TDTU Termiz filiali |Rasmiy kanali

🇺🇿O‘zbekiston (Surxondaryo) – Xitoy xalqaro forumining ikkinchi kun tadbirlari ——— 🇨🇳乌兹别克斯坦（苏尔汉河州）—中国国际论坛第二日活动 ——— 🇬🇧Highlights from the second day of the Uzbekistan (Surkhandarya) – China International Forum Surxondaryo.uz | Telegram | Facebook | Instagram | YouTube | X

#Tabrik Yangi marra, yangi zafarlar! 2026/2027-o‘quv yili bo‘yicha mandat natijalari e’lon qilindi! TDTU Termiz filialiga talabalik safiga qabul qilingan barcha aziz yoshlarni ushbu unutilmas va quvonchli kun bilan chin qalbimdan muborakbod etaman! Bugun sizning hayotingizda yangi va mas’uliyatli bosqich boshlandi. Siz tanlagan tibbiyot yo‘li — inson salomatligi va hayotini asrashdek ulug‘ maqsadga xizmat qiladigan sharafli yo‘ldir. Ishonamanki, filialimizda oladigan puxta bilim va amaliy ko‘nikmalaringiz, ustozlaringizning fidokorona mehnati hamda o‘z ustingizda tinimsiz ishlashingiz kelajakda yetuk, malakali va fidoyi shifokor bo‘lib yetishishingizga mustahkam poydevor bo‘ladi. Aziz talabalar! Sizlarni katta orzular, yangi marralar va yorqin kelajak sari qutlayman. Talabalik baxti muborak! Kelajakdagi oq xalatli fidoyilar, TDTU Termiz filialiga xush kelibsiz! Hurmat bilan, TDTU Termiz filiali direktori Otamuradov Furqat Abdukarimovich Telegram | Instagram | Facebook | YouTube |Web-sayt

❓Byudjetga kirdim, boshqa yo‘nalishga kontraktga o‘zgartira olamanmi? #abituriyent ❌JAVOB: Yo‘q, o‘zgartira olmaysiz. Xullas, endi hech narsani o‘zgartira olmaysiz. Qaysi yo‘nalishga grantga kirgan bo‘lsangiz, o‘sha yerda grantda, kontraktga kirgan bo‘lsangiz, o‘sha yerda kontraktda o‘qiysiz. Yo’nalish tanlayotganda o‘z shaxsiy tanlovingizni qilib bo‘lgansiz, “endi bunga o‘tsam-chi, endi unga o‘tsam-chi”, degan savollardan foyda yo‘q. ❓Ball sotib olsa bo’ladimi? Boshqa yo’nalishga 1 ball yetmabdi, endi ball sotib olsam bo’ladimi, deb ham so’rashadi. Bunaqa amaliyot yo’q. Hech qanaqa ball sotib olib bo’lmaydi. ❓O‘qishga KIRGANLAR boshqa yo‘nalishga super-kontraktni tanlay oladimi? Masalan, birinchi va ikkinchi yo‘nalishga bali yetmadi, lekin uchinchi yo‘nalishga o‘qishga kirdi. Abituriyent uchinchi yo‘nalishda o‘qishni istamay, birinchi yoki ikkinchi yo‘nalishda super-kontraktda o‘qiy oladimi? ✅ Bu masala hozircha ochiq turibdi, joriy yilgi tartib tasdiqlanmagan. O‘tgan yili abituriyent o‘zi tanlagan BIRINCHI yo‘nalishga kira olmagan, lekin 2, 3, 4 yoki 5-yo‘nalishlardan biriga o‘qishga kirgan bo‘lsa, unda istisno tariqasida faqat BIRINCHI tanlagan yo‘nalishida super-kontraktda o‘qishiga ruxsat berilgan edi. Bu istisno 2, 3 yoki 4-yo‘nalishga taalluqli emas. Yaʼni 3 ga kirgan bo‘lsa, 2-yo‘nalishda super-kontraktda o‘qiy olmasdi, faqat BIRINCHIga ruxsat berilgandi. Joriy yilgi tartib tadsiqlansa, qo‘shimcha xabar beriladi. 👀Bizni kuzating Telegram | Instagram | Facebook | YouTube |Web-sayt

INSON SALOMATLIGI — BOSH MEZON Toshkent davlat tibbiyot universiteti rektori Shuhrat Boymurodov Termiz shahridagi Tibbiyot klasteriga tashrif buyurib, klasterning faoliyati, yaratilgan sharoitlar hamda aholiga ko‘rsatilayotgan tibbiy xizmatlar bilan yaqindan tanishdi. Tashrif davomida rektor Sog‘liqni saqlash vazirligi, Surxondaryo viloyati sog‘liqni saqlash boshqarmasi hamda TDTU Termiz filiali hamkorligida tashkil etilgan sayyor qabulda ishtirok etdi. Sayyor qabulda fuqarolar bilan bevosita muloqot qilinib, ularning murojaatlari tinglandi, salomatligi bilan bog‘liq masalalar yuzasidan tibbiy maslahatlar berildi hamda zarur holda amaliy yordam ko‘rsatildi. Bunday sayyor qabullar aholiga malakali tibbiy xizmatni yanada yaqinlashtirish, murojaatlarni joyida o‘rganish va fuqarolarni qiynayotgan masalalarga amaliy yechim topishda muhim ahamiyat kasb etadi. Zero, inson salomatligi — e’tibor, mas’uliyat va g‘amxo‘rlikni talab qiladigan eng oliy qadriyatdir! Telegram | Instagram | Facebook | YouTube |Web-sayt

#OAV_nigohida_biz #Surxondaryo_MTRK SHIFO ISTAB. Toshkent davlat tibbiyot universiteti Termiz filiali Ichki kasalliiklar propedevtikasi, reabilitologiya, xalq tabobati va endokrinologiya kafedrasi assistenti Bozorov Umid Madaminovich hamda Tibbiy psixologiy, nevrologiya va psixiatriya kafedrasi assistenti Shoymardonov Qodirali Shavkatovich "Qalqonsimon bez kasalliklari, ularning belgilari, kelib chiqish sabablari va zamonaviy davolash usullari mavzusida Surxondaryo viloyati telekanali orqali jonli efirga uzatiladigan "Shifo istab" koʻrsatuvida ishtirok etishdi. Batafsil👆 👀Bizni kuzating Telegram | Instagram | Facebook | YouTube |Web-sayt

#OAV_nigohida_biz #DTV Toshkent davlat tibbiyot universiteti Termiz filialida "Tibbiyotda korrupsiyaga qarshi kurash kuchaytirilmoqda" mavzusida davra suhbati boʻlib oʻtdi. 👀Bizni kuzating Telegram | Instagram | Facebook | YouTube |Web-sayt

🇺🇿🤝🇨🇳 O‘zbekiston (Surxondaryo) — Xitoy investitsiya forumining birinchi kun tadbirlari Forumning birinchi kunida mehmonlar tantanali kutib olindi, vohamizning tarixiy va diqqatga sazovor joylari bilan tanishtirildi hamda delegatsiyalar bilan ikki tomonlama uchrashuvlar o‘tkazildi. Termiz shahridagi "Etno shaharcha" majmuasida madaniy tadbir, ko‘rgazmalar hamda forumning tantanali ochilish marosimi bo‘lib o‘tdi. Bugun forum doirasidagi asosiy tadbirlar "Termiz xalqaro savdo markazi"da o‘tkaziladi. Surxondaryo.uz | Telegram | Facebook | Instagram | YouTube | X

‼️MANDAT CHIQDI #abituriyent ⚡️ Yakuniy tanlov natijalari (mandat) e’lon qilindi ✅ 2026/2027-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi. 📌 Tanlov natijalarini 3 xil usulda bilish mumkin. 1️⃣ my.uzbmb.uz sayti orqali: my.uzbmb.uz/allow/bachelor-answer sahifasiga kirib, abituriyentning pasport seriyasi va raqami hamda JShShIR raqamini kiritgan holda. 2️⃣ mandat.uzbmb.uz sayti orqali: mandat.uzbmb.uz saytiga abituriyentning ID raqamini kiritgan holda. 3️⃣ Test natijalari qaydnomasi orqali: Shuningdek, test natijalari qaydnomasi oliy ta’lim muassasalariga taqdim etiladi. 👀Bizni kuzating Telegram | Instagram | Facebook | YouTube |Web-sayt

🎓 FUNDAMENTAL FANLAR BO‘YICHA ONLINE FAN OLIMPIADA Hurmatli talabalar! Sizlarni bilim va salohiyatingizni sinovdan o‘tkazishga mo‘ljallangan Fundamental Fanlar bo‘yicha Online Olimpiadada ishtirok etishga taklif qilamiz! 📚 Olimpiada quyidagi 10 ta fan yo‘nalishi bo‘yicha o‘tkaziladi: 🔹 Normal anatomiya 🔹 Tibbiy kimyo 🔹 Biokimyo 🔹 Mikrobiologiya 🔹 Gistologiya 🔹 Tibbiy biologiya 🔹 Patologik anatomiya 🔹 Normal fiziologiya 🔹 Patologik fiziologiya 🔹 Farmakologiya 📝 Olimpiada formati: • Jami 100 ta test savoli • Har bir fandan 10 tadan savol • Har bir savol uchun 20 soniya vaqt • Kahoot uslubidagi tezkor baholash tizimi ⏰ Olimpiada vaqti: 📅 Sana: 17.08.2026 🕙 Boshlanish vaqti: 20:00 🕦 Yakunlanish vaqti: 21:30 🏆 Eng yuqori natija qayd etgan ishtirokchilar taqdirlanadi. Registratsiyadan o‘tishning oxirgi muddati 16.08.2026 soat 23:59 ga qadar. Registratsiya uchun sayt — https://olympiad.tashmeduni.uz/ Universitetning olimpiadalar telegram sahifasiga qo'shiling. Telegram Qo'shimcha savollar uchun: @TDTU_ITITFTEB ToshDavTU talabalari hemis orqali kirishlari shart! 🇺🇿 Iqtidorli talabalarning ilmiy-tadqiqot faoliyatini tashkil etish bo'limi!

#Jarayon #Sayyor_qabul Salomatlik uchun bir qadam: tibbiy yordam aholiga yanada yaqinlashmoqda Bugun Termiz shahrida joylashgan Tibbiyot klasterida aholi uchun keng qamrovli sayyor tibbiy qabul tashkil etildi. Mazkur sayyor qabulda Toshkent davlat tibbiyot universiteti rektori Shuhrat Boymuradov Tibbiyot klasteriga tashrifi chog‘ida ishtirok etib, fuqarolar bilan bevosita muloqot qildi, ularning murojaatlarini tingladi, tibbiy maslahatlar berib, amaliy yordam ko'rsatdi. Tadbir TDTU Termiz filiali hamda Sog‘liqni saqlash vazirligining Surxondaryo viloyati sog‘liqni saqlash boshqarmasi bilan hamkorlikda tashkil etildi. 📌 Sayyor qabulning asosiy maqsadi — aholining tibbiy muammolarini joyida o‘rganish, malakali mutaxassislar maslahatini yo‘lga qo‘yish, zarur tibbiy ko‘rik va tekshiruvlarni o‘tkazish hamda murojaatlarni imkon qadar joyida hal etishdan iborat. Eng muhimi, har bir murojaat e’tiborda. Telegram | Instagram | Facebook | YouTube | Web-sayt