“Ammofos-Maxam” AJ | Rasmiy kanal

#Uzb35 #Mustaqillik35 Voleybol musobaqasi yakunlandi O‘zbekiston Respublikasi davlat mustaqilligining 35 yilligi munosabati bilan “Ammofos-Maxam” AJ Kasaba uyushma qo‘mitasi tomonidan xodimlar o‘rtasida tashkil etilgan voleybol musobaqasi o‘z yakuniga yetdi. Qizg‘in va murosasiz kechgan bahslar yakuniga ko‘ra: 1-o‘rin — IHQX jamoasi 2-o‘rin — TMS jamoasi 3-o‘rin — TQMS jamoasi “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram

“Ammofos-Maxam” AJda maxsus taktika o‘quv mashg‘uloti o‘tkazildi “Ammofos-Maxam” AJda kuchli ta’sir etuvchi zaharli moddalarning atrof-muhitga tarqalishi bilan bog‘liq avariya holatlarida xodimlarning to‘g‘ri va tezkor harakatlarini ta’minlashga qaratilgan maxsus taktika o‘quv mashg‘uloti bo‘lib o‘tdi. Mashg‘ulot davomida avariya holatini bartaraf etish, xavfli hududni muhofaza qilish, zaharli moddalar tarqalishining oldini olish hamda xodimlar o‘rtasida tezkor va muvofiqlashtirilgan harakatlarni tashkil etish bo‘yicha amaliy mashqlar bajarildi. “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram

#Uzb35 #Mustaqillik35 Milliy liboslarda — milliy qadriyatlar aks-sadosi “Ammofos-Maxam” AJning sex va bo‘limlarida faoliyat yuritayotgan xotin-qizlar Milliy liboslar kunini ko‘tarinki kayfiyatda qarshi oldilar. Ular o‘zbekona milliylik, nafislik va qadriyatlarni aks ettiruvchi liboslarda ish jarayonida ishtirok etib, xalqimizning boy urf-odat va an’analariga bo‘lgan yuksak hurmatini namoyon etdilar. Rang-barang milliy matolardan tikilgan bejirim liboslar korxona jamoasiga o‘zgacha fayz va ko‘tarinki ruh bag‘ishladi. “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram

#Uzb35 #Mustaqillik35 Mehnat ortidagi ibratli hayot Shahlo Rahmonova “Ammofos-Maxam” aksiyadorlik jamiyatida 39 yildan buyon mehnat qilib kelmoqda. Ayni paytda u Jamiyatning Mehnat muhofazasi boshqarmasi boshlig‘i lavozimida faoliyat yuritmoqda. U ko‘p yillik mehnat faoliyati davomida orttirgan tajribasi, mas’uliyatli yondashuvi va kasbiga sadoqati bilan jamoada munosib obro‘-e’tibor qozongan. Faoliyati davomida mehnat muhofazasi va xavfsiz mehnat sharoitlarini ta’minlash bilan bog‘liq vazifalarni mas’uliyat bilan bajarib kelmoqda. Shahlo Rahmonova Olmaliq shahridagi “Hilol” mahallasida istiqomat qiladi. U 3 nafar farzandning onasi, 9 nafar nabiraning buvisi. Ish faoliyati bilan bir qatorda, oilaviy yumushlar va hovli-tomorqa ishlariga ham e’tibor qaratadi. Xonadonida turli meva va sabzavotlarni yetishtirib, tomorqadan unumli foydalanib kelmoqda. “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram

#Uzb35 #Mustaqillik35 “Yoz-2026” mavsumi o‘z nihoyasiga yetdi “Ammofos-Maxam” AJ tasarrufidagi Chimyon bolalar sog‘lomlashtirish oromgohida “Yoz-2026” mavsumi yakunlandi. Bu yilgi yozgi sog‘lomlashtirish mavsumi 4 ta mavsumdan iborat bo‘lib, har bir mavsum davomida bolalarning mazmunli va maroqli hordiq chiqarishi uchun zarur sharoitlar yaratildi. Mavsumlar davomida sport musobaqalari, ijodiy va intellektual tanlovlar, madaniy-ma’rifiy tadbirlar hamda turli ko‘ngilochar dasturlar tashkil etildi. Bolalar yozgi ta’til kunlarini yangi do‘stlar orttirish, qiziqarli tadbirlarda ishtirok etish va unutilmas taassurotlar bilan o‘tkazdilar. Shu tariqa, “Yoz-2026”ning barcha 4 mavsumi muvaffaqiyatli yakunlandi. “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram

#Uzb35 #Mustaqillik35 “5 000 qadam” — sog‘lom hayot sari! O‘zbekiston Respublikasi davlat mustaqilligining 35 yilligi munosabati bilan “Ammofos-Maxam” AJning “Chimyon” bolalar sog‘lomlashtirish oromgohida ishchi-xodimlar ishtirokida “5 000 qadam” yurish tadbiri tashkil etildi. Tadbir sog‘lom turmush tarzini targ‘ib qilish, jismoniy faollikni oshirish hamda xodimlar o‘rtasida birdamlik va hamjihatlikni mustahkamlashga xizmat qildi. “Ammofos-Maxam” AJ Matbuot xizmati 📱veb-sayt 📱 Telegram 📱 📱Instagram