وَابِـل 𓂆.

بسم الله الرحمن الرحيم الحمد لله الذي جمعنا على ذكره، ونسأله أن يجعل مجلسنا هذا مجلسًا مباركًا، نافعة ثمراته في الدنيا والآخرة. قوانين وضوابط المجموعة: 1- المجموعة خاصة للنساء فقط، ولا نحلل دخول الرجال أو مشاركتهم فيها. 2- يمنع نشر أي مادة أو مقطع يخالف…

بسم الله الرحمن الرحيم الحمد لله الذي جمعنا على ذكره، ونسأله أن يجعل مجلسنا هذا مجلسًا مباركًا، نافعة ثمراته في الدنيا والآخرة. قوانين وضوابط المجموعة: 1- المجموعة خاصة للنساء فقط، ولا نحلل دخول الرجال أو مشاركتهم فيها. 2- يمنع نشر أي مادة أو مقطع يخالف الشريعة الإسلامية. 3- هدف المجموعة: التواصي بالحق، وتبادل الفائدة الشرعية الصحيحة، وتشجيع النساء على الرقية الشرعية والذكر والدعاء. 4- لا يُنشر في المجموعة إلا ما صح وثبت من القرآن الكريم والسنة النبوية، ويُمنع نشر الأحاديث المكذوبة أو الأدعية غير الموثوقة. 5- يمنع الجدل والمناظرات أو النقاشات الحادة في الأمور الدينية أو السياسية أو غيرها مما يسبب بلبلة، فالمجموعة للذكر والفائدة. 6- يمنع نشر صور النساء أو المقاطع التي تحتوي على موسيقى أو ما لا يليق. 7- على كل عضوة التأكد من صحة ما تنشره قبل إرساله؛ فالمجموعة أمانة في عنقك. 8- يجب التحلي بالأدب والاحترام في التعامل، وأي إساءة أو تجاوز مع إحدى العضوات يؤدي إلى استبعادها ولا مجال للتراجع عن استبعادها . 9 - يمنع استخدام المجموعة للإعلانات أو الترويج التجاري منعًا باتًا. 10 - الحرص على أن تكون المشاركات تذكرة بالله، ودعوة إلى الخير، وتشجيعًا على الذكر والرقية الشرعية والقراءة النافعة والتجربة النافعة التي لا تخالف الشريعة. 11 - ممنوع منعًا باتًا تواصل الاعضاء خاص 12- ممنوع نشر مواقعكم الاجتماعية بالمجموعه. ⚠️ تنبيه: من تخالف هذه القوانين سيتم استبعادها من المجموعة حفاظًا على مقصدِها. 🌿 اللهم اجعل اجتماعنا هذا اجتماعًا مرحومًا، وتفرقنا من بعده تفرقًا معصومًا، ولا تجعل فينا ولا منا ولا معنا شقيًا ولا محرومًا https://t.me/+rAs3DD-ywrQ1MGM0

حياكم الله ، سويت مجموعة بنتجمع فيها على خير باذن الله تعالى لكن شروطها جادة اللي ماتمشي على شروطها باجلدها جلد 🔪

السلام عليكم ورحمة الله وبركاته، صباح الخير بنات موجودات ؟

السلام عليكم ورحمة الله وبركاته، فقرة أسئلة بالسناب ، من لديه سؤال فليتفضل . https://t.snapchat.com/dNx9eMBw

هذي الرقيه باذن الله تعالى نافعه. https://x.com/93i_i/status/1699158483386462488?s=46

وَابِـل 𓂆. pinned a file

عشان كذا داخله عليكم الساعه ٢ اقولكم رقيتوا نفسكم واوصيكم بالدعاء وينك عن الدعاء يابنتي ؟ دعيتي ربي يوفقك للرقيه الشرعيه ويسهلها عليك ؟ ادعوا ربي يسهل امركم ويخليكم ترقون نفسكم ويوفقكم للرقيه ويسهل امر خروج الاذى ويعافيكم الدعاء سحر حلال.

المستمر على الرقيه الشرعيه ، تذكر انها فتره فقط وراح تنتهي انتِ استمري فقط. والله كلنا مرينا وتعبنا وشفنا الموت لكن استمري. تعبك هذا لعله لفتره فقط لعل وراه فتوحات كبيره لك وفرج ينتظرك بيعوضك خير عن كل مامريتي فيه وبتنسين هذا كله بس استمري يابنتي وتفائلي خير. انا لو موب شايفه اشخاص كيف حياتهم بعد الرقيه الشرعيه تغيرت للاحسن بمراحل كبيره ماكان والله ماسكه جوالي هالحزه واسولف عليكم الا ان ودي حيل وبخاطري مرهه انكم تصيرون احسن واموركم تتيسر وحياتكم تزين ابي لكم الخير من قلبي لذا استمري وماعليك شر بتزين يابنتي.

وعلى فكره قراءة سورة واحده من المعوذات او الفاتحه ١٠٠ مره على نفسك هذا بالنسبه لي اجتهاد قوي تستحقين عليه صفقه 👏 طبعًا العدد اجتهاد ليس إلا.

لكل مجتهد وباذل نصيب دائمًا اقول واكرر حاجه وحده تذكري ان اللي تمرين فيه (فتره) يعني حياتك مو كلها بتمشي على وتيره وحده لا. اذا اجتهدتي وتعبتي وانهكك التعب مو بس تعبتي تذكري انها فتره وباذن الله تتجاوزين اللي انتِ فيه وعوض ربي بيدهشك.

كثير يمرون على مراحل ضعف اثناء الرقيه الشرعيه ✅ لكن الكسبان اللي يستمر مهما مر على ضعف. مثلا في ناس يكونوا قوه مجتهدين فجأة يحسون نفسهم مجهدين وتعبانين ومنهكين يمر يومهم فقط تكرار ( لا إلـٰه إلا الله وحدهُ لا شريك له لهُ الملك ولهُ الحمد وهو على كل شيءٍ…

كثير يمرون على مراحل ضعف اثناء الرقيه الشرعيه ✅ لكن الكسبان اللي يستمر مهما مر على ضعف. مثلا في ناس يكونوا قوه مجتهدين فجأة يحسون نفسهم مجهدين وتعبانين ومنهكين يمر يومهم فقط تكرار ( لا إلـٰه إلا الله وحدهُ لا شريك له لهُ الملك ولهُ الحمد وهو على كل شيءٍ قدير ) او بعضهم يدعي ان الله يعافيه او يدعي ادعية العين و الحسد او بعضهم يقرأ الفاتحه والناس والفلق والاخلاص وينفث على نفسه المهم ان يومهم مايطوى بدون لا يكون نصيب للرقيه والذكر و الدعاء فيه ولو كانت مبسطه. تذكروا قليلًا دائم خيرًا من كثيرًا منقطع. مو شرط تجهدين نفسك حييييل وتقرأين الرقيه الطويله المهم انك مستمره يابنتي.

بنات تدورن مسكت حالات كثيره المس قاتله الله حتى افكار جنسية يحطها براس اللي تبغى تصلي وتدعي وبعضهم كأنهم يشوفون الافكار امام ناظرهم لكن مستمرين على الدعاء وجاهدوا نفسهم و الله والله وصلوا لمراحل من العوض الجميل ماتتخيلونها ف استمروا اهم شي تتوكلون على الله وتستمرون وتكثرون من الذكر و تتجاهلون الشيطان وباذن الله تعالى خير.

اللي تبغى تتشافى بسرعه وتتيسر امورها تدعي وتكثر من الاستغفار وتصر على الدعاء وتجاهد نفسها ولاتطيع وساوس شيطانها. بتشوف الفرق لان حطي في بالك لعل الله يختبر صبرك لعل الله يختبر صدقك ف انجحي بالاستمرار و عدم الالتفات للوساوس وباذن الله خير و الله اعلم.

طبعًا بعضكم يبغى يقول بس وابل حنا ما نستشعر وقت الدعاء صعب استشعر و يجيني احساس ان ربي مايسمعك و ربي مايحبك بسبب كثرة ذنوبك. الخ اقولك يابنتي تجاهلي هذي المشاعر طيعيني تجاهلي واستمري على الدعاء وألحي حتى و ان كان عقلك مشتت حتى و ان كان ماتستشعرين ولا عندك يقين صدقيني مع الاستمرار على الدعاء و الاصرار بالتجاهل مع الوقت راح تستشعرين ويرزقك ربي اليقين ويشوف صدق اقبالك. انتِ بس استمري وماعليك بيفرجها عليك ربي ودائمًا ادعي ( اللهم وفقني لعبادة الدعاء)

وصيه اخويه اوصيكم اياها. في طريق العلاج بالرقيه الشرعيه اهتموا اهتمام خاص في الدعاء. الدعاء باذن الله تعالى يسرع الشفاء. يعني كذا استشعري انك تطلبين الشفاء من رب الشفاء مباشره. مابينك وبينه احد ولا أي واسطه تكلمين ربك وتدعينه وتتضرعين وتطلبينه الشفاء والعافيه وان الله يسلط على من اعتدا عليك ويفرج همك. مافيه اعظم من الدعاء.