Muhammad Sameh

تغيير في التايبوجرافي الخاص بإنستجرام.

من أكتر الحاجات اللي ممكن تدمرك حرفيًا هي القلق، وبالذات القلق الزائد والتفكير الكتير. لو أنت قلقان من شئ هيحصل فالقلق ده هيخلي معاناتك مضاعفة، فلو الموضوع طلع من ايدك، فلازم يطلع من دماغك برضه. القلق الزائد ده بيخليك تفكر في اسوأ سيناريو ممكن يحصل، وانا عاوز افاجئك أن السيناريو ده في أكثر الحالات مش بيحصل! وبعدين حتى لو حصل فأنت مفيش حاجة في ايدك تعملها عشان تتجنبه، طيب ليه القلق؟

حاليًا ادوبي شغاله في حملة اغلاقات كبيرة للحسابات سواءًا كانت من تجار او حسابات رسمية من ادوبي نفسها. ودي مش حاجة جديدة من ادوبي، تقريبًا بيعملوا حملة كل سنة ويقفلولهم كام الف اكونت، والدنيا بترجع تهدى شوية لحد السنة الي بعدها لما يعملوا حملة جديدة، اسم بقى الكلمتين دول بتركيز عشان انا جايب لك الخلاصة. *️⃣ أغلب التجار ان مكانوش كلهم بيكونوا عاملين اشتراكات Workspaces وبيدخلك بحسابك الشخصي جواها، بس المشكلة ان الاشتراكات دي بتكون مخصصة للشركات مش للاستخدام التجاري، فأول ما ادوبي بتاخد بالها من ده بتقفل الحساب كله. الجديد المرادي ان فيه ناس حاسبتها اتقفلت وهي مشتركة مع ادوبي مباشر، ليه بقى المرادي؟ *️⃣ الي داير حاليًا انك بتعمل حساب واحد وتقسمه انت وصاحبك بما ان كل حساب بيشتغل على جهازين، بس الفكرة ان ادوبي بتقولك ان الحساب (شخصي) بيشتغل على جهازين، مثلًا لو معاك لابتوب وكمبيوتر، بس انت تبقى *المالك* للجهازين دول ، فلما ادوبي تاخد بالها ان فيه حركات تسجيل دخول وخروج من الحساب كتير، او ان الأيبيهات بتاعت الاجهزة بتختلف هي بتاخد بالها ان الجهاز ده اكثر من شخص بيستخدموه ، فتقوم قافله الحساب Suspicious Activity. انا مش بدافع عن الشركة، كلنا عارفين ان ادوبي شركة حقيرة من زمان، بس للاسف المنتج بتاعها احتكاري واحنا محتاجين ليه لحد ما يطلع بديل مناسب نعتمد عليه. فعشان تتفادى ان شغلك يتعطل وحسابك يتقفل حاول تعمل الآتي: 1- بلاش ارجوك اي حسابات من اي تجار حتى لو اسعارها مغرية، ولو مضطر اعمل اشترك بحساب جديد خالص يكون بعيد عن بيهانس بتاعك واعمل حسابك ان ده حساب مش مضمون وممكن يطير في أي وقت. 2- لو هتشترك بشكل مباشر مع ادوبي، ممكن تعمل حساب طلبة عادي، بس الأضمن انه يكون اشتراك عادي، وتعمل حسابك ان الاكونت ده يبقى شخصي ليك ومتشاركهوش مع حد تاني حتى لو بيشتغل على جهازين، بأي حال اشتراك الطلبة عامل 500 جنيه في الشهر واشتراك الافراد ب 1500، واحنا بقينا بندفع الارقام دي عادي في ادوات الذكاء الاصطناعي فمتستخسرهاش في ادوبي. *️⃣ ده لو هتشترك بشكل شرعي، لو عاوز بقى بشكل غير شرعي شوف حد يفتيلك الفتوة دي انا مليش دعوة. وفي النهاية اتمنى ربنا يرزقنا ونشتري جاموستين ونبعد كلنا عن الشغلانة الفقر دي ❤️

اجيب كرسي كويس منين؟

أخيرًا لقيت الماوس باد اللي على شكل سجادة أمي وأمك وأمة لا إله إلا الله! 😂 بصراحة شكلها مختلف جدًا وبتدي لمسة حلوة ومميزة للسيتب، ومقاسها حوالي 73×35 سم. كان نفسي ألاقي منها مقاس أكبر شوية، 90×40 مثلًا، بس للأسف مش متوفر. عمومًا بسعر 171 جنيه، شايف إنها ممتازة جدًا وبتقضي الغرض وزيادة. https://link.amazon/B0fNVIVWJ ودي اللون الفاتح منها: https://link.amazon/B03pEOteh ولقيت نفس المنتج متوفر برضه على موقع عرب هاردوير بس للأسف بـ280 جنيه: https://ahw.store/products/bohemian-large-gaming-mouse-pad-31-5x11-8

بالمناسبة أنا اشتريت الـFitbit Air من صديق القناة حسام، من فترة أنا نزلت سؤال هنا على التليجرام اني بدور عليها من فترة وللأسف كل التجار بيبيعوها بضعف السعر! حسام عرفني على الستور بتاعه VENZO Store ووفرهالي يأحسن سعر في مصر. والجميل ڤينزو ستور يقدر يوفرلك اي منتج انت محتاج تشتريه من برا مصر، فبالنسبالي ده لقطة، وقريب هتشوفوا مراجعات لمنتجات كتير كنت عاوز اجيبها ومش عارف بسبب انها مش بتتباع فمصر🫡

وأخيرًا… وبعد طول انتظار، ألفيت بيت Air وصلت! حرفيًا بقالي حوالي شهرين بدور عليها ومستنيها تنزل مصر بسعر منطقي، وأول ما وصلت جبتها على طول. كشخص طبيعة شغله مكتبيه ومفيهاش حركة كتير ، كنت محتاج جهاز يتابع صحتي. وطبعًا أغلب الساعات الذكية بتعمل ده، لكن بالنسبة لي كان فيها 3 مشاكل أساسية. 1️⃣أول حاجة: الاستايل. بمجرد ما تلبس سمارت واتش، بتبقى ملتزم بشكل معين. ولو بتحب الساعات الكلاسيك، هتفتقد الإحساس ده. آه، ممكن تركب ستراب جلد او ميتال ويبقى شكلها أحسن شوية، لكن صدقني… مش هتبقى نفس إحساس الساعة الكلاسيك. واسأل مجرب. 2️⃣ تاني حاجة: التشتت. إحنا أصلًا بقينا عايشين وسط شاشات طول اليوم… موبايل، لابتوب، وتلفزيون. فآخر حاجة محتاجها إن الساعة كمان تفضل ترميلي إشعارات كل شوية. وده من أكتر الحاجات اللي عجبتني في ألفيت بيت Air. لأنها من غير شاشة أصلًا، فمفيش إشعارات تشتتك، وكمان مش هتفضل قلقان عليها من أي خبطة أو خربوش، لأن مفيش شاشة تتكسر أو تتخدش. 3️⃣تالت حاجة: البطارية. معظم الساعات الذكية زي Apple Watch وGalaxy Watch بطاريتها بتقعد يومين أو تلاتة بالكتير، فبتلاقي نفسك داخل في دوامة الشحن كل شوية، ودي حاجة مرهقة جدًا. وده اللي شدني في ألفيت بيت Air. هي عبارة عن ستراب خفيف جدًا، بطاريته بتوصل لحوالي 7 أيام، ومن غير أي اشتراك سنوي بيبدأ من 200$ زي Whoop، وبسعر أقل بكتير. وزي ما أنتم شايفين، أنا مستنتش… لبستها على طول، لأنها محتاجة حوالي 7 أيام تعمل Calibration، وتتعلم بيانات جسمك، وبعدها تبدأ تديك قراءات أدق. فاستنوا الريفيو الكامل بعد ما الأسبوع يخلص، وساعتها هقولكم كل اللي عجبني، وكل اللي معجبنيش.

ده انضف وأقيم كاتر أنا استعملته في حياتي! الكاتر مصنوع بالكامل من الاستانليس ستيل، ووزنه حوالي 120 جرام مش خفيف خالص، Foldable تقدر تتنيه وتحطه في جيبك. هيبقى مفيد جدًا لو بتعمل Unboxing كتير، او بتحب تقتنى الحاجات عالية الجودة زي حالاتي😁 الكاتر سعره ١٢١ جنيه، تقدر تشتريه من اللينك ده: https://link.amazon/B0fq1wEy7 وخلي بالك ان مش بييجي معاه شفرات، هتضطر تشتريها لوحدها.

اكيد كلنا حسينا بالزلزال الي حصل من شوية، لو معاك أندرويد فالموبايل جابلك تحذير قبلها بكام ثانية صح؟ دي فرصة حلوة نشرح ازاي الموبايل بقدر يتنبأ بالزلازل، في الحقيقة مفيش حاجة فعليًا اسمها تنبأ بالزلازل حتى الان، الي جالك على الموبايل ده اسمه إنذار مبكر بالزلزال او Earthquake Early Warning وبيحصل كالاتي: *️⃣الزلزال بيكون بدأ بالفعل تحت الأرض. *️⃣ موبايلاتنا فيها أجهزة استشعار بتلقط أول موجات حصلت في الزلزال *️⃣سيرفرات جوجل بتجمع البيانات دي من الموبايلات وبتحسب مكان الزلزال وقوته خلال أجزاء من الثانية. *️⃣بعدها بيبعت تحذير للمناطق الأبعد قبل وصول الموجات الأقوى. ولأن إشارات الإنترنت والاتصالات بتبقى اسرع من انتقال الموجات الزلزالية في الأرض، ممكن يوصلك التحذير قبل الاهتزاز القوي بكام ثانية او في حالتنا كانت دقيقة. الخلاصة الموبايل متوقعش الزلزال، هو بس رصد بدايته في مكان تاني وحذرك قبل ما الموجات توصلك عشان تحتمي تحت السفرة او تبعد اي زجاج.

اول مرة احس بزلزال بالقوة دي، يارب احفظنا

من فترة بدأت تظهر أخبار عن نية أوبر الاستحواذ على شركة Delivery Hero، ومؤخرًا أعلنت أوبر رسميًا عن عرض استحواذ بقيمة 14.8 مليار دولار. لو متعرفش Delivery Hero فهي شركة المانية وتعتبر وحش في خدمات توصيل الطعام بتملك شركات زي talabat و Glovo الي كانت في مصر وخرجت من فترة وكمان HungerStation ومؤخرًا InstaShop وغيرهم كتير. الصفقة هتتم بمبلغ 14.8 مليار دولار، ولو حصلت اوبر هتكون بتمتلك كل الشركات دي. المثير للاهتمام Uber عندها خدمة توصيل طعام خاصة بيها اسمها Uber Eats لكن فشلت في مصر وخرجت من كام سنة، وعشان كده، مش مستبعد إن أوبر ترجع تنافس في مصر مرة تانية، لكن المرة دي بشكل غير مباشر من خلال طلبات بدل ما ترجع باسم Uber Eats.

سؤال شخصي عشان دايخ بقالي فترة حد يعرف اجيب Fitbit Air منين في مصر بسعر منطقي؟

أسلوب حياتي بيخليني أشتغل من أماكن مختلفة طول الوقت، كافيهات، دكاترة، ورك سبيسز، واحيانًا مواصلات، واكيد ناس كتيرة كدا مش انا لوحدي. وده بيخليني افتح واتساب ويب كتير، وكعادتنا كشعب مصري اصيل دايمًا هتلاقي واحد راشق عينه في الواتساب بتاعي وبيقرأ معايا الشات. الإضافة دي بتعمل Blur لمحتوى WhatsApp Web كله، وأول ما تقف بالماوس على أي شات، الـ Blur بيتشال تلقائيًا، فتقدر تقرأ أو ترد براحتك من غير ما أي حد جنبك يبقى شايف كل حاجة. والجميل فيها هو كم التخصيص الي ممكن تعمله، ممكن تختار ان البلور يكون على صور البروفايل بتاعت صحابك، او مثلًا يكون على اسماء الشاتش، او حتى تخلي البلور على اخر رسالة وصلتلك، وممكن تخليه على الصور جوا الشات. كل ده تقدر تخصصه من خلال الاعدادات بتاعت الاكستنشن، وتخلي الاضافة تشتغل بس لما تدوس Alt+X وتطفي من خلال نفس الشورت كات. تقدر تحمل الاكستنشن من خلال اللينك الي في اول كومنت، بتشتغل على أي متصفح مبني على Chromium، زي Google Chrome وMicrosoft Edge وArc وأغلب المتصفحات المشابهة. تقدر تحمل الاضافة من اللينك المباشر ده: https://shorturl.at/ZXZ7R

ما انت هتنضف يعني هتنضف!

هل هي هواية جديدة ممكن ترجع الشغف تاني ؟

حقيقي مش فاهم ليه ميتا مصرة تشوه فيسبوك بكل ما تملك، دلوقتي بيزقوا ان الـReels تكون الاساس في فيسبوك، ولما تفتح الابلكيشن يفتح على الريلز بدل ما كان بيفتح على الـFeed الي فيه البوستات. حاليًا ممكن تغير ده في الاعدادات وتفضل على الشكل التقليدي، بس الله اعلم بعدين ممكن يشيلوا الاختيار ده، وغصب عنك تفتح على الريلز. مش فاهم ايه الاستماتة في نسخ تطبيق TikTok بالشكل الفظيع ده، طب انت قلبت انستجرام وخليته نسخه من تيكتوك بالفعل، ليه بتعمل كدا مع فيسبوك برضه، ايه الفكرة ان يكون عندك تطبيقين شبه بعض باختلاف المسميات!

موقع Freepik بكل هدوء عمل Rebranding وبقى اسمه Magnific. فريبيك في سنة 2024 استحوذت على شركة ناشئة اسمها ماجنيفيك متخصصة في الـ Upscaling الخاص بالصور، ودمجت الأداة في وسط خدماتها. الغريب ان بعد سنتين انهم يتخلوا عن الاسم ده وسحبوا لاسم الأداة الي اشتروها، مع ان العكس هو الي دارج. الريبراندينج ده كان ضروري عشان يخلع نفسه من عباءة موقع الستوكات ويبقى موقع لأدوات الذكاء الاصطناعي. حتى الان مفيش اي تغييرات كبيرة، مجرد تغيير في الشعار والهوية البصرية، ولو روحت لدومين Freepik.com هتلاقيه بيحولك لـ Magnific.com

ريبراندينج جديد لـ Gmail كل ما تعطل اديها واحدة جريدينت 🫡

ابتداءًا من اليوم هيتم تفعيل التوقيت الصيفي في مصر. 🚨 وده معناه ان النهاردة الخميس لما الساعة تبقى 12:00 بالليل لازم ناخد كل ساعات البيت ونظبطها تبقى 1:00 بإختصار الوقت هيتقدم ساعة، بالمناسبة كدا بقينا ماشيين مع توقيت السعودية مش زي الأول بدري ساعة عشان لو حد شغال مع شركات سعودية ياخد باله. بالتالي مواعيد الصلاة اختلفت عن الي احنا متعودين عليه، ودي مواعيد الصلاة الجديدة بعد تفعيل التوقيت الصيفي. هنفضل ماشيين بالتوقيت الصيفي لمدة 6 شهور تقريبًا وهنرجع للتوقيت الجميل بتاعنا في آخر يوم خميس من شهر اكتوبر.

هدية مني ليكم تفعيل ويندوز 11 صالح لـ 20 الف جهاز 🎁 QTYNM-3R4QT-X297V-XQ4M6-VCFDB