Malaka oshirish instituti Samarqand filiali

Sohaga oid ma’lumotlarni Institutning rasmiy telegram kanalida kuzatib boring!https://t.me/minsport_institut

#ochiq_dars 2025-yil 4-dekabr kuni O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali “Jismoniy tarbiya, sport nazariyasi va uslubiyati” kafedrasi dotsent v.v.b Abdakimov Utkirbek Abduraupovichning jismoniy tarbiya fani o‘qituvchilari yo‘nalishi tinglovchilariga “Jismoniy tarbiya nazariyasi va uslubiyati” modulidan “Jismoniy tarbiya nazariyasi va uslubiyatining umumiy asoslari” mavzusida ochiq darsi bo‘lib o‘tdi. Mashg‘ulot Qarshi Olimpiya va paralimpiya sport turlariga tayyorlash markazida tashkil etildi.

📜Qashqadaryoda_so‘rovnomalar_olindi 2025-yil 4-dekabr kuni O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali Ta’lim sifatini nazorat qilish va monitoring bo‘limi boshlig‘i X.Danaboyev tomonidan dekabr oyi jismoniy tarbiya yo‘riqchilarining malakasini oshirish jarayonida ta’lim sifatini oshirish, sohadagi muammolar va ularning yechimlari hamda takliflar yuzasidan anketa so‘rovnomalari olindi.

#dars_mashg'ulotidan_keyin 2025-yil 3-dekabr kuni O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filiali “Sport psixologiyasi, ijtimoiy-gumanitar va tabiiy-ilmiy fanlar” kafedrasi professor-o‘qituvchilari malaka oshirish kursi tinglovchilari ishtirokida Qarshi shahri Gulshan MFYda joylashgan XIV asrga oid madaniy meros obyekti - Abu Ubayda ibn al-Jarroh yodgorlik majmuasiga tashrif buyurdilar. Mazkur qadamjo necha zamonki o‘zining bebaho merosi, bir-birini takrorlamaydigan jihatlari bilan bizga uzoq o‘tmishdan sirli va sehrli hikoyalar so‘ylab kelayotir. Tinglovchilar sayohatdan bir olam taassurotlar bilan qaytishdi.

⚜2025-yil 2-dekabr kuni soat 16:00 da O‘zbekiston davlat jismoniy tarbiya va sport universiteti huzuridagi ilmiy darajalar beruvchi DSc.03/30.12.2019.Ped.28.01 raqamli Ilmiy kengash qoshidagi 13.00.01 – “Pedagogika nazariyasi. Pedagogik ta’limotlar tarixi” ixtisosligi bo‘yicha bir martalik Ilmiy seminar majlisi o‘tkazildi. Mustaqil izlanuvchi Qosimov Faxriddin Joʻraqulovich tomonidan 13.00.01 – “Pedagogika nazariyasi. Pedagogik ta’limotlar tarixi” ixtisosligi boʻyicha “Jismoniy madaniyat oʻqituvchilarining kasbiy kompetentligini takomillashtirish texnologiyasi (qayta tayyorlash va malaka oshirish jarayonida)” mavzusida pedagogika fanlari boʻyicha falsafa doktori (PhD) ilmiy darajasini olish uchun yozilgan dissertatsiyasining ilmiy seminar muhokamasidan muvaffaqiyatli oʻtdi. Samarqand filiali jamoasi F.Qosimovning dissertatsiya ishi himoyasiga omad tilaydi!!!

#ko‘chma_malaka_oshirish O‘zbekiston Respublikasi Sport vazirligi, O‘zbekiston Respublikasi Maktabgacha va maktab ta’lim vazirligining 2025-yil 29-avgustdagi 30-Q/Q-son, 45-Q/Q-son qo‘shma qarorlari, Sport vazirining 2025-yil 5-sentabrdagi 01/1451-A/F-son buyrug‘i ijrosini ta’minlash maqsadida Samarqand filiali professor-o‘qituvchilari tomonidan Qashqadaryo viloyati jismoniy tarbiya yo‘riqchilari va jismoniy tarbiya fani o‘qituvchilari uchun (3) uch hafta bevosita (to‘g‘ridan-to‘g‘ri) malaka oshirish kurslari Qarshi Olimpiya va paralimpiya sport turlariga tayyorlash markazida davom etmoqda…