بيت شِعر

‏نديمي و الوله حزنه يباغتني على المكشوف ‏عسى باقي من اعذارك عذر ، يستنطق سكاتي ‏يجيبك ليل .. ما مره ذليل ولا سليل ضعوف ‏وانا اسري بك غلا من شيمتي مدري ، معاناتي ‏احسب ان المحبه من دروبك ، دربها معروف ‏واثر كفّك تمكن جرحها ، و عيونك تحاتي ‏يوريني هواك انك هنا ، وان التعب مخلوف ‏ويصدمني جفاك انك بعيد ، ابعد من امواتي ‏حبيبي لو بدا النسيان يزرع في خفاك ، شفوف ‏فدا يا احلى مشاوير الشقا .. و اعزّ عبراتي ‏تقول انك بتنساني وهم ، واقول لك بتشوف ‏انا لو ما تمرك شرهتي . . . " بتمّرك ابياتي "

‏وش هو الظلام الّا شعاع التفاصيل ‏وش هو السكوت الّا الكلام بـ فؤادي ‏ما اذكر رحيل الصبح يوم اقبل الليل ‏أذكر وصول الحزن لحظة بعادي ‏يا غايبه .. وأسئلتي تحطّ و تشيل ‏والوصل ما مدّ الجواب الحيادي ‏دام الجدي ما عانق سهيل وسهيل ‏ما عاتب اللي صدّ وامسى ينادي ‏ودّعت رغباتي عقب هدّت الحيل ‏لوّحت لـ الأحلام ليلة حصادي ‏ما عاد تشفع لـ القصيد المواويل ‏ما يوصل الإحساس لو كان عادي ‏الجرح : ما يشفيه حضن المناديل ‏والخوف : ما يخفيه كثر التمادي ‏يا غربتي مشتاق لـ اللي مضى حيل ‏إشتقت لـ بْلادي وانا … في بلادي ! لـ فيصل القـاضي

‏محطات التفاصيل القديمه تتعب اللماح ‏يكافح عبرته .. والذكريات تقلّب آوجاعه ‏يقوله من قضى ثلثين عمره فـ البحر سباح ‏بعد ما قام ربان السفينه يطوي شراعه ‏يا قلبي لا تخلى عن كفاحك والحياه كفاح ‏لو تجور الليالي .. والحنين يهب ذعذاعه ‏لا تغلبك المشاعر بـ السؤال وكثرة الالحاح ‏ترى رجلي مهيب لخطوة المقفين تباعه ‏من يقول القلوب صحاح لاوالله ماهيب صحاح ‏يا ثقل اللي يشيله كل عاشق من ورى اضلاعه ‏يا ذات الطله المتفرده والمبسم الذباح ‏يا وجهٍ كل ما ساد الظلام يكفي إشعاعه ‏ من يحسب الخساير في حياته يجني الارباح ‏وانا اعدك من أرباح العمر ما أعدك بضاعه ‏عذابي يوم اشوف الدمع يجرح خدك الوضاح ‏و آماني يوم اقابل مامضى بـ السمع والطاعه ‏على آخر سالفه من بيننا كان الكلام رماح ‏سمعت الكلمه اللي للقلوب الخضر نزاعه ‏ضحكت من انكساري مثل ضحك السارق المزاح ‏تمنيت الكلام اللي سمعته يطلع إشاعه ‏تقولين الامل موجود لا تنشد عن اللي راح ‏و انا اقول العمر لا راح ما نقدر على ارجاعه ‏بعدك الدار واهل الدار صارو فـ العيون اشباح ‏يا شين النظره اللي من وجيه الناس جزاعه ‏ ‏بعد ما الارض شالت خطوتي في قاعه الافراح ‏تركت احلامي المستقبليه .. داخل القاعه ‏يبى يبطي من الصدمه وهو يفرك بطون الراح ‏من يحط العوايد والسلوم الغبر شماعه لـ نايف السراهيد

تغيّرت كل القلوب المجاريح وانا على خبرك من العااام غادي #عمر_الودعاني

‏شخصيتي بين الخطيئه و الصواب ‏ضاعت مباديها وصاحبها قعد ‏حرّه وقادتني على درب الغياب ‏وراحت سنيني وانا توي ولد ‏لو العمر كبّر وشيب له شباب ‏ابقى طفل عايش على ذكرى وعد ‏ابسالك وبنتظر منك جواب ‏تسمع قصايد شاعرك لا من قصد؟ ‏ماحركت مشاعرك دمع العتاب ؟ ‏ولا صداقه كشرتي عقب الرغد؟ ‏روحي وخلي ما تبقى للمصاب ‏لو انها عقب المفارق لا معد ‏باقي بقايا كلها صارت تراب ‏واقصى طموحه شوفتك لامن رقد ‏راحت وانا باني ضريحي من خراب ‏حتى اساساته ، يغطيها حسد ‏عقبى تعاقبني وهي مثل السراب ‏عقلي زهد منها ، "وقلبي ما زهد" ‏عن رحلتي كانت دروبي لك قراب ‏ليش الهجر غربتني داخل بلد ‏شوفي عيوني تمطرك مثل السحاب ‏وبرق جفني عاتب بصوت الرعد ‏معشوقتي نحتاج للقصه كتاب ‏مايحتمل ما صابني من له جسد ‏اول فصوله تبتدي ، مطلق مصاب ‏واخر فصوله تنتهي ، مطلق فقد ‏الى متى تفرق دروبي للصعاب ‏احتاج راحه ، اشتري فيها ضمد ‏اضمّد جروحي بنفسي والحساب ‏استنزف الباقي من سنيني عدد ‏مو مشكله ماتدري بهذا العذاب ‏المشكله .. ماتدري احبك بعد ! ‏ - لـ مطلق السهلي

‏حفظت الامانة في عيونك عن الاخطار ‏وجودك مطمنّا .. وطيبك منومسنا ‏لثاني عهد .. بقلوبنا لك سلامٍ حار ‏على كل لفته من جنابك تلامسنا ‏قليلة بحقّك لو نهنّي عليك الدار ‏نهنّي عليك الدار ونهنّي انفسنا ‏⁧ #صباح_الخالد_الحمد_الصباح ⁩ 🇰🇼

‏يا صغيرّ لو تمادى غيبتك : ما زلت غالي ‏مستحيل أنسى الغلا دام الغلا مثل الأمانه ‏ما تمّر اللّحظه من اليوم لين " تمّر بالي " ‏صار ذكرك في حدود البال يشعر بـ الميانه ‏جرحك إللي من فراقك يعتبر صاحب معالي ‏كل ليله يتخذ إجراء و " يصدّر بيانه " ‏ما قدرت أطلق خيالي في هوى الوجه الخيالي ‏وجهك أكبر من مدى التفكير لو يطلق عنانه ‏أنت في نظرة عيونك لحظة الموت المثالي ‏لو عشانك ما عشقت الموت أجل من هو عشانه؟ ‏في غيابك كل ما شفت " القمر " وأنا لحالي ‏أَتخيّل وجهك الفاتن وأشوفك في مكانه ‏من جروح الذكريات إللي على مَر الليالي ‏كل جرح يبادر بـ شكره .. ويشعر بـ إمتنانه ‏أذكر إني كنت أداري خاطرك لو بـ إمتثالي ‏ما أنهزم عنتر زمانه؟ غير من " قَبلة زمانه " ‏الكيان إللي على حبك فـ الأيام الخوالي ‏عاده إللي لو يطول الهجر ما زعزع كيانه ‏ما نسيتك يا أبعد من الحلم و أقرب من ظلالي ‏بـ إعتقادي طاري النسيان .. نوع من الخيانه ‏لا تهاون في جفاي ولا تهاون في وصالي ‏الهوى مثل العزيز إللي ما يرضى بـ الآهانه من كثر ماني بـ عايش .. بـ الضمير اللاّمبالي ؟ صار قلبي من بعد فرقاك " مغلق لـ الصيانة" لـ تركي بن جويعد

‏سرى الليل وانا أرقبك يا بارد الذعذاع ‏و صدري حزين و سيرة النوم مرفوضه ‏ماغير اجتلد و أقوم و أهدّي الأوضاع ‏ورغم الهدو أحس في داخلي فوضه ‏اشك الجبال احيان ماهيب فوق القاع ‏تقول انها بين السراجيف معروضه ‏صدوف الدهر تأخذ من الراحه استقطاع ‏مثل بنك الإنماء يوم يستقطع قروضه ‏أنا فاقد من ضلوع صدري ثلاث ارباع ‏و نفسي من اللي شفت ماهي بـ محظوظه ‏ياوجدي على عمر فقدته و حلم ٍ ضاع ‏ومن ضاع حلمه مستحيل احدٍ يعوضه ‏ياليت الزمن نقدر نسوّي له استرجاع ‏لكن دبرة الله فوق الإنسان مفروضه ‏سمحنا من اللي عايش ٍ جو الاستلكاع ‏و عقليته عقلية الطفل فـ الروضه ‏ما ندري طويل لسان ولا طويل ذراع ‏اليا صار فـ أعراض البشر يعلن عروضه ‏قواعد سلوم الناس من راي و استطلاع ‏عسى من سعى في كسرها ينكسر حوضه ‏اشوف الجفاء يشرى واشوف الجميل يباع ‏وانا اخاف بكره لا يصير الردى موضه :) لـ جراح العتيبي

‏البارحه شفت ذكرانا "على الطوفه" ‏اشوفها .. واردف الوّنه ورى الوّنه ‏اشوف ذكراه ، لكن مقدر اشوفه ‏اصدوف الايام ردنّي وردنّه ‏ياملّ قلب معاهم ضاع معروفه ‏ايداري احبابه اللي .. مادروا عنّه !!

‏مادامك بخير … غيري واجد بتلقى ‏لكن ليا ضقت ، ماتلقى احد غيري لـ ‏⁧ أرشيد عبدالله القفيدي

‏يالكاولي حنا علمنا على الراس ‏يشيله اللي فيه طيب و حميّة ‏والا انت ذيل ايران والفرس الانجاس ‏جعلك فدا دار الصباح الأبـيّة 🇰🇼

‏حبيبي لاح بارق ذكرياتك .. في سما الآمال ‏و أنا أرجي بـ العمر ليلة سناك يمرّني فيها ‏بعد عتم الليالي والجروح وغربة الترحال ‏أمرّك بـ المدى دار أندفن حلمي بـ أراضيها ‏فقدتك والظما يجهد عزومي والدروب طوال ‏وسرابك يجرح أحلام اللقاء ويخون أمانيها ‏انا لـ اليوم أزور أعذب مدينة وأنشد الأطلال ‏عن أحداث السنين اللي " هَنَا " العمر بـ لياليها ‏إلين اليوم أجي لك شوق أغنّي والأمل موِّال ‏وش أخباري ؟ على حطّة يدْك ماااا زلت أغنّيها ‏دخيل الله ، وبعد الله دخيلك .. لا تلوم البال ‏إلين اليوم " ذكرى " تنثر الذكرى بـ أغانيها ‏مصير الحي يتلاقى ولو عمر المفارق طال ‏و لو مرّ ألف عمر .. أحلامنا مااااني بـ ناسيها ‏حبيبي والبشر صاروا بـ صبري يضربون أمثال ‏" ثلاث سنين " وطيوفك تناديني ، و أناديها ‏أشوفك في صباحات الأماني ، والوله يختال ‏و أشوفك في غروبٍ ياخذ الشمس من أياديها ‏" فقدتك من هنا .. لين السنين تجود لي بـ وصال ‏و أضمّك بـ الديار اللي مْن الفرقا و أنا أجييييها "

‏ ‏مغيب الشمس واقبال الظلام وهبّة النسناس ‏تذكرني وانا لا ناسي . . ولا بالي بـ خالي ‏اتذكرني بمن خذها الزمن واقفت وانا منحاس ‏مانا بداري هي اقفت صدق ولا انهِ يتمروالي اعتدت انسى بها هموم الزمن والخلق والوسواس ‏ولا ادري كيف بنسى يوم شانت عقبها احوالي

‏تذكّر ؟ قبل ما اطرق عشانك دروب البيد ‏تبسمت كنّك ماخذ من الهوى ثارك ‏شعوري ، شعور التعزيه في صباح العيد ‏وانا بين اكذّب غيبتك و انفي اعذارك ‏عسى دمعي المزهاف و الشعر و التمجيد ‏فدى ليلةٍ ما بين يمناك ويسارك ‏انا كيف احس بـ فرحة العيد وانت بعيد ؟ ‏ولا عيدي مبارك .. ولا عيدك مبارك لـ فهد بن بجاد عيدكم مبارك ❤️

‏قافلٍ باب المحبه من سنين وتايب ‏ولايهضيني طواريق الحمام وسجعه ‏منصدم من صدمة الفرقا وراسي شايب ‏في عيوني حر شوق وفي ضميري وجعه ‏غاديٍ حالي مثل حال الشجاع الهايب ‏ضاهده حمل الزمان ومونسٍ له فجعه ‏طايبه نفسي وتفكيري وقلبي طايب ‏من حبيبٍ غاب عن عيني وقفّا نجعه ‏بعد زوله راح عني صــار طيفه نايب ‏ذكرياته ماتجيني غير وقت الهجعه ‏صايرٍ معظم كلامي فـ (الضمير الغايب) ‏(غايبٍ)ماله (ضمير) ولا طراله رجعه ! لـ ناصر الحمزاوي

‏في ذرى دواهي الحكّام / ذريّة مبارك ‏غطرفي يا دار اخو مريم على عز و معزه الله يحفظك ويطوّل بعمرك يا سيّدي ❤️🇰🇼

‏أحاول أبعد عن طريقك وأمرّك ‏ عيبي على فرقىٰ البشر ما تعلّمت ‏حتى ابتسامة خاطري .. لا تغرك على كثر ما احتجتلك، ما تكلّمت ‏لـ مشعل فلاح النون

في زوايا البال ذاكرةٍ تفتش بالرسايل كيف تعتقني ظنوني والسؤال يحدّ سيفه ان تحايلته بكذبه مانفع معه التحايل وان صدقت بكلمتي بيموت حلمي من نزيفه تايهٍ والدرب غفل ، بلا وسوم ولا دلايل كل ماطالت مسافاته عليّ اوجست خيفه حيرتي ظلٍ يلاحقني مع سموم القوايل والشجر عن حرّ رمضى الشوق يدعيني حفيفه ماجفيتك يا غصونٍ ،، ما لفيّتها بدايل يوم شد الصبر عني والحنين اشتد صيفه لي تحت ظلك مقيل ولك على روحي جمايل لو جفتك اللي تقاسمني ثمارك بالنصيفه كنت مثلك يوم اشيل الحب بضلوعٍِ نحايل مورقه قبل الفراق اللي عثا فيني خريفه لو تموت من الضما ياقلب وعيونك ، تخايل كل بارق في سما الغيّاب يغريك برفيفه مادرى عنك السحاب اللي يمرك عجل ، شايل في يدينه وابلٍ صدت هماليله معيفه يوقف الطاري على جرفٍ من الذكرى مهايل مثل ما اوقف بين صدق احساس نسياني وزيفه واتذكر في وجيه الناس من ناسي قلايل غايبٍ عذره معاه وغايبٍ ، غايب بكيفه لكن الوجه الوحيد اللي عن الاشباه زايل ما يفزز راكد الما في عيوني .. غير طيفه !

‏الوضع الاقليمي مثل منت شايف ‏ولا حسبنا حسابكم … وانتلهوى ‏ㅤ ‏زعيمكم تحت السراديب خايف ‏وأميرنا بعد الفطور يتقهوى (:

‏﴿ رَبِّ اجْعَلْ هَٰذَا بَلَدًا آمِنًا ﴾ ‏اللهم احفظ دول الخليج حكومةً وشعباً من كل سوء ‏وأدم علينا نعمة الأمن والأمان ❤️