Axborot texnologiyalari va telekommunikatsiya | Rasmiy kanali

#10Savolga_10Javob ❗️Bugundan davlat oliy taʼlim tashkilotlariga oʻqishni koʻchirish va tiklash boʻyicha arizalar qabuli boshlandi 2026/2027-oʻquv yili uchun talabalarning oʻqishini davlat oliy taʼlim tashkilotlariga koʻchirish boʻyicha onlayn arizalar 15-iyuldan 5-avgustga (shu kuni ham) qadar qabul qilinadi. 🖥 Arizalar quyidagi platformalar orqali yuboriladi: ➖ 2 ta uzrli sababga ko‘ra respublikaning bir davlat oliy ta’lim tashkilotidan boshqa oliy ta’lim tashkilotiga yoki bir oliy ta’lim tashkiloti doirasida oʻqishni koʻchirish, shuningdek, bir oliy ta’lim tashkiloti doirasida o‘qishni qayta tiklash bo‘yicha arizalar– “transfer.edu.uz”; ➖ xorijiy va nodavlat oliy ta’lim tashkilotlaridan davlat oliy ta’lim tashkilotlarining mos va turdosh bakalavriat ta’lim yo‘nalishlariga – “my.uzbmb.uz”. 🔰 Yangi tartibga koʻra, xorijiy va nodavlat OTTlardan davlat OTTlariga oʻqishini koʻchirishda: ✔️ umumtaʼlim fanlari hamda chet tili boʻyicha milliy sertifikatlar axborot tizimi orqali avtomatik aniqlanadi; ✔️ xalqaro sertifikatlar esa talabgor tomonidan boshqa hujjatlar bilan birga elektron tarzda yuklanadi. ☝️ Eslatib oʻtamiz, Vazirlar Mahkamasining 2026-yil 11-iyundagi 299-son qaroriga muvofiq, xorijiy va nodavlat oliy taʼlim tashkilotlaridan davlat OTTlarining mos va turdosh bakalavriat taʼlim yoʻnalishlariga oʻqishini koʻchirishda chet tili hamda umumtaʼlim fanlari boʻyicha milliy yoki xalqaro sertifikatga ega talabgorlarga tegishli fanlardan tabaqalashtirilgan yoki maksimal ball beriladi. ⏳ Arizalarni qabul qilish 2026-yil 5-avgustga (shu kuni ham) qadar davom etadi. Bizni kuzating Facebook | Instagram | YouTube | Telegram

#Ovozli_chat Qabulning ikkinchi bosqichi bo‘yicha ovozli chat 1 📣 2026-yil 30-iyul kuni soat 15:00 da Bilimni baholash agentligining telegramdagi rasmiy kanali (@BaholashUz) da ovozli chat o‘tkaziladi. 🎙️ Ovozli chat davomida qabulning ikkinchi bosqichi (onlayn oliy ta’lim muassasalari va ta’lim yo‘nalishlarini tanlash)ga oid savollarga batafsil javob beriladi. 🧑‍💻 Unda Bilim va malakalarni baholash agentligining mas’ullari ishtirok etadilar. 📨 Mavzu yuzasidan savollaringiz bo’lsa, mana bu yerda qoldirishingiz mumkin. Savollarni mazmunan aniq, qisqa va tushunarli tarzda yuborishingizni so‘raymiz. Facebook | Instagram | YouTube | Telegram

Qizlar, navbat sizda! 🤝 "Qizlar Akademiyasi" va "WikiMarafon" hamkorligida xotin-qizlar uchun maxsus tanlov — WikiAyollar tashkil etilmoqda. Unda ishtirok eting va sovg‘alar to‘plamini qo‘lga kiriting. 🤩 Tanlov yakunida 30 nafar g‘olib "Qizlar Akademiyasi"ning maxsus sovg‘a setlari bilan taqdirlanadi. Eng muhimi, g‘oliblarga diplom, faol ishtirokchilarning barchasiga esa elektron sertifikat topshiriladi. ‼Tanlov nizomi va batafsil shartlar tez orada e’lon qilinadi. Siz esa hozirdanoq tayyorgarlikni boshlashingiz mumkin! Facebook | Instagram | YouTube | Telegram

#Qonunchilik_yangiliklari 🖋 Fan olimpiadalari g‘oliblariga "O‘zbekiston bo‘ylab sayohat” yo‘llanmasi beriladi Hukumat qarori (406-son, 24.07.2026-y.) bilan “Ta’lim va sport yo‘nalishlari bo‘yicha o‘tkaziladigan fan olimpiadasi va sport musobaqasi g‘oliblarini “O‘zbekiston bo‘ylab sayohat” yo‘llanmasini taqdim etish orqali rag‘batlantirish tartibi to‘g‘risida”gi nizom tasdiqlandi. ☑️ Ushbu Nizom respublika va viloyat darajasida ta’lim va sport yo‘nalishlari bo‘yicha fan olimpiadasi va sport musobaqasi g‘oliblarini “O‘zbekiston bo‘ylab sayohat” yo‘llanmasini taqdim etish orqali rag‘batlantirish tartibini belgilaydi. 📨 Nizomga ko‘ra, ta’lim va sport yo‘nalishlari bo‘yicha o‘tkaziladigan fan olimpiadasi va sport musobaqasi g‘oliblariga quyidagi yo‘llanmalar taqdim etiladi: 📑 respublika darajasida – respublika bosqichida g‘olib bo‘lgan o‘quvchi-yoshlarga O‘zbekiston hududidagi turistik obyektlarga 3 kunlik sayohat; 📆 viloyat darajasida – hududiy bosqichda g‘olib bo‘lgan o‘quvchi-yoshlarga boshqa viloyat hududidagi turistik obyektlarga 2 kunlik sayohat. 📌 Tashkilotchi tomonidan sayohat tadbirlari tashkil etilishidan 10 kun oldin yo‘llanmaga ega bo‘lgan shaxslar tadbir tashkil etiladigan kun va joy to‘g‘risida xabardor qilinadi. ➡️ Tashkilotchilar tomonidan har yili sayohat xarajatlariga quyidagilar bilan bog‘liq xarajatlar kiritiladi: ➖ transport xizmati; ➖ yashash va ovqatlantirish; ➖ekskursiyalar (gid xizmati va turizm obyektlariga kirish chiptasi); ➖ sayohat sug‘urtasi. Facebook | Instagram | YouTube|Telegram

#OʻqishniKoʻchirish #Bakalavr #Turdosh 2026/2027-o‘quv yili uchun talabalar o‘qishini ko‘chirish (ko‘chirib tiklash) bo‘yicha turdosh bakalavriat yo‘nalishlari ro‘yxati tasdiqlandi Yo‘nalishlar jami 34 ta turdosh guruhlarga ajratildi. Ma’lumot uchun, ko‘chirish yoki qayta tiklashga ariza topshirganlarning ilgari ta’lim olgan yo‘nalishlari (mutaxassisliklari) amaldagi klassifikatorga muvofiqlashtirgan holda inobatga olinadi. Bizni kuzating Facebook | Instagram | YouTube | Telegram

#Soʻragan_edingiz ❓Abituriyent ruxsatnomasi qanday beriladi? Davlat oliy ta’lim muassasalarining bakalavriatiga kirish test sinovlarida ishtirok etish uchun abituriyent ruxsatnomasi quyidagi tartibda taqdim etiladi: ✅ Onlayn ro‘yxatdan o‘tishning 1-bosqichi yakunlangach, ikki hafta ichida ruxsatnoma Bilim va malakalarni baholash agentligining rasmiy veb-sayti orqali e’lon qilinadi. 📝 Har bir abituriyent ruxsatnomada ko‘rsatilgan sana, vaqt va manzil bo‘yicha test sinovlarida ishtirok etadi. ⚠️ Eslatma: Ruxsatnomada belgilangan sana va vaqt qat’iy hisoblanadi. 🚫Abituriyentlarga test sinovlarini boshqa kun yoki boshqa vaqtda topshirishga ruxsat berilmaydi. Bizni kuzating Facebook | Instagram | YouTube | Telegram

#Qabul2026 #Abituriyent #Statistika Akademik litseyga qabul boʻyicha arizalar statistikasi Akademik litseylarga 2026/2027-o‘quv yili uchun qabul jarayonida 19-iyun soat 18:10 holatiga ko‘ra jami 18 373 ta ariza kelib tushdi. 📌Arizalar onlayn tarzda my.edu.uz platformasi orqali qabul qilinadi. Bizni kuzating Facebook | Instagram | YouTube | Telegram

🟥🟥🟥🟩🟩🟩 🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi “Kitobxon yoshlar ligasi” onlayn tanlovini e’lon qiladi. 📚Tanlovda qatnashish uchun ishtirokchilar @kitobtanlovbot orqali ro‘yxatdan o‘tib, 30-iyunga qadar (rasmdagi) 3 ta kitobni o‘qishi va ular asosida tuzilgan testlarni yechishi kerak bo‘ladi. ✅Tanlov g‘oliblari quyidacha taqdirlanadi: 🔵1-o‘rin (1 nafar) – Noutbuk (core i5); 🔵2-o‘rin (2 nafar) – Smart televizor 43; 🔵3-o‘rin (3 nafar) – Samsung planshet; 🔵4-o‘rin (4 nafar) – Lenovo planshet; 🔵5-o‘rin (5 nafar) – Smart televizor 32; ✅“Eng faol targ‘ibotchi” nominatsiyasi: 🔵1-o‘rin (1 nafar) – Samsung planshet; 🔵2-o‘rin (2 nafar) – Lenovo planshet; 🔵3-o‘rin (3 nafar) – Smart televizor 32; 🔖 Tanlovda faol qatnashgan ishtirokchilar rasmiy, QR kodli elektron sertifikat bilan taqdirlanadi. ➡️Tanlov nizomini o‘qish Kitob o‘qing, testlarni ishlang. Tanlovda yuqori natijaga erishib, g‘oliblar qatoridan o‘rin egallang.

#InnovatsionGoyalarYetakchisi 🏆 “INNOVATSION G‘OYALAR YETAKCHISI” KO‘KRAK NISHONI TO'G'RISIDA Vazirlar Mahkamasining 2018-yil 2-oktyabrdagi 786-sonli qarori ijrosini ta’minlash maqsadida 📍 Joriy yilning 8-iyun kuni Yoshlar texnoparkida viloyat ishchi komissiyasi tomonidan tanlov nomzodlarining hujjatlari ko‘rib chiqildi va baholandi. ✅ Yakuniy natijalarga ko‘ra, eng munosib deb topilgan 3 nafar nomzod tanlab olinib, tanlovning respublika bosqichida ishtirok etish uchun tavsiya etildi. 💡 Mazkur tanlov yoshlarning innovatsion g‘oyalari, ilmiy salohiyati va tashabbuskorligini qo‘llab-quvvatlashga xizmat qilmoqda.

#diqqat_tanlov ❗️❗️❗️❗️❗️ Ilmiy tadqiqotlar natijasida yaratilgan ishlanmalar asosida yangi texnologiyalar tanlovida ishtirok eting! Tanlovga fundamental, amaliy va innovatsion tadqiqotlar natijalariga asoslangan loyiha talabnomalari qabul qilinadi. Mazkur tanlov O‘zbekiston Respublikasi Prezidentining 2026-yil 4-apreldagi “Mamlakatda yangi ishlanmalar asosida ishlab chiqarishni tashkil etish tizimini joriy qilish hamda ilm-fanni qo‘llab-quvvatlashning qo‘shimcha chora-tadbirlari to‘g‘risida” PF-54-son Farmoniga asosan eʼlon qilinmoqda. ✅ Tanlovga taqdim etiladigan loyihalar Ishlanmalarni tijoratlashtirishga tayyorlash va tijoratlashtirish jarayonlarini muvofiqlashtirish axborot tizimi (tijorat.ilmiy.uz) orqali 2026-yilning 21-iyul kuni soat 23:55 ga qadar faqat elektron shaklda qabul qilinadi. 🌐 Batafsil Bizni kuzating Web-site | Instagram | Facebook | YouTube | LinkedIn

Farg‘onada Umummilliy AI Hackathon sizni kutmoqda! Bu nafaqat musobaqa, balki yangi imkoniyatlar maydoni: 🔹 O‘zingizga yangi jamoa toping va birga g‘oya yarating. 🔹 Tajribali mentorlar bilan ishlang, bilimlaringizni kengaytiring. 🔹 Vorkshoplarda zamonaviy AI ko‘nikmalarini o‘rganing. Eng yaxshi jamoalar uchun qimmatbaho sovrinlar: 🥇 1-o‘rin - Apple MacBook Air: g‘oyalaringizni hayotga tatbiq etish uchun kuchli qurol. 🥈 2-o‘rin - 20 000 000 so‘m pul mukofoti. 🥉 3-o‘rin - 10 000 000 so‘m pul mukofoti. ✨ Lekin bu hammasi emas! Agar kuchli uchlikka kira olmasangiz ham, maxsus nominatsiyalar sizni kutmoqda: ➖ «Ijtimoiy dolzarb loyiha» - jamiyat uchun eng foydali g‘oya yaratgan jamoaga. ➖ «Eng qiziqarli taqdimot» - eng yorqin va kreativ chiqish qilgan jamoaga. Nominatsiya g‘oliblari nufuzli AI-kurslarda bepul o‘qish imkoniyatiga ega bo‘ladilar! 📍 Manzil: Farg‘ona shahri, IT Park - Farg‘ona filiali 🗣️ Sana: 20 – 23-may 🔗 Ro‘yxatdan o‘tish muddati: Shoshiling, atigi 2 kun qoldi! ai-hackathon.uz Muhim: Xakaton faqat Farg‘ona viloyati yoshlari uchun ochiq. Fergana.gov.uz|Facebook|Instagram|Youtube|X

🦋 Buxoro – media haftalik: pozitsiya shakllangan, yondashuv o‘zgargan maydon Buxoroda yakunlangan media haftalikda ishtirokchilar o‘z pozitsiyasilarini aniq belgilash, auditoriyani his qilish va tezkorlikni aniqlik bilan uyg‘unlashtirishni o‘rgandi. Kreativ fikr yuritish va trend ortidan quvmasdan, uni yaratishga intilish asosiy yo‘nalishga aylandi. Sun’iy intellekt imkoniyatlarini shunchaki vosita sifatida emas, balki ijodiy yondashuvni kuchaytiradigan omil sifatida ishlatish amalda sinab ko‘rildi. Bu maydonda kontentning o‘zi emas, uning ortidagi fikr, yondashuv va pozitsiya qadrlanishi yana bir bor namoyon bo‘ldi. Ma’lumot uchun: Buxoroda media haftalik doirasida 53 nafar matbuot kotibi va axborot xizmati xodimlari, 19 nafar TV sohasi vakillari, 15 ta gazeta va internet OAV vakillari, 14 nafar mahalliy blogerlar, 80 dan ortiq mobilograflar, 80 dan ortiq SMM mutaxassislari hamda 200 nafar kontent yaratishga qiziquvchi yoshlar qamrab olindi. Haftalik yakunidagi media forumda esa 700 dan ortiq ishtirokchi jamlandi. Umumiy Umumiy hisobda esa 800 dan ortiq ishtirokchi qamrab olindi. 👍 Media haftalik 18–22-may kunlari mamlakatimizning sharqiy hududlari — vodiyda davom etadi. ✅Navbatdagi bosqichda Farg‘ona va Namangan viloyatlari parallel ravishda yangi g‘oyalar va media-innovatsiyalar maydoniga aylanadi. Fergana.gov.uz|Facebook|Instagram|Youtube|X

🤖 Umummilliy AI Hackathon endi Farg‘onada! ➡️ Aziz yoshlar, dasturchilar, startapchilar va sun’iy intellekt ixlosmandlari! 20–23-may kunlari Farg‘ona shahrida “National AI Hackathon”ning navbatdagi hududiy bosqichi bo‘lib o‘tadi. Ishtirokchilar jamoalari bilan birgalikda real muammolar uchun sun’iy intellektga asoslangan innovatsion yechimlar ishlab chiqish, tajribali mentorlar bilan ishlash hamda loyihalarini ekspertlar oldida taqdim etish imkoniyatiga ega bo‘ladilar. Sizni nima kutmoqda? 💡 Eng yaxshi jamoalar uchun yangi imkoniyatlar; 🤝 Kuchli mentorlar bilan ishlash tajribasi; 🚀 Loyihalarni keyingi bosqichga olib chiqish imkoniyati! 📌 Farg‘ona bosqichi quyidagi yo‘nalishlarni qamrab oladi: ✔️ Sog‘liqni saqlash; ✔️ Ta’lim; ✔️ Tadbirkorlik; ✔️ Kosmik texnologiyalar. ❗️Ishtirok etish shartlari: — 16 yosh va undan yuqori bo‘lish; — pasport yoki ID-karta mavjud bo‘lishi; — Farg‘ona viloyatida istiqomat qiluvchi yoshlar uchun ochiq. Fergana.gov.uz|Facebook|Instagram|Youtube|X