Tanzila Narbaeva

🇺🇿🇺🇿🇺🇿 Bugun mamlakatimiz taraqqiyotining 35 yillik bosqichi, davlatchilik tajribamiz va kelgusi ustuvor vazifalarga bag‘ishlangan nufuzli xalqaro anjumani o‘tkazdik. 35 yil - milliy davlatchiligimizni shakllantirish va mustahkamlash, o‘z taraqqiyot yo‘limizni belgilash va O‘zbekistonning xalqaro maydonda munosib o‘rin egallashida muhim tarixiy bosqich bo‘ldi. Ayniqsa, so‘nggi o‘n yillik Yangi O‘zbekistonni barpo etishga qaratilgan keng ko‘lamli islohotlar bilan alohida ahamiyat kasb etdi. Ularning markazida inson, uning qadr-qimmati va manfaatlari ustuvor o‘rinni egalladi. Bu jarayonda parlamentning roli va mas’uliyati ham ortib bormoqda. Qonun ustuvorligi, samarali parlament nazorati va xalq manfaatlarini ifoda etish bilan bir qatorda, parlament faoliyatining amaliy natijadorligi tobora muhim ahamiyat kasb etmoqda. Kelgusi taraqqiyot bosqichida esa zamonaviy bilim va texnologiyalar, sun’iy intellekt, inson kapitali va yangi ish o‘rinlarini yaratish muhim vazifalar sifatida namoyon bo‘lmoqda. Endilikda erishilgan mustahkam poydevorga tayangan holda, mamlakatimiz taraqqiyotini yangi sifat bosqichiga olib chiqish - oldimizda turgan asosiy vazifadir. @tanzilanarbaeva

🇺🇿🇺🇿🇺🇿 Odam savdosiga qarshi kurashish va munosib mehnatni ta’minlash borasida yilning birinchi yarmida amalga oshirilgan ishlar, erishilgan natijalar va mavjud masalalarni tahlil qildik. So‘nggi yillarda odam savdosining oldini olish, jabrlanganlarni erta aniqlash, himoya qilish va ularni jamiyatga qaytarish tizimi kuchaytirildi. Eng muhimi, jabrlangan insonga zarur yordamni o‘z vaqtida va manzilli ko‘rsatishga alohida e’tibor qaratilmoqda. Munosib mehnat sohasida ham salmoqli natijalar bor. Qonunchilik xalqaro standartlar asosida takomillashtirildi, mehnat huquqlarini himoya qilishning yangi mexanizmlari yaratildi. Birgina paxtachilik tarmog‘ida 286 ta korxonada ishlab chiqarish, ekologik, texnik va mehnat standartlari joriy etildi. Lekin bu yo‘nalishlarda hali oldimizda muhim vazifalar bor. Mas’ul vazirlik va idoralar rahbarlarining hisobotlarini eshitib, mavjud kamchiliklarni ochiq muhokama qildik. Odam savdosining oldini olish, jabrlanganlarni himoya qilish, mehnat huquqlarini ta’minlash bo‘yicha har bir mas’ul tuzilma oldiga aniq vazifalar qo‘yildi. @tanzilanarbaeva