СТЫР НЫХАС

🔤 Арӕх фенын бирӕ "ирӕттӕ" райдайынц патриотон репосттӕ (зарджытӕ, видеотӕ) ӕрвитын социалон хызты ирон ӕгъдӕутты ӕмӕ ирон адӕмы тыххӕй ... ӕндӕр ӕвзӕгтыл. ✔️ Мӕнмӕ ахӕм репосттӕ парахат кӕнын кӕсынц ӕдылы митӕ. ✔️ Ӕндӕр ӕвзӕгтыл ахӕм репосттӕ дӕр знаггад кӕнынц ирон адӕмӕн ✔️ Кӕд ирон наци нал стӕм, уӕд осхъопилатау ферох кӕнӕм не 'взаг ӕмӕ дин. ©СТЫР НЫХАС

🤍 Алы'рдыгӕй ирон наци скуынӕг кӕнынмӕ хъавынц ӕмӕ нӕм ирон национ тыхтӕ нал ис. ©СТЫР НЫХАС

🔤 Ирон ӕвзаг у ӕппӕт ирон нацийы бирӕ ӕнусон фӕллой ӕмӕ архайд. ©СТЫР НЫХАС

🤍 Хӕцынмӕ ирон лӕгтӕ алкӕддӕр никуы нӕ зивӕг кодтой, фӕлӕ уал хъӕуы иннӕтӕй исын цӕвиттон ӕмӕ уал Ирыстоны ирон лӕг хъуамӕ уа ХИЦАУ! © СТЫР НЫХАС

🔤 Ирон ӕвзаг афтӕ бирӕ нал ахӕсдзӕн: мах стӕм фӕстаг фӕлтӕр, кӕцы ма дзуры иронау! Кӕд нӕ нӕ фӕнды, цӕмӕй ӕлгъыстаг фӕуӕм, уӕд нӕ хъӕуы иууылдӕр стырӕй-чысылӕй, алы ирон блогеры, алы ирон ныййарджыты ирон ӕвзагмӕ ӕмӕ ирон ӕгъдаумӕ рахизын. Ма ут осхъопилатӕ!!! © СТЫР НЫХАС

❓ Хуссар Ирыстонмӕ цы хӕддзу ӕрбарвыстой уый 40 боны мидӕг иу ныхас дӕр иронау загъта ирон хӕдбар паддзахады ирон адӕмы хсӕн? © СТЫР НЫХАС

🔤 Ирон æвзаг мæгуыр нæу ,мæгуыр у, чи йæ нæ зоны, уый. 🤍Кӕд дӕхи ирон хоныс, уӕд иронау фысс ӕмӕ дзур, кӕннод ирон нӕ дӕ! © СТЫР НЫХАС

Ирыстоны сӕйраг проблемӕ уый у ӕмӕ нӕм нӕй фӕтӕг, кӕцы уыдаид Хубулы хуызӕн ӕмӕ национ интерестыл тох кодтаид. © СТЫР НЫХАС

⚡️Кӕд дӕ фӕнды, цӕмӕй де 'знагыл фӕтых уай, уӕд ын йӕ фӕсивӕд схъомыл кӕн. © СТЫР НЫХАС

🏺 Хуыцау, табу Дæхицæн! Абон Дæ бон у, бирæ адæм дæм кувынц, хорздзинæдтæ дæ курынц ӕмæ хуыздæрæн кæй кувинæгтæ, кæй куывд айстай, уый æмбал мах дæр бакæн.  Æнæниз, æнæмаст, хъæлдзæг, амондджын куыд уа Ирыстон ӕмӕ ирон адӕм! Хуыцау, хорздзинадæй кæй зæрды цы ис, уыдон сæ къухы куыд æфтой, уыцы хорзæх ракæн!  Фæсивæд рæствæндаг куыд уой кæддæриддæр,  бæстæ сабыр куыд уа, ирон адæм кæрæдзийы куыд æмбарой ирон ӕвзагыл. Дунесфæлдисæг, уыцы хорзæх ракæн!  Хуыцау, нæ чысыл фæллойæ нæ къухы бирæ ис цы уа, уыцы амонд нæ уæд.  Фыдбылызтæй хызт цы уæм,  нæ кæстæртæн сабыр, рæсугъд фидæн цы уа, уыцы арфæ сæ уæд.  Стыр Хуыцау, нæ кувинæгтæ Дын барст уæнт æмæ нæ Дæ хорзæх уæд!  Оммен, Хуыцау!  © СТЫР НЫХАС

🤍 Нӕ фӕсивӕдӕн йӕ хуыздӕр хай мӕлы Сӕрмагонд хӕстон операцийы, иннӕ хай та фӕлыгъд Ирыстонӕй ӕмӕ ма чи баззад, уыдон та кӕрӕдзи марынц... ✔️ Нацийы хистӕртӕ куыннӕ фӕбӕззынц, уӕд афтӕ вӕййы. © СТЫР НЫХАС

⚡️ Цӕмӕй сомбон дӕ зӕхх знагӕн ма баззайа ӕмӕ дӕ зӕххыл знаг йӕ тырысатӕ ма фӕйлауа, хъӕуы хӕцын ирон ӕгъдӕуттыл чысылӕй хистӕрмӕ. Раздӕриу хӕстмӕ хӕдзары хистӕр йӕ иунӕг фырт нӕ уагъта, ӕнӕ бын баззайын у худинаг ирон ӕгъдау мӕ гӕсгӕ. Хистӕрӕн-иу кӕд уыди дыукӕ ӕмӕ фылдӕр фырты, уӕд-иу уый хӕстмӕ ауагъта 1-2-йы, кӕдон бинонтӕ ӕрхастой ӕмӕ бын ныууагътой. Ӕнӕ ирон ӕгъдауӕй, нӕй фидӕн ирӕттӕн ӕмӕ Ирыстонӕн. © СТЫР НЫХАС

❓ Хӕстмӕ куы цӕуай, уӕд хъӕуы ахъуыды кӕнын ӕмӕ мӕ Фыдыбӕстӕ, мӕ хъӕубӕстӕ, мӕ бинонты кӕмӕн уадзын? © СТЫР НЫХАС

🏺 Ирондины хабӕрттӕ хъуамӕ динӕй дӕр ирӕттӕ скъуыддзаг кӕной - дзуарылӕгтӕ, цӕмӕй нын нӕ рухс кувӕндӕттӕй мачи хынджылӕг кӕна. © СТЫР НЫХАС

☄️ РЕБРЕНДИНГ: осхъопилизацийы бӕсты инкультурализаци. Уӕрӕсейы чырыстон аргъуаны сауджынтӕ цы "инкультурализация" ӕрымысыдысты уый у баналон Гурдзиаг чырыстон аргъуаны политикӕ - ОСХЪОПИЛИЗАЦИ. Фӕлӕ XVIII -XX ӕнусты ГЧА уыд УЧА-йы хай, ныр та ГЧА у афтокефалон ӕмӕ УЧА-йы сауджынтӕ ӕрымысыдысты осхъопилизацийӕн РЕБРЕНДИНГ саразын ӕмӕ гуырдзиаг ныхасы бӕсты ӕрхъуыды кодтой ног уырыссаг термин. © СТЫР НЫХАС

🏺 Раздӕр, Советон Цӕдисы размӕ, ирон адӕм, уыдон ӕхсӕн кадӕггӕнджытӕ ӕмӕ дзуарылӕгтӕ, тынг дардтой сӕ хъус нӕ Кувӕндӕттӕм, дзӕгъӕл сӕ нӕ уагътой, уыд сӕм ӕркаст. Фӕлӕ стӕй, Советон хицауады рӕстӕджы, коммунисттӕ стыр куыст кодтой динты ныхмӕ ӕмӕ нӕ адӕм-иу ӕрмӕст стыр бонты цыдысты Кувӕндӕттӕм. Ныр та ногӕй уынӕм, куыд стыр куыст кӕнынц авраамон динтӕ Уӕрӕсейы дӕр ӕмӕ Ирыстоны дӕр, ӕмӕ ирон адӕмы хъӕуы лӕмбынӕгдӕр ӕркӕсын нӕ Кувӕндӕттӕм, уый тыххӕй ӕмӕ авраамон динты профессионалон кусджытӕ ӕрцахсынмӕ хъавынц нӕ Кувӕндӕттӕ. © СТЫР НЫХАС

⚡️ Бирӕ ӕнӕсӕртӕ, сӕхи ирон чи хоны, уыдон ирон кулътурӕ сӕрыстырӕй хӕссыны бӕсты, тутийау райдайынц фӕзмынын ӕндӕр адӕмты ӕвзӕрдӕр минӕвӕртты ӕмӕ сӕм уый худӕг фӕкӕсы?! ДОДОЙ! 🐴 Ма рох кӕнут, чи стут, йе кӕмӕй! © СТЫР НЫХАС

💵 Ирон хъӕздыг адӕм, ома нӕ нацийы элитӕ, бынтондӕр фесӕфта бастдзинад ирон адӕмимӕ. Ацы "элитӕ" рӕвдз сты Дубайы фатертӕ ӕлхӕнынмӕ кӕнӕ ӕцӕголон динты аргъуантӕ аразынмӕ, фӕлӕ иу сом ирон сывӕллӕттӕн, кӕнӕ ирон адӕмы интерестыл бахардз кӕнын, зын кӕсы. © СТЫР НЫХАС

⚡️ Цӕцӕны хицауад ирдӕй ӕвдисы уый ӕмӕ ӕрмӕст тыхджын националон хицауадӕн республикӕйы йӕ бон суыдзӕн нӕ нацийы размӕ ракӕнын ӕрмӕст спорты нӕ, фӕлӕ ма иннӕ фадыгты, демографийӕ райдайгӕ. © СТЫР НЫХАС

🤍 Ирыстоны нӕй иунӕг ирон ӕхсӕнад дӕр, кӕцы ирон нацийы интерестӕ хъахъхъӕны. © СТЫР НЫХАС