Sho'rchi deputatlar Kengashi

#deputat_vazifalaridan Deputat: -o‘z vazifalarini vijdonan va halol bajarishi; -o‘zi a’zo bo‘lgan siyosiy partiya, partiya guruhi va Kengash doimiy komissiyasi rejalarida, Kengash qarorlarida belgilangan vazifalarning ijrosini ta’minlashi; -o‘z malakasini yuqori darajada tutib turishi; -nazariy bilimlari va amaliy ko‘nikmalarini takomillashtirib borishi kerak. Manba: O‘zbekiston Respublikasi Oliy Majlisi Senati Kengashining 2023-yil 25-martdagi KQ-476-IV-sonli qarori bilan tasdiqlangan xalq deputatlari viloyat, tuman, shahar Kengashi deputatlarining namunaviy odob-axloq qoidalari. ✍️Xalq deputatlari Sho‘rchi tumani Kengashi Axborot xizmati Rajabov Botir Abdurasulovich 🚨Bizni kuzatishda davom eting!          ▶️Kanalga ulanish: 👇 👍Telegram👍Facebook👍Instagram  📱E-kengash

VMQ-738-son qarorning Lex.uzdagi to‘liq matni #Transport #Ochiq_Tender 🚌🗣YO‘LOVCHI TASHISHDA OCHIQLIK VA ADOLATLI RAQOBAT 📣Deputatlik nazorati va huquqiy targ‘ibot O‘zbekiston Respublikasi Vazirlar Mahkamasining 2021-yil 6-dekabrdagi 738-son qarori bilan avtomobil transportida yo‘lovchi tashish yo‘nalishlarini tashuvchilarga biriktirish bo‘yicha ochiq tenderlarni elektron tarzda tashkil etish va o‘tkazish tartibi belgilangan. 🔹Tenderlar elektron shaklda o‘tkaziladi. Shahar, shahar atrofi, shaharlararo va xalqaro yo‘nalishlarni biriktirish bo‘yicha ochiq tenderlar elektron axborot tizimi orqali o‘tkaziladi. 🔹 Tenderda ishtirok etish imkoniyati mavjud. Tegishli yo‘nalishda yo‘lovchi tashish huquqini beruvchi litsenziyaga ega va elektron axborot tizimida ro‘yxatdan o‘tgan tashuvchilar tenderda ishtirok etishi mumkin. 🔹 Shaffoflik va raqobat ta’minlanadi. Tender takliflarini baholash, g‘olibni aniqlash va yo‘nalishni biriktirish belgilangan mezonlar asosida amalga oshiriladi. 🔹 Yo‘lovchi manfaatlari — ustuvor! Ochiq va raqobatli tanlov orqali aholiga qulay, sifatli va xavfsiz transport xizmatlarini ko‘rsatish imkoniyatlarini kengaytirish ko‘zda tutilgan. 📌Deputatlik nazoratida asosiy e’tibor: ✔️yo‘nalishlarning aholining real ehtiyojidan kelib chiqib belgilanishi; ✔️tenderlarning ochiq va shaffof o‘tkazilishi; ✔️tashuvchilar uchun teng raqobat sharoitlari yaratilishi; ✔️yo‘lovchilar xavfsizligi ta’minlanishi; ✔️harakat jadvaliga rioya etilishi; ✔️transport xizmatlari sifati; ✔️ fuqarolar murojaatlari va shikoyatlarining o‘rganilishi. 📖Huquqiy asos: O‘zbekiston Respublikasi Vazirlar Mahkamasining 2021-yil 6-dekabrdagi 738-son qarori. ✍️Xalq deputatlari Sho‘rchi tumani Kengashi Axborot xizmati Rajabov Botir Abdurasulovich 🚨Bizni kuzatishda davom eting!          ▶️Kanalga ulanish: 👇 👍Telegram👍Facebook👍Instagram  📱E-kengash

#Kengash_faoliyati #deputatlik_nazorati 🗣Sessiya oldi masalalar va hududlardagi muammolar muhokama qilindi Xalq deputatlari Sho‘rchi tumani Kengashida sessiya oldi masalalarni puxta o‘rganish, navbatdagi sessiyaga sifatli tayyorgarlik ko‘rish hamda hududlarda aholi murojaatlarini o‘rganish masalalariga bag‘ishlangan yig‘ilish o‘tkazildi. ⚡️ Yig‘ilishda: 🔹 sessiya kun tartibiga kiritiladigan masalalarni oldindan chuqur o‘rganish va deputatlarga zarur ma’lumotlarni taqdim etish; 🔹 tumandagi ichimlik suvi ta’minoti holatini o‘rganish, mavjud muammolarni aniqlash va ularning yechimiga ko‘maklashish; 🔹 doimiy komissiyalar, deputatlik guruhlari va siyosiy partiyalarning hududlardagi nazorat-tahlil tadbirlarida faol ishtirokini ta’minlash; 🔹 bayram arafasida mahallalarda ko‘chama-ko‘cha yurib, aholi muammolari, taklif va murojaatlarini o‘rganish masalalari muhokama qilindi. 🗣Yig‘ilishda Xalq deputatlari Sho‘rchi tumani Kengashi kotibiyati mudiri O. Mamashukurov hamda Kengashning Reglament va deputatlik odob-axloqi masalalari bo‘yicha doimiy komissiyasi raisi B. Rajabov so‘zga chiqib, belgilangan vazifalar, deputatlik nazoratini kuchaytirish va hududlarda aholi bilan ishlashni yanada faollashtirish yuzasidan ma’ruza qildilar. 🤝 Yig‘ilish yakunida deputatlar va Kengash kotibiyati xodimlari oldida turgan ustuvor vazifalar belgilab olindi. ✍️Xalq deputatlari Sho‘rchi tumani Kengashi Axborot xizmati Rajabov Botir Abdurasulovich 🚨Bizni kuzatishda davom eting!          ▶️Kanalga ulanish: 👇 👍Telegram👍Facebook👍Instagram  📱E-kengash

#Kengash_sessiyasi Xalq deputatlari Surxondaryo viloyati Kengashining 26-sessiyasi bo‘lib o‘tdi Ayni vaqtda viloyat Kengashining yigirma oltinchi sessiyasi o‘z ishini yakunladi. Sessiyada viloyatning ijtimoiy-iqtisodiy hayotiga oid 3 ta masala deputatlar tomonidan muhokama qilindi. 📌Kun tartibida hududlarni rivojlantirishda “Aql markazi – hokimliklar – xalq deputatlari Kengashi” hamkorlik mexanizmini joriy etish, viloyat mahalliy budjetining qo‘shimcha manbalari hisobidan mablag‘ ajratish hamda o‘zboshimchalik bilan egallangan yer uchastkalari va ularda qurilgan bino-inshootlarga bo‘lgan huquqlarni e’tirof etish masalalari ko‘rib chiqildi. Sessiya ishida Xalq deputatlari Sho‘rchi tumani Kengashi kotibiyati xodimlari, doimiy komissiya raislari va tegishli tashkilotlar mas’ullari Zoom platformasi orqali ishtirok etdi. Deputatlar mas’ullarning axborot va ma’ruzalarini tinglab, savollariga javob oldilar. Muhokamalar yakunida bildirilgan taklif va qo‘shimchalar inobatga olinib, barcha qaror loyihalari tasdiqlandi. 📺🗣Sessiya ishi “Surxondaryo” teleradiokompaniyasi orqali to‘g‘ridan-to‘g‘ri namoyish etildi. ✍️Xalq deputatlari Sho‘rchi tumani Kengashi Axborot xizmati Rajabov Botir Abdurasulovich 🚨Bizni kuzatishda davom eting!          ▶️Kanalga ulanish: 👇 👍Telegram👍Facebook👍Instagram  📱E-kengash

#deputat_faoliyati #qonun_targiboti #162_qonun “DAVLAT-XUSUSIY SHERIKLIK TO‘G‘RISIDA”GI QONUN MAZMUN-MOHIYATI TARG‘IB QILINDI 📌O‘zbekiston Respublikasining 2019-yil 10-maydagi O‘RQ-537-son “Davlat-xususiy sheriklik to‘g‘risida”gi Qonuni mazmun-mohiyati, maqsadi va ahamiyati yuzasidan targ‘ibot-tushuntirish ishlari olib borildi. 🤝 Mazkur Qonun davlat-xususiy sheriklik sohasidagi munosabatlarni tartibga solish, davlat va xususiy sheriklarning o‘zaro hamkorligi uchun huquqiy asoslarni belgilash hamda ijtimoiy va iqtisodiy ahamiyatga ega loyihalarni samarali amalga oshirishga xizmat qiladi. 🎤 Targ‘ibot jarayonida davlat-xususiy sheriklik loyihalarini amalga oshirishning asosiy tamoyillari, davlat va xususiy sheriklarning huquq va majburiyatlari, loyihalarni tashabbus qilish, tanlash hamda amalga oshirish tartiblari yuzasidan tushuntirishlar berildi. 💼 Davlat-xususiy sheriklik mexanizmi orqali xususiy sektorning investitsiyalari, zamonaviy boshqaruv tajribasi va innovatsion yondashuvlarini jalb etish imkoniyati kengayadi. Bu esa aholiga ko‘rsatiladigan xizmatlar sifatini oshirish, infratuzilmani rivojlantirish va yangi loyihalarni amalga oshirish uchun qo‘shimcha imkoniyatlar yaratadi. Ayniqsa, hududlarda ta’lim, sog‘liqni saqlash, transport, kommunal xizmatlar va boshqa ijtimoiy-iqtisodiy sohalarda davlat-xususiy sheriklik asosidagi loyihalarni kengaytirish hududlarning barqaror rivojlanishiga xizmat qiladi. Qonun targ‘iboti — aholining huquqiy bilimini oshirish, qonun hujjatlarining mazmun-mohiyatini keng jamoatchilikka yetkazish va ularning amaliy ahamiyatini tushuntirishga qaratilgan muhim faoliyatdir. ✍️Xalq deputatlari Sho‘rchi tumani Kengashi Axborot xizmati Rajabov Botir Abdurasulovich 🚨Bizni kuzatishda davom eting!          ▶️Kanalga ulanish: 👇 👍Telegram👍Facebook👍Instagram  📱E-kengash