Xorazm viloyati bojxona boshqarmasi|Rasmiy telegram kanali

#donolar_bisotidan #kun_hikmati Donolar bisotidan Qancha yo‘l bosganing emas, yo‘lda qanday inson bo‘lib qolganing muhim. Robindranat Tagor

O‘zbekiston Respublikasi Prezidentining “Odil sudlov – 2030”: Yangi O‘zbekistonda inson huquqlarini ishonchli himoya qiluvchi xalqchil va adolatli sud tizimini barpo etish strategiyasi to‘g‘risida”gi Farmoni — Указ Президента Республики Узбекистан «О Стратегии «Правосудие – 2030»: построение в Новом Узбекистане народной и справедливой судебной системы, надежно защищающей права человека» Prezident.uz|Facebook|Instagram|YouTube|X

Prezident Shavkat Mirziyoyev sud-huquq islohotlarining natijalari va sohadagi ustuvor vazifalarni muhokama qilish yuzasidan sud tizimi rahbarlari bilan uchrashuv oʻtkazdi. Unda “Odil sudlov – 2030” strategiyasi ko‘rib chiqildi. — Президент Шавкат Мирзиёев провел встречу с руководителями судебной системы, посвященную результатам судебно-правовых реформ и приоритетным задачам в этой сфере. На ней была рассмотрена Стратегия «Правосудие – 2030». #Mirziyoyev #uchrashuv #sud #strategiya Prezident.uz|Facebook|Instagram|YouTube|X

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Facebook|Instagram|X

#donolar_bisotidan #kun_hikmati Donolar bisotidan O‘z ustingdan g‘alaba qozonish — eng buyuk g‘alabadir. Platon

#yoshlar #yoshlar_kuni Hikmat va yoshlik uchrashuvi: Navoiy hamda Rumiy o‘gitlari yosh bojxonachilar qalbida Bojxona institutida Madaniyatlararo muloqot va intellektual salohiyat kuni munosabati bilan haftaning payshanba - "Yoshlar kuni" doirasida “Alisher Navoiy va Jaloliddin Rumiy asarlarining falsafiy va axloqiy gʻoyalari”ni yoshlar oʻrtasida keng targʻib qilish maqsadida, ushbu mavzuda tashkil etilgan adabiy kecha boʻlib oʻtdi. Tadbirda Bojxona qoʻmitasi Raisi maslahatchisi U.Pirmuhamedova, Toshkent viloyati, Toshkent shahri bojxona boshqarmalari, ToshAERO IBK hamda Institut yosh xodimlari, kursantlar, shuningdek, mehmonlar, Oʻzbekiston Yozuvchilar uyushmasi aʻzosi, taniqli shoir  Shodi Otamurod, Respublika Maʼnaviyat va maʼrifat markazi "Maʼrifat" targʻibotchilar jamiyati ekisperti, Siyosiy fanlar doktori, dotsent Maxfuza Yuldasheva, Respublika Maʼnaviyat va maʼrifat markazi "Maʼrifat" targʻibotchilar jamiyati hamda Oʻzbekiston Yozuvchilar uyushmasi aʻzosi, shoira Farogʻat Xudoyqulova hamda Bojxona instituti Maʻnaviyat va yoshlar tarbiyasi markazi xodimi hamda Oʻzbekiston Yozuvchilar uyushmasi aʼzosi, shoir Iftixor Xonxoʻjayevlar ishtirok etdilar. Davra suhbati tarzida oʻtgan uchrashuvda masofaviy tarzda hududiy bojxona boshqarmalari ham qatnashdilar. Tadbir davomida soʻzga chiqqanlar ikki buyuk alloma hayot va ijod yoʻli toʻgʻrisida fikr bildirgan holda, qiziqarli maʼlumotlar bilan oʻrtoqlashdilar. Iqtidorli xonanda Elbek Gʻafforov tomonidan ijro etilgan kuy-qoʻshiqlar hamda kursantlar tomonidan taqdim etilgan sheʼriy chiqishlar bayramga oʻzgacha muhit baxsh etdi. Mazkur adabiy kecha yosh bojxonachilar va kursantlar qalbidagi milliy g‘urur hamda vatanparvarlik tuyg‘ularini yanada alovlantirib, ularni buyuk ajdodlarimizning so‘nmas ma’naviy merosidan bahramand etishda muhim qadam bo‘ldi. Navoiy va Rumiyning hikmatli g‘oyalari bilan sug‘orilgan bunday ma’rifiy uchrashuvlar kelajak posbonlarining nafaqat kasbiy salohiyatini, balki yuksak axloqiy va intellektual dunyoqarashini shakllantirishga xizmat qilishi shubhasiz. Bojxona instituti axborot xizmati