمر حتى الحگ المشايه  واوصل واطوف بحضرته وهناك اسوي قرايه  مشاي اجي بدموعي     يا ناس اغرك ثوبي  لو غمضوها عيوني      اندل درب محبوبي  حي الله زوار حسين حي الله زوار حسين ......................................................... يهل المواكب يله      شدوالحزم بسم الله  الكل زاير اليوصله   صيحو هله وعزبوله  مره السنه على الفرگه  والخدمه ساعه ملگه  خل اليضيفك يلگه       فراش الورد فرشوله  صيحوا هله بگد ما مشه يكلكم عزوبيه  وزرعو البيارغ على الدرب سوو الارض شيعيه  خلوها تضوي كربلاء غصبن على البعثيه  لأهل المواكب هايه  يا طير اخذ مكتوبي  لو غمضوها عيوني     اندل درب محبوبي  حي الله زوار حسين حي الله زوار حسين  ......................................................... العاداني والحباني     ما همني لو سباني  انا المهم عنواني      خادم اله يحسبوني  ناس الحقد عاميهه   من نمشي چا شعليهه  رجليه لو رجليهه        يا هالخلگ فهموني  اعناد اروحن مشاي واحرگ گلبهم بيهه  والشيعه تتعنه زحوف لو گطعو رجليهه هو العشگ هيچ يريد چا هالخلگ شعليهه شيعي وعلي مربيني  وينه الي يوصل صوبي لو غمضوها عيوني     اندل درب محبوبي  حي الله زوار حسين حي الله زوار حسين  ........................................................  گالوا طمع تقرله        شهره وتدور ماله  حسين والك هالحاله  مولاي اجيت احچيهه  بغضا"ينور عيوني     چي احبك يكرهوني  شگد رادو يسقطوني   بس رايتي معليهه  يغارون مني ويردون وياك اعوف العشره  حقهم لان ما يدرون يحسين احبك فطره  تذبل الروح و وياك بالمجلس ترد خضره  خلهم علي شيحچون   ما بدل انا اسلوبي  لو غمضوها عيوني       اندل درب محبوبي  حي الله زوار حسين حي الله زوار حسين .........................................................  رزقي وهلي وعافيتي  يمعلي فضلك صيتي  يمك اموت امنيتي     وبالمجلس يشيعوني  حزنك دفنته بروحي     بلسم يداوي جروحي  ممنون الك مذبوحي      لو تبچي دم عيوني  ضميت حزنك على الناس خوفي الحسد يلفيني  بتالي المجالس بسكوت ابچي واغرگ عيني  عند الخدم خادم كون يابو علي اتسميني  بيوم الحشر والميعاد   ممسوحه ادري ذنوبي  لو غمضوها عيوني       اندل الدرب محبوبي  حي الله زوار حسين حي الله زوار حسين ................................................... ✍️. ابو منتظر الحريشاوي

زيـنـب عـودت ..... گـومـو وتـلـگـوهــه علـگـوهه الـروايـه ..... يـلـه عـلـگـوهــه ..................................... ردت مـن يـسـرهـه وحـيـل تـعـبـانــه وشـيـظـل بـدلـيـلـه الـذبـحـو اخـوانـــه وهـمـه الـعـيـشـوهـه تـگـول سـلـطـانـه ظلـت مـن بـعـدهــم ورده ذبــلانــه مـحـتـاره بـضـعـن ...... وبـحـيـره خـلـوهـه زيـنـب عـودت ......... گـومـو وتـلـگـوهــه ................................................ شــابـت مـن مـرار الـشـام والـكـوفــه وسـفـه بـگـيـد طـبـت تـالـي مـچـتـوفـه ولـو عـبـاس يـگـعـد حـالـهـه يـشـوفـه چـا دخـن اخـوهـه ورچـب چـفـوفــه ومـاطـلـعـت لـسـنـهـم ...... لا يـحـاچـوهـه زيـنـب عـودت ......... گـومـو وتـلـگـوهـه .................................................. خـل انـسـر گـلـبـهـه ام الـحـزن هـايـه تــفــرح مـن نـعـلـگ زيـنـب الـرايــه مـو وحـشـه دربـهـه انـتـرسـه مـشـايـه عـلـى الـمـذبـوح اخـوهـه نـسـوي الـقـرايـه خـلـي يـبـرد گـلـبـهـا ........ بـدمـعـه واسـوهـه زيـنـب عـودت ........... گـومـو وتـلـگـوهـه ............................................. رد ضـعـن الـعـقـيـلـه وهـذا مـيـعـاده تـلـگـوهـا ابـيـارغ عـمـه الـسـاده ولـو راح الـكـفـلـهـه انـتــم اولاده خـل يـنـظـر يـزيـد وتـنـظـر احـفـاده شـيـعـه تـعـوف كـل شـي ..... ومـا يـعـوفـوهـه زيـنـب عـودت ............... گـومـو وتـلـگـوهـه ........................................... ولـهـاي الـمـسـيـرة الـعـالـم يــبــاوع خــيـر بـيـوتـنـه مـسـبـلـيـنـه بـشـارع وبـهـذا الـكـرم يـتـحـيـر الــسـامــع حـتـى الـيـحـبـي تـوه مـحـزم وفـازع اشـيـوخ اتـذب عـگـلـهـه ...... وغـتـره شـدوهـه زيـنـب عـودت................. گـومـو وتـلـگـوهـه ........................................... ✍️ابـو مـنـتـظـر الـحـريـشـاوي

بسم الله يله اتوكلو               گولو علي واتحزمو  هلطلعت المشايه   شدو الحزم والرايه          گولو علي گولو علي ...........................................  گولو علي وتوكلوا كلمن يشد احزامه  الزاير طلع يهل الكرم نصبوا الخيم گدامه  لو شافكم ينسه التعب ينساهه ذيچ اللامه والخادم يعيش بشرف والخدمه احلى ايامه            هذا التعب اشرف تعب           لا يقيسه مال ولا ذهب  وانتم اله شرايه  شدو الحزم والرايه           گولو علي گولو ........................................... صار المزاود بالزلم ياهو اليخدم اكثر  الموكب مضيفه وكشخته لو طبه زاير يكبر  خير الله كله بسفرته وويگله انت اتخير  ولو بات يمه يدللة ولو راح ظل يتعذر             يفرش الموكب بالهله              ولو مره ضيف يدللة  اجمل مشاعر هايه  شدو الحزم والرايه             گولو علي گولو ........................................  بالدرب يوگف لليجي معزب واجو خطاره  ما چنه موكب مننصب  چنهم اجوه لداره  هذا العشگ ما ينوصف ما ندري شنهو اسراره بحسين ذبنه وخدمته نحبه ونحب زواره               بهالخدمه سر ما ينحزر                 يا وادم نحبها شكثر  نحبهه ونضل وفايه       شدو الحزم والرايه                گولو علي گولو علي  ............................................ موعدنا هذا بكل سنه وهالموعد متانينه  صندوق عندنا لحظرته  بالبيت اله مسوينه كل واحد شما گدره الله بثواب حسينه  كل درهم يرد بالف بالخدمه لو حطينه              كل ما تحط زايد الك                رب الحسين يوفقك  نعمه ورزق شو هايه  شدو الحزم والرايه                     گولو علي گولو ........................................ نقفل البيت ونعتني يا ابو علي نمشيلك  شو مسوي بينا من العشگ حتى الطفل يبچيلك  مضموم همنه من البشر بس انت شو  نحچيلك نتمنى موش بكربلاء كون بگلبنا نشيلك                نرتاح يمك لو نطب                انته الشريك بهالگلب  چنك هواه ومايه     شدو الحزم والرايه                   گولو علي گولو .................................................... ✍️. ابو منتظر الحريشاوي

بـالـكـوفـه    .....    وگـفـت مـره اي والـنـعـم مـچـتـوفـه  .....  ومـن عـدهـه تـتـراجـف زلـم بـهـيـبـه ابـوهـا الـكـرار . . . داسـتـهـم صـغـار كـبـار                          بـالـكـوفـه ........................................................ رغـم الـيـسـر واهـوانـه . . . دخـلـت مـثـل سـلـطـانـه بـالـقـصـر وگـفـت والـنـاس . . . گـالـو عـلـي طـبـانـه سـولـف ابـن مـرجـانـه . . . واش صـاحـت الـسـلـطـانـه اتـأدب وانـت مـنـيـن . . . انـا الـچـبـيـره هـنـانـه هـالـدنـيـا مـا عـنـدهـه انـصـاف كـلـش حـقـيـره جـابـتـنـي لـلـكـوفـه بـگـيـد يـمـك اسـيـره وك انـه . . . بـنـت حـيـدر وعـنـدك عـلـم عـنـوانـه . . . كـاسـر لـهـالـيـكـم خـشـم مـلـبـسـهـم هـدوم الـعـار . . . داسـتـهـم صـغـار كـبـار                            بـالـكـوفـه ........................................................................ اتـشـمـت يـگـلـهـه شـلـونـچ . . . مـاكـو زلـم بـضـعـونـچ بـس الـعـلـيـل ونـحـلان . . . زيـنـب تـشـوف عـيـونـچ گـالـتـله مـن الله بـخـيـر . . . والـعـنـدي مـيـعـرفـه الـغـيـر قـربـان راد الـمـعـبـود . . . وانـطـيـنـه الـبـعـمـر الـطـيـر ثـوب الـشـهـاده شـمـحـلاه ولايـگ عـلـيـنـا والـجـنـه بـس لاهـل الـبـيـت والـحـب عـلـيـنـا وحـسـيـنـي . . . لـلـبـاري قـدمـهـا الـنـفـس مـوصـيـنـي . . . بـالـكـوفـه الـقـنـكـم دِرس ويـدريـنـي بـنـت الـكـرار . . . داسـتـهـم صـغـار كـبـار                             بـالـكـوفـه ...................................................... لـمـن حـچـت بـت كـرار . . . الـمـجـلـس بـكـبـره احـتـار بـهـيـبـه عـلـي ذاك الـزيـن . . . وبـلـسـان جـدهـا الـمـخـتـار بـسـم الله گـالـت ابـدي . . . ثـم الـصـلاه لـجـدي مـو خـارجـيـه انـه الـدّيـن . . . يـعـرف حـگـوگـي وحـدي لـلـكـوفـه طـبـيـت بـزود لا مـو غـريـبـه افـضـحـكـم بـهـذا الـيـوم والـثـاره اجـيـبـه عـنـوانـي . . . يـبـدي مـحـمـد يـنـتـهـي وك انـي . . . كـلـمـه عـلـي الـمـا تـنـثـنـي والـمـثـل مـا يـنـسـى الـثـار . . . داسـتـهـم صـغـار كـبـار                               بـالـكـوفـه ................................................................ الـيـجـهـلـنـي ويـگـول مـنـيـن . . . انـا الـعـقـيـلـه اخـت حـسـيـن بـنـت الـصـراط الـعـفـتـوه . . . يـا الـكـوفـه هـم عـدکـم ديـن؟ جـيـت بـضـعـن كـلـه الاطـفـال  . .ومـشـدوده بـجـفـوفـي احـبـال وانـا الـگـبـل تـتـحـلـمـون . . . تـشـوفـون مـن عـنـدهـه خـيـال لا تـبـاوع بـچـفـي الـگـيـد قـصـرك اهـدّه وك انـا تـربـات سـبـاع والـحـق ارده مـهـيـوبـه . . . رغـم الـيـسـر رغـم الـسـبـي مـحـسـوبـه . . . بـت حـيـدر وبـت الـنـبـي ولـنـا الـوحي خـادم صـار . . . داسـتـهـم صـغـار كـبـار                             بـالـكـوفـه ........................................................ غـصـبـاً عـلـيـكـم كـلـكـم . . . مـن اولـكـم لاخـركـم انـا الامـيـره بـهـلـكـون . . . واشـرف نـسـب مـن عـنـدكـم وهـذا الـعـرش لا مـا يـدوم . . . والـحـكـمـك احـسـب كـم يـوم عـالـسـيـف بـاچـر مـعـروف . . . يـنـتـصـر دم الـمـظـلـوم يـاهـو الـيـضـاهـيـنـي بـهـاي وانـا الامـيـره الاشـرف نـسـب مـن يـگـوم يـذْكـر چـبـيـره مـن بـيـكـم . . . اشـرف نـسـب خـل نـبـتـهـل ادريـكـم . . . انـذال مـا عـنـدكـم اصـل يـالـبـعـتـو كـلـشـي بـديـنـار . . . داسـتـهـم صـغـار كـبـار                          بـالـكـوفـه ........................................... ✍️ أبو منتظر الحريشاوي

قُــومُـوا لِلهِ يَـا شِـيعَـةَ عَـلِـي  هُـبّـوا فَـقَـدْ جَـاءَ جُـثْـمَـانُ الْـوَلِي  ................................    ........ گُـومُـوا يَـا شِـيعَـة عَـلِي وُتِـحْـضِـرُولَـه إجِـه نَـعْـشِ الـصَّـانَـع بْـوِلْـدَه الـبُـطُـولَـه رِيـحَـةِ الـعَـبَّـاس إجَـتْ حَـيّـوا الـرِّجُـولَـه وُهَـالـشَّـرَف بَـسْ الـغِـيُـور الِّـي يَـنُـولَـه لِلهِ لِلهِ قُــومُـوا يَـا هَـلِـي  هُـبّـوا فَـقَـدْ جَـاءَ جُـثْـمَـانُ الْـوَلِي  ............... ............................... هَـذَا مِـنْ بَـزْرَة عَـلِي وُابْـنِ الأطَـايِـبْ الْـخَـامَـنَـئِي الـكِـشْـخَـتْ بْـطَـكِّه الـحَـرَايِـبْ الـشَّـافَـتْ أَمْـرِيـكَـا الـرُّعُـبْ بـِيـه وُالـعَـجَـايِـبْ هَـذَا زُوْدِ الـشِّـيعَـة الـمْـسَـوِّي الـكَـتَـايِـبْ ضَـلْ جَـفِـه لِـلْـمَـوْت لَا مَـا يَـلْـوِي  هُـبّـوا فَـقَـدْ جَـاءَ جُـثْـمَـانُ الْـوَلِي  ............................................ هُـبُّـوا لِـلـتَّـشْـيِـيعْ وُلِـهَـذَا الـشَّـرَفْ زَايِـرْ إلْـكُـمْ جَـايْ بِـالـغِـيـرَة انْـعِـرَفْ گُـولُـوا يَـا زَهْــرَاء يَلَّـه أَعْـلَـه الـنَّـجَـفْ خَـلْ نْـضَـوِّجْ أَمْـرِيـكَـا هَـذَا أَجْـمَـلْ هَـدَفْ لَـبَّـيْـك لَـبَّـيْـك صِـيحُـوا يَـا عَـلِـي  هُـبّـوا فَـقَـدْ جَـاءَ جُـثْـمَـانُ الْـوَلِي  .............................................. خَـلْ نْـضَـوِّجْ الْـبَـاطِـلْ وُأَهْـلِ الـنِّـفَـاقْ وُأَوْلِـيَـاء الـدَّمْ تِـرَه أَهْـلِ الْـعِـرَاقْ إِحْـنَـا وِيَّ أِيـرَانْ مَـاكُـو كِـلْ فِـرَاقْ إِحْـنَـا مُـو جِـيـرَانْ أَكْـثَـرْ مِـنْ رِفَـاقْ يِـجْـمَـعْـنَـا لِـلْـمَـوْت اِسْـمَـكْ يَـا عَـلِـي  هُـبّـوا فَـقَـدْ جَـاءَ جُـثْـمَـانُ الْـوَلِي  ................................................. خَـلْ نْـشَـيِّـعَـه الْـخَـامَـنَـئِي بِـكُـلْ فَـخَـرْ وُخَـلْ نْـگِـلَّـه الْـمِـحْـوَرِ الْـيَـوْمِ اِنْـتَـصَـرْ لْـهَـسَّـه يَـا مَـوْلَايْ خَـصْـمَـكْ مَـا عَـبَـرْ وُخَـلْ نْـشِـدْلَـه الـرَّايَـة يَـمْ صَـحْـنِ الْـگَـمَـرْ يَـمْ صَـحْـنِ الْـحُـسَـيْـن صَـيْـحَـة وُتِـعْـتَـلِـي  هُـبّـوا فَـقَـدْ جَـاءَ جُـثْـمَـانُ الْـوَلِي ................................................. ✍️. ابو منتظر الحريشاوي