Ethio - ዜና 🇪🇹

ኢትዮጵያ ዉስጥ በደረሰዉ የአዉሮፕላን አደጋ የሞተዉ ግለሰብ ቤተሰብ 29 ሚሊዮን ዶላር ተፈረደላቸዉ ኢትዮጵያ ዉስጥ የዛሬ ሰባት ዓመት ግድም በደረሰዉ የአዉሮፕላን አደጋ የሞተዉ ግለሰብ ቤተ-ሰቦች የ29 ሚሊዮን ዶላር ካሳ ተፈረደላቸዉ። እንደ ግሪጎሪያኑ አቆጣጠር መጋቢት በ2019 ቢሾፍቱ አጠገብ ወድቆ የተከሰከሰዉ የኢትዮጵያ አየር መንገድ አዉሮፕላን ቦይንግ 737 MAX 8 አሳፍሯቸዉ የነበሩ 157 መንገደኞችና የአዉሮፕላኑ ሠራተኞች በሙሉ አልቀዋል። ለብዙ ወራት ከተደረገ ሙግት፣ ምርመራና ጥናት በኋላ አደጋዉ የደረሰዉ በአዉሮፕላኑ የትክኒክ ጉድለት በመሆኑ የአሜሪካዉ አዉሮፕላን አምራች ኩባንያ ቦይንግ ለአደጋዉ ተጠያቂ ሆኗል።በአደጋዉ ከሞቱት ሰዎች የአብዛኞቹ ቤተሰቦች ከፍርድ ቤት ዉሳኔ ዉጪ በተደረገ ድርድር መጠኑ በይፋ ያልተነገረ ካሳ ከቦይንግ ተቀብለዋል። ይሁንና የማይክል (ማይክ) ርያን ባለቤት ናኦይሴ ርያን «ተጠያቂነትና ፍትሕን ከፍርድ ቤት ማግኘት አለብኝ» ብለዉ በጠበቃቸዉ አማካይነት ከግዙፉ ኩባንያ ጋር ሲሟገቱ ነበር።ትናንት ቺካጎ-ዩናይትድ ስቴትስ ያስቻለዉ ፍርድ ቤት ለሟች ቤተሰቦች 29 ሚሊዮን ዶላር ካሳ እንዲከፈላቸዉ ወስኗል።በሙያቸዉ መሐንዲስ የነበሩት ማይክል (ማይክ) ርያን የአለም ምግብ ድርጅት ባልደረባ ነበሩ። የተባበሩት መንግሥታት ድርጅት አደጋዉ በደረሰ ሰሞን ባሰራጨዉ መግለጫ ርያን ላይቤሪያ፣ ሮሒንጂያዎች በሰፈሩባቸዉ ጣቢያዎች፣ አፍቃኒስታንና ኢትዮጵያ ዉስጥ ሰርተዉ ነበር።ኢትዮጵያ ዉስጥ ሞቱ። ያኔ 39 ዓመታቸዉ ነበር።አዣንስ ፍራንስ ፕሬስ እንደዘገበዉ የችካጎ ፍርድ ቤት በተመሳሳይ አደጋ ለሞተችዉ የ24 ዓመቷ አሜሪካዊት ወጣት ሳምያ ስቱሞ ቤተሰቦች የ49.5 ሚሊዮን ዶላር ካሳ እንዲከፈላቸዉ ባለፈዉ ግንቦት ወስኖ ነበር። https://t.me/Ethio_Zena23

የኤርትራ መድፎች ወደ ራያ‼️ መነሻቸውን ከኤርትራ አድርገው በአዲግራት በኩል 7 ታንኮች፣5 ZU-23 እና መድፎችን ጨምሮ ትናንት በማይሜክደን እና በመቀሌ በኩል ወደ ራያ መጓዛቸውን የአካባቢው ምንጮች ገልጸዋል። ይህ የከባድ መሳሪያ እንቅሳቄሴ ኤርትራ የጦርነት ሜዳውን ከራሷ ግዛት በማስወጣት ራያን እና ትግራይን አዲስ የጦር ሜዳ ለማድረግ የገነባችው ስትራቴጂ መሆኑን ተንታኞች እየገለፁ ይገኛሉ። ምስል:- ከፋይል https://t.me/Ethio_Zena23 https://t.me/Ethio_Zena23

“በሸረሪና ለሞቱ ወጣቶች ተጠያቂው ህወሓት ነው”❗ ስምረት ፓርቲ በትግራይ ሸረሪና እና ራያ አካባቢ በተከሰተው ጦርነት የተጎዳውን የትግራይ ወጣት በተመለከተ ሕወሓትን ተጠያቂ አድርጓል። ፓርቲው ነሐሴ 6 ቀን 2018 ዓ.ም. ባወጣው መግለጫ፣ በትግራይ የሚንቀሳቀሰው ሕወሓት ከሕግደፍና ከሌሎች ጸረ-ሰላም ኃይሎች ድጋፍ አገኛለሁ በሚል የተሳሳተ ስሌት በሸረሪና እና በራያ ጦርነት መክፈቱን ገልጿል። በዚህም በተከሰተው የአጸፋ ምላሽ ሕይወታቸውን ላጡ የትግራይ ወጣቶች ሕወሓት ተጠያቂ እንዲሆን ፓርቲው ጠይቋል። በተጨማሪም የትግራይ ሕዝብና ወጣቶች ለጥቂት ግለሰቦች የሥልጣን ፍላጎት ሲባል የጦርነት ሰለባ መሆናቸው እንዲያበቃ እና ተጠያቂዎችም በሕግ እንዲጠየቁ አሳስቧል። https://t.me/Ethio_Zena23 https://t.me/Ethio_Zena23