إنِتُ إسًـتُثًـنِآئيّ

بداخلك ما هو أعمق

--- فيه قاعدة في البيزنس أنا بعتبرها هي أساس نجاح ناس كتير أوي، وعلى الرغم من إن القاعدة دي سهلة نظريًا أوي لكنها صعبة جدًا في تطبيقها… وناس كتير مش هتعرف تعملها. إيه القاعدة دي؟ Don't break the silence first.. آه… متستغربش 😅 لأن في عالم البيزنس، الصمت أحيانًا بيكون أقوى من الكلام. ناس كتير فاكرة إن النجاح معناه إنك تفضل تتحرك طول الوقت، تبعت إيميلات، تتابع العملاء، تزن على الصفقات، تثبت وجودك، وتخاف إن الطرف التاني ينسحب لو أنت سكت. لكن الحقيقة إن أوقات كتير أنت لما بتكسر الصمت بسرعة… أنت بتتنازل عن جزء من قوتك. ليه؟ لأن الشخص اللي مش قادر يستحمل الصمت غالبًا هو الشخص اللي محتاج أكتر. والطرف التاني بيحس بده. في التفاوض مثلًا… أصعب لحظة مش وقت الكلام، أصعب لحظة هي بعد ما تعرض السعر أو الشروط وتستنى الرد. هنا أغلب الناس بتتوتر. يبدأ يقول: "ممكن نعمل خصم بسيط" "ممكن نعدل العرض" "ممكن أضيف حاجة زيادة" قبل ما الطرف التاني حتى يطلب أي حاجة اصلا. هو بنفسه بدأ يقلل من قيمة عرضه. ليه؟ لأنه خاف من الصمت. لكن أصحاب الخبرة يعرفوا كويس أوي إن الصمت جزء من التفاوض. الصمت بيخلي الطرف التاني يفكر. يحس بقيمة العرض. يكشف نواياه. وأحيانًا يكون هو اللي يبدأ في تقديم تنازل. وفي العلاقات مع العملاء نفس الفكرة… مش كل عميل محتاج مطاردة منك ولا زن.. اصلا لو حس أنك بتبيع ليه هيهرب منك 😂. فيه فرق بين المتابعة الذكية وبين إنك تبقى بتجري ورا حد مش مقدر القيمة اللي بتقدمها. أحيانًا لما تسكت، أنت بتدي مساحة للطرف التاني إنه يختار. والاختيار الحقيقي هو اللي بيخلق التزام. لكن خد بالك… قاعدة "Don't break the silence first" مش معناها إنك تختفي أو تبقى متكبر أو تهمل الناس. الموضوع أعمق من كده. معناها إنك متتصرفش من مكان الخوف. متتكلمش لأنك خايف تخسر. متتنازلش لأنك خايف الرفض. متجريش لأنك خايف الفرصة تروح. اتصرف من مكان القيمة. الشخص اللي عارف قيمة اللي بيقدمه مش محتاج يثبت نفسه كل ثانية. في البيزنس، النجاح مش دايمًا في إنك تتكلم أكتر… لكن القوة الحقيقية في إنك تعرف إمتى تسكت. العميل الحقيقي هيقرب. الشريك المناسب هيتحرك. والصفقة اللي فيها قيمة هتلاقي لها طريق. لكن اللي بيكسر الصمت دايما لأنه خايف… غالبًا بيدفع تمن خوفه.. هيجذب ناس وعملاء مش مناسبة، بمشاكل أكبر وعوايد أقل. افتكر دايمًا: اللي عنده قيمة مش بيجري ورا القبول… هو بيخلق قيمة تخلي غيرة يختاروه. ---

اغلبية الناس فاهمة إن أهمية اللغة الإنجليزية إنها بس تساعدك تتواصل بيها، أو تجيبلك شغل في مكان كويس، أو تعدّي بيها انترفيو سفر وخلاص... وكتير من الناس بدأوا يتعلموا لغات تانية زي الألماني والإسباني والصيني، ظناً منهم إن اللغة الإنجليزية راحت عليها 😀. بس اللي مش ناس كتير واخدين بالهم منه إن اللغة الإنجليزية هتكون عامل أساسي في نجاحك في أي مجال تقريباً، وممكن أقولك بدون مبالغة والله العظيم ان اكتر من 70% من نجاحك في الإنجليزي بس . لأن الإنجليزي ببساطة هو لغة العلم والمعرفة في العالم. جرّب كده تعمل Search عن أي موضوع بالعربي أو بالألماني أو بالصيني على الإنترنت... هتلاقي المعلومات الموجودة محدودة جداً مقارنة بالإنجليزي، وممكن كتير منها يكون مجرد إعادة تدوير لمعلومات قديمة. لكن جرّب تعمل نفس الـ Search باللغة الإنجليزية... هتلاقي آلاف النتائج: فيديوهات تعليمية. كورسات من أكبر الجامعات. أبحاث ودراسات. كتب ومقالات. مناقشات بين خبراء في المجال. وتلاقي كمان حاجات أنت أصلاً مكنتش تعرف إنك محتاج تعرفها 😂. بس ليه الإنجليزي بالذات؟ لأن الصيني والإسباني والألماني والعربي، وحتى الشخص اللي ساكن في جزر القمر 😅، كل واحد فيهم بيتعلم وبيشارك جزء من معرفته باللغة الإنجليزية. لم دولة زي ألمانيا مثلا تنشر بحث علمي في مرض السرطان مثلا، البحث لم بيجي ينتشر مش هينتشر بالألماني 😅 هينتشر بالأنجليزي. فالدكتور الي عارف انجليزي؟ المعلومة هتوصل ليه قبل الدكنور الي الإنجليزي بتاعة علي قدة 😀. وهكذا في كل المهن.. الإنجليزية بقت زي "المفتاح الرئيسي" اللي بيفتحلك أبواب المعرفة اللي موجودة في العالم كله. يعني تخيل إنك عندك عقل ذكي جداً وعندك شغف تتعلم، لكن كل المصادر اللي حواليك موجودة في مكتبة صغيرة... وفي شخص تاني عنده نفس القدرات، لكن معاه مفتاح يدخل بيه مكتبة ضخمة فيها ملايين الكتب والمصادر والخبرات من كل أنحاء العالم. مين فرصته أكبر؟ مش لأنه أذكى... لكن لأنه عنده وصول لمعلومات أكتر. وده الفرق الحقيقي. اللغة الإنجليزية مش مجرد مادة بتذاكرها في المدرسة، ومش مجرد مهارة تضيفها في الـ CV. الإنجليزي هو أداة بتضاعف سرعتك في التعلم، وبتخليك تتعلم من أفضل الناس في العالم في أي مجال. لو أنت مبرمج، أغلب التوثيق والأدوات الجديدة بالإنجليزي. لو أنت طبيب، أغلب الأبحاث الحديثة بالإنجليزي. لو أنت صاحب بيزنس، أغلب استراتيجيات النمو والتسويق العالمية بالإنجليزي. لو أنت صانع محتوى، أكبر جمهور ومصادر إلهام موجودة بالإنجليزي. لو أنت طالب، هتلاقي فرص تعليم ومنح وكورسات أكبر بكتير. فأة اتعلم الماني وصيني اتعلم كل حاجة 😂 بس لو الإنجليزي بتاعك وحش يبقي انسي أنك تطور في مجالك الرئيسي.

قبل ما تحكم على حد إنه متعالي.. اِبقى اتأكد الأول إنه مش حاططلك -أنت بالذات- حدود

عاوز أقولكم سر يا جماعة بعض الشركات في مصر والوطن العربي، خصوصًا الإمارات وبعض دول الخليج، بتعيّن الناس اللي بتعرف تعرض نفسها بالإنجليزي… مش بالضرورة الناس اللي بتعرف إنجليزي بجد. 😅 لأن في شركات كتير أصلًا مش محتاجة English بالمستوى اللي هي بتطلبه في الإعلان. هم محتاجين واجهة يعني إيه؟ شايف البنت اللي داخلة لابسة Brand، وشكلها Professional، وعرفت تقول 3 أو 4 جُمل بالإنجليزي بـAccent كويس؟ "Hi, . I graduated from… and I'm passionate about communication and teamwork." خلاص يا جماعة… لا عينها 😂 وشايف الشاب الوسيم، لابس Formal، عامل LinkedIn smile، وعرف نفسه بكام جملة حافظهم من فيديوهات الـInterview؟ "Well, I believe I'm a highly motivated person and I'm always looking forward to new challenges." خلاص… حلو أوي، هاتوه 😂😂 مع إنك لو سألته بعد كده سؤال حقيقي محتاج شرح أو نقاش بالإنجليزي، ممكن يبدأ يعمل Loading… "Actually… basically… you know… I mean…" 😅 والأغرب إن الشركة نفسها ممكن ما تحتاجش منه يستخدم الإنجليزي أصلًا بالشكل ده. طب ليه بيحصل كده؟ لأن اللغة الإنجليزية في بعض البيئات المهنية مبقتش مجرد Language Skill بقت كمان Social Signal يعني إيه؟ يعني الإنجليزي ساعات بيدي انطباع إن الشخص: Professional Educated International Confident Upper-class ويعرف يتعامل مع ناس من خلفيات مختلفة. حتى لو كل ده اتقاس من 30 ثانية في Interview. وده بيخلّي الـAccent أحيانًا تاخد أكبر من حجمها بكتير، وأغلبية الناس بقت عاوزة بس تحسن الاكسنت حتي لو هم مستواهم ضعيف اصلا في الإنجليزي . واحد بيتكلم إنجليزي ممتاز، Grammar بتاعه كويس، Vocabulary قوي، ويقدر يفهمك ويرد عليك بوضوح… بس Accent بتاعه مصري. فيتحكم عليه إنه "مش قوي في الإنجليزي". وفي المقابل شخص تاني حافظ شوية جُمل، وعنده Accent حلو، فياخد انطباع إنه Fluent. مع إن الاتنين ممكن يكونوا عكس بعض تمامًا. إحنا فعلًا بنوظف على أساس الكفاءة؟ ولا أحيانًا بنوظف على أساس الانطباع اللي الشخص بيعرف يعمله؟ والحقيقة إن الموضوع مش في الـEnglish بس. ده موجود في حاجات كتير: الشكل، اللبس، طريقة الكلام، الـAccent، الـBody language، اسم الجامعة، حتى طريقة كتابة الـCV. كل دي حاجات ممكن تأثر على الـFirst Impression، وأحيانًا الـFirst Impression تتحول من "انطباع" إلى قرار توظيف كامل. لكن هنا المفارقة بقى 👇 لشركات اللي محتاجة English بجد… غالبًا هتعسّرك في الـInterview. 😂 مش هتقولك: "Tell me about yourself." وخلاص. ممكن تسألك سؤال فجأة وتطلب منك تشرح رأيك. تدخل معاك في Discussion. تديك Scenario وتحطك في موقف محتاج تفكير. تطلب منك تشرح مشكلة لعميل. تغيّر الموضوع فجأة وتشوف هل هتقدر تكمّل ولا هتنهار أول ما تخرج من الكلام المحفوظ. وساعتها الـAccent مش هتنقذك. لأن الفرق الحقيقي بيبان في: هل أنت بتفهم؟ هل بتفكر؟ هل بتعرف تعبّر عن نفسك؟ هل عندك Vocabulary كفاية؟ هل تقدر تتعامل مع موقف حقيقي؟ مش في إنك تعرف تقول: "Nice to meet you, I'm a hardworking and passionate person." 😂 وعشان كده لو أنت بتتعلم English عشان الشغل، متخليش هدفك إنك تبان Fluent. خلي هدفك إنك تكون قادر تستخدم اللغة فعلًا لأن فيه فرق كبير جدًا بين: Speaking English و Performing English. الأولى مهارة. التانية Performance. والـPerformance ممكن يجيبلك Interview… لكن في الآخر المهارة هي اللي هتخليك تكمل.

في كلمات هتفهمها من السياق، كلمات مش مهمة، كلمات هتقابلها مرة تانية، وكلمات تستحق إنك تركز فيها بشكل مباشر. مش كل كلمة Unknown Word هي Project. أحيانًا أفضل قرار تعليمي ممكن تعمله هو: كمل. لأن هدفك مش إنك تخرج من الصفحة مترجمها. هدفك إنك تخرج فاهم الرسالة. وده يقودنا لفكرة مهمة جدًا عند Stephen Krashen: Comprehensible Inputs الفكرة ببساطة إنك تحتاج تتعرض للغة في شكل تقدر تفهم معظمه، وفي نفس الوقت يكون فيه قدر من الجديد يوسع قدرتك. لكن خد بالك: Comprehensible مش معناها Easy. لو كل حاجة سهلة جدًا، مش هيكون فيه تحدي كفاية. ولو كل حاجة صعبة جدًا، أنت مش قادر تبني المعنى أصلًا. عشان كده لو مستواك A1 ورميت نفسك في محاضرة أكاديمية مليانة مصطلحات وأفكار مجردة على مستوى B2/C1، المشكلة مش إنك «غبي في الإنجليزي». أنت ببساطة بتتعامل مع مدخلات أعلى من قدرتك الحالية على المعالجة. زي طفل عنده خمس سنين وبتديله كتاب أكاديمي عن الحرب العالمية وتأثيراتها الاقتصادية والاجتماعية والسياسية. هل المشكلة إن الطفل غبي؟ لا. هو ببساطة لسه ما عندوش اللغة ولا الخلفية المعرفية ولا المفاهيم المطلوبة عشان يستوعب المحتوى. وده مهم جدًا: صعوبة اللغة مش كلمات بس. ممكن الكلمات تكون سهلة، لكن الفكرة نفسها صعبة. وعشان كده المحتوى لازم ينمو معاك تدريجيًا، من مواقف بسيطة ومباشرة، لمحتوى أوسع، وبعدها أفكار مجردة، ثم لغة أكثر دقة وتعقيدًا. مش لأن مخك عنده زرار A1 وبعده B1، لكن لأن لتعقيد اللغوي والمفاهيمي لازم يزيد تدريجيًا. وهنا نيجي لمشكلة النسيان. ناس كتير بتقول: «أنا ذاكرت الكلمة دي، بس نسيتها!» أحيانًا المشكلة مش إن ذاكرتك ضعيفة. المشكلة إن الكلمة ما أخدتش فرص كفاية تدخل في شبكة طويلة المدى. مثلًا: reluctant ممكن تحفظها: reluctant = متردد / غير راغب وبعد أسبوع تنساها. لكن لو قابلتها في: He was reluctant to apologize. وبعدين: She seemed reluctant to accept the offer. وبعدين: I was reluctant to tell him the truth. وبعدين قابلت: reluctance وبعدين سمعتها في فيلم، وبعدين استخدمتها بنفسك… أنت هنا مش بتتعلم كلمة واحدة. أنت بتبني شبكة. وده أقوى بكتير من حفظ ترجمة منفصلة. وعشان كده، لما تقابل كلمة جديدة، بدل ما يكون أول سؤال: «يعني إيه بالعربي؟» ابدأ تسأل: What does it mean here? What is happening? Can I understand it from the context? What words usually come with it? Can I find another example? Can I use it myself? Is it formal or casual? Is it positive, negative, or neutral? لأنك كده بتنقل نفسك من: WORD → TRANSLATION إلى: WORD → CONCEPT → CONTEXT → USAGE وده هو الفرق بين إنك تكون بتجمع كلمات، وإنك فعلًا بتبني لغة. فالمرة الجاية لما تقابل كلمة جديدة، ما تحاولش تمنع العربي ولا تعتبر القاموس عدوك. اقرأ الجملة. شوف الموقف. حاول تستنتج. شوف مثال تاني. اسمع الكلمة. استخدمها. ولو لسه محتاج… افتح القاموس. لكن استخدمه كأداة، مش كعكاز. لأن هدفك في النهاية مش إنك تبقى ممتاز في: English → Arabic هدفك إن الإنجليزية نفسها تبدأ تبقى: English → Meaning وساعتها هتبدأ تلاحظ حاجة جميلة جدًا… في البداية هتسمع جملة بالإنجليزي وتترجمها. بعد فترة هتترجم أقل. بعدها هتفهم الجملة مباشرة. وبعدها تبدأ تتوقع الكلام، وتفهم expressions كاملة، وتستخدمها من غير ما تقف تفكر في كل كلمة. لحد ما تيجي اللحظة اللي حد يقولك فيها جملة بالإنجليزي، تفهمها، تضحك، وترد… وبعدها بثواني تستوعب: «استنى… أنا ما ترجمتش.» وهنا تعرف إن حاجة مهمة حصلت. أنت ما بقيتش بتتعامل مع اللغة كمادة دراسية. أنت بدأت تتعامل معاها كـ نظام معنى حقيقي. وعشان كده، المرة الجاية لما كلمة تقابلك، ما تسألش مخك فورًا: «يعني إيه بالعربي؟» استنى ثانيتين. حاول تفهمها. حاول تحسها. حاول تشوفها في السياق. لأن السؤال الأول بيدور على كلمة لكن السؤال التاني بيبدأ يبني عندك لغة. What does this mean? جرّب تسأل نفسك السؤال ده أكتر. ممكن تكتشف إنك مش محتاج تترجم كل حاجة زي ما كنت فاكر. 😅 منقول

ممكن تركز معايا لأن الكلام ده مش هتسمعوه من كتير، ومش ناس كتير هتقولك عليه بالطريقة دي… سبب فشل ناس كتير في أي لغة، وسبب الخوف والارتباك الزايد، وعدم الثقة بالنفس، والإحساس إنك «بتنسى كل حاجة»، ممكن يكون مرتبط بحاجة بنعملها من أول يوم: الترجمة. وخلي بالك، أنا مش بقولك إن الترجمة أو القواميس وحشة أو ممنوعة؛ بالعكس، هما أدوات مفيدة جدًا. المشكلة بتحصل لما الأداة تتحول لطريقة التفكير الأساسية في اللغة. يعني لما تسمع كلمة بالإنجليزي وأول سؤال يطلع تلقائيًا في دماغك: «يعني إيه دي بالعربي؟» أنت كده بتدرب مخك على مسار معين: English → Arabic → Meaning لكن الهدف مع الوقت إنك تقرّب من: English → Meaning وده فرق ضخم جدًا. لأن اللغة مش قاموس. اللغة مش مجموعة كلمات كل كلمة قدامها ترجمة بالعربي. اللغة شبكة ضخمة من الأصوات، والصور، والمواقف، والمشاعر، والسياقات، والعلاقات بين الكلمات. خد مثلًا كلمة COLD Cold weather. Cold water. A cold person. A cold response. Cold eyes. لو أنت حفظت: cold = بارد أنت حفظت ترجمة، لكنك لسه ما بنيتش بالضرورة «مفهوم» الكلمة بكل استخداماتها. وده جزء مهم جدًا من أبحاث الباحثة Aneta Pavlenko عن العلاقة بين اللغة والمفاهيم والذاكرة عند ثنائيي اللغة: تعلم كلمة في لغة جديدة مش مجرد إنك تاخد كلمة من لغتك الأولى وتحط جنبها كلمة من اللغة الثانية. مع الوقت، أنت بتبني روابط مفاهيمية مرتبطة باللغة الجديدة نفسها. يعني ببساطة: English word ≠ Arabic word مش بالضرورة. وده يفسر ليه ممكن تكون عارف ترجمة كلمة، ومع ذلك مش عارف تستخدمها بشكل طبيعي. لأنك حفظت «المقابل»، لكن لسه ما بنيتش شبكة الاستخدام. وعشان كده لما واحدة تسألني: بخيل يعني إيه بالإنجليزي؟» أنا مش هجاوبها بكلمة واحدة وخلاص. لأن «بخيل» ممكن تتقال بأشكال مختلفة جدًا حسب المعنى والسياق والنبرة: Cheap: He is cheap and never buys gifts. Frugal: She is very frugal and knows how to save money. Stingy: He is stingy and hates spending money. Miserly: He was miserly and refused to help anyone financially. Skinflint: The old man was known as a skinflint and never gave money to charity. Parsimonious: His parsimonious habits have made him wealthy but lonely. والاف الكلمات التانية بجد 😃 بس خد بالك من حاجة مهمة جدًا: مش معنى إننا بننتقل من كلمات بسيطة لكلمات أصعب إننا بنطلع «نسخ C2 من كلمة بخيل». مستويات CEFR مش سلم مرادفات. Frugal مثلًا ممكن تكون إيجابية؛ شخص بيعرف يوفر ويستخدم فلوسه بحكمة. أما stingy فغالبًا فيها حكم سلبي، و miserly أقوى، وskinflint فيها نبرة واضحة جدًا، وparsimonious رسمية وأقل شيوعًا في الكلام اليومي. شايف المشكلة فين؟ لو حفظت: بخيل = stingy أنت ما اتعلمتش الكلمة بالكامل. أنت اتعلمت جزء صغير جدًا من عالمها. وده بالضبط ليه اللغة مش «ترجمة كلمات»، لكنها بناء شبكة من المعاني والاستخدامات. وهنا بقى نقطة مهمة جدًا عن فكرة «التفكير بالإنجليزي». ناس كتير تقولك: DON'T THINK IN ARABIC! وكأنك تقدر تقفل العربي من دماغك بزرار. لا. الموضوع مش كده أصلًا. أنت مش محتاج تمسح لغتك الأم، ومش مطلوب تمنعها بالقوة. المطلوب إنك تبني روابط مباشرة وقوية بين اللغة الجديدة والمعنى. الطفل الصغير لما يسمع: Give me the ball. مش بيعمل: Give = أعطني me = لي the = الـ ball = كرة وبعدين يجمعهم. هو بيفهم الموقف نفسه. فيه شخص، وفيه كرة، وفيه طلب، وفيه فعل. المعنى بييجي كوحدة واحدة. وده الاتجاه اللي إحنا عايزين نقرب منه كل ما مستوانا يزيد. لكن هل معنى الكلام إن القاموس ممنوع؟ طبعًا لا. ودي نقطة لازم تكون واضحة عشان ما نحولش الموضوع لشعارات. في دراسة لـ Hulstijn وHollander وGreidanus سنة 1996، الباحثون درسوا طرقًا مختلفة لمساعدة متعلمين متقدمين في الفرنسية أثناء القراءة، ووجدوا إن تقديم المعنى والمساعدة ممكن فعلًا يدعم تعلم بعض الكلمات، خصوصًا مع إعادة ظهورها في النص. يعني: القاموس ممكن يساعدك. لكن: القاموس مش هو اكتساب اللغة. وده فرق ضخم. لأن اكتساب اللغة محتاج تعرض، وسياق، وتكرار، واستدعاء، واستخدام، وفهم، وتفاعل. وفي أبحاث Laufer وHulstijn عن فكرة Involvement Load ظهر إن عمق تعامل المتعلم مع الكلمة والمجهود الذهني اللي بيبذله في فهمها واستخدامها له دور مهم في الاحتفاظ بيها. يعني إنك تشوف الكلمة مرة في قائمة مش زي إنك تشوفها، وتفهمها، وتقابلها تاني، وتحاول تستخدمها، وتسمعها في سياق مختلف. كل مرة بتضيف رابط جديد. وده سبب مهم جدًا إنك مش لازم تحفظ كل كلمة تقابلك. لو بتقرأ صفحة وفيها 15 كلمة جديدة، مش لازم توقف عند الـ15 كلهم.

طبيعى جدا فى الأول تحس انك تايه و فى تجمد سواء فى التفكير باللغه أو حركه اللسان فى النطق بس اللغه رحله مش هدف فى حد ذاتها معايشة و شعور بالتفاصيل و عشان كدا مش مهم الوقت بقدر جودة التعلم نفسه

https://youtu.be/An_HiTbkoEI?si=ETzCKmE9HcSvQxqD

https://youtu.be/RuGmc662HDg?si=HsKHCZKHM20Gqm2J

https://youtu.be/804e5iDYzSc?si=t8cK6i161BAZ7fbD الدرس الأول A1

هنبدأ ب ٣ قنوات دول مع بعض أهم حاجه الإستماع، التكرار ، النطق ، الكتابه ، المراجعة انا اخترت تبقا قنوات الفرنساوى و الالمانى النطق فيها من انجليزى لألمانى بحيث الانجليزى بيتطور معاك فى كل خطوة ، و عشان تنسى الترجمة و التفكير بالعربى لكن تترجم من انجليزى لفرنساوى من انجليزى لألمانى و إن شاء الله فى مستويات متقدمة يبقا من المانى لإنجليزى و هكذا

إنِتُ إسًـتُثًـنِآئيّ pinned «هنبدأ إن شاء الله محتوى لتعلم اللغات ( انجليزى، فرنساوى، ألمانى ) من البداية خالص لحد مستوى B1 من البيت نظرا للظروف الاقتصادية الصعبة الحالية بس طبعا مش هنستسلم لها و هنضبط و نطور مهاراتنا مع بعض هنزل كل يوم فيديو لكل لغه بسيط جدا و كل شوية نزود الوقت…»

هنبدأ إن شاء الله محتوى لتعلم اللغات ( انجليزى، فرنساوى، ألمانى ) من البداية خالص لحد مستوى B1 من البيت نظرا للظروف الاقتصادية الصعبة الحالية بس طبعا مش هنستسلم لها و هنضبط و نطور مهاراتنا مع بعض هنزل كل يوم فيديو لكل لغه بسيط جدا و كل شوية نزود الوقت و الصعوبة ده غير التدريبات إللى هتنزل بس مش حاليا ، شوية كدا

مبادئ رايقة لحياة أكثر روقانًا (على قد ما نقدر يعني): • الحوار اللي مش طرف فيه، مليش دعوة بيه. • وعليه؛ مش لازم رأيي أقوله في كل حاجة. • وعليه.. وقت أطول ليا، وفرهدة أقل.. وصراعات أقل بكتير. • الحياة قصيرة.. وبالتالي نستمتع ما أمكن. • وبما إننا مسئولين عن حياتنا.. فهي دي اللي تستحق وقتنا وتركيزنا وطاقتنا. • نوم كفاية- ميا كفاية- خضار وفاكهة.. ونقلل مساحات الناس اللي بتحب المشاكل والصراعات في حياتنا.. الحدود جميلة وطيبة وبتخلينا أروق. • التمشية.. فصلان ورياضة وترتيب جميل. • تاني.. اللي مليش فيه، مليش دعوة بيه.. ونبص في ورقتنا. • نستخدم جسمنا ما أمكن؛ وخصوصا لو حد شغله مكتبي.. رسم.. رياضة.. زراعة.. غسيل مواعين.. إلخ • روتين مسائي ثابت.. ده بيساعدنا نعلِّم مخنا الحد الفاصل بين وقت اليوم، ووقتي أنا ووقت النوم.. حمام- مشروب دافي- قراءة- مرطب.. إلخ • روتين صباحي.. فطار أو نصحى نجهز بهدوء ونتمشى شوية، ونسمع العصافير أو نتأمل السما. • التباطؤ.. حركات هادية، وبالراحة ونقلل جري.. دي القاعدة. • ملناش دعوة بحد، ويُفضل محدش (غير المقربين) يبقى له دعوة بينا.. • المدخلات اللي بندخلها حياتنا وجسمنا.. هيترتب عليها المخرجات والنتايج.. الأكل/المحتوى/والناس. فنختار بعناية. • وعليه.. نختار ناس طيبة لطيفة قعدتها حلوة، ووجودها فارق بشكل إيجابي، والباقي الحد الأدنى وخلاص. • وعليه.. يا ريت تبقى شخص لذيذ لطيف.. لسانك طيب، بتقول كلام حلو لنفسك وللآخرين.. أو تسكت كحد أدنى. • نخلي عندنا خطط وأهداف طيبة نشتغل عليها وتشغلنا.. بدل ما الفضا والفراغ يخلينا نتتبع الفارغ وغير المجدي واللي مضر وخلاص. • نوسّع الموارد والقدرات، ونشوف الوفرة في نفسنا وفي الحياة. ده هيخلينا نقلل قفش ونتبسط أكتر. وأخيرا.. الروقان والهدوء مش عكس الإنجاز.. حالة اللهاث والجري دي اللي بتتروج لصالح الرأسمالية وطبعا عجلة الاستهلاكية، والسياسات اللي وراها. لأنك لو وقفت هتفكر، ولو فكرت هتتساءل، ولو تساءلت هتكتشف حاجات.. وارد تعترض عليها.. إلخ

"‏ربنا يصبر كُل واحد عايش بابتلاء خَفي عن عيون اللي حواليه وبيتألم بسببه بس.. لا حد شايفه وبيطبطب عليه ولا هو نافع يحكي حاجة عنه ربنا يصبرنا على أذى الدنيا ويعوضنا خير."

لا تبذل مجهودًا كبيرًا مرة واحدة فتُرهق، لكن استمر حتى لو شيء بسيطًا كل يوم