Zarina Zarif

Darsdan: Kelajak Allohning hududi. Qanday bo'ladi, nima bo'ladi o'ylab, fantaziyalar qilib biz faqatgina bugungi quvvatimizni berib qo'yamiz. Hozirdan zavqlanaylik. Kelajak qo'rquvi egallashi bolalikdan psixikamiz chiqazgan qaysidir xulosalar ta'siridan. Buning ildiziga yetish kerak. Kelajakdagi hech qanday rezultat kafolatlanmagan. Bizdan faqatgina ichki ishonch, nimaiki bo'lmasin Allohning rahmati, hikmati albatta bo'ladi. @zarina_zarif

Psixolog menga mos kelishi, tushishi kerakmi? Albatta. Tasavvur qiling, sizda ko'proq diniy fikrlash kuchli. Qilayotgan xatti-harakatingizni din tarozisida o'lchaysiz, lekin siz borgan mutaxassis sizga yot bo'lgan shaklda fikrlasa-you, sizning xavotiringizni anglamasa… Yoki u sizga aytayotgan gaplarini o'zi yashab ko'rmagan bo'lsa, ersiz bo'lib er bilan munosabatni o'rgatsa, farzandsiz bo'lib, farzand haqida gapirsa… Ha u yaxshi nazariyani bilishi mumkindir, lekin gapida qiymat bo'lishi uchun, sizga ta'siri bo’lishini bilishi uchun ham aytganini yashab ko'rishi kerak-ku. Ustozimiz aytadilar, o'zi amal qilib, natijasini ko'rmagan mutaxassis aslida mijoz bilan "Psixolog-mijoz" o'yinini o'ynab yuraveradi deb. Rostdan ham shunday, unda hech bo'lmaganda o'zining hayotiy tajribasida shu bilimlarni qo'llagan keysi bo'lishi kerak. Psixologni xirurg bilan solishtiriladigan misollarga boshqa qo'shilmayman, nazariya va amaliyot baribir boshqa-boshqa masala. Shuning uchun psixologdan tajribasi, diplomi va o'zi natija olganmi yo'qmi so'rashdan uyalmaslik kerak. @zarina_zarif

Ҳаммага хайрли кеч! Психологияга бағишланган постларимни соғинганлар борми? Жон деб кўп нарсани сиз билан бўлишардиму, гоҳида етарли жавоб (отклик) олиаганимга ёзгим келмай қолади... Агар сизга қизиқ бўлса лутфан қандайдир ҳисбелги (реакция) қолдирсангиз, мен учун ёзишдан маъно пайдо бўларди🙏

Хабарингиз бор, психолог сифатида ҳозир ўз фаолиятимни бошлаганман. Консультацияларда ҳозирча мени билган, таниган, ишонган инсонлар билан ишлаяпман. Бугун психотерапияда мижоз учун муҳим бир омил - психолог/терапевтнинг айнан ишончли, ўзи айтаётган сўзларини яшаб ўтган, самимий алоқа ўрната олишни билиши эканини ўқидим. Шунда тушундим, нега танишларим менга ишонишганини. Улар мени жонли билишади, кўп суҳбатларимиз бўлган ва ўйлашимча ҳаёт тарзимдан хабардор эканликлари ҳам бунга сабаб бўлса керак. Нима дейсиз, агар сиз психолог танламоқчи бўлсангиз - нимага эътибор қилардингиз? Ишлагансизу, сизга тўғри келмаган мутахассис қайси сабаб билан ёқмаган?

Бугун бироз узун пост бўлади, сизга яхши англаш бўлади деб ўйлайман. Университетда ўқитувчи бўлиб ишлаганимда, бир кулгули айни пайтда эса менталитетимиздаги оғриқли бир вазият бўлганди. Бинодаги лифт камроқ одам кўтарар, сал кўпроқ чиқилса ёпилмай, туриб қоларди. Шу қизга тушақолинг десам, ман ўқитувчиман дейди. Ҳа хўп, манам ўқитувчиман дедим. Бахтимизга лифт амаллаб тушиб кетди, бироқ шу қизни вазиятга билдирган аргументига кулгим келди. Биласизми, бизда негадир кимдандир сал юқорироқ бўлса, ёши каттароқ бўлса, бошқалар унга ҳурмат-иззатда мажбур, керак бўлса қуллуқ қилсин қабилида муносабат шаклланган. Ёшингиз кичикроқ кўринса, ўйламай сенсираш, беписанд муомала қилиши мумкин. Шундайлар чегарангни бузганда ҳимоя қилсанг, бетгачопар одобсизга чиқариласан. Индамай кетсанг ўзингни асабинг бузилиб юради. Хўш нима қилиш керак? Аста-секинлик билан сиз ҳам аллақачон улғайган, катта бўлган эканингизни ўзингизга эслатиш, қаердадир чиройли шаклда чегарангизни кўрсатиш, сизга бу муомала оғриқли бўлганини айтиш керак. Сиздан ёши катталар орасида бўлсангиз, сиз автоматик кичик "ёш бола" бўлиб қолмайсиз ёки энг қарисиман, ўргилай бўлсангиз ҳам, бу сизга абсолют ҳукмронлик бермаслигини англанг. Исломдаги ҳурмат-иззат билан, ўзбекчиликдаги ҳурмат-иззатни фарқи бор, қадрдонлар. Биз нафақат ўзбек, аввало, мусулмон бўлайлик. Ахлоқимизни шу мезонга кўра ўлчайлик, лутфан... Бу ҳолатни психолог билан гаплашганимда, мана шундай хулосалар чиқардим. @zarina_zarif

Иссиқда ўзингизни эҳтиёт қилинг, ҳаво сабабли ланжлик бўлса, ўзингизга нисбатан талабчан бўлманг. Бу табиат ҳодисаси давомида танага эътибор қилиб, унинг эҳтиёжларини приоритетга қўйиш керак. Самарадорлик ва натижалар бироз кутиб тура олади. Вазифалрингизни перфекционизмга берилмаган ҳолда, қўлингиздан келганча қилиб қўяверинг🫶 Қаттиқ жазирама пайтида Расуллуллоҳ алайҳиссалом пешин намозини бироз кечроқ суриб ўқишни тавсия қиларканлар. Инсон тоқатига ортиқ вазифалар бўлишини улар ҳам яхши билганлар ва ибодатни ҳам шунга мувофиқ, юмшоқлик билан тарғиб қилганлар. Ўзингизни қадрланг, сизга соғлик ва салқинлик тилаб @zarina_zarif Постни перфекционист яқинларингизга ҳам юборсангиз, манфаатли бўлар✨

🌡️ 13–17-iyul kunlari kuchli issiq kutilmoqda! Havo harorati ayrim hududlarda 44–46°C gacha ko‘tarilishi mumkin. Issiq kunlarni yengilroq o‘tkazish va elektr tarmog‘iga yuklamani kamaytirish uchun: 🔌 Foydalanmayotgan jihozlarni tokdan uzing. ❄️ Konditsionerni 24–26°C da ishlating. 🌱 O‘simliklarni ertalab yoki kechqurun sug‘oring. ☀️ 11:00–14:00 oralig‘ida imkon qadar tashqarida bo‘lmang. 💧 Ko‘proq suv iching, yengil ovqatlaning. Oddiy odatlar nafaqat sog‘lig‘ingizni, balki elektr energiyasini ham asrashga yordam beradi.

Channel name was changed to «Zarina Zarif»

Иссиқ ҳавода сиздаям "тормозланиш" бўладими? Негадир миям илмий матнларни қабул қилмаяпти. Бадиий китобларни кўпроқ ўқияпман, китоблар ҳақидаги каналимни ҳам яна юритишни бошлаганман. Ўзим ўқиган ниҳоятда комфорт берадиган китоблар билан бўлишяпман. Рус тилида бўлишига қарамасдан, улашяпман, кимгадир қизиқ бўлар... @kitoblar_sinoati

https://c.org/yhZvhXzq7K Hayvonlarni asrash va ularga shafqatsizlikni cheklash haqida petitsiya🙏

Сабаб ва натижа, сабаб ва оқибат ҳақида Сабаблар қилиниши керак, ҳамма нарсада. Интилиш, куч, вақт сарфланиши керак. Лекин оқибати ҳар доим айнан шу сабабга яраша бўлиб қолаверади дегани эмас. Натижа Аллоҳдан. Дейлик қаттиқ ишлаб, пул топиб нимагадир эришмоқчисиз. Тиним билмаяпсиз, қўлиздан келганини қиляпсиз. Лекин ўхшамаяпти. Натижа сиз истагандек тугамади. Буни тан олиш керак. Рози бўлиш керак. Сиз Худо эмассиз. Сиз бандасиз. Сиз режа қиласизу, лекин унда сиз учун хайри борми йўқми билмайсизку. Ҳадеб ҳамма нарса ўзимга (одамларга) боғлиқ деб чиранавермаслик керак. Эслаб туриш керак киммизу, кимдан кимга шикоят қиляпмиз, ортиқча масъулият юклаяпмиз... @zarina_zarif

Вақт энг катта ресурс. Бирор нарсага эришиш учун (хоҳ муваффақият, хоҳ моддий) вақт керак. Узоқ вақт ва энергия ҳисобига қурилган ёмон одатдан, фикрлаш йўлидан қутилиш учун яна шунча сабр билан қилинган кичик такрорлар керак. Бунга эса вақт керак. Хуллас, бировнинг 20чи даражасига бориш учун меҳнат қилмай фақат солиштириб, орзу қилиш билан иш битмайди. Ҳар куни нафс билан курашиб қилинадиган танловлар, фикрлар, ниятлар, ҳаракатлар эвазига тақдиримизнинг бошқа бир йўлини кашф этамиз. @zarina_zarif

Ички болалик оғриқларини, ўтмишни даволаш учун - тана билан шуғулланиш керак. Тананг эҳтиёжларини вақтида қондиришинг, соғлигингни асрашинг - ўзинг билан контакт бор эканини билдираркан. Танасини ўласси қилиб ишлатиш, касалликларга олиб келиш, бепарво бўлиш - ғирт масъулиятсизлик. Сурункали касалликка учраган кўпчиликда мана шу бепарволик бор ва бу яхши эмас. Тана омонат эканини билиб туриб, унга зарар етказиш абсурд эмасми?! Хуллас, шуларни ўрганиб, амал қилиб юрибманда @zarina_zarif

Инсон учун ҳис қилиш ва яшаб ўтиш энг қийин бўлган ҳиссиёт бу - уят! Ғам-қайғу, хурсандчилик, қўрқув барчаси бир кун келиб яшалади, тан олинади, қабул қилинади. Лекин уят ундай эмас. Айниқса бизнинг жамиятда уят катталар қўлидаги кучли манипулятив воситага айланган. "Уялмайсанми сен тенгилар ундай, уялмайсанми бунақа қилишга ва ҳ.к.з"... Уялган одам ёки умуман ўз қобиғига кириб ҳаммадан бекинади ёки ўзини оқлаб, уялтираётган томонга айбдорликни сингдиради. Нима қилиш керак, хўш? •Уялмаслик керак; •Оддий инсон эканингизни, бошқалар ҳам худди сиздек эканини англаш; •хато қилиш ҳуқуқингиз бор ва хато қилиб қўйиш асло уят эмаслигини ўзингизга ва бошқаларга эслатиш; •сизни уялтирмоқчи бўлиб, манипуляция қилишса, ўзингизни ҳимоя қила олишни ўрганиш - менга бу гап ёқмади, келинг бу ҳақида гаплашмаймиз шаклида фикр етказиш; •ўз реал ҳозирги ҳолатингизни, бўлиб ўтган воқеаларни тан олиш ва рози бўлиш. Бунда ҳикмат борлигини эслатиш. Уят жуда оғир туйғу. Ўзбек жамиятидаги одамлар гапиради, нима дейдининг тагида ҳам аслида уят ётади. ( Уят билан ҳаёни адаштирмаслик керак, бу иккиси умуман бошқа ҳолатларда пайдо бўлади) Қизиқ бўлдими? @zarina_zarif

Қадрдонлар, ассалому алайкум! Кутилмаган кучли стрессдан кейин ўзимга келяпман. Албатта туйғуларим, фикрларим билан ишлаш, яқинларимдан қўллаб-қувватлов ( ҳамма яқинларимиз ҳам бунга қодир бўлавермайди, кўпчиликдан тушуниш ва ёрдам кутиб қўйиш - қайтанга сизга янаям оғир бўлади), табиат ва яхши уйқу менга ёрдам беряпти. Ҳаёт ана шундай кутилмаган раундларга бой ўйинга ўхшаяпти менга. Ўтиб оласан, кейин янги босқич, ўтолмасанг яна қайтасан, хуллас қизиқ. Айтганча, шахсий консультация ўтказишни бошладим. Алҳамдулиллаҳ мен ҳам, мижозларим ҳам ҳозирча мамнунмиз)) Консультациям нархи 350 минг, 1,5 соат давом этади. Истовчилар бўлса, боғланишингиз мумкин🫶 P.S. Яна бир ғоя ҳам келди, асли Навоий шаҳриданман ва тез-тез бўлмасаям келиб тураман, агар навоийлик бирор кимга ҳам консультация керак бўлса, далолат қилсангиз бўлади, вақтимизни келишиб, ишласак бўлади🫶 @zarina_zarif

Динимиз шошмасликка буюради. Роббимизнинг ҳам шундай сифати бор, У ҳеч қачон шошмайди. Лекин инсоннинг ақли, шайтон фитналари доим шоштиради. Шошиш хавотирга, қўрқувга солади. Хотиржам бўлишга қўймайди. Яқинда англадим, мутлақ хотиржам бўлиш, ҳақиқий мўмин бўлиш осон эмас экан. Неча асрлик қонунлар, қўрқувлар бизни ўз асири қиларкан. Улардан озод бўлмай, борлигини англамай туриб тинчланиш, Яратганга ишониш қийинлик қиларкан. Қўрқувлар билан албатта ва албатта ишлаш керак. Уларни илдизини англаш, ўзини қўрқув хуружида тинчлантиришни, Аллоҳга таянишни ўрганиш керак. Бунинг учун илм олиш ва амал қилиш керак https://t.me/zarina_zarif

Канални очиб қўйдим, улашиш ҳам мумкин. Фақат олинганда, муаллиф ҳуқуқига риоя қилинсин, лутфан🙏

Синовли кунларда ўзини қандай тутиш керак? Ёки муаммога ҳаддан ташқари кириб кетиб, у билан курашиб ечим излаш, ёки муаммога бўйсуниб қурбон позициясига тушиб қолиб, нолиб ўтириш. Ёки муаммони қабул қилиб, ана шу нарса айнан сенинг ҳаётингда бўлаётганини тан олиш ва шундан келиб чиқиб, иш тутиш. Охирги позиция жуда оғир. Нафсга қийин. Ҳиссиётга берилгинг, бечара бўлгинг, шу "ифлосликка" туширганларни бўралатиб сўккинг келади-ю, лекин оқибати яхши эмаслигини билиб ўзингни тиясан... Хуллас, етуклик, бировларни айбламай яхши ҳаётинг учун курашиш осонлик билан келмайдиган йўл. Лекин бу синовдан кейин кучли бўлишингни билсанг, ўзгариб яна улғайганингни билсанг бунга сабр қилиш мумкин. Хулласдее... Аллоҳ ҳаммамизга кифоя қилсин🙏