مونجوق MUNCUQ

⭕️ آد گۆنو ✍️ شاعر: #نعمت_مسگری   آد گۆنوندور آی بالا سنسن گؤڲ‌ده آی، بالا بو گۆن سنین آد گۆنون گؤزل گۆنون، شاد گۆنون یێغیشیبدیر یوْلداشلار آرخاداشلار، سێرداشلار دئ، گۆل، اوْخو، چال، اوْینا گۆلـسون آتا – هـم آنا بارێش، بوْللوق آرزو ائت سن بو یوْلدا یئری، گئت کیک کس، پۆفله شمعینی سئویندیر ائو جمعینی تؤحفه وئرن ساغ اوْلسون اوْنون اۆزو آغ اوْلسون چاتێبسان بو یاشێوا هوشونو یێـغ باشێوا اوْخو، چالێش، آیێق اوْل بو تئزلیکده عقله دوْل قوتلو اوْلسون آد گۆنون دوْغوم گۆنون، شاد گۆنون     @MuncuqAz https://t.me/Sancaq_media/8353

⭕️ Tovuz quşun quyruğu, Səsli nağıllar ⭕️طاووس قوشون قویروغو، سسلی ناغێل‌لار 🔷ناغێل‌لار! اوشا‌قلار و یئنی‌یئتمه‌لر اۆچون! (آذربایجان تۆرکجه‌سینده کارتون) @MuncuqAz https://t.me/Sancaq_media/8349

⭕️ محبّت یولو ✍️ شاعر: #نورالدین_مقدم (آیدین دومان) توْرپاق محبّتله دوْلو قێدا وئرير؛ بولود محبّتله دوْلو سولاندێرير؛ گۆنش محبّتله دوْلو اێسينديرير؛ يئلين محبّتلی الی ياشايێشين ميوه‌سينی دۆنيامێزين آغاجێندا يئتيشديرير. بيز دادێريق كی قلبيميز محبتّله دوْلو اوْلسون. دوعا ائدك: انسانلاری بير – بيرينه قوْووشدوران بير – بيريله قوْنوشدوران محبّتين يوْلو اوْلسون!     @MuncuqAz https://t.me/Sancaq_media/8347

. ⭕️ ائششک یا اوْدونا گئدر، یا سووا! @MuncuqAz

📚 مین ایل ناغێـل کتابێـندان ⭕️ جک و سئحیرلی لوبیه ✍️ فارسجایا چئویرن: زهرا سعید بهر 🔷 تۆرکجه‌یه چئویرن: #گۆنش_امانی 🔶 «انجمن تدوین برنامه‌ریزی شده متون» تألیفی، «هزار سال قصه» کتابێندان ترجمه اوْلمۇش.   بیرینجی بؤلۆم   بو ناغێـل اینگیلیزجه بیر ناغێـلین اساسێـندا یازێـلیبدیر. جوغارێـب، ائینه‌ییب، یئکه‌لیب گـؤیه گئدیب چاتان، پخله، نوْخود و یاخود لوبیه کیمی سئحیرلی بیر تاخێـلین قـوْنوسو، هر زمان چئشیدلی ناغێـللار یاراتماغا بیر وسیله اوْلموشدور. ناغێـلین قهرمانی اوْنون گـؤوده‌سیندن دێـرمانیب، و «یاردێـم ائدیجی» گـۆجلو بیر وارلێـغا چاتێـب. یاردێـم ائدن اۇزون قۇلاق، دستمال یا آغاج کیمی سئحیرلی نسنه‌لر قهرمانا وئرر و یا بـۆتون آرزولارێـنا چاتماغا سؤز وئره‌ر.   دئوین خزینه‌سینی چالێـب، اوْنون اؤلـۆمونه سبب اوْلان اوْغلانێـن ناغێـلی، چئشیدلی روایتلرله آوروپا، آمریکا و آفرقانێـن شیمالێـندا، تانێـنمیشدیر. ۱۸۰۹ ایلینده «جک و سئحیرلی لوبیه» آدلی ناغێـل، انگلستاندا «اوْخول اؤنجه‌سی اوشاقلارا آدلێـم ناغێـل‌لار» تـوْپلوسوندا چاپ اوْلدو.   بو روایت سئحیرلی لوبیه و اۆچ باشقا سئحیرلی عنصردن اوْلوشموشدور: قێـزیل یوموتدایان تـوْیوق، قێـزیل سیکّه‌لر کیسه‌سی و سئحیرلی چنگ[1]. بو ناغێـل اوشاق کتابلاری ایله سینه‌دن سینه‌یه انسانلارێـن ایچینه گئچیب، چوْخ آدلاندی.   گـۆنلرین بیر گـۆنونده، کیچیک بیر تارلادا، «جک» آدلی بیر اوْغلان، آناسییلا یاشایێـردی. اوْنلار چوْخ ایشله‌دیکلرینه باخمایاراق، چوْخ یـوْخسول ایدیلار. اوْنلارێـن دۆنیا مالێـندان تکجه بیر قارێـمیش اینکلری وارایدی. اوْنو دا شانسلارێـندان، بو اینه‌ڲـیـن سۆتو قورودو، آناسی دا اوْنو ساتماق قرارێـنا گلدی. جک دئدی: - من اوْنو بازارا آپارێـب، ساتارام.   آناسی دئدی: - بو اینه‌ڲـیـن اوْن گـۆموش سیکّه ده‌ڲری دیر. گـۆزله بیری مۆفته الیندن چێـخارتماسین.   جک اینه‌ڲـیـن بوْینونا بیر ایپ باغلایێـب، یـوْلا دۆشدو. هله چوْخ گئتمه‌میشدی کـۆله بوْی قـوْجا بیر کیشی‌یه راست گلدی. قـوْجا کیشی‌نین بئلی اڲـیلمیشدی، اؤزۆ ده چلیک‌له یئریییردی. جکی گـؤرمک همان دئدی: - سلام جک. بو اینک‌له هارا گئدیرسین؟   جک دئدی: - سلام آقا. گئدیرم بازارا بو اینه‌ڲـی یاخجی بیر قیمته ساتام.   قـوْجا کیشی دئدی: - ایسته‌سن زنگین اوْلا بیلرسن. او قدر زنگین کی، یوخوندا دا گـؤره بیلمزسن. من اینه‌ڲـی سندن آلارام، یئرینه بو لوبیه دنه‌سینی وئره‌رم.   جک دئدی: - کسین منه شوخلوق ائلییسن. بو اینه‌ڲـیـن هئچ اوْلماسا اوْن گـۆموش سیکّه ده‌ڲری دیر. اینه‌ڲـی وئریم، یئرینه یالنێز بیر لوبیه دنه‌سی آلێـم‌می؟! - بلی، آما بونون بیر سئحیرلی لوبیه اوْلدوغونو بیلمه‌لیسن. اوْنو اکسن، بیر گئجه ده ائینه‌ییب، گـؤیه یئتیشر.   جک اؤز- اؤزۆنه دئدی گـؤیه یئتیشیر! جک بیر سئحیرلی لوبیه‌یه اییه‌سی اوْلماقدان چوْخ حئیرتده قالدی. او اؤز خیالێـندا کندین اهالیسی ایله قـوْنشولاری گـؤرۆردو کی، سئحیرلی لوبیه‌نی گـؤرمک اۆچون اوْنلارێـن حیط قاپێـلاری‌نین اؤنـۆنده صف چکمیشدیلر. بو اۆزدن قبول ائلییب، اینه‌ڲـی لوبیه ایله دڲـیشدیردی. سوْنرا دا بو ایشدن راضی قالێـب، تله‌سه‌رک ائوه دؤندۆ.   جک بو نفعتلی معامله‌دن آناسێـنا دانێـشدیقدا، آناسی اۆمودسوز حالدا هرای چکدی: - نه‌ائله‌دین؟! اینه‌ڲـی بیر لوبیه ایله ده‌ڲـیشدین می؟! سن نه قانمازسان! بو نه بلادی باشێـمیزا گتیردین؟   سوْنرا دا یاز بولودو کیمی یاش تـؤکدۆ. جک آناسی‌نێـن آغلاماسێـندان چوْخ اۆزولوب، لوبیه‌نی پنچره‌دن ائشیڲـه آتێـب، اؤزۆ ده آغلادی. سوْنرا دا اۆره‌ڲـی آجێـییب، یوخلادی. ائرته‌سی گـۆن یوخودان دورودو، گئتدی میطباخدا آناسێـنا صبحانه دۆزلتسین. آنجاق نه قدر چالێـشسا دا پنجره‌نی آچا بیلمه‌دی.   #آردێ_گلن_سایێـدا...   @MuncuqAz https://t.me/Sancaq_media/8342 [1] . بیر موسیقی آلتی.

■ 2809 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 19 مردادماه 1405 🔹فایل pdf صفحات نشریه در لینک کانال تلگرام مهدتمدن⬇️ https://t.me/mtnewspaper 🌐 www.mtnews.ir 🌐 www.asanews.ir ☎️ 04135550663 📳 09362822918 🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۸۰۹. سایێنداکی تۆرکجه صفحه‌ «مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر. @SancaqDergisi @MuncuqAz

⭕️ دوْستوم آرێ   ✍️ یازان: #سامیار_باباکشی‌زاده – یئددی یاشێـندا – خیاو شهریندن     عمه‌مین باغێـنا گئتمیشدیک. من گـۆللری قـوْخلایێـردیم کی لاپدان بیر آری تاپێـلدی. من دئدیم: منله دوْست اوْلورسان؟ آدی دا پارسا ایدی! گئتدیک اوْینادێـق. سوْنرا کتاب یازدێـق. پارسا الیمه قـوْندو. من قێـشقیردیم، قوْرخدوم، گئتدی گـۆله قـوْندو. آنام گلدی، منه بال- کره بلله‌سی گتیردی. دئدی: - «اوْغلوم! بو بال دوْستون پارسانێـن هدیه‌سیدی.»     @MuncuqAz https://t.me/Sancaq_media/8340

⭕️ من و کپه‌نک ✍️ یازان: #آیه_پورصادق - سککیز یاشێـندا – تهران‌ شهریندن   من‌ کپه‌نک دوْستوملا بیرلیکده باغا گئتدیک. بیرلیکده گـۆللری قـوْخلادێـق، بیرلیکده کتابخانانی گؤرمڲـه اوْرایا گئتدیک. من کپه‌نک دوْلو بیر کتاب آلدێـم. قایێـتدیق خالامێـن باغێـنا. من کئچدیم ائوه. کپه‌نک گئدیب، گـۆله قـوْندو.     @MuncuqAz https://t.me/Sancaq_media/8337

⭕️Kasıbın macərası, səsli nağıllar ⭕️ کاسێبین ماجراسێ – سسلی ناغێل‌لار بیرینجی بؤلۆم 🔷 ناغیل‌لار! اوشا‌قلار و یئنی‌یئتمه‌لر اۆچون! (آذربایجان تۆرکجه‌سینده کارتون) @MuncuqAz https://t.me/Sancaq_media/8334

⭕️ ملّا نصرالدین حکایه‌لری   🟣 انجیر نوْبارێ   ملّانێـن حیطینده بیر انجیر آغاجێ واریدی. بیر ایل، بو آغاج یاخشێ بار وئریب.   گۆنلرین بیر گۆنو ملّا نصرالدین فکرلشیر کی، بو انجیردن امیر تیمورا نوْبارلێـق آپارسێن. سحر تئزدن قالخێب، بیر سبد انجیر دریب، پادشاهێن سارایێنا یٶنله‌نیر.   فرّاش‌لار* ملّانێ ایچرییه یوْل وئرمیرلر! انجیری آلێب، اٶزلری پادشاهێن محضرینه آپارێرلار. ملّا دا سارایێن قاپێسیندا گٶزۆ یوْلدا اوْتورور. اوْ بیری طرفدن ده بیر دسته فرّاش، بیر نئچه دوستاق* گتیریرلر. قاپێ‌دا دوستاق‌لارێ تحویل وئرن آن، گٶرۆرلر بیری أسکیکدیر! دئمه فرّاش‌لارێن باشێ‌سوْیوقلوغوندان*، دوستاق‌لارێن بیری یوْلدا أکیلیب! اۆزلرینه سٶز گلمه‌سین دییه، قاپێ‌دا اوْتوران ملّانێ ‌دا توتوب، دوستاق آدێنا تحویل وئریرلر.   یازێق ملّا، نه قدر قێشقیریر، یالوار – یاخار ائله‌ییر، سؤزۆنه باخان اوْلمور کی اوْلمور! کیشی‌نی آپارێب، آتێرلار زندانا... انجیرین پاداشێ دا زندان اوْلور!   ***   گۆنلر کئچیر، هفته‌لر دوْلانێر، آی‌لار باشا چاتێر، ملّا زنداندا قالێر.   گۆنلرین بیرینده نئجه اوْلورسا، «امیر تیمور»ون یوْلو دۆشور زندانا. ملّانێـن نئجه توتولدوغونو سوْروشور؟ ملّا احوالاتی دانێشیر. تیمور امر ائله‌ییر ملّانێ آزاد ائله‌سینلر. سوْنرا سوْروشور: - سنین انجیرین منیم بتر خوْشوما گلمیشدی. دئه گٶرۆم مندن نه ایسته‌ییرسن؟   ملّا جواب وئریر: - قبله‌ی عالم ساغ اوْلسون! من، اوْ انجیر اۆزوندن اوْ قدر بلا چکمیشم کی، داها باشقا بیر پاداش گٶرمک ایسته‌میرم. خواهش ائلییرم، امر ائلییه‌سیز منه بیر ایتی بالتا وئرسینلر!   تیمور سوْروشور: - بالتانێ نئیلیرسن آی ملّا؟   ملّا دئییر: - هئچ زاد! الیمدن بیرجه بو گلیر کی، اوْ انجیر آغاجێن دیبیندن کسیم!   🔶 آچێقلاما؛ فرّاش‌: خدمت ائیله‌ین دوستاق: زندانی باشێ‌سوْیوق: بی‌خیال آداما دییرلر     @MuncuqAz https://t.me/Sancaq_media/8332