Ethio maths

ትምህርት ሚኒስቴር የትምህርት ባለሙያዎችን ሙያዊ አቅም ለማሳደግ የሚረዱ ተንቀሳቃሽ የአይሲቲ ቴክኖሎጂ መሳሪያዎችን ለሚመለከታቸው ተቋማት ማስረከቡን ገልጿል። ሚኒስቴሩ በአስቸጋሪ ሁኔታ ውስጥ የሚሠሩ መምህራንና የትምህርት ባለሙያዎችን ሙያዊ አቅም ለማሳደግ የሚረዳ የአይሲቲ ቴክኖሎጂ ፕሮጀክትን ወደ ተግባር ለማስገባት እየሠራ መሆኑን በሚኒስቴሩ በአጠቃላይ ትምህርት ልማት ዘርፍ የመምህራንና የትምህርት አመራር ልማት ተ/መሪ ሥራ አስፈፃሚ የሆኑት ወ/ሮ አሰግድ ምሬሳ ገልፀዋል። ፕሮጀክቱ ከተባበሩት መንግሥታት የትምህርት፣ ሳይንስና ባህል ድርጅት (UNESCO) እና ከጃፓን መንግሥት ጋር በመተባበር የሚተገበር ነው፡፡ የፕሮጀክቱ ተጠቃሚዎች 35 የሚደርሱ የመምህራን ትምህርት ኮሌጆች እና በመምህራን ትምህርት ላይ ትኩረት አድርገው እየሠሩ ያሉ አምስት የመንግሥት ዩኒቨርሲቲዎች መሆናቸው ተጠቁሟል።

5ኛው ዙር የሳይበር ታለንት ሰመር ካምፕ በአዲስ አበባ ሳይንስና ቴክኖሎጂ ዩኒቨርሲቲ ተጀምሯል፡፡ የሳይበር ታለንት ሰመር ካምፕ ፕሮግራሙ ከዚህ ቀደም በሁለት ዩኒቨርሲቲዎች ብቻ ይሰጥ የነበረ ሲሆን፣ ዘንድሮ በሰባት ማዕከላት መሰጠት ጀምሯል፡፡ ስልጠናው በአዲስ አበባ ሳይንስና ቴክኖሎጂ፣ በባሕር ዳር፣ በሐረማያ፣ በጅማ፣ በደብረ ብርሃን እና በወላይታ ሶዶ ዩኒቨርሲቲዎች እንዲሁም በኢንፎርሜሽን መረብ ደኅንነት አስተዳደር (ኢመደአ) የታለንት ማዕከል በመሰጠት ላይ ይገኛል፡፡ ለዘንድሮው መርሐግብር ከ14 ሺህ በላይ ወጣቶች ምዝገባ በማድረግ መሳተፋቸው ተገልጿል፡፡

በደቡብ ኢትዮጵያ ክልል ከተለያዩ 2ኛ ደረጃ ትምህርት ቤቶች ለተውጣጡና በሳይንስ ትምህርቶች እና በፈጠራ ልዩ ተሰጥኦ ላላቸው 40 ተማሪዎች የተዘጋጀ ስልጠና በአርባ ምንጭ ዩኒቨርሲቲ እየተሰጠ ነው፡፡ ስልጠናው የደቡብ ኢትዮጵያ ክልል ኢኖቬሽንና ቴክኖሎጂ ቢሮ ከኢትዮጵያ ስፔስ ሳይንስና ጂኦስፓሻል ኢንስቲትዩት እንዲሁም ከአርባ ምንጭ ዩኒቨርሲቲ ጋር በመተባበር የተዘጋጀ ነው፡፡ ለ45 ቀናት የሚቆየው የንድፈ-ሐሳብ እና የተግባር ስልጠናው፤ በአስትሮኖሚ፣ በሮኬት ሳይንስ፣ በድሮን (UAV)፣ በጂአይኤስ እና በሳታላይት ሲስተም ላይ ትኩረተት ያደርጋል፡፡ ስልጠናው በክልሉ ባሉ አራቱም ዩኒቨርሲቲዎች የሚሰጥ መሆኑ ተገልጿል፡፡

#ጥቆማ የአዳማ ሳይንስና ቴክኖሎጂ ዩኒቨርሲቲ የማኅበረሰብ ትምህርት ቤት (ASTU-Community School) ከቅድመ 1ኛ ደረጃ እስከ 12ኛ ክፍል ተማሪዎች የ2019 የትምህርት ዘመን የመደበኛ ተማሪዎች ምዝገባ ከነሐሴ 06-15/2018 ዓ.ም መሆኑን ገልጿል፡፡ (የክፍያ ሁኔታ እና ሌሎች ተጨማሪ መረጃዎችን ከላይ ከተያያዘው ምስል ይመልከቱ፡፡)

#ጥቆማ የጅማ ዩኒቨርሲቲ ልዩ 2ኛ ደረጃ ትምህርት ቤት በ2018 ዓ.ም የ8ኛ ክፍል መልቀቂያ ክልላዊ ፈተና ተፈትናችሁ ከፍተኛ ውጤት ያስመዘገባችሁ ተማሪዎችን ለ2019 ዓ.ም ባለው ክፍት ቦታ አወዳድሮ መቀበል ይፈልጋል፡፡ መስፈርቶች፦ ➻ የ8ኛ ክፍል ክልላዊ ፈተና አመካይ ውጤት ለወንድ 83% ፤ ለሴት 80% ➻ የ7ኛ-8ኛ ክፍል ትራንስክሪፕት አማካይ ውጤት ለወንድ 85% ፤ ለሴት 75% ➻ የ7ኛ-8ኛ ክፍል ትራንስክሪፕት የእንግሊዘኛ እና ሒሳብ ትምህርት አይነቶች አማካይ ውጤት ለወንድ 75% ፤ ለሴት 70% ለምዝገባ የሚያስፈልጉ፦ ➻ የ8ኛ ክፍል ውጤት ሰርቲፊኬት ➻ የ7ኛ-8ኛ ክፍል ትራንስክሪፕት የምዝገባ ቀናት፦ ከነሐሴ 05-12/2018 ዓ.ም ባሉት የሥራ ቀናት የምዝገባ ቦታ፦ በጅማ ዩኒቨርሲቲ ልዩ 2ኛ ደረጃ ትምህርት ቤት የመግቢያ ፈተና የሚሰጥበት ቀን እና ቦታ ወደፊት ይገለጻል ተብሏል። (ትምህርት ቤቱ አዳሪ ትምህርት ቤ/ት)

#ጥቆማ   የአዲስ አበባ ከተማ አስተዳደር ትምህርት ቢሮ በ2019 የትምህርት ዘመን በምስራቅ ጎህ የሳይንስ ልህቀት ማዕከል ሁለተኛ ደረጃ ትምህርት ቤት ከ9ኛ-12ኛ ክፍል ተማሪዎችን ተቀብሎ ለማስተማር ይፈልጋል፡፡   በሳይንስ ልህቀት ትምህርት ቤቱ ለመማር የምትፈልጉ ተማሪዎች እስከ ነሐሴ 07/2018 ዓ.ም ድረስ መመዝገብ የምትችሉ መሆኑን ቢሮው ገልጿል፡፡   የመመዝገቢያ ሊንክ 👇 https://bs.ministry.et   (ዝርዝር መስፈርቶችን ከላይ ከተያያዙት የቢሮው ማስታወቂያ ይመልከቱ፡፡)

#WolaitaSodoUniversity ወላይታ ሶዶ ዩኒቨርሲቲ ለሁለት የተቋሙ ምሑራን የሙሉ ፕሮፌሰርነት ማዕረግ ሰጥቷል። የሁለቱ ምሑራን የሙሉ ፕሮፌሰርነት ማመልከቻዎች ከዲፓርትመንት ጀምሮ እስከ ዩኒቨርሲቲው ሴኔት ድረስ ጥብቅ ግምገማዎችን አልፈው ለተቋሙ ሥራ አመራር ቦርድ ለውሳኔ መቅረቡ ተገልጿል። ሰሞኑን መደበኛ ስብሰባውን ያካሄደው የዩኒቨርሲቲው ሥራ አመራር ቦርድ፤ የምሑራኑን የትምህርት ዝግጅት እና ሙያዊ አስተዋፅኦ በጥልቅ በመገምገም በአዲሱ መመሪያ መሰረት መስፈርቱን ማሟላታቸውን አረጋግጧል። በዚህም በትምህርት፣ በምርምርና ህትመት፣ በማኅበረሰብ አገልግሎት፣ በቴክኖሎጂ ሽግግር እና በተቋማዊ ልማት ያደረጉትን አበርክቶ በመገምገም የሙሉ ፕሮፌሰርነት ማዕረግ እድገት ሰጥቷል። የሙሉ ፕሮፌሰርነት ማዕረግ ያገኙ ምሁራን፦ 1. ፕ/ር ካሳ ዳካ ግዴቦ ➻ በማኅበረሰብ ጤና 2. ፕ/ር መንግሥቱ መስቀሌ ኮይራ ➻ በማኅበረሰብ ጤና

#TVTI የፌዴራል ቴክኒክና ሙያ ስልጠና ኢንስቲትዩት በተለያዩ የሙያ መስኮች ያሰለጠናቸውን 1,875 ተማሪዎች አስመርቋል። ተመራቂዎቹ በደረጃ 6 (መጀመሪያ ዲግሪ) እና በደረጃ 7 (ሁለተኛ ዲግሪ) ስልጠናቸውን ተከታትለው ያጠናቀቁ ናቸው። ኢንስቲትዩቱ በዛሬው ዕለት ካስመረቃቸው ተማሪዎች መካከል የደቡብ ሱዳን እና የሶማሊላንድ ሰልጣኞች ይገኙበታል።

#EthiopianAirlines የኢትዮጵያ አየር መንገድ ብቁ የሆኑ ተለማማጅ የበረራ አስተናጋጅ (Trainee Cabin Crew) አወዳድሮ መቅጠር ይፈልጋል፡፡ ➤ የሥራ መደብ፦ ET SPONSORED Trainee Cabin Crew ➤ ተፈላጊ የትምህርት ደረጃ፦ የዩኒቨርሲቲ መግቢያ ፈተና ሰርተፊኬት ቢያንስ 200 ውጤት ያለው/ያላት ➤ ዕድሜ፦ ከ 21-30 ➤ ቁመት፦ 1.58ሜ እና በላይ ለሴት (የክንድ ርዝማኔ 212ሴ.ሜ. ፤ 1.70ሜ እና በላይ ለወንድ ➤ ክብደት፦ ከቁመት ጋር ተመጣጣኝ የሆነ ➤ ቋንቋ፦ የእንግሊዝኛ ቋንቋ ክህሎት ደረጃ III (ሌሎች ቋንቋዎች መቻልም ጥሩ ነው)   የምዝገባ ቀናት፦ ከነሐሴ 04-08/2018 ዓ.ም የምዝገባ ቦታዎች፦ ➫ አዲስ አበባ፦ በኦንላይን (የማመልከቻ ሊንክ በምዝገባ ቀናት አክቲቭ ይሆናል) ➫ አዳማ ሳይንስና ቴክኖሎጂ ዩኒቨርሲቲ፣ አዳማ ➫ አምቦ ዩኒቨርሲቲ፣ አምቦ ➫ አርባ ምንጭ ዩኒቨርሲቲ፣ አርባ ምንጭ ➫ አሶሳ ዩኒቨርሲቲ፣ አሶሳ ➫ ባህር ዳር ዩኒቨርሲቲ፣ ባህር ዳር ➫ ወሎ ዩኒቨርሲቲ፣ ደሴ ➫ ድሬዳዋ ዩኒቨርሲቲ፣ ድሬዳዋ ➫ ጋምቤላ ዩኒቨርሲቲ፣ ጋምቤላ ➫ ጎንደር ዩኒቨርሲቲ፣ ጎንደር ➫ ሐረማያ ዩኒቨርሲቲ፣ ሐረር ካምፓስ፣ ሐረር ➫ ሀዋሳ ኤርፖርት፣ ሀዋሳ ➫ ጅግጅጋ ዩኒቨርሲቲ፣ ጅግጅጋ ➫ ጅማ ዩኒቨርሲቲ፣ ጅማ ➫ መደ ወላቡ ዩኒቨርሲቲ፣ ሮቤ ➫ መቐለ ዩኒቨርሲቲ፣ መቐለ ➫ ወለጋ ዩኒቨርሲቲ፣ ነቀምቴ ➫ ሰመራ ዩኒቨርሲቲ፣ ሰመራ ➫ ወልቂጤ ዩኒቨርሲቲ፣ ወልቂጤ ➫ ቦረና ዩኒቨርሲቲ፣ ያቤሎ ➫ ነገሌ ቦረና ጤና ሳይንስ ኮሌጅ፣ ነገሌ 🔔 ምዝገባ ሲያደርጉ የአስፈላጊ ሰነዶችዎንና የትምህርት ማስረጃዎችዎን (የ8ኛ ክፍል ሚኒስትሪ ካርድ፣ የልደት ሰርተፊኬት፣ የ12ኛ ክፍል ሰርተፊኬት፣ የቀበሌ መታወቂያ) ዋናውንና ኮፒውን መያዝ ይጠበቅብዎታል፡፡

#ጥቆማ ትምህርት ሚኒስቴር በ2018 ዓ.ም ትምህርት መስጠት በጀመረባቸው አምስት የፌዴራል ልዩ አዳሪ 2ኛ ደረጃ ትምህርት ቤቶች በ2019 ዓ.ም ተጨማሪ የ10ኛ ክፍል ተማሪዎችን ተቀብሎ ለማስተማር ዝግጅት እያደረገ እንደሚገኝ ገልጿል። የተማሪዎች ምዝገባ በቅርቡ እንደሚጀመር ሚኒስቴሩ አሳውቋል። የምዝገባ መስፈርቶች፣ የምዝገባ ጊዜ እና ሌሎች መረጃዎች በቅርቡ ይፋ የሚደረግ መሆኑ የተገለፀ ሲሆን ዝግጅት እያደረጋችሁ እንድትጠብቁ ተብሏል።