Nur Africa Academy Education Channel Official Account

የሚኒስትሪ(ብሔራዊ) ፈተና ቅድመ ዝግጅት ለተፈታኝ ተማሪዎች የሚኒስትሪ ተፈታኝ ተማሪዎች የክረምት እረፍት ጊዜያቸውን ያለፈውን ክፍል የትምህርት አይነቶች ወደኋላ መለስ ብለው መከለስ እና ማስታወስ ይጠበቅባቸዋል።በተጨማሪም የሚኒስትሪ (ብሔራዊ) ፈተናን በስኬት ማጠናቀቅ የሚጀምረው ከመጀመሪያው የትምህርት ቀን ጀምሮ በሚደረግ ጽኑ ትኩረት እና ጥንቃቄ ነው። የሚኒስትሪ ተፈታኝ ተማሪዎች ውጤታማ እንዲሆኑ የሚከተሉትን ስልቶች ከመጀመሪያው ቀን አንስቶ ተግባራዊ ማድረግ ይኖርባቸዋል፦ ​1. የመጀመሪያው ቀን ዝግጅት እና አስተሳሰብ 👉​አወንታዊ አስተሳሰብ ማዳበር፡ ዓመቱን በሙሉ በትጋት ለመማር እና ፈተናውን በከፍተኛ ውጤት ለማለፍ የአዕምሮ (Mental) ዝግጅት ማድረግ። 👉​የመጀመሪያውን ቀን መረጃዎች በትኩረት መከታተል፡ መምህራን ስለሚሰጧቸው የትምህርት ዕቅዶች (Syllabus)፣ የክፍል ውስጥ ደንቦች እና የትምህርት ግቦች ትኩረት ሰጥቶ ማዳመጥ። ​2. የዕለት ተዕለት የትምህርት ልምዶች 👉​ንቁ ተሳትፎ (Active Participation): በክፍል ውስጥ በመወያየት፣ ጥያቄዎችን በመጠየቅ እና ማስታወሻ በመያዝ ፅንሰ-ሃሳቦችን በወቅቱ መረዳት። 👉​የዕለቱን ትምህርት በዕለቱ መገምገም፡ ከሰዓት በኋላ ወይም ማታ ቤት ሲደርሱ በዕለቱ የተማሯቸውን ትምህርቶች በመፈተሽ አእምሮ ውስጥ እንዲሰርፁ ማድረግ። 👉​የጥናት ጊዜ ሰሌዳ (Study Schedule) ማውጣት፡ ሚኒስትሪ የሚፈተኗቸውን የትምህርት አይነቶች እና ለፈተና ዝግጅት የሚሆን ሚዛናዊ የሆነ የሰዓት ሰሌዳ አዘጋጅቶ በዕለት ተዕለት እንቅስቃሴ ውስጥ ማካተት። (ሌሎች የትምህርት አይነቶች ሳይዘነጉ) ​3. ለሚኒስትሪ ፈተና ልዩ ትኩረት የሚሹ ጉዳዮች 👉​መሰረታዊ ፅንሰ-ሃሳቦችን መረዳት፡ የሚኒስትሪ ፈተናዎች አርዕስቶችን በቃላት ማስታወስ ላይ ብቻ ሳይሆን, ፅንሰ-ሃሳቡን በሚገባ መረዳት ላይ (Conceptual Understanding) ይመሰረታሉ። ስለዚህ ማስታወስ ብቻ ሳይሆን "ለምን?" እና "እንዴት?" ብሎ መጠየቅ ያስፈልጋል። 👉​የቀድሞ ዓመታት ፈተናዎችን መለማመድ፡ ዓመቱ እየገፋ ሲሄድ ቀደም ሲል የወጡ የሚኒስትሪ ፈተናዎችን እና ሞዴል ፈተናዎችን በመለማመድ የጥያቄ አቀራረብ ዘይቤን መልመድ። 👉​ማጣቀሻ መጻሕፍትን መጠቀም፡ በመንግስት ከተሰጡ የመማሪያ መጻሕፍት ባለፈ ተጨማሪ ጥያቄዎችን እና ማብራሪያዎችን የያዙ መጻሕፍትን መጠቀም። ​4. ጤና እና ስነ-ልቦናዊ ዝግጅት 👉​በቂ ዕረፍት እና እንቅልፍ፡ አእምሮ በትክክል እንዲሰራ እና መረጃዎችን እንዲይዝ በቂ እንቅልፍ መተኛት። 👉​ጊዜን በአግባቡ መጠቀም፡ ጊዜን ማባከን ከፈተና ውጥረት ጋር በቀጥታ ስለሚያያዝ ከጅምሩ የጊዜ አስተዳደር ላይ ማተኮር።ይህም ሰርገኛ መጣ በርበሬ ቀንጥሱ አይነቱን ብሂል ይቀንሳል። 👉​ከጓደኞች ጋር በቡድን ማንበብ፡ ትምህርቶችን ከሚወዷቸው እና አብረዋቸው ከሚያጠኑ ጓደኞች ጋር በመወያየት አስቸጋሪ ፅንሰ-ሃሳቦችን በቀላሉ መረዳት። በአጠቃላይ የሚኒስትሪ(ብሔራዊ) ተፈታኝ ተማሪዎች ጊዜን ከጥናት ጋር ማጣጣም ይኖርባቸዋል፤ ከወድሁ ስነ ልቦናዊ ዝግጅትም ማድረግ ይጠበቅባቸዋል።

ውድና የተከበራችሁ ወላጆች 👉ከ5ኛ እስከ 8ኛ ክፍል የተማሪዎች ምዝገባ ያጠናቀቅን ሲሆን 👉ከ1ኛ እስከ 4ኛ ክፍል ያለን ቦታ ውስን ስለሆነ ያላስመዘገባችሁ ወላጆች አሁንም ቢሆን ቅድሚያ ለናንተ እየሰጠን እስከ ነሐሴ 08/12/2018 እንድታስመዘግቡ ስንል እናሳስባለን።የተቀመጠላችሁን የጊዜ ገደብ አሳልፋችሁ የምትመጡ ከሆነ ራሳችሁ ሀላፊነቱን የምትወስዱ ይሆናል።

የልጆች አያያዝና አስተዳደግ ልጆች የቀጣይ የሂወት ጉዟቸው ያማረና የሰመረ እንድሆን የወላጆች ሚና የላቀ ነው፤በተጨማሪም ለወላጆች ትልቅ ኃላፊነትና ደስታ የሚሰጥ ጉዞ ነው። ልጆችን በጥሩ ስነ-ምግባር፣ በፍቅር እና በራስ መተማመን ኮትኩቶ ለማሳደግ የሚረዱ ዋና ዋና ነጥቦች የሚከተሉት ናቸው፡ ​1. ፍቅርና ትኩረት መስጠት 👉​አዎንታዊ ፍቅር፡ ልጆች በቃላትም ሆነ በተግባር (በማቀፍ፣ በማመስገን) ፍቅር እንደሚያስፈልጋቸው ማሳየት አለብን። 👉​ጊዜ መስጠት፡ በቀን ውስጥ የተወሰነ ጊዜ ከስልክና ከሌሎች ነገሮች ነፃ በመሆን ከልጆች ጋር መጫወት፣ ማውራትና ማዳመጥ አስፈላጊ ነው። ​2. ግልጽ ድንበርና ደንብ ማውጣት 👉​ቋሚ ደንቦች፡ ልጆች ምን ማድረግ እንዳለባቸውና እንደሌለባቸው የሚያሳዩ ግልጽ መመሪያዎች ያዘጋጁ (ለምሳሌ፡ የጥናት ጊዜ፣ የስክሪን/ቲቪ ጊዜ፣ የእንቅልፍ ሰዓት)። 👉​ቅጣት ሳይሆን ማስተካከል፡ ጥፋት ሲያጠፉ በቁጣ ወይም በዱላ ሳይሆን፣ ለምን ስህተት እንደሆኑ/እንደሰሩ ማስረዳትና የድርጊታቸውን ውጤት እንዲረዱ ማድረግ። ​3. ጥሩ አርአያ መሆን 👉​ቤት ውስጥ ልጆች የሚማሩት ከምናስተምራቸው ይልቅ ከምናደርገው ነው! ​እርስ በእርስ የሚደረግ መከባበርን፣ ታግሶ ማዳመጥንና ቁጣን መቆጣጠርን በራሳችን ህይወት ማሳየት አለብን። ​4. በራስ መተማመንን ማሳደግ 👉​ምስጋና እና ማበረታቻ፡ በውጤታቸው ብቻ ሳይሆን በሚያደርጉት ጥረትና ትጋት አድንቋቸው። 👉​ኃላፊነት መስጠት፡ እንደ እድሜያቸው የቤት ውስጥ ስራዎችን እንዲሰሩ ማድረግ (ለምሳሌ፡ መላላክ፣ አልጋ ማስተካከል፣ህፃናት ጫማቸውን እንድያስሩና ልብሳቸውን ራሳቸው እንድለብሱ ማድረግ) በራስ መተማመናቸውን ይጨምራል። ​5. ስሜታቸውን እንዲረዱና እንዲገልጹ መርዳት 👉​ ሲናደዱ ወይም ሲያኮርፋ ስሜታቸውን መረዳትና "ምን እንደተሰማህ/ሽ እረዳለሁ" በማለት ስሜታቸውን በሰለጠነ መንገድ እንዲገልጹ አግዟቸው። 👉ሲደሰቱና ሲቦርቁ አብራችኋቸው መደሰትና መቦረቅ የተለየ ስሜት ይሰጣቸዋል። 👉እያንዳንዱ ልጅ የተለያየ ባህሪና ተሰጥኦ አለው።ልጅዎን ከሌሎች ልጆች ጋር ፈፅሞ አያወዳድሩ፤ይልቁኑ የራሱን/ሷን አቅምና ችሎታ አውጥቶ እንድጠቀም ይደግፉት/ፏት። ​

አስደሳች ዜና👏👏👏👏👏 ውድና የተከበራችሁ የኑር አፍሪካ አካዳሚ ወላጆችና የት/ቤት ማህበረሰብ እንኳን ደስ አላችሁ በ2018 የትምህርት ዘመን በሰኔ ወር መባቻ በትምህርት ቤታችን በተካሄደዉ የደረጃ ፍረጃ /እስታንዳርድ ኢንስፔክሽን ት/ቤታችን የተሻለ ውጤት በማስመዝገብ ደረጃ 3 በመሆኑ (የላቀ ደረጃ) በማግኘቱ እጅግ በጣም ደስ ብሎናል እንኳን ደስ አላችሁ፡፡🏆🏆🏆🏆🏆🏆🥇🥇🥇🥇🥇🏆🏆🏆🏆🏆🏆🏆🏆🏆🏆🏆🥇🥇🥇🥇🥇🌻🌻🌻🥇🏆🏆🏆🌻🏆🏆 ለዚህም ውጤት የእናንተ ውድ ወላጆች ሚና እጅግ የላቀ በመሆኑ ከልብ እያመሰገንን የትምህርት ስራ የጋራ ስራን ይጠይቃልና ቀጣይም የተለመደውን ትብብራችሁን በማጠንከር ለጋራ ውጤት የጋራ ስራ የምንሰራ ይሆናል፡፡ ኑር አፍሪካ አካዳሚ የእናንተ ተወዳጅና ቀዳሚ ት/ቤት

ጎበዝ ተማሪ የመሆን ዋና ዋና አበይት ነጥቦች ጎበዝ እና ውጤታማ ተማሪ መሆን ድንገት የሚመጣ አጋጣሚ ሳይሆን፣ የትክክለኛ ልማዶች፣ የጽናት እና የጥሩ ስልት ውጤት ነው። ​በጥናት እና በተግባር የተረጋገጡ ጎበዝ ተማሪ የመሆን ዋና ዋና ሚስጥሮች የሚከተሉት ናቸው። ​1. የማጠናት ስልትን ማሻሻል (Smart Study) ​በሰንጠረዥ ማናት (Time Blocking): ዋና ዋና የሚባሉትን አበይት ነጥቦች እጥር ምጥን ባለ መልኩ ለይቶ ማውጣት በየቀኑ ለጥናት የሚሆን የተወሰነ ሰዓት መመደብ፤ በጥናት መካከልም አጭር የዕረፍት ጊዜ መውሰድ(ለምሳሌ፦ 25 ደቂቃ አጥንቶ ለ5 ደቂቃ) ማረፍ። ​ንቁ ተሳትፎ (Active Recall): ማንበብ ብቻ በቂ አይደለም። ያነበብነውን መጽሐፍ ዘግተን "ምን ተረዳሁ?" ብለን ራሳችንን መጠየቅ፣ ወይም ማስታወሻ ሳናይ ራስን መፈትን። ​ለሌላ ሰው ማስረዳት (Feynman Technique): ያጠናነውን ርዕስ ለጓደኛችን ወይም ለራሳችን በቀላል ቋንቋ ለማስረዳትም ሆነ ለመረዳት መሞክር። ጽንሰ-ሐሳቡን ምን ያህል ጠልቀን መረዳታችንን ለማወቅ የተሻለው መንገድ ይህ ነው። ​2. ክፍል ውስጥ ንቁ መሆን ​ከፊት መቀመጥና ማስታወሻ መያዝ: ባብዛኛው የምንረዳው ክፍል ውስጥ እንደመሆኑ መጠን አስተማሪው የሚናገረውን/የሚያስረዳውን  በአጭር በአጭሩ መያዝ። ​ጥያቄ መጠየቅ: ያልገባንን ነገር ወዲያውኑ አስተማሪያችንን ወይም ጓደኞቻችንን ጠይቀን መረዳትና የሚጠየቁ ጥያቄዎችን አለማከማቸት። ​3. ጊዜን በአግባቡ መያዝ (Time Management) ​ዛሬ የሚሰራውን ለነገ አለማስተላለፍ: የቤት ሥራዎችን፣አሳይመንቶችንና እና ፕሮጀክቶችን በተሰጠው ቀን መጀመርና ሰርቶ ማጠናቀቅ ከፈተና በፊት የሚፈጠርን ጭንቀት ይቀርፋል። ​ቅደም ተከተል ማውጣት: አስቸጋሪ ወይም ትኩረት የሚሹ ትምህርቶችን አእምሯችን ሳይደክም ጠዋት ወይም በጥናታችን መጀመሪያ ላይ ማጠናቀቅ። ቤተ መፅሀፍ ገብተን የምናነብበትን ጊዜ፣ የተለያዩ ትምህርቶችን መለማመጃ/መዘጋጃ ጥያቄዎችን የምንሰራበትን ጊዜ መመጠን ይኖርብናል። ​4. የአኗኗር ዘይቤ እና የአእምሮ ዝግጅት ​በቂ እንቅልፍ ማግኘት: አእምሮ ያጠናውን ነገር መዝግቦ የሚይዘው እና የሚያድሰው በእንቅልፍ ወቅት ነው (በቀን ከ7–8 ሰዓት እንቅልፍ አስፈላጊ ነው)። ​ጤናማ ምግብ እና እንቅስቃሴ: የተመጣጠነ ምግብ መመገብና አካላዊ ጤንነት ለንቁ አእምሮ መሰረት ናቸው። ​አዎንታዊ አስተሳሰብ (Growth Mindset): "አልችልም" ከማለት ይልቅ "በደንብ ካጠናሁና ከተለማመድኩ እችላለሁ" የሚል እምነት ሊኖረን ይገባል። በአጠቃላይ ጎበዝ ተማሪ ማለት በቀን 24 ሰዓት የሚያጠና ሳይሆን፣የሚያጠናበትን ሰዓት በአግባቡና በትኩረት የሚጠቀም ነው።

ወላጆች ለልጆቻቸው በክረምት የእረፍት ጊዜያቸው ማድረግ የሚጠበቅባቸው መሰረታዊ ነጥቦች የክረምት የእረፍት ጊዜ ተማሪዎች ከአእምሮ ውጥረት የሚያርፉበት ብቻ ሳይሆን ለቀጣዩ የትምህርት ዘመን እራሳቸውን የሚያዘጋጁበት፣ አዳዲስ ክህሎቶችን የሚጨብጡበት እና ከቤተሰብ ጋር መልካም ጊዜ የሚያሳልፉበት ወርቃማ እድል ነው። ​ወላጆች በዚህ ጊዜ ለልጆቻቸው ማድረግ ከሚጠበቅባቸው ዋና ዋና ነገሮች መካከል፦ ​1. የንባብ እና የትምህርት ባህልን ማሳደግ ​መጽሐፍትን ማቅረብ፦ ከዕድሜያቸው ጋር የሚመጥኑ የተለያየ ይዘት ያላቸውን የመልካም ሥነ-ምግባር፣ የጥናትና ምርምር፣ የፈጠራ እና የታሪክ መጽሐፍትን በማቅረብ እንዲያነቡ ማበረታታት። ​የቀደመውን ማስታወስ እና ለቀጣዩ መዘጋጀት፦ ባለፈው ዓመት የከበዷቸውን ትምህርቶች በቀን ከ1–2 ሰዓት ከለስ ማድረግ እና የለዩትን ክፍተት መሙላት። ​2. አዳዲስ ክህሎቶችን (Skills) እንዲያዳብሩ መደገፍ ​የቋንቋ እና የቴክኖሎጂ እውቀት፦ ተጨማሪ ቋንቋዎችን እንዲማሩ ወይም ዕድሜያቸው የሚፈቅድ ከሆነ መሰረታዊ የኮምፒውተር እውቀት እንዲያገኙ ሁኔታዎችን ማመቻቸት። ​የእጅ ሙያ እና የስፖርት እንቅስቃሴ፦ የእደ ጥበብ ስራዎች፣ ሩጫ(የሰውነት እንቅስቃሴ)፣ጂም ፣ስዕል፣እግር ኳስ ወይም ሌሎች ስፖርቶችን እንዲለማመዱ(እንድሰሩ) ማበረታታት። ​3. የቤት ውስጥ ኃላፊነት መስጠት (Life Skills) ​ራስን የመቻል ልምድ፦ ልጆች እንደ ዕድሜያቸው መጠን የራሳቸውን አልጋ እንዲያነጥፉ፣ ልብሳቸውን እንዲያጥቡ፣ የቤት ውስጥ ጽዳት እንዲያግዙ እና ቀላል ምግቦችን ማዘጋጀት እንዲለማመዱ ማድረግ። ​የጊዜ አጠቃቀም፦ የእረፍት ጊዜ ነው ብሎ ቀኑን ሙሉ እንቅልፍ ወይም ቴሌቪዥን/ስልክ ላይ እንዳያሳልፉ የዕለት ተዕለት መርሃ ግብር (Routine) አብሮ ማውጣት። ​4. በበጎ ፈቃድ እና በማህበራዊ እንቅስቃሴዎች ማሳተፍ ​ማህበራዊ ግንኙነት፦ ከዘመድ፣ ከአያቶች እና ከጓደኞቻቸው ጋር የሚያሳልፉትን ጊዜ ማመቻቸት። ​በጎ ፈቃደኝነት፦ በአካባቢ ጥበቃ (ዛፍ መትከል)፣ አረጋውያንን በመርዳት ወይም ህፃናትን በማስተማር መሰረታዊ የበጎ ፈቃድ አገልግሎቶች ላይ እንዲሳተፉ በማድረግ የርህራሄ እና የኃላፊነት ስሜት እንዲያዳብሩ ማድረግ። ​5. የስክሪን ጊዜን (Screen Time) መገደብ ​የዲጂታል መሳሪያዎች አጠቃቀም፦ ስልክ፣ ቲቪ እና ቪዲዮ ጨዋታዎች (Video Games) ላይ የሚያሳልፉትን ጊዜ መገደብ እና ይዘቱንም መከታተል። ​አካላዊ እንቅስቃሴ፦ ከስክሪን ይልቅ ከቤት ውጭ ወጥተው እንዲጫወቱ እና እንቅስቃሴ እንዲያደርጉ ማበረታታት። ​6. የቅርብ ወዳጅነት እና የስነ-ልቦና ድጋፍ መስጠት ​አብሮ ጊዜ ማሳለፍ፦ ከልጆች ጋር በግልጽ መጫወት፣ ማውራት፣  መዝናኛ ቦታዎችን አብሮ በመሄድ የጠበቀ የቤተሰብ ፍቅር መገንባት። ​ማዳመጥ፦ ስለ ቀጣዩ ትምህርት ዘመን የሚያነሷቸውን ጥያቄዎች፣ ፍላጎት እና እቅድ ማዳመጥና ማበረታታት። 👉እንደአጠቃላይ የተማሪዎች የክረምት እረፍት ዋናው ቁልፍ ነገር የተማሪዎችን የትምህርትና የእረፍት ጊዜን ሚዛናዊ (Balanced) ማድረግ ነው።ሙሉ እረፍት በማሳረፍ ትምህርትን እንድዘነጉ ማድረግም ሆነ ሙሉ በሙሉ በክረምት ትምህርት ብቻ ትኩረት እንድያደርጉ በማድረግ አእምሯቸውን ማጨናነቅ ተገቢ አይደለም።

ተማሪዎች የክረምቱን የእረፍት ጊዜ ለአእምሮ እረፍትና ለመዝናናት ከመጠቀማቸው ባሻገር፣ ለቀጣዩ የትምህርት ዘመን በበቂ ሁኔታ ለመዘጋጀት የሚከተሉትን ዋና ዋና ነጥቦች ቢተገብሩ ውጤታማ ይሆናሉ። ​፩.የባለፈው ዓመት ትምህርትን መከለስ እና ክፍተቶችን መድፈን 👉​ደካማ ጎኖችን ማሻሻል፡ ባለፈው የትምህርት ዘመን ያስቸገሯቸውን ትምህርቶች (ለምሳሌ፡ ሂሳብ፣ እንግሊዝኛ ወይም ሳይንስ) በመለየት የክረምቱን ጊዜ ለማጠናከር መጠቀም። 👉​መሰረታዊ እውቀቶችን ማዳበር፡ የቀጣይ ክፍል ትምህርቶች በባለፈው ዓመት እውቀት ላይ የሚገነቡ በመሆናቸው፣ ዋና ዋና ፅንሰ-ሀሳቦችን (Concepts) ክለሳ ማድረግ ፪. የቀጣዩን ዓመት ትምህርት አስቀድሞ ማወቅ 👉​መጻሕፍትን አስቀድሞ ማንበብ፡ የቀጣይ ክፍሎች መጻሕፍትን በማንበብ ይዘታቸውን አስቀድሞ ለማየት/ለመዳሰስ መሞከር። 👉​አጠቃላይ ግንዛቤ መያዝ፡ የትምህርቶቹን አጠቃላይ ይዘት አስቀድሞ ማወቅ በክፍል ውስጥ ትምህርቱ ሲጀመር በቀላሉ ለመረዳት ያግዛል። ፫. አዳዲስ ክህሎቶችን እና ንባብን ማሳደግ 👉​የንባብ ባህልን ማዳበር፡ ከተማሪ መጻሕፍት ውጭ ያሉ የፈጠራ፣ የታሪክ ወይም አጋዥ መጻሕፍትን በማንበብ የቋንቋና የንባብ ክህሎትን ማሳደግ። 👉​አዳዲስ ክህሎቶችን መማር፡ እንደ ኮምፒውተር፣ የውጭ ቋንቋዎች፣ ወይም አጭር የሙያ ስልጠናዎችን በመውሰድ አእምሮን ንቁ ማድረግ ፬. የአእምሮ እና የአካላዊ ዝግጅት ​የእንቅልፍ እና የጊዜ ሰሌዳን ማስተካከል፡ ትምህርት ከመከፈቱ ከ1-2 ሳምንት አስቀድሞ አርፍዶ የመተኛትና የመነሳት ልማድን በማስተካከል ወደ ትምህርት ቤት የእንቅልፍ ሰዓት መመለስ። 👉​አእምሮን ማዘጋጀት፡ ለቀጣዩ ዓመት አዳዲስ ግቦችን (Goals) ማቀድ (ለምሳሌ፡ ማግኘት የሚፈልጉትን ውጤት እና የሚያደርጉትን ጥረት መወሰን)። ፭. የማቴሪያል እና ቁሳቁስ ዝግጅት ​የማጠናቀቂያ ዝግጅት፡ ትምህርት ከመጀመሩ ጥቂት ሳምንታት በፊት አስፈላጊ የሆኑ የትምህርት ቁሳቁሶችን (ደብተር፣ እስክርቢቶ፣ ቦርሳ ወዘተ.) ማዘጋጀት። 👉በአጠቃላይ ጥሩ የክረምት እረፍት ማለት ሙሉ በሙሉ ከትምህርት መራቅ ሳይሆን እረፍትን፣መዝናናትን እና ለቀጣይ ስኬት የሚሆን ዝግጅትን አጣጥሞ ማስኬድ አስፈላጊ ነው።

የነባር ተማሪዎች ምዝገባ ሊጠናቀቅ 1 ቀን ብቻ ቀረው።የአዲስ ተማሪዎች ምዝገባ ሀሙስ፣ሀምሌ 16/2018 የሚጀምር ይሆናል።

ውድና የተከበራችሁ የኑር አፍሪካ አካዳሚ ወላጆች እንደሚታወቀው የነባር ተማሪዎች ምዝገባ ከጀመርን 12 ቀናትን አሳልፈናል። የምዝገባውንም መርሃ ግብር በሚመለከት በተቀመጠላችሁ የጊዜ ገደብ መሰረት ያስመዘገባችሁ ወላጆችን እያመሰገንን፣ልጆቻችሁን ያላስመዘገባችሁ  ወላጆች አሁንም ቢሆን ቅድሚያ የምንሰጠው ለእናንተ ውድ ቤተሰቦቻችን ነውና የቀራችሁ ጊዜ 3 ቀናት ብቻ መሆኑን አውቃችሁ ልጆቻችሁን እንድታዝመዘግቡ እናሳስባለን። የተቀመጠላችሁን የጊዜ ገደብ አሳልፋችሁ የምትመጡ ከሆነ  ራሳችሁ ሀላፊነቱን የምትወስዱ ሆናችሁ በእኛ በኩል ያለውን ክፍት ቦታ በአዲስ ተመዝጋቢ ተማሪዎች የምንተካ ይሆናል🙏🙏🙏

👆በዕለተ እሁድ፤ ሰኔ 28/2018 በነበረው ደማቅ የኬጂ ምርቃት ቀንጨብ ተደርጎ የተወሰደ ቅንብር

👆Grade1_Grade 8 Student text book