Mohamed Tair

إذا كانت اللقاحات تحمي الناس من الأمراض, فكيفاش نحميو الشباب ديالنا من إرتكاب الجرائم العنيفة؟! هاد الدراسة لي تنشرات فمجلة Science تعطي و تكشف على لقاح سلوكي لهادشي .. ‏فكل نهار فميريكان كتوقع جرائم قتل كتسيفط 150 شخص للقبر و تقيس أكثر من 6000 شخص بجروح خطيرة .. و هاد الظاهرة خلات علماء الإجتماع يقلبو على كيفاش يمكن ليهم يمنعو العنف قبل ما يطرا .. لقاو العلماء فهاد الدراسة أنه كاين فئات تدير الجرائم أكثر من غيرها, وهم غالبا ذكور, و أعمارهم تتكون بين 15 و 27 سنة .. و عندهم جوانب مستضعفة, بحال كونهم عزاب و من أحياء فقيرة, و كيعانيو من البطالة و بالعادة من العرق الأفريقي .. ♻️ فواحد الدراسة أخرى بعنوان : Meta-analysis of Sex Differences in Aggression, علماء سيكولوجية الجريمة فكاع البيانات الجنائية العالميّة لاحظو بلي كاين علاقة إرتباطية بين السلوكيات العنيفة للرجال و الرغبة القوية ديالهوم فالإرتباط مع النسا, حيث أنه كاين توافق ما بين الفترة الذهبية للتنافس على التزاوج و إرتكاب الجرائم د العنف بين الرجال و هي من 18 لـ 30 عام .. الـ PDF 👈: https://t.me/AltairMed/15 عودة للدراسة لي تنشرات فمجلة سيانس, كيفاش نعالجو نقاط الضعف؟! رجح أحد العلماء أن الفقر هو السرطان لي يجيب كل هاد الأعراض و المشاكل, وأن معالجة الفقر يقدر تقلل من إرتكاب الناس للجرائم العنيفة .. و هادشي لي حفز و شجع الباحثين على إجراء تجربة عملية على المراهقين المستضعفين, و هي يعطيوهوم وظائف صيفية مؤقتة فالقطاع الحكومي أو الغير ربحي براتب 8 دولار لكل ساعة .. ‏التجربة تدارت على 1600 طالب ثانوية مستضعف, نصهم حصل على الوظائف الصيفية و الآخر حصل على برامج دعم عاطفية بلا عمل لمدة 8 أسابيع لكل مجموعة منهم .. و كانت النتائج مثيرة للاهتمام خلال 16 شهر مراقبة .. نخافضات الجرائم بنسبة 43٪ في عينة لي حصلو على الوظائف الصيفية .. و كانو 4 إعتقالات أقل لكل 100 شاب من المجموعة لي حصلات على وظائف صيفية .. الملفت أن تأثير الوظائف على نسبة الجرائم العنيفة ستمر حتى بعد نهاية برنامج التوظيف الصيفي لي كان 8 أسابيع .. و هادشي لي تبين أنه العمل عندو تأثير طويل الأمد فتهذيب المراهقين .. فهاد الدراسة ستنتجات أنه توفير وظائف صيفية منظمة و مدفوعة يمكن يكون لقاح قوي للجرائم العنيفة, خصوصا فالمجتمعات المحرومة .. فهاد البرنامج كلف الحكومة توظيف الشباب فالصيف 1400 دولار للفرد, لكن فذات الحين فهادشي يوفر آلاف الدولارات من نفقات الشرطة و القضاء و الضحايا .. و هادشي يشبه تماما كيف توفر اللقاحات ملايين الدولارات على القطاع الصحي بالوقاية .. المصدر: https://www.science.org/doi/10.1126/science.1257809

واش يمكن للعقلانية أنها تغلب الحب فالعلاقات؟ من محاضرة الباحث فعلم النفس و الإدراك ستيفن بينكر - Stephen Pinker .. المحاضرة كاملة في يوتوب: https://www.youtube.com/watch?v=gen2p-9DvFE

كيفاش تيتشابو المتزوجين فيما بينهم؟! هاد الدراسة النرويجية على 94 ألف زوج و زوجة تجاوبنا على هذا السؤال .. تبع معايا باش تفهم .. ماشي غير فالمغرب فاش كاينة ديك العادة د أنه الأم أو الأب هو لي يزوج ولادو و إنما هاد الأمر كان منتشر فكثير من المجتمعات, لأنه الزواج كان مشروع بين أسرتين تيتفقو فيما بينهمم باش يزوجو ولادهم .. لكن من 1960, فبدات بعض المجتمعات فإختيار شريك الزواج بعيد عن تدخل الأسرة .. فدابا لما تطلق مثلا شي فيديو أو تجلس مع شي واحد, تتلقا بلي كثير من الأفراد تيداعيو و يقولو أنهم ختارو الشركاء ديالهم بناء على الحب, لكن الدراسات تتشير إلى أنه كاين واحد النمط تشابهي تيخلي الانسان يختار شخص تيشبهو فبعض الجوانب .. و هادشي لي تيسميوه العلماء الإجتماعيون بالتزاوح المماثل (تزاوج متلائق / تزواج متناسق) - Assortative mating .. فالباحثين دارو دراسة على مدى التشابه بين 94 ألف زوج و زوجة من النرويج, و لقاو أنه الأشخاص تيميلو لإختيار شخص تيشبههم فمستوى التعليم .. بحيث أنه لي دوز حياتو مع ورقة و ستيلو فالدراسة باش يحصل على تعليم عالي كالدكتوراه, فهو تيميل أكثر للزواج من شخص كان عندو نفس المسار .. و المثير للإهتمام هو أنه كاين تشابه ملحوظ فمستوى الصحة النفسية بين المتزوجين, بحيث لي تيعاني من القلق أو الاكتئاب تينجذب أكثر لشخص تيشبهو فالمعاناة .. و تلاحظ كذلك أنه الصحة الجسدية المتشابهة تتلعب تا هي دور فإختيار الشريك, لكن التأثير ديالها أقل من الصحة النفسية, بحيث الأشخاص لي يعانيو من آلام الظهر و الربو تيميلو أكثر للزواج من شخص لي يشبههم .. و بان للباحثين كذلك أنه إذا كان عند أحد الشريكين مستوى تعليمي أعلى أو متفوق دراسيا, فمن المرجح أنه يكون الشريك ديالو بصحة نفسية و جسدية أفضل .. بالتالي فالتعليم ليه تأثير إيجابي على المتزوجين .. آش تيوقع للمتزوجين مع مرور السنوات؟! المتزوجين تيزدادون يتشابهو مع مرور الوقت, خصوصا فالصحة النفسية, بحيث أنه لي تيعاني من القلق تيقدر يتفشى القلق بين الأطفال و الزوجة ديالو, و ذلك بسبب تأثير الأب السلبي أو البيئة المقلقة لي يعيشو فيها .. و بالتالي يمكن لنا نقولو أنه هاد الدراسة النرويجية تعاونا باش نفهمو كيفية توارث التفوق الدراسي بين العائلات, و علاش تتنتشر المشاكل النفسية بينهم مثل الأمراض المعدية .. و تيبان لينا كذلك أنه التزاوج المماثل يشرح علاش المعاناة المتشابهة هي مصدر جاذبية بين الأزواج .. رابط الدراسة: https://www.nature.com/articles/s41467-024-54966-9

كيفاش كيأثر إنفصال الوالدين على المستقبل الإجتماعي د ولادهم؟! هاد الدراسة و لي شملات عينة مكونة من 43 ألف شخص من 15 بلد تجاوب على هذا السؤال .. من ديما كان المختصون الإجتماعيون يلاحظو تزايد معدلات الطلاق فأمريكا, و كيدرسو العوامل لي تأدي لهاد الإنفصالات بحال الوضع المالي و المكانة الإجتماعية و المستوى التعليمي للزوجين و عدد ساعات الخدمة ديالهم و الخيانة .. و لكن كتاشفو واحد العامل ماباينش فمعادلة الطلاق, و هو الحالة الإجتماعية للأبوين, فالزواج ديالك من شخص واليديه منفصلين كيرفع من إحتمالية طلاقكم إحصائيا .. هاد الظاهرة سماوها الباحثين "توريث الطلاق بين الأجيال", بحيث يتوارث الطفل إنفصال والديه فحياتو الزوجية المستقبلية .. الدراسات الأمريكية تسببت فجدل بين المختصين فالعلوم الإجتماعية, و كان إعتقاد بأن أمريكا حالة خاصة إجتماعيا و قانونيا .. و هادشي لي شجع العلماء في جمع الدراسات لي تناولت الظاهرة في 15 بلد و هي: النمسا و أمريكا و كندا و التشيك و إستونيا و ألمانيا الغربية و الشرقية و هنغاريا و إيطاليا و لاتفيا و ليتوانيا و سلوفينيا و إسبانيا و السويد و سويسرا و بلجيكا .. و الدراسة توصلت لعدة إستنتاجات: ♻️ الأطفال لي الوالدين ديالهم مطلقين, عندهم فرص أعلى للطلاق فزواجهم فكل البلدان .. ♻️ هاد الإرتفاع المتزايد ففرص الطلاق يكون فإيطاليا 220%, و في هنغاريا 50% .. ‏هذا يعني أن زواجك من شخص عندو واليدين منفصلين كيرفع من إحتمالية طلاقكم إلى 103% بحسب المتوسط لكل البلدان المدروسة .. نظرية توريث الطلاق بين الأجيال تبقا صحيحة فمختلف الدول, و ماشي حالة حصرية لأمريكا .. ‏و بالنسبة لحالة, مثلا أنك تزوجتي شخص واليديه منفصلين لكن عندو شهادة ماستر, و دوز العشرينات من عمرو فالدراسة و الخدمة, شنا هو إحتمالية طلاقو معاك؟! هاد الدراسة تقول أنه إحتمالية الطلاق تقل من 104% لـ 72% فالعينة البلجيكية, و من 70% إلى 55% في العينة النمساوية .. كيف تلاحظ بعض السلوكيات لي تنتشر بين أبناء المنفصلين, منها أنهم كيفضلو المساكنة قبل الزواج, و الزواج المبكر .. و تلاحظ أنه أن هاد السلوكيات ترفع من فرص الطلاق .. و يمكن تراجع هاد المنشورات لي نشرتها قبل حول موضوع المساكنة: 👈 https://t.me/AltairMed/388 👈 https://t.me/AltairMed/336 الدراسات ستنتجات أنه ظاهرة توريث الطلاق بين الأجيال هي نظرية عابرة للدول .. فإذا كونتي تخطط الزواج من شخص ما, فيقدر تكون الحالة الاجتماعية للأبوين علامة إحصائية تساعدك فإتخاذ القرار .. المصدر: https://brill.com/view/journals/coso/12/2/article-p211_4.xml

الكتاب الخامس لرولو توماسي: The Rational Male - The Players Handbook - A Red Pill Guide to Game

الكتاب الرابع لرولو توماسي: The Rational Male - Religion by Rollo Tomassi

كاين واحد الصراع جنسي بين الذكور و الإناث و لي عند كل الكائنات و ماشي غير الإنسان بوحدو, و الهدف النهائي هو نقل الجينات و التوريث ديالها .. و فذات الحين فكاين صراع آخر بين نفس الجنس (ذكور 🆚 ذكور) و (إناث 🆚 إناث) .. فمن بين الفروق النفسية بين الرجل و المرأة, و هي أن الراجل كيحتاج على سبيل المثال للإنجاز - Achievement من أجل تحقيق ذاته, و عليها فالذكور كيتنافسو فيما بعضهم من أجل تحصيل مقام إجتماعي ما / إمتلاك سلطة معينة / تحصيل الأموال و غيرها, و هذا يمكن تفسيرو بأنه كيديرو هادشي لأجل أنه ترتفع الفرص ديالهم فالتزواج بإناث جميلات و جذابات جسديا .. و فذات الحين فالإناث كيتنافسو فيما بعضهم بالقيمة الجمالية الخاصة بيهم و هذا بهدف الحصول على الذكور ذوي المكانة الإجتماعية و المادية و الجينية الأعلى ..

تحليل تلوي - Meta-Analysis: الأشخاص لي عندهم سمات شخصية لطيفة هوما الأقل عرضة لمشاركة المعلومات على وسائل التواصل الاجتماعي .. فهاد البحث تم إثبات وجود صلة بين سلوك مشاركة المعلومات على وسائل التواصل الإجتماعي و السمات الشخصية الخمس الكبرى - Big Five Persoanlity Traits .. و تلقا أنه الإنبساطية - Extraversion كترتبط بشكل إيجابي بمشاركة المعلومات على وسائل التواصل الاجتماعي, في حين أنه التوافقية - Agreeableness و الضمير الحي - Conscientiousness و العصابية - Neurotisism كيرتبطو بشكل سلبي بهاد السلوك .. المصدر: https://journals.plos.org/plosone/article?id=10.1371/journal.pone.0303770

دراسة: إعادة تقييم دور التصورات المتعلقة بتفضيلات النساء للرجال ذوي أشكال الوجه الذكورية .. فهاد الدراسة الجديدة و لي تم نشرها يوم أمس, فتذكر أنه العديد من الباحثين كيقترحو الفكرة القائلة بأنه النساء كشوفو للرجال ذوي أشكال الوجه الذكورية على أنهم أقل ملاءمة كآباء و كشركاء على المدى الطويل من الرجال ذوي أشكال الوجه الأنثوية, و بالتالي فهذا كيخلي النساء يشوفو الرجال ذوي الوجوه الذكورية أكثر جاذبية للعلاقات قصيرة المدى ( تصاحيب ) مقارنة بالعلاقات طويلة الأمد ( زواج ) .. و مع ذلك, كيبين هاد العمل الحديث و النتائج لي تم الحصول عليها بإستخدام نوع المحفزات لي تم التلاعب بها تجريبيا و لي تم إستخدامها فالدراسات للتأكد و الحصول على أدلة لي كتخص هاد الادعاءات أنه لا يتم ملاحظتها بالضرورة عند إستخدام محفزات الوجه الطبيعية .. و بالتالي, ففهاد الدراسة لي فيها تم اختبار العلاقات المحتملة بين تصنيفات الوجوه الطبيعية للذكور من حيث السمات المرتبطة بالأبوة و العلاقة و شكل ذكورة الوجه, فنتائج هاد الدراسة لم تكشف عن أي دليل على أن ذكورة شكل الوجه كتلعب أي دور مهم فهاد التصورات النمطية, و بدلا من ذلك فالدراسة لقات أدلة على أنه أن الرجال ذوي الوجوه الأكثر جاذبية كيتشاف ليهم على أنهم آباء أفضل و شركاء أفضل على المدى الطويل, و ماتلقاش أي دليل على أن شكل رجولية الوجه كان مرتبط بعلاقات المرأة و تصوراتها المتعلقة بالأبوة, و مابانش فأي من الدراستين أي دليل على أن النساء كيفضلو الرجال الذكور الـ Masculine أكثر فالعلاقات قصيرة المدى أكثر من العلاقات طويلة الأمد .. خلاصة: ماكاينش حتى دليل على أنه أشكال الوجه الذكورية أو الأنثوية كتحدد أي الرجال من كتفضل النسا كشركاء على المدى الطويل أو القصير, و بدلًا من ذلك, فإن النساء يفضلون دائمًا الوجوه الذكورية الجذابة .. المصدر: https://journals.sagepub.com/doi/full/10.1177/14747049241262712

تم عمل هاد الدراسة و لي شملات عينة مكونة من 500 رجل و هذا للبحث فمستويات الرفاهية بين الرجال لي كيعانيو من العزوبية القسرية, و كيشير مصطلح العزوبية القسرية للأشخاص لي باغين يدخلو فعلاقات رومانسية / جنسية و لكن هوما غير قادرين على هادشي لأسبب متنوعة .. ♻️ أهداف الدراسة : ♨️ تقييم الرفاهية النفسية و العاطفية: تحليل مستويات السعادة و الرضا عن الحياة و الصحة العقلية بين الرجال لي كيعتبرو نفوسهم إنسلز = Incels = عازبين بشكل غير طوعي .. ♨️ إستكشاف العوامل المؤثرة: فحص العوامل لي يقدر تساهم فالعزوبية القسرية, بحال السمات الشخصية, و الصحة العقلية .. ♻️ النتائج الرئيسية: ♨️ الرضا عن الحياة: متوسط درجات الرضا عن الحياة كان أقل بكثير من المتوسط عند الإنسلز .. ♨️ الصحة العقلية: نسبة كبيرة من المشاركين بانو عندهم مستويات عالية من الإكتئاب و القلق و التوتر .. ♻️ العوامل المؤثرة: ♨️ الشعور بالعزلة الإجتماعية: غالبية المشاركين حسو بالعزلة الإجتماعية و الوحدة .. ♨️ تدني الثقة بالنفس: مستوى الثقة بالنفس كان منخفض بين المشاركين, مما أثر سلبا على القدرة ديالهم على تكوين علاقات .. ♨️ تجارب الرفض المتكررة: التعرض للرفض الرومانسي المتكرر أدى لزيادة الشعور بالفشل و العزلة .. ♻️ تأثير المنتديات: ♨️ الدعم و التضامن: بعض المشاركين لقاو فالمنتديات المجتمعية دعم نفسي و مشاعر التضامن .. ♨️ تعزيز المشاعر السلبية: بعض المنتديات يقدر تعزز المشاعر السلبية و العدائية إتجاه المجتمع ( يقدر تأثر جروبات البلاكبيل - Black Pill بطريقة سلبية على هادو ) .. ♻️ نصائح للإنسل: ♨️الإهتمام بالصحة البدنية: ممارسة الرياضة و إتباع نظام غذائي صحي يمكن ليه يزيد من الثقة بالنفس و المظهر الشخصي .. ♨️ تحديد الأهداف و العمل على تحقيقها: حط أهداف صغيرة و خدم على تحقيقها فهذا يمكن ليه أنه يعزز الشعور بالإنجاز و الثقة بالنفس .. ♨️ التفكير الإيجابي: ممارسة التفكير الإيجابي و الإبتعاد على التفكير السلبي حول الذات .. ♨️ التفهم و القبول: تقبل أنه الرفض جزء طبيعي من الحياة يمكن ليه يساعدك فتقليل التأثير ديالو السلبي .. ♨️ التعلم من التجارب: محاولة التعلم من تجارب الرفض لتحسين الإستراتيجيات المستقبلية .. ♨️ عدم أخذ الأمور بشكل شخصي: فهم أنه الرفض يقدر يكون بسبب عوامل خارجة عن السيطرة و ماشي بالضرورة إنعكاس على القيمة الشخصية .. ♨️ الانضمام لمجموعات دعم: البحث على مجموعات دعم مخصصة للإنسل أو الرجال لي كيواجهو تحديات مشابهة يمكن ليه يوفر بيئة داعمة و متفهمة .. المصدر: https://link.springer.com/article/10.1007/s40806-022-00336-x ♻️ دراسة أخرى: فهاد البحث تمت دراسة 17 عامل مؤثر على إحتمالية بقاء الشخص عازبا بشكل غير طوعي ( يتقال للذكر : Incel و الأنثى : Femcel ) .. ♀️ بالنسبة للنساء كانت هاد العوامل مرتبطة بإحتمالية العزوبية بشكل غير طوعي : ضعف القدرة على المغازلة, و ضعف الأداء الجنسي, و التوافقية - Agreeableness المنخفضة ( ليك تقرا على Big Five Personality Traits ) .. ♂️ بالنسبة للرجال كانت هاد العوامل هي المؤثرة : ضعف القدرة على المغارلة, و إرتفاع العصابية - Neuroticism ( عموما هاد السمة كتكون مرتفعة عند الإناث مقارنة بالذكور ), إنخفاض تقدير الذات, إنخفاض قيمة الإدراك الذاتي للشريك .. بالتالي فإنه بالنسبة لكل من الرجال و النساء, كانت مهارات المغازلة الضعيفة هي أهم مؤشر على العزوبية غير الطوعية .. المصدر: https://www.sciencedirect.com/science/article/abs/pii/S0191886923003458

كتناقش هاد الدراسة الجديدة لي تلاحت قبل أيام موضوع الطلاق و الصحة الجسدية, و من خلال جمع و تحليل بيانات متعددة من 94 دراسة, و عينة شملة أكثر من 1.3 مليون شخص, فهاد الدراسة توضح الفروق بين الجنسين فكفية تأثير الطلاق على الصحة البدنية ديالهم .. ♨️ تأثير الطلاق على الرجال .. ♂️ الصحة البدنية العامة: بشكل عام, كيعاني المطلقين من تدهور فالصحة البدنية مقارنة بالأفراد المتزوجين, بما في ذلك زيادة الخطر للإصابة بمرض السكري, و أمراض المفاصل, و القلب و الأوعية الدموية, و الأمراض المنقولة جنسيا .. ♂️ التوتر و الضغط النفسي: كيواجه الرجال مستويات عالية د التوتر و الضغط النفسي بعد الطلاق, مما كيأثر سلبا على صحتهم البدنية .. ♂️ السلوكيات غير الصحية: كيزيد الطلاق من إحتمالية تبني الرجال لسلوكيات غير صحية بحال التدخين و زيادة إستهلاك الكحول, مما كيزيد من المخاطر الصحية .. ♨️ نصائح للرجال المطلقين .. ♂️ قلب على الدعم الاجتماعي: نخارط فالأنشطة الإجتماعية و التطوعية .. ♂️ تهلا فصحتك: تجنب التدخين أو الإفراط فتناول الكحول, و بالي بممارسة د الرياضة بشكل منتظم, و كذلك النعاس المنتظم فهذا مهم للغاية, إضافة للتغذية الجيدة .. ♂️ الإهتمام بالجانب الديني و تصلي و تعبد مولاك .. ♂️ حدد لك أهداف جداد فحياتك الشخصية و المهنية باش تحافظ على التركيز ديالك, الشيء لي غادي يخليك تجاوز حتى المشاكل المادية لي يمكن تعاني منها بسبب تبعات الطلاق .. ( و واياك و يعميك الله و تقول غانمشي نقلب نجيب لالاها باش زعما تفقسها, غاتجيب غا لي تشق لك دماغك بدعوى الطلاق للشقاق آلمسخوط, ها وذني هه ) .. ♨️ تأثير الطلاق على النسا .. ♀️ الصحة البدنية العامة: كيبان على النسا المطلقات معدلات أعلى من المشاكل الصحية المزمنة, بما في ذلك آلام الجسم و الإضطرابات الهضمية, و زيادة الوزن, و كذلك فكتبقا الأمراض المنقولة جنسيا خطر بعد الطلاق .. ♀️ التوتر و الضغط النفسي: كتعاني النسا المطلقات من مستويات عالية من التوتر و القلق بعد الطلاق, و هادشي كيأثر على جهاز المناعة مما كيزيد من إحتمالية الإصابة بالأمراض .. ♨️ نصائح للنساء المطلقات .. ♀️ الإستفادة من شبكات الدعم الإجتماعي: عتامدي على صحاباتك و صحابك و العائلة هذا للحصول على واحد الدعم عاطفي .. ♀️ تهلاي فراسك: حافظي على نمط حياة صحي من خلال النظام الغذائي الجيد و كذلك ممارسة الرياضة .. ♀️ العمل على تطوير المهارات الشخصية و المهنية: ستاغلي هاد الفترة باش تعلمي مهارات جديدة أو تديري تحسين للمهارات الحالية ديالك .. ♨️ الفروق بين الجنسين .. 🔰 معدلات الوفاة: كتشير بعض الدراسات إلى أنه الرجال المطلقين يقدر يواجهو معدلات وفاة أعلى من النسا المطلقات, و هذا يرجع لقلة الدعم الاجتماعي و تبني سلوكيات غير صحية .. 🔰 التكيف النفسي: النسا غالبا ما كيتكيفو نفسيا بشكل أفضل مع الطلاق بفضل شبكات الدعم الاجتماعي الأقوى عندهم, بينما يقدر يواجه الرجال صعوبة أكبر فأنه يتأقلمو مع الوضع .. المصدر: https://www.sciencedirect.com/science/article/pii/S0277953624004490

كتاب التلاعب بالرجل - إستر فيلار مترجم للعربية 👈: https://t.me/AltairMed/8 ..

كتاب الصديق محمد, الجرعة الحمراء 👈: https://t.me/AltairMed/265

كتاب: The Book of Pook

الكتاب الثالث لرولو توماسي: The Rational Male - Positive Masculinity by Rollo Tomassi

الكتاب الثاني لرولو توماسي: The Rational Male - Preventive Medicine by Rollo Tomassi

الكتاب الأول لرولو توماسي : The Rational Male by Rollo Tomassi ..

النساء .. الوقوف على الدوافع الجنسية من الثأر إلى المغامرة - من تأليف دافيد باس بالإشتراك مع سيندي ام ميستون .. 🔰 الكتاب مترجم للعربية .. 🔰 لي بغا يتيليشارجي كتاب علم النفس التطوري و لي مترجم حتى هو للعربية و لنفس الكاتب 👈 : https://t.me/AltairMed/301 .. ☘️ الـ Notification طفيتها فهاد البوسط مع نشرتو فوقت متأخر من الليل لتفادي الإزعاج ..

إختيار الشريك المناسب ليه أهمية أساسية ماشي فقط للأجل النجاح الإنجابي, و لكن أيضًا للرضا على العلاقة و إحتمالية فسخ العلاقة, و كتشير الأبحاث لوجود تفضيل عالمي لبعض خصائص الشريك بحال اللطف و الجاذبية الجسدية و الموارد المالية, و هاد الدراسة كتزيد توسع فالأدبيات و كتبحث فالعلاقات بين سمات الثالوث المظلم - Dark Triad و التوجه الإجتماعي الجنسي و خصائص الشريك المفضلة فسياق التزاوج القصير و الطويل المدى .. فالميكافيلية و النرجسية و الإعتلال النفسي هي سمات شخصية مترابطة و لكنها متميزة و كيتقال عليها مجتمعة إسم الثالوث المظلم, و كتشترك هاد السمات فجوهر مشترك للتلاعب و القسوة, مع خصائص محددة مرتبطة بكل سمة .. ⚜️ كترتبط المكيافيلية - Machiavellianism بالتلاعب الإستراتيجي طويل المدى بالآخرين لتحقيق أهداف أنانية .. ⚜️ كيتميز الإعتلال النفسي - Psychopathy بالبرودة العاطفية و السلوك المعادي للمجتمع .. ⚜️ كترتبط النرجسية - Narcissism بشعور مرتفع بقيمة الذات و الإستحقاق .. ♻️ ففواحد الدراسة تبين أنه كاين إرتباط بين النرجسية عند النسا بالتركيز أكثر على الجاذبية الجسدية و الموارد, و الإعتلال النفسي مع تفضيل الجاذبية الجسدية, و الميكيافيلية مع تفضيل الموارد .. ♻️ فدراستين من إيران, تبين أنه كاين إرتباط بين النرجسية عند النسا بمزيد من المطالب من حيث المكانة و الموارد و الجاذبية و التعليم و اللطف و الذكاء .. ♻️ فمعظم الدراسات حتى الآن, عطاو الأفراد ذوي الميكافيلية و الإعتلال النفسي أهمية أقل للطف, و بشكل عام, كتشير الدراسات إلى أنه النرجسية كترتبط بالطلبات الأعلى على " الخصائص الخارجية " أي السمات لي كتعلق بالثروة و المظهر و المكانة, بينما كيرتبط الإعتلال النفسي و الميكيافيلية بتفضيلات أقل لـ "الخصائص الجوهرية" أي اللطف و الحب المتبادل .. و لي تبين من خلال هاد الدراسة الحالية: ♻️ المراة النرجسية و المكيافيلية كتطالب أكثر بالمال فالعلاقات الزوجية .. ♻️ المراة السيكوباتية ماباغاش بيئة منزلية و أطفال و حب .. المصدر: https://www.sciencedirect.com/science/article/abs/pii/S0191886921003433

كتوفر هاد الدراسة لي تم نشرها قبل أيام فدورية PLOS رؤى نظرية حول دور الجنس عند تجربة مشاعر مميزة بحال الخوف و الفرح, و لقاو الباحثين ميل متزايد لإختيار المكافآت الفورية من قبل النسا ملي يكونو فحالة خوف على عكس الرجال, و كانت النسا كذلك أكثر ميلا لإختيار المكافآت الفورية ملي يكونو فحالة خوف مقارنة بالحالة الإيجابية من الفرح/السعادة .. و على النقيض من ذلك, فملي يكونو الإناث و الذكور فحالة عاطفية إيجابية أو محايدة فماكايختالفوش, و كذلك فمتأثروش الرجال بحالتهم العاطفية عند إتخاذ قرار بشأن المكافآت المالية .. كتعمل النتائج لي تم التوصل ليها فهاد الدراسة على توسيع الأدبيات من خلال الكشف عن أهمية إعتبار الجنس عاملا متفاعلا بين العواطف و صنع القرار .. و كتشير هاد الأدلة إلى آثار نفسية و إجتماعية مهمة بحيث يمكن لينا نفترضو أنه ملي تواجه النسا مواقف مخيفة فإنهوم يكونو أقل صبرا و أكثر إندفاعا, نظرا لأن الخوف على عكس السعادة/الفرح كيدفع الإناث لأنهم يكونو "قصيرات النظر" للمكافئات الأكبر فالمستقبل .. و إذا كان الأمر كذلك فإن هاد النتيجة يمكن تكون ذات صلة فسياق إتخاذ القرارات المالية أو سلوكيات المستهلك,فمن المتوقع يبيّن الشعور القوي بالخوف فالحياة الواقعية تأثيرات أكبر بكثير على العديد من القرارات المؤقتة مما يقدر يدي بالنساء - لي كيعانيو من حالة خوف - لتفاقم ضائقتهن المالية من خلال إتخاذ قرارات زمنية تفضل الإستهلاك الفوري بدلا من الإستهلاك الأكثر حكمة و مضمونا .. من ناحية أخرى, يمكن أن يكون هاد السلوك الأنثوي نتيجة للتطور, الأمر لي كيدي بالإناث إلى تفضيل المكافآت الفورية - و لكن الأكثر أمانا - بدلا من المكافآت المستقبلية - ولكن غير المؤكدة .. المصدر: https://journals.plos.org/plosone/article?id=10.1371/journal.pone.0299591