بَاحَة الأَثَر

لا تَستَسلِم لِطبائِع السُّوء فِيك، فإنَّه ليس أحدٌ مِن النَّاس إلا وفِيه مِن كُل طَبيعة سُوء غَريزة، وإنَّما التَّفاضل بين النَّاس، في مُغالبة طَبائع السُّوء - ‏ابن المُقَفّع.

(ومن يتق الله) ١. يجعل له مخرجًا. ٢. يجعل له من أمره يُسرًا. ٣. يُكّفر عنه سيئاته ويُعظم له أجرًا.

"اذا عز أخوك فهن" خاطر الحبايب ♥️

"تعلم واجتهد وثابر، لا لتبهر الآخرين، بل لتكون إنسانا جيدا."

حاولوا تقسّموا دايرة علاقاتكم. وحقيقي دي من أكتر الحاجات اللي فرقت معايا فعلًا.. يعني إيه تقسّم دايرة علاقاتك؟ ببساطة؛ إنك متستناش إن كل احتياجاتك تلاقيها في شخص واحد، ولكن المهم هنا إنك تعرف كل شخص في حياتك إيه المساحة اللي يناسبها وإيه الإحتياج اللي تقدر تاخده منه.. فكرة إنك عايز أصحاب متفصلين على ذوقك وشبهك في كل حاجة، للأسف ده نادر جدًا. قليل أوي لما تلاقي شخص بيشاركك نفس المبادئ، ونفس الاهتمامات، ونفس طريقة التفكير في كل شيء ونفس الهوايات ونفس كل حاجة، يعني إحنا مش بندور على شخص نتجوزه، وحتى كمان اللي بتدور إنك تتجوزه هتلاقي إنه مش شبهك بالظبط لكن الغالب عليه إن تفكيركم وأهدافكم وطموحاتكم وهوايتكم زي بعض وهكذا، لكن نسبة إن ١٠٠٪ تلاقي شخص تتجوزه شبهك بالظبط دي نادرة أوي، إنت هتلاقي شبهك بنسبة ٦٠٪ مثلا أو ٨٠٪ مثلا وهكذا ف أنا هنا مش بتكلم عن مساحة الجواز، أنا بتكلم عن مساحة الأصدقاء والمعارف وهكذا لإن مساحة الجواز تختلف شوية.. فبدل ما ترفض الناس لأنهم مش شبهك، جرب تشوف إيه المشترك بينكم، وإيه الدور اللي يقدر كل واحد يضيفه في حياتك وإيه الإحتياج اللي يقدر يلبيه، بدل ما تسيب نفسك في دائرة الوحدة وتقعد تقول معنديش صحاب.. مثلًا.. عندي صديقة عاقلة، منصفة، ومرجعها الدين؛ دي اللي برجع لها لما أحتاج أستشير حد. عارفة إنها هتسمع، وهتقول رأيها بأدب، من غير إلقاء أحكام عليا، ومن غير كلام نابع من جهل، لكن عن فهم ووعي. وعندي صديقة تانية بعرف أفضفض لها، لأنها مستمعة كويسة، وبتخليني أتكلم وأنا مرتاحة. وفي صحاب مختلفين عني في حاجات كتير، لكن وجودهم جميل، وبننبسط مع بعض في الخروجات أو المناسبات، فدول أصحاب (fun time) وصديقة تالته بحفظ معاها القرآن، فدي شريكة رحلة الحفظ.. صديقة رابعة عارفة إن ذوقها حلو وقريب من ذوقي، فباخد رأيها في اللبس اللي هيجبه واللي هيليق عليا.. وصديقة بينا تشابه في المبادئ وطريقة التفكير، فدي اللي بنتشارك مع بعض اللي بنتعلمه، ونتناقش من غير ما حد يقلل من رأي التاني أو يحاول يفرض عليه رأيه. ودي صديقتي اللي بخرج معاها نتمشى وندردش مع بعضنا لإني بحب علاقتنا. وهكذا بقى على كل معارفك.. كل واحد يقدر يقسم علاقاته بالطريقة اللي تناسب احتياجاته.. النصيحة دي فعلا من الحاجات اللي اتعلمتها، وفرقت معايا بشكل كبير... الدنيا واسعة، فبلاش نضيقها على نفسنا ونشترط إن الصاحب لازم يكون نسخة مننا... دوّر على المشترك بينك وبينهم، بدل ما تبني أسوار لأنك لسه ملقيتش الشخص اللي شبهك في كل حاجة... وعادي جدا تلاقي في الشخص الواحد أكتر من مساحة مشتركة، لكن المهم يكون عندك وعي بطبيعة كل علاقة، وتعرف تدخل لكل شخص من الباب المناسب.. ومتروحش تناقش صديق في قضية أنت عارف من البداية إن مرجعيته مختلفة تمامًا عنك، بينما علاقتكم أصلًا قائمة على الصحبة اللطيفة أو الخروجات. كل علاقة لها مساحتها، ولما نفهم ده، بنرتاح أكتر وبنحافظ على علاقاتنا بشكل صحي.. وقبل كل دا لازم إنت من البداية أصلا تكون مصاحب نفسك وبتقضي وقت مع نفسك وبتستمتع مع نفسك...

🤍

اللهم إنا نسألك العفو والعافية في الدنيا والآخرة وفي ديننا ودنيانا وأهلنا ومالنا ءامين ءامين ...

"من أجمل الأشياء اللي ممكن الإنسان يتعلمها إنه يسمح لنفسه إنه يعيش التجربه كامله بكل ما فيها؛ بالنجاح، بالفشل، بالسعي، بالتأمل، بالطموح، بالسكينة."

"الإنسان روح وقلب، وعلاقات وذكريات، وتفاصيل صغيرة كتير هي اللي في النهاية بتكون حياته."

"أنا إنسان، أنا مش آلة، مش مشروع لازم يتم تحسينه طول الوقت ودراسة جدواه."

فيديو جميل! وفيه معاني جميلة ومهمة حقيقي. https://youtu.be/hsBDa-o3Ss8

اللهم صلي على سيدنا محمد صلاة العبد الحائر المُحتاج، الذي ضج من كل ضيق وحرج ولجأ إلى باب الكريم؛ ففتحت له أبواب الفرج.

"المعرفة تبدأ حين تتوقف عن جمع الأفكار، وتبدأ في اختبارها وتنفيذها". "المعرفة التي لا تغير سلوكا تظل زينة لغوية ليس إلا، ثم مع مرور الوقت تنساها." "أخطر أشكال الجهل، أن نستهلك المقالات والكتب والاقتباسات والمحاضرات كالجوعى، ثم لا تمنحنا فكرة واحدة الوقت الكافي لتغيرنا، أو تبقى في داخلنا بعد أن نغلق الصفحات"

"المعلومات التي تستهلكها ولا تغير سلوكك هي؛ مجرد معرفة إضافية، نحن لسنا بحاجة إلى المزيد من المقالات لنقرأها أو مزيد من المحاضرات لنسمعها ونخزنها. نحن بحاجة إلى صمت طويل نهضم فيه ما قرأناه وما تعلمناه ونجبر أنفسنا على تنفيذه وإدماجه مع عاداتنا."

"الانسب أفضل من الأفضل"

للمهتمين بالتعليم المرن، هتستمتعوا بالبودكاست دا.. [ https://youtu.be/GFZiLWbFT2A ]

الدنيا أوسع من تجربتك الدنيا أوسع من تجربتك الدنيا أوسع من تجربتك الدنيا أوسع من تجربتك الدنيا أوسع من تجربتك الدنيا أوسع من تجربتك الدنيا واسعة يا إنسان بالراحة على قلبك.