علي خليل - Ali Khaleel

انتشار ثغـ ـرة بالتلي تسـ ـحب حسابك يدزولك بوت على اساس تابع لمصرف الرافدين ومن تدخل للبوت يگلك اضغط للتحقق راح يدزولك كود 5 ارقام على حسابك ومن يوصلك يگلك البوت ارسل الكود ومن ترسل الكود للبوت يفتح حسابك ويرسل هذي الرسالة الي دزتها الي البنية هيفاء بي سكرين ع اساس مال ارباح ورسالة مكتوب بيها ( فعلاً اعطوني ) يعني عود هلشخص صديقي هوا دازها الي ويگلي فعلا انطوني ارباح وادخل اني للبوت هم مثله وياخذون حسابي ويدزون من حسابك لكل الناس الي بحسابك للأسف الاف الناس وگعت بهاي ثـ ـغرة وهسة بلشت الجامعات والقنوات الاخبارية كلها تنشر وتفزع للناس يتلاحگون حساباتهم بسرعة وجهوا المنشور بحساباتكم بقنواتكم بوتاتكم لكل شخص تعرفو بسرعة قبل لا تنسحب حساباتهم وبيها صورهم وكذلك ينصبـ ـون ع عالم يراسلوهم من حساباتكم و العالم الي تعرفكم تثق بيكم وتدخل وتوگع مثلكم متعرف بيكم حساباتكم مسحوبة هذي امانة وصلتكم وصلوها لغيركم ونبهوهم وثبتوا القناة عندكم بالمحادثات المثبتة حتى ماتضيعوها لأن اي شي ينزل هوا بي منفعة الك .

هاي شنو طلاب السادس بس رسب ينتحـ ـر شنو هاي انوب ديزيدون هم !!!! هاي كل سنة من تطلع النتائع نسمع بطلاب ينتحـ ـرون لعد شلون تريد الله يوفقك ! يعني انت لان رسبت رحت گبل نهيت كلشي وخسرت الدنيا والاخرة وأذيـ ـت اهلك والناس الي تحبك والله علمود شنو لان رسب وشنو يعني نهاية العالم ؟ متفكر بأمك تگعد تبچي عليك كل يوم مگابله صورتك وتبچي شنو ذنبها اخوانك خواتك اصدقائكم متفكر بيهم هسة ع اقل فكر بس امك وابوك ربوك كبروك وتعبو عليك سنين وتالي هيج تجازيهم ببساطة ترا عادي تكدر تعيد سنة ثانية وثالثة واعوض الفشل مو ترسب وتستسلم لا الفشل من ترسب وبعد ماتحاول والنجاح مو دائمًا يجيك من اول محاولة قد تكون ضروفك ماساعدتك صار وياك ضروف صعبة ، او قد تكون انت هملت دراستك والي يغلط يتعلم ويصحح غلطه بس انت تعالج الغلط بالغلط وتخسر كلشي ، لا اتقبلها كلش عادي بوية خلص ضروفك خلصت وبلش سنة جديدة واطلب من الله يعوضك وبعدين اكو طلاب يطلعون معدلات ب80 و ب90 ناجحين ويعيدون هذول مو بشر حالهم حالك وناجحين هم بل حتى معدلاتهم عالية ومع هذا يطمحون للأعلى ، والله يوصيك بالصبر لازم تخلي عندك صبر ايمان قوي برب العالمين الي يتوكل على الله مايخيب ، بس اذا انت اهلك لامعلميك لا مربيك ولا تفهم بالدين لان هاي النماذج الي تروح تنتـ. ـحر لو تفهم بالدين لو اهلهم معلميهم شنو هذا الشيء ومعلميهم الاشياء الحرام ماراحو سوو هيج وهذا الغلط يتحمله الاهل أيضاً لان كل راعي مسؤول عن رعيته اذا انت تارك عيالك متعرف بيهم شيسوون ميسوون شيفكرون شيخططون ومن تصير الطگاگة تگعدون تعضون بأصابعكم ندم ، اهل هل وكت تربيتهم تعبانة اغلبهم ميعرفون يربون يخلفون ويشمرون عيالهم بالنت وبلشارع ميعرف شديسوي ميسوي ميعلموهم يربوهم ميعرف ابنه بنته شديسوون ميسوون يعني الله خلقك حتى انت تعيش حياتك بكيفك وبمزاجك مو الله بالقران گال وما خلقت الجن والأنس الا ليعبدونِ انت انخلقت للعبادة ما انخلقت حتى تعيش بكيفك اذا رسبت تروح گبل تنتـ ـحر ماحصلت اي شيء فقط أذيـ ـت اهلك اقاربك احبابك وخسرت الدنيا والاخرة لأن روحك امانة مايحقلك تـ ـأذي نفسك أبد هسة انتو المكملين و المؤجلين عندكم فرصة تشدون حيلكم بس صفوا بالكم رتبوا وقتكم وحاولوا لتفكرون بشيء ثاني اتحملوا هاي الفترة اضغط ع نفسك ، وانت كذلك الي رسبت والله عادي ترا مو گبل تجي عدلة وياك مو أي شي تريده لازم يصير من أول مرة ممكن كان تقصير منك او ممكن كانت عندك ضروف ماسمحتلك هسة عيد سنة ثانية اعتبر نفسك ناجح وجاي تعدل معدلك لاتعتبر نفسك رسبت وباوع للأمام لاتبقى تباوع للخلف الماضي صار ماضي والندم ميفيد و الي بي خير هسة يصحح غلطه او يعوض الي صار ويا اذا صارت ويا ضروف صعبة مو يبقى گاعد ويفكر التفكير ميفيد ابوية خلص باوع للمستقبل واشتغل عليه خلي توكلك وأمك بالله واتوكل لان الرسوب مو نهاية العالم بل هوا بداية تحدي الك من جديد وبلش اقرا من هسة وحاول تدخل خصوصي اذا تكدر واذا ماعندك امكانية أقرأ بقنوات اكو هواي قنوات يدرسون مجانا او صادق اشخاص شاطرين يساعدونك واذا تحتاجون اشخاص يساعدوكم بكل وقت اني مسوي مجموعة دراسية صارلها اكثر من سنة وبيها بنات مشرفات يساعدنكم تحتاجون ملازم مصادر مدرسين مرشحات ادخل للمجموعة وادخل بقسم مرحلتك واطلب وانتظر المشرفات يجون يردون عليك واتطمنوا المجموعة مراقبة 24س مابيها اي كلام خارج الدراجة أي طالب يريد ينظم من الابتدائية للكلية لكل المراحل مسوي. الرابط للأنظمام ↓↓ https://t.me/+XZQktAjs2aY1NWIy بالنهاية ثبت القناة عندك بالمحادثات المُثبتة لاتضيعها كل منشور ينزل بي منفعة الك

من تطلعون من البيت خلي شي لأباطك ! ركسونا او كريم وغسل وجهك زين حتى ميبقى شي بعيونك وفرش اسنانك حتى مايكون منظرهن موحلو واضافة الريحة تكون موطيبة بسبب عدم تفريش اسنانك واكل شي حتى لو علچ او هيل حتى تكون ريحة حلگك طيبة مو تگعد بالسيارة بصف شخص والريحة تعط منك مال اباط لو مال حلگك ترا زحمة موصغير انت وهاي نظافة ولاتلزم السـ ـم بنص السيارة لو بمكان بي ناس وتگعد تشرب وتـ ـخنگ الناس بالجگـ ـاير اكو ناس بساع تختـ ـنگ وانت ماگاعد بمكان خاص اذا انت مامقتنع أن التـ ـدخين عندك شيء عادي ولتگعد تخابر بنص السيارة وتدوخ العالم تريد تمشي الطريق خابر للضرورة لان الناس عدها طريق دوام من الصباحيات وملابسك من تلبس لتلبس شي قماشته نايلون لان يدبگ على الجسم من تعرگ ولاتلبس جواريب نايلون لان الريحة تگوم تعط منهن البس ملابس وجواريب قامش قطني مايطلع ريحة ولا يدبگ وقماش بارد ولاتاكل ثوم او بصل من الصبح واذا اكلت بصل فرش اسنانك واعلچ علچ اما الثوم ما يصير اله چاره اذا تريد جيب روبة ام الثوم جاهزة او اذا تريد تاكل ثوم اكل بس بأيام العطل ولا تركب ويا ناس وانت ماكل ثوم لان الريحة تعط عط عمي وخلي معطر لجسمك حتى مايطلع ريحة مال حموضة من تعرگ منك وشيل وياك كلينكـ ـس او وصلة تمسح بيها وجهك رگبتك من تعرگ مو گاعد تمسح بأيدك وقبل لاتطلع أيضاً نظف خشمك زين وشيل وياك كلينكـ ـس وامسح خشمك اذا انت بالطريق مو تگعد كل شوي تشفط ولا تتـ ـفل بنص شارع لو گدام ناس روح لصحيات او مكان زاوية ماكو ناس ونظف نفسك وشيل وياك بطل مي او مطارة حتى للضرورة تغسل وجهك خشمك او تشرب مي حتى لاتروح تشرب من هذي الترامز الي بالشارع كم حلگ يشرب منها ادري شلون تشرب من گلاص بالسوگ يشرب بي مئات او الاف الناس ! اشتري بطل لو مطارة وخليها وياك اشتريلك جنطة صغيرة هذي ام الحزام تنلبس صغيرة خلي بيها غراضك علچ هيل بطل مي مطارة موبايلك محفظتك تخلي بيها غراضك وبطلو هاي السولة من تدخل لكافتريا تبقى تجدي من ابو الكافتريا تگله خالي انطيني فلفوله خالي انطيني كذا ترا عيب يابة انت جاي تشتري لفة اكل واذا ماشبعت اشتري لفة ثانية ولتشيل بأيدك بالمقبلات اكو خالين خاشوگة او ملقطة مال مقبلات ولتشتري لفة وتوگف يم المقبلات تاكل بلفتك وتاكل مقبلات من الطاسات ترا انت مو بالبيت لفة خليلها مقبلات بنصها واكعد اكل شنو هالسوالف اللعبان نفس ومن تكعد بنص ناس لتبقى تسولف وتضحك بصوت عالي عود شوفوني اني جـ ـريء سبورتي عفوي لاعفوية ولا شي هذا اسمه ماكو ذوق ولا احترام للناس من تخابر من تسولف ويا شخص سولف بصوت ناصي الناس شنو ذنبها تنزعج وتـ ـأذيها خلي ذوق عندك بالشارع وخلي اسلوب احترام للمقابل احترام الناس بكل مكان عام لان انت بمكان عام مو ملك لأحد الشارع ملك للجميع فلازم تحترم الخارج وهذا الكلام للطرفين وليس فقط للرجال ، بالنسبة للرجال اكو ملاحظة من تريد تشتري شورت اشتري شورت اصلي ينضبط كلش على جسمك بحيث العضو يكون مخفي من تلبس بنطلون لان بعض الشباب اشوفهم لابس بنطلون ومبين العضو وهذا الشيء عيب وزحمة اشتري شورت اصلي الواحد ب3 الاف لو بألفين ولاتلبس برمودة فوق الركبة لأن الركبة من ضمن عـ ـورة الرجل البس برمودة اسفل الركبة ولاتحف حواجبك وتلقط وجهك وتخلي محمر لو مورد مال وجه وحتى البعض يخلي حمرة خفيفة خلي مرطب مال شفة شنو تخلي حمرة بس هاي السوالف مال مكياج اكيد ميسويها الا الي يريد يصير نثـ ـية يخلي مورد وحمرة ترا اكو مرطب شفة طبي واكو مرطب وكريمات مال وجه وشغلات عناية اشتري كريمات مال ترطيب بشرة اشتري واقي شمس خلي لوجهك من تريد تطلع لان شمس العراق تحرگ البشرة مو انت طالع بدون واقي وتريد بشرتك لاتحترگ ولاشي بدال ماتخلي مورد ومكياج خلي واقي شمس بحمي بشرتك وخلي مرطب لبشرتك سوي جلسات تنظيف لبشرتك كل شهر مرة هيچ روح لمركز وسوي تنظيف لوجهك الرؤوس السوداء او من الدهون او من الكلف والاثار او تفتيح البشرة وبالبخار ( اختياري ) يعني هاي مال تنظيف البشرة شي اختياري للي يخلون مكياج مورد وباودر وحمرة خفيفة لوجهم بعض الشاب يروح يشتري مواد مال عناية الي ذكرتهن ويروح ينظف بشرته احسن مايخلي هلسوالف سوي شي صحح مو تعالج الخطأ بالخطأ انت بشرتك تعبانه روح عالجها مو تروح تخليلي مكياج خفيف حتى تخفي اثار وجهك وترا هذا المنظف الي يم الحلاق سعره الفين دينار مدري 5 الاف هذا الي يخلي لوجهك وشوي وتغسله ترا كلشي ميسوي كلاوات نادراً الحلاق يجيب منظفات نوعية زينة وماتحصل حلاق يجيبهن بس المراكز والصالونات الرجالية وهذا الكلام مجرد نصيحة الك رتب نفسك ومسموح اعادة النشر او وجهو لأي ولد تعرفوه👍 واخر شي اكو بنت مسوية دورة مال سادس اعدادي لكل المواد مجانية ولأن مجانية راح انشرها الها تبلش يوم 7/15 انظموا بالقناة وانتظروا يبلغوكم من تبلش للي ماعنده امكانية رابط القناة ↓↓ https://t.me/sixthx_27 بالنهاية ثبت القناة عندك لأن كل منشور ينزل بي منفعة الك

اذا انتي طالعة ويا صديقتچ بحديقة بمكان تتمشون ويجي شخص سكـ ـران وشايل سـ ـچينة وگلج انطيني موبايلج غراضچ وفلوسچ لو اصلخـ ـچ بسـ ـچينة هنا شتسوين غصبا عليچ تنطيهيا وانتي ساكتة واقوى شي عندچ تصرخين زين اذا ماكو احد بالشارع وانتي تصرخين ومحد اجى نقذچ ! شتسوين بهاي الحالة منو يحميچ منو يدافع عنچ زين انتي وصديقاتچ اجو مجموعة سكـ ـاره ولزموچن گبل بدون اي مقدمات اعتدو عليچن وضـ ـربوچن سچـ ـاچين وفعلو بيچن اشياء ( اغتـ ـصبوچن ) زين هذول اشخاص سكـ ـاره مو بعقلهم وانتن ماكو وياچن رجال يلا حلنها هنا شتسون اذا ماكو ناس بالشارع تصيحنهم ولا احد تطلبن منه مساعدة ولا شايلات وياچن شي شنو تسون هنا صراخ ميفيد محد بالشارع تدافعين عن نفسج متكدرين لان هوا شايل شي ويروح يكتلـ ـچ خلاص گبل لكن لو رجال وياج يتجرئ يتقرب ؟ يتجرئ يفكر اصلاً مو يتقرب ؟؟؟ لان يخاف يتقرب مدام اكو رجال وياچ حتى لو اجو مجموعة أو وياچ شخص واحد هم ميتجرئون فلهذا السبب الشرع بالاسلام حرم خروج الزوجة بدون علم زوجها الا للضرورة مثلاً تريد تجيب مسواگ او أكل او تحتاج شي للبيت وزوجها ماكو فتطلع هي تجيب واليوم تطبيقات التوصيل بيها كلشي مواد منزلية خضروات لحوم اكل جاهز كلشي المهم اجتني بنت تگلي شنو البنت تحبس نفسها متتنفس لا ماگلنا هيچ لتبالغون، الزوجة زوجها يطلعها يسفرها يونسها ياخذها للسوق لاهلها لاقاربها شوكت متطلب منة ياخذها هوا لأن الزوجة قبل لاتتزوج من تكون عند اهلها ابوها هوا ولي امرها الاعلى وانوب اخوها ولي امرها الثاني ومن تريد تطلع تطلب اذن ابوها وتطلع لو ياخذها هوا يطلع وياها او تبلغه ويطلع اخوها وياها حتى مثل ماسولفت الكم مايصير وياها الامور الي قد ممكن تؤذيها او تسبب الها اشياء اخرى او سرقة، مثل هذي اجتني تگلي خو يكافحون ظاهرة التحـ ـرش، ابوية عوفچ من التحـ ـرش اني داگلچ اذا طلعتي لوحدج او ويا صديقاتچ وصار الي سولفتلج عليه فوگ منو يحميچ اذا ماكو وياج رجال ف الرجال هوا سند الچ مو يحبسچ ولا يمنعج من الطلعة سواء كان أب أخ زوج واذا انتي مسلمة ف بالقران الله يقول بسم الله الرحمن الرحيم الرِّجَالُ قَوَّامُونَ عَلَى النِّسَاءِ التفسير: أي : الرجل قيم على المرأة أي رئيسها وكبيرها والحاكم عليها ف من ناحية الشرع الله وضع الرجل قوام على المرأة والحكمة من هذا سولفت الكم قد تكون مستضعفة قد تتعرض لسرقة لأذيـ ـة لتحـ ـرش ف الإسلام اجى حتى يحصن المرأة يحميها يخليلها درع وياها لكن النسـ ـويات امهات الفكر الغربي والملاحـ ـدة يصورولكم ان الإسلام هوا ويا الرجل وليس مع المرأة والله شفت تعليقات لبنات يگولن اصلاً الإسلام ذكـ ـوري اجى ويا الرجال وظالم للمرأة يعني ديگولن على الله حاشاه لله يگولن عليه ظالم معقولة انتو اذا مسلمين تشوفون كلامهم هيچ وتجاوزهم على الله سبحانه وتعالى عادي او صحيح ؟ لو تجي وحدة تگول كافحو ظاهرة التحـ ـرش يعني لا تفكيرچ منطقي ولا هوا صحيح لان اذا نريد نكافح اوك وياچ اني شنكافح كم مليون متحـ ـرش ؟ زين اذا نفرض كافحناهم كلهم وقضينا عليهم وهلشي مستحيل لكن ناخذ فكرتچ بجدية ونگول تم صار الي بالچ زين وهذول السكـ ـاره والمجـ ـانين وهذي العصـ ـبات يعني هذول كلهم شلون يقضون عليهم لو هي بس كلام جيب وصفط !!!! لو تجي هسة وحدة تگلك انت تدافع للمتـ ـحرش عمي من تحچون احچو بشي منطقي عقلاني ولتخلون هذول النـ ـسويات الي فاهمات الحرية الشخصية هي خـ ـلع الحجاب وتطلع مدلعة ومفرعة وتصادق ولد وسفور ولبس حصر وتطب وتطلع بكيفها الاب والاخ والزوج طراطير واذا تحاجيها تگلك مـ ـتخلف ورجعي وهمـ ـجي حافظتلها كم كلمة وتمد لسانها شطولة عليك اذا تجي تنصحها تبتلي ع نفسك الثقافة من تكون مثقف بدراستك او بالدين او بهوايات عدة او تكون صاحب معلومات بعدة مجالات مثقف مو بالسوالف الي تسويها انتي عبالچ هي هاي الحرية الشخصية وهسة تجي كم وحدة تگلي انت 24س تنزل منشورات على المرأة اي انزل لان أني احب انصح بنات الوادم الي هنة يردن نصيحة وضايعات وميعرفن او ممكن اهلهن ماعلموهن بشكل صحيح وكذلك دانزل ع الرجل والا انه شنو خال بجيبي منكم قابل صاحب منظمة ضـ ـد المراة حتى استلمكم وانزل بس عليكم شوي فكرو بمنطقية ارحمو عقولنا ولتسلمون عقولكم لهذا وذاك ويشوهون سمعـ ـة المرأة ويگلك شوف الإسلام يعامل المرأة هذول الحـ ـدث مثل هذا الي نزلت مرة اجاني هذا يدعـ ـي هوا واثق ويتمهـ ـزل ودزلي صورتين بيهن 60 فقرة تتكلم ع المرأة بالاسلام وكلهن شرحتهن وكلهن بسيطات وبيهن حكمة لكن هوا هذا لا فاهم شنو معنى الالحـ ـاد ولا فاهم شنو الإسلام بس سألته عن الالـ ـحاد گال اني ماقاري ومعلوماته ماخذهن من المنشورات والريلزات لا فهم ولاعلم وجاي يتهملزون بالاسلام وبالمرأة وخلوها ببالكم بس الديـ ـوث يقبل يطلع عرضه يتفرجون عليهن بالنهاية ثبت القناة عندكم بالمحادثات المُثبتة لان كل منشور ينزل بي منفعة ونصيحة الكم لا أكثر.🌸

لتگول اني مـ ـلحد گول ما اصلي وفضها زين انت شنو افتهمت حتى وصلت لهذي المرحلة اني متأكد هذول اكثرهم اعمارهم ماتعبر 18 او بالزايد 20 وجوا يبدي طريقة مايصلي بعدين يگوم يتابع هذول الي يفسرون القران من جيبهم بعدين يگوم يتابع فديوهات التيكتوك والريلزات يطلعولة هذول الي عايشين بامريكا لو المصريين لو يشوف ستوريات بيها موسيقى حزينة وعبارات ويتابع هاي الحسابات الي تنشر ايات من القران وعود يبينون القران متنـ ـاقض وهنا يبدي يصدگ وياخذ بكلشي زين انت من هيچ تفتهم وشاطر ومسلم عقلك للبيجات وللحسابات هاي الي اصلا اصحاب هلحسابات مُـ ـراهقين وانت بكل بساطة انضحك عليك وانغسل عقلك، زين انت قريت القران كله ؟ زين انت رحت شفت هذي الايات الي ينشروها ويگولون القران هيچ والقران يحـ ـرض ع قـ ـتل تعبت نفسك شوية ورحت قريت تفاسير لو بس شفتلك فديو تيكتوك لو ريلز واتأثرت گبل وعفت كل الكتب مال تفاسير وكل العلماء وكلشي عفته وراك وصرتلي مـ ـلحد وانت اساسا حتى كتب الملحـ ـدين ماقاريها واذا قاري ف قاري منها مقتطفات تروح تبحث بلگوگل تبحث بلتيكتوك عن اسم الكتاب وتشوف فديوهات عنه يعني حتى كتب الملـ ـحدين انت ماقاريها زين انت هنا شلون عرفت نفسك صح اذا لا قاري كتب التفسير مال قران ولا قاري كتب الملـ ـحدين زين هذي كتب جماعتك الملـ ـحدين من قريتها رحت بحثت على ردود من علماء المسلمين وشفت شلون يردون على كتب هذول لو لا ؟ كلفت نفسك ورحت بحثت عن آية انت شاك بيها شي بحثت عن موضوع وسمعت من الطرفين سمعت من علماء المسلمين ومن جماعتك الملـ ـحدين وشفت منو كلامه منطقي ومنو حجته اقوى لو بس سمعت من طرف واحد هسة اني من اشتكي عليك بلمحكمة القاضي يسمع فقط مني لو من الطرفين اكيد من الطرفين حتى يفهم منو هنا على حق ومنو على باطل اذا انت سمعت بس من جماعتك شلون تريد تعرف الحق ويامن هذي نقطة عليك وانت ماقريت كتب وتفاسير العلماء المسلمين هاي نقطة ثانية محسوبة عليك ومارحت عرضت الايات او الشبهـ ـات الي عندك او الشكوك على مُناظرين ، شيوخ ، علماء وميحتاج اصلا تسأل احد لو تتعب شوي وتروح تبحث عن كتب التفسير راح تلاگي اجوبة واذا ماتعرف تدور الكتب روح اسأل احد تشوفة محتواه ديني او شيخ او مُناظر يفهم اما تستفسر منه اما تطلب منه كتب واني متاكد والله العظيم اغلب هذول الي يگولون احنا ملحـ ـدين هذول لا قارين كتب الملاحـ ـدة ولا قارين كتب التفسير مال قران ولا باحثين ولا مـ ـناظرين شخص ولا مناقشين هذول مجرد بدو طريقهم تركو الصلاة واتأثرو بفديوهات تيكتوك وريلزات الفديوهات الي ذكرتها انطيكم دليل بسيط مرة اجاني شخص ماعرف مـ ـلحد مسلم ناقشني ع كلام بالقران گال معقولة الإسلام بي هيچ شيء و الله هيچ يگول ف طلعت اله الآية ، طبعًا اني اعرف هنا افشلة واگله شلون تحچي بشي ماتعرف بي ولا باحث ولا قاري بس مع هذا رحت جبت اله الآية گلتله اتفضل هذا كلام الله بالقران چان گال، هيچ بالله لعد اذا الله يگول هيچ ، سـ ـب الله يعني لان انحـ ـشر وماعرف يرد بعد ف ما عنده بعد اله هذا الحل ف حتى تشوفون هذول مجرد بالاسم مـ ـلحدين داحچي على العراقيين خصوصًا واما باقي دول العربية هم اغلبهم هيچ الملاحـ ـدة الي يتفلسفون وقارين هذول اغلبهم بدول الغرب دول اوربا وبدول اسيا الي هي الاسيويين الكورييين اليابانيين والصينيين هم بيهم هواي لكن بدول العرب المـ ـلاحدة الي مـ ـلحدين فعلا قليلين كلش ف ياعمي هي شنو مـ ـلحد انت انولدت بالعراق لو مسلم لو من غير ديـ ـانة مـ ـسيحي ، ايزيـ ـيدي صابئـ ـي، اكو غير هذن الديانات بالعراق ماكو واذا اكو ف ينعدون قليلين كلش، وهذول اكثرهم اهلهم ميعرفون بي هيچ تفكيره وهيچ يگول لو يعرفون يشبعو كـ ـتل ويعيدون تربيته من جديد او مو شرط يكـ ـتلو لان الكـ ـتل ميجيب نتيجة يعيدون تربيتة من جديد لان هذا لا فهم ولاعلم لا فاهم شنو الالحـ ـاد ولا فاهم شنو ديسوي ولا وين هوا ولا يعرف نفسه بشنو ديخوط ف يا ابوية اني لا استهـ ـزء بيكم ولا اريد اضحك عليك بي انت اساسًا مضحوك عليك ومغسول عقلك وكل الي اريده الك انك تراجع نفسك وتراجع تفكيرك واكو هواي اشخاص وشيوخ يفتحون بثوث على تيكتوك وتگدر تصعد وتروح تناظرهم باحترام سواء كان من أي معتقد دام هوا مُسلم وعنده خبره يناظر مُلحدين اصعد بالبث واتناقش ويا ويفهمك كلشي لا تكعد تناقش ومن تنحشر تروح تفتح الچات جي بي تي وتخلي يرد بمكانك هاي اني اغلب ناس هيچ من اتناقش ويا يروح يفتح الچات ويخلي يرد بمكانه لعد انت شنو وين فهمك اذا خال الچات يرد بمكانك گول اني مافتهم او اني ماعندي رد مو عيب ترا شنو تخجل واذا تريد كتب تفاسير موجودة بكثرة اكتب تفسير الطبري وغير علماء موجودات بالنت وبلمكاتب اهم شي ماتبقى هيچ ضايع لا انت فاهم شنو الالحـ ـاد ولا فاهم الاسلام ولا قاري قران ولا تفسير تعب نفسك شوي ابوية. بالنهاية انه اريد لك الخير لا اكثر وثبتو القناة عندكم حتى أي منشور ينزل يوصلك وتنتفع.

انتي ع ساس دكتورة بعلم النفس ! وجاية تنصحيني ،الموضوع وما فيه اجت بنت تگول هي دكتورة علم نفس واجت تنتقدني وتنصحني ف اريد تقرأ الكلام للنهاية وتشوف هل هذي تستحق انُ تكون دكتورة وفاهمة ! الي هي دارسة كلية واني شخص مكمل فقط ثالث متوسط، اجتني كالت انت عندك نقص وگاعد مخلي نفسك شرطي ع مرأة وتحمل المرأة فشل المجتمع وانت محد يسألك بالقبر عن هاي شسوت وذيچ شسوت وانت لو غاض بصرك كان ماشفت بنات متبرجات، وكذلك استدلت هي ب آية من القران كلامها : الدين لم يجعلك وصيّاً على الخلق الله سبحانه وتعالى قال لرسوله الكريم فَذَكِّرْ إِنَّمَا أَنتَ مُذَكِّرٌ * لَّسْتَ عَلَيْهِم بِمُصَيْطِرٍ إذا كان الرسول ليس مسيطراً فمن أنت لتنصب نفسك شرطياً على ضمائر النساء وتصرفاتهن احسنتِ يا دكتورة هذي الآية تنقلب ضدچ اقري الله يگول للرسول فذكر انما انت مذكر لست عليهم بمسيطر ،وهذا الي جاي اسوي يا دكتورة اني كاعد اذكر الناس بالدين وارشدهم زين اذا اني داقتدي بالرسول واذكر الناس صرت اني شرطي ع المرأة وماغاض بصري ؟؟؟ هاي اول نقطة انقلبت عليج ثانيًا انتي افتريتي عليه گلتي انت تحمل المرأة فشل المتجمع واني اتحداچ انتي وكل شخص بالقناة يجيب منشور بلقناة اني كايل المرأة هي سبب فشل المجتمع لكن راح تلاگين منشورات ع المرأة اني ارشدهن انصحهن مثلا منشور نزلته انصحهن شلون يبتعدن عن علاقات الحـ ـرام ومنشور بي نصيحة شلون يدورن شغل ويشتغلن ويبتعدن بي عن التبرج واللبس الغير لائق ومنشور انصحهن شلون يحمن نفسهن من الشباب بالشارع وشلون يتصلن بالشرطة شلون تتصرف بحياتها الزوجية وتتحمل عيشة اهلها وكثير منشورات ف هذا كله هوا بي خير ومنفعة الهن واساسًا كثير ناس هنا اكثرهم بنات اجو كالو عمو وينك مختفي وهواي بنات اتعلمو وغيرو حياتهم للأفضل من خلال النصائح الي اقدمها ف هذي ثاني نقطة اقلبها عليچ وابين افترائج عليه لان اني اساسًا مع المرأة وليس ضدها ، ثالثًا انتي من استدليتي بالقران وگلتي الله كال للرسول انت مذكر فقط مو مسيطر ، اتحداچ تجيبي منشور اني فرض رأيي لو كلت غصبا عليكم تاخذون بكلامي ، لكن راح تشوفي كل منشوراتي هي مجرد نصيحة ومنفعة وكاعد اطبق كلام الله الي اوصى بي رسوله ، كما قال الله بالقران كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ ،هنا تعاي يا دكتورة شعجب ماقريتي هذي الاية ؟؟؟ اقري الله شيكول يگول تأمرون وتنهون وهذا الي كاعد اسوي بقناتي اامر بالمعروف ادلي الناس ع طريق الصح وأيضاً انهي عن المنكر ابعدهم عن الطريق الخطأ ف اني ماصاير شرطي على المرأة مثل ما افتريتي عليه ولا اني احاسب واسيطر ع احد فهذي 3 نقطة اقلبها عليچ، رابعًا انتي تگولي لو غاض بصرك متشوف المتبرجات انتي أساساً حتى غض البصر فاهمته خطأ يا دكتورة ! غص البصر مومعناه تمشي مدنگ وعينك بالگاع لا غض البصر متنضر بنضرة شهـ ـوانية للمقابل ، وبعدين اني اذا دامشي بالشارع وفجأة طلعو مجموعة بنات واني بالخطأ داباوع گدامي ع الطريق وصارن گدامي هل هنا اني ماغضيت بصري لان اني مامتقصد ولا منتبه فهذا ميعتبر عدم غض البصر وانتي ماقريتي بالقران من تكولين ماتتحاسب بقبرك عن المتبرجات عن هاي شسوت وهذيچ شسوت لكن الله بالقران قال ، ولا يبدين زينتهن ، وبآية اخرى ولا تبرجن تبرج الجاهلية ، وهذا الي الله أمر المرأة بي عدم التبرج والتزين يا دكتورة ولذلك اني كاعد اذكر الناس مثل ما انتي استدليتي بالاية وكلتي الله يكول للرسول انت مذكر نعم اني كدامج داذكر الناس واقتدي بفعل الرسول فهل هذا فعلي خطأ من اامر الناس بالمعروف وانهاهم عن المنكر اذا تكولين لا فعلك صحيح اذن انتي لا فهم ولاعلم لان كل كلامج انقلب ضدچ ف شفتي يا دكتورة انتي حتى مو يم المجال مالتج ولا يم هذا الاختصاص منو گالچ انتي دكتورة من الي انطاچ شهادة انتي حتى بعلم النفس متفتهمين الي انتي دارسة كلية 1-فسرتي كلامي خطأ 2- افتريتي عليه بكلام ماگلته 3-حللتي شخصيتي كله خطأ 4- ماتفهمين بالدين ولا يمه ف اني انصحچ تغيري اختصاصچ وتروحي تتعمقي بالدين اكثر لان انتي لا يم علم النفس ولا يم الدين ، واكو مثل عراقي يگول لا حضت برجيلها ولااخذت سيد علي انتي لا حضيتي بعلم النفس ولا اخذتي الدين الصحيح ف اني انصحج انج تراجعي نفسج لان هذا تفكير نسـ ـويات ماكل كل تفكيرج لان ما اخذتي كلامي الي بالقناة مجرد نصيحة منفعة ارشاد اريد الخير للناس ودانصح لا انتي اخذتي كلامي عبارة عن اني ضد المرأة كلامچ افتراء وكذب والدليل قنواتي كدامج راح تلاگي منشورات نصائح ومنفعة للمرأة وكلام طيب ان بعض الظن اثم! وهسة منو يفهم بعلم النفس؟ وعرفتي منو عنده نقص بشخصيته! انتي ام الكُلية ؟ لو اني الي مكمل 3 متوسط ! + المنشور هذا كان نصيحة للكل وليس فقط لهذي البنت وبالنهاية ثبت القناة عندكم لان كل منشور ينزل بي منفعة الكم حتى لاتضيعو القناة 🌸

شلون تصير مُراهـ ـنة ع بنات بداخل الكليات !! الكلام موجه بالبداية للبنات ثم للشباب ف البصمة يسمعها الطرفين + اسمعها لأخر ثانية صح بصمة مطولة لكن كل كلمة هي راح تنقذك بالكلية ف اسمعوها ومسموح الكم توجهوها بقنواتكم او لأي شخص تعرفوه .

موضوع هذا الچبس الي يطلع بي سيارة چبس فلان ومشروب فلان ماگدر اذكر اسماء تعرفون اقصد منو اول واحد معروف الي ديوزع سيارات وايفونات واكو اشخاص غيره قلدو الفكرة ، اخوان كل ما بالأمر هذي ترا اقمـ ـار الاقمـ ـار اذا تدفع فلوس وتخـ ـسر وانت ممحصل هذي المكافأة عبارة عن (حظ يا نصيب ) بس ع شكل چبس ومشروبات لو اندومي لو غير منتجات يعني شلون ، هسة الحظ يا نصيب تدفع فلوس حتى يطلعلك المكافأة واذا ماطلعت لك تخسـ ـر ومرات تطلع الك مكافأة صغيرة ماتسوى المبلغ الي صرفته انت ، فبباقي الدول يگلك هذا اقمـ ـار وللبـ ـالغين بصريح العبارة يگلولك هاي لعبة اقمـ ـار ، اما بالعراق ضحكو على اطفال العالم وسوولهم فرة وهمة ليش استهدفو هذي الاشياء الي يحبها الطفل مثل الچبس المشروبات الاندومي لان يعرفون الطفل شنو يحب ف الطفل اهله يشتروله هواي ويگلك هذي المنتجات مستهلكة كلش من ناس الچبس والاندومي والمشروبات لذلك حولو هاي المنتجات الة لعبة قمـ ـار لان انت ماجاي تريد تشتري الچبس انت جاي تدفع فلوس علمود تحصل ايفون لو سيارة ماجاي تشتري چبس فعلا لو تشتري الچبس فعلا حتى تاكله نگول اي هاي مو قمـ ـار لكن الناس صارت تشتري نعمة الله وتشمرها وانتو تشوفون فديوهات شكد صارت تنتشر الطامة الكبرى انوب ناس كبار بالعمر گامت تصور وصارت جداوة علني يصور مشتريله كراتين چبس ومفرغ الچبس كله ويصور يگله ابو فلان اريد منك سيارة لو ايفون اني صرفت هواي فلوس وماطلعت لي السيارة ، اذن انت ماشتريت الچبس خسرت فلوسك ختى تحصل السيارة لو الايفون ، وهذي هي الاقمـ ـار الحـ ـرام تصرف فلوسك وتخسر مقابل لا شيء لذلك همة لعبوها صح جماعة الاچباس والعصائر وغيرهم أولاً ضحكو على اطفال الناس ثانيا استهدفو المنتجات الي عليها طلب قوي وسحب ثالثا صارو يجيبون اشخاص صناع محتوى يتابعوهم الاطفال ويحبوهم حتى يقلدوهم لان تعرفون الطفل شنو يشوف يقلد ف يضحكون على الاطفال حتى الطفل يشوف كل صناع المحتوى الي يتابعهم يشترون من هذي المنتجات ويروح يشتري ويبچي والاهل ميقصرون گبل يشترون للطفل وهيج انتو شجعتو هذول الناس اهل الاقمـ ـار لذلك انتو أيضاً عليكم ذنب شكو شخص اشترى المنتجات وهوا اشتراها فقط حتى يحصل الهدية الي بيها ما اشتراها يريد ياكلها هذا شخص لعب اقمـ ـار بس بغير طريقة لذلك انتبهو ياعمي هاي اقمـ ـار وديربحون براسكم ، وتدرون هاي الفكرة براسي قبل لا احد يسويها لكن من بحثت عنها وطلعت اقمـ ـار بطريقة غير مباشرة تركتها لكن هاي الناس عدها الحـ ـرام عادي المهم لو اريد اني اسوي هم چبس بأسمي وكل شخص يسوي ويربح مليارات مو ملايين لان المشروع مايكلف بس الحـ ـرام مانعنا لا اكثر ☺️ اني تعرفوني اي شي بي منفعة اتطرق بي الكم لا مستفاد شيء ولا عندي معمل ولا مصنع يعني لاخسران ولا اي غاية، اجتني بنت ذكرتني بهذا الموضوع وگالت نزل عنه حتى احنا هم نشاركه بقنواتنا ف هلمنشور مسموح الكم تشاركو بقنواتكم بالخاص لأي شخص لان الدال على الخير كفاعلهُ وشكرا للبنت الي ذكرتني بالموضوع و بالنهاية ثبتو القناة عندكم لأن كل منشور ينزل بي منفعة الك حتى ماتضيع القناة وتبقى يمك والسلام عليكم . 🌿 للتواصل : @Twasnatbot

اسمي علي عمري 27 من بابل لأول مرة راح احچي كل شي سويته باختصار من طفولة الى هذي اللحظة للإتعاض من الأخطاء الي ارتكبتها من طفولتي الى سن المُـ ـراهقة خلصتها دراسة وهنا انحـ ـرفت عن الطريق واني من النوع ماحب الدراسة لان اني ماحب اتعين فقط مو اني موزين بالدراسة لا اني ماريد اكمل لان ماحتاج شهادة احب اشتغل شغل حر ماتقيد بوظيفة وراتب ثابت لان اهلي دراسين وخريجين شاطرين فكل شخص يرغب شيء ، عدت سنتين بالثالث ردت اخذ شهادة 3 فقط وابطل وما اخذتها وبطلت واشتغلت بكثير شغلات حتى عربانة دفعت يعني اشتغل ادفع بعربانة بلسوق واتعينت مكان ماكدر اذكره اقل السنة وبطلت راتب قليل ويتأخر أيضاً اتعينت بشركة بالامن كان عمري 20 طولت سنة وبعدها صار مشاكل ونفاق وحاربوني وچان دوامي فقط لازم سـ ـلاحي وكاعد مكاني نظيف الاكل جيد جداً راتب عالي من 960 الى مليون وربع مع راتب اضافي تحفيزي ، لكن كرامتي اولى فقدمت استقالة ، واشتغلت سنة تقريبًا باسواق وامي بقت تضغط علي حتى اكمل فقط 3 قدمت مسائي شهور وبطلت صارت مشكلة وراها صارت كـ ـورونا وقدمت خارجي والله وفقني ونجحت وجبت لامي شهادة ال3 لان اني ماحتاجها فقط لامي اخذتها ، بعدها چنت حاب ادخل مجال الانترنت وبديت من 2022 تقريبًا وهنا اهلي واصدقائي استهزئو وكلام سلبي وماكو تشجيع وما اهتميت ولا اتأثرت وبديت اشتغل بمجال الاعلانات علموني اشخاص ولكن للأسف لعد ماعلموني وبديت انجح واتعرضت لغدر وسرقة عدة مرات اتعرضت لهجمات واخسر بكل مرة وارجع اعيد نفسي ماتوقف وبعدها كملت وحدي والله وفقني وهذول الي علموني رجعو يشتغلون يمي ، وبعدها غيرت مجالي لان صار عليه ضغط قوي وماعندي ناس ثقة وصارت الي عداوات ف اني سحبت نفسي ودخلت بمجال التصميم چنت احب التصميم جداً وصرت مصمم اعلانات سويشيال ميديا وصار يجوني ناس مشاهير وشركات حتى من الصين اجوني وهذا كله بفضل الله ودخلي الشهري يعبر المليون وجمعت مبلغ عالي جداً ونست نفسي من ملابس من اكل والي استهزئو بيه وسمعوني كلام سلبي من اهل اصدقاء رجعو احتاجوني من نجحت نجاح قوي وماقصرت معهم . استمريت الى 2024 تقريبًا وتركت الشغل لان ماكو احد مثلي عندة خبرة ف اني سحبت نفسي وللان قبل شهور اجوني زبائن يردون تصميم واني صارلي سنتين من تركت لان عندي سمعة قوية والناس متعودة عليه وكل هذا بدون ما اعمل اعلانات بفلوس الناس عرفتني عن طريق الشغل النظيف والسمعة الطيبة والثقة وبقيت موقف شغلي الى الان لان جمعت مبلغ جيد الحمدلله وهسة نرجع ل 2023 هنا نحچي من جانب ثاني بعيد عن الشغل والدراسة بوقتها هنا صاحبت شخص عندة تعمق بالدين واني جنت جاهل جداً بالدين وبوقتها ورحت لهذا الشخص بقى يلقن بيه ورشدني على علماء وكتب بعدها اني هنا كملت طريقي بالدين بديت اتعمق الى ان الحمدلله صار عندي علمية جيدة ورحت للعُمرة مرتين وكملت تعمقي بالدين الى يومنا هذا ، وكذلك ب2023 أيضاً بديت افكر بالهجرة من العراق صارت لب ضروف خاصة جداً ماكدر اذكرها قدمت على روسيا وانغلقت وقدمت على دول اخرى كثيرة كثيرة وكله يجيني رفض لان اني ماعندي لغة ، الى 2025 الى ان حصلت عقد عمل بالمانيا وشرطو عليه اجيب شهادة لغة و اهلي هنا كالعادة كلام سلبي واللغة صعبة وانت هناك تفشل وراح ترجع النا ومن هالكلام لكن كالعادة ما اهتميت اني عندي هدف ودائمًا اتوكل على الله فهنا بلشت دراسة لغة المانية بشهر 11 من 2025 والى هذي لحظة وياي طلاب خريجين قسم طبية أيضاً صارت منافسة بيني وبينهم بالدرجات الى ان عبرتهم بالامتحانات وحتى الاستاذ نفسه كاللهم هذا علي هوا مثل المعاون وياي شنو ينطيكم تاخذون منه واني خريج 3 متوسط و همة وياي خريجين طبية وهذا يثبت ان الشهادة مو مقياس ابد وحتى اذكر بنت وياي خريجة وعدها لغة انكليزية قوية جداً سألتني كالت علي شلون عندك هيج شغف او واهس وتقرا هيچ الجواب اني حافز لنفسي لان اني خلصت عمري وحدي محد سندني بمشاريعي كلها غير ربي ف يردون مني شهادة مستوى 3 يعني لازم اتقن اللغة 50% واني كملت مستوى 1 نجحت بي وهسة اني بنص المستوى 2 اكمله وبعد اخر مستوى ال 3 واخذ الشهادة واطلع يعني باقيلي عدة شهور واخذ شهادة واطلع ان شاء الله واكمل حياتي خارج العراق. الاخطاء ↓ صاحبت رفقة سوء تعلمت على التـ ـدخين لسنوات تعلمت امور موحلوة مبتعد عن الدين جداً متسرع بردة فعلي مع الناس كثرة الاهتمام المُبالغ النجاحات ↓ تركت رفقة السوء✓ تركت التـ ـدخين بفضل الله ✓ اتعمقت بالدين جداً ✓ نجحت بحياتي بدون شهادة ✓ سندت اهلي رغم ماسندوني ✓ نجحت بشغلي بالنت ✓ ثقفت عقليتي بالكامل ✓ حققت نجاح باللغة الالمانية ✓ لتخلي شهادة او أحد يوقف اهدافك

شوكت ليلة القدر وشنو نسوي بيها ؟ بكل مرة تنتشر كثير امور تخص ليلة القدر اعمال خاصة بليلة القدر واشياء ودزولي ناس عدة اعمال گالو هل هذي الاعمال صحيحة وشوكت ليلة القدر وهل انتهت لو بعد اخوان خلي انفصل الموضوع ببساطة أولاً ليلة القدر شوكت؟ ليلة القدر حتى الرسول صل الله عليه واله وسلم ميعرفها شوكت لكن الصحابة سألو الرسول عن ليلة القدر گاللهم اتحرو آخر 10 ليالي رمضان وهذا حديث صحيح ثابت أنَّ رَسولَ اللَّهِ صَلَّى اللهُ عليه وآله وسلَّمَ قَالَ: تَحَرَّوْا لَيْلَةَ القَدْرِ في الوِتْرِ مِنَ العَشْرِ الأوَاخِرِ مِن رَمَضَانَ. وناس هواي تنشر الكم وتگللكم ليلة القدر يوم 15 وذاك يگول يوم 21 وذاك يكول يوم 27 كله هذا غير صحيح طيب شنو الحكمة من اخفاء ليلة القدر ، لان الله يريد نحصل اجر اكثر لو عرفت ليلة القدر بيا يوم راح تنتظر هذي الليلة وتكثر من العبادة بيها فقط ف الرسول گال بمعنى ان ليلة القدر تكون من آخر 10 ليالي من ليالي رمضان يعني من يوم 20 بشهر رمضان الى نهاية شهر رمضان تكون أحد الليالي الاخيرة حتى الإنسان يكثر من العبادة بهذي الأيام وهيج راح يحصل اجر اكثر وكذل يحيي ليلة القدر لهنا فهمنا شنو الحكمة من الله اخفى ليلة القدر ، هسة نجي نعرف شنو اعمال ليلة القدر وهل هذي الاعمال المنتشرة بكل سنة صحيحة؟ ، شفت بعض الاعمال منتشرة وأكثرها بدعة لا صحة لها شنو يعني بدعة يعني اشياء مكذوبة وضافوها للدين الرسول مافعلها ، والرسول قال كل بدعة ظلالة وكل ظلالة بالنار فهذي الاعمال من جاي تنشروها للناس جاي تنشرون اشياء مكذوبة والرسول بحديث آخر قال من كذب علي متعمداً فليتوبئ مقعده في النار ، لازم تتاكدون يا اخوان مو اي شي شفتو وتنشروه للناس بدون علم! هذا كله تتحاسب عليه كل شخص راح يفعل هذي الأعمال ف تاكدو قبل ما تنشرون شيء من الاعمال الي فعلها الرسول هذي الاعمال مو خاصة بليلة القدر اخوان لكن الرسول كان يفعلها ف يعني ماخصصتها فقط بليلة القدر ، المهم الرسول كان يعتكف ويتعبد لله بالاعمال الصالحة الواسعة يعني ماتقيد نفسك بشيء ، مثلا الرسول كان يقيم الليل كل يوم ، هذا عمل صالح كان الرسول يفعله بكل الليالي تصلي قيام الليل وردت احاديث صحيحة عن قيام الليل تصلي 11 ركعة اول 8 ركع تفصلهم كل ركعتين تصليهم مثل صلاة الصبح لكن كل صلاة تكون اطول من الي قبلها يعني اول ركعتين مثل صلاة الصبح ثاني ركعتين تطولهم شوي تخليها تكون ربع ساعة بعدها ثالث صلاة ركعتين تطول اكثر بيها وهكذا إلى ان تصل 8 ركعات كل ركعتين بصلاة لوحدهم الرسول كان يطول ساعات بصلاة قيام الليل شلون يعني يطول ساعات يعني يقرأ سور من القران يطولة بداخل الصلاة مثلا يقرا الفاتحة وياها سورة الكرسي وثاني ركعة يقرا الفاتحة أيضاً وياها سورة البقرة وهكذا لكن هذا الشيء مو واجب فقط مستحب لحتى تحصل اجر اكثر وتقيم ليلة القدر باجر كبير واذا تريد تصلي اول 8 ركع مثل صلاة الصبح كلهم قصيرات عادي جائز ، وبعدها تصلي صلاة الشفع ركعتين صارو هنا 10 ركع ، بعدها تصلي صلاة الوتر توتر بركعة واحد هنا صار المجموع 11 ركعة ، تريد تصلي اكثر جائز تريد تصلي اقل جائز الامر واسع بعدها كان الرسول يدعي ويسبح ويستغفر ويقرا القران هكذا كان الرسول يقيم الليل يعني تقرا قران بعد ماتكمل الصلاة تقرا الي تكدر عليه ، وبعدها تكعد تستغفر او تسبح شكد ماتكدر كل ما اكثرت كل ما حصلت اجر اكثر كذلك تدعي شكد ماتكدر هذي كلها اعمال صالحة وهذي كلها بيها احاديث صحيحة والرسول ما وردن انه خصص اعمال خاصة بليلة القدر ف الرسول كان يقيم ليلة القدر مثل اي ليلة من الليالي فقط يكثر بيها العبادة يعتكف وماجان يعرف ياليلة ف جان الرسول اخر 10 ليالي من رمضان يعتكف يعني ينعزل بالعبادة ويكثر بالعبادة كلش بهذي الليالي ف يا اخوان الرسول ماخصص اعمال خاصة اي شخص تشوفو ناشر اعمال خاصة بليلة القدر غير الي گلتلكم بي هذا كذب وبدعة واني الي كلتلكم بيهن هذن مو اعمال خاصة هذا قيام الليل الي الرسول يسوي بكل ليلة فقط الرسول بكثر من قيام الليل وليلة القدر اجر الي يحييها يغفر الله ماتقدم من ذنوبه وتعادل الف شهر ف لاتضيعو هذي الليالي فهمتو؟ هذي الاعمال الي شرحتها الكم هي مو اعمال فقط بليلة القدر هذي اسمها قيام الليل الرسول كان يصلي قيام الليل بعد صلاة العشاء ويقرا قران ويقرا اذكاى ويستغفر وتسبيحات ماكان مخصصها فقط بليلة القدر ف ليلة القدر تحييها بالاعمال الصالحة الواسعة لاتقيد نفسك بعمل خلي الاعمال واسعة صلي اقرا قران سبح استغفر اذكار ادعية ادعي ماتشاء والله يتقبل منا ومنكم صالح الاعمال ويغفر لنا وللمسلمين جميعًا ومسموح التوجيه وتنفعو لغيركم وثبتو القناة عندكم حتى لاتضيعوها وتنتفعو اكثر لان كل منشور ينزل بي فائدة ومنفعة الكم فثبتوها عندكم بالمحادثات المثبتة.🌸 تواصل : @Twasnatbot .

ليش متسوي فطور لاهلك بدال خواتك؟ او بدال امك او بدال زوجتك او بناتك هوا ليش الي يطبخ ويساعد اهلة عدنا بلعراق الاغلبية يشوفو هذا خـ ـنيث! او ماعندة شخصية واخواته او زوجته مسيطرات عليه ليش نشوف بهيچ نظرة ان هوا مابي حظ وماعندة كلمة ليش مانشوفة شخص مثل الرسول صل الله عليه واله وسلم او مثل صحابة الرسول او مثل اهل بيت الرسول مثل الامام علي مثلاً كانو يساعدون زوجاتهم بشغل البيت سواء بالطبخ او بالتنظيف او بغير شغلات يعني هل الرسول هيچ نظرتكم عنه؟؟ انت تعرف امك واختك وزوجتك مامجبرات يخدمنك لكن من باب انك اخوها ابنها زوجها تخدمك لان تحبك او ممكن هي تخاف منك حتى لا تطلع رجولتك عليها وتگعد تصرخ وتضـ ـربها علمود الاكل انتو تدرون اكو اشخاص اذا اتأخر الاكل شوي يگوم يعيط ويسمع زوجته كلام ويفـ ـشر عليها وحتى يضـ ـربها او اخته كذلك او بنته كل هذا فقط لان اتأخر الاكل شوية او اذا كالتله عندي دراسة امتحان يگلها عوفي الامتحان وسوي اكل واذا ماتكوم بعد شيخصلها منه! اني هالكلام ترا شايفه بعيني وحتى عشت هذي المواقف يعني مو سمعتها واني اكتشفت ان الرجولة والشخصية هي ع فطرة من الله الانسان يولد رجال والمرأة عدها انوثة لكن الإنسان هوا يستخـ ـنث او المرأة تسترجل فلذلك الي يستقوي على نسوان بالبيت علمود طبخ او شغل تنظيف انت ليش ماتطبخ ليش ماتنظف ليش ماتجهز ملابسك لوحدك تكويها تغسلها ، راح تگلي المرأة بالبيت شنو دورها لعد هي بالبيت ماتطلع وهي هذا شغلها وانت شنو حتى تسويها خدامة يعني امك تشوفها بنظرك خدامة؟ او زوجتك شريكة حياتك او اختك بنتك تشوف لازم تخدمك انت ناقصك ايد رجل وحتى ان كان ناقصك ايد او رجل ياما اكو اشخاص ناقصهم ايد ورجل ويشتغلون وكلشي يسوي فيعني ما الك عذر انتو تدرون اني اطبخ اطيب من خواتي وامي يعني بعض الاكلات مو كلهن مثلاً الكبسة الدجاج الشوي البرياني المشاوي بانواعها والله مرة سويت دجاجة شوي وتمن مندي امي وزوجة اخوي اتعجبن گالت امي الدجاجة شلون ذايبة مستوية صح والتمن شايفين مال مطاعم شلون من تاكلة تمن المندي عبارة عن طعم بهارات نفس مال مطاعم اسوي ضبط ليش؟ لان اني بنفسي احب اطبخ اساسًا اتعلم من اليوتيوب واحب اجرب بنفسي ومن انجح بهاي الطبخة هذا انجاز الي چبير ان اني ولد ومن اول مرة او ثاني مرو اسوي طبخة اطيب من المطاعم وصرت كل مرة اتعلم اسوي عصائر ومشاوي وطبخات ثانية وبعدها صرت اي طبخة اريد اسويها اروح لليوتيوب اشغل اشوف شنو الي احتاجة من بهارات متطلبات شغلات مثلا ذاكليوم من سويت المندي الي اطيب من مال مطاعم رحت جبت كل شيء جبت فلفل اسود وقرنفل وبهارات مندي او ورق غار وتمن هندي ودجاجة ، جبت متطلبات التمن كلها حتى اشتغله بأدق التفاصيل ويطلع مثل مال مطاعم ومن كملتة اهلي مسحو الصينية لا بقى تمن ولا دجاجة والدجاجة اشويها بالگيس مال شوي وطبعًا انگعها بالتتبيلة ساعات فد 4 ساعات او اكثر يعني دتشوفون شلون اعتني بالطبخة من اطبخ اطبخ بكل حب وشغف وكذلك اني اتعلمت الطبخ مو بس هيچ افكر بعدين بالمستقبل زوجتي اذا ولدت طفل ماراح تگدر تسوي شي او اذا اني عشت لوحدي بعدين او اذا سافرت اذا اهلي ماموجودين ف اني احب اطبخ لزوجتي لبناتي لعائلتي لاهلي لامي لاخواتي احب اشاركهم مهاراتي بالطبخ وبغير اشياء بشغل البيت كذلك يعني مو بس طبخ لان هي مرتي لو خدامة واني احجيلك هذا الكلام مو حتى ابينلك اني كيوت وكذا لو حتى اجمع معجبات اني احجي هذا الكلام الك اسويلك واهس واخليك تكسر قاعدة انُ انت ميصير تطبخ او تشتغل ويا اهلك وعيب لامو عيب ، العيب من انت تستنقـ ـص من امك اختك زوجتك بنتك وتشوف نفسك ملك بالبيت ويخدمون بيك وتشوف ان انت افهم من الرسول لان الرسول كان يساعد زوجاته بامور البيت ف اني اقتدي بالرسول اذا تشوفني بغير نظرة واني هذا شي على فطرتي احب اتعلم طبخ وطبخي كلش احترافي وللعلم اني عندي 8 اخوات 5 منهن متزوجات وعندي بعد 3 وكبار ويعرفن كلشي يطبخن ويشتغلن او امي عايشة الحمدلله بس اني اغلب الاوقات اگوم اني اطبخ ، ف غير تفكيرك هذا وصير رجال ويا اهلك لا تصير رجال عليهم ولا تكلي عادي اذا اهلي ماموجودين او صار شي اطلب من المطاعم بس اتذكر هذا الشي ماينقص من رجولتك ولا شخصيتك ولا حتى من كرامتك ف هي مو مسألة طبخ مسألة رجولة والرجولة افعال فأذا تشوف نفسك فعلاً رجال لاتستنكف لان هذا فعل الرسول وانت تقتدي بالرسول الحبيب واني شاركت خصوصيتي وياكم حتى ابينلك ان هذي مو خصوصية بيها عيب وانما خصوصية جميلة وشاركتها وياكم واني كدام الاف الناس داحجي بنص القناة اني شخص اطبخ لاهلي لاخواتي لامي واذا اتزوجت راح اطبخ لزوجتي واطبخ لبناتي أيضاً فخليك رجال وياهن مو عليهن وبالنهاية ثبتو القناة عندكم هسة بالمحادثات المثبتة حتى لاتضيعها لان كل منشور ينزل بي موضوع توعية للطرفين الشباب والبنات ومسموح اعادة النشر والتوجيه والسلام عليكم 🌸 للتواصل : @Twasnatbot .

أمس بنية گالت اني طالبة من اصوم تتخربط لان مـ ـريضة وماتگدر واكو طالب أيضاً گال اني عندي دراسة يصير اصوم لان ماكدر مدام اجى رمضان راح انطيكم اشياء تجوز وماتجوز وشوكت تكون جائزة بالنسبة للبنت اذا صار عندها فترة العذر الشرعي هنا توقف الصيام وكذلك الصلاة لانها غير طـ ـهارة لين ماتخلص هذي الفترة مالتها و الي مافهم اقصد فترة الحـ ـيض وكذلك سواء ولد او بنت عنده مـ ـرض اخر ولازم ياخذ العلاج واذا ما اخذ العلاج راح يتـ ـأذى فهنا لازم يفطر حتى ما تسوء حالته كذلك اذا انت صايم ومابيك شيء لكن فجأة صار عتدك صداع وگعت اغمى عليك هنا أيضاً لازم تفـ ـطر لكن انت تگول اني عندي دراسة اني عندي شغل اني عندي فقر دم انت الي عليك تصوم ماتفطر اذا ماتعاني من مـ ـرض لكن اذا انت صمت وجاي تدرس او بالشغل ماتخربطت ولا صار لك شيء تكمل صيامك لانك ما تعرضت لشيء ولا اغمى عليك ولا صداع مجرد جوعان وعطشان وهذا كلنا نحس بي يعني انت شنو تختلف عن غيرك اذا جوعان لو عطشان تروح تفطر تتحمل هي كم ساعة مادام ماصار الك شيء لكن اذا فجأة صار الك شيء صداع اغمى عليك بعد ماتگدر تروح تفطـ ـر ، اما تگول اني عندي دراسة اني شغل ياعمي كلنا عدنا شغل ودراسة ، اذا انت تفطر علمود دراستك اكو اشخاص بشتغلون بالبناء وتعرف عامل البنات شگد يصرف جهد وتعب ويعطش يجوع مع كل هذا مايفطر وانت فقط لان تدرس تريد تفطر ، ثانيا انت هنا تفضل دراستك على عبادتك وانت اذا ماتعاني من شيء تكدر تجمع الاثنين سويًا يعني تصوم وترضي الله وكذلك تدرس ، وتگدر تقسم يومك لاتخلصه كله نوم تتهرب من الجوع والعطش ولا تبقى تدرس ساعات هواي لان راح ينشف ريگك وتعطش كلش ف حاول تقرا على قدر المستطاع والتزم بصيامك واهم شيء تلتزم بصلاتك بوقتها مو تنام ورا السحور وتكعد العصر لو المغرب تجمعهن كلهن دفعة وحدة ترا اكو شيء اسمة منبه نبه موبايل موبايل اهلك وصي اهلك يكعدونك ماكو عذر تكول اني نايم ماكدرت اكعد ماسمعت المنبه عندك اهلك ويكعدونك ، الصيام تلتزم بصلاتك وتحفظ لسانك وتغض بصرك وتلزم نفسك وما تگعد تسوي سوالف ولا تسولف ويا بنات او العكس بنية تسولفين ويا ولد فقط للضرورة مثل دراسة عمل ، وكذلك يستحب تسوي اذكار تسبيح تقرا قران حتى صيامك يكون بي اجر كبير مو فقط تصلي وهاي هية ، والاهم من هذا ماتكون من هذا النوع الي فقط يكون يصلي فقط برمضان فهذا كل ما يخص الصيام وشوكت تكدر تفطر وشوكت مايصير تفطر واما الصيام الي فطرته برمضان من ينتهي رمضان مباشرة ورا مايخلص العيد تصوم الايام يلي فطرت بيها لعذر شرعي لان ميجوز تاخر الايام الي مطلوبها . واذا عندك سؤال او تحتاج شي تستفسر عن هالموضوع مال صيام مسوي اني مجموعة دينية متواجد بيها هناك تكدر تنظم وتسألني هناك وماكو اي سوالف بيها فقط تسأل واجاوبك ومسوي بيها اقسام اقسام للاحاديث قسم للاسئلة قسم للتفسير ، وللي يحتاج كتب مصادر ف للي يريد ينتفع او يسأل سؤال يخص الدين فقط ينظم ومن تنظيم ادخل لقسم القوانين واقراهن وركز بيهن لان اي مخالفة تنحظر مباشرة . رابط المجموعة ↓↓ https://t.me/+TcfY5S5fcc80ZjYy وثبتو القناة عندكم لان اي موضوع ينظل بي نصيحة وتوعية الكم فحتى ماتضيع القناة منك وكل منشور ينزل يوصلك 🌸 للتواصل: @Twasnatbot

انتبهو انتشار ثغـ ـرة بالتليكرام عن طريق الصورة يحـ ـذفون حسابك او قناتك او قروبك على ما انتشر عن طريق التحديث الجديد ، مامتاكدين لكن الحذر واجب اخفو صور حساباتكم قنواتكم گروباتكم وبلغو غيركم ، الخبر انتشر سريع كلش ومانعرف حقيقة او لا لكن المهم نفذو هسة اخذ حذر انشرو الخبر عندكم بقنواتكم بلغو غيركم وروحو هسة اخفي صورتك من حسابك من قناتك مؤقتًا لين مانتأكد وموضوع آخر بعيد عن هلموضوع اكو ناس هلفترو گاعد تنشر عني اشياء تشـ ـوه سمعتي بقنواتهم ومسوين صور ومحادثات مفبركة كلكم تعرفوني ما يحتاج احچي الحمدلله الذي على كل حال واني بقيت ثابت على طريق الله وكلها تعرف قناتي فقط للفائدة حتى اعلانات مانشر بيها ومايأثر شي سواء نشرو عني او لا ميهمني لان الناس كلها تعرفني الغريب والقريب ويردون ينشرون عني اشياء ان اني شخص خطـ ـر 😅 لو اني عندي شي كان الاستخبارات القت القبض عليه صح لو لا؟ لذلك فقط حبيت فقط ابلغكم . للتواصل : @Twasnatbot

قبل فترة بنت راسلتني تريد تنتـ ـحر فگالت لازم تغير تفكيري لان مقررة هي تروح تنتـ ـحر ماعرف بعدها بالقناة لا ف اني گلتلها بكل بساطة كلنا حالنا من حالج يعني كل ضرف نمر بي خلص نروح ننتـ ـحر ماكو حلول؟ لعد وين ايمانك بالله وين الصبر لعد شنو الحكمة من الله وصى بالصبر هذي رسبت بالدراسة راحت انتحـ ـرت ذاك حبيبته عافته هذا خسر ذاك اهله يـ ـأذون بي وهذي تعرضت للتحـ ـرش وينهون حياتهم شنو تستفاد ماتستفاد شي خسرت والاخرة واهلك خطية شنو ذنبهم يبقون يبچون عليك اقاربك ، انتو ماتعرفون شنو من ضروف اني كاعد امر بيها تشوفون صارلي اكثر من 20 يوم ماناشر والله عندي ضروف بالبيت وعندي دراسة وكل فترة تصيرلي مشاكل وخسرت فلوس بمشاريع ملايين خسرت واتعرضت لغدر من ناس تاكل حـ ـرام وهمة موجودين بالقناة الله يهديهم تعرضت لسرقة وناس قريبة علي كلش تنطي بيه وياما ساعدت وياما وگفت لناس تقربلي وتخصني ولكن بدون أي سبب يغدرون و دائما الشخص الناجح بشيء لابد راح يتعرض لناس هاي ثابتة سواء ناجح بدراستك بعملك هوايتك اما تتعـ ـرض لتسـ ـقيط وتشـ ـويه سمعة او لسـ ـرقة او لتهـ ـديدات او ممكن يغتـ ـالونك واني كدامكم قبل فترة تعرضت لضغط من ناس قريبة عليه ورادو يلبسوني تهمة وانسجن وبعدها تعرضت لتهـ ـديدات من اصدقاء من اقارب من ناس غرباء يعني من كل الجهات متعرض لتهـ ـديد وخسرت ملايين وتعرضت لسرقة وتعرضت لضـ ـرب لابتـ ـزاز بطرق وكل مشكلة اطلع منها ادخل بمشكلة اكبر منها ماكو راحة واحاول اصبر واتحمل كلشي والله شعر راسي صاير ابيض الشيب براسي وملامحي ذبلانه والتعب والدراسة حالياً ادرس لغة باقيلي كم شهر واكمل لغة واطلع من هالبلد وابتعد واعيش حياتي من 0 واتذكرو كل شيء سببو لي من اذى وظلم وسرقة كل هذا مايضيع عند الله لكن الناس الي تاكل بالحـ ـرام ماراح تفكر هيچ يفكرون بالدنيا فقط والناس الي تروح تنتحـ ـر ماتفكر بالاخرة ولاتفكر بمخافة الله ، الله وصاك بالصبر ، بسم الله الرحمن الرحيم ان الله مع الصابرين! ، الله يگولك اني وياك فقط اصبر لان ينطيك اجر على صبرك لان يريد يشوف قوة ايمانك تتحمل وتصبر وتبقى صامد لو تروح تنهـ ـي حياتك ف ياعمي بنفسك شوف ضروف غيرك راح تهون عليك ضروفك والله من تكعد الصبح وانت تتنفس وعايش هذي فقط نعمة فضيلة اكو ناس تتمنى تمشي واكو ناس تشوف واكو ناس تنام تحت سقف وناس يكون عندها ملابس وناس يكون عندها اهل وناس تاكل خبزة وانت كل هذي النعم عندك وماتقدر هالشي ولاتشكر الله يعني تخيل ابسط شي انت تملكة هوا انك تشوف وتشمي وشخص غيرك ميشوف يتمنى يرجع يشوف ويتمنى يمشي مثلك احمد الله واشكره على كل شي تمر بي من ضروف مهما مريت بضروف لاتجي تكول ضروفي تختلف ياعمي مهما بلغت ضروفك ومهما كانت صعبة اكو ناس ضروفها اصعب من ضروفك لذلك الله علمك كال والذين اذا اصابتهم مصيبة قالوا انا لله وانا اليه راجعون ، من تصيرلك مصيبة مشكلة ضرف گول هيچ واحمد الله واشكرة لان الله يكول ولان شكرتم لازيدنكم حتى الله يزيد عليك وابقى ادعي الله يعينك ويصبرك ويلهمك القوة والصبر اني بس بهذا الشهر والله تعرضت لضروف جداً صعبة من اقرباء الي حتى اكو ناس راسلتني گالو انت شنو وين متروح المشاكل وراك وسولفت لكم شخص من الي يعرفوني گالو انت ليش هيج يصير وياك ، رديت عليهم كلتلهم عادي العوض على الله ، بكل بساطة! نعم تضررت واتأذيت ونفسيتي تعبانة ما اكولك ما اهتم لا انقهر لكن مع هذا باقي صابر واتحمل بالنهاية راح اخلص من كل هذي الضروف واعيش وانت كذلك اصبر اتحمل واستعين بالله دائمًا وكل شخص ظلمك سببلك اذى بأي طريقة گول فقط حسبي الله ونعم الوكيل عليك على الشخص يعني الي ظلمني واكو ناس بالقناة موجودين أذتني بالغدر ماواجهوني لانهم يعرفون مايگدرون يوصلون للي وصلته بفضل الله ف استخدموا طرق الحـ ـرام وهذا فخر الي انك ماگدرتلي ورحت سببتلي أذى بطرق الحـ ـرام فهذا شيء زادني فخر وانت ما زدت الا فشل للأسف يكفي أني مارحت لطريق الحرا.م وطبعًا سويت مجموعة دينية لان هواي ناس تراسلني على البوت وماكدر ارد على الكل فسويت هذي المجموعة تجي تسأل بيها اي سؤال ديني عندك سواء بنت او شاب وبيها اقسام قسم احاديث وقسم تفسير قران وقسم عن امور الحلال والحرام فهذي المجموعة سويتها لوجه الله اذا تريد تسأل عن حديث ، تفسير آية ، تريد كتب مصادر دينية تريد تسأل عن شيء سويته خطأك سلون تتوب وهكذا والمجموعة مراقبة 24س يعني اي سوالف تتعرض للحظر اول ماتدخل بالمجموعة تروح لقسم القوانين واقرأ قوانين المجموعة ⚠️ رابط المجموعة ↓💙 https://t.me/+TcfY5S5fcc80ZjYy وبالنهاية هذي الفترة هي فترة امتحانات عندكم اهتموا بدراستكم واني كذلك عندي دراسة مانزل مواضيع هواي لان عندي ضروف بس شوي اخلص من هذي الضروف وارجع انزل مواضيع اكثر فثبت القناة عندك حتى لاتضيعها وحتى توصلك المنشورات الي انزلها لان كلها بيها منفعة وتوعية الك والسلام عليكم 🌷

البنت الي انتشرت بالبصرة برأس السنة بالنسبة الي اني اشوفها معذورة بعيداً عن لبسها وعن كلشي مانبرر للذكـ ـور هلمرة ننصف معذورة لأن ماكو يمها رجال بين كل هلذكور گدر ينقذها يطلعها منهم فقط على هذا الشي عاذرها لان موضوع التحـ ـرش لو هسة تحچي منا لسنين وتوعي الشباب ميفيد لان الجذر اذا اعوج راح يطلع الغصن هم اعوج ف انتو لتعتبون ع ولد ولا ع بنت اعتبو ع اهل الي تخلف وماتعرف تربي خلفت ذكور ماخلفت زلم ، اني ماحچي ع البصرة فقط داحچي بشكل عام ع بلد كامل بكل مكان يصير التحـ ـرش فيعني لاتتعبون وتحچون ع هذول الولد الي اعتدو عليها ميفيد لتعب نفسك لان همة اهلة ماعرفو يربو ولاكدرو وخصوصًا تلگاه مبتعد عن الدين ايمانه ضعيف شيطلع منه عسل مثلاً بعدين انتي مو تدرين بكل رأس سنة وبكل احتفالية بالاعياد أيضاً البقية تصير تجمعات والشباب كلها تطلع موتدرين تصير حالات تحـ ـرش هسة معلينا بيج اطلعي بس ياعمي من نحجي ونگول لتطلعين وحدج لتطلعين باوقات متاخرة لتطلعين فقط ويا بنات مو معناها احنا ضدكم مثل ماتفكرين وتگولين ذكوريـ ـين وانتو بكلي محاربينا ياعمي والله خوفًا عليكم والله حرصًا عليكم من هاي النماذج يعني شبيدنا بعد دانحجي وياجن تصيردن ضدنا وتگولين ذكـ ـور وهاي المسميات من تصير المصيبة تگولن بلد ضد المرأة لعد احنا مو دانحجي وياجن وننصح مو جاي نجيب ونحجي اي شنسوي بعد ليش متاخذن نصيحة من ناحية الحرص عليكم ليش تاخذن كلامنا محاربة وضدكم راح تكولين باوربا وباقي دول بنات يطلعن وحدهن محد يتقرب الهن اولا متوهمة بكل دول العالم تصير اساسا بباقي الدول الاوربية تصير جـ ـرائم ماتخطر ع بال حتى بالافلام ماتشوفوها ، السفـ ـاحين هناك بكثرة ماشايفين بليوتيوب من ينشرون قصص لسفـ ـاحين كل سفـ ـاح قاتـ ـل فد 20 او 15 بنية بكل دول اوربا يلزمها يغـ. ـتصبها ويگطع جسمها يجـ ـرم بيها فيعني الوضع بكل مكان تعبان ماكو شي اسمة اريد اطلع براحتي ياعمي الشيطان يلعب دور وهاي الذكور منتشرة ولتفكرين هذا صغير هذا رجال جبير بالعمر هذا طفل ميسوي شي فقير كيوت لا ترا اكثر السفـ ـاحين شكلهم مرتب وكيوت ولطيفين وحبابين لعد شنو تردي مثلاً يكون قاسي لا اكيد يكون لطيف لاتصعدين ويا احد غريب لاتطلعين بوقت متأخر لاتلطعين لوحدج لاتطلعين فقط ويا بنات مو نقيدچ بس افهميييي افهمي عاد خوفًا عليچ لان الشباب مهما نصحتهم ترا ملايين شتنصح منهم الف الفين 100 الف حتى لو اتعض واتوعى الاف شباب راح يبقى الاق الشباب ايضا منحـ ـرفين ف شفتي ميفيد الوضع يعني واني گلت شي وارجع اكوله من جديد العراق بلد غير اسلامي العراق بلد مو يم الإسلام نهائيًا داحجي ع القانون مالته مو ع شعب فلاتگول حكمت ع شعب كامل لا هل شفتو او سمعتو بيوم السارق قطعـ ـو ايده؟ وطبقو شرع الله الي بالقران؟ هل سمعتو الـ ـزاني جلدو 100 جلدة؟ وطبقو شرع الله هل سمعتو الملحد او الكافـ ـر لزمو واقامو عليه الحد وهوا القـ ـتل؟ مثل ما هوا موجود بالقران بشرع الله؟ لا ماشفتو ولا سمعتو والدولة الي تحكم بشرع جديد غير شرع الله هاي دولة كافـ ـرة وغير مسلمة حتى لو بيها مسلمين تعتبر دولة تحكم بشرع جديد مخالف القران و الي يخالف الله ويتحدى الله ويحكم بغير شرع الله هذا حاكم كافـ ـر ودولة كافـ ـرة لاتعتبر دولة اسلامية ، لازم تحكم بما انزل الله بالقران بعيداً عن الشرك الي ماكل ثلث ارباع العراق بعيداً عن البدع والخزعبلات والشركيات ف ياعمي العراق مو بلد اسلامي واتحدى واحد يثبت العراق بلد مسلم لا بلد كافـ ـر بلد يعبدون غير الله يشركون بالله يحكمون بغير شرع الله يخالفون القران يخالفون الرسول صل الله عليه وسلم يخالفون الاسلام كله وهذا كلامي ما اغيره العراق بلد مو مسلم واني اكثركم يعرفوني ان شاء الله باقيلي كم شهر اكمل دراسة لغة وبتسهيل من الله تعالى راح اطلع من هل بلد الكافـ ـر انجي بنفسي لان الله امر بالقران ان تهاجر وتطلع من البيئة الكافرة والمستضعف بيها واني راح اخلص نفسي والله يخلص كل شخص يريد يطلع من هذا البلد الكافـ ـر التعبان الغير صالح للعيش لا اسلام لا حقوق لا خدمات لا امان واذا تحجي يجونك للبيت يشبعوك كتـ ـل ويزينوك وينشروك او يسجنوك او يكتـ ـلونك خلاص دتشوفون كل فترة كاتلـ ـين شخص وناشري شنو فرقكم عن الارهـ ـاب لعد هذي مو افعال ارهـ ـابية يلا هذا بلد امن تحجي تطالب بحقوقك وحتى اذا تنتقد باحترام ميقبلون لان هذا تاج راس وخط احمر دمشي منا لا اكفـ ـر بهيچ بلد ارهـ ـابية كفـ ـار الله يخلصنا منكم واسف ع اطالة المهم حچيت الي بگلبي وفرغتة يمكم 👌 ومع الاسف هاي الحالات ماتصير گدامي او گدام زلم لچان عرفنا شلون نتصرف ويا هالنماذج ونسويلهم درس وعبرة للكل للأسف دتصير هالحلات فقط گدام الذكـ ـور ، لان من صفات الرجال غيرته تخلي يتحرك حتى لو كانت البنية غريبة ضميرة ميسمحلة يخليها بهيج موقف فللأسف ماحالفنا الحظ وصارت گدامنا للتواصل : @Twasnatbot ⭐

هل يجوز احتفل برأس السنة او الكرسمس! چان المفروض انزل هلمنشور من وقت بس صار عندي ضروف لكن اكثركم بعده ماطالع ولا محتفل لذلك أقرأ المنشور للنهاية قبل لا تحتفل او شيء الاحتفال برأس السنة اجانا من وين؟ من المسيح بكل بساطة حتى ماتكول اني ماحتفل وياهم احتفل بس برأس السنة هي اساسا هذي الفكرة اجت من المسيح يعني بكل الاحوال سواء احتفلت وياهم او بدونهم انت گاعد تقلد المسيح بافعالهم والرسول نهى عن التشبه بالكفـ ـار وكان دائمًا يخالف النصارى الي همة المسيح واليهود والمشركين ودائما ينبه ويحذر وانت تجي تسوي العكس تخالف الرسول وتقلد الكفـ ـار طيب ليش المسيح كفـ ـار؟ بسم الله الرحمن الرحيم وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآَخِرَةِ مِنَ الْخَاسِرِينَ ، مثل ماقرأت الله يقول الي يتهذ غير الإسلام دين اله بعد ما اجى الاسلام راح يكون من الخاسرين كافـ ـر لان الإسلام اخر دين ويجب على كل مسيحي يهـ ـودي اي دين آخر يدخل الإسلام فلذلك مايجوز التشبه وتقليدهم لان الله سبحانه وتعالى قال يَا أَيُّهَا الَّذِينَ آَمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللهَ لَا يَهْدِي الْقَوْمَ الظَّالِـمِينَ الله ينبهك ماتتخذ اليهود والنصارى اولياء بكل شيء سواء بامور دينية او دنيوية ولا تحتفل وياهم ولاتصادقهم ولا تگول تعايش سلمي وتصير مسلم كيوت ولطيف انت ماسالت نفسك بيوم ليش المسيح مايحتفلو ويا المسلمين بأعيادهم؟ لا بعيد الاضحى ولا الفطر ليش؟ لانهم مايعترفون بدينك اساسا وانت تسوي العكس وتروح تحتفل وياهم ، وحديث الرسول صل الله عليه واله وسلم قال ، من تشبه بقوم فهوا منهم ، يعني راح تصير منهم اذا قلدتهم او تشبهت بيهم بافعالهم همة نفسهم الي يكولون عيسى ابن الله وعيسى هوا الله ويعتقدون ان النبي عيسى مصـ ـلوب وانت صاير كيوت وتگول المسيح اخوانا؟ اني ما اكلك اكرهم لكن لاتواليهم لاتكون وياهم بعدين انت كمسلم عندك بالاسلام عقيدة الولاء والبراء الولاء لازم توالي الاسلام فقط والبراء لازم تتبرئ من كل كافـ ـر وعدو للاسلام وغير مسلم موتكول اخوانا ولازم نعيش مع بعضنا افهم دينك وشوف دينك بشنو يأمرك! لذلك اذا ناوي تطلع تحتفل فأنت راح تصير منهم لانك كاعد تقلد افكارهم ولاتكول مجرد احتفال ماعليه بالمسيح الرسول كال المسلم عندة عيدين فقط لمن دخل للمدينة شاف الناس تلعب وتحتفل كالوله هذي من ايام الجاهلية نسويها فگاللهم الرسول الله انطاكم عيدين افضل منهم الاضحى والمبارك يعني كل الاعياد هذي اعياد وهمية ما يجوز الاحتفال بيها ، الكلام موجه للمسلم الملتزم الموحد ، اما اذا تريد تحتفل فأنا ما اجبرك فقط علي الامر بالمعروف والنهي عن المنكر والنصيحة وانت مخير تاخذ بكلام الله ورسوله او تخالف يعني هذا الكلام مو كلامي جبت لك من القران واحاديث الرسول فأنا مجرد ناقل لك واذا عندك ناس تعرفهم ماعندهم تليگرام وتريد توصل الهم المنشور من اهلك اقاربك وثبت القناة عندك لان اي موضوع ينزل بالقناة يكون بي توعية وحتى تنتفع اكثر 🌷

شايف من ترجع لله وتگله يارب عبدك ضعيف يحتاجك الله مايترك عبده لوحده ،الله يستجيب للعبد بتحقيق الي طلبة او بأبعاده لذلك الله اذا ابعد عنك شيء اعلم ابعده لصالحك ويعوضك بالأفضل فالحمدلله قبل ايام كان ممكن تصير مصيبة چبيرة وياي ودعوت الله يبعد عني السوء والحمدلله الي نجاني من هذي الفتنة والتهمة الي صارت وكان ممكن تكبر أكثر او يصير شيء تعرفون ببعض العوائل والاقارب تصير بينهم محاكم او مكـ ـاتل فدعيت الله يبعد عني الاذى وينجيني واني فقط كل الي ردته ابرئ نفسي او اوقف هالشخص عن حده وهالشخص هوا من اقربائي قريب جداً للأسف ولكن اتوقع كلشي فمن رفعت دعوات صار تأخير بالدعوات وعرضات وبعدها تدخلو اقارب وناس حتى تنحل بدون ماتكبر اكثر وتم حلها وانغلقت القضية بأنسحاب المقابل ما اشتكى عليه بعد ما اتهمني بتهمة مونظيفة واني كذلك وقفت الدعوات وكل واحد ابتعد عن الثاني فالحمدلله الي ابعد عني الاذى لان شفت الدعوات تأخرت 4 مرات وكلت هذا تأخير من الله اعتقد حتى ماتكمل الدعوات وتصير اشياء فخلاها تتأخر فالحمدلله الي عداها ع خير وشكراً لكل شخص دعى الي وبعد ايام ارجع انزل مواضيع مثل سابقًا اتركو مصيبتكم ع الله فَاسْتَجَبْنَا لَهُ🌸 .

إِنَّا للهِ وَإِنَّا إِلَيْهِ رَاجِعُونَ والحمدًلله ع كل حال ، العبد الله يبتليه بانواع البلاء اكو ناس الله يبتلاهم بمـ ـرض أو بالفقر او او بزوجة غير صالحة أو اهل يكونون غير صالحين واني ابتُليت ببلاء الله يبعده عنكم بلاء مو أي أحد يقاومة ويصبر ولكن اني مقاوم على الحافة واگول ميخالف وتعدي والله موجود مهما تعرضت لظلم او تهـ ـديد او ضـ ـرب او تهم مع هذا اتحمل لان الله اوصى بالصبر وهذا كله عليها اجر ، أن الله مع الصابرين الذين صبروا وعلى ربهم يتوكلون فالحمدلله على كل كال وكل شيء ينتظرني وماعرف شنو ينتظرني هل هوا خير او لا الله اعلم ودعيت الله ينصرني وينجيني ويبرئني من ما تم اتهامي واذا تم ظلمي بمحكمة الدنيا فتوجد محكمة الاخرة لا يظلم بيها أحد امام الله لا اله الا انت سبحانك أني كنت من الظالمين ، فخرجني من ما أنا به كما اخرجت يونس بطن الحوت ومن الظلمات الى النور اللهم انصر عبدك الضعيف بما رموه به من افتراء فأنت اعلم بعبدك الضعيف ، جُل ما اريد قوله انه اني من زمان صرت ماتكلم عن أي ضرف او مشكلة تصيرلي الا بعد ما تنتهي حتى اجي انقل الكم الضرف الي نريت بي وشنو اتعلمت منة هذا الي اتعودتو عليه بالقناة لكن اليوم اريد اطرح الكم ضرفي مقدمًا قبل ما يبدي لانه ممكن اختفي فترة وممكن يكون هذا اخر منشور انزله الله اعلم فلذلك گلت انه اكو هواي ناس بالقناة تحب المواضيع الي اتكلم بيها وتنتظرني واكو ناس اجو راسلوني على البوت كالو ليش مختفي وشنو صاير ، بإختصار تام حتى ماتنتظرون وتعرفون السبب هوا انه تم اتهامي من قبل اشخاص يقربولي جداً ، بتهمة كبيرة من الدرجة الاولى وحكمها يصل ممكن يوصل ( سجن مؤبد أو اعـ ـدام ) ولكن الحمدلله ادلتهم ضعيفة جداً وعندي كل الادلة الحقيقية منهم گدرت اوگعهم واسحب منهم ادلة واثباتات قوية تكون لصالحي وگدرت احصن نفسي بادلة صوتية منهم من تهـ ـديدات بصوتهم وكذلك عندي شهود اهلي كلهم والجيران والمنطقة كلها تضمني وتبرئني من الكبائر الي لصقوها بيه وكلها تشهد على حسن سيرتي وحسن اخلاقي وكذلك الله موجود ويعرف عبده الضعيف بريء اللهم كما برئت النبي يوسف ونصرته امام الملئ انصرني ، ممكن تگولون ليش وشنو سبب من اقرب الناس الك اقاربك اتهموك تهم كبرى اكيد بلا تفكير تعرفون بكل بيت بكل عائلة وكل اقارب تصير مشاكل وتوصل بيناتهم عشائر ومحاكم ومقاتـ ـل بيناتهم وكلشي يصير بسبب الغيرة او الحقـ ـد بلا سبب ولان اني ما اجامل ولا اسايس ويشوفوني معتدل وملتزم يردون اصير شخص فاسـ ـق فاسـ ـد واصير مثلهم منحـ ـرف واكون مثل عقليتهم فاني ما احب اجامل حتى لو اخوي ما اجاملة اذا فعل شيء خطأ وطلبوني شاهد اشهد عليه ان هوا فعل شيء خطأ ماجامل لو هسة تنطيني فلوس الدنيا كلها وتريد اجاملك ماجاملك واتحمل الي يصير ، اكدر استخدم التقية واجامل لكن مو بكل وقت التقية التقية للي ميعرف هي تكذب على المقابل ويسمى الكذب الصادق يعني مثلاً اذا كلولي اشرك بالله لو نذبحـ ـك انت هنا تستخدم التقية حتى مايذبـ ـحوك لان الله اعلم بيك استخدمت التقية حتى مايـ ـؤذوك وما اشركت من قلبك لان الاعمال بالنيات ف تستخدم التقية بهيج امور كبرى لكن اني ما مجبور اسايس لو اجامل شخص علمود ارضي اني حاد بهيچ امور ومتشدد فحاليًا اني اليوم رفعت دعوتين ضدهم لان همة بس شهرو بسمعتي وهـ ـددوني بالقـ ـتل وبعدهم ما اشتكو للان اني سبقتهم ورحت اشتكيت والاسبوع القادم اعتقد بعد دعوتين راح يرفعون اهلي وياي رفعت دعوة اتهامي ب..... ودعوة تهـ ـديد بالقـ ـتل بعدين من تنتهي القصة اسولفلكم بشنو تم اتهامي راح تنصدمون بوقتها لكن عادي اتقبلوها بس خلي تگضي واني اؤمن بالله وواثق بنفسي وعندي كل الادلة عليهم والشهود وراح اقلبها ضدهم بفضل الله ، القضية راح تطول تقريبًا من اسبوعين الى شهر تقريبًا وان شاء الله تعدي على خير بسم الله الرحمن الرحيم وَلَا تَحْسَبَنَّ اللهَ غَافِلًا عَمَّا يَعْمَلُ الظَّالِـمُونَ وكما قال سيدنا ومولانا علي أنا الَّذي سمَّتْني أمِّي حَيْدَرَهْ كلَيْثِ غاباتٍ كريهِ المنظَرَهْ ومابداخلي ولا ذرة خوف ولا قلق وعن قريب أن شاء الله اجي ابشركم ببشارة خير وأن حصل شيء او مكـ ـروه ف رب العالمين لا يظلم عنده احد في الاخرة في حال انظلمت بمحكمة الدنيا واختفيت اعرفوا أن الباطل انتصر على الحق وانه تم حكمي ظلمًا ، ولكن الله يرى كل شيء اللهم سَلمتُك أمري .. الَّذِينَ إِذَا أَصَابَتْهُمْ مُصِيبَةٌ قَالُوا إِنَّا للهِ وَإِنَّا إِلَيْهِ رَاجِعُونَ بالنهاية اعتذر عن الاطالة ولايضل بالكم الله موجود ارحم الراحمين والسلام عليكم ورحمة الله 🌸

شلون التزم بصلاتي مليت وما التزم! هذا اكثر سؤال يجيني دائمًا للأسف تحس انه شي عادي او ذنب بسيط عومًا راح انطيك طريقتي شلون التزمت وكذلك راح اشرحلك شنو حكم تارك الصلاة او الي يقطع بيها وشنو فضل الصلاة واهميتها اريد ركز وياي خلي بالك كله وياي الي منزلها بقناتي ، نبدي بحكم تارك الصلاة ، تارك الصلاة كـ ـافر بدليل حديث نبوي قال الرسول صل الله عليه واله وسلم ، العهد الذي بيننا وبينهم الصلاة فمن تركها فقد كفـ ـر وبحديث آخر بين الرجل والشرك والكفـ ـر ترك الصلاة ، والله بالقران يقول ، بسم الله الرحمن الرحيم فَوَيْلٌ لِلْـمُصَلِّينَ الَّذِينَ هُمْ عَنْ صَلَاتِهِمْ سَاهُونَ ، الله سبحانهُ هنا يتكلم عن الي يصلي ويأخر صلاته الساهون الي يتعمد يأخرها مثلا ديلعب او يخابر ويكمل ويصلي اتوعدهم بالويل والويل هوا العـ ـذاب ، زين اذا الي يتأخر شوي عن صلاته توعده بالويل فكيف انت تاركها؟؟ وتعرف انت أول مايحاسب عليه الإنسان بالاخرة هوا صلاته! لو فجأة انت مـ ـتت شنو مصيرك اكيد بلا تفكير مصيرك لجهنم نعم لا تگلي الله غفور رحيم وانت مو بكيفك تدخله جهنم اذا مركز وياي ف الله هوا الي توعد الي يتأخر عن صلاته بالويل يعني بجهنم هذا الي يصلي ويأخرها وتارك صلاة؟ اذن الجواب من الله اما تگلي الله غفور رحيم نعم الله غفور رحيم يغفر للعبد الي يتوب مو الي ماتائب الله يتوب ويغفر ذنوبك اذا تتوب وتمـ ـوت وانت تائب فعرفت الان مصيرك وين اذا انت تارك صلاة وتمـ ـوت واتذكر انت ماتركت الصلاة فقط انت تركت ركن من اركان الإسلام نجي هسة لفضل الصلاة واجرها اجرها جداً كبير لدرجة ان الله بالقران قال وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ الله يوصيك تستعين بالصبر لان الصبر بي اجر كبير و إضاف الصلاة أيضاً لان الصلاة اجرها كبير وراحة نفسية وشرح للصدر وتكون اقرب لله وتكون بين يدي الله بصلاتك واقرب مايكون العبد الى الله اثناء سجوده ومن اهمية الصلاة يوجد صلوات مستحبة اضافيات غير الصلوات الفرض لعد شكد الصلاة مهمة وشگد الله يحبنا ينطينا صلوات مستحبة حتى نجمع اجر بيهن ونزيد حسناتنا الله يريد يدخلنا الجنة انطانا اشياء واجبة نطبقها واشياء مستحبة غير واجبة بس اجرها جداً كبير حتى تشوف الله شكد يحبنا ، والله بالقران يقول وَمَا قَدَرُوا اللهَ حَقَّ قَدْرِهِ الله يگول ميقدرون الله حق قدره ممنطين لله قدره العظيم تستهينون بصلاة بالعبادة وعادي ف راح انطيك طريقتي شلون التزمت بصلاتي ، جنت اقطع بيها واتركها اسابيع وشهور وما راح تلتزم بصلاتك اله تتيقن اهمية الصلاة ، تحس بعاقبتها بالاخرة وتخاف الله وتحس بأجرها شكد كبير هنا من تتيقن هذن راح تلتزم بيها لان انت شي متعرف قيمتة شلون تلتزم بي مجرد عادة؟ ترا صلاة عبادة وليس عادة مو بس تگوم تصلي لا من تصلي خشوع وعلكيف تنطي للصلاة قيمتها اهميتها فضلها والرسول كان دائمًا ينبه ينصح يرشد امتة على الصلاة من اهميتها واجرها ف اني من بديت التزم تيقنت وخفت امـ ـوت ع لحظة واقابل ربي واني كافـ ـر تارك الصلاة واول عمل احاسب عليه صلاتي وكذلك فكرت وشفت اجرها شگد جبير وكلت اني لو عندي امتحان مو اكعد وادرس الفجر بس للصلاة ما اكوم واتعاجز وتعبان وبردان والنوم يطير يعني افضل النوم ع عبادة الله بس للامتحان اگوم گبل! واذا عندي شغل سفر اگوم بس من اجي للصلاة لا تعبان ومن اكعد الصبح اصلي واساسا الصلاة من تاخرهة بتقصد راح تحاسب أيضاً لان الله توعدك بالويل فيعني بكل الاحوال ميجوز لازم تصليها بوقتها والله بالقران كاللنا الصلاة موقوتة بوقته يعني مو تكعد صبح ع مزاجك تصليها! لازم تثبت أن الشيطان ممسيطر عليك وتگوم لصلاتك وترضي الله بدل ماتعصي وطبيعي تكمل صلاة وترجع تنام ماراح يطير النوم اعتبر امتحانات وتكوم الها لاتبقى تتحجج واذا انت بالدوام بالشغل اذا عندك وقت فراغ بوقت صلاة صليها واذا ماتكدر من يصير فراغ او كلش ماكدرت مافرغت من ترجع للبيت مباشرة تصليها ماتبقها تاخرها اذا نمت بدون قصد غفيت فجأة او انت بسيارة بالطريق او بدون قصد فعادي معذور لكن اول ماتتذكر تصليها مباشرة تگوم واذا التزمت بيها وتبت واستغفرت الله راح يتوب عليك ويغفرلك ان شاء الله بشرط ماترجع تتركها ولاتقطع بيها كل صلاة بوقتها واذا متعرف تصلي فشرح ع يوتيوب موجود الوضوء موجود شرحه وبلش صلي لان محد ضامن نفسه يعيش لبعد ساعة ولاتكول اني مخلصها ذنوب وكلشي مهما فعلت ماتترك صلاة الصلاة ماتنترك ارجع صلي واستغفر اني اريد الخير الك للاخرة ابدي اتعلم من هسة كمل المنشور وروح اتعلم وضوء وصلاة ونزل تطبيق اذان وكذلك خلي منبه اذا ماتكعد او نبه موبايل اهلك وثبت القناة عندك لان اي موضوع ينزل بالقناة يكون بي توعية وحتى تنتفع اكثر 🌸