Tech Xtream

كل نماذج شركة Anthropic القادمة هتخفي علامات مائية غير مرئية في كل النصوص المولدة المولدة بنموذج Claude والعلامات دي هتكون جزء من النص ويمكن التعرف عليها آليا، وهتكون جزء من النص حتى لو تم نسخه ولصقه. ازاي علامة مائية على نص؟ الفكرة ببساطة إن الحيتان الكبار كلهم (أنثروبيك، وجوجل، وأوبن إيه آي) شغالين بنظام اسمه KGW. الذكاء الاصطناعي وهو بيكتبلك، بيبقوا مبرمجينه بمفتاح سري يخليه ينقي كلمات معينة من قاموس اللغة ويطنش غيرها. فلما يجوا يفحصوا النص بعدين، يلاقوا الكلمات المحددة دي متكررة بنسبة مش طبيعية، فيعرفوا على طول إن الكلام ده خارج من عندهم. في البرمجة ما يقدروش يلعبوا في الأوامر عشان الكود ما يبوظش، فيضطروا يحطوا العلامة في أسماء المتغيرات وبس. في النصوص القصيرة النظام بيفشل إنه يكتشف حاجة. طبعا لو المفتاح السري بتاعهم ده اتسرب، النظام كله يصبح بلا قيمة وهيحتاجوا يبدأوا من الأول وجديد.

الفيديو ده معمول بالذكاء الاصطناعي.. لكن الجديد إن دي بقت جودة الفيديوهات المعمولة بالـ AI على هاردوير عادي. بعد إطلاق نموذج توليد المحتوى المرئي MiniMax H3، وبفضل إنه مفتوح المصدر والأوزان، مطورين كتير بدأوا يحاولوا يعدلوا على النموذج ويضغطوه بحيث يكون قابل للتشغيل على هاردوير المستخدم العادي.. لدرجة إن أصبح قابل للاستخدام على جهاز بكارت رسوميات برام 8 جيجابايت فقط (VRAM). النموذج بياخد تعمليات التوليد النصية أو إطار أولي يبدأ بيه الفيديو وهو بيكمل حسب التعليمات وبيولد فيديو وصوت زي الفيديو ده!

يا شباب محتاج منكم مساعدة.. لو سبق واستخدمت أي منصة بتقدم خدمة بنكية أونلاين زي بايونير أو Wise أو RedotPay محتاج منكم تجاوبوا على الاستبيان ده.. مش هياخد من وقتكم 3 دقايق ❤️ https://forms.gle/WEQdUv5iU7y2Bdky6

المحامي الفرنسي Juan Branco أحد المحامين اللي بيمثلوا ضحايا الشعب الفلسطيني أمام المحكمة الجنائية الدولية نشر على حساب فيديو نتيجة محاولة اختراق الموساد لأجهزته الشخصية، ولكن يبدو إن حصل خلل أثناء الاختراق وبدلا من سحب بيانات من جهاز المحامي تم إرسال بيانات منها جهات اتصال تم التحقق منها لساسة وقادة استخبارات وقضاة، بالإضافة لشخصيات عامة زي إيلون ماسك وسام ألتمان!

أنا الوحيد في مصر تقريبا اللي مطلعش عندي خطوط أورانج..

حقت الصين إنجازًا تاريخيًا بنجاحها في استعادة المرحلة الأولى من الصاروخ الناقل "Long March 10B" وهبوطها رأسيًا على منصة عائمة بعد إطلاقه من جزيرة هاينان، إلى جانب نشر قمر صناعي بنجاح في المدار. يقرب هذا النجاح الصين من مضاهاة قدرات الشركات الأمريكية الرائدة في تكنولوجيا الصواريخ القابلة لإعادة الاستخدام مثل SpaceX وBlue Origin.

روسيا تتهم مؤسس تطبيق تيليجرام، الروسي بافيل دوروف، بتسهيل أنشطة إرهابية وتصدر مذكرة توقيف دولية بحقه. وجهت روسيا اتهامات إلى مؤسس تطبيق تيليجرام، بافيل دوروف، بتسهيل الإرهاب على خلفية مزاعم استخدام تطبيق المراسلة للتجنيد من قبل أجهزة المخابرات الأوكرانية.

شركة OpenAI كانت بتختبر جودة نموذج الذكاء الاصطناعي الأحدث عندها في مجال الاختراق... الشركة وضعت النموذج داخل خادم مغلق بدون وصول إلى الإنترنت (sandboxed)، وأعطوه تحدي اختراق لحله. النموذج فشل في حل التحدي وكان محتاج معلومات إضافية، فبدأ في البحث عن طريقة للخروج من الخادم المغلق. النموذج نجح في اكتشاف ثغرة غير مكتشفة، واستخدمها للهروب من البيئة المعزولة بتاعته والوصول إلى الإنترنت. بمجرد الاتصال بالإنترنت النموذج اكتشف منصة Hugging Face، وهي منصة بتخزن فيها شركات الذكاء الاصطناعي نماذجها وبياناتها، ودي حاجة مثالية للنموذج عشان يلاقي حل تحدي الاختراق! النموذج قدر يكتشف معلومات دخول للمنصة مسروقة، وقدر يكتشف ثغرة في برمجيات Hugging Face. واستخدم المعلومتين لاختراق المنصة وسرقة إجابات لحل التحدي. فريق Hugging Face قدر يكتشف الاختراق، لكنه فشل في التعامل معاه بسبب قيود نماذج الذكاء الاصطناعي الأمريكية اللي محظور عليها النوع ده من الاستخدام، واضطر فريق الموقع للاعتماد على النموذج الصيني مفتوح المصدر GLM 5.2! كوارث كتيرة يمكن التنبؤ بيها من اللي حصل ده!

عاجل من كوكب الذكاء الاصطناعي.. الصينيين مابيهزروش! 🇨🇳🔥 شركة Moonshot AI تطلق نموذجها الأسطوري الجديد Kimi K3! خناقة الذكاء الاصطناعي ولعت رسمي، والصين داخلة بتقلها! شركة Moonshot AI لسه معلنة عن الموديل الجديد بتاعها Kimi K3، واللي جاي يقلب الطاولة على الكبار بمواصفات مرعبة ومفاجأة مكنش حد يتوقعها. إليكم تفاصيل الوحش الصيني الجديد: 1️⃣ المركز الثالث عالميًا من أول مرة! 🥉 الموديل لسه نازل وطار فوراً للمركز الثالث في منصة التقييم الشهيرة Artificial Analysis، وجاي ورا "Claude Fable 5" و"GPT-5.6 Sol" علطول. الغريب بقى إنه في اختبارات تطوير الويب والـ Front-end على منصة Arena ai اكتسح الكل ووصل للقمة! 2️⃣ حجم مرعب وقدرات جبارة (2.8 تريليون معلمة)! 🧠 إحنا بنتكلم عن نموذج استدلال متعدد الوسائط (Multimodal Reasoning) بحجم ضخم بيوصل لـ 2.8 تريليون باراميتر. يعني مش بس بيفهم نصوص، ده وحش في تحليل الصور، الأكواد المعقدة، وحل المشاكل التقنية الصعبة. 3️⃣ ذاكرة ضخمة (مليون توكن)! 📊 الـ Context Window أو سياق الكلمات بيوصل لـ 1 مليون توكن. يعني تقدر ترفعله مشروع برمجيات كامل، أو كتاب ضخم، أو داتا معقدة، وهيحللها ويفصصها في ثواني من غير ما ينسى حرف واحد. 4️⃣ مفتوح المصدر للجميع (الضربة القاضية)! 🔓 على عكس الشركات الأمريكية اللي بتخبي الموديلات القوية ورا اشتراكات غالية، شركة Moonshot أعلنت إن Kimi K3 هيكون مفتوح المصدر بالكامل (Open-Weight)، والأوزان والتقرير التقني بتاعه هينزلوا رسمياً يوم 27 يوليو الجاري عشان أي مطور في العالم يستخدمه ويبني عليه! 5️⃣ مهندس برمجيات و باحث عبقري في نفس الوقت! 💻 الموديل ده متفوق جداً في الـ Long-horizon agentic workflows، يعني تقدر تشغله كـوكيل ذكاء اصطناعي مستقل يدير مشاريع برمجية كاملة، يكتشف الأخطاء (Debugging) ويصلحها، ويعمل تجارب برمجية متطورة بكفاءة واستهلاك طاقة أقل بفضل بنية الذكاء الاصطناعي الجديدة اللي شغال بيها. المليارية الصينية الصاعدة: الشركة دي مدعومة من حيتان التكنولوجيا زي "علي بابا" و"تينسنت"، وتقارير بلومبرج بتقول إنها بتدور حالياً على تمويل جديد بقيمة 2 مليار دولار عشان تقييمها يوصل لـ 30 مليار دولار! شاركونا في الكومنتات.. تفتكروا الصين هتكسب حرب الذكاء الاصطناعي قريب وتكتسح الشركات الأمريكية؟ 🤔👇 تكلفة استخدام النموذج ده أقل بحوالي 8 مرات من تكلفة النموذج الأمريكي الأقوى حاليا Fable 5! https://www.kimi.com/blog/kimi-k3

دومين تليجرام t.me توقف عن العمل من ساعات وتم إيقافه من المسجل الرسمي لدومينات .me (دولة مونتينجرو) والدومين اتحذف من سجل الـ DNS العالمي! لينكات التليجرام حاليا متوقفة عن العمل!

المصريين عاملين حملة أغضبني على حساب "والد" حكم ماتش مصر والأرجنتين والراجل طالع يقولهم ده مش ابني..

المصريين عاملين حملة أغضبني على حساب "والد" حكم ماتش مصر والأرجنتين والراجل طالع يقولهم ده مش ابني..

الفيديو ده في تجربتي لبنك Grey بعد سنة من الاستخدام: ▪️ البنك ده أفضل من وايز ▪️مناسب للناس اللي بتشتغل أون لاين والفريلانسرز ▪️بتفتح حسابات بنكية بأكتر من عملة ▪️تقدر تعمل بطاقات افتراضية زي ما تحب ▪️قريبا هيكون متاح إصدار بطاقة بلاستيكية ▪️البطاقة بتاعتهم من نوع فيزا بتدعم Apple Pay & Google Pay ▪️بيدعم الكريبتو ودي ميزة مهمة جدا لو بتستخدم خدمات P2P https://youtu.be/asshzxAImNs

واتساب أخيرا يطلق ميزة "اسم المستخدم" اللي بتسمح لك بتعيين اسم مستخدم لحسابك ومشاركته بدون حاجة لمشاركة رقم موبايلك الشخصي. الميزة دي موجودة على تليجرام من 2014 😑

عميل لبنك CIB بيشتكي إنه اتسحب من حسابه 600 ألف جنيه لحساب آخر داخل البنك، فالمدير التنفيذي للبنك بيرد عليه يقوله انت ضغطت على لينك نصب واتسرقت نعملك إيه بقى!

ثنائي مصري يطلق منتج جديد في عالم الأمن السيبراني وحماية التطبيقات! 🔒📱 مباشرةً من حاضنة الأعمال العالمية الشهيرة Y Combinator، أعلنت شركة RASPIRE عن حلّ مبتكر لحماية تطبيقات الموبايل وبسرعة فائقة تواكب عصر الذكاء الاصطناعي! 💻✨ المميز في هذه الشركة أنها تأسست على يد ثنائي مصري محترف في مجال الأمن الهجومي (Offensive Security) وهما: كريم سليم (الرئيس التنفيذي) وحسن مصطفى (الرئيس التقني). بعد سنوات قضياها في اختراق وفحص ثغرات تطبيقات البنوك والشركات الكبرى، قررا بناء منصة دفاعية انطلاقاً من قاعدة "مخترقون يبنون أمنًا لحمايتك من المخترقين". 😉🛡 💡 ما هي RASPIRE وما المشكلة التي تحلها؟ في الوقت الحالي، أصبح بناء التطبيقات أسهل وأسرع، ولكن تأمينها لا يزال معقداً ويستغرق أشهراً ويتطلب دمج حزم برمجية (SDKs) وتعديلات معقدة على الكود. هنا يأتي دور RASPIRE؛ فهي توفر طبقة حماية برمجية ذكية وتلقائية لتطبيقات Android و iOS دون الحاجة لكتابة سطر برمجيات واحد أو دمج SDK أو تغيير في الكود!

شركة جوجل وافقت على دفع 135 مليون دولار تعويضات لمستخدمي نظام الأندرويد الشركة قررت تسوية قضية على خلفية قيامها بجمع بيانات من هواتف المستخدمين بدون إذنهم وإرسالها لخوادمها باستهلاك باقات الإنترنت الخاصة بالمستخدمين! عدد المستخدمين المؤهلين للتعويضات 100 مليون مستخدم، بنسبة 1 دولار و35 سنت لكل مستخدم 🙂

لحظة انفجار صاروخ New Glenn التابع لشركة بلو أوريجين المملوكة لمؤسس أمازون لجيف بيزوس أثناء اختبار أرضي مجدول يُعرف باسم الاختبار الناري الثابت في مركز كينيدي للفضاء بولاية فلوريدا. تسبب الانفجار في تدمير منصة الإطلاق بالكامل نتيجة كرة لهب ضخمة، واهتزت المنازل المحيطة بموقع الحدث، وظلت النيران مشتعلة لأكثر من ساعتين. كما شوهد توهج الانفجار على بعد مئات الأميال. الصاروخ يُفترض أن يحمل مركبات الهبوط القمرية Blue Moon المخصصة لنقل رواد الفضاء إلى سطح القمر ضمن مهمة أرتميس 4 (Artemis IV) المقررة في عام 2028.

أوروبا تبدأ أكبر تمرد مالي ضد Visa وMastercard! في خطوة تاريخية، أكثر من 130 مليون أوروبي هيبدأو تدريجيا استخدام نظام دفع جديد اسمه Wero بداية من 2026، واللي بيعتبر أول محاولة أوروبية حقيقية لبناء شبكة مدفوعات مستقلة بالكامل بعيدا عن الهيمنة الأمريكية في عالم البطاقات البنكية. إيه هو Wero؟ هو نظام دفع أوروبي تم تطويره بواسطة تحالف بنوك ضخم تحت اسم EPI (European Payments Initiative)، وبيهدف لتقديم خدمات تحويل الأموال والدفع الإلكتروني بشكل فوري وآمن داخل أوروبا، سواء بين الأشخاص أو أثناء الشراء من المتاجر والمواقع الإلكترونية. الميزة الأكبر؟ إن المعاملات هتتم بالكامل داخل البنية التحتية الأوروبية، بدون المرور عبر Visa أو Mastercard، وده معناه سيطرة أكبر على البيانات والرسوم والسياسات المالية. ليه أوروبا بتعمل كده؟ الاتحاد الأوروبي شايف إن اعتماده الكامل على شركات أمريكية في قطاع حساس زي المدفوعات الإلكترونية بقى خطر استراتيجي، خصوصا بعد الأزمات السياسية والاقتصادية الأخيرة. حاليًا أغلب عمليات الدفع في أوروبا بتمر عبر شركات أمريكية، وده بيخلي القارة معرضة لأي قرارات أو ضغوط خارجية. علشان كده أوروبا قررت تحقق: استقلال مالي أكبر حماية بيانات المواطنين تقليل رسوم المعاملات دعم التكنولوجيا والبنوك الأوروبية النظام الجديد هيشتغل إزاي؟ Wero هيبدأ الأول بخدمات التحويل الفوري بين الأشخاص عبر رقم الموبايل، وبعدها هيتوسع للدفع في المتاجر والشراء أونلاين، مع خطط مستقبلية إنه ينافس حتى المحافظ الرقمية زي Apple Pay وPayPal. الدول المشاركة بالفعل تشمل: فرنسا 🇫🇷 ألمانيا 🇩🇪 بلجيكا 🇧🇪 ودول أوروبية أخرى هتنضم تدريجيا. لكن هل الموضوع سهل؟ مش بالكامل. خبراء كتير شايفين إن التحدي الحقيقي مش التكنولوجيا… لكن تغيير عادات الناس. لأن Visa وMastercard عندهم ثقة وانتشار عالمي ضخم جدا، بالإضافة لتكاملهم مع كل البنوك والتطبيقات تقريبا. وفي نفس الوقت، بعض البنوك نفسها متخوفة من تكلفة التحول للنظام الجديد، أو من فشل المشروع لو المستخدمين ما اقتنعوش بيه. رغم كده، لو Wero نجح فعلا، أوروبا ممكن تدخل عصر جديد من السيادة المالية الرقمية، ويبقى عندها لأول مرة نظام دفع موحد ينافس الهيمنة الأمريكية بشكل مباشر. غير كدة الاتحاد الأوروبي بيدرس إطلاق "اليورو الرقمي" بهدف تقليل الاعتماد على شركات أمريكية. الفكرة إن يبقى فيه عملة رقمية رسمية من البنك المركزي الأوروبي تشتغل أونلاين وأوفلاين، ومتوقع إنها تكون متاحة بحلول 2029. هل أوروبا فعلًا تقدر تكسر احتكار عمره عقود؟ ولا المستخدمين هيفضلوا متمسكين بـ Visa وMastercard؟