Yangiyoʻl tuman hokimligi / Янгийўл туман ҳокимлиги

Munosabat Yangiyoʻl tumani Gulbahor, Navbahor, Umid va Qoratepa mahallalarida daydi kuchuklarni ovlash ishlari tuman Obodonlashtirish boʻlimi tomonidan olib borilmoqda. Shuningdek, Dehqonobod mahallasidagi avariyaviy holatda boʻlgan ichki koʻprik tegishli masʼullar bilan borib oʻrganildi. Oʻrganish mobaynida mazkur koʻprik aholi tomonidan qoʻlbola qoʻyilganligi aniqlandi. Koʻprik qurish talab va meʼyorlariga muvofiq oʻrnatilgan tartibda ishchi guruh tomonidan ish olib borilishini maʼlum qilamiz. Kanalga a’zo boʻlish 👈 ✍️ Yangiyoʻl tuman hokimligi Axborot xizmati Telegram | Instagram |  Facebook | Youtube|Web-site

Birlikda qilingan xayrli ishlar koʻlami ortmoqda Yangiyoʻl tumani Farovon mahalla aholisi tashabbuslarda biz ham boshqa mahallalardan qolishmaymiz deya xayrli ishlarni boshlab yuborishdi. M.Boltaboyev koʻchasi toʻliq va Ziyo koʻchasi 250 metr, jami 2 km masofaga yaqin qatnov yoʻllari hashar yoʻli bilan asfaltlashtirildi. Qoʻshtepaliklar boʻlsa, "Farzandlarimizning xavfsizligini oʻylagan xolda Oʻzbekiston markaziy koʻchasiga hammamiz birlashib svetafor chiroqlarini oʻrnatishga muvaffaq boʻldik"- demoqda. Inoqlik bilan maslaxatni bir joyda jamlab mahalladagi muammolarni ijobiy hal etayotgan tashabbuskorlarga tashakkur! Ular farzandlari taqdiriga, ertangi kunga, yurtimiz kelajagiga befarq emas. Kanalga a’zo boʻlish 👈 ✍️ Yangiyoʻl tuman hokimligi Axborot xizmati Telegram | Instagram |  Facebook | Youtube|Web-site

#Tanqid Yangiyoʻl tumani hokimi O.Ataullayev Darxon mahallasida olib borilayotgan asfaltlashtirish jarayonlarini oʻrganib chiqdi. Ushbu mahallada ayni kunlarda tashabbusli byudjet loyihasi asosida asfaltlashtirish ishlari olib borilmoqda. Oʻrganish mobaynida asfaltlash ishlari koʻrsatilgan talab meʼyorlariga binoan olib borilmayotganini tanqid qilib, jamoatchilik nazorati yoʻqligini soʻzlab oʻtdi. “Aholiga mazkur mablagʻni qoʻlga kiritish oson boʻlmagan. Endi erishdik deganda, vijdonsizlikka yoʻl qoʻyilsa, men bunga jim qarab turolmiman. Men xalq tarafdoriman. Bu yoʻllardan ertaga xalq rozi boʻlib foydalansin”-dedi tuman hokimi. Umumiy hisobda Darxon mahallasi uchun ajratilgan 1 mlrd 300 mln soʻm pul mablagʻlari 3,2 km masofaga sarflanishi koʻrsatilgan asfalt ishlari quruvchi tomonidan davlat talablari meʼyoriga binoan boʻlmayotganligi, loyiha smeta hujjatlari talab darajasida emasligi aniqlanib, tuman hokimi bunga prokuratura xodimlari qonuniy baho berishini aytib oʻtdi. Kanalga a’zo boʻlish 👈