قناة مسلم المطيري

بصوت. مسلم المطيري علي خويه وبعد بيتي اريدك تسمع اوصيتي كلمات الشاعر ابو علي الركابي

ــــــــــــــــــــــــــــــــــــــــــــــــــــــــ علي خويــــه وبعد بيتي اريدك تسمع اوصيتي يحماي الحميه عينك عالزجيه علي خويه *** اخوك الهادي ياحيدر يجاذب بالنفس كَــوه علي يا بالحسن خويه الحياة بشوفتك حلوه احسن بالاجــل كرب واحس الروح تتلوه راح امشي واعوفنكم وكلبي بناره يتجوه ينازع بالنفس صـــدري خلص يابالحسن عمري ماشي بهالمسيه عينك عالزجيه علي خويه *** ملك الموت اشـــوفنه يكلي اســــــتعد لأمرك ودع كل اهــــل بيتك الليله ينتهــــــي عمرك وآنه بالــــــي يم بالك اشوفن مـختنك صدرك شد حيلك يبــو زينب اتحزم ياعلـي بصبرك عندي اسوالف اهوايه واعرفك راعي الكفايه الك عندي وصيه عينك عالزجيه علي خويه *** كبل ماغمض اعيونــي كبل ما تخلص انفاسي كرب منـــي ياســلواي خويه ويا اعــز ناسي وصيه عندي يالمهيوب ظلت تلجــم احساسي عينك عالحنينه اهواي اذكرك وانته مو ناسي حطها بروحك افديها ودومك عينك اعليها راحل مو بديه عينك عالزجيه علي خويه *** راحل عنهــــــا هالليله ماشي وتدري مــوبيدي عزيزه اهواي ياحيدر واغلى امن الهوى عندي حطها بروحك الزهره تراهي تنهظـــــــم بعدي امصايبها تهـــد الحيل بيوم اجنازتــــــــي تبدي جثيره امصـــايب الزهره خاطر كل نبي اتكسره ونتها شــــجيه عينك عالزجيه علي خويه *** تموت وتعدل الزهـــره تجالع بالاحزن والهم تظل امن الهجر تبجي وعليه اهـــواي تتألم ومن كوم اليكروهونه اخاف اعليــها تتلجم اباب الدار ياخــــــويه ضلع ابنيتــي يتهشم على ابنيتي تهد كلها وغيرك كلشـــي ما الها وادموعي جريه عينك عالزجيه علي خويه *** الله ايعينـها ابنيتــــــــي تشـوف امن الأم مره مو بس هيـه تتــــــلوع حتى اولادهـا الزهـره الحسن وانوبه ابو اليمه بالطف ينكَـــطع نحره واخته ياعلي واخــــته آ يمصــــــيبة الحـــره المصيبه تنسبي زينب وباجر عالهزل تركب زينبنه ســـبيه عينك عالزجيه علي خويه *** باجر تنتظـــــــر زينب وتبدي اوي السبي رحله كلبها يطحن ومجروح المصيبه كلفــــه موسهله بخرابات الهظم تكعـــد وتكســـــر حالها الطفله رقيه التشبه الزهـــــره تزيد باجـــــــــــر العله رقيه اتمــــــوت يا حيدر وتحضن ياعلـــــي المنحر ابنيتنه رقـــــيه عينك عالزجيه علي خويه *** ابو علي الركابي https://t.me/sheia

بصوت. مسلم المطيري گاعدة اتنطر وعودك. بيه لهفه كلمات الشاعر علي العزامي

بعد استشهاد رسول الله (ص) وبشارة الزهراء(ع) انها اول من يلحق به كاعده اتنطر وعودك   بيه لهفه يمته تأخذني لترابك يمك اغفه مضلم الكون بمصابك        كاعده بدمعي عله بابك ------------------------------------------------------------------------------------ يا محمد فاطمه أنه وغرك عيوني الدمع راح كل شي وحته صوتي بعد ماضن ينسمع الفاكده أمها ومات ابوها بعد ما تحمل وضع عايشه بوعدك واتاني لحضه لحضه وننجمع         جنت تستقبلني واكف  هسه وينك           انه وعيوني بدمعهن   فاكدينك وانكسر ضهري لـغيابك          كاعده بدمعي عله بابك ------------------------------------------------------------------------------------ رد قميصك بلكي عطره يهون عليه اليمر بلكي يشفي جروح فگدك يهدي لچمات العمر وحشه هاي الدنيا بويه ويعجز ضماد الكسر واليهديني بمصابك شمة تراب الگبر             تشهك الروح عله كبرك وابقه اتاني             تكول بلكي اليوم اشوف الواعداني وانتضر منك جوابك               كاعده بدمعي عله بابك ------------------------------------------------------------------------------------ بويه بويه الشوك شهكه تكطع ابتوت الكلب وترسم الدمعه بوجنتي وتنحفر لمن تصب غاب طه يعني حزني ويعني كل عزي انسلب يعني نور عيوني راح عليه بس هم انكتب                  غياب نور الله بغيابك هدلي حيلي                    راح شوف العين عكبك يادليلي وحزنت الكعبه وكتابك                  كاعده بدمعي عله بابك ------------------------------------------------------------------------------------ اسمك بكل صوت أذان يزيد شوكي لشوفتك الباب ياخذ نضر عيني يعيد ذكرة دكتك العين تهمي الروح تشجي بويه طالت غيبتك دمعي جف بلا جفوفك وشهضمها بنيتك             التفكد امها يزول همها بحضن ابوها                شلون بالعاشت وحيده وفاركوها بويه واستصعب عتابك                 كاعده بدمعي عله بابك ------------------------------------------------------------------------------------ عمري خلصته بدلال وياك ما مر كلبي هم والدمع ما مر عيوني ولا أعرف معنى الالم بويه بس غمضت عينك جفني بالدم انرسم انهدم ركن الدين كله وياه كل حيلي انهدم            بلليت تراب كبرك من دمعتي      بلكي تسمع صوت كلبي وتشفي علتي وامسح جروحي بترابك        كاعده بدمعي عله بابك خادم الحسين ع علي العزامي https://t.me/sheia

بصوت. مسلم المطيري گلي يا ناعي. ليش، مخسوف الگمر كلمات الشاعر امجد صاحب الشطري

كلي ياناعي ليش مخسوف الكمر كلي ياناعي جــاوب أنطينـي خبر بالنعــش سيـد البشر لو ضلع أمي أنكسر 1 كلي ياناعي الحزن وأرحم بحالي آنه زينب حايره وانشده بالي هذا ضلع أم الحسن طايح كبالي لو على ظهر النعش سافر الغالي أنظر بعيني نزلت تنوح السمه أنظر بعيني تواسي أمي فاطمة الليلة مفجوعة الصور لو ضلع أمي أنكسر كلي ياناعي 2 آه يناعي النايبة ماتحاجيني خيم بروحي الحزن وبيّن اونيني مثل ماعينك بجت هم بجت عيني منك أترجه الخبر كافي تاذيني هاك أخذ روحي وكلي عن الفاجعة هاك أخذ روحي حتى أروح اتوادعه بالنبي حان القدر لو ضلع أمي أنكسر كلي ياناعي 3 قلبي يخبرني أنه راح أبو الزهرة اعرفته جدي المصطفى من نبع عطره اسمعتك تنادي علي مات أبو العترة أنت تتولى الدفن وتحفر قبره هذا أبن عمك شلت بيدي جنازته هذا أبن عمك أنت تحفر حفرته قلبي عالهادي انفطر لو ضلع أمي أنكسر كلي ياناعي 4 راح جدي ومايرد نايم بلّحده واليسافر للأجل بعد شيرده ادري من سد الجفن دمعته بخده لان عاف أبنيته فاطمة بشدة يدري من يرحل باب بيته يحترك يدري من يرحل حتى محسن ينسحك محد يزيل الخطر لو ضلع أمي أنكسر كلي ياناعي 5 آه ياناعي مـن الألم أستمـع همي من يهجون العِده ويرتجف جسمي أمي باجر تنسطر عالوجن يمي وآنه أصيح بعبرتـي لاتطك أمي تبجي وتنادي فاطمة آنه أم الحسن تبجي وتنادي أسمع يكلها وإن هذا عرش الله أنعصر لو ضلع أمي أنكسر كلي ياناعي 6 من يهشمون الضلع وأحمل أحزاني راح أحير بكربله وجتلت إخواني وآنه أصير الناعية هناك تلكاني عندي يومية عزه بقلبي نيراني تخلص سنيني وعيني ماتخلص دمع تخلص سنيني على القبور أشعل شمع عمري اكضي بس قهر لو ضلع أمي أنكسر كلي ياناعي شطره أمجد صاحب الشطري https://t.me/sheia

بصوت. مسلم المطيري مرن علي هواي وهواي كلمات الشاعر رعد الفريجي

مرن    عليه    هواي  وهواي ليل وصبح   ما يبطل إبچاي من   الضلع   للغاضريه والليله ابوي  بهالمسيه  يلعسكري يلعسكري ----------------------- شايف مصايب كل هلي سم وذبح بعيوني يا شيعة ملچوم الگلب يهل العزى واسوني انه الشفت ام الحسن  محنيه بس حاچوني آه  يا  مصايب  كربله  اه  يا هلي عينوني يا شيعه  شفت حسين  مذبوح وام   الخدر    علمنحر     تنوح   هاي الصدگ صعبت عليه والليله  ابوي   بهالمسيه  يلعسكري يلعسكري ----------------------- گدامي شايف كربله وحتى العطش هم شفته من وجه عبد الله  انخطف والموت گرب وكته من ظل وحيد الماله اهل  وبظهره بس عايلته من  حشم  الماتو  لچن  سكته  ولزم خاصرته محد  فزع  لن  كلهم   اموات الله    يعينه  بظهره   خيمات  ودع هله وما منه  جيه والليله  ابوي  بهالمسيه  يلعسكري يلعسكري ----------------------- ما ينحمل حرگ الخيم  والشده زينب هايه الجاباهه عباس الكفل  مامونه يم الرايه عماتي ركضن بالحرب وانتچن آيه بآيه والسوط لا يعرف فرض لا يعرف امصلايه ظل  يستلذ   بوجوه   الزغار نار    وتسير    صوب   جمار  متخلي  لا طفله  وسبيه والليله   ابوي  بهالمسيه  يلعسكري يلعسكري ----------------------- فگد  الابو  كلش  صعب  اه يلحسن يا چبده يلشاب يل ما طولت  حزنك عمر   مو  مده واني بزغر عمري  اليتم  عيشني هاي الشده من تلتفت مامش ابو  مات التعيش بسده مات   الحنين    وراحة  البال  شالت الطيبه   بساعة   الشال يل يمي  بس  مبعد عليه  والليله   ابوي   بهالمسيه  يلعسكري يلعسكري ----------------------- والشده   بافعال  البشر  من  تنعرض يوميه ما تنحمل  لچمه  بجرح  هيچ  التعب تاليه   هو اليضحي بكل  هله  وبعيونه چم مسبيه چا  غير ناسه  تعاونه  چا وين حسن النيه اسمك محب بس فعلك  يگول جارح  امامك   وانته  مسؤول هالفزعه    رايد   للقضيه والليله   ابوي   بهالمسيه  يلعسكري يلعسكري كلمات الخادم  /  رعد الفريجي 30 /صفر / 1448 ثوابها الى روح والدتي https://t.me/sheia

الله وياك يبويه الله وياك الشاعر علي داود سلمان المياحي بصوت. مسلم المطيري

بصوت. مسلم المطيري انا العقيله. لا مو ذليله كلمات الشاعرة ام يحيى العبودي اسيرة شجن الشاعرة ام رسل السلمي

*قصيده عن حال مولاتي زينب عليها السلام لسان حال تقول* *آنـا الـعـقـيـلـه... لا مـو ذلـيـلـه* *بس دمع الفراگ... من دم مسيله* 💎💎💎*1*💎💎💎 اگعد يلحسين... يم گبرك اني. زينب وناديك... والـهـم عماني. حـيـره چبيره... ظـالـم ذزماني. اتلگوني يخوان... عدكم تراني. *گولوا هله بيچ... والله يحييچ* *علجيه يم عون... الباري حاميچ* 💎💎💎2💎💎💎 يانور العيون يابو المحنه فك عينك وشوف. لوعة ضعنه تعبنه الفراك. بعدك كتلنه نشكيلك امنين . ياريحة امنه *من نار الاشواك... گلبي الم ضاگ* *من كثر الهموم... بس الحزن لاگ* 💎💎💎3💎💎💎 وين الميامين وين الغوالي وين الي جانو. عزي اودلالي ماتنشف اودوم. يادمع هالي ترضوها للناس. تنظر خيالي *يل تحت التراب... گوموا يلاحباب* *جيناكم اليوم... والحزن جلباب* 💎💎💎4💎💎💎 وين العشيره. ياآل عدنان شوكلهه نومه. كعدولي يخوان درب اليسر جان. بيه كومه احزان خاين زماني. وكليبي لهفان *يااغلى ناسي... دمعي واحساسي* *ياخواني والنوح... شيب الراسي* 💎💎💎5💎💎💎 زينبكم آني... جيت ابعذابي؟ يا بعد عمري... يگلف مصابي. من فارگتكم... ادري ابغيابي. زيّـد آلـمـكـم... سمعوا الخطابي. *يا نور العيون... شو ما تردون* *چا المن اشكي... وبحالتي اشلون* *تمت بعون الله تعالا بقلم الشاعرة أم يحيي العبودي أسيرة شَجَن وبقلم ام رسل السلمي ولا يجوز حذف الأسماء شرعاء ونسالكم الدعاء* 🚫 https://t.me/sheia

بصوت. مسلم المطيري طلع البدر عليهم وسط الفضا وسط نيسابور قد صاح الرضا كلمات الشاعر وليد المندلاوي

طَلَعَ الْبَدْرُ عَلَيْهِمْ فِي الْفَضَا وَسْطَ نَيْسَابُورَ  قَدْ صَاحَ الرِّضَا اُنْقُلُوا الْحَدِيثَ عَنِّي آمِنٌ مَنْ أَمَّ حِصْنِي 🛑🛑🛑🛑🛑 كَتَبْتَ "حَدِيثَكَ الذَّهَبِيَّ" لِلنَّاسِ بِنَيْسَابُورَ يَا عِزّاً بِإِحْسَاسِ فَقُلْتَ: "وِلَايَتِي حِصْنٌ مِنَ النَّارِ" بِهَا تَنْجُونَ مِنْ وَسْوَاسِ إِبْلِيسِ فَأَنَا الضَّامِنُ فِي يَوْمِ الشَّدَدْ بِشَفَاعَاتِي لِمَنْ لَاذَ وَفَدْ فَخُذُوا الْمِيثَاقَ مِنِّي آمِنٌ مَنْ أَمَّ حِصْنِي 🛑🛑🛑🛑🛑 غَزَالُ الْبِيدِ جَاءَتْ تَشْتَكِي الذُّعْرَا تُنَادِي يَا أَنِيسَ النَّفْسِ لِي ذُخْرَا أَرَى حَتْفِي بِلَا رُحْمٍ يُطَارِدُنِي وَأَرْجُو مِنْكَ يَا مَوْلَايَ لِي بشْرَا أُبْشِرُ الظَّبْيَ بِأَمْنٍ وَفَرَحْ وَانْجَلَى الْخَوْفُ بِقَلْبٍ قَدْ مَرَحْ قُلْتُ لِلظَّبْيِ أَجِنِّي آمِنٌ مَنْ أَمَّ حِصْنِي 🛑🛑🛑🛑🛑 لِمَرْوٍ قَدْ أَتَى الْمَأْمُونُ بِالْمَكْرِ أَتَى مَعَهُ رِجَالُ الْعِلْمِ وَالْكُفْرِ غَلَبْتُ الْجَاثَلِيقَ بِعِلْمِيَ الْبَاهِرْ فَشَبَّتْ نَارُهُ بِالْحِقْدِ وَالْغَدْرِ وَارْتَدَى الْمَأْمُونُ ثَوْباً مِنْ لَهَبْ حِينَ شَافَ الْعِزَّ يَعْلُو فِي الرُّتَبْ إِنَّهُ قَدْ خَافَ مِنِّي آمِنٌ مَنْ أَمَّ حِصْنِي 🛑🛑🛑🛑🛑 دَعَوْتَ اللهَ حِينَ أَرْضُهُمْ جَفَّتْ فَجَادَ الْغَيْثُ حِينَ الدَّعْوَةُ انْهَلَّتْ سَقَيْتَ الْقَاعَ مِنْ جُودٍ بِلَا حَدٍّ فَعَاشَ النَّبْتُ وَالْأَنْهَارُ قَدْ فَاضَتْ وَارْتَوِى الزَّرْعُ بِخَيْرٍ وَانْسَكَبْ غَيْثِيَ الدَّافِقُ مَاءً كَالذَّهَبْ فَخُذُوا الْغَيْثَ بِأَمْنِي آمِنٌ مَنْ أَمَّ حِصْنِي 🛑🛑🛑🛑🛑 وَكَانَ دِعْبِلٌ لِلْعِلْمِ فِي حِجْرِي وَتِلْمِيذاً غَدَا يَسْعَى عَلَى نَشْرِي رَأَى كُلَّ الْعَطَاءِ فَيْضَ مَجْهُودِي لِيَمْشِي النَّاسُ فِي دَرْبٍ مِنَ الْخَيْرِ نَشَرَ التِّلْمِيذُ عِلْماً وَأَدَبْ مِنْ عَطَاءِ الْبَدْرِ سُلْطَانِ الْعَرَبْ قَدْ أَتَى دِعْبِلُ يَثْنِي آمِنٌ مَنْ أَمَّ حِصْنِي 🛑🛑🛑🛑🛑 رَأَوْا كُلَّ الْهُدَى مِنْ بَعْدِ إِيثَارِ وَلٰكِنَّ الرَّدَى قَدْ حَلَّ فِي دَارِ فَأَنَا ابْنُ بِنْتِ الْمُصْطَفَى الطُّهْرِ وَمَأْمُونُ الْخَنَا مِنْ نَسْلِ فُجَّارِ سَمَّمُونِي بِالْعِنَبْ عَبْرَ الْقَدَحْ قَلْبِيَ الطَّاهِرُ بِالسُّمِّ انْجَرَحْ وَنَسُوا الْقَوْلَ بِأَنِّي آمِنٌ مَنْ أَمَّ حِصْنِي 🛑🛑🛑🛑🛑🛑🛑🛑🛑🛑🛑🛑🛑 وليد المندلاوي https://t.me/sheia

بصوت. مسلم المطيري نعي. گرناوي.لسان حال زینب ال سیدة رقیه(ع) عله. باب الخراب. شفته الحنین وچنت امنومه اطفالي اعله ادیه    و گل الروح. لنچ  چی تفکرین اوشیجیبه. الینام اعله الوطیه من کثر التعب  سلهمت هل العین و اسمع صوت بویه شوف. ادیه وثاری موفکر صح جاینه احسین وجای الیوم یاخذهه رقیه من دم عینی خویه علیک       سالت ومن فرگاک های الروح.          سالت اعله اختک لیش مامریت.     وسالیت وگطعیت الوصل  چا لیش بیه ✍   كلمات انتظار الریاحي

بصوت. مسلم المطيري تعله صرختنه. يانبينه من أرض مشهد للمدينه كلمات الشاعر سيد علي الموسوي

تعله صرختنه...يانبينه من أرض مَشهَد.....للمدينه كل وكت يتعاله...هذا صوت الرافضه والعزائك جينه...يَبن عمِّ المرتضى صحنه من الضامن...علي بن موسى الرضا انوالي مَن والاكم...واليضدكم نبغضه نهدي صيحتنه....الليله اجينه من أرض مَشهد...للمدينه ..................................... بسمك وبحروفك...تفتخر أرض وسِمَه وحگهه من تتباهه...بيك يابو فاطمه للشعائر حُبنه....هالعزاء ايترجمه وشيعتك واحبابك...عالخِدامَه امحَزِّمه واعله هالخدمه....اتسابگينه من أرض مشهد....للمدينه .................................. يانبينه الباري...رحمه لينه أرسَلَك واعله هايه اكوانه...يامُحَمَّد فَضَّلَك سيدي واعلومك....بيها مَحَّد ماثَلَك والمُحِب من جودك...يرتجي ويتوسَّلَك سيدي وشخصك....نادبينه من أرض مَشهَد....للمدينه .................................. من عزيز الكاظم...هالتنادي شيعتك والرؤوف اويانه...ينحب اعله مصيبتك من صحن والينه...هالنداء الحظرتك عهد يا اباالقاسم....نبقى دوم ابخدمتك شِلنه للبيعه...اثنين ادينه من أرض مَشهَد...للمدينه ...................................... نسأل الله ابجاهَك....ها يَجَد اهل العُلَه اوياكم ايخلِّينه...وهل عِشگ نتواصله المايحبكم هذا...يخسر ومَحَّد إله والِّذي يهواكم...الخير كِلَّه ايحصِّله يالعَذِب حُبكُم...بي روينه من أرض مشهد...للمدينه سيد علي الموسوي https://t.me/sheia

بصوت. مسلم المطيري حلم لو بالحقيقة الصار كلمات الشاعر فيصل عاشور المنصوري

#يامولاتي_يارقيه 💔 حلم لو بالحقيقه الصار رقيــه اتنادي عمه النار حاميني  وآحظنيني      يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 حلـــم حسبْته كــل ضني     لاچــن للحقيقـــه الراي الخيمـــه احتركت اكبالي     ويا جف اليطفي اوياي چا وينـــه ابـــوي حسين     وعمـي الكافـــل الوفاي چاليش العطش والخوف     عايش بينه رايح جــاي فزت خايــــف ومرعوب فـز كلبي وصبح متعوب لزمي جفي كوديني      يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 شعدها بنص خيمنه الخيل     الدم واصل خواصرها اشسحكت عمــــه كوليلـي     خفت من دم حوافرها اشم ريحة ابـــــوي اهنـــا      اشما گربت شفسرهــا اذا لبـــالــــي ؟ عوفينــــي     وعلـي رجليها اكسرها خربت حظنه هــاي الخيل وين اغفــــه بقـــدوم الليل وعكبه عميه ياعيني      يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 يعمــــه ومــن تضيعيني      بصحره والأثـــر رايــح تعالــــي يم ابوي حسين      تلاكين القلــب طايــح اريد عيوني تشبع شوف      ولا اعتب عتب جــارح ولو وجـه ابحجر وسهام      تغطه وشكله مو واضح اريد بخـــده اقبله شلون مو شحت نظــــر العيون ومن ونّـــي تعرفيني     يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 يعمــــه ما ركــــد كلبــي     واصوات الرعب تجرح شعدها ويانه هاي الكوم     بعزيز الله اجت تذبــح دك طبل الشماته اهواي     بجتلنه تضحك وتفـرح تاليهــــا يعمــــه اشلـــون     الأميره ميسره تصبح اعيوني بس حزن شافت روحـــي من الألم ذابت الخوف الشفته عاميني     يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 افراك الغالــــي واخوانــي     وعمي صاحب الرايــــه جــــرح كلبي وكسر حيلي     وفكــــري ضايع ابرايـــه خذونه عله الهزل والناس     فرحـت والحجي اهوايه طاحـت خيمــــة الخــــوه      وثكيله علينه الحجايــــه ضياعي من بعد اهلي بروحـــي والعمر شلي فعلهم ما جرى بديني    يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري https://t.me/sheia

بصوت. مسلم المطيري متى ياصاحب العصر كلمات الشاعر ابو اسحاق الفحام

مَتىٰ يا صٰاحِبَ العَصْرِ                    تُقيمُ الحُكْمَ بالأَمرِ                       وَتَحْتَ لِواكْ                           تَمَنَّيناكْ                   تُقيمُ الحُكْمَ بالأَمرِ ،،،،،،،،،،،،،،،،،،،          شوكت يالمهدي بيسارك يرف لواك          وفقار بيمنتك يرهب فلول اعداك         تصلي بمسجد الكوفه ونصلي وياك          خلص عمري وبقايه الروح تتمناك                  مَضىٰ ياسَيديِ عُمريِ                   أُعاني لَوعَةَ الصَبرِ                         وَلَنْ نَنْساكْ                            تَمَنَّيناكْ                     تُقيمُ الحُكمَ بالأَمرِ ،،،،،،،،،،،،،،،،،،            يمهدينه العمر بالون گضه وبالآه           بوصف ماينوصف عمر الذي عشناه             شخصك كل وكت يظهر تمنيناه              دعاء الندبه يم حسين رددناه                    وَنارٌ بالحَشىٰ تَسرِ                     مَتىٰ يالَيلَةَ القَدرِ                         بِها نَلقاكْ                          تَمَنَّيناكْ                    تُقيمُ الحُكمَ بالأَمرِ ،،،،،،،،،،،،،،،،،،،،             اعدائك بالامر گالو بدع بالدين            يلومونه على حبك طوال سنين           وحنه بشوگ يالمهدي تره متانين           ثبتنه عله العقيده البيهه متربين                  عَقيدَتُنا مِنَ الصِغْرِ                   نَجاةٌ ساعَةَ القَبرِ                     بِيَومي ذاكْ                        تَمَنَّيناكْ                 تُقيمُ الحُكمَ بالأَمرِ ،،،،،،،،،،،،،،،،،،،،،         شرك گالو عقيدتكم كفر وجحود           تركتو ملة المبعوث والمعبود         وحبكم سيدي علينه عهد معهود         يذبحونه وعلى حبكم نعيش ردود                 أَيا مَهدِيُ هَلْ تَدْري                  يَعيشُ لِقاكَ في صَدري                   مَتىٰ أَلقاكْ                    تَمَنَّيناكْ                تُقيمُ الحُكمَ بالأَمرِ ،،،،،،،،،،،،،،،،،،،،،،،،،           شكثر يالمهدي بغيابك محن والآم         حملنه وكل گلب عاشگ يضل محتام            وبليل الصبر تدري الجفن مينام            وتضل جمعة لقائك صفوة الايام               وَتَدعو الناسَ لِلحَشْرِ               دَمُ المِحرابَ والكَسرِ                تُجيبُ نِداكْ                تَمَنَّيناكْ               تُقيمُ الحُكمَ بالأَمرِ ،،،،،،،،،،،،،،،،،،،،،،، خادم أهل البيت ابو اسحاق الفحام https://t.me/sheia