Nazar Shukur

Ko'zgu Yo'lda bir ko'zgu Yotardi siniq. Siznsa hamki u, Siynasi tiniq. 1972-yil @Nazar_Shukur

‼️ ДИҚҚАТ!! 🤝 Шоир Жонтемир билан ижодий суҳбат 16 август яъни эртага соат 21:00 да режалаштирилди. 🔽 Онлайн мулоқот қуйидагича бўлиб ўтади: 💬 Кузатувчилар саволларини Алаҳ гуруҳида ёзиб қолдирадилар ва ман саволларни ўқиб эшиттираман. Савол юборувчи аноним бўлиб қолади. Бу, албатта, шаффофликни таъминлайди. 💡 Суҳбат якунида Шоир ўзига ёққан саволлардан танлайди ва танланганлар муаллифнинг (“Қўрқинчли одам”, “Дарвеш қўшиғи”; топа олсак, “Жазба”) китоблари билан тақдирланади. ➡️ Суҳбатда иштирок этишни истасангиз, каналга обуна бўлинг: https://t.me/Feruz_Nematullayev

Bayramingiz muborak bo'lsin!

* * * Хаёлларим чексиз эмас, Ўзимдан то висолинггача. Ундан нарида ҳеч нима йўқ: Шеър ҳам, муҳаббат ҳам… Ҳаммаси, Мен билан  то сенгача. Гоҳ шу хаёлларимга Ўзгалар!.. Мен қутулолмаган ўзгалар кириб келади! Улардан нафратланаман, Улардан рашк қиламан! Қаранг, Бу ерда ҳам тинч қўймайди улар. Қўрқаман жуда — Хаёлларим бўйлаб боришидан! Хаёлларим бўйлаб боришидан, Қўрқаман!… Хаёлларим сўнгида Сен борсан-ку, севгилим. Назар ШУКУР

*  *  * Тағин олам ташқарида қолибдида. Эҳ бу кеча ҳам... Уйга киритишни унутибман-а. Назар ШУКУР

*  *  * Қочма, итлар баттар қувишади. Ғоз юрсанг - Сени ботир ўйлашади. Назар ШУКУР

Александр Сергеевич ПУШКИН каналига марҳамат! t.me/A_S_Pushkin_ijodi

1827 ЙИЛ 19 ОКТЯБРДА Тангри ёр бўлсин, жўралар, сизга — Шоҳ хизматию ҳаёт ғамида. Дўстона ишрат базмлари ҳам Севгининг сирли, ширин дамида. Тангри ёр бўлсин, жўралар, сизга — Бўронлардаю тириклик дардида, Ёт диёрда ҳам олис денгизда, Ҳам у қоронғи ернинг қаърида...¹ 1827 ¹Бу шеър декабристларга, Пушкиннинг лицейда бирга ўқиган ва кейин Сибирга сургун қилинган дўстларига (Кюхельбекер ва Пушчинга) бағишланган. Миртемир таржимаси @A_S_Pushkin_ijodi

ҚИШЛОҚ Қишлоқ сўйлар дарахтлар ахдин Ва чўпонлар сўзини найда. Сўйлаб берди кимнингдир бахтин Дил сирларин оқизиб сойда. Гапирардим гапни шевасиз... Чанг йўлларда кузатди, қайтсам. Англамади, Уриниб ҳаргиз — Тор кўчалар исмини айтсам.                         1979-й Назар ШУКУР

ДЕНГИЗДА Денгиз сокин. Ҳар ёни тиним. Ҳайқиришдан толган унлари. Тўлқинлар ҳам тубига унинг Чўккан худди лангар сингари. Бош кўтармас шовқину сурон, Зериктиргай бу ҳол кишини. Қалблар истар мавжларни бўрон, Сув юзига қайтаришини. Назар ШУКУР

БОЛАЛИК У фақат севади хивич отларни, Қўрғонларни севиб қумдан қуради. Билмайди хушомад, илтифотларни, Муштлашиб, қоқилиб - у пок юради. Ғўра меваларни узиб қочади, Қоровул сезмаса еяр ғолиб, шод. Катталар атайин дўқин сочади, Барча шўхлигини кечирар ҳаёт. Қиз, йигит бурчакда турса шивирлаб, Уялиб устидан пиқ-пиқлаб кулар. Бир айби: у ўчдир ширинликка заб Ва ширин сўз билан алдаса бўлар. Ота ва онасин севар ягона, Севади эртакнинг садоларини. Болалик шу билан бахтликни яна: Билмайди севгининг савдоларини! Назар Шукур

ХИЁНАТ Тўлиб йиғлар оқшом бечора, Кўтаролмай қувғин бошини. У гулларга дейди ёлвора «Билсин,қуёш тўккан ёшимни!!!» Соғингандан жиққа ҳўлмиз деб, Гуллар ҳар тонг сўзга очар лаб Шўрлик туннинг ёшлари билан Ишонтирар қуёшни алдаб! Назар Шукур

HOLATLAR Kelmoq – Baxt. Uchrashmoq – Quvonch. Ketmoq – Iztirob. ... Kelayapti!.. Yurak hovuchlab Chopib eshik ochasan. ... Xonangni to'ldirib yuborar Entikishlar, bo'salar... ... Nega ko'zingga yosh olayapsan? Hijron abadiy emas-ku! Nazar Shukur

МАШРАБ ҚЎШИҒИ Не юртни дарбадар кездим — оёғимда гуноҳ йўқдир. Кўз ашким бузди дунёни — қароғимда гуноҳ йўқдир. Юрагим ғамга садоқдир — кўп отдим нафратим ёйин, Адо бўлмас экан ёйим, садоғимда гуноҳ йўқдир. Тарк этдим чархи фалакни, мени тарк этмади оҳлар, Агар кечсам, бу очундан талоғимда гуноҳ йўқдир. Гоҳо эл-юртни оч кездим, насибам бўлди ёлғон, Мудом бўш бўлса, эй дўстлар, товоғимда гуноҳ йўқдир. Аъёнлар гардуни аро гўё тийра булутдирмен, Нетай, ҳар куни қор ёғса, қовоғимда гуноҳ йўқдир. Ўсиқдир соқол-у мўйлар, тутундек тўзиган сочлар, Тарашга етмаса ҳолим, тароғимда гуноҳ йўқдир. Кўникмадим ноҳақликка, қаламим бўлди яроғим, Ноҳақнинг қотили бўлсам, яроғимда гуноҳ йўқдир. Худоман! Гарчи кофир деб Мансурни тортдилар дорга, Бўғар сиртмоқ, билинг ахир томоғимда гуноҳ йўқдир. 14. 08. 82. t.me/Nazar_Shukur

* * * Бир тош кўрсанг йўл ўртасида Тепиб ўтма, ёр қилиб ҳазар. Сени кутиб оёқ остида Ётар тошга айланиб Назар. Аямасдан ардоқларингни Зангор сойни кечасан кулиб. Билмайсанки, оёқларингни Ўпар шу чоқ Назар сув бўлиб. Бевафолик қилса гар санам Ҳайиқмасдан мард эр тиғ санчар. Ҳушёр тортгин, ичиб онт-қасам Юргай Назар шаклида ханжар. Топмас эди шеърларим сайқал Ёр, бермасанг ишқинг билан зеб Сенга тиклаб сўзлардан ҳайкал Имзо чекдим «Назар Шукур» деб. Соқчи каби турган ҳар дарахт Манзилингга омон етказар. Қўйганмисан уларга қараб? Ахир, унинг ҳаммаси –Назар! Сени кўздай асрамоқ учун Жисми билан интилиб нурга, Гирдингдаги нарсалар бугун Айлангандир Назар Шукурга! 1.01.84

11 март — халқимизнинг дилбар ва дардли шоири Назар ШУКУР таваллуд топган кун #Руҳфарёди * * * Эринг бўғилади шеърларим ўқиб, Сени азоблайди излаб баҳона. Сен-чи ёлворасан унга тиз чўкиб, Дейсан: “У мен учун энди бегона!” Ишонмас! Чорасиз тўйдинг жонингдан, Бошингдан ёғилар таъналар бетин. Мен ўлсам маҳрумсан илк севганингдан, У ўлса, фарзандинг қолади етим! * * * Севгисиз дилларни боғлаб бўлмас, ер, Севгисиз қисматнинг туташмас йўли. Паспортга урилган муҳр ҳам бекор, Бекордир муҳрдор одамнинг қўли. Бегона экан то жуфт ёниқ ҳислар Қўшилмас уй-жойинг. Бўлсин шоҳона. Боғлолмас бу йўлни ҳатто ЗАГСлар, Бўлолмас боғлаш-чун фарзанд баҳона. * * * Не ҳадиклар жойлаб кўнгилга, Тинч дамлардан кетгайсан учиб. Беихтиёр номимни тилга Олишингдан яшайсан чўчиб. Хаёлингу тушингга мутлоқ Шарпалардай киргайман сизиб. Сен қўрқасан, ёринг боққан чоқ Чиқишимдан чеҳрангга сузиб. ✍️ Назар ШУКУР https://t.me/vaqt_manzili

НАЗАР ШУКУР (1954-1985) Назар Шукур, 1954 йил 11 мартда Чироқчи туманида таваллуд топган. Унинг “Кўкдаги умр” (1984), “Қишлоқ йўлларида” (1985), “Вақт хиёбонида” (1992), “Видо” (2004), “Мени кечир, муҳаббат” (2005), “Сен қайтмасанг” (сайланма, 2006) каби китоблари чоп этилган. Шоирнинг 2016 йилда “Ўзбекистон” нашриётида “Осмон ташбеҳлари” сайланмаси нашр этилди. 2021 йилда Ўзбекистон Ёзувчилар уюшмаси томонидан “Баҳор соғинчи” тўплами чоп қилинди. У Расул Ҳамзатов, Владимир Соколов, Андрей Вознесенский, Имант Зиедонис, Юстинас Марцинкявичюс, Елена Пагиева, Собит Мадалиев шеърларидан намуналарни рус тилидан она тилимизга ўгирган. 1985 йили автоҳалокат туфайли вафот этган. Шоирнинг мангуликка дахлдор шеърлари мамлакат матбуот нашрларида доимий ёритиб борилмоқда. Ўзбекистон Ёзувчилар уюшмаси Қашқадарё вилоят бўлими.

Армон, Ўкинч, Ғусса, Пушаймон. Борлиғимга киргай бостириб, Ўча бошлар кўзимда жаҳон, Зулумотнинг исмин ёздириб. Шуълаларга тўлсин деб бағир, Тутқич бергим келмас мунгларга. Бироқ, Инграб юборгум оғир, Урилганча Сенсиз кунларга! @Nazar_Shukur

OVOZIMNING CHEGARALARI Chaqiraman aytib nomingni, Kelolmasdan, gulim, o‘zimga. Visol ishqi o‘rtar jonimni, Tiqiladi so‘zlar BO‘GʻZIMga. Chaqiraman! Turar bemalol, – Ovozimni YIROQlar yutib. Shaxt-shiddatin sindirgay, alhol, Sobit QIRlar ko‘ksini tutib. Zilday HIJRON o‘rtada abad, Sen yashaysan baridan nari. Imkon bermay qiynar beshafqat, Ovozimning chegaralari!

XIYONAT To‘lib yig‘lar oqshom bechora, Ko‘tarolmay quvg‘in boshini. U gullarga deydi yolvora: “Bilsin, quyosh to‘kkan yoshimni! Sog‘ingandan jiqqa ho‘lmiz deb, Gullar har tong so‘zga ochar lab. Sho‘rlik tunning yoshlari bilan, Ishontirar quyoshni aldab! @Nazar_Shukur