نُورِيَّات.

"إن البصير الحاذق يجعل من وحشة القلب التي تلمّ به، وإظلام الروح الذي يعتريه، وتشوش سبيل المعنى بين يديه = طريقًا للعودة إلى ربه، والأوبة إلى خالقه ومولاه، وهذه فضيلة الآلام الروحية". [معنى الحياة في العالم الحديث، عبد الله الوهيبي، ص434]

رؤي بِشر الحافي في المنام فقيل له: ماذا فعل الله بك ؟ قال: رفعني منازل في الجنة وأشرف بي على مقامات الأنبياء. قيل له: فماذا فعل أبو نصر التمار ؟ فقال: رُفع فوقي بسبعين درجة. قالوا: بماذا ؟ قد كنا نراك فوقه. قال: بصبره على بُنَيّاته والعيال.

الواحد يتعب أو يخسر شغله أو ولاده يمرضوا فيتقاله راجع ذنوبك ربنا بيعاقبك! لو الحسبة بتمشي بالمنطق ده كان الأنبياء والصالحين بقوا أكتر ناس مرتاحة ومابتشوفش أزمات لكن الواقع إنهم كانوا أشد الناس بلاء الدنيا دار اختبار مش مكان لتوزيع الجوايز أو العقاب الفوري الجملة بتاعت راجع ذنوبك دي بتعمل شرخ في نفسية أي حد بيمر بأزمة بتخليه بدل ما يطلب العون من ربنا يحس إنه مطرود من رحمته بيترجم ضيق الرزق أو المرض لرفض إلهي ولما الأزمة بتطول بيقتنع إن أبواب السما مقفولة في وشه والنتيجة جيل بيعبد ربنا بخوف مرضي وأي أزمة بتوقعه في اكتئاب! ا. خليل أمين

من الحاجات اللي النبي صلى الله عليه وسلم كان يبايع عليها أصحابه أنهم ميطلبوش من حد حاجة "وعلى ألا نسأل الناس شيئا" فكان الواحد منهم يبقى راكب الدابة بتاعته فالسوط أو العصا تقع منه ميقولش لحد: ناولني، ولكن يوقف الدابة وينزل يجيبها ويركب تاني. وكان النبي صلى الله عليه وسلم يقول: «المسائلَ كُدُوح (جروح وخدوش)، يَكْدحُ بِها الرَّجلُ وجهَه، فمن شاءَ كدحَ وجهَه، ومَن شاءَ ترَك» ويقول: «لو تعلمون ما في السؤال ما مَشَى أحدٌ إلى أحدٍ يسأله شيئا» فيا أخي: احفظ ماء وجهك وتعود ألا تطلب من أحد شيئا مهما كان يسيرا، متبقاش قاعد كل شوية: يا فلان هات لي معاك كذا، يا فلان معليش اعمل لي كذا، يا فلان وأنت رايح عدّي خدني في سكتك. طالما أن الله أغناك عن هذا فاستغن بالله، واعمل لنفسك كل حاجة. واتعود متطلبش من حد حاجة إلا الضرورة، ومتخليش لحد فضل عليك، ومتخليش حد كاسر عينك، والشخص اللي تكون ضامن أنه مهما حصل بينكم من خصومة ميقولش في يوم: أنا كنت بعملك كذا - أنت ناسي كذا، ولا يقول لحد: ده أنا اللي كنت بعمله وبسوي له ا. عمرو شاهين

لا يحتاج الرجل السيّد في بيته أن يقول باستمرار أنا سيد - أنا قوّام - أنت زوجة لا شريكة، أفعال السادة ومواقفهم تدل عليهم. اللي بيردد كتير ده تعرف أنه حاسس بالنقص وعاوز يثبت لنفسه أنه سيد وقوام ولو بالكلام. وكل واحد بيدندن على اللي ناقصه. وما سمعنا أن النبي صلى الله عليه وسلم كان إذا دخل بيتا من بيوت أزواجه قال لهن: ألا ترون إلى سيدكم - وهو سيد ولد آدم أجمعين - وقد دخل، قمن فأعددن الطعام.... إلخ. أو ينكر على إحداهن إن أشارت بمشورة أو سألت عن حادثة عامة فقال لها: هذا شأني أنا لا دخل لك، أنا صاحب البيت وصاحب الكلمة فيه. وينبغي أن يقال أيضا: إن نسوة النبي صلى الله عليه وسلم ونسوة الصحابة رضي الله عنهن أجمعين كن صالحات قانتات لله عارفات بحقوق الزوج ومنزلته، لا يسمعن لكل من هب ودب يحرّش بينهن وبين أزواجهن أو يخببنهن على أزواجهن كما نرى الآن. المرأة العاقلة تعرف من أين تأخذ النصيحة والمشورة إذا احتاجت. ا. عمرو شاهين

عمرك ما هتنظر للعاصي بنظرة شفقة غير لما تتحط مكانه وتتكسر بمعصية زيه ساعتها هيتمحي من قلبك التكبر بالطاعة ونظرة الاحتقار اللي بتنظرها لأصحاب المعاصي وهتفهم كويس إن المؤمن التقيّ النقيّ المفروض يَكره المعصية نفسها ويسعى في إنكارها وفي نفس الوقت يشفق على العاصي مش يكرهه أو يشتمه أو يعايره، وبعد ما تنتكس وتبقى زيه هتعرف إن التزامك ده ما كانش شطارة منك إنما كان بفضل الله عليك طبعًا مش بتكلم عن المُجاهرين بالمعاصي واللي في الضلال وفاكرين إنهم على حق لكن بتكلم عن اللي بيجاهد نفسه ووقع بس أنت عشان ربنا أنعم عليك بشوية التزام في جزء معين قررت كل ما تلاقي فرصة ذهبية تتنطط عليه.

ويحك يا فتىٰ! أنسيت تلك الليلة؟ حينَ كاد ينفطر قلبك؛ لشدّة حُزنك علىٰ ذنب فعلته.. والآن أصبحت لا تُبالي مهما فعلت من الذنوب بدأت تفقدُ نفسك "الملتزمة" أما تشتاق! أما تحنّ! ألا تريد أن يحبك اللّٰه! انهض رعاك اللّٰه.. لا تدري متىٰ تُؤخذ "الأمانة"! - عقبة أبو عامر

قال ﷺ: (ومَنْ سرَّتْهُ حَسنَتُهُ وسَاءَتْهُ سَيِّئَتُهُ فَهُوَ مُؤْمِنٌ) لا بد من العثرات.. المهم أن تؤلمك السيئة وتكدر خاطرك العثرة هذه علامة الإيمان وأن القلب ينبض بالحياة أعاذك الله من فقدان الألم بالخطيئة! - د. عبدالله بلقاسم

- مهم..

عندي مشكلة مع جملة "كل الرجالة كده" اللي بقيت بشوفها كتير تيجي واحدة تشتكي إن خطيبها "بخيل" تدخل واحدة تقولها "كل الرجالة كده" رغم إن فيه رجالة كريمة على أهل بيتها واللي يخصها عادي تيجي واحدة تشتكي إن خطيبها "بصّباص" أو بيتفرج على حاجات مش كويسة تدخل واحدة تقولها "كل الرجالة كده" رغم إن فيه رجالة بتغض بصرها ومحترمة برضو عادي تيجي واحدة تشتكي إن خطيبها مش بيهتم ومش بياخد باله من تصرفاته تدخل واحدة تقولها "كل الرجالة كده" رغم إن فيه رجالة جنتل، وجدعان وتصرفاتهم رجولية وعالية تيجي واحدة تشتكي إن خطيبها بيشتم وصوته عالي تدخل واحدة تقولها "كل الرجالة كده" رغم إن فيه رجالة مؤدبة ولسانها نظيف وهادئة عادي جدا تيجي واحدة تشتكي إن خطيبها جاف في التعامل وغليظ تدخل واحدة تقولها "كل الرجالة كده" رغم إن فيه رجالة لطيفة ورحيمة جدا تيجي واحدة تشتكي إن شريكها بيكلم بنات وبيهزر معاهم تيجي واحدة تقولها "كل الرجالة كده" -ما تصدقيش اللي تقولك كل الرجالة كده وتنصحك إنك تعدّي صفات مش كويسة وتقبلي وخلاص لا يا حبيبتي فيه رجالة جنتل ومتعلمين ونظاف ومتدينين وأخلاقهم عالية ورفيعة أنتي بس اللي ما قابلتيش شخص كده أو البيئة اللي أنتي عايشة فيها فرضت عليكي التعامل مع نوع معين مش أحسن حاجة فأرجوكم ما تقولوش للبنات جمل من نوعية "كل الرجالة كده" و"مافيش راجل كامل واقبلي واستحملي وعدّي وخلاص!" لا يا حبيبتي ما تقبليش ولا تعدّي وخلاص، فيه رجالة كريمة وحنونة ومكتملة الرجولة وإن كانوا قلة فده مش معناه إنك تقبلي بشخص قليل الدين والأخلاق! أوعي تتنازلي أبدا وتاخدي أي شخص والسلام بحجة إن "كل الرجالة كده" ولو مالقيتيش مكتمل الرجولة اللي يعززك ويحترمك فجلوسك عزباء أرحم من اللي هيقابلك بعد زواجك من شخص غليظ ومش محترم

إنه القرآن – موسم العَشر والذكر: حِكَ...

موسم الشَوق موسم التـرك موسم البَـذل المُؤمن يَقيس الأزمنة بمعايير مُختلفة •|| د _ أحمد عبدالمنعم

في أفضل أيام الدنيا .. وفي وقت تنزل الملك الجليل -عز وجل- لا يفوتك أن تقوم بركعتين وتدع الله بكل ما تتمناه في الدنيا والآخرة .. ولا تنس السحور ونية الصيام فيباعد ربك وجهك عن النار 70 خريفا

"ما زالَ سؤَال ابنِ الجوزيِّ يحتاجُ جوابََا: أتُريدُ أن تَدخُل الجَنَّة بِعَملِ أهلِ النَّار؟"

من أكثر المعلومات الصادمة اللي عرفتها في حياتي واللي ردعتني ردع تام اني أمد ايدي على ابني، يعني ممكن أقع في أي خطأ لكن مد الإيد بالنسبة لي كبيرة من الكبائر! هي اني قرأت دراسة اتعملت على مجموعة من الأطفال اللي تعرضوا لاعتداءات جنسية، ومجموعة أخرى من الأطفال اللي تعرضوا لعنف جسدي، وعملوا آشعة على المخ للمجموعتين. والنتيجة؟ مخ الطفل اللي اتعرض لعنف جسدي بيشتغل بنفس الطريقة اللي بيشتغل بيها مخ الطفل اللي اتعرض لاعتداء جنسي. يعني الأثر النفسي والعقلي اللي انت بتسيبه في ابنك لما بتربيه بالضرب لا يقل سوءًا عن اللي بيسيبه المتحرش والمغتصب في ضحيته. معلومة صادمة صح؟ هتحسس أهالي كتير بالذنب. بصراحة هو ده المطلوب.. وانا مش بتكلم عن ام انفعلت مرة وغلطت وبتحاول تصلح غلطها بتكلم عن العيال اللي بتتربى بالضرب اللي بيتضربوا باستمرار الأخطاء العابرة مش صعب تصليحها لكن الاستمرار في العنف بيسيب أثر نفسي صعب جدًا ا. منة بارح

..

- لولا السنتين لهلك زفر!